رواية بنات المنشاوي الجزء الثاني – الفصل الخامس والأربعون والأخير
آيه :لا مش تتويه في الكلام ياسيف ايوة كنت عايش معايا قصه حب خرافيه والكل كان بيتمني يعيش ربع حبنا دة وخلصت حكايتنا بخيانتك ليا وانا طلبت الطلاق وانت طلقتني وبعدها عملت الحادثه وانا جيتلك جري اول ماسمعت بال حصلك عرفت انا كنت مش واعيه لأي حاجه في حياتي ليه انا كنت بعيش اسوء ايامي في بعدي عنك كنت بموت في الثانيه الواحدة ألف مرة مكنتش بتروح من بالي لحظه واحدة عارف ليه .. علشان بحبك وادمنتك خلاص بقيت بتجري في دمي مش قادرة أكرهك برغم اني قلتهالك كتير وأفعالي يمكن تكون أكددتلك دة بس والله العظيم لسه بحبك انا بحبك اوي وندمانه علي كل لحظه شكيت فيها في حبك واخلاصك ليا انا بحبك ياسيف
نظر سيف امامه محاولا تجاهل خيوط الدموع الناعمه التي تنهمر علي خديها وهتف ببحه خفيفه:طالما كنتي لسه بتحبيني اطلقنا ليه
آيه : كنت مش شايفه الحقيقه كلها
سيف:والوقتي شوفتيها؟!
آيه: شفتها متأخر اوي ياسيف و كل شويه بكتشف اني كنت ظلماك اوي
سيف: والمفروض اني اسامحك لما ترجعلي الذاكرة ولا تكونيش عوزاني افضل كدة مش عارف حاجه وماشي ورا كلامك وحكياتك ال مبتخلصش
آيه بحدة:انت بتكلمني بالطريقه دى ليه انا آيه جنتك وعشقك حرام عليك
سيف :صوتك ميعلاش عليا فاااهمه
آيه برجاء:علشان خاطري ياسيف صدقني انا والله مبكدب عليك في اي كلمه احنا الاتنين اتظلمنا وحسين ولميس وقعو بينا وانا كنت ضحيه ذيي ذيك بالظبط وانا عرفت غلطي وبعتذرلك اهوة وطالبه منك تسامحني
سيف بأستنكار:اسامحك علي ايه وانا مش عارف اي حاجه؟!
تنهدت آيه بتعب قائله:طب روحني البيت وانا هحكيلك كل حاجه
أدار سيف محرك السيارة وانطلق عائدا للمنزل بينما هي تشعر بالضياع فكيف تخبرة ومن اين تبداء …..
___________________________
علي الهاتف 📱📱
زياد:يامساء البطاطا علي مراتي ال دايبه في حبي ذي الشيكولاته
هناء:مساء الورد علي عيونك الحلوين ياحبيبي
زياد:وحشاني اوي يابت يانؤة ونفسي اشوفك
هناء:متيجي نسهر سوا بكرة
زياد:نسهر بردو قولي تعالي أجلد ذاتك شويه انك خطبتني أحرق دمك من عاصم ومن عمايله ولا طير أخر برج من نفوخك علشان تلسع خالص يازياد
هناء بقهقهه:قلبك ابيض يازوزي مش كدة امال هاانت ياحبيبي
زياد:هاااااح مهو ال مصبرني انها هانت وهطلع البلا الأزرق عليكي
هناء :وانا مالي بقي يالمبي الله
زياد:دة انتي مالك ونص وتلاتربع بقي انا اققول لمهندس الديكور يعمل الحيطه مينت جرين تكلميه انتي وتعمليها ڤانيلا لاتيه
هناء:انا ال هقعد فيها وانت ضيف يازيزو دي مملكتي انا
زياد:طب والعفش ال اخترناه علي اساس اللون دة اعمل فيه ايه
هناء:لا متقلقش انا كنت عامله حسابي من بدري ومختارة ألوان العفش تليق مع الڤانيلا لاتيه
