رواية صرخة في الظلام – الفصل الثالث عشر
وكد ما احسك سند تاخذني
من كل حزن ومن كل قهر عشته
سبعه العجايب لچن ثامن عجيبه انتِ
~~~~~~~~~~~~~~~~~~~~~~
ريناد:اخذت جنطتي ونزلت لجوه
لكيت الحچية زوجة أبو علي واكفة
باب المطبخ وجاي تتسمع عل صياح ايهاب
من شافتني ابتسمت و ردفت…
-: تعالي حبيبة، ليش واكفة يم الدرج؟
ريناد: ههه أريد أروح للدوام
أنتظر إيهاب يجي يوصلني للمدرسة
ام علي: هاا خوش بس ليش ايهاب
يعيط صاير شي خاف ضربج
ريناد: لا والله ماضربني
بس تعاركت ويا بيبي تريد اغسل
الماعين والله يالله بطرانه هاي
اني روحي كوه حملته ونوب بيبي هههه
ام علي: هههه اخخ من السانج جنه
السان الدلاله
ولج امرحي بمكان كافي
انتي وياه معرك عبالك ضراير
ريناد:شعليه انيييي والله فقيرههه
ام علي: هههه منو فقيره خاب
انتي توكفين العشيره تك رجل
وين الفقر بل موضوع فلك صابج
ريناد: برطمت ونزلت من الدرج
وكفت يمه و تخوصرت
رفعت حاجبي بلااا شنووو ترديني اسكت
هيه اندكت بيه فا اني
ماسويت شي بس شلت الصينيه
هيه والماعينسويتهن طشار
حتا بعد ما تتامر عليه
-: يمه منج ولا تنجرعين
ام عيون الزرك ولج يمصكوعه
عيونج يطيحن اكبر رجال
ريناد: عود صدك عيوني
يطيحن اكبر رجال
:اي والله يايمه جنهن
عيون الحوريه صلوت عل محمد
ريناد: ابتسمت بخجل و ردفت..
تسلمين يروحي انتي
ام علي: الله يسلمج بعد عمري
الضهر من ترجعين تعالي يمي
نتغده اني وياج راح أسويلچ الأكلة الي تحبينها
: باوعت عل درج بعد ما نزل
ركضت عليه حضنته وبسته
“شكراً يعمري اموت عليج انيي
ضحكت وردفت..
: يبعد عمري انتي
أكلج البارحة اجوي نسوان
يسألون عليكم،
چان بيبيتچ نزلت الهن تباوسن
وسلامت عليهن منو هذني
من قرايبكم؟”
قربت عليها، وهمست يم إذنها:
ريناد: هاي بيبي صايرة مخرفنة
تتصرف من وحده تريد تزوجني
واني بعدني صغيرة
صاحت متفاجئه
: ياععع وإيهاب؟ شگاللهم قبل لولا؟”
ضحكت وكالتلها..
ريناد: ههه لا طردهم!
واني وياهم حصلت رزالة عالماشي
مدري شبي! چنه واحد مخبل
الله يساعد اليزوجه اني اتوقع
يومين وتطفر من يمه هاي
اذا ماتخبلت واخذوه الشماعيه
والله خاله هاذا واحد مدري
شلون يفكر تخيلي بس المره
كالتله هيج عنفص عليه
وطرده من البيت
هههه بقيت اباوع عليه مصدومه
عبالك ملك الموت جاي يطلب روحه
مو جاين يطلبون ايدي الزواج يععع
رجال موصاحي والله تعرفين شنو
والله محد قهرني غير المره كاعده
وتحجي ويا بكل هدوء عباله رجال
صاحي متدري بي طكه ونص
بقيت احچي وانطلقت أصنف
واحچي اباوع الحچية
مخليّه الشيلة عل وجهه ميته
من الضحك
التفت ورايه لكيت ايهاب
واكف حاط ايديه بجيوب البنطرون
ويباوع عليه ياستاره الوجهه
مكلوب و يتلطم عبالك وحده
ميت رجله بسرعه خليت
ايدي عل حلكي حصرتني الضحكه
خزرني و ردف…
ايهاب:هاي منووو العنفص عل مره
شو السانج طولان يولي
ريناد:تقرب يم ام علي
وهمست يم اذانه..
هاذا المطي شلون سمعنه
ومن تعرفين بي واكف ورايه
ليش ما كتيلي صخمتي
عزههه اني كومه جفصت
دا احجي يم اذنه وفززني
صوت ايهاب هوه ويكول..
