رواية راعوث – الفصل الرابع
ام ماهر :- السلام عليكم شنو نايمين وينكم ندك بالباب وماكو
افراح :- اعتذر خاله مانسمع لان طابين جوه تفضلن تفضلن
ام ماهر :- زاد فضلج ، طبن النسوان كعدن قدمتلهن الماي وكعدت يمهن
ام ماهر :- خاله نريد نرجع للعماره واجينه نشوفج ونسمع منج الموافقه حتى يجي الولد يشوفج وتشوفي ونسمع الموافقه منكم اثنيناتكم
افراح :- سكتت مستحيه شحجي
ام ماهر :- ها خاله رحتلج فدوه احجي انطيني كلمه والله دخلتي كلبي وماريد نخسرج بنيه مرتبه واخلاق وحلوه ولسان حلو بعد شنريد
– ابتسمت وكلت بخجل ، مادري خاله والله مادري
– هههههه لا ان شاء الله موافقه
– استحيت حيل كمت بسرعه للمطبخ هنه كامن يسولفن ويتبسبسن سويت جاي ابوي ماهوه طالع دورت فدشي ينوكل ويا الجاي ماكو صحت ابرار
ابرار :- عزززه هاي شبيها والعباس ماطلع روحي راعوث
راعوث :- لو تموتين هيه صاحت باسمج
ابرار :- عفيه رقيه روحي عفيه والله ماروح اني لو تموتن
شمس :- يا عيب روحن وحده منجن فشله ماروح اني
راعوث :- وليش بالله ماترحين
شمس :- والله ما
راعوث :- سمعت افراح صاحت راعوث ، عليج الله رقيه روحي ولزمت ايدها
رقيه :- والقران ماطلع وخري وخررري
راعوث :- فشللله النسوان ياللله شجاها افرااح
ابرار :- روحي حبابه ابوس ايدج والله مابيج شي تخبلين عادي طلعي كولي سلام عليكم وروحي لافراح
راعوث :- اهمداج انتي وهذني اخواتج اهمداجن كلجن فاهيات جلوكات والله اني اعلمجن خلي يرحن النسوان وفتحت الباب بكل قوتي وطبيت بكل ثقه شفت النسوان كاعدات واني كمت ابلع بريكي همست بصوت ناصي ، سلام عليكم
– وعليكم السلام هلا حبيبة هلا داده
– ابتسمت ورحت للمطبخ ، ها خبصتينه هاا
افراح :- وينجن شنو السالفه ياكلنجن النسوان فشلتني اصيح وارد لوره محد تجي
راعوث :- يستحن الافنديات
– جا وانتي على اساس ماتستحين اجيتي تركضين
– افرااااح
– ههههه ديله روحي اخذي من الجزدان فلوس وطلعي اشتريلنه كعك كيك ايشي
راعوث :- خوش بس اشتري اليه خوما اروح واتعب وماحصل شي
– هاهيه بس روحي
– رحت للغرفه وهنه اكلني اكل بعيونهن هسه انسان يمشي شكو هاي النضرات طبيت خزرتهن وهنه شكو واحجي ماحجيت خليها حسره بكلبهن اخذت فلوس وطلعت باب الحوش على الصاله وهنه كاعدات يالله شلون اعبرهن اتجرأت وطلعت جاي امشي كالت وحده منهن
– انتي شكد عمرج
راعوث :- 16
– درسين؟
– اي
– الله يوفقج يخاله باوعت لاختها ومدري شيحجن
– خزرتهن وطلعت رحت المحل ابو سالم شفت ابنه بالمحل ، انطيني كعك مال جاي و خلشوف ششتري ماده ايدي انطي الفلوس وباوع صفح هوه ماياخذهن باوعتله صافن عليه ومبتسم تك خد
راعوث :- شبيك امي؟
– اخذ الفلوس وراح طلعلي كعك ورحت اباوع ماكو النستله الاحبها ، باوع اكو نستله ام العسل ناسيه اسمها بس اشتريها من ابوك دائماً شنو خالصه صافن بعيوني
– شتسوين بالنستله ام العسل وانتي عسل
– اكل نفسي مثلاً ؟
– ماتخليني اني اكلج
– سحبت منه علاكه الكعك وطلعت لا اشتريت اليه ولا رجعت الباقي رحت للبيت طبيت بسرعه للمطبخ افراح كاعده يمهن وجاي يحجن والقوري على النار
ام إسماعيل :- خاله اطلبها هاي اخيتج للمره الثانيه واتمنى توافقون
افراح :- بس خاله اني مو كلتلج بعدها صغيره وهيه ماتقبل اصلاً والله خاله وانتي حاجيها وشوفيها بعدها صغيره هسه بس تحاجيها تبجي
