رواية صرخة في الظلام – الفصل السادس عشر
أحببته بقلب طفله باكيه تهوى الدلع والدلال،واحبني هوه بقلب اب حنون يخشى دمعات طفله
~~~~~~~~~~~~~~~~~
ريناد: هزيت راسي بـ لا بديت
آكل بدون ما أحچي رفعت راسي
لكيت إيهاب يباوع عليه وصافن
عفت الشوكة من إيدي، ورفعت
حاجبي بستغراب وردفت
“احمم، شبيك؟ وين صافن؟”
ايهاب: ههه لا تفترين ماكو شي بويه
كملي أكلج بعدين أحچي وياج بموضوع
ريناد: إي احچي اسمعك أصلاً
اني مو جوعانة، بس لأن إنت
أجبرتني، فـ اجيت.”
حجه بنبرة جادة
ايهاب: باوعي بنيتي أعرف كلام
أمي ضوجج بس اني وياج
لا تشيلين هم وثاني شي…
اني ما أجبرج عالزواج ولا جابرج
ماتزوجين هاي حياتج وانتي حره
بس لازم تعرفين أمي إذا صارت
و ازوجتي ولا سمح الله انفصلتي
وعدج طفل…
تره أمي ما راح تتحملج ولا
تتحمل طفلج وبالتالي راح
توكعين بورطة وتتندمين
انتي تعرفين هالمجتمع القذر
شلون ينظر للمطلقة…
للأسف، دائماً يطلعونها هي الغلطانة.
اني محامي وشايف هواي شلون
يظلمون النساء، خصوصاً إذا عدهم
أطفال.يشبعونهن ذل وإهانات
بس لأنهن أمهات.
سيف اني أدري بيه مو زين
دايح ومسربت بس رغم كل
هالشي اني ما أجبرج انتِ أمانة يمي
خالتي قبل ما تموت خلتج أمانة
بركبتي وانتي أغلى من روحي
أموت ولا أفكر أجبرج ع شي ما مقتنعة بيه.
وإذا تفكرين إنج ثگلتِ علينه…
انتي مو كاعدة بيت غريب
هذا بيتج وأصلاً أول ما تعينت
قبل لا يتوفى أبو علي،
اشتريته منه ومسجله باسمج.
يعني أمي ما إلها حق تطردج.”
ريناد: فتحت عيوني بصدمه
بقيت ساكتة أسمع كلامه صدمني
البيت اللي كاعدة بيه هوه مشتري
ومسجّله باسمي؟
باوعت عليه، وگلت بستغراب..
“ايهاب إنت صدوك تحچي
شوكت صار هالشي وبيبي
تعرف إنو هالبيت بيتنه؟”
وانو انته مشتري ومسجله
باسمي شلون هيج قبلت
تخلي باسمي مدا افهم ولا
اصدك الكاعد تحجي هسه
ايهاب:بصراحة لا ما تعرف
اصلًا محد يعرف غير اني
والمرحوم ابو علي يومها چنت
راجع من المحكمة…
چان عمرج تسع سنين والجو نار…
دخلت البيت رحت أشوف عمي أبو علي
فتحت باب الاستقبال لگيته گاعد
رحت يمه گعدت وگلتله:
هلا عمي، شلونك إن شاء الله بخير.
رد عليه بصوت تعبان
ابو علي: والله يا بويه، مو زين
حيلي مهدود يجوز اليوم أو باچر
الله ياخذ أمانته
ايهاب: حجيت بصوت مبحوح
لا عمي صمل عليك الله يخليك
خيمه وسند النا من دونك ما أعرف
شسوي والله اضيع انه مندونك
أبو علي:لا بويه انته كبرت
وتوظفت واعتمدت على نفسك.
بس أطلب منك شي واحد انته
تدري اني ما عندي لا ولد ولا بنت،
بس الله شاهد إنت أعز من روحي.
