رواية راعوث – الفصل الأول والخمسون و الأخير
part 51 ” الاخير
راعوث :- حبيبي
عُقاب :- امه وابو ولك امه وابو زقوچتي فريختي اطلبي
راعوث :- فروخك ليش كعدو بطني اثنينهم تره والله تعبت شني والعباس تعبت مليت بس يدفرون
عُقاب :- اخخ اذا اجو كل واحد چويه معدله على رجليهم
راعوث :- يمه فروخي
عُقاب :- يله بويه اتأخرنه ليش بعدج ما لابسه حذائج
راعوث :- ماكدر ادنك اسم الله
عُقاب :- بوويه فريخي شلون حبلته وهوه هلكدوته
راعوث :- شمدريني دخيل سيراميك ابو فاضل انوب اثنين والعباس انته تربي واحد واني واحد وهاي اخر مره تحبلني والله اكلب الدنيا
عُقاب :- جيبيهم ونذبهم على بسومه ونطلع خارج العراق
راعوث :- من يكبرون بعد مايتعون و نرجع
عُقاب :- خوش فكره هاهيه
– لبسني حذاتي اني كاعده على الجربايه وكف دنك عليه تلمس خدي بضهر ايده دنك عليه باس طرف شفايفي رجفت وكمت من مكاني ..
راعوث :- يله خلي نروح
– لزم ايدي ورحنه لطبيب اطمأنيت على صحة الاطفال سوتلي سونار تحديد جنس الجنين باوعتلي وابتسمت
– الف مبروك حامل بتوأم ولد يتربون بعزكم
راعوث :- شكت حلكي الضحكه لا ارادي ، متاكده
– اي ماما هاي كدامج شوفي
راعوث :- تذكرت علوش اختفت ابتسامتي ، عفيه متاكده خاف ولد وبنيه
– حبيبتي هذا اختصاصي واضح عندي اثنينهم ولد قصدج اني ما اعرف تجين انتي تعلميني
راعوث :- متعاركه ويا رجلج
– خزرتني من فوك لجوه مسحت بطني طلعت لبره شفت عُقاب منتضرتي بره يدخن وكفت يمه مضيق عيونه ويباوع عليه
عُقاب :- بشري
راعوث :- اثنيناتهم ولد
عُقاب :- بووووووويه اللهم صلِ على محمد وآل محمد فرخين ولد
راعوث :- اي عفيه لا تكول لعلوش والله خطيه خلي لمن يجون ويشوفهم
عُقاب :- بابا يا علوش شعلينه بعلوش خلينه بفرحتنه صار عندي فرخين اخخخخ حسييييم اسمععع
راعوث :- هوه يريد سيسي وفرحان من بداية الحمل اذا عرف ولد شيصير بي
عُقاب :- الوجبه الثانيه نجيب سيسي وميمي
راعوث :- والله ضجت
عُقاب :- حرام بويه حمدي الله هسه نروح نختار غرفة فريخاتنه
راعوث :- الحمدالله
– صعدت بالسياره شغل وانطلق والفرحه على وجها وبقينه نفتر على غرف الاطفال ونختار وحايره شختار اخذ صفنه ساعه على جربايه الطفل
عُقاب :- بويه يله حتى لو جربايه على شكل نعال المهم ينام الفرخ
راعوث :- اصبرلي حباب
عُقاب :- قلد ، اسبورلي حباب شبيك اسبورلي
راعوث :- باوعتله بطرف عيني هذا عجبني شكد سعره
عُقاب :- لا تباوعين لسعر اختاري
راعوث :- عجبتني هاي باوع اريد غرفتهم كلها طيارات وسيارات وغيوم وتخم صغير والعاب هواي جيبلهم والملابس من كلشي اثنين هوه واخو
عُقاب :- بعيني
راعوث :- بس وين نسوي غرفتهم
عُقاب :- بيت المزرعه
راعوث :- شني وعمتي تجي ويانه
عُقاب :- امشي بويه امشي رحمه لنويصر
راعوث :- رحت صعدت بالسياره انتضرته بين مايكمل حجي ويا الرجال واني بداخلي فرحه جبيره ومتحمسه اجيبهم ما بالي وجع العمليه ولا تعب بعد الولاده كل تفكيري من العبهم وطلعهم وشتريلهم ولبسهم بكيفي وشوف خطواتهم واسمع صوتهم ..
– رجعنه للبيت تلكتني عمتي
ابتسام :- بشري يمه
راعوث :- اثنينهم ولد
ابتسام :- هلهلت ، الحمدالله والشكر نعمه من الله بنات او ولد هيج وكعدهم بحضني وشوفهم وشمهم ولد عُقاب فرحتي الجبيره هاي
راعوث :- بس لا تكولين لعلوش خطيه يضوج
ابتسام :- يا يمه جا انتي مصدكته بعده جاهل يكبر ويضل يتكبر ماريد بت عمي واريد غريبه
راعوث :- اي بس يضوج خطيه نكول ماندري ولد او بنات يجون ونعرف
ابتسام :- هاهيه يمه
راعوث :- صعدت للغرفه طلعت بجامه مريحه باللبس لبستها كعدت على الجربايه لازمه بطني وصافنه دخل عُقاب يخابر راح على الابتوب فتحه وكعد يكتب ويطلع صور ملفات وبصمات يوميه اشوف هذا المنضر وره ما كمل الي بايده تقرب مني وحجه
عُقاب :- تمددي
راعوث :- شتريد
عُقاب :- تمددي
راعوث :- ادنيت لوره وباوع بعيونه كعد على الجربايه ودفعني نام بصفي حضني حط كصته على كصتي وغمض عيونه اخذ نفس وزفره بتعب ..
عُقاب :- شگد حلوه الله ما رحم بحالي من سواج
راعوث :- يحبك ربي
عُقاب :- شلون عرفت
راعوث :- لان انطاك راعوث
عُقاب :- بوووويه حسيم انعل روحك حتى هوه يدري بروحه حلو
راعوث :- شنسمي فروخنه
عُقاب :- رعب و لطافه
راعوث :- شني يعني
عُقاب :- شخصيات منو
راعوث :- اني وانته اي والله حلوات
عُقاب :- صدكت البربوگ
راعوث :- نسميهم بر وثاني بوگ حتى من نصيحلهم بربوگ تعالو اكلو حلوات
عُقاب :- عندي اسم حلو الاول ني والثاني عليج
راعوث :- شنو يعني
عُقاب :- بليل اكلج شنو يعني
راعوث :- اذا كبرو يصيرون ضباط اريد تسويلهم مثل شواربك ولبسك حتى اول ماتشوفهم بنيه تنعجب بيهم
عُقاب :- شني مجرب منعجب بضابط اول ماشفته
راعوث :- صفنت بعيونه درت وجهي عضيت شفتي الجوه رجعت باوعتله باس شفتي برقة حرك اصابع ايده على ركبتي رچف جسمي بين ايده تقرب من اذاني شواربه طخن اذاني همس ..
عُقاب :- بطلي هاي السُوله
راعوث :- يا يا ياسُوله
عُقاب :- الرچفه
راعوث :- عُقاب
عُقاب :- ضحگته فرحته
راعوث :- احبك
عُقاب :- اموت عليچ اضمچ بين جفون عيني اضمچ بين رموش عيني
راعوث :- حضنته بقوه باوع عليه وباس وچهي بعشوائيه ركز بملامح وجهي حجه وعيونه بعيوني ..
عُقاب :- جنج فرج لسجين مضلوم
راعوث :- رمشت مرتين وابتسمت همست ، بطلي الخارق
– اتصال الموبايل عاط
عُقاب :- مو وكتك مو وكتك ابن الك***
راعوث :- حجيت بدلع وتلمس بنهاية شواربه ، حبيبي لا تضوج يمكن واحد من الشغل او اتصال مهم
عُقاب :- اووف اوف يروحي يوميه اريده يتصل اريد اسمع هذا الدلع
راعوث :- ابتسمت راح للموبايل فتح الاتصال وفتح الصوت وينفض الجكاره بالنفاضه سمعت صوت رائد
رائد :- ابوس جدامك بس هاي المره والله بس هاي المره ام فروخك خلي تحاجي ام فروخي
عُقاب :- خير شنو نوعية العركه اليوم؟
رائد :- كلتلها اخذج للحسين وحدنه ماتقبل اله ناااااصر ويانه او واحد من اهلي اريد نبقه وحدنه بس شويه وحك هوه الحسين ماسويلها شي يم الامام الحسين عليه السلام ونحجي ماتقبل بقيت الح عليها قفلته بوجهي تقبلها وكلت ميخالف ورجعت اتصل ما تجاوب ليشششش هيج تسوووي تعال شوف الشيب صار شعري ابيض واني اسمر جنه جني كاتله الضيم والفگر
عُقاب :- اخذ شهيق وزفير تلاث مرات
رائد :- اخخخ اذا الزم كلبي اشمره لجلاب
عُقاب :- بعدك بالبدايه بعدك ماعرفت خوف بنات نويصر
رائد :- منين اجانه ناصر انعل ابو الوكت شودانه من البصره لبغداد شودانيييييي
عُقاب :- اهل نويصر يسمعوك
رائد :- بالعباس ماكو احسن من ناصر وبناته انته ليش تحجي عليهم شبيك شمسويلك شو احسك ضايج شني نويصر نعمه من الله جابلنه بنيات حلوات
عُقاب :- كافي لغوه شتريد بالضبط
رائد:- راعوث خلي تحاجي افراح تكللها رائد بالعنايه المشدده كلبه وكف بس بعده ما مات اذا اتصلتي عليه يعيش هسه اوديلك صوره حادث وديها الها
عُقاب :- بووويه شكد ك***
راعوث :- حجيت بصوت ناصي ، ليش يريد ياخذها لكربلاء
رائد :- اريد اونسهاااا اطلعهاااا ازورها الامااااام اضرب راسها بشباج الحسين بلكت تعقللللل تعبتتتتت تفهمونيييي
راعوث :- يا ههههههه
عُقاب :- لا تبجي ولك فضحتنه لا تبجي اتزوجها وشبعها زيارات
رائد :- وابو فاضل اريد اجرب هذا الشعور اني وخطيبتي ايد بايد ونتمشه واشتريلها وتصعد بصفي بالسياره اخذ راحتي احجي اكللها احبج اموت على ربج بس خلي نبقه وحدنه
عُقاب :- شوكت ناوين تزوجون مو مرتي راح تجيب فروخ وانتو بعدكم مامتزوجين
رائد :- هييييه السبب تكول بعدني اريد ابقه يم ابوي كل يوميه تكول لمن يصير احسن لشوكت راح اموت راح اعجز ومامتزوجين
عُقاب :- الله بعونك اخوي تبهذلت
رائد :- اشك ملابسي اشككككهن هااا اشكهن
عُقاب :- لا بويه كول غيرها استر علينه