ايهاب:اني اشرتله تسكت اريد
اشوفج الوين توصلين لان كلشش
تماديتي الضاهر دلالي خربج هواي
هاا ست ريناد خلصتي تصنيف لو بعد
مو گتلچ اصعدي بالسيارة؟
شكو كاعدة هنا من صباحيات الله
چنچ عجوز، بس تدريمن
ريناد:باوعت عليه بطرف عيني
هزيت ايدي، ومشيت كدامه
وهوه ورايه يمشي ويسب هههه
خليته يفور يفور من العصبيه حيل يستاهل هوه وامه العجوز شكد مكروه
وصلت يم السياره اجر بالباب
وماينفتح هوه ورايه جان يزمخ بيه خلني اخنس
بنت الــ… بربوك موهيججج راححح
تشلعين الباب يل مجلوبه
ريناد: ابتعدت شويه فتح الباب
صعدت وماعجبني العجب باوعت عليه بطرف عيني
ايهاب: هيووو لا تباعين
عليه بطرف عينج
لا ورب العزه اشيل عيونج الزركه
ريناد: شنووو بلااا منو الزركه انييي
صدقه الله غير اشك شك
عشتووو عود انته بحلاتي يبيبي
ايهاب: يربي دخيلك شنو
مسوي بحياتي وجبتلي هاي البلوه دخيل اسمك
تعالي اكلج شو فرد مره صايره
ها مجلوبه علينه عليش سلامات
يرادلج روحه السيد امبينه طبكات عندج
ريناد: لا والله ليشش ما تاخذ امك
مدري شبيه وياي شاده عبالك ضرته
والله يالله بطران
ايهاب: هوه صوج امي لو انتي
مجلوبه من وراج المره راح تهج من البيت
ريناد: وينه هاي يرادله بخت
وتهج واخلص حتا اشبع نوم
وجان تجيني كفخه عل راس من
حيثو لا تحتسبون عافني وراح
فتح باب السياره صعد وسد الباب
شغل السيارهواني كاعده دايره
وجهي عل جام
مشينه مسافه احس حلكي نشف
شكد ما حجيت اوي كطيعه
فورو دمي
جان بينه فراغ صغير مخلي
بطل مي مديت إيدي حتى
اخذه توي أريد أشيله وهوه
ما منتبه جان يسوق وايدي الثانيه
مده يريد ياخذ بطل المي
كل تفكيري عبالي راح يتقرب اليه
من الخوف وكع البطل من إيدي.
باوع عليه مصدوم ومستغرب
عقج حواجبه و ردف…
-: شبيج ليش هيچ خايفه مني
قابل راح اكلج شبيج مرعوبه
ريناد:سكتت ما عرفت شجاوبه.
ههه مسوي نفسه ميعرف شنو سوه
البارحه ضحكت بهدوء وكتله..
ههه لا لا ماكو شي، بالغلط بس
هوه ما اقتنع باوع عليه بنظره
شك وردف..
لا مو غلط، آنه ملاحظ عليچ…
من الصبح لهسه، كل ما تشوفيني
تصيرين ترجفين شنو السالفه احچيلي شبيج بويه؟
ضحكت بقهر ودرفت..
ما أدري شحچي بس لازم اعرف
ليش هيچ تصرفت وياي البارحه؟
باوع عليه بهتمام وردف..
:احچي بويه شبيج
شنو تصرفت وياج اذا قصدج
عل تصرفي ويا الناس الجوي عليج
فا لان جنت معصب مو شي ثاني
ريناد: هههه منووو ابويه انته
ايهاب: طبعا انتي روحي
مو بس بنتي… شنو هالسؤال؟
ريناد: تعرف انته شكد واحد مخادع
لك بعمري ماشفت بشر مثلك
ايهاب:لججج ليش جفصين
هاا شبيججج شنوو مسويي شي غلط
ريناد:هزيت راسي والدمعه بعيني
لا يابويه بس حضرتك تذكررر
شنوو حاولت تسوي البارحه؟
من كلت هيچ بسرعه فرر السياره
ودار وجهه عليه مضيك عيون
ايهاب: ش… شنو سويت ما أذكر
ريناد: ههه طبعاً متذكر
إذا حضرتك سكران شلون راح تذكر؟
ايهاب: انجبيي لججج واحترمي
نفسچ لج شنو سكران و انتي شمدريچ هاا؟
ريناد: بديت أحچي لان شكد
ماشرب ناسي كلشي البارحه بليل
من صارت العركه ورحت نمت
بس كعدت بليل وگلت لازم أجي
احجيوياك وأعرف ليش هيچ
تصرفت وياي
وليش هيج ويا النسوان تصرفت
فتحت باب غرفتك شفتك كاعد
بصف الجربايه وتشرب من سألتك
ليش تسوي هيچ وحرام هالشي
سحبتني من إيدي و….