زياد:أنتي بتختاري حجات عجيبه يا هناء
هناء بثقه:مهو علشان كدة اختارتك ياحب 😂😘
زياد:بت.. اققفلي لأحسن والله العظيم هجيبك من قفاكي وتبقي انتي واخوكي وعم حاتم بتاع الستاير
هناء:ايه دة هو لحق يكلمك
زياد بغيظ:ايوة يختي كلمني وقالي ان الهانم ال هي حضرتك كلمتيه وعملتي شويه تعديلات علي الستاير لدرجه انه اتلغبط ياعيني انتي منك لله
هناء:الله بقي يازيزو مش شقه العمر يجدع لازم الواحد يمخمخلها بمزاج علشان تعجبك في الأخر
زياد:فكك من الحوارات دي كلها انا ميعجبنيش غيرك وأي حته هتكوني فيها هتبقي بالنسبالي جنه
هناء بفرحه:بس بقي اصل بؤحرج والله
زياد :بجد بتؤحرجي يانؤة
هناء:اي بالله يسطا
هناء:روحي شوفي مزاكرتك واياكي تكلميني تاني انا غلطان اني كلمتك اصلا أمال خطوبه ايه ال مليانه حب ورومانسيه دة انا لو خاطب حسن شكمان مش هيكلمني كدة
هناء بضحكه ناعمه:يالهوي همووووت
زياد:لا استني كدة الفرح هيبوظ ومش هلحق الاقي عروسه وانا ظبط كل حاجه
هناء:بقي كدة كل ال همك ان الفرح يبوظ
زياد:يرضيكي بعد المصاريف دى كلها والمرمطه ال اتمرمطها علشان اوصلك وتبقي بتاعتي وفي الأخر تسيبيني طب اهون عليكي يانؤنئتي
هناء:يووة بقي يازميلي بتدخلي من ثغراتي ياعم انت بقي وحاجه أخر روقان
زياد :روحي ناااامي
_______________________________
في غرفه آيه كانت تجلس بجوار سيف وتنظر له بتوتى ثم زفرت انفاسها بهدوء قائله:بص ياسيف قبل اي حاجه انا عيزاك تبقي متأكد أني بحبك قد عمري قد ال فات منه بحلوة معاك ومرة بعيد عنك واوعدك أني هعمل كل ال اققدر عليه علشان أحافظ علي حبنا وبتمني من كل قلبي انك تسامحني وننسي سوا كل ال فات ونبداء عمر جديد
سيف بأهتمام:هو ايه بقي ال فات
آيه:حياتنا كانت مليانه فرحه وسعادة وحب وعشق ملهوش أخر لحد مافي يوم جتلي رساله أنك بتخوني والرساله بقت رسايل كتيرة بتلميحات صعبه والمشكله انها كانت بتيجي في اوقات مظبوطه اوي
سيف:والرسايل تبقي سبب كافي يخليكي تطلبي الطلاق
آيه:بعد الرسايل بقي يجيلك ورد وجواة كرت مكتوب فيه كلام ليك وانك بتحب واحدة غيري والموضوع بقي يكبر ودايما كنت بلاقي حجات في هدومك تثبت انك كنت مع واحدة دة غير صور كانت بتتبعتلي ليك مع واحدة وفي النهايه انا شفتك بعنيا
سيف :شفتيني بعمل ايه؟
آيه :شفتك نايم جمبها في اوضه في اوتيل
سيف:انا مستحيل اعمل ال انتي بتقولي عليه دة انتي اكيد اتجننتي
آيه:لا متجننتش ياسيف انا شفتك بعنيا محدش حكالي ودة ال خلاني اطلب الطلاق
سيف:ومين لميس وحسين ال بتقولي وقعو بينا دول انا مش فاهم اي حاجه كلامك مش منطقي اصلا
آيه:أدي لنفسك فرصه واسمعني للأخر
سيف:اخلصي
آيه:لميس مهنا وحسين الجبالي
سيف بتصنع الدهشه: دكتورة لميس زميلتي؟ حسين أخو طارق صاحب عمري وخطيب أختي!!!