أريد أبيعلك البيت حتى تضل كاعد
بي خاف اموت و تطلعون منه وهم
امي علي منو اله اكيد راح
اضل بشارع ومحد يلفيه اني
اخوتي ونسواهم موخوش
وادم واني اريد اطمئن عليه
قبل ما اموت حتا اموت اني ومرتاح
ايهاب: لا عمي لاتحجي هيج
اني والله اعتبرك بمقام ابويه
الله يرحمه و ام علي بعمري ما
عتبرته مره غريبه والله احطه
بعيوني لان فضلكم مراح انساه
اني لو ماانته ما جان هاذا حالي
كله بفضلكم اني افديك بروحي
: دير بالك عليها اعتبرها مثل أمك.
البيت أمانة بركبتك اني شكد ماكدر
ساعدتك حتا اوفي من زينيات ابوك
الله يرحمه عليه وهسه اريدك منك
تخليه بعيونك هاي اعز من روحي
بويه ايهاب دير بالك عليه لا تخلي
الدنيا تكسره اني فنيت كل عمري
لجل عيونه خليني اموت واني مرتاح
إيهاب:وهو يحچي و اني
منزل راسي ابجي عل حالته
هوه حتواني اني واهلي وشغلني
ويا بوكت حتى عمامي تبرو مني
حتى بعد وفاة أبويه، هوه ظل داير
باله عليه وماعافني ابد
رغم حاله التعبان شغلني وعلمني
شلون أصير رجال اعتمد عل نفسي
مد ايده الترجف يمسح دمعتي
بست ايده وردفت والعبره خانكتني..
عمي اني أشيله بعيوني شنو هالحچي
هاي امي الثانيه لا تحجي هيج
وان شاءلله انته تكوم بسلامه
جاي احجي ويا وفجأه صار
كح وطلع دم من حلكه هنا
عرفت انو خسرت اعز انسان
الي هوه بعد ابويه
مسحه، وكال:
: أعرف، بس يا بويه أريد
من أروح أكون مطمئن وتدري
بيه اني ما اثق بغيرك لان ربيتك
عل هاي ايدي لي باجر ياكله الدود
ايهاب:مسحت وجهي وردفت
عمي حتى البيت ما راح أسجله
بأسمي راح أخليه باسم ريناد
الله أعلم شنو ضامه الدنيا النه
فلا تخاف اني مراح اطلع منا
وحتا لو اشتري بيت ثاني هم راح.
ابقه هنا وعيني عليهم
ابوعلي: الله يوفقك اعرفك
تربيتك ماضاع بيك التعلوم
وديري بالك عل ام عيون الزرك
راح تصير خوش مره لا تنطيه
لواحد مابي خير تره
هضيمة المره الزينة تروح للرجال
المهتلف المابي زود ونخوه
دير بالك عليهه.”
ايهاب:إن شاء الله عمي
أترخص منك تعبان أريد
أروح أرتاح مابيك غير العافيه
إيهاب: فـ عفتها نايمه بالفراش،
والعصر، جبت كملت كلشي وبس
ضل توقيع فا نزلت العصر و بيدي
اوراق اتسجل البيت انطيته
الوراق وقعهن وهيج صارباسمچ.
و الحد الليل سمعت صوت ام علي
تصيح نزلت اركض لكيته تبجي يمه
للاسف نطاج عمره.
الله يرحمه، حيل تاذيت عالموته،
چنت حاسبه مثل ابويه كسر ضهري
أخخ الكبور شكد اخذت اعزاز
ريناد:ايهاب يحجي واني بس
مخليه ايدي ع وجهي وابجي
حيل انقهرت لأن مبين إيهاب كلش
چان يحبه وهوه هم جان خوش
إنسان وياي ويا ايهاب
ايهاب:ههه ع شنو تبجين أم دميعة
مسحي دموعچ بويه تره
دموعج تأذيني بنيتي
ريناد: تضحك بخفة وردفت..