ام اسماعيل :- لا شنو القصه بتي اكبر منها بسنه وزوجتها تستحي يمكن مو قصة غير شي
– باعي خاله اصلاً اني ما اقبل اختي هلكبرها وتتزوج ششايفه من حياتها بعدها طفله هستوها راح تصير مراهقه ، عفتهن وكمت للمطبخ
راعوث :- هذا اشتريته الكعك
– شكد اخذتي فلوس
– خمسه
– وين الباقي؟
– مارجعته
– ليش
– مالكيت ابو سالم لكيت ابنه وضوجني بالكلام عفتهن واجيت ، بسرعه هدت الكعك على الميز ولزمت اكتافي
– سوالج شي ضايقج اروح احاجي اكول لابوي اذاج لزمج احجي راعوث
– فاتحه عيونها على وسعهن وتحجي سريع ، ماسوه شي والله بس شمر حجي ويباوعلي
– اني اعلمه والله
– لا عفيه لا تكولين لابوي والله بعد مايخليني اطلع عفيه
– اوفف وخري الجاي يفور
– طلعت من المطبخ ارفع خصلات شعري وره اذاني صاحتلي وحده منهن
ام إسماعيل :- تعالي خاله كعدي شويه يمنه ، وحطت ايدها على المكان اليمها بمعنى تعاي هنا
راعوث :- رحت كعدت يمها هيه شبكت ايدها ودنكت عليه تباوع بوجهي ومبتسمه وعيونها يلمعن
ام اسماعيل :- صلوات على محمد وال محمد ولج خاله فدوه لعيونج شنو هاذه الجمال
– حكيت ركبتي وباوعلها
– فدوه شنو هاذه الجمال الرباني كرصت خدودي شهلخدود شلون ناعمت رحتلهن فدوه هاي شنو لون عيونج
– تحاول تحجي وياي حجيت بضوجه ، مادري
– جنهن زرك مدري رصاصيات فدوات رحتلهن
افراح :- قدمت الجاي وكلتلها ، اي خاله هاي حلوتنه عيونها يحيرن لو تبقين صافنه بيهن لصبح ماتعرفين لونهن
– اريد أخذها لابني عباس حبيتها بنيتي هاي صارت مانطيها الكم
– باوعتلها بقرف ولا ضحكت ساكته
– والله ابني يخبل يشبه هاذه الممثل التركي نسيت اسمه بس تشوفنه تتخبلن بي واسألي خالاته هذني كاعدات كبالج عليه وهم صغير وحليو عمره 23 وما اكومج ولا اشغلج ابقي نايمه لشوكت ماتردين اكعدي وهوه يحب الطلعات والونسات وهاي السوالف يموت عليهن هاي قبل لا نجيكم جنه بكربله نزور وهم طلعنه وتونسنه ويوميه بمكان وبالصيف يريد يروح لدهوك يتونس وياخدج ويا ويصلي ويصوم ويحب الشقه والضحك
راعوث :- هاذه الحجي كله وهيه لازمه ايدي وتمسح بيها بقرف وتلعب باصابعي وحجيها على ابنها طلعته من احد الانبياء استغفرالله وهسه يطلع واحد مطنكر طالعه الدنيه من خشمه وصبيلي غده وصبيلي عشه واني من النوع ايشي يضوجني او اسمع كلام ضوجني استفرغ وتلعب نفسي وهيه كلامها مقرف ولمساتها حسيت نفسي لعبت كوه لازمه نفسي وكاعده يمهن باوعتلي افراح وهيه تعرفني ايشي يضوجني اتقيأ كالت
افراح :- ها راعوث كومي روحي للغرفه
ام إسماعيل :- لا ليش خليها يمنه
راعوث :- بسرعه كمت سحبت ايدي من ايدها ورحت للغرفه شلت بالكاع دشداشه مدري المن حطيتها على حلكي وكمت اكح كعدت بالكاع واكح ونفسي لاعبه واريد استفرغ والبنات يدكن على ضهري وماكو ماي يمنه واني ادفع بيهن ماريد واحد يكمشني يزيد اللعبان نفس بس ماستفرغت هدأت روحي مسحت وجهي رفعت راسي اباوعلهن يباوعلي بخوف
ابرار :- شبيج
راعوث :- مابيه شي بس لاعبه نفسي
ابرار :- جنج وحده حامل
راعوث :- ماتنجبين
ابرار :- شكو شبيهن شيردن النسوان شصار
راعوث :- نسوان بطرانه ماعدهن لا شغله ولا عمله بس يخطبن لا وجماله تكلي ابني توركييي اوووي مين جبتيها هاي مال توركييي هسه يطلع املح والله العظيم
ابرار :- اي والله وكرشه ليكدام وريوكه باجه ويفتر بطرك اللبا** الابيض
راعوث :- هههههههههههههههههه
شمس :- عزززززه سديت حلكها بايدي سوده بوجهي انفضحنننننه ضحكت رقاصه بالقران