آيه:ايوة وطارق الوقتي يبقي جوز اختك مش خطيبها
سيف:أيه ال بتقوليه دة اتجوزها امتي واذاي ليان مسافرة اجازة عند خالتي
آيه:دي كدبه علشان تتقبل الاحداث تدريجي مش مرة واحدة بس طارق وليان اتجوزو وسافرو المانيا وفي ليله فرحهم أنت عملتلي احلي مفاجئه في حياتي كلها حجزتلي سويت بحاله ومليته ورد وشموع وجبتلي فستان فرح واتقدمتلي من اول وجديد وطلبت مني أكون ليك عمر جميل مينتهيش .. ثم اكملت وهي تنهض من مجلسها وتجثو علي ركبتيها امامه وتمسك بكفيه قائله:وانا بقيت ليك العمر الحلو ال مش هينتهي غير وانت راضي عني بعد سنين حب طويله لسه هنعيشها سوا أنتي جوزي وحبيبي وكل حاجه حلوة ليا أنا آيه ياسيف انا ملاكك وعشقك انا الصدفه الحلوة ال لونت حياتك بعد ماكانت فاضيه ملهاش اي معني أنا حبيبتك وام ابنك ال حلمت بيه سنين أرجوك فوق بقي من ال انت فيه فوق وشوفني بقلبك قبل عنيك وعاتبني ولومني وزعقلي حتي وسامحني وانا هستحمل وهرضي بأي حاجه تعملها والله مش هعاندك تاني ولا هشك فيك ابدا انا ندمانه ياسيف والله ندمانه انا أسفه أسفه اوووي
أنهي سيف كلماتها بقبله طبعها علي شفتيها أنساها باقي كلماتها ثم ابتعد عنها قليلا ومسح الدموع الناعمه التي بدأت بالتسلل من مقلتيها ثم هتف بنبرة مهزوزة :انا بردك لعصمتي وبرجعك ليا أنتي مراتي وحلالي وعشقي اللامنتهي
آيه بفرحه غامرة وشهقه مبحوحه:سسسيف انت افتكرتني صصصح صصح انت فاكرني ومش ناسيني صح ياسيف علشان خاطري ريحني
أمسك وجهها بكفيه ومال برأسه علي جبينها يطبع قبلة ناعمه ثم همس بأذنها:انا عمري منسيتك ولو قدرت واتناسيت قلبي عمرة مهيرضي ولا هيقبل يطلعك منه علشان أنتي ملكتيه وفرضتي سيطرتك عليه
نهض من مجلسه وهو يمسكها من كفيها بحنو وحاوطها بذراعيه يضمها لداخل أحضانه بشوق ولهفه بينما هي تبكي بفرحه وتضمه بقوة كمن أشتاقته لسنوات طويلة ليبقو علي حالهم لفترة ليبداء سيف بأفلاتها من بين اضلعه ويتأمل بزرقاوتيه ملامحها المنطفئه التي اشتاقها حد الجنون
سيف:هتفضلي طول عمرك مدوخاني معاكي
آيه بعتاب:هونت عليك ؟!