ههه ليش بلاا يأذنك حتى
نوب بجي ما أگدر أبچي الله اكبر
رد عليه بنبرة حنونة
ايهاب:اي يماي عيوني انتي
ما أريد أشوف دموعچ تنزل
أحب عيونچ الحلوات الزرك
فلا تنزلين دموعچ لا احركج سمعتي
ريناد:هزيت راسي بـ اي
جان يباوع الساعة وضحك وكال:
ايهاب: ولج كومي، مابقه وكت
عندي شغل بعد ساعتين
خل نكوم يادوب نوصل للبيت
ريناد: تضحك وتمازحه
هههه والله عجبني المكان كلش
خلي نبقه هنا العصر شكو عدنه الشغل
تلحك عليه بس تعرف شنو اذا بيبي
كعدت ومالكتنه اليوم راح تخلينه
نبات بالشارع ههه كوم يلااا…
إيهاب: هههه اويلي يمههه هلكد
تخافين منه والله خوش صاكرتج
ريناد: رفعت حاجبي وردفت
انيي انيي ريناد بيبي تصكرني
افا والله غير عندي السان يسكت عشيره
ايهاب: الله اول مره تعترفين
انج وحده عرمه ومحد يكدرلج
بس الله ههههه
ريناد: ضحكت وطلعت الساني
شوف هذه الساني كلش قذر
ومحد يكدر اله ههه
ايهاب: ولج ضمي السانج
لا اعضه خليج توبين طلعينه
كدامي بربوكه
ريناد: باوعت عليه صفح
ليش يمه حتا واحد حرام
يطلع السانه اوف منك
ايهاب: ولج ماجوزين من هاي
سوالفه التعبانه هههه ضمي احسن
لج لا اندمج عليه الصفيره
ريناد: هاي شنو والله ماعليه
ليشش تكولولي الصفيره
ايهاب: لان انتي حلوه الهاذا السبب
نكولج صفيره يلاا كافي تلغين
كومي غسلي بين مادفع الحساب
واجي
ريناد: ابتسمت وهزيت راسي
كمت رحت الحمامات طبيت فتحت
المي دا اغسل وجهي شهكت من
حسيت ايد حاوطت خصري
التفتت مخروعه شفت رجال
شكله يخوف ضحك
بمكر وعيونه تتجول ع انحاء
جسميابد مو راحه عض شفته
وضحك بصوت عالي وردف..
: فلك طرج ع هاذا الجسم
والخصر مو بنيه ضيم
يحلو شكد سعر اليله وياج
خلي نضوك من هاذا العسل
لان كلش عجبني
ريناد: اسئل امك بشكد تطلع
خزرته وضكت بسخريه
من شاف رد فعليه هيج
ضعظ ع خصري وردف
:ليش تعبين نفسج وتعبيني وياج
خليه برضاتج احسن ما بالغصب
ها شتكولين
ريناد:دفعته مايندفع جان مقيد
حركتي ضربته ع صدره
ايدي حسيته انكسرت عبالك حجر مو بشر
: اخخ بويه انه اخرب ع الوكحه
وانتي كلش وكحه
ريناد: دير بالك تتقرب مني
تره اصرخ والم امة محمد عليك
ابتعد عنييي حيواننن
ضربته بعكس ايدي عل…
عافني والزمهن هههه ماصدكت
طفرت من مكاني طلعت اركض
بقه يسب ويلعن مالتفتت
بلعت ريكي وكلبي وكع من
شفت ايهاب كدامي
عاقج حواجبه تقدم عليه
وردف..