رائد :- ابوي ابوي ابوي ناصر ناصر ناصر علاجه علاجه علاجه كعد كعد كعد نام نام نام
عُقاب :- علك الفرخ
رائد :- تعبت شني السالفه لو متزوج ناصر احسن اليه هسه عدنه جهال
عُقاب :- يله بويه عندي شغل مو فارغلك توكل
رائد :- شغللل اخخخ شغلللل ادري شنو من شغل هنيالككك هنيالكككك بس انته الكفو اخذتها بليله ويوم لا خطوبه ولا قنادر على راسي
عُقاب :- بسوووومه تلاحكينه بحرملااات
رائد :- اني راح اطكطك الك حرملات من عيني ومن عين ابن آدم
– سد الاتصال بوجها باوع على الموبايل باستغراب رفع راسه باوعلي وحجه
عُقاب :- حبيبي خابري فروحه ، طالع عندي شغل مهم هسه خابروني
راعوث :- مو تتأخر عفيه
عُقاب :- خوش بويه
راعوث :- راح عُقاب باوعت على الكامرات طلع مستعجل ويخابر وعلى وجهة مبين شكد مقهور ويصيح على اليخابره
– اتصلت على افراح جم مره وجاوبتني سمعت صوت يمها ماعين وتطبخ تحمس مدري شنو
افراح :- هلاا هلا بالمشتاقيله هلا بالبذات هلا بالكام يحب غيرنه ونسانه شلونج
راعوث :- والله مشتاقتلج هواااي اتمنى هسه انتي يمي احضنج حيل يربي شكد مشتاقتلكم شلونكم اني زينه
افراح :- يابعد روحي الف الحمدالله والشكر جوه رحمة الله
راعوث :- شلون البنات بابا
افراح :- الحمدالله يسأل عليج
راعوث :- تسأل عليه العافيه والله مشتاقتله شوكت تجون اليه ماكدر اجي اني
افراح :- ان شاء الله ان شاء الله فتره ونجيكم
راعوث :- شلونها ابرار
افراح :- الحمدلله والله تسأل عليج وكل ساعه كالت خلي نروح لراعوث
راعوث :- يكلبي شجاي تسوين
افراح :- اطبخ
راعوث :- شلونه رائد
افراح :- زين
راعوث :- شبي صوتج تغير
افراح :- كلتلج زين هاهيه هوه مو دوم يخابر عُقاب اكيد تعرفي زين او مو زين
راعوث :- ليش ماتردين عليه
افراح :- هم اشتكه الج؟ والله العظيم اذا يبقه على هذا الحال وكلشي يصير بيناتنه يحجي ما ابقه ويا والله العظيم خاف بليلة عرسنه يحجيلكم شسوه استغفرالله راعوث لا تخليني احجي ابوي لا يسمع
راعوث :- شبيج افراح واذا يريد طلعون سوه هوه خطيبج وحلال عليج اذا مايقبل ابوي لا ترحين بس اني اعرفه ابوي يقبل
افراح :- ماريد راعوث شنو نطلع سوه وحدنه ، ها شمس كافي فدوه لعيونج لا تبجين ما يستاهل البجي اذا هوه زلمه صدك ويحبج خلي يجي ياخذج من بيت اهلج شنو ترحين انتي وين كرامتج
راعوث :- شبيها شمس شكو هنا يمج هيه ليش اسمع تبجي
افراح :- ماكو شي مابيها شي
راعوث :- انطيني شمس اريد احجي وياها
افراح :- هاي راعوث تحجي وياج
شمس :- الو ها راعوث شلونج شلونج يروحي
راعوث :- شبيج تبجين شكو
شمس :- تعبت والله تعبت ليش هلكد جاي اتعذب شوكت الفرج صبرت هواي
راعوث :- سولفيلي شكو هم عيالج
شمس :- تعبت سكتت على كلشي انوب طلعولي سالفة الحمل ليش لهسه ما حبلتي ونريد ولد ونريد طفل وهذا القندره ابن القندره لا يحجي ولا يطلع حسه بس الكو** مالته يطلعهن يمي بالغرفه اني شنو ذنبي تره عيب عليهم مو اني احبله مايحجون ويا ابنهم ليش ذابين اللوم كله عليه
راعوث :- يروحي رحتي لدكتوره شوفي عندج حمل لو لا
شمس :- ماكو رحت مو حامل سولي فحوصات كلشي مابيه يمكن السبب منه
راعوث :- لا تبجين اهدي على كيفج ماطول الصوج مو منج بعد عليمن خايفه وتبجين
شمس :- والقران مليت شسوي اكتل روحي اكله اريد بيت وحدي اريد ارتاح يكلي هاي اختج مو عايشه ويا عيالها انعل هذاك اليوم من كلتله اختي ويا عيالها
راعوث :- شبيجن شنو السالفه شو ما تتفاهمن منا افراح ومنا انتي
شمس :- وانتي على اساس شلون جنتي
راعوث :- هههههههههه بس انتن كبار المفروض تعرفن تتصرفن انتي لا تبقين تلحين بيت وبيت اكثر شي يضوج منه الرجال هاي الكلمه طلعني بيت يحس مسيطره عليه واذا طلعج مو بس يحس انوب يتاكد انتي اسكتي وخلي يشوف بعينه تعاملهم هوه من وحده راح يطلع لبيت وحدكم اما عن الحمل انصحج عيشي حياتج اخذي سنه سنتين طلعي تونسي وتحبلين وتجيبين عشره فروخ وتتمنين هذني الايام يرجعن
شمس :- اني قابله بس اهله اهله خبصوني يتزوج غيرج اذا اجتج الشهريه هذا الشهر يعني ماكو حمل ويتزوج عليج لو ميته ولا متزوجه هذا الزواج
راعوث :- كافي اسم الله وين يلكه مثلج والله مايتزوج يجذبون عليج وحتى لو تزوج وحتى لو طلكج الف واحد يتمناج بعدج بنيه صغيره وحلوه يمكن الله حابج ماتحبلين يريد يكشفلج حقيقتهم
شمس :- والحسين هنياله عُقاب عليج والله احس كلبي ارتاح من سمعت كلامج
راعوث :- انطيني افراح ، ها افراح اسمعي اذا ما خابرتي رائد اجيب عشيرة عُقاب وعشيرة رائد ومركز الشرطه كله ونسويلكم مداهمه من هاي الزينه وافلش البيت عليكم ونزوجكم بدون حفله ولا بدله وناخذكم للبيت ونقفل عليكم الغرفه وترحين بيها اني كلتلج بعد خمس دقايق اذا كال ما مخابرتني اعتبري باب البيت واكع
افراح :- باع كلامها صاير كله تهديد ومداهمات
راعوث :- يله گدامي خمس ثواني لا اكثر
افراح :- يابه من الخوف راح اروح ويا مو بس لكربله لبيتهم هم
راعوث :- هههههه عفيه افراح خابري رائد خطيه والله تفاهمو
افراح :- اي والله بس اكمل ال بايدي وخابره
راعوث :- افراح
افراح :- ها يمه
راعوث :- التوأم ولد
افراح :- صدكك راعوث لو تشاقين
راعوث :- والله
افراح :- الف الف مبروك يتربون بعزكم والله ماتتوقعين فرحتي يروحي الله يحفظج ويستر عليج ويكومج بالسلامة وشوف وليدات بنيتي بحضني
راعوث :- ان شاء الله يله فروخي جوعانين اكوم اكل
افراح :- يمممه فديتهم الجوعانين شوكت اشوفهم كومي يروحي كومي مع السلامه الله وياج بعد روحي
راعوث :- سديته ونزلت جوه كعدت اكل ويا فرح
فرح :- قررتو تسمون جهالكم لو بعد
راعوث :- لا بعدنه احب اسم علي بس عدنه علوشي
فرح :- سموهم اسماء تشابه احلى لان همه توأم
راعوث :- مادري اشوف عُقاب
فرح :- تدرين قبل يومين من طلعت لسوك شفت زينب
راعوث :- وين شفتيها وشتسوي
فرح :- مادري واكفه على محل العاب اطفال شافتني ارتبكت وما حاجتني ولا اني حاجيتها مادري تزوجت حامل لجهال اخوانها
راعوث :- الله يسعدها
فرح :- يا يسعدها نسيتي شسوت
راعوث :- صار ماضي وهسه هيه مبتعده عنه ولا مأذيتني ف الله يسعدها معليه بيها
فرح :- شلون بيج جا وين راح عُقاب
راعوث :- كال عندي شغل مهم والله طيب البرياني شلون مسويته علميني
فرح :- هههههه مو تدللين
راعوث :- عُقاب كال نروح لبيت الحصان ونبقه وحدنه اريد اتعلم اطبخ
فرح :- اكيد لازم تتعلمين فد يوم انتي تسويلنه الاكل بس اني اوكف يمج واعلمج
راعوث :- هزيت راسي بـ اي وابتسمت
فرح :- راعوث اريد اطلب منج طلب واذا ماتكدرين عليه عادي كولي
راعوث :- لا والله اقبل طلبي
فرح :- باعي شلون يعني اكلج اني وزيد نريد نطلع نبات بره اليوم وكال الجهال ما ناخذهم ويانه فدوه لعينج تكدرين تنتبهين الهم هيه عمتي موجوده بس خاف تعبانه ماتكدر والجهال يحبوج يسكتون عندج اذا تكدرين اخليهم امانه يمج بس يوم واحد
راعوث :- شني السالفه عادي واذا خليهم
فرح :- صدك والله خاف اتعبج اعوضها الج من تجيبين والله
راعوث :- يا والله عادي شبيج
فرح :- بعد روحي
راعوث :- انتو وين راح ترحون لبيت اهلج لو وين
فرح :- اممم مادري مادري هوه زيد كال اريد نطلع سوه وماريد الجهال
راعوث :- باوعت عليها عضيت شفتي الجوه وطكيتها بضحكه
فرح :- شبيج لا تغصين ولج كاافي شسالفه هاي عليمن
راعوث :- كمت من مكاني وحجيت ، مابيه شي مابيه
فرح :- مو صاحيه ابد
راعوث :- غسلت وصعدت للغرفه فتحت لابتوب عُقاب انعرض ملف على الشاشه اريد اخرج منه ماعرفت تقربت قريت المكتوب شفت اسم نسرين كامل مادري اذا نسرين الاعرفها لو غيرها ونص الكلام بالانكليزي مافهمت شي طبكته وكمت
– اخذت موبايلي نمت على الجربايه فتحته شغلت فلم وبقيت اباوع عليه لحد اني غفيت ..