سيف وهو يزيح أحدي خصلات شعرها للخلف:عمرك متهوني وانا كنت ناويلك علي أكتر من كدة بس صعبتي عليا وقلبي بيتوجع علشانك ومقدرتش أكمل
ابتسمت بهدوء ليكمل هو:كنتي بتفكري في ايه وانتي راحه تتخطبي لواحد تاني غيري وسمحتيله يفكر فيكي كزوجه ليه ويمتلك حقوق بتاعتي انا وبس
ابتلعت مافي حلقها بغصه وهتفت:كنت …. كنت معميه بزعلي وقهرتي منك ومن ال عملته فيا ومكنتش واعيه لأي حاجه وفكرت أني كدة بعمل فيك ذي ماانت عملت ووجعتني
سيف:بس انا معملتش
آيه :حط نفسك مكاني لدقيقه واحدة ياسيف وانت هتعرف اني مش غلطانه انا واحدة حبت جوزها ال اعتبرته عوض ربنا ليها وفجأه شافته بعنيها مع واحدة تانيه كنا مستني مني ايه! طبيعي اني اعمل كل ال عملته وأكتر كمان
سيف وهو يمسك بيدها ويضغط عليها بقوة:مسك أيدك وقرب منك وانتي لسه علي زمتي
آيه:اااه براحه يا سيف
سيف:ال*** دة كان عايز ياخدك مني
آيه بتألم:سيف ايدي بتوجعني
سيف:أنا بقي قلبي ال وجعني رجولتي حرقتني وانتي بتفكري تكوني لغيري وكل ماتشوفيني تقوليلي بكرهك بكرهك كانك فرحانه انك بعدتي عني
آيه بدموع تلمع بزرقاوتيها:سييييف
أفلت سيف قبضته وحاوط خصرها بذراعيه وضمها نحوة هامسا:أنتي ليا ليوم مااموت وحطي في دماغك ان جوزك راجل فاهمه
آيه بتوتر:حاضر … فف فاهمه
سيف:بس علي فكرة الحجاب هياكل منك حته
آيه بأبتسامه خفيفه: كويس انه عجبك
سيف وهو ينظر لها بحب:انتي ال عجباني وربي
آيه:احم… طب اوعي كدة علشان بطني
سيف:تعرفي اني نفسي اوي احط ايدي علي بطنك واحس بيونس وهو بيتقلب وافضل أكلمه ويعرف صوتي
آيه بفرحه:هتسميه يونس
سيف:طالما ام يونس طلبت يبقي انا مقدرش ارفض طلبها
آيه:ربنا يخليك لقلبي
سيف:ويخليكي ليا يابنوتي
آيه براحه:ياااااه من زمان اوي محستش بالراحه ال انا حساها الوقتي دى
سيف: في حجات متتحسش ولا تتعاش غير في وجودنا مع بعض يابنت قلبي ذي مثلا الفرحه والراحه ال انا حاسس بيهم الوقتي
آيه:بحبك يا سيف
سيف:قلب السيف وعشقه اللامنتهي والله
🙈🙈🙈😍
في اليوم التالي في مكتب سيف ***
باهر:واخرتها معاك ايه؟
سيف:كل خير إنشاء الله
باهر:يابني انت هتجنني أنت اذاي اصلا ظابط الدنيا كدة ومش سايب فرصه للغلط
سيف:نق بقي خلي الحكايه تبوظ
باهر:طب هتفضل لحد امتي مخبي علي آيه انك معملتش حادثه ولا حاجه وان انا ال شلفط خلقتك دى
نظر له سيف بحدة أسكتته ثم عاود النظر للملف الموضوع امامه ليكمل باهر:ياعم متبقاش افوش اوي كدا انا قصدي يعني ان انت ال جيت طلبت مني اضربك في وشك علشان تبان كانك عامل حادثه
سيف وهو يكز علي اسنانه:وانت الشهادة لله مكدبتش خبر وخدتها فرصه
باهر بأنشكاح:الصراحه أه😂😂😂
سيف:غور من وشي ياباهر
باهر:اعملك ايه يعني ماالاخوات لبعضيها يارايق
سيف وهو يدلك عنقه:الاخوات في اجازة ياحنين
باهر:طب ناوي تقولها امتي بقي ولا لسه مقتنعتش دى زمانها ياعيني مستويه علي الأخر
سيف:ربنا يسهل
باهر:غتت وبالك طويل انا مش عارف والله انت اذاي جايبك قلبك تعاملها كأنك متعرفهاش ظبطتها اذاي دى يامفتري
سيف بضحكه رجوليه:دى حجات كبار ياشاطر لما تكبر هبقي اققولك
باهر:رخم
سيف:اخويا وحبيبي وشق الشقايق
باهر:منا لو هقضيها كلام معاك يبقي مش هلاحقك وانا محتاج صحتي انا رايح علي مكتبي قبل ماابوك يبعتلي وانا ورايا شغل متلتل
سيف:متقطعش الجوابات يابهورتي
باهر:اه منك انت ياسهون بس نفسي اعرف انت طول الحكايه ومطمن نفسك ان في حد من وسطنا هو ال ورا الحكايه ولميس ماشيه وراه
سيف : لميس عشرة سنين طويله ياباهر وكلامها ومواقفها البايخه ال كانت بتعملها مع آيه هي هي ال كانت بتعملها مع ريهام الله يرحمها وحظها ان الاتنين كانو بيدولها علي دماغها ودة أخرها في الصياعه يعني أنما كل ال حصلي اناوآيه كان تخطيط صعب اوي ومستحيل علي مستوي تفكير لميس اصلا ومن هنا اتأكدت ان في حد تاني ال ورا الحكايه كلها ولميس مجرد عروسه لعبه بيحركها علشان يبان في الصورة لكن مين الحد دة مكنتش قادر اعرف ودماغي كانت بتتفرتك من التفكير وأول ماالكلب دة ظهر في الصورة ظنوني طلعت في محلها
باهر : رياسه ياحديدي والله
دلف باهر لخارج المكتب بينما امسك سيف بهاتفه وأجري اتصالا
سيف:الوو
فارس:الوو … كيفك ياسيف
سيف وهو يلتف بكرسي مكتبه وينظر للحائط الزجاجي خلفه:بأحسن حال الحمد لله اذيك انت والجماعه كلهم
فارس:بخير نحمدو ربنا كيفها آيه دلوك طمني عليها دعاء اتوحشتها چوي
سيف:خلاص خليها تيجي تشوفها
فارس:وة رديتها عاد؟
سيف بأبتسامه:ايوة رديتها امبارح
فارس:يوم الهنا والمنا صباحيه مباركه ياعريس
سيف:الله يبارك في عمرك يافارس
فارس:ربنا يهديها ويباعد عنيكم ولاد الحرام اهيدى الأخبار الزينه صوح
سيف:مستنيك تنورني في اققرب فرصه
فارس:طب بچول ايه متاچي انت وهي وعاصم وورد ونتچمع كلياتنا سوا اديلنا كام شهر محرومين من لمتنا دى چلت ايه؟!
سيف:والله هي فكرة جميله بس انت عارف ان آيه مبترتاحش عندكو ومش حابب اضغط عليها
فارس:لا متعتلش عم واصل هي وأبوي بچو كيف السمنه علي العسل چيبها وتعال طوالي وبعنيك تشوف العچب كله اهنيه
سيف بدهشه : بجد! آيه وعمي حسان اتصالحو ؟ دة امتي دة
فارس:لاه ميتي دى عحكيلك واحنا بناكل الفطير المشلتت السخن ال عتحبه حدانا
سيف :انت بتغريني وانا بضعف بصراحه
فارس:تأنس وتنور ياولد الاصول أني مطمن علي خيتي وهي في حمايتك ربنا يعزك ويرضي عنيك ياسيف
______________________________
كانت تجلس ورد بأستمتاع تشاهد التلفاز وتتناول الفشار برفقه عاصم
ورد:انا هقوم اعمل كمان شويه فشار تحب اجبلك حاجه معايا ياقلبي
عاصم :هاتيلي وردتي بتضحك وفرحانه وبس
ورد:وردتك ضحكتها مبتفارقهاش طول منتا قدام عنيها
عاصم:امممم طب وعلي كدة بتبقي عامله ايه وانا في الشغل طول اليوم
ورد:بتبقي مكشرة وزعلانه خالص
عاصم:ياخبر
ورد وهي تهز راسها ايجابا:امم شفت بقي
عاصم وهو يقترب منها:ايوة شفت ويابوووي علي ال شفته
ورد بدلال: عاصم بقي
عاصم:ايوة بقي
ورد:شكلك وحشك جو البلد
عاصم غامزا:وحشني اوضه ورد ال في البلد عرفاهه دى
ورد:احم.. عيب بقي الله
عاصم:طب ايه بقي متيجي
ورد:عاااصم قلتلك عيب كدة
عاصم:علي فكرة انتي ظلماني انا اققصد تعالي نروح البلد عندكو نغير جو شويه واصلا فارس كلمني النهاردة نروحله علشان آيه وسيف هيروحو ونتجمع هناك ونصالح أخواتك علي بعض
ورد بفرحه:بجد … دة خبر حلو اوي قوم بينا نجهز الشنط
عاصم:طب والفشار نظامه ايه
ورد:من عنيا
عاصم: يسلمولي ❤️❤️
___________________________
في اليوم التالي بقصر المنشاوي
حسان:القصر كله نور ياهلا بالغوالي
سيف:منور بوجودك ياعمي
عاصم هامسا:فيسيتور ولا اقامه
سيف:ياشيخ اتلهي
عاصم :انا بطمن بس
سيف:لا اطمن انا براءة
عاصم:طب الحمد لله
سيف:وانت ايه النظام مصالحه ولا ترفيه
عاصم :عيب عليك يازميلي دة اخوك سيطرة
سيف:انت هتقولي
عاصم:احم .. ايه ياعم انت متسيبني اظيط براحتي الله
سيف مقهقها:خلاص سكت اهوة
علي الجهه الاخري****
ورد: بفرح اوي يابنات لما بشوف اجوازتنا بيحبو بعض تحسيهم اخوات كدة زينا بالظبط
آيه: ايوة فعلا
دعاء:ربنا يديم المحبه مابينهم يارب
كلاهما:يارب
حسان بحنو:انشاء الله هتولدي ميتي يابتي؟
آيه بود:لسه قدامي اققل من شهرين ياعمي
حسان:ربنا معاكي ويسهلها عليكي يارب
جميعهم:يارب
نظر لها سيف بفرحه وابتسم براحه فهاهي أخيرا قد اوفت بوعدها له وتحسنت علاقتها بعمها ولم يعد هناك ماتخافه بعد الآن ليمضي الشهر ويليه الايام التاليه وتستيقظ آيه من نومها بألم شديد وصراخ متلاحق أفزع سيف من نومه
آيه:أااااااه الحقني ياسيف
سيف بقلق:ايه ياحبيبتي مالك
آيه بصراخ:انا بولد
سيف :بتولدي … طب .. طب استني استني انا معاكي اهوة
آيه:ااااه ااااه ياربي اااه
حملها سيف بين ذراعيه وهبط بها الي الاسفل وتبعه الجميع علي أثر صراخها واتجهو جميعا نحو المستشفي لتدخل آيه غرفه العمليات وصوت صراخها يصدع في المبني بأكمله وسيف يمضي امام باب الغرفه ذهاباً وايابا بقلق بالغ
سامر:اهدي ياسيف خير انشاء الله متقلقش
سيف:انا مش قادر استحمل صريخها بيقطع في قلبي
فرح:معلش ياسيف هو الطلق بيبقي صعب
سيف:هي كانت تعبانه من بليل كان المفروض جبتها هنا انا ال غلطان
نورة: ياحبيبي هدي نفسك هو بيبقي كدة متخافش
صالح:وحد الله ياسيف انشاء الله هنسمع صوت البيبي بيعيط الوقتي وهي هتبقي ذي الفل
اذدادت صرخات آيه بينما لم يقوي هو علي الاحتمال وصفع الباب بقوته ودلف للداخل متجهها نحوها متجاهلا تعليمات طاقم التمريض وهرول اليها ليتوقف بقربها ويمسك بكف يدها ويتألم لدي رؤيتها تبكي بشدة وقطرات العرق تملء جبينها
آيه :سيف سيف علشان خاطري متسبنيش اااااه
الطبيبه:يلا ياآيه خلاص هينزل اهوة اضغطي كمان اضغطي
آيه باكيه:يااارب ااااه ياااربي
سيف بدموع تلمع بعينيه:انا جمبك متخافيش ياحبيبتي اطمني
آيه بصراخ:ااااااه يااارب اااااااه
دوي صراخ الطفل في الغرفه بأكملها بينما أندثرت صرخات آيه وارتسمت علي ملامحها ابتسامه وسيف ينظر لها بسعادة لا توصف وانحني يقبل جبينها وكف يدها:الحمد لله ربنا يخليكي ليا
آيه:ربنا بعتلنا أيه ياسيف عاوزة اشوفه
أمسكت الممرضه بطفلهما الصغير ووضعته بالقرب من آيه التي نظرت له بأعين دامعه بسعادة بالغة بينما حمله سيف وأطال النظر اليه وهو يبكي فرحا ثم امسكت به الممرضه واتجهت نحو الاجهزة الطبيه لتهتم به وبعد قليل بغرفه استقرت بها آيه كان سيف يحمل صغيرة ويتأمل ملامحه العذبه التي كانت تشبه ملامح آيه كثيرا
صالح:يابني متجيب الواد اشيله شويه وافرح بيه
سامر:سيبه يابابا الفرحه مش سيعاه
فرح:دة من ساعه ماطلع من جوة وهو مش راضي يسيبه خالص
نورة:سبوة ياولاد يفرح دة اول عيل ليه الف حمد لله علي سلامتك يا حبيبتي ويتربي في عزكو يارب
آيه بسعادة:يارب ياماما
اتجه سيف نحو والدة وناوله يونس ثم اتجه نحو آيه وجلس بقربها ونظر لها بعشق هامسا:ربنا يخليكي ليا ياست قلبي وست كل الناس انا فرحتي النهاردة متتوصفش ربنا ميحرمني من وجودك جمبي يارب ❤️
آيه:ربنا يخليك ليا ياحبيبي ويقدرني واسعدك
سيف :الف حمدالله على سلامتك يا ام يونس
آيه:أحلي ابو يونس في المجرة
سامر:ياجدعان حد يجبلي الواد دة انا عمه بردو عيب عليكو كدة والله
فرح:بس ياحبيبي انا ال هشتاله اول دة يونس حبيبي
نورة:بس ياولد انت وهي انا جدته وال هشيله اول هاته ياصالح
سامر:يوووة بقي دة انا ال جريت علشانه وسايق العربيه وش الفجر
سيف:ربنا ميحرمنا منك ياحبيبي
نظرت له آيه وابتسمت وهي تربت على يدة بحب ….. (بعد شهر في فرح هناء وزياد )
كانو جميعا يتمايلون علي انغام الموسيقى
سيف:ايه ياربي الناس ال بتحلو بعد الخلفه دى
آيه:عيونك هي ال شيفاني حلوة
سيف:عيوني مبتشوفش غيرك اصلا
آيه:بعشقك ياسيفو
سيف:ايوة بقي سيفو وحركات
آيه:احم…. مش فاكر حاجه كدة
سيف :حاجه ذي ايه؟
آيه:لا مفيش
___________
هناء:ايه بس البدله الحلوة دى
زياد:طب ايه رايك في ال جوة البدله بذمتك مش قمر
هناء:ياربي علي التواضع
زياد: حاجه بسيطه بس كدة علي ماقسم
هناء:لاياشيخ
زياد:لا ياشيخ! اسكتي دة انا هطلع البلا الأزرق عليكي
هناء:الله بقي هو عاصم يعك الدنيا وانا احاسب علي المشاريب
زياد:اسكتي دة انتي يومك مش فايت النهاردة دة انا مستني الليله دى بفارغ الصبر
هناء:زياد متخوفنيش منك بقي لأحسن والله هروح مع عاصم هه وانت عارف انه مهيصدق
زياد ممازحا:عاصم مين ههه من النهاردة مفيش عاصم انا عاصم
ابتسمت هناء بنعومه:اوك
زياد:عليكي واحدة اوكي اقسم بالله هتخلص عليا هو فيه طعامه كدة ياناس
انتهي حفل الزفاف وعاد الجميع لمنازلهم بفرحه وسعادة …
زياد:ادخلي برجلك اليمين ياعروسه
هناء بخجل:حاضر
زياد:أحلي حاضر دى ولا ايه
هناء:احم… الشقه بسم الله مشاء الله حلوة اوي
زياد:احلوت لما انت دخلتيها وهتبقي احلي واحنا مالينها فرحه وسعادة سوا
هناء بخجل:انشاء الله
اقترب منها زياد وحملها بين ذراعيه متجهها نحو غرفتهم بينما تمنعت هناء خجلا:نزلني يامجنون بقولك
زياد:منا فعلا ابقي مجنون لو سمعت كلامك
هناء:زياد بقي عاوزة اصلي اول
دلف بها زياد لغرفتهم وساعدها في الفستان وانتظرها بالخارج قليلا ثم انضمت له ليؤدو فرضهم الفائت طوال النهار وركعتي البناء سنه عن الرسول صلى الله عليه وسلم ثم اتجهو لغرفتهم ليبدائو حياتهم الجديدة سويا❤️❤️❤️
الساعه الرابعه صباحا ارتفع رنين هاتف عاصم ليستيقظ بقلق شديد ويجيب المتصل سريعا
عاصم بلهفه:الوووو ايوة يازياد هناء كويسه حصلها حاجه انطق
زياد :لا يخويا اتطمن اختك ذي الفل قاعدة تاكل شيكولاته اهه
عاصم :امال في ايه ؟!