افراح :- كوه كاتمه ضحكتي يم النسوان من وره صوت ضحكة راعوث
ام ماهر :- يله خاله ان شاء الله ابوج خلينطينه الموافقه حتى باجر الصبح او بليل الولد يشوفج وتشوفي
– الله كريم خاله
– يبعد روحي ، كامن على حيلهن كمت وياهن صاحتني تعاي احبنج واجت باستني وصلتهن سديت الباب وطبيت سحبت حزام ابوي معلك وره باب الصاله وطبيت للغرفه
– هاي منو الضحكت هيج
– كلنه خنسنه
– هاااااا اشرلي عليها منو الضحكت هاي الضحكه راعوث مو اني جم مره كلتلج لا تضحكين هاي الضحكه جم مررره؟
راعوث :- والله هيه تطلع وحدها ماكدر شلون
افراح :- عييييب عيب رقاصات احنه شيكولون علينه كاوليات
راعوث :- والله ابرار ضحكتني
افراح :- هاي اخر مره اسمعج تضحكيها اذا عدتيها اكطع هاذه الحزام على ضهرج
راعوث :- دنكت وكوه كاتمه ضحكتي هدت الحزام وكعدت
افراح :- استفرغتي؟
راعوث :- لا بس لعبت نفسي
شمس :- رادت تموت وجها صار احمرررر وجماله ماتقبل واحد يكمشها تصيح علينه وماكو ماي يمنه
افراح :- انتي مين ضجتي
راعوث :- شفتيها شلون تكمش بيدي وشلون تحجي على ابنها سوته فد ملائكه
افراح :- اشوف شي عادي
راعوث :- بس اني عندي مو عادي اتنرفز شلون
افراح :- هاهيه اتنرفزي براحتج ، هسه شلون سالفه الولد يريد يجي الشوفه الشرعيه شلبس ماعندي شي
شمس :- باعي لبسي هاذه الثوب البُني والله يخبل
أفراح :- يا احسه مو حلو يفشل
شمس :- لا والله حلو عاد لبسه ويا الشال الحليبي يخبلن
افراح :- عود اشوف
راعوث :- المغرب البنات كلهن جاي يصلن رحت توضيت فرشت المصلايه كملت صلاتي سلمت وشفت ابوي واكف بالباب يباوعلنه ومبتسم لميت المصلايه ورحتله ركض حضنته
– جنجن طالعات من الجنه
راعوث :- حضنته حيل ومبتسمه حضني وشمني وصاح
– الللله يريحة امج جنج ماخذه روحها وعطرها وجمالها
– ابتسمت ووخرت عنه كعدو يحجون وحدهم هوه وافراح وبابا كاللهم موافق انو يتشاوفون بيها بليل صارت عچه ومطر غزير فـ اجلوها لصبح ملتمين كلنه بالغرفه وابوي جاب الفلوس من ابو سالم كلتله نسيتهن وكعد يباوع اخبار على التلفزيون بالصاله وافراح جاي طلع ملابس وتگدر وتشوف وتغسل وترتب وكل وحده بينه ماخذه ركن ونباوع على افراح باوعت لابرار ماخذه موبايل افراح وكاعده تراسل ومبتسمه ماحاجيتها بعد هوسه وركضه قنعت على لبسه فرشنه اجه ابوي نام على فراشه بسرعه غفه احنه هم كل وحده نامت على فراشها الكل نام غمضت عيوني وغفيت ..
– شفت نفسي بوسط غابه مرعبه كلها اشجار والضباب يعم المكان واباوع بكل اتجاه بالغابه ومرعوبه وجسمي كله يرجف وانفاسي مسموعه ماهيس اله فد شي يطير فوك راسي من كد ما ضخم صار ضلام داير ماداير المكان الواكفه بي رفعت راسي وبلعت ريكي بالمنضر الشفته بومه عملااقه سوده اجت وكفت كدامي مرعبه نضراتها حاااده كزبر جسمي رحت اطرد بيها اطير وترجع توكف بمكانها ، جان كابوس مرعب لدرجة فزيت لكيت نفسي اون وعركانه ادنيت يم افراح حيل ختلت بحضنها وتغطيت وياها هيه فزت باوعتلي
افراح :- ها يمه شبيج
راعوث :- خايفه
افراح :- اسم الله الرحمـٰن هم حلمتي
راعوث :- اي لا تعوفوني
افراح :- اباوع على راعوث نايمه مو بوعيها وتحجي حضنتها وسميت عليها رجعت غفت بقيت اني افكر شراح يصير باجر راح اعجبه يعجبني؟ هوه هاذا قسمتي لو غيره …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.