رائد :- فرحتي زعلانه
افراح :- حجيت بضوجه ، لا ما زعلانه رايد شي
رائد :- رايدج رايد اكضي عمري يمج
افراح :- لا تسمعني كلام حلو حتى نطلع سوه تره ما اطلع
رائد :- ما رايد طلعه اريد الخميس هذا عرسنه بروح امج وابيج لا ترديني
افراح :- لا مو هسه بعد اسبوعين تلاثه
رائد :- وحق الله تره مو خوش حجي هذا افراح افهميني رايدج
افراح :- اذا تريدني انتضر
رائد :- مو اشتريت بيت يم ابوج مو سويت كل الطلبتي ليش تأخرين بالعرس فهميني
افراح :- رائد احس بعدني ما مستعده
رائد :- مستعده لشنو لا تخلين لساني يفلت بروح امج وافقي الخميس عرسنه ولج شلعتي كلبي وافقي
افراح :- وبابا
رائد :- وحق الحسين اخلي بابا بعيوني بس خلي نتزوج
افراح :- ابتسمت وحجيت بهدوء ، لعد شبيك تعيط
رائد :- اويلي اويلي مو رايدج افهمي رايدج
افراح :- هاهيه بس اكول لبابا على موعد العرس وانطيك خبر
رائد :- يابعد اهلي يابعد روحي اي هيج اريدج ..
راعوث :- احس بلمساته وهمسه و يطبع بوساته على خدي بهدوء
عُقاب :- شنو هذا النوم بربوگه
راعوث :- فتحت عيوني باوعتله همست بنعاس ، عوفني نعسانه
عُقاب :- اخ حسيم باع الشفه
راعوث :- غمضت عيوني وحجيت ، شواربك حلوات
عُقاب :- تحبهن
راعوث :- وخر
عُقاب :- فريخي
راعوث :- ها
عُقاب :- انته فريخي
راعوث :- ههههههههه اريد فروخخخخ
عُقاب :- تحبين الفروخ
راعوث :- اي نجيب اثنين بنات واثنين ولد
عُقاب :- شنسوي بيهم
راعوث :- هيج حلوين
عُقاب :- احب عيونك
راعوث :- عضيت شفتي الجوه كزبر جلدي من نضرته بست خده وباوعت بعيونه ، حلوه عيونك
عُقاب :- كلش ينحب فريخي
راعوث :- كلش ينحب عُقاب
عُقاب :- اووف من اليقلدون
راعوث :- انته تحجيلي كلام حلو ماعرف اني
عُقاب :- غارك بعيونچ
راعوث :- قلبي خلاص اختار
عُقاب :- كل ليله تنبات يمج احسها خيال
راعوث :- بالعراكي
عُقاب :- بالعراجي
راعوث :- راحت فرح
عُقاب :- اي بويه
راعوث :- وين الجهال وخر اريد اكوم
عُقاب :- نام بويه يم بسومه
راعوث :- لا وصتني عليهم حباب كوم اووي عُقاب بطنيي
– سحب جكاره حطها بين شفايفي شغلها واخذها اخذ نفس جكاره وكال
عُقاب :- وحگ الله وعباده غصباً عليه عشت من انتي مو يمي
راعوث :- تقربت من اذانه همست ، واني من شفتك عشت
– باسني باوعلي بعيونه الذبلانه راد ياخذ شفتي درت وجهي وكمت
– نزلت جوه سمعت قمر تبجي بصوت عالي دخلت للغرفه لكيت عمتي تسكت بيها ما تسكت وجها احمر من البجي رحت اخذتها بحضني واحاول اسكتها
ابتسام :- انتي حامل يمه عوفيها معليج اني يمها
راعوث :- لا خطيه فحطت هسه تجي ماما راحت لطبيب هذا مو علوش وجود يمج ليش تبجين ليش
علي :- زعطوطه
راعوث :- لا هيه مو زعطوطه اسكتي يعيب عليج جبيره هيه هذني مي مو دموع
علي :- لا هاي صوتها تبجي
راعوث :- لا ماتبجي وخر انته يله بس هيه اسويلها اكل واشتريلها غراض هيه وجود
علي :- هز بيده وغم على وجه ، امداني
راعوث :- ولك اسكت كول الله واني
علي :- هاي شبيها هاي
راعوث :- تعال بس جود وقموره انطيهم شغله انته ابقه غم على روحك
علي :- بيمن راح تسكتيهم
راعوث :- مو طفل شيطااان
– رحت للمطبخ كعدت قمر وجود على الكرسي اجه علوش دخل روحه وحده وكعد
راعوث :- اليبجي ماسويله كيكه
علي :- لا لا مانبجي سويلنه كيكه
راعوث :- يله حتى نسويها سوه علوش جيب موبايلي بالغرفه حتى اشوف الوصفه بس علوش مو كلكم
جود :- سويلي كيكه بالككو
راعوث :- صير عاقل واكعد حباب واسويلك اطيب كيكه بالككو
جود :- اي شوفي حتى قمر سكتت
راعوث :- حبيبييي باع الخدودد والدموع شنو انته شنو تنوكل
– طلعت نص المواد الاعرفهن بين مايجيب الموبايل علوش
علي :- هاج راعوث
راعوث :- اخذت الموبايل اول مافتحته شفت رساله من عُقاب
– اموت على ربج
– ابتسمت ودزيتله ، خليني اسوي كيكتي عدل
– طلعت فيديو وحطيت المواد على الطاوله وكعدت اسوي وهمه يساعدوني وفرحانين كملت خلط الكيكه
راعوث :- شتريدون شكل الكيكه نجمه لو دائره لو كلب
علي :- كلب
جود :- نجمه
قمر :- نجمه
راعوث :- اتفقو كلكم على شكل
علي :- ما حلو الكلب
راعوث :- علوشي حبيبي اختار نجمه خطيه اثنينهم حبو النجمه والله مره ثانيه اسويلك كلب
عُقاب :- هذا الدلال ودلع بس لعلوش؟
راعوث :- درت وجهي لباب المطبخ شفت عُقاب واكف شابك ايده وبين اصابع الجكاره ومضيق عيونه وعاقج حواجبه بعصبيه بلعت ريكي وحجيت
راعوث :- علوش وقمر وجود
عُقاب :- واحنه عيني !؟
راعوث :- هذوله صغار
عُقاب :- قصدج شغل الصغار غير وشغل الكبار غير يعني راح اتعوض بليل
راعوث :- يا عُقاب
– تقدم مني بخطوات بطيئه فاتحه عيوني على وسعهن واباوع عليه والجهال خنسو تقدم مني ردت اروح تحرك منعني اطلع رحت من الجهة الثانيه هم منعني بحركته رفعت راسي صفنت بعيونه دنكت بلعت ريكي حجيت بصوت ناصي ..
راعوث :- الجهال عفيه
عُقاب :- مايفهمون
راعوث :- لا علوش جبير وخر عفيه
عُقاب :- شلون اوصل كلبچ شنهو الوسيلة
علي :- يله ماريد كلب اريد نجمه
عُقاب :- بويه اذا الزم النجمه
راعوث :- سحب كرسي وكعد رخه جسمه حط رجل على رجل ويدخن ويباوع على كل خطواتي ..
– اخذت القالب حطيته على الطاوله وخليتهم يضيفون خلطة الكيك للقالب حطيتها بالفرن باوعت على عُقاب اشرلي على حضنه ..
عُقاب :- تعال اگعد بحضني
راعوث :- يااااا
علي :- اني لو جود
عُقاب :- لا زيودي
علي :- ههههههههه شلون يكعد بحضنك زيودي
عُقاب :- علي اطلع بره
علي :- والكيكه
عُقاب :- الكم خمس ثواني
– باوعت لعلي كام بدون مايحجي ولا يصيح گ أي طفل لزم قمر وطلع وجود كام وراه
عُقاب :- سد الباب بدربك
راعوث :- عُقاب صدك تحجي والله كوه سكتتهم اذا بجو على امهم شلون
عُقاب :- تقربي وافهمج شلون
راعوث :- والله ما اجي ما عوفني
– كام من الكرسي تقدم عليه دنكت راسي تقرب اكثر رجعت لوره طبكت على الثلاجه بايده سحبني من خصري انطخيت بجسمه حط الجكاره بين شفايفه ورفع شعري وره اذاني
راعوث :- عُقاب
– لزم الجكاره بين اصابعه نفخ الدخان بوجهي حجه بغضب
عُقاب :- تعاملج ويا علي؟
راعوث :- طفل
عُقاب :- هستوج تكولين جبير يفهم؟
راعوث :- بين ماتجي امهم خطيه والله شمسويه اني
عُقاب :- حبيبي؟ علوشي؟
راعوث :- تره حتى فروخنه هيج اعملهم واكثر اني اكلك من هسه
عُقاب :- امشي سوي إجهاض
راعوث :- والله فروخي
عُقاب :- لبسي منتضرج بالسياره
راعوث :- حضنت ركبته بست طرف شواربه وهمست بهدوء ، حبيبي عُقاب محد ياخذ مكانك بكلبي
عُقاب :- الكل احبه جذب بس انته الصدك
راعوث :- فخامتي
عُقاب :- غزال واني صيادچ
– بين شفايفي وشفايفه شبر عينه بعيوني غمضت راد يطبك شفايفه ابتعدت وحجيت بارتباك
راعوث :- اسمع قمر تبجي
عُقاب :- مخلفها وناسيها؟
راعوث :- بس اليوم والله حباب خطيه
– هد خصري اخذ نفس جكاره وزفره بغضب بسرعه مشيت رحت اخذت قمر سكتت رجعت اشوف الكيكه ماهوه عُقاب
– كملت الكيكه كعدتهم بالصاله شغلت التلفزيون وكعدو يباوعون وياكلون لحد ان نامت قمر وجود صار يغفي و علي يباوع على التلفزيون تقريباً صار الغروب نضفت الهوسه الصارت بالمطبخ جاي اغسل بالماعين اكلنه بيهن كيكه وحسيت بجسمه طخ جسمي وايده على بطني درت وجهي شفته عُقاب باسني وحط خده على خدي
راعوث :- لا يجي واحد
عُقاب :- حبيبي سويلي جاي
راعوث :- حاضر بس وخر يا عفيه عُقاب
عُقاب :- منو يجي شيب ابوي خليني اخذ راحتي
راعوث :- عُقا.. ، عاط
عُقاب :- اششششششش
راعوث :- كملت غسل الماعين قشعر بدني من لمساته وحركاته وانفاسه غمضت عيوني لزمت السنك ودنكت راسي
راعوث :- لا اله الا الله
عُقاب :- ها يا مسهل ولاده طلوك
راعوث :- عُقاب حباب وخر بس وخر شويه بطني انمغصت وخر ، تقرب من اذاني همس بهدوء ..