زياد:لاااا اهدي كدة واتطمن انا عايزك تتعود علي كدة دة انا هزهقك كل ليله خروجات وسهرات لوش الصبح وهتصل عليك اعرفك اننا مع بعض ومهيصين
عاصم:روح اتخمد واتلم لأحسن والله هجيلك وانت حر
زياد :تعالي والله تأنس وتنور ياابو النسب
أغلق عاصم الخط ووضع الهاتف علي الكومدينو وهو يقهقه بينما هتفت ورد بنعاس: كتر خيره والله انه استحمل عمايلك كل دة
عاصم:دة شكله لسع علي الاخر
ورد:ربنا يسعدهم
عاصم بسعادة:يارب
________________________
عادت من حفل الزفاف برفقته والصمت يسود الموقف طوال الطريق حتي توقف بالسيارة امام احدي الفنادق وهبط منها برفقتها
آيه بتعجب:احنا هنا ليه؟
سيف:تعالي بس
دلفو سويا للداخل واتجهو نحو المصعد …
آيه:قولي بقي في ايه واحنا بنعمل ايه هنا؟
سيف:حبه صبر هيكونو كويسين
آيه:طب يونس زمانه صحي ومغلب فرح
سيف:يونس ذي الفل وفرح مظبطاه وهتنتبه ليه ارتاحي حبه بقي
آيه بأذعان:ماشي
توقف المصعد ودلفو للخارج واتجه لأحدي الغرف وقام بفتحها ودلف لداخلها برفقتها وهو مغمض عينيها بكفي يديه ويتقدم بها للأمام وهو خلفها
آيه:هاا افتح بقي
توقف سيف وازاح يده عن عيناها قائلا:فتحي ياجنتي
فتحت عيناها فوجدت طاوله مزينه بالورود عليها قالب من الكيك المزين بصورة لها وعلي جانب الطاوله بالونات متناثرة بتناسق تتوسطها بالونتي برقمي عيد مولدها لتتفاجئ به يحتضنها من الخلف ويهمس:كل سنه واحنا مع بعض كل سنه وانتي طيبه
وضعت كفيها علي فمها بفرحه شديدة قائله:وانت طيب ياروحي كل دة علشاني
سيف:ولو اطول اجبلك الدنيا كلها مش هتردد ثانيه
التفتت ونظرت له بحب قائله:بس انت ملمحتش اصلا طول اليوم انا افتكرتك نسيت اصلا!
سيف:حبيت اعملهالك مفاجئه وبالمرة تخرجي من مود الولادة وزن يونس وكدة
آيه بأعين عاشقه:بحبك ياسيفو
سيف:كوني ليا عمر جميل مينتهيش …..❤️
______________________________________
وفي الختام سلام ولكم مني اجمل باقه زهور .. نهاية الجزء الثاني.
- يتبع.. (رواية بنات المنشاوي الجزء الثالث) اضغط على اسم الرواية لتجد الفهرس كاملاً بجميع الفصول.