ايهاب: و شنو بعدين ليش سكتي
هااا سويت شي غلط احجيي
ريناد جاوبيني ليش سكتي
هزيت راسي واني أبچي وردفت..
لا بس… شكلك جان يخوف
وحچيت كلام ما مفهوم وحاولت
تتقرب عليه بس اني نهزمت خفت منك…
حباب والله اني أحبك واعتبرك
اعز من روحي لأن ما عندي غيرك
بس ليش تخوفني هيچ؟
ظل مصدوم من الحجيته
مسح وجهه بقهر وردف
بصوت مقهور..
ايهاب: والله والله ما چنت بوعيي
اسف يشرين كلبي انتي
والله بعد ما أعيده اسف
بويه والله آسف اعذريني
ابوس ايديج ريناد سامحيني
والله العظيم بعمري مادنت
نفسي عليج انتي اعز من روحي
ريناد:ضل يتأسف ويبوس إيدي
جان يكسر الخاطر ماكدرت
حيل قهرني سحبت إيدي منه
وردفت..
تمام انسه بس والله اذا مره
ثانيه اجيت شارب او تحاول
تتقرب مني ساعتة والله العظيم
راح اقتل نفسي واصلا اني
ما گلت لبيبي شي
فز بسرعه وفززني ويا وهوه يحجي
بقلق وتوتر الزمني من كتافي ويهز بيه
ايهاب: لا لا ديري بالج!
لا تكولين اله خليه بيني وبينچ
لأن إذا عرفت… ما عرف شنو
راح تفكر هيه بدون كل شي شاده
وياج اذا عرفت راح تلكيه فرصه
حتا طلعج من البيت
ريناد: ماحجيت شي بس
گتله تمام
هوه هم ما گال شي شغل السياره
وكمل طريقه وصلنه للمدرسة
نزلت سمعته يصيح ورايه التفتت
عليه وگتله: “هااا؟”
ايهاب:تفضلي بويه هذا مصروفج
وديري بالج ع نفسج وعل دروسج
ريناد: ابتسمت وخذتهن منه وگتله
تسلم يلاا باي
ايهاب:تدللي بويه انتي يلاا روحي
راح تتأخرين عل دروسج.”
ريناد: هزيت راسي دخلت للمدرسة.
چنت أمشي بالساحة شفت لين
كاعده صافنه بالكتاب ضحكت
ع شكلها عرفته مو حافظه.
اتمشيت عليه تخوصرت وردفت..
ريناد:هااا عيني شلونج شو صافته
مثل المطي شبيج هههه
لين: اوف اوف اسكتي وخليه
ليش الرياضيات يخلي واحد زين
ريناد:هههه ليش شبيج بس لا
انتي هم مو حافظه الامتحان؟”
لين:اي والله، ما حافظه شي
البارحه بقيت سهرانه ع تليفون
وكلشي ما قريت.”
ريناد:يلاا عادي تعالي خلي أقريج
بعد وكت والمعلمين بعدهم ما جاين
اخذت الكتاب وبلشت أقرا إلها
شويه شويه وبلشت تحفظ.
لين:بفرح
عمريييي ريناد فدوه أروحلج،
يروحي، شكراً الج حفظته مثل المي
ريناد:هههه لا ولو تدللين حياتي
بس بعد اقري بليل، تمام
علمود تجين حافظه.”
لين: إن شاء الله صدوگ ريناد،
إيهاب جابلج التلفون لو بعد؟
مو كلتي راح يشتريلي.”
ريناد: هههه ولج اييي نسيت أكلج البارحه رحنا بس صارت مو روحه، سم!”
لين: عزه ليش ولج؟”
ريناد: بعدني ما حاجيت شي…
ودگ الجرس!”
ضحكت وگتله:
ريناد:هههه يبووو دگ الجرس!
يلاا ورا الدرس الأول أحچيلج
شنو صار.”
لين: أوك حبي يلاا أمشي هسه
تجينه أم الرياضيات عبالك
وجهه الشاذي هههه
ريناد:سكتي ولج لا أحد يسمعج
ويروح يفتن عليج وتروحين بيها هههه.”
دخلنه للصف وگعدنه بمكانه
كل وحد دفتره كدامه حتا
نمتحن رياضيات وراهة
بشوي، دخلت ست ناهده تمشي
وخطواتها ترن ترن، الكل سكت
ست ناهده: صباح الخير يلا ورقة
الامتحان عالطاولة، كل واحد يخلي
دفتره جوه ويبلش ما أريد صوت.”
