رواية راعوث – الفصل الثاني عشر
– راعوث راعوث بتي بويه اجيتي خبلتيني عليج اجيتي ولج بويه شكيت ملابسي مثل النسوان عليج وين رحتي شاكلتي ششربتي ولج بويه منو اخذج من حضني الله ياخذ عمره اليحرمني منج كتلتيني طلعتي عايشه رجعتلي رويحتي أيست منج كلت بتي ماترجع بس هاي بنيتي كدامي ربي استجاب لدعائي وحك ربج ماعفت المصلايه من عفتيني لهسه كلولي اقره سورة يوسف وترجعلك بنيتك وصارلي تلاث ايام اقره بيها وهسه جنت اقره اخخ بويه كلبي وصلت لهاي الجمله (ولا تيأسوا من رَوْحِ الله) واندكت الباب وطلعت بنيتي
راعوث :- يحجي وياي وهوه فاقد عقله مامستوعب شفت ابوي مثل التخبل واني ابجي وحاضنته حيل ابوس بصدره وايده ماكدر احجيلي كلمه بس احجي اطك بالبجي اكثر باس كتفي ورفع راسه باوع لرجال الوياي
– واكف يدخن جكاره يباوع بينه بدم بارد لا مقهور ولا فرحان الوضع طبيعي عنده
راعوث :- وخر مني ابوي وحجه ويا
ناصر :- الرائد عُقاب؟ وين لكيت بتي شصاير احجيلي مو ضغطي صعد راح اتخبل شوف ايدي شلون ترجف ، رفع ايده ترجف مثل السعفه
راعوث :- بعد ماتحمل اريد اخواتي طبيت البيت فارغ صحت افرااح وطبيت للغرفه شفت البنات كاعدات افراح لابسه عبايه الصلاه وكاعده فاتح عيونه على وسعهن وصافنه ع الباب بعد مايكدرن يكومن من سمعن صوتي شمس تخيط وملامحها متغيره رقيه وابرار كاعدات سوه بس طبيت من الصدمه بعد مايكدرن يكومن بقن كاعدات بمكانهن وحلكهن يرجف طبيت كبل شمرت روحي بحضن افراح وابجي بصوت عالي واحضن بيها وهيه ماحضنتني من الصدمه حسيتها انشلت بمكانها باوعتلها تباوع على وجهي وجسمها كله يرجف اجن اخواتي اخذني لحضنهن بوس وحاضناتني حيل ويبجن ماهيس افراح لزمت ايد شمس عصرتها حيل
افراح :- ولچن كلبي راح اموت
راعوث :- لازمه كلبها وتباوعلي شمس غسلت وجها وتفرك ايدها اكثر وحده تأثرت بجيتي هيه افراح حضنتها وابجي بحضنها حضنتني حيل وتبوس بيه بكل مكان بيه تبوس اصبع اصبع تبوس شعري وعيوني وحاضنتني بكل قوتها وتهمس
افراح :- معقوله معقوله راعوث عايشه راعوث ولج يمه شسويتي بيه يمه راعوث ربيتج على ايدي وترحين من بين ايدي بسهوله دعيت عساني ميته بالانفجار ولا اعيش بدونج ولا اعيش وماعرف اخبارج شصار وين رحتي وعفتي اخيتج تلوب عليج احجيلي قبل لا اموت راعوث
راعوث :- حلكي يرجف ماكدر احجي بس حاضنتها وابجي بصوت عالي مسحت وجهي بعباية الصلاه وباست كصتي انطتني مي شربت منه شويه وبعدني اشهك وهنه يباوعلي بصدمه ساعه يضحكن وساعه يبجن وساعه يحضنني
راعوث :- ليش عفتيني
افراح :- وين عفتج وين يمه صار انفجار واختفيتي كلت ماتت بس ماكو جثتج دورنه وماكو وين رحتي بس فهميني
راعوث :- شهكت وشربت مي ، اخذتني مره لبيتهم تريد تبيعني
افراح :- ضربت على خدها وصاحت ، صخام الصخمني
راعوث :- رجعت ابجي لان خفت من نضرتها صاحت
افراح :- كملي ولج كملي سوده بوجهج يا افراح
راعوث :- وره كل كلمه ابجي واشهك ، خلتني اركص وبيتهم وصخ وكله بنات لبستني لبس يفشل وحطتلي مكياج وطببت رجال وياي للغرفه وقفل الباب خرمشت خدها وفتحت عيونها على وسعهن
افراح :- اسكتي اسكتي راعوث سوده بوجهي لا تحجين لابوي راعوث يمه سوده بوجهي ربي اخذ عمري وخلصني اجيتي مصخمين بيج اسكتي ابوي يتخبل والقران يموت اذا سمع ولج يمه تعاي لبنيتج يمه والله ما اعرف اتصرف اخذيني يمج يمه خلصيني
راعوث :- من دكت على وجها وتغيرت نبرة صوتها خفت وكمت ابجي بالزايد وبقيت افكر مو زين طب وياي للغرفه وابوي راح يذبحني رجعت اخذتني بحضنها حاضنتها حيل وابجي دموعي تنزل بغزاره