ايهاب: هاا شبيج ليش هيج
تلهثين ليش هواي تاخرتي
بيج شي
ريناد: هزيت راسي بنفي
لا مابيه شي يلاا خلي نروح
احس نفسي مو تمام
ايهاب: تمام يلاا امشي
ريناد: اخذت جنطتي
وهوه يمشي كدامي واني
الزمه كلبي همزين ماعرف
جان سوانه فرجه الامة محمد
ايهاب: امشي شبيج؟
وين صافنه بويه
ريناد: كلت خلي اغير
الموضوع ضحكت وكلت
هواي تأخرنه اليوم بيبي ماتخلينه
نطب باب البيت هههه
ايهاب: ههه لا هسه تلكينه
ناسيه حتى الموضوع لا
تخلين بالچ انتي أمي تخاف عليچ،
الهاذا السبب تحجي وتتعارك وياج
يلا بويه صعدي اني هسه اجي
عندي شغله اكمله بالمطعم
اكمله واجي لا تنزلين ابقي هنا
ريناد: أوك عيني
چانت السيارة راكنة يم الباب
مال المطعم فتحت الباب وصعدت
صرت ادك والطم عزه شلون عرف
يمه سوده بوجهي وين ماروح المشاكل
تلحكني كل ضني راح يتعارك ويا
الرجال بس
ما طولت خمس دقايق واجا شايل
بإيده علكة وبيها شي ما افتهمته
فتح الباب وخله العلكة بحضني.
اخذت نفس براحه
يعني مراح يتعارك ويا اوف الحمدلله
ضحكت وگتله:
“هاي شنو بس لا جايب بيتزا هههه
ايهاب: ههه لا بويه
شلي بالبيتزا؟
جبت معجنات لأمي، تحبهن
ودائماً أجي آخذ من هالمطعم.
ريناد:هااا خوش دا احجي
ويا وكلبي نغزني
باوعت عل ايهاب وردفت
عفية بسرعة خل نرجع البيت
كلبي نغزني وحاسة روحي مخنوكة
ماعرف ليش
تقدم عليه بقلق ايدينه
حاوطن وجهي بقلق وردف..
إيهاب:صمله عليچ يا عمري
ليش شبي كلبج يبعد عروش كلبي
اخذچ للدكتور ها بويه
يوجعچ شي احجي ليش
تخوفيني عليه يبعد عمري
ريناد:لا لا ماكو داعي بس أحس
روحي مخنوكه
يمكن لأن الجو حار كلش
إيهاب: حاضر يبعد روحي
هسه مسافة الطريق يلا
هاي شغلت السياره هسه نوصل
فد ربع ساعة إن شاء الله.
ريناد:الطريق كله عيني مافركتني
كل شويه يباوع عليه واني يجيني
احساس ابد مو حلو معرف شنو
جان يباوع عليه ومامنتبه طلعت
سياره بوجهنه جان بسرعه اعيط
ايهاب سيارهه انتبههه
خليت ايدي عل وجهي عبالي
راح تنكلب السياره بينه بس
الحمدلله عدت ع خير طبك السياره
ع صفحه نزل فتحلي الباب نزلني
من السياره واني كل جسمي
يرجف من الخوفه
ايهاب: ماكو شي بنيتي ماكو شي
باعيلي شو خلي اشوف نجرحتي
احجي بيج شي صمله بويه اخذي
نفسي يروحي ليش هيج ترجفين
ريناد: باعي تسمعيني حجي شي
لا تخوفيني بنيتي يرويحتي
ريناد: هوه يحجي واني رجف
كلش خفت مدري شلون الله نقذنه
حضنته وصرت ابجي والرجفه مافركتني
همزين ما متنه اني كلش خايفه
اخذني البيت عفيه كلبي يوجعني
اريد ارجع البيت مابيه حيل اوكف
عاطولي فدوه رجعني بسرعه
ايهاب: اشش يعيوني لاتبجين
هسه اخذج المستشفى اول شي
وبعدين انروح البيت ماطاير البيت
ريناد: بس راح تتاخر مو عندك
شغل وشوف ماضل وكت عليك
ايهاب: عادي يروحلج فدوه
الشغل مو مهم اهم شي عندي
انتي بخير يلاا صعدي
ريناد: هزيت راسي وصعدني
السياره سد الباب وصعد
هوه هم صعد شغل السياره بسرعه
جان المستشفى قريب لان احنا
بنص السوك فا وصلنه طفه السياره
وركنه كدام الباب نزل فتح الباب
افتر نزلني ولزم ايدي بكل خوف
باوعت عليه وردفت..
لا تخاف اكدر امشي بوحدي
لا تعب نفسك
ايهاب: ميخالف تعبج راحه
يبعد راحتي انتي
يلاا تعالي نجيك وضعج
ونطلع ماكو شي لا تخافين
ريناد: هزيت راسي ومشينه
هوه الزمني من ايدي خايف اوكع
لان بعدني من الخوفه ارجف
رحنا الغرفة الدكتور لكيناه كاعد
من شاف ايهاب كام وسلام عليه
ايهاب: السلام عليكم دكتور
: وعليكم السلام ورحمة الله
هلا بيكم زارتنه البركه تفضل
ايهاب: وبيك اكثر دكتور
والله موصاحبين طويله بس
اريد جيكلي وضع البنيه قبل شويه
جنا راجعين البيت وصار ويانه حدث
عل اثره صارت عده خوفه
:سلامات ان شاءلله
ماكو شي تعالي بنيتي خلي
اجيك وضعج تعالي اكعدني
وانته استاذ ايهاب استريح شويه
بين ما اجيك وضع البنيه
ريناد: كعدت والدكتور صاير
يفحصني خاف بيه شي
: بويه يوجعج شي حاسه
بمكان معين يوجعج
ريناد: لا مايوجعني شي
بس خفت من الاحدث
اصلاا شخط مانشخطت
: الحمدلله بنيتي لعد
تكدر تاخذه استاذ ايهاب
مابيه شي البنيه انته هيج
خايف دون سبب
ايهاب: بويه بغلاتي عندج
بيج شي لا ضمين عليه
حتا اطمئن عليج
ريناد: لا والله مابيه شي
بس رجعني البيت كولشي
مابيه هياتني كدامك
ايهاب: اخخ من السانج ههه
يلاا طلعي كدامي هسه احجي
ويا الدكتور واجي وراج
ريناد: تمام
طلعت بره الغرفه وكلبي
مثل النار بس اريد اروح البيت
شويه وطلع ايهاب ضحك
تقدم كرص خدي وردف..
ايهاب: يلاا هسه رتاحيت
امشي هسه نكدر نرجع للبيت
واني مطمن عليج بنيتي الحلوه
ريناد:ابتسمت وحجيت
موكتلك مابيه شي بس شويه
خفت من الاحدث
ايهاب: ههه يا شويه مو
مثل السعفه ترجفين كلش
خوفتيني بس الدكتور هسه
طمني عليج يلا تفضلي
صعدي يعروش كلبي
ريناد: صعدت السياره
احس شويه رجفتي خفت
وايهاب هم صعد شغل السياره
وتوجهنا البيت
ربع ساعة وصل الراس الفرع
استقربت من شفت كومه عالم
واگفين برا يم باب بيتنه
باوعت ع ايهاب چان يباوع
عليهم بستغراب سئلته واني
مترددة وكلبي دينغزني
هاي شصاير ليش كل هالعالم
واكفين يم باب بيتنه شنو صاير
ما جاوب عبالك حسه كلبه
بس داس بانزين وصلنا الباب
نزلنا بعدنه بعتبت الباب
وسمعت صوت ام علي تبچي
وتعيط بعلو صوته
“راحت امك يا ايهاب
راحت بيبيتج يا ريناد هسه تيتمتي من صدك
ريناد:والله كلبي جان حاس
اكو شي نزلن دموعي باوعت
ع ايهاب مالحكت احجي
ولا حرف بسرعه دخل
البيت يركض
ايهاب: لا يمه لا تكسرين ضهري
ريناد: صعد يركض واني
هم ذبيت الجنطه وصعدت اركض
الطابق الثاني اشوف ايهاب
حاضنه ويبجي و يصيح..
ايهاب: كسرتي ضهري يا يمه من بعدج
تيتمت ينضر عيني انتي…..
الفصل التالي اضغط هنا
يتبع.. (رواية صرخة في الظلام) اضغط على اسم الرواية لتجد الفهرس كاملاً بجميع الفصول.