-: وزعت الأوراق واني
اخذيت ورقتي
چنت متحمسة لأن حفظت كلشي
طول وقت الامتحان چنت أكتب
واني مطمئنه بس كل شوي اباوع
عل لين اشوفه الزمه القلم وملتهي
كاعده تحل بل اسئله
رجعت اكمل حل السئله و الحمدلله
كملت وسلمت ورقتي
لين طلعت قبلي واني كملت
وطلعت لكيت لين كاعده بساحه
رحت عليه من شافتني طفرت
وحضنتني ضحكت بفرح و ردفت..
لين: “يبوو، ريناد شكرا لان ساعدتيني
حسيت الامتحان مثل المي
ريناد:ههه خوش الحمد لله بس
انتي لاتسهرين هواي عل تليفونج
يوم العدنه امتحان نامي من وكت
لين:اي اي هسه احجيللي
شصار بموضوع التلفون؟
لا تطولين علية.”
ريناد:ولج اسمعي البارحه
طلعنه ايهاب گال راح نروح
لمحل صاحبه من وصلنه المحل
طلع لي كم تلفون كلي اختاري
ياهو تردينه فا اختاريت تليفون
دفع الحساب ايهاب وطلعنه من
المحل فا كال تعالي حتا
تشتري ملابس و شغلات
طبعا مكلت لا واني اموت
عل هيج شغلات اخذني
المحل واشتريد الحتاجهن
كملت واكفه يم ايهاب دا يحاسب ابو المحل وجان يدخلون شباب اثنين
فا عبرو من يمي واحد
منهم تحرش بيه جان ايهاب
يتخبل نام فوكا ودك بوكسات
حتا كسر ايده
لا والحلوه تعركنه بسوك
ورجعنه واحد ميحجي ويا الثاني
وصلنه البيت اول مدخلت
البيت لكيت نسوان اثنين
كاعدات ويا بيبي بالستقبال جان وحده منهن من شافتني بتسمت وكالت والله ابني
خوش عرف يصيد غزاله
اول شي مافهمت قصده اشو هاي
كامت وجان تجي تسحبني من ايدي
وكعدتني بينهن و تتلمس بجسمي
اني من يمي العبت نفسي منه
و بهل اثناء دخل ايهاب رفع حاجبه بستقراب وكال
منو ذني جان تكول هذني النسوان
جايات مشايه ع ريناد
هوه منا معصب و نوب هذني
و تخبل كام و طردهن من البيت
كال لهن معندي مره الزواج
لين:: عزههه ريناد صدوك تحجين انتي
ريناد: ههه اي والله صدوك احجي
كلب الدنيه عل روسنه معرف
شبي لج تخبل وتسودن عبالك
جايه ملك الموت طلب روحه
مو جاين يطلبون ايدي الزواج
نوب كام يرزل بيه ولج تسودن
عليه هههه معرف شنو موضوعه
لين: زين ما حاولتي تعرفين ليش
هيج سوه ما معقوله بس لان
بعدج اصغيره هيج يسوي
ريناد: ماعرف لج حتا اني
مثلج محتاره ليش هيج
ولج اني بقيت مصدومه من رد فعله
لين: ولج اني اكول كل من وره
هاي الحيه امه بس هيه تكيف
تزوجين حتا تخلص منج بس اكو
شغله بالي وخايفه تطلع صدوك
ساعتة الله اعلم شنو يصير
ريناد: شنو قصدج ولج
عل شنو كاعده تلمحين ام وصخ
لين: والله يا ريناد معرف بس خايفه
من شغله طخت براسي واذا طلعت
صدوك الله يستر من بيبيتج
شراح تسوي والله خايفه منه
هاي مثل حية التبن تلدغ وضم راسه
ريناد: هههه يابه شنو الموضوع
هاي شبيج ليش هيج تحجي
تره والله هاي بيبي خرفانه تحجي بكيفه
واصلان ايهاب مايسمع كلامه اني
اعرف تريد ازوج حتا تخلص مني
بس هوه مايقبل وحتا ايي واحد
يجي يطلب ايدي منه يرفض
حتا بدون تفكير لهاذا السبب ماخايفه
منه عادي قبل شتكدر تسوي
لين: اكولج ريناد راح احجي شنو
يدور براسي معرف اذا صح لو غلط
بس كل هاي تصرفات ايهاب أدل عل شغله وحده
وهيه انوو ايهاب
ريناد: ايي احجي شبي ايهاب
وتصرفاته عل شنو ادل ليش سكتي
هاا؟
لين: لا تنصدمين بس يمكن ايهاب يحبج…
الفصل التالي اضغط هنا
يتبع.. (رواية صرخة في الظلام) اضغط على اسم الرواية لتجد الفهرس كاملاً بجميع الفصول.