عُقاب :- بست راسه ، على راسي ابو راعوث اول شي الف الحمدالله على سلامة بتك الله يحفظها الك ومايشوفك بيها مكروه اني وياك الرائد عُقاب قضية راعوث وصلتلي واتذكر انته حاجيتني اتصال وانطيتني اسمها ومواصفاتها والمنطقه بتك جانت مخطوفه بيت ناس مايخافون الله عدهم سوالف مكسره بس لا تخاف بتك ماملموسه حققنه وياها وتأكدنه منها سباعيه وماخلت واحد يتقربلها والحمدالله قبل لا يصيرلها شي وصلت يمنه ورجعتها الك بيدي حتى أطمن عليها اكثر
ناصر :- مادري شلون اشكرك والله العظيم اعذرني على حالتي وشكلي بس ما جاي اكدر استوعب بتي رجعتلي أيست من بتي اني كلت ماتت والله مشكور والله مستعد ابوس ايدك وراسك لان رجعتلي بنيتي
عُقاب :- حبيبي عمي واجبي
ناصر :- تفضل تفضل والله نسيت روحي واكف على الباب
عُقاب :- غير مره عندي شغل لفوك راسي لازم ارجع للبصرة وبعد وراي طريق طويل
ناصر :- بس مايصير
عُقاب :- لازم اروح حبيبي عمي فدوه رحتلك
ناصر؛ :- على الاقل اشرب مي
عُقاب :- والله العظيم مشكور وماتقصر عندي بطل مي بالسياره الله وياك اخذ راحتك بعد عيوني
راعوث :- طب ابوي للغرفه سحبني من حضن افراح وحضني ويغطيني بقمصلته اللابسها ويبوس بيه ودموعه تنزل على خده احلى مكان كله امان هوه حضن ابوي من التعب والراحه بحضن ابوي وبين اهلي ماكو خوف غفيت بحضنه وهوه حاضني وجسمه يهتز من البجي اغفه وافتح نمت على رجليه واسمعهم يحجون صوتهم راحه عيوني يغمضن لا ارادي غفيت واني اسمع
– يالله يالله يروحي يحبيبتي راعوث كلتلكم ما ماتت ماصدكتوني
– احلى يوم بحياتي
– معقوله راعوث رجعت خاف حلمانين
– خطيه شوف شكد تعبانه بسرعه غفت سوده عليه شصاير بيها منو جابها بابا
– هذني منيلها الملابس ، كلادة ماما بركبتها؟
راعوث :- اول ما اغفه افز بس الكه الامان يم بابا واخواتي وكلامهم اسم الله الرحمن اني ابوج يمج لا تخافين انتي بين اخواتج
– ارجع اغفه وهم افز واسمع اصوات مرعبه صوت الساعه والكدوره ايمان تضرب بيه غزوان يتقرب مني اركص الدم يجري بالمي الحمام الاكل التشريب الخفيف كلهن احلام نهشن عقلي انام وافز اخر شي كعدت حضنت رجليه و ابجي حضني ابوي وافراح تبجي وياي وتسكت بيه
افراح :- لا تخافين بعد راعوث احنه يمج محد ياخذج والله يكلبي كومي سبحي وبدلي ونامي ورتاحي وباجر نحجي
راعوث :- كمت ويا افراح حضنتني وخذتني للحمام طبيت ابجي وامسح بدموعي رادت تسد الباب لزمتها وطلعت شمرت روحي بحضنها
– اخاف
افراح :- سوده عليه يمه مين تخافين اني واكفتلج بالباب والله ماعوفج
راعوث :- عفيه اخاف ماريد
افراح :- بردي روحج
راعوث :- هزيت راسي بـ لا شفت شمس جابت الملابس وباوعتلنه
شمس :- شبيها
افراح :- تخاف طب للحمام
شمس :- چؤ اطب وياج يروحي
راعوث :- لا
افراح :- براحتج يكلبي بس لبسي هذني اطب وياج وادير وجهي والله
راعوث :- اريد اغسل عليه الدوره بس اخاف
افراح :- عليج متاكده خاف غير شي؟
راعوث :- شنو الغير شي عليه
افراح :- يله طبي بدلي
– طبيت للحمام طبت افراح دارت وجها وكالت
افراح :- غسلي اذا تردين ماشوفج والله
راعوث :- غسلت بسرعه شلون ما جان وبدلت وطلعت نشفتلي شعري افراح ومشطتلي نمت بيناتهن يحضنن بيه ويباوعن بملامحي ومبتسمات اول مره اشوفهن فرحانات هلكد غفيت لازمه ايدهن اخاف اعوفهن اخاف يطلع حلم وافز منه
افراح :- نامت راعوث وبقينه احنه بصدمتنه وفرحتنه عيونه كلنه عليها ومبتسمين لا ارادي لازمه ايدها وبوس بيها وهيه تفزفز اسمي عليها و اقرأ المعوذات ابوي قرأ قران يمها وهيه تفزفز وترجف وتعرك وينكطع نفسها واحنه نرجف عليها اباوع على ابوي وابوي يباوعلي من اشوف نضرة ابوي احسه يكول بنتي تموت ماتعيش ومأيس منها …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.