رواية احفاد عمران – الفصل الخامس
#احفاد عمران
بارت _5_
✨
………………………………….
عَلى آهَلي
شبر ماقدم الناس
آهَلي
ويجي تَرِتيب البقيه
ياحُب ياصداقه
وياعلاقات
أحلى منِ العَشا وياهم سويه
…………………………………
“” ليان””
اسمر:: باعي ليان إني
قاطع حديثنه عمر من دخل للستقبال
وهو يكول
عمر:: أسمر اجه أمجد
كام أسمر وكف على حيله وضحك
أسمر:: صدك
عمر:: يي والله
باوع عليه ورجع باوع على عمر وكال
أسمر:: يلا إني اترخص لازم اروح
اشوفه معه السلامة
عمر+ليان:: مرخوص الله وياك
راح طلع وإني وعمر واحد ضل يباوع
بوجه الثاني
ليان:: ها شكوو
عمر:: سلامتج
عفته ورحت لمطبخ سويت طماطه وبيض
وحميت الجاي وكعدت اكل خلصت وغسلت مواعيني لأن ماحب أخلي وراي مواعين
كمت يمهم بصاله وكعدت يم حمزه
حمزه:: ليونه بأجر اداومين
ليان:: يي بأجر اداوم
حمزه:: يي عفيه بحبيبه اخوها
ابتسمت وخليت رأسي على كتفه وبلشت
العب بصابيعه
عمر:: ي حمزه شوكت تروح
حمزه:: ماروح نايم على كلبك
عمر:: اهووو عمي ارجع منين ماجيت
أبوي:: عمررر شهل حجي
أمي:: ولك يمه عمير اخيك مصاله سبوع اهنا
عمر:: يمه ماجاي تشوفي ماخذ ليان من عدنه
حمزه:: أنجب لككك
ليان بضحكه:: عوفه عوفه يغار من عدنه
عمر:: ولج من اكوملج
حمزه:: يلا كوم شوفنه شتسوي
كام عمر وتقرب من عدنه كعد وسحبني
من أيدي وحضني بقوه
عمر:: يلا أرجع منين ماجيت
حمزه:: خاب دجيبها
صارو ثنينهم يعتون بيه واحد لازم ايدي
منه ويسحب بيه والثاني نفس الحاله
صاح بيهم ابوي
يوسف:: ولكم تعوفوها لو اكوم
أمي:: ولكم اديها راحت
حمزه:: تعالي لابنج خلي يهدها
صحت بيهم بصوت خله الكل يسكت
ليان:: ولكمممم كاااااافييييي أيدي راحتتتتت
هدوني ثنينهم وضحكو عليه
حمزه:: هاي شبيج ولج
عمر:: ولكم طلع جبار
كلها صارت تضحك عليه وإني الدمعه
وكفت بطرف عيني انتبه عليه حمزه
واجه يمي لزم اكتافي وهو يحاجيني
حمزه:: ولج شكووو ليش تبجين
ليان ببجي:: شنو يكول عليه جبار
الكل:: ههههههههههههههههه
كمت وصحت عليهم وعود زعلانه
ليان:: والله إنتو مو صوجكم بعد لحد يحاجيني
عفتهم وصعدت كبل لغرفتي سمعتهم
يصيحون عليه بس مهتميت………
/////////////////////////
“ريم”
كعدت الصبح رحت لحمام غسلت وجهي
ونزلت لمطبخ كبل لكيت امي دتحضر الريوك
ريم:: صباح الخير
امي:: صباح النور يمه
ريم:: ممم شنو هاي الريحه الطيبه شنو
مخليه لجاي
امي:: هههه دارسين
ريم:: اللههههه
امي:: أمشي حضري المواعين وخليهن على
الميز
ريم:: ادللي
اخذت المواعين وبلشت ارتب بيهن نزل
اسمر لابس وكاشخ
ريم:: اسمر وين راح تطلع وهيج كاشخ
اسمر:: شنو يعني إلا اطلع واكشخ
ريم:: اسمر تعرف قصدي مو هيج
اسمر:: ديلا سدي حلكج
عفته وضليت اني ارتب الاكل على الميز
اجه بابا غسل وكعد واحنه هم كعدنه اكل
اسمر لكمتين وكام
أبوي:: شو ماكلت
اسمر:: ماكدر عندي شغله
….. دايمه
أبوي+امي:: الله وياك
أخذ سويجه وجهازه تقرب عليه وكرصني
من خشمي وراح تريكنه وراحت امي تغسل لمواعين وكالت الي
امي:: روحي درسي صالج سبوع ممداومه
ريم:: حاضر
غسلت وصعدت لغرفتي اخذت كتبي
وكعدت على الجربايه وبلشت أقرأ واقرأ
سمعت صوت جوا عالي كمت وطلعت
وجان الكه أبوي الثاني امجد صرت اركض وسويت الدرج بايتين وكبل كمزت عليه
حضنته
امجد:: ولج على كيفج موتيني
ريم::: مشتاقتلككك
امجد:: أنا هم مشتاق لابنيتي
ضحكت ووخرت منه وأني احجي
ريم:: شلونك
امجد:: هسه صرت زين من شفت بنيتي
أبوي:: ولك أنتَ ليش ماجيت لخطوبة اخوكك
امجد:: اهووووو هسه غير جان عندي شغل
يعني شلون اعوف شغلي واجي
امي:: يلا عمري يمه وإذا ماجيت علساس
هسه هيه شلونها من خطوبه
أبوي:: سناااء وتاليييي
امجد:: انا لو باقي وماجاي احسلي
امي:: ليش يمه مامشتاقلنه
امجد:: يمه هوه اني توني اجيت وانتو متناكرين
حجيت وواني احاول الطف الجو وخليهم
يحجون بغير شي
ريم:: يلا عركه حبايب……….. امجد جوعان اسويلك شي
امجد:: لا بنيتي كلشي ماريد بس كلاص
جاي من ايدج الحلوه
ريم:: ادلل
رحت وخليت القوري على النار وجبت هيل
لأن من زمان وهو يحب الجاي بلهيل خليته
يفور على راحته وخليت جاي ونصيت النار
لما حضرت إله كلاص هدر وصبيته رحت
وقدمته إله
امجد:: تسلميلي بنيتي
ابتسمت وكعدت يمهم شرب من الجاي
وخله على الطبله واردف
امجد:: يي شعجب اسمر خطب ليان
أبوي:: شنو شعجب بنت عمه واخذها
أمي:: لا عيني لا اخذها ولا رايدها ولا أبد
ابوك جبره
ابوي::: سناءء شهل حجي هسه
أمي:: لعد جذب ماجبرتو أنت وابوك
أمجد:: صدك تحجون انتم
أبوي:: لعد شيريد قابل أخلي يجيبلي
وحده غريبه لا اعرف اصلها ومن فصلها
أمجد::: هههههههههههههه وين عايشين إنتو
بيه سنه
همه يحجون واني صافنه عليهم وابتسم
واني مفاهمه شي مثل الاطرش بالزفه هههه
أسمر:: لككك هلااا
التفتنه كلنا على الصوت اجه اسمر تقرب
على امجد وكام امجد وتحاضنو
اسمر:: مشتاقلك كلب
امجد:: نجب لك انا أكبر منك
اسمر:: وإذا أكبر
ضحكت عليهم ثنينهم وعلى سوالفهم إلي
متخلص وخر امجد من اسمر وكعد وخله
رجل فوك رجل واردف
امجد:: يي عل خير
اسمر:: على شنو
امجد:: طاح حظك شبسرعه نسيت
اسمر:: اها شكرا يوم الالك
امجد بضحكه:: الله وكيلك وابوي يختارها
من كيفه غير اشرد
اسمر:: ههههههههههه
///////////////////////////
“ليان”
كاعدين على الاكل وسوالف وضحك وعرك
حمزه وعمر مستمر اربعه وعشرين ساعه
واني مبتسمه على ضحكهم وسوالفهم
وادعي بكلبي كون تضل هاي لمتنه الحلوه
عمر:: بويههه زوجني
حمزه بضحكه::: ولك وينك وين الزواج
عمر:: شنهي مو رجال بنضرك
حمزه:: لا حرمه
الكل:: هههههههههههههه
امي:: ولك يمه مادام تريد تزوج خلي اخذلك رهوفه والله شلون بنيه ورده مال الله
باوعت على عمر لزم اعصابه كوه عليه كام
حمزه وكال
حمزه:: دايمه….يلا عمر امشي نطلع شويه
عمر:: جيت
حمزه:: ليونه تردين شي
ليان:: ممممم يي بس مو هواي اشياء
حمزه:: شنو تردين
ليان:: مممم اندومي ونوتيلا وجباسه
ونساتل وهااا ماحب البباسي أريد عصير
واريد كيكه هم
باوع حمزه على عمر وهو يكول
حمزه:: الله يساعدك عليها
عمر:: ههههههههه
ليان بضوجه:: هاي شبيكم هسه اني شطلبت
حمزه:: لا أبد كلشي ماطلبتي كلبي… يلا
رايحين وراح نجيبلج
راحو همه واني ضليت كاعده وبصاله
وانتضرهم ربع ساعه وندكح جرس
البيت وبالي همه إلي جوي بس
طلعت وفتحت الباب واني نصدمت من
شفت هذاك الشخص إلي شفته بلمحل..
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.