عُقاب :- يكزبر يكزبر
راعوث :- باس ركبتي بحنيه غمضت عيوني واحس كلبي راح يطلع من دكاته السريعه وخر عني مشيت ورجليه يرجفن سويت الجاي وطلعت من المطبخ لكيت عمتي كاعده يم علي كعدت يمها
ابتسام :- شنسوي العشه يمه
راعوث :- مادري بكيفج
– شفت عُقاب صعد للغرفه عيونه حمر وشراين كصته بارزه وساد قبضة ايده
ابتسام :- شبيج عمه شو مصخنه
راعوث :- لا مابيه شي
ابتسام :- منو بقت من اخواتج ما متزوجات
راعوث :- رقيه وابرار ليش
ابتسام :- ياهيه الاكبر والله انسه يمه
راعوث :- رقيه
ابتسام :- اذا واحد عرف من يمي اتقدملهن يوافقن
راعوث :- مادري تخطبين لمنو
ابتسام :- اختي تريد مره لابنها
راعوث :- يا هيه منهن لرضا مو
ابتسام :- اي عفيه عليج
راعوث :- زين الولد
ابتسام :- والله زين الولد حباب وحلو طالب جامعي ويدرس بغداد وانتي شايفته بعد
راعوث :- اي اكللهن بس شكد عمره
ابتسام :- 22 يدرس هندسه مدني
راعوث :- خوش اكوم اشوف الجاي احترك
– كمت صبيت جاي لـ عُقاب صعدت للغرفه لكيته كاعد يشتغل ونفاضه يمه كلها جكاير وبين اصبعه الجكاره رحت حطيت الجاي بالكاع ردت اخذ الجكاره ضم ايده وره ضهره
راعوث :- عُقاااب كافي جكاير
عُقاب :- تصير بدال الجكاره ابطلهن
راعوث :- اصير بس عوفهن
عُقاب :- فهمتي المعنى لو بس تحجين
راعوث :- باوعتله درت وجهي صفح رجعت باوعت عليه ، هذا الجاي كمل
– اخذه شرب غمزلي ابتسمت وكمت كعدت على الجربايه فتحت التلفون دزيت رساله لافراح
– اذا موجوده اتصلي بيه
– طفيته رخيت ضهري على ضهر الجربايه وصفنت على شغل عُقاب والابتوب والصور اليطلعهن والجرايم البشعه واسمع صوتياتهم يكمل ملف يبدي بالثاني وصور الدم والجروح ومكان الجريمه ولا كانو جاي يشوفهن يبقه يكبر بالصوره ويدقق اتصلت افراح فتحته
افراح :- هلا شلونج كلتي اتصلي بيه خير ان شاء الله
راعوث :- لا بس اشتاقيتلكم
افراح :- بعد كلبي تشتاقلج العافيه ابشرج خابرت رائد واتفق هوه وبابا العرس الخميس
راعوث :- صدكككك والله اجي معليه لو اجيب بنص الطريق هم اجي
افراح :- هههههههه ولج كعدي راحه
راعوث :- اجه عُقاب فتح ايدي ونام بحضني وشبكني دائماً من تعبان يسوي هاي الحركه بست راسه وخده وعفته نايم بحضني
راعوث :- اي والله اجي عرس امي ماشوفه
افراح :- لا اكيد تجين انتي اول وحده
راعوث :- وسالفة كربلاء
افراح :- بطلنه هوه بعد العرس قريب
راعوث :- اي والله اسمع صوت منو يمج
افراح :- بابا والبنات
راعوث :- سلميلي على بابا
افراح :- وعليكم السلام راعوث تسلم عليك بابا بعد عمري زينه الحمدالله الله يخليك النه يكول فرحتلج من كل كلبي على الولد ويتربون بعزكم وتشوفون جهال جهالهم
راعوث :- يابعد كلبي بوجوده
افراح :- وين كاعده
راعوث :- بغرفتي نايمه
افراح :- فتحي كامره اريد اشوفج مشتاقه لوجهج
راعوث :- فتحت الكامره باوعتلي وكامت تبوس بالشاشه وتحجي واني اضحك
افراح :- فدوووه فدووووه ولج شكد مشتاقتلججج ودي اكلج اعضج عضه من هاي الزينه ولج بس تعاي يمي اريد احضنج مشتاقتلج بكد رحمة الله
راعوث :- ههههههههه كافي راح تاكلين الموبايل
عُقاب :- همس ، حقها
افراح :- والله مشتاقيلج يعني شنو حبلتي بعد مانشوفج هاهيه ، شو حركي الكامره منو يمج؟
راعوث :- عُقاب نايم
افراح :- ها صدك ماتحجين خطيه خاف تعبان يريد ينام غير مره نحجي
راعوث :- لا والله باعي سمعي
– طفته بوجهي صفنت اجت رساله من افراح
– حاطه الرجال بحضنج وتخابريني من اهمداج واهمده الربتج
راعوث :- هاي شبيها اسم الله ، طفيت الموبايل وحضنت عُقاب بقوه وبوس بي وبشواربه
راعوث :- تعبان
عُقاب :- حيل وراحتي بحضينج
راعوث :- مسحت خده وباوع على ملامحه ، نام ارتاح يا راحتي
عُقاب :- اوووف اني راحتك لا تكومنه على حيلنه مو داخلين بالمود
راعوث :- انته كلشي ، احب كلشي بيك
عُقاب :- كلشي كلشي
راعوث :- عُقاااب شبيككك
عُقاب :- اي غير افتهم كلشي
راعوث :- نام انته تعبان
عُقاب :- يابعد اهلي شكد حابچ
راعوث :- حضنته ولعبت بشعره باصابع ايدي بهدوء لحد ان انام كمت على كيف غطيته اخذت موبايلي طفيت الضوه وطلعت سديت الباب وراي نزلت جوه لكيت عمتي تطبخ وعلوش يلعب بالموبايل وجود وقمر نايمين كعدت بالمطبخ ودزيت رساله لافراح
– افراح اكو ولد يجنن طالب جامعي يدرس مهندس مدني عمره 22 خوش ولد وحباب وحلو وصغير يريد يتزوج وامه تصير اخت عمتي وطالبه وحده من البنات رقيه او ابرار
– انتضرتها تجاوب وكعت علبة الملح من عمتي ونكلب نصه كمت بسرعه سمعتها كالت
ابتسام :- انعل ابوك لابو الخلفك حسام
راعوث :- ها عمه شبيج خاف دايخه ارتاحي كعدي اني اكمله بدالج
ابتسام :- كلشي مابيه وكعت من ايدي صافنه افكر ووكعت هاي عمتج عدها هواي صفنات
راعوث :- والله اني اكمله روحي بس علميني وارتاحي حتى وجهج اصفر شبيج
ابتسام :- والله العظيم مابيه شي روحي ارتاحي هاي راح يكمل العشه شبقه
راعوث :- اذا احتاجيتي شي صيحيلي
ابتسام :- خوش
راعوث :- اخذت الموبايل وكعدت يم علوش شفت رساله من افراح
– وين عايش يشتغل لو مصرفه ومصرف جامعته على اهله
– حالياً يشتغل حلاق بين مايتخرج بس والله اهله ناس متمكنين ومرتبين ونضافه وطيبين حيل
راعوث :- اجه علوش كعد يمي حضني وباس بطني انقهرت عليه
علي :- مو صارت بطنج جبيره شوكت تجيبين سيسي
راعوث :- بعد فتره واجيب بس مادري اذا بنات لو ولد بطني
علي :- لا لا بنات بطنج حلوه يعني بنات
راعوث :- يعني اذا مو حلوه ولد
علي :- اي
راعوث :- ضحكت وبسته حط خده على بطني ويمسحها بيده على كيف
افراح :- عندج صورته
راعوث :- علوش انطيني موبايلك
علي :- هاج شتريدين تلعبين باعي هاي لعبه حلوه وهايه مال بنات نزلتها حتى من تجي سيسي نلعب بيها سوه
راعوث :- حبيبييي سوده عليه
علي :- شبيج
راعوث :- مابيه شي يروحي اكلك عندك صور رضا ابن اخت بيبتك
علي :- اي انطيني هسه اطلعه الج
راعوث :- طلعلي صورته اخذتها ودزيتها لافراح شافتها وما ردت وره دقايق دزتلي صوت
ابرار :- والحسين الييييه ، ياا ولج انجبييي جيبي الموبايلل
راعوث :- بقيت اعيد بالصوت ودمعت من الضحك طفيت الموبايل وكمت للمطبخ شفت عمتي تصب اخذته من ايدها راحت كعدت على الكرسي ولزمت راسها
راعوث :- عمه تكول افراح هلا بيهم على ام رضا
ابتسام :- خوش يعمه عود اكللها
راعوث :- اي
– صبيت الاكل كعدت الجهال اكلو ويا عمتي صعدت للغرفه شفت عُقاب بعد نايم طلعت دشداشه كصيره وصلوخ بردت روحي لبست مشطت شعري لبست روب على ملابسي ونزلت حميت الاكل دخلت عمتي للمطبخ بيدها الصينيه ركزت برجليه تغطيت بالروب
ابتسام :- شني هذا النور اليشعشع عمي قشطه والله العظيم قشطه اغدي فدوه لرجيلاتج
راعوث :- ابتسمت مستحيه حطت الصينيه وطلعت صبيت اكل اليه ولـ عُقاب صعدت حطيت الصينيه على الكومدي نزعت الروب
– كعدت يمه تلمست خده بايدي تقربت منه بست خده همست
راعوث :- حبيبي اكعد اكل سويتلك عشه
– فتح عيونه باوع عليه ركز بايدي وجسمي كعد باوع على رجليه رمش بشكل متكرر
عُقاب :- اللهم صل على محمد وآل محمد يابو فاضل امشي عليك اخيتك زينب اذا حلم لا تكعدني خلي اكمل شغلتي
راعوث :- دنكت مستحيه العب باصابعي ، لا مو حلم
– يتقرب من وجهي ويدنك يباوعلي يخجلني اكثر ويحجي
عُقاب :- دخيل الله جبن ها جبن انتي بربوگه وچ رحمي بحاليييي جنج سيراميك الكاظم وچ هاي شلون هجي تلمعين
راعوث :- طك فخذي وتلمس ضهري باصابعه برقه رمشت برجفه وحجيت ، عُقاب خلي نتعشه
عُقاب :- انعل امه وابو اليعوف هذا الجمال ويتعشه
راعوث :- لا عفيه عُقاب بس خلي ناكل
– سحبني من خصري صرت شبه كاعده بحضنه ايدي على صدري ومدنكه راسي تقرب من ركبتي اخذ نفس قوي وزفره بهدوء حط اصابعه على شفتي وبدأ يحركهم بهدوء وينزل اصابعه علي ركبتي كزبر جلدي ركزت بشواربه عضيت شفتي الجوه تقرب من اذني همس ..
عُقاب :- اليوم اخلي بسومه تهرول
– باس شفتي الجوه باوع بعيوني يشوف حركاتي طك فخذي فز جسمي طبكن شفايفه على شفايفي حضنت ركبته وتقربت منه اكثر ..
راعوث :- كعدت على الجربايله لازمه اللحاف على جسمي ودموعي تنزل على خدي ..
عُقاب :- وچ بويه اهدي
راعوث :- امسح بدموعي واشهك اجه يمي مدخل بيده قراصه لاستيك لشعر لم شعري وهوه كاعد كدامي رفعه يحاول يربطه بالقراصه مايعرف اتبهذل اسمعه يحجي
عُقاب :- بت القندره انربطي انعل ابوج لابو السواج لا تتحركين اثبتي وچ لا تبجين
راعوث :- رفع شعري بالقراصه لبسني ملابسي وحضني بحنيه
عُقاب :- ليش البجي ليش حبيبي شنو يأذيك
راعوث :- أذيتني بطني هيج احس واحد عاصرها توجعني ليش حبلتني
عُقاب :- جا مفكر وره الاربعين بعد فرخين
راعوث :- والله مااا اخر مررره ماريد
عُقاب :- هاهيه موجود مانع حمل
راعوث :- والله توجعني والله اني صوجي البس هيج لبس توبه كلهن بيعهن ذبهن بالشارع اله البس كله عريض وطويل وسبعين بدي وتسعين بجامه
عُقاب :- اهم شي البجايم اكثر
راعوث :- لا تضحك اريد اسبح
عُقاب :- عوفي السبح نامي بويه ارتاحي من يروح الوجع سبحي خوش بويه
راعوث :- لا اريد اسبح ماكدر انام
عُقاب :- اكوم وياك؟
راعوث :- والله شني حتى اموت بالحمام
عُقاب :- يبوووي متأكد ناوي تفضحنه بسبب الوفاة
راعوث :- توجعني بطني
عُقاب :- كومي بويه
راعوث :- كمت سبحت وبدلت كعدت على الجربايه لفيت روحي باللحاف بردانه حمه الاكل وكعد يوكلني وياكل
عُقاب :- كله ولا فريخي يتأذه
راعوث :- صرت زينه شويه
عُقاب :- سلاحي و جگارتي و بربوگتي
راعوث :- افراح راح تتزوج تاخذني الها مو
عُقاب :- الله كريم
راعوث :- شبعت راح اشوف الجهال
عُقاب :- خمس دقايق اذا ماشفتج كدامي احرك الحوش على راسج وراس الجهال
راعوث :- يعني شلون من اجيب حتى ينامون بنصنه شتسوي
عُقاب :- اقرب دار ايتام
راعوث :- اسم الله لا تحجي هيج مايصير
– خزرني سحب باكيت الجكاير طلع جكاره شلت الصينيه ونزلت حطيت الصينبه بالمطبخ رحت لغرفة عمتي لكبتها تنيم بقمر باوعت على الساعه بـ 10 ونص
ابتسام :- ها يمه شبيكم
راعوث :- مابينه شي بس اجيت اشوف الجهال
ابتسام :- جا ليش هستوكم تتعشون وسمعت صوت قبل شويه شنو هذا منكم لو بالشارع
راعوث :- لا من ال نشاقه
ابتسام :- ها مو خفت عبالي بيكم شي ولا اكدر اصعد هاي رجيلاتي كوه اسحك عليهن
راعوث :- لا عمه نشاقه ماكو شي
ابتسام :- يمه انتي مو تبقين تصعدين وتنزلين بالدرج وانتي حامل نزلو جوه غرفتكم
راعوث :- لا عادي ما توجعني من اصعد وانزل
ابتسام :- لا يمه لا مو زين عليج انتي حامل عود جيبيهم بالسلامه وصعدي ونزلي بكيفج
راعوث :- هزيت راسي بـ اي
ابتسام :- يله يمه روحي خاف رجلج يريدج الجهال يمي لا يبقه بالج طفي الضوه وياج
راعوث :- طفيت الضوه وصعدت للغرفه سديت الباب حجه عُقاب ..
عُقاب :- طفي الضوه وجيبي الكلينس
راعوث :- شتسوي بي راح نام
عُقاب :- عيني جيبي
راعوث :- طفيت الضوه اخذت الكلينس اخذه مني
عُقاب :- تمددي
راعوث :- ايدي على ضهري والثانيه على بطني كعدت على الجربايه غمضت بوجع صحت ، اخخخ
عُقاب :- راحو فروخي
راعوث :- كعد شبكني وباس كتفي نيمني باس بطني حط عيونه بعيوني تلمس خدي بايده غمض اخذ نفس وزفره
عُقاب :- حيل حابچ يعروك گلبي
راعوث :- بست خده وابتسمت حضني بقوه وباس بطن ايدي رفع خصلات شعري عن وجهي وشمني بقوه ..
بعد فتره ..
راعوث :- كاعده اكل لفة بقاعة عرس افراح ورائد ننتضرهم يجون
ابتسام :- يمه شجاه عُقاب رجع للبصره هذا عرس صاحبه واخيه شلون مايجي حتى فشله من رائد
راعوث :- بلعت لكمة ، عادي عمه متعود عليه رائد واجاه شغل مهم وهوه من امس راح بلكت يجي وره شويه
ام رضا :- اكلج خاله هاي اخيتج لابسه نيلي شكد عمرهة
راعوث :- ابرار حالياً يمكن صار عمرهة 16
ام رضا :- ها
راعوث :- اي ، اتصل موبايلي فتحته سمعت صوت سياره ويشغل بالجداحه
عُقاب :- هلاا هلا امي هلا ابوي هلا باليسطر سطر وكلش خطر
راعوث :- هلا حبيبي
عُقاب :- اووووف اوف من كلمة حبيبي راح تسويلي حادث
راعوث :- هههههه وين انته
عُقاب :- لا تدخل حبيبي
راعوث :- تره مرتك مو صاحبك
عُقاب :- اويلييي لو صوت صاحبي هيج جا رحت ****
راعوث :- اعوذ بالله
عُقاب :- ركصتي
راعوث :- فروخك يخلوني اركص ، النسوان صفنن عليه ، جهالك
عُقاب :- اكلتي كيك
راعوث :- لا بعدني جاي اكل لفة عود وراها
عُقاب :- بالعافيه ابني شد حيلك حتى تاكل اليمك
راعوث :- تره والله مو اني اجوع همه اسم الله فروخك جهالك بس ياكلون
عُقاب :- وچ ارد الزمج وچ ارد اشوفج وچ شيبتي راسي
راعوث :- تريد لفه
عُقاب :- اريد شفه وچ اريد شفه
راعوث :- داس بريك فز جسمي ، ها عُقااب كافي راح اروح لا يصيرلك حادث
عُقاب :- حطي ايدج
راعوث :- عزه عزه باي
– سمعت ضحكته طفيته وكمت مسحت ايدي بالكلينس رحت يم ابرار
راعوث :- خبلتي المره كعدي راحه
ابرار :- عليج الله وينها يا مره
راعوث :- ام رضاوي
ابرار :- عليج العباس حلوه شني
راعوث :- تخبلت صعد ضغطها من الجمال
ابرار :- باع الام شحلاتها اكول عليمن طالع رضوان خرب حضي مايجوني بس الزركان
راعوث :- جايج الحلو بالطريق
– بقينه ننتضر افراح بالصالون ورائد يجيبيها ويدخلون سوه بعد ما اجو ودخلو سوه ايد بايد وابتسامتهم على وجهم وفرحتهم ماتنوصف دكات كلبهم الواضحه عبالك يحبون بعض من سنين ما جنت متوقعه رائد وافراح راح يتزوجون بعيده عن بالي حيل بس قسمتهم سوه و احلى قسمه كعدو على الكوشه رائد شاف الولد يركصون وهوه صار بنصهم يركص ويهوس فرحته مبينه على وجها
– ابرار شافت رضا بالواقع وهيه تخبلت لازمه ايدي وتريد تبجي
ابرار :- عليج الحسين اريده خلي نتزوج والله ماريد لا مهر ولا شي بسرعه هنا نسوي العرس على الواهس عليج ابو فاضل خلي يشوفني اروح فدوه لشعرك باوعلي عليك العباس ابو فاضل باوعلي اني مرتك هنااا شوفنيي باع الشعر انعل امك وابوك تزوجني لا احرك امك وابوك ابن الكلب
راعوث :- يا عزه ابرار عفيه فشله لا يسمعج واحد شعجبج بي دكعدي راحه
ابرار :- شعره شعره يمه كلبي شعره شلون مسوي يجنن باع لبس ولحيه وشوارب يمه كلبي راعوث راح اوكع خلي ياخذني للمستشفى هوه ماريد غيره حتى يبدي الحب والنضرات القاتله اذا اخذني لا ترحون ويانه وحدنه ابوس ايدج
راعوث :- فضحتينه والله كون يمج افراح تشك حلكج شك
ابرار :- افراح راح تتزوج
راعوث :- اي لعد منو كاعده بالبدله البيضه
ابرار :- يعني راح تروح من بيتنه شلون
راعوث :- شفت ابرار نزلت دموعها حضنتها وبستها ، كافي لا تضوجيها يله الحمدالله شنسوي لازم تزوج خطيه والله هيه ليش ماتريد تزوج علمودجن وعلمود بابا لا تشوفج تبجين وتنقهر
ابرار :- والله ماكدر ماكدر هيه امي ما جاي اكدر اتخيل راح تعوفنه دوم تنام لمن نام واذا جوعانين تخبص الدنيا تسوي اي شي بس علمود ناكل صوتها حسها طولها بالبيت يعني بعد مانشوفه
راعوث :- لا اسم الله تجي والله هيه تكدر تجي وترحن يمها قريبه يمكم
– باوعت صفح شفت عُقاب دخل بهيبته وملابس الشغل وسلاحه بخصره ونضارته الشمسيه وجكاره بين اصابعه مورثها واني شكت حلكي الضحكه ردت اركض عليه احضنه بس استوعبت احنه بوسط الناس
ابرار :- هاااا شوف الضحكه واني من اتخبل على رضيوتي تحجي عليه
راعوث :- محد يحلى بعيني غيره وچ گلبي
ابرار :- راح تولدين على كيفج
راعوث :- باوعت عليه سلم على رائد ايد بايد وباسه باركله تخصر تك ايد وبالثانيه يدخن ضيق عيونه ومادري عليمن يدور بعيونه راح يم عمتي حجه وياها باوعت يمنى ويسرى حجت ويا وطلع رحت لعمتي حجت
ابتسام :- وينج رجلج اجه ويريدج بره بالسياره
راعوث :- هوه كال
ابتسام :- اي عمه روحي شوفي بره اجي وياج
راعوث :- لا لا رايحه
– طلعت بره شفت سيارته الفخمه رحت لسياره دنكت راسي ورفعت شعري وره اذاني شفت الباب انفتحت تقربت منه اشرلي على رجليه تقربت منه اكثر تخصرت وحجيت
راعوث :- شوكت اجيت ليش ماكلتلي
– سحبني من خصري كعدني بحضنه سد الباب عطت
راعوث :- اخخخ رجلي رجلييي
عُقاب :- راحت رجل فريخي
راعوث :- عدلتهن وضربته بصدره ، شبيك اني حامل عبالك لعابه بيدك
عُقاب :- اريد العب بيج باربي
راعوث :- اريد اروح
عُقاب :- حبيبي شهالجمال شطالعه ها گيمره شطالعه
راعوث :- انته حيل حيل حيل حيل حيل
عُقاب :- فصل النت
راعوث :- حيلل حيللل حلوووووو
عُقاب :- شلونهن اذاناتك حسيم
راعوث :- تجنن تجنن شلون هيج ضخم
عُقاب :- شنوه ولج
راعوث :- انته شلون هلكد هيبه وشواربك شلون هيج حلوات ويخوفن
عُقاب :- خبلتني كتلتني موتتني شسويت بيه ولك حال الضيم حالي من انته مو يمي ساعه بدونك ما اتحملها
راعوث :- حتى اني ماتحمل
عُقاب :- ابد ابد ماتتحملين
راعوث :- ابد والله
عُقاب :- الله يساعدج دبريها شلون ما جان اول مره وبعدين تتعودين تكومين تتحملين
راعوث :- شبيك
عُقاب :- اليوم محد يخلصج مني رائد ليلة دخلته اني ليلة طلعته
راعوث :- يماااا طلعت شنو
عُقاب :- الفرخ
راعوث :- لا عليك العباس ابو فاضل خليني انزل ما اروح وياك لأي مكان ما نام وياك اليوم والله ما
عُقاب :- ها اها طلع رائد راح يروح لبيتهم بغداد واحنه على فندق خمس نجوم
راعوث :- والله بطني كامت توجعني من الخوف
عُقاب :- لا تخافين يفوت منا ويطلع منا
راعوث :- عليك الحسين شنوه
عُقاب :- اليوم يفوت منا ويطلع منا ولا تحسين بي
راعوث :- عوفني اريد انزل
عُقاب :- كعدي على هذا الكشن حتى تنزلين من هذاك الباب
راعوث :- كعدت على الكشن رخيت جسمي ولزمت بطني فتحت الباب ماتنفتح درت وجهي باوعتله شغل السياره وعلج علج شغل اغاني
راعوث :- عُقاااب ويييين ماخذني عُقاب
عُقاب :- حب كل حياتي لكيته كلبي هاهيه اختااااااااااااار
راعوث :- عزه عُقاب لا نسوي حادث
عُقاب :- كل غالي يهون يحبيبي فداكككككك
راعوث :- غطيت وجهي بايد وحده وأخذت نفس وزفرته بعصبيه
عُقاب :- بس اسمععععع منيييييي يلي مجننييييييي
راعوث :- باوعت عليه وضحكت
عُقاب :- عطشاااااان اشوف عيونووووو ضيع العقل من دونوووو اماااانه ان شفتو شويكي من عيونو تبوسونو اويليييي
راعوث :- فهمني وين ماخذني نصي الاغاني
عُقاب :- الى جهنم وبئس المصير
راعوث :- كلبي راح يوكف من الخوف؟
عُقاب :- بربوگه سطرتي للباشا سطررررر
راعوث :- درت وجهي باوعت من الجامه سكتت بعد ما حجيت ويا ومقهوره ما شفت عرسهم ولا حجيت ويا افراح لحد ان بدت تغيب الشمس طبك يم فندق دخلنه للغرفه وانقفلت الباب ..
راعوث :- الساعه بـ 11 بليل نايمه بحضنه مشتغل السبلت الغرفه بارده ثلج ومطفين الضوه بس ضوه خافت من التيبلام
عُقاب :- اخخخ لو كل الوكت بحضنج واكابل هذا الوجه بووويه احس داخل الجنه
راعوث :- اشتاقيت لافراح
عُقاب :- فراحه هسه بحضن رائد ناسيه امها وابوها
راعوث :- لا مو بحضنه ما
عُقاب :- تغار
راعوث :- اي هيه مالتنه
عُقاب :- بعد صارت مالت رائد
راعوث :- والله مااااا
– سحب موبايله من الكومدي واتصل على رائد
راعوث :- يا لا
عُقاب :- ليش لا
راعوث :- عيييب نايمين مايصير غير
عُقاب :- نايمين مو
راعوث :- شتريد منه
– ضحك وبقه يتصل وما يجاوبه اخر شي غلق الموبايل رائد ضحك بصوت عالي
عُقاب :- كو*** الليله ليلته
راعوث :- حضنته وبسته همست ، لعد بس الك تريد
عُقاب :- اووووف كو** ابن كو** حسام جابني اشبع ضيم وقهر
راعوث :- هيبتي ابو شوارب
عُقاب :- اكوم
راعوث :- عُقاااب يعني مايصير احجييييي اني صوجي
عُقاب :- وچ الباشا مايتحمل هذا الحجي
راعوث :- بس اشوف الباشا اله اتفل بوجها
عُقاب :- اي وشتسوين بعد
راعوث :- انعل ابو لابو الجابه
عُقاب :- عنيفه
راعوث :- يله اريد اطلع الفروخ مليت شني والله نايمين بطني واوكلهم وشربهم اني شعليه بيهم
عُقاب :- ها فريخي شارب لو تخبل
راعوث :- تعبتتتتت حبااااب
عُقاب :- لا تبجين يبعد فروخي
راعوث :- اريد انام على بطني باوع حتى من انام على ضهري ماكدر احس ثقل عليه وانوب اثنين ماكدر والله واذا نمت صفح بعد ماكدر اكوم اله واحد يكومني يعني ماما هيج صار بيها وجابتنه كلنه شلون كدرت
عُقاب :- انتي شتحبين
راعوث :- شحب
عُقاب :- نومه صفاحيه على ضهر البطن
راعوث :- على بطني ارتاح
عُقاب :- اويليييي
راعوث :- شبيك
عُقاب :- بيه ناصر اريد ابوسه من حلكه على هاي الخلفه
راعوث :- شنو تبوسه من حلكه تقبل ابوس عمتي من حلكها
عُقاب :- حتى اشكك شك
راعوث :- عُقاب
عُقاب :- امه وابو
راعوث :- منو يسوي حليب للفروخ اذا اجو
عُقاب :- حسام
راعوث :- لا تشاقه يعني شلون اسوي اثنين زين اذا سويت الأولى انطيها لمنو خاف يشوفه هذاك ويكوم يبجي
عُقاب :- واني وين يم الإمام علي
راعوث :- يعني تساعدني واذا بالشغل
عُقاب :- حبيبي تدبر خلي يجون خلي ينورون الدنيا اريد اشمهم اشوف فروخي عيونهم عليه لو على امهم
راعوث :- لا عليك احلى والبنات عليه اريدهم نفس لون عيونك ويصيرون طوال عليك وضخمين وحواجبهم هيج وعلمهم على هاي الخزره التخوف ونشتريلهم سلاح وسمر وسوي جسمهم مثلك ما ازوجهم ما مالاتي
عُقاب :- استچني بويه استچني
راعوث :- والله احبك والله والله
عُقاب :- سجن گلبي
راعوث :- احبك ، حضنته بقوه وغمضت عيوني مطمئنه بحضنه ..
عُقاب :- صباحي جمالك
راعوث :- كعدت باوعت عليه بنعاس وتعب همست ، صباح الخير
– سحبت ملابسي لبستهن وهوه يباوع عليه ردت اكوم شفته كدامي كومني ايده حاوطت كتفي باس راسي واخذني للحمام قفل الباب و فتح الدوش ..
راعوث :- وره ما كملت لبست وطلعت بقه عُقاب يسبح سمعت موبايل عُقاب يتصل فتحته سمعت صوت عمتي
راعوث :- الوو
ابتسام :- الو ها يمه انتي راعوث شلونكم
راعوث :- زينين الحمدالله
ابتسام :- وين انتو
راعوث :- بالفندق وهسه طالعين
ابتسام :- وين ترحون احنه رجعنه للبصره ويا زيد
راعوث :- ها خوش احنه يمكن راح نروح لبيت اهلي
ابتسام :- براحتكم يمه مع سلامه الله وياج
راعوث :- سديته وحطيته على الميز فتحت محفظته شفت بيها فلوس طلعت منهن طلع من الحمام باوعلي وراح يم المرايه لبس ساعته
راعوث :- عادي اخذ فلوس
عُقاب :- اخذي روحي وياهن
راعوث :- شكراً طلعت من الفلوس وخليتهن بيدي اخذ غراضه وطلعنه حرك السياره وحجه
عُقاب :- عندج صور انتي وصغيره
راعوث :- ليش
عُقاب :- جاوبي بدون لغوه
راعوث :- عندي
عُقاب :- راح اروح على اهلج فوتي جيبيلي صورج
راعوث :- شتسوي بيهن
عُقاب :- بويه جيبيهن ومعليج رجلج اني مو ارهابي مسلح منقب
راعوث :- سكتت دخلنه بفرعنه سمعت صوت عركه باوعت على كرار ابن جيرانه ومرته ملخه تملخ وولد يتعارك ويا كرار والولد يفاككون بيهم اسمع فشارهم وغلطهم خفت حيل عُقاب نزل من السياره وحجه
عُقاب :- طبي لبيت اهلج
راعوث :- بقيت كاعده بالسياره شفت عُقاب دخل عليهم بهيبته وضخامته ولبس شغله والمسدس بخصره لزم كرار من البدي دنك عليه حط وجها بوجه كرار صار اصفر عبالك عزرائيل وكف عليه مو بشر عُقاب حجه من بين سنونه وخازره بعينه
عُقاب :- شمسوي؟
كرار :- يطعن بشررررررف اختي ابن الكح*** هوه وهاي اخته الم*** موبايلها كله ولد الله اعلم من اطلع لشغل شتسووووي وحدهااااا ولججج تعاي يا ك*** ، كفر ، بت الكواو***
راعوث :- كرار يحجي بصوت عالي و مرته تبجي وخاتله وره اخوها ماحسيت غير عُقاب ضرب كرار راشدي طير راسه
عُقاب :- لا تعلي صوتك مايساعد للعركات من سمعتك تعيط بالشارع على مره حسيتك لابس Bra وتنوره ام الكشكش
راعوث :- بيت رائد قريب سمع العركه طلع من البيت راح ركض عليهم
رائد :- خير شصاير منو انتو وين احنه عُقاب شجابك هنا
عُقاب :- اعتقلهم هذوله اثنيناتهم لمركز شرطه بغداد همه يتفاهمون هناك
رائد :- انعل ابو صباحيات العرس حضي بيا حفره واكع اريد اطلعه
راعوث :- مدري شحجه ويا ابو كرار ومشو الجانو واكفين دخلو لبيوتهم رائد اخذهم بسيارته و عُقاب راح لباب بيتنه دكها نزلت من السياره رحت وكفت وراه رفعت راسي صارت الشمس بعيني
راعوث :- بابا افتح البااااب
– باوع يمنى ويسرى عود يدور عليه وحجه
عُقاب :- هذا منو يحجي دخيل سيراميك الحمزه
راعوث :- ضمني شمس
عُقاب :- وين اضمك توصل لحزام البنطرون
راعوث :- والعباس انته طويل والعباس وحق الكاظم نروح نحلف بيه انته طويل
– وكفت كدامه نحصرت بين الباب وبينه دكيت الباب بكل قوتي
عُقاب :- اووووف باع الخلفيه مالت باب بيتكم
– خزرته ودرت وجهي فتحت الباب شمس طبيت حضنتها عاط عُقاب
– يله عيني مو وكته
– باوعتله بطرف عيني ودخلت وكف باب الاستقبال حمحم شفت محد بالصاله بس ابوي
راعوث :- ادخل عُقاب
راعوث :- دخل عُقاب يم ابوي رحت للغرفه فتحت المجرات حطيت الفلوس ودورت على علبه نحط بيها صورنه دائماً افراح هيه كلشي طلعلي وتندل كلشي هالمره ماهيه
شمس :- شتريدين يروحي شتريدين
راعوث :- صوري من جنت صغيره عُقاب يريدهن
ابرار :- اني اندلهن وخري بس كليلي شصار شنو هاي العركه
راعوث :- والله مادري كرار واخو مرته يتعاركون ومرته ملخه تملخ مدري شبيهم
شمس :- صدك خطيه شبيها البنيه
راعوث :- والله مادري رائد اخذهم لمركز الشرطه
شمس :- الله اعلم شمسوين
راعوث :- اي ، باوعت على ابرار ارتبكت ومبين نعاد بالها كلشي بعد ما نسته عيونها دمعن بسرعه طلعتلي الصوره وطلعت من الغرفه
– طلعت صوري اخذتهن وطلعت كعدت يم عُقاب انطيته الصور شافهن صوره صوره ويحجي
عُقاب :- بووويه شني هاااي شني هذا الجمال عمي بروح ابيك شلون متحملها شلون ماتاكلوها باع العيون باع العصبيه رحت فدوه للحسين باع الشفه بووويه شبي معصب الحلو شبي كتلني بنضراته
ناصر :- ههههه كوه نصورها ماتحب التصوير جنها لعابه اروح فدوه لوجه بنياتي
عُقاب :- الله يحفظهن الك ويخليك تاج على راسهن يا بعد ابوي وهسه احنه راجعين للبصره والله العظيم عفت الشغل لفوك راسي علمود عرس رائد الله يسعده
ناصر :- هلا بيكم براحتكم
راعوث :- رجعنه للبصره والطريق كله يبوس بصورتي وبايدي ويتلمس بطني
– نزلت من السياره نزلت من السياره مدخله الجنطه بيدي واصله لكوع ايدي ورافعه ايدي ونضاره شمسيه مالت عُقاب لابستها واعلج وامشي بكل ثقه وايدي الثانيه على بطني سمعته حجه
عُقاب :- عفييه عفيه مرت عُقاب بعد
راعوث :- ابتسمت ودخلت للبيت كعدت يم عمتي
ابتسام :- هلا بيكم شلونج يمه شلونها فروحه هم مريتو بيها
راعوث :- لا ما رحنه الها
ابتسام :- ها خطيه
راعوث :- شكالت ام رضا
ابتسام :- تخبلت على اخيتج صلوات على محمد وكعن بكلبها خاصه ابرار وحك علي بقت عينها عليها
راعوث :- ابتسمت ، صدك
ابتسام :- والله ماحجت لان هوسه وعرس كالت غير مره نروح عليهم
راعوث :- هلا بيها
ابتسام :- بعد عمري روحي ارتاحي يمه ريحي ضهرج جنتي بالسياره ضهرج تكسر الله يتنوعلج ييمه
راعوث :- صعدت للغرفه شفت بكل مكان لعابه لو ثوب لاطفالنه كل ما اشوف شي اشتري الهم اخذت ملابسهم ولعاباتهم كعدت على الجربايه سفطتهن يمي واباوع عليهن و مبتسمه فرحتي متنوصف بيهم
– بـ 1 بليل انتضر عُقاب ماكو لابسه شورت وكيمونه وعليهن روب لونهن ذهبي وفاتحه شعري واكفه اعدل بالملابس انفتحت الباب دخل عُقاب يدخن باوعلي من فوك لجوه
عُقاب :- احححححح
راعوث :- عفت الي بايدي ورحت عليه حضنته وبسته ، وين جنت ليش اتاخرت
– ايده البيها جكاره حاوطت خصري وباسني بقوه
عُقاب :- احححححححححح بووويه
راعوث :- ابتسمت وحطيت راسي على صدره همس ..
عُقاب :- مدمنج
راعوث :- بعد الروب عن جسمي مشه اصابع ايده على كتفي بهدوء كزبر بدني اخذ شفتي بين شفايفه وصار يتقدم مني واني ارجع لوره لحد ان دفعني على الجربايه
راعوث :- عُقاااب عفيييه بس اريد احجي وياك عُقاااب
عُقاب :- عروك كلبي فريختي بربوگتي احجي طلبي
راعوث :- تعرف الولد التعارك اليوم كرار
عُقاب :- هيه هاي؟
راعوث :- حبيبي اسمعني لا تصيح عليه شبي شمسوي
عُقاب :- مو وكته حبيبي
راعوث :- عفيييه جاوبني عفيه
عُقاب :- مو تزوج كرار اخو مرته جاي لبيته ومشوفه محادثات ويا اخت كرار وفاضحها فضيحه يم اخوها ومرت كرار وحده كح** خاينه يوميه مصادقه واحد على رجلها فرت دولابها الدنيا واجته الاقوى
راعوث :- الله ياخذه ان شاء الله يموت شكو واحد مثله
عُقاب :- ابلش
راعوث :- لا يمممممه ساعدينييي
عُقاب :- وچ احححححبچ افهمي احبچ
راعوث :- حضنته بقوه والضحكه شكت حلكي ..
تسريع الأحداث ..
راعوث :- نايمه على السديه والدكتوره تضرب بايدي الابر وتشدلي الكانونه وتحط اجهزه بايدي من وجع الابر اصرخ وابجي
راعوث :- والله هاي اخر مره والله والله اذا حبلتني يا عُقاب وحق الحسين ماخليك ماااريد توووبه ماريد خلصوني خلصني عُقاب تعبت
– الدكتوره تضحك و عُقاب لازم ايدي الثانيه باسها
عُقاب :- شدي حيلج بعد سيسي نريد
راعوث :- مااااريد ماريد على كيفج ابوس ايدج كافي عوفوني اني اجيبهم وحدي لا تضربوني هاي الابر
عُقاب :- بابا خلصنه ها اها بس تركبلج المغذي
راعوث :- شدتلي مغذي وشغلت جهاز نبضات توأمي شكد شعور حلو صح اتوجع وخايفه بس شعور حيل حلو من احس راح اجيب توأمي واشوفهم واحضنهم نمت على السديه لحد وقت العمليه وادخل لغرفة العمليات ..
– بقه عُقاب مهتم بيه بهذا الوقت ويحاول يضحكني وينطيني كلام ايجابي ارتاح وما اخاف من العمليه
عُقاب :- وچ راح يجون فروخنه وسيراميك الحمزه مامصدك فروخنه هذوله مو شي عادي راح يجون دخيلك يالحمزه استر علينه الليله
راعوث :- ههههه عُقاااب لا تضحكني والله خايفه
عُقاب :- كومي نسبح سوه يكولون السبح الثنائي يوخر التوتر الخوف الهبطه الدوخه الأم الحمل
راعوث :- عُقااااااب والحسين مو وكت هاي السوالف وين عمتي
عُقاب :- بره عوفيها اريد شفه
راعوث :- والحسين ابجي والحسين طالعه روحي صيح لعمتي كون تحس بيه هسه جان ماحجيت هيج
عُقاب :- اريد اشوف فروخي راعوث تحملي علمود فروخنه وداعتج ماتحسين بسرعه تجيبين بس تسمعين صوتهم تنسين كل الوجع
راعوث :- كول والله يعني ابد مايوجع اخاف اموت
عُقاب :- اسم الله على اسمج بعد اهلي لو تموتين اني ما احبلج ولا اريد اشوف فروخي انتي فرختي يابعد امي وابوي
راعوث :- سحب ايدي باسها لازمه بطني وخايفه باوعت على الساعه ركزت بيها وبصوتها تذكرت الصار وين جنت وين صرت معقوله هذيج نفسها اني الدخلت بيت دعاره وعشت هذاك الجحيم والتحقيق المرعب والرجال الخفت منه ورجعني لاهلي صار زوجي وهسه راح اجيب اطفال منه شكد الدنيا تشوفنه اشياء ما جنه نتوقع تصير ..
– افراح عايشه احلى عيشه ويا رائد ومامقصر وياها ولا ويا اهلي يوميه يم اهلي مرات يباتون يمهم شمس رجعت لزوجها وبعد فتره حبلت وبقه تعامل عيالها مثل قبل لحد ان تأكد عقيل مو منها السبب طلعها بيت وحدها والحمدالله مرتاحه ابرار خطبتها ام رضا بس كالت لمن تكبر شويه ويتزوجون واذا اجت قسمتها انطوها وبعدها تتدرس ورقيه كذالك تدرس
فرح :- دخلو راعوث لغرفة العمليات انطوها بنج عام و عُقاب دخل وياها وره شويه وسمعنه صوت الاطفال وعمتي كامت على حيلها ودموعها تنزل على خدها رفعت ايدها وحمدت ربي واني دموعي صارت تنزل لا ارادي صوتهم يقشعر البدن
– وره ما اخذو الاطفال ونضفوهم ولبسوهم حطوهم بجربايه الأطفال الرضع واخذوهم للغرفه و عُقاب مايفهم دربه ناسينه كلنه ولمعة الفرحه بعيونه طلعو عُقاب وبقت راعوث بغرفة العمليات عمتي كاعده وتباوع عليهم وباستهم وتصلي على النبي وجهة احمر من الفرحه عُقاب أذن باذانهم وباسهم بحنيه حيل صغار وجلدهم ترف ناعمين
– طلعو راعوث للغرفه البيها الاطفال واحنه بعدها نايمه وره شويه كامت تفتح ببطئ وبعده تأثير البنج بيها
راعوث :- وييين فروخيييي طلعتو فروخي وينهم ليش اخذتوهم
عُقاب :- بويه جبتيهم هذوله نايمين سمعي صوتهم يبجون يريدوج
راعوث :- خاف بقه واحد بطنييي طلعو اكو واحد بطني ليش عفتو تعبتت تعبنيي خلصوني منه
عُقاب :- طلعناهم اثنينهم وصرتي زينه وراح تروح هاي البطن
راعوث :- كللله من وره عُقاب كله منه ضحك عليه كال مايوجع خلي احبلج صدكت بي وخليته يحبلني حبلني يم الحصان انعل ابو حساام تعال
عُقاب :- انشهرنه انشهرنه
راعوث :- افراح بابا تعالو بنتكم راح تمووت أذوها تعالو اخذوها الله اشتاقيت لابو سمير وين ابو سمير جيبولي ابو سميررررر
عُقاب :- ابو سمير منو؟
راعوث :- اني وين جبت لو بعدني
عُقاب :- بالعباس اشكج شك بس صيري زينه بووويه الزمج لزمه من هاي الزينه
فرح :- بقت مدري شتحجي واحنه نضحك عليها لحد ان رجعت غفت وره شويه اخذو الجهال ورجعوهم شافو صحتهم ودرجة حرارتهم ونبضهم واحد نايم والثاني يبجي شاله عُقاب بايد وحده حطه على صدره وكعد
عُقاب :- هذوله شنو بكد الايد هاي كل الفروخ هجي لو بس فروخي
عُقاب :- كلهم هيجي بعد روحي بعده عمرهم ساعات
عُقاب :- يابعد عمري نورتو الدنيا بابا حبيبي غير تكعد الزقچه تشوف فروخها
ابتسام :- هسه تكعد وتشبعون منهم
عُقاب :- الف الحمدالله والشكر
راعوث :- كعدت واني ماحس بجسمي عُقاب حط الاطفال على صدري واني دموعي كامت تنزل لا ارادي والضحكه شكت حلكي احتار اباوع لمنو مامصدكه عقلي مايستوعب جبتهم واني بخير وهمه صحتهم زينه عُقاب باس راسي وباوع بوجهي مبتسم رفع شعري وره اذاني وهمس ..
عُقاب :- الف مبروك
راعوث :- مامصدكه جبت اني
ابتسام :- الف مبروك يمه يتربون بعزكم
راعوث :- مسحت دموعي وبستهم وكلبي يدك بقوه من الفرح وره ما ارتاحيت شويه جابلي اكل وكعد يوكلني عمتي وفرح رجعن للبيت بقه بس عُقاب يمي يوكلني ويباوع على الاطفال وعليه
عُقاب :- صار عندي فريخات منج
راعوث :- خاف حلمانه
عُقاب :- لا وداعتج مو حلم هذوله فريخاتنه يمنه
راعوث :- شحلاتهم حبيبي ودي اعضهم
عُقاب :- منو ابو سمير
راعوث :- يا ابو سمير
عُقاب :- مشتاقتله ابو سمير
راعوث :- صفنت ، شنو
عُقاب :- من كعدتي من البنج كلتي مشتاقه لابو سمير؟
راعوث :- هاااا الحجي والله حجي جان يمنه عنده حديقه بيها فواكه وهسه مادري وين راح شال من بيتهم والله رجال جبير
عُقاب :- خاف سميره جانت عاجبتج
راعوث :- لا والله ابنه حيل جبير اسم الله
عُقاب :- خوش
راعوث :- سميتهم؟
عُقاب :- لا بويه بعدنه ماتفقنه على اسماهم
راعوث :- اروح فدوه لفروخيييي
عُقاب :- اموت عليچ انتي وفروخج
راعوث :- احبهم همه وابوهم فدوه الهم فدوه يربي اريد اكلهم اعضهم اكرصهم حيل
عُقاب :- الكم الله فريخاتي
راعوث :- عاجبني اسم غياث
عُقاب :- والثاني
راعوث :- مادري باوع هذاك الي ابيض من هذا سمي غياث حلو مو
عُقاب :- وداعتك كلشي تحبه يصير حلو
راعوث :- والثاني
عُقاب :- صهيب
راعوث :- صُهيب و غياث اي والله حلوات عفيه سميهم سميهم
عُقاب :- على عيني
راعوث :- بس اسماهم ما يتشابهن عادي
عُقاب :- عادي بويه حتى همه مايتشابهون ولا عبالك توأم
راعوث :- سبحان الله عود ليش
عُقاب :- بس يكبرون شويه بعد ما تميزيهم
راعوث :- ابتسمت وكملت اكل
– العصر واجه زيد وعمتي وافراح والجهال وعلوش اجه شايل باقة ورد جبيره ولابس قاط وضحكته على وجها اجه باسني ردت اخذ الورد اخذه
علي :- لسيسي مو الج
راعوث :- باوعت لفرح ودموعي بطرف عيني شسوي بعد ماعرف شحجي راح يم الاطفال باوع عليهم وابتسم باسهم وحجه
علي :- مادري وين سيسي بس اني اسمي علي امج تصيحلي علوش عمري صار 10 سنوات ادري جبير بس حبيني لان اني من زمان احبج وهذا الورد جبته الج ولاختج
فرح :- ماما علوش
علي :- ماما عوفيني اباوعلهن لا تحاجوني خلوني اختار سيسي
فرح :- بس ماما هذوله مو بنات ولد
– دار وجها علوش لامه وبدت تبين ملامح البجيه على وجها
علي :- لا تشاقين ماما
راعوث :- والله ولد يروحي والله اجيبلك سيسي بعدين وعد
– هوه سمعني حلفت وشمر باقة الورد بالكاع وكام يصرخ ويبجي ويمسح بحلكه مكان البوسه ونزع الجاكيت شمره بالكاع ويبجي ويصرخ
علي :- ليششششش ليششششش ضحكتو عليييييه واسيللللل واسيل وينهااااااا جيبي اسيلللللل جيبيهاااااا
راعوث :- كمت ابجي لا ارادي راح عُقاب شاله وهوه يدفع بي وفحط من البجي وجها دم ودموعه ترست وجها ويصرخ حضنه وباسه ويوعده يجيبله سيسي طلع بره لان الاطفال كعدو شالتهم فرح حطتهم بحضني وزيد طلع وره عُقاب
ابتسام :- يمه والله كلبي نغزني شجاه عليمن يبجي يعني اذا اجت البنيه يتزوجها والله عنده سوالف
فرح :- هذا حضي شسوي اسم الله تخبل صار بي شي من شاف راعوث ولهسه يصيح سيسي وسيسي شسوي كليلي والله هذاك اليوم صيحت عليه ما فاد شسويله طفل وحط باله شي
ابتسام :- الحمدالله والشكر طفل شنسويله
راعوث :- خطيه والله انقهرت شسوي عفيه
ابتسام :- يايمه لا تفكرين تجيبين سيسي والف سيسي
راعوث :- سكتت واحس كلبي يوجعني من القهر على علوش بقه كاعد بالسياره مالت ابو مايقبل ينزل يشوفني او يشوف الاطفال اشتراله عُقاب حاول ويا ولا حجه زعل بقه كاعد بالسياره بقت عمتي وفرح يمنه شويه جابت عمتي اكل وملابس وشافتني ما محتاجه شي راحو
– بقه عُقاب يمي هوه اهتم بيه بهذني اليومين يلبسني ويوكلني يغسلي اذا توجعت يخاف عليه ويصيح لدكتورات والجهال مهتم بيهم حيل كل ساعه شالهم وباسهم
– سألنه اهلنه على الاسماء ونص عجبهم ونص لا بس بالاخير ثبتنه عليهن وسميناهم صهيب و غياث
– طلعنه من المستشفى رجعنه للبيت لكيت اهلي مسويلي مفاجأه حيل فرحت شافو الاطفال وباركولنه بابا صحته حيل زينه
– عمتي خلت غرفتها اليه ولجهال لحد ان اطيب وارجع لغرفتي و عُقاب يخزر بعمتي وكل ساعه اخذ حسره فرح تضحك عليه وتذكر ذكرياتها ويا زيد
– شمس بطنها كبرانه منتضريها تجيب ونفرحلها افراح رافضه فكرة الحمل نهائياً للعصر ورجعهم رائد لبغداد
– اجن خطار يمي كرايبهم وجيرانهم يشوفني شويه ويروحن يعرفن تعبانه لليل الكل راح فرح جابتلي العشه هستوني ردت اكل كعد غياث يبجي وكعد اخو عفت الاكل ورضعتهم لحد ان نامو برد الاكل
فرح :- يله تتعودين على هذا الحال انوب تاكلين الاكل بارد
راعوث :- شوكت يكبرون
فرح :- هههههه كعدي راحه كولي يالله راح احمي الاكل
راعوث :- حمت الاكل اكلت وكملت بقيت اباوع عليهم ومبتسمه وره نص ساعه دخل عُقاب كعد يمي باوعلهم وباوعلي
عُقاب :- صار عندي تلاثه فريخات
راعوث :- وينهم اسم الله
عُقاب :- انته وصهيب وغياث
راعوث :- وانته ابونه
عُقاب :- احبج
راعوث :- احبك يابعد فروخي
– تقرب مني يباوع بوجهي نزل عيونه على شفايفي رفع خصلات شعري وره اذاني دنكت مبتسمه رفع شعري وقرب شفايفه من شفايفي شواربه طخت طرف شفايفي كزبر بدني غمضت عيوني تقرب اكثر انفتح الباب وخر من عندي شفت عمتي صفنت علينه ارتبكت حجت
ابتسام :- يله عيني كوم خلي البنيه تاخذ راحتها وتنام براحه منا لـ 40 يوم لا تجي يمها ولا تتقربلها خاف ماتدري
عُقاب :- اووووف منج بسووومه اوووف
راعوث :- ضحكت عمتي عُقاب باوعلي دنكت مبتسمه عافني وطلع نمت وتغطيت عمتي فرشت بالكاع طفت الضوه غمضت عيوني مرتاحه من المستشفى ونومة السدية والاطفال نايمين هستوني غمضت شفت تلفوني انفتحت الشاشه سحبته من الكومدي شفت عُقاب دازلي رابط اغنيه دخلت عليه
اغنيه حاتم العراقي – الليله وحدي
راعوث :- فتحتها واسمع بيها وكوه كاتمه ضحكتي لحد ان وصلت
– الليله انام الليله وحدي راح اليحط خده على خدي
راعوث :- واني طكيتها بضحكه فزت عمتي باوعتلي عبالها حلمانه
ابتسام :- ها يمه الزهره اني يمج شبيج يمه
راعوث :- اضحك واحجي ، لا لا ماكو شي جاي اراسل عُقاب وضحكني ماكو شي نامي
ابتسام :- يا صدك جذب يمه عبالي تخبلتي اهمداني ارجع انام احسن مخبلين مو صاحين
راعوث :- رجعت شغلتها واضحك
– ياخدني بالاحضان وارتاح وادري الدمع مايرجع الراح
– وينه ومكانه خالي عندي
– على الغيبه ابد ما عودتني ، يا ما على صدرك نومتني
راعوث :- حطيت ايدي على حلكي واضحك عمليