رواية بنات المنشاوي الجزء الثالث – الفصل التاسع والثلاثون
بارت ٣٩
بقلم خلود وائل 🌻
نغم : الوووو
حمزة: اذيك عامله ايه
نغم بابتسامه : بصراحه بقيت كويسه لما سمعت صوتك
حمزة بأرتباك : دة علي اساس اني وحشتك مثلا
نغم بتوتر : مش قصدي كدة انا قصدي انك كنت زعلان مني ومكلمتنيش طول اليوم وكمان مسلمتش علينا واحنا ماشيين
حمزة بحيرة : معلش اصل كنت تعبان اخر يوم امتحانات بقي وحبيت انام واعوض الأسابيع ال فاتت
نغم : احسب انك دلوقتي بتغيظني مثلا
حمزة : ليه بس
نغم : انت خلصت و هايا لسه امتحان واحد انما انا لسه اربع امتحانات بحالهم وانا عرفاك هتزلني في الطالعه والنازله مهي فرصه وجتلك
حمزة بقهقهه : انتي تعرفي عني كدة بردو
نغم : لا سمح الله دة انت كدة ذات نفسه
حمزة : وعد مش هتكلم ولا هرخم عليكي خالص
نغم : ياخبر دة شكل الصيام مأثر عليك
حمزة : طب تصدقي انا غلطان انتي ملكيش المعامله دى اصلا
نغم: خلاص خلاص حقك عليا الطيب احسن
حمزة : ايوة كدة اتعدلي
نغم : الا صحيح انت طالبني ليه اققصد يعني في حاجه ولا وحشتك رخامتي انا عارفه ان البيت فاضي من غيري
حمزة بابتسامه : فعلا غيابك سايب فراغ جامد بس حبيت اطلبك اعيد عليكي كل سنه وانتي طيبه
نغم بفرحه شديدة : وانت طيب وعيدك الجاي تكون في بيتك مع ال قلبك يختارها
تنهد حمزة ثم اردف: بأذن الله
نغم وهي تغير مسري الحديث : بس مينفعش تعيد عليا كدة انا عاوزة حقي ناشف
حمزة : اذاي يعني مش فاهم
نغم بمرح : فلوث هو العيد ايه غير كل سنه وانتي طيبه وتروح مكرمشلي عيديتي في ايدي
حمزة : اه ياماديه
نغم : سيبك من الكلام دة انا عاوزة عيديتي يعني عوزاها
حمزة : خلاص ياستي كلها بكرة ونكون عندكو واما اشوفك هكرمشلك العيديه تمام كدة
نغم : امم تمام
حمزة بهدوء ووداعه : مش عاوزة حاجه اجبهالك وانا جاي
نغم بأبتسامه : لا عوزاك بخير
حمزة : سلام
نغم : سلام
اغلقت نغم الخط وارتمت علي الاريكه وهي تتنهد براحه شديدة وابتسامتها الواسعه تملاء ثغرها
_________________________________
بمنزل فيروز كان يجلس يوسف برفقتها و برفقه والديها كل منهم يهنئ الأخر
زياد : وبباك ناوي ينزل اجازة امتي
يوسف : علي معاد فرحنا انا وفيروز ياعمي همتك معانا بقي
اشاحت بنظرها بعيدا وتلاشت ابتسامتها المتكلفه بينما اكمل يوسف : انا ليا طلب عندك ياعمي واتمني انك تكون واسطه خير ومتكسفنيش
زياد : لو في مقدرتي مش هتأخر عنك يايوسف انت ابني
يوسف : ربنا يكرمك يا عمي .. انا عاوز فيروز معايا النهاردة محضرلها مفاجئه حلوة اوي هتعجبها وبالمرة ترضي عني وتسامحني علي الموقف البايخ بتاع اخر مرة
نظر زياد نحوها فوجدها غير مباليه ثم اردف بعد تفكير : ومالو ياحبيبي خطيبتك هتنزل معاك مش كدة يا حبيبتي
نظرت له فيروز بتفاجئ ثم اردفت : معلش يابابا انا تعبانه وداخله انام
يوسف : علشان خاطري يافيروز دة النهاردة العيد
شعرت بالأحراج من موقفها العنيد ثم اردفت بملل وهي تنهض : حاضر
بعد دقائق كانت تجلس برفقته بسيارته وانطلق بها نحو وجهتهم و هو يحادثها بالكثير من عبارات الاعتذار والحب ولكنها حقا لاتبالي فقط تنظر للمارة من خلف زجاج السيارة وظلت شاردة لا تعلم لكم من الوقت حتي توقفت السيارة امام احدي البنايات السكنية ثم افاقت علي صوته يهتف
يوسف : فيروز…حبيبتي
فيروز : وصلنا !
يوسف : ايوة انزلي
فيروز : انزل فين .. هنا
يوسف : ايوة هنا مالك خايفه ليه كدة هو انا هخطفك
فيروز : هو انت جايبني هنا ليه
يوسف : ولو قولتلك هتبقي مفاجئه اذاي
هبطت من السيارة ودلفت للبنايه برفقته وصعدت برفقته لأحدي الطوابق عبر الاسانسير ثم توقف برفقتها امام باب شقه وقام بفتحها ثم دلف للداخل وهي خلفه ثم اغلق الباب
فيروز بصياح : افتح الباب انت اذاي تقفله وانا معاك
يوسف : اهدي يافيروز انا خطيبك وهبقي جوزك اذاي مش واثقه فيا
فيروز : لحد مايحصل وتبقي جوزي مش من حقك تقفل علينا باب فاهم
يوسف : ولما اسيب الباب مفتوح السكان يدخلو عادي واحنا هنا ولا مش واخدة بالك ان الدور كله مسكون
فيروز : افتح الباب يايوسف بدل ما هسيبك وامشي
يوسف بحنق : فيروز اهدي بقي بلاش نكد وركزي احنا فين اصلا
نظرت حولها سريعا ثم اردفت : فين !
يوسف وهو يقترب منها : دى شقتنا ال مكلفتيش نفسك تيجي مرة تشوفيها او تشاركيني اختيار اي حاجه فيها
فيروز بتكليف: معلش حبيت تخلصها علي زوقك انت
يوسف : تعالي افرجك علي باقي الشقه
دلف كلاهما للغرفه الرئيسيه وفيروز لاتمعن النظر لأي شئ وانما تنظر بملل فقط لأرضائه
يوسف وهو يقف بجوارها : دى اوضتنا ال هنقضي فيها احلي ليالي عمرنا
فيروز وهي تبتعد عنه : ربنا يسهل
اقترب منها مرة اخري ثم امسك بمعصمها مردفا : ليه مصممه تبعدي انا بحبك يافيروز
فيروز : سيب ايدي انت اذاي تمسكني كدة وتقرب مني
يوسف بحدة خفيفه: انا اققرب واعمل ال عاوزة وممكن الوقتي حالا اكسر كبريائك واخليكي انتي ال تجري ورايا بس مش هعمل كدة هسيبك تيجي برضاكي بس حطي في دماغك ان مش انا ال يتقاله لا وال ميجيش بالرضا يجي بالغصب
انهمرت دموعها وهي تأن ألما بين يديه فأفلت معصمها مردفا : قربي مني واديني فرصه علشان انا استاهل ومش هتلاقي حد يحبك علي عيبك ذيي
فيروز بصراخ : انا مش معيوبه
يوسف وهو يقترب منها فأصبح لا يفصله عنها سوي بضعه سنتيمترات : عيني مش شايفه فيكي عيب علشان بحبك
اقترب من وجهها وهم بتقبيلها لتردة صفعه مدويه منها ابعدته عنها ثم خلعت دبلته من بين اصابعها والقتها بوجهه ثم هرولت للخارج ودموعها تنساب علي خديها وماأن وصلت للأسفل واكملت مهروله للشارع حتي اوشكت علي الاصطدام بسيارة تعبر الشارع لم تنتبه لها فقد ملئت الدموع عيناها وبصعوبه كبيرة استطاعت الوصول لمنزلها ودلفت لغرفتها دون ان تحيي اي من الموجودين ثم ارتمت علي فراشها تبكي بقوة
بالخارج غادر اقاربهم الذين قدمو لتهنئه هناء بالعيد ثم هرول والديها نحو غرفتها يطرقون الباب بقلق شديد
هناء : مالك يافيروز افتحي الباب ياحبيبتي
زياد : يوسف عملك ايه افتحي يابنتي عشان خاطري
هناء : افتحي يافيروز
زياد وهو يطرق الباب بعنف : يابنتي افتحي بقي
فيروز من الداخل بصراخ : انا بكرهكو كلكم محدش فيكم حاسس بيا انا تعبت وفاض بيا محدش بيحط نفسه مكاني
زياد بحزن لأجلها : ال انتي عوزاة هعملهولك خلاص والله مش هغصبك عليه لو مش عيزاة خلاص يابنتي بس افتحي الباب
فيروز ببكاء : انا بكرهه يابابا بكرهه
زياد : حقك عليا ياقلب بابا بس افتحي الباب ونتكلم سوا
فيروز : ابعدو عني مش عاوزة اتكلم
هناء : طب هدي نفسك وافتحي الباب واوعدك مش هندخل
فيروز بأنهيار : كل وعودكو كدابه عمركو محسيتو بيا دايما شايفيني بتدلع وفارضين يوسف عليا عمركو مسمعتو كلامي عندكو خاطر عمتو اهم مني انا اذيتكو في ايه علشان تأذوني بالشكل دة لازم تفهمو ان الضغط اخرته انفجار
زياد بندم : طب افتحي الباب وهنتفاهم وهعملك ال يريحك انتي خاطرك عندي بالدنيا
فيروز : لا انا مش فارقه مع حد
ظلت تبكي وهم بالخارج يتوسلونها ان تفتح الباب وهي ترفض حتي سقطت مغشيا عليها وأخر من كان بتفكيرها هو يونس لا تعلم لماذا تذكرته بتلك اللحظات تحديدا
هناء برعب : زياد البت سكتت فجأه ليكون حصلها حاجه
تملك منه القلق الشديد ودفع الباب بقوة مرة تلو الأخري حتي قام بكسر القفل من الداخل ودلفو للغرفه بقلق ليجدوها فاقدة للوعي
زياد وقد انخلع فؤادة : فيروز حبيبتي لااااا
_____________________________
بڤيلا الحديدي كانت تمسك هايا بهاتفها تتحدث مع نغم
هايا : يعني كلمك يعيد عليكي ولا كان بيقولك حاجه تانيه ولا ايه الدنيا
نغم بفرحه : بصراحه مش عارفه حاسه ان عندة كلام بين السطور فهماني
هايا : لا مش فهماكي متقولي هو قالك ايه
نغم : يابنتي مقالش غير الكلمتين ال حكيتهملك
هايا : بصراحه هو شكله زعلان جامد من ساعه مامشيتي و مفيش حاجه عجباه ومبيعملش حاجه غير انه بيشتغل يعني من الاخر فاقد الشغف
نغم : يكون حس بقيمتي
هايا : اسمها حس ان وجودي كان فارق معاه ايه حس بقيمتي دى انتي متجوزاة وغضبانه في بيت ابوكي
نغم : يسمع منك ربنا
هايا : انتي لسعتي خالص
دلف حمزة للغرفه مردفا : هايا … هايا
التفتت هايا هاتفه : مش تخبط يابني
حمزة : انا بخبط من امبارح بس انتي مسمعتيش بتكلمي مين ؟
هايا : بكلم نغم اعيد عليها عاوز حاجه
ابتسم حمزة مردفا : سلميلي عليها
هايا : حمزة بيسلم عليكي يابيبي سلام بقي ونكمل كلامنا بليل
نغم بفرحه : ماشي سلام
اغلقت هايا الهاتف ثم اردفت : عاوز ايه ياميزو
حمزة : كنت هسالك يعني جهزتي شنطتك ولا لسه
هايا : هجهزها بليل كدة كدة مش هنتحرك غير الفجر
حمزة: لا اجهزي من بدري خلينا نتحرك بليل
هايا بتعجب : ليه يعني مين هيقدر يسوق طول الليل من غير ماينام هو احنا رايحين فسحه دى سوهاج !
حمزة : انا هسوق ملكيش دعوة وبعدين انا اقنعت ماما وبابا فأنجزي بقي
هايا : وليه الاستعجال يعني مش فاهمه اول مرة اشوفك مستعجل علي المرواح هناك
حمزة بتوتر : عادي يعني دة فرح ريان اخويا وحبيبي ولازم نكون اول ناس تروحله
هايا بأبتسامه ماكرة : ايوة صح
حمزة: منا عارف اني صح جبتي ايه من عندك
هايا : طب يلا امشي من هنا خليني الحق اجهز حاجتي
غادر حمزة بينما امسكت هايا بهاتفها مرة اخري تهاتف نغم وتخبرها بما حدث منذ قليل 😂
______________________
افاقت فيروز ثم تفاجئت بأنها بمستشفي ووالدتها نائمه علي الاريكه المقابله لسريرها فأعتدلت في جلستها بهدوء ثم اردفت بتعب : ماما
افاقت هناء سريعا واتجهت لأبنتها تحتضنها وتقبل جبينها
فيروز : احنا فين ياماما
هناء : احنا في المستشفي ياقلب امك انتي عامله ايه الوقتي حاسه بتعب
فيروز : لا انا كويسه الحمد لله احنا امتي
هناء : الساعه ١١
فيروز بتفاجئ : بليل!
هناء : ايوة
فيروز وهي تمسك رأسها بتعب : هو ايه ال حصل بالظبط
تنهدت هناء ثم اردفت : لما دخلنا الأوضه وانتي مغمي عليكي بباكي شالك وجينا بيكي هنا علي طول وطلبنا دكتورة ميرڤت وحكينالها ال حصل وقالت ان دة كان بدايه انهيار عصبي والحمد لله انك أغمي عليكي
فيروز : وليه نمت المدة دى كلها
هناء: دكتورة ميرڤت كتبتلك حقن مهدئه
فيروز : انا مش مجنونه ياماما
هناء : بعد الشر عنك ياحبيبتي انا قصدي انك تنامي وجسمك يرتاح تقومي فايقه علشان نسافر
فيروز : نسافر فين ؟
هناء : للصعيد ياحبييتي انتي نسيتي ولا ايه
فيروز : اه .. روحي انتي وبابا انا بجد مش عاوزة اروح اي مكان
هناء : لا لازم تيجي طبعا وبعد ال حصلك دة لازم تغيري جو
فيروز بتردد : هو يوسف سأل عليا
هناء : ابوكي كلمه يفهم منه ايه ال حصل بالظبط وهو قاله انك انفعلتي مرة واحدة وهو بيفرجك الشقه وسبتيه ومشيتي وهو مش زعلان منك وهيسيبك ترتاحي شويه وتريحي اعصابك وبعدين يجيلك بس بباكي بلغه اننا مسافرين علشان ميجيش وميلتقيناش
ابتسمت بمرار مردفه : لا فيه الف خير .. انا عاوزة اروح
هناء : بباكي كلمني من شويه وقالي انه هيعدي علينا الفجر علشان نسافر فخلينا هنا نطمن عليكي اول
فيروز : طب وحجاتي مين هيجهزهالي
هناء : بباكي جهز كل حاجه ارتاحي انتي
_________________________
في اليوم التالي استيقظت نغم وبرفقتها هايا التي وصلت هي وعائلتها قبل أذان الفجر عدا يونس الذي بقي في القاهرة لأنهاء بعض الأعمال ثم اللحاق بهم
نغم : قومي بقي يارخمه هتفضلي نايمه الساعه بقت ٨
هايا : منمنممم سبيني نايمه وانزلي انتي
نغم وهي تزيح عنها الغطاء بعدما انتهت من ارتداء ملابسها: قومي بقي ياهايا اتأخرنا علي الفطار
هايا وهي تنهض : يووة انتي يابت مفيش معاكي راحه ليه
نغم بقصد اغاظتها لتنهض من علي السرير : علشان انا شعله من النشاط تمشي علي قدمين
امسكت هايا بأحدي الوسائد الصغيرة بجوارها ثم القاها بوجه نغم التي لم تنتبه لها واصتدمت بوجهها لتقهقه هايا علي هيئتها ثم تنهض سريعا وتتجه نحو المرحاض وبعد دقائق هبطو سويا ليتفاجئو بوصول فيروز وعائلتها وبرفقتهم خالتهم ورد وعائلتها هي الأخري
نغم بفرحه : فيروز !! دى احلي مفاجئه علي الصبح
فيروز وهي تتجه نحوهم : وحشتوني اووي يابنات
هايا : احلي صباح دة ولا ايه
فيروز : حبيت اعملها مفاجيه بس فكرتك هتيجي بعدي
هايا : مهو حمزة اخويا صمم نتحرك من بليل بس لازم اشكره علي الحركه دى اهو خلانا نلحق اليوم من اولها
نغم : دة هيبق اسبوع نحلف بيه العمر كله
دعاء : نغم …يانغم
نغم : اطير انا بقي لأحسن الوطن ينادي
هايا : وراكي علي طول اسلم علي خالتو
ظل الجميع يتبادل السلامات والتحيات قرابه النصف ساعه ثم جلسو سويا علي مائدة الإفطار وفيروز تبحث عن يونس بعيناها فشعرت بالأحراج من كونها تبحث عنه ويط الشباب الذين يتبادلون النكات والضحكات فنظرت امامها لتجد هايا تهمس لها بأعتياديه : بتدوري علي حاجه
فيروز : لا ابدا
بعد فترة انتهو من تناول الطعام وجلسو كجماعات متفرقه كل منهم بمكان اما نغم فأتجهت نحو المطبخ وتبعها حمزة ليستوقفه عاصم مردفا : حمزة
التفت حمزة بغيظ مردفا: ايوة ياعمي
عاصم : ممكن تنادي علي عز من برة
حمزة وهو يصك اسنانه: حاضر
اتجه للخارج يبحث عن عز ليخبرة بأن عمه عاصم يريدة بأمر ما اما عن جلسه الفتيات فلم تخلو من المرح والضحك
منال : وبعدين ياستي هو كان مدى الأمان خالص اني نايمه وفجأه بيلف وهو بيشرب لقاني بوم واقفه قدامه ببطنيردي راح شرقان وكان هيروح فيها ياعيني
فيروز : انتي كارثه ببطنك دى يامنال
منال : اعمله ايه انا نايمه وهو برة لسه مرجعش وسمعت نبش في المطبخ قولت اكيد حرامي
هايا : يعني حرامي وجعان ايه الدماغ دى
منال : هرمونات الحمل مبهدله تفكيري انتي مش متخيله انا بقيت بشك في عز كل شويه انه بيخوني لدرجه كلمته في مرة وهو بياكل في الشغل انفعل عليا وقالي ان السندوتش حامل منه والعصير بيغرغر بيه
تعالت ضحكات الفتيات علي حديث منال الساخر ثم اردفت نغم : هتولدي امتي بقي
منال : انا في الشهر السادس اهوة ادعيلي بقي
هايا : لقيتي اسماء تنفع تتسمي ولا لسه محتارة
منال : بصراحه انا زهقت وقرفت عز معايا كل ساعتين بطلع بأسمين شكل لحد ماقالي ياستي اسكتي متفكريش تاني لما يتولدو هيجو بأسمائهم لوحدهم وانا ابدا لحد ماحلف لو ملمتش نفسي هيسمي نفيسه و حمدان
جميعهم : 😂😂😂😂😂
نغم : الله طب اسماء تراثيه جميله اهي
هايا : ادي الأسماء ولا بلاش
منال : انتو بتضحكو عليا طب ماشي محدش فيكو هيشيل نونو منهم هه
فيروز : لا لا احنا اسفين ياصلاح هرموناتك هتهب علينا ليه كدة دة عز مستحملك بالعافيه احنا ذنبنا ايه
منال : الله اكبر عليا سمعتي سبقاني
______________________________
اغيب عنكو بارت واحد الاقي كميه هجوم رهيبه 😂😂😂كل دة حب ياجماعه ❤️💘😌 المهم أما بعد سبب تأخير بارت امبارح هو اني بحمد الله تعالى الفون اتصلح 💃🏻💃🏻💃🏻💃🏻 قوم ايه بقي الراوتر يعطل طول النهار 😂😂😂 واول مااتصلح فوريرة كتبت البارت دة في وقت قياسي وقلت لازمن اصالحكو ايوة الحق حق وانا حقانيه ياجماعه 😂😂 وادعولي ان ميحصلش اي تعقيدات بقي واعرف اكتبلكو واحد بليل لو لحقت 🙈🥰🥰🥰
الفصل التالي: اضغط هنا
يتبع.. (رواية بنات المنشاوي الجزء الثالث) اضغط على اسم الرواية لتجد الفهرس كاملاً بجميع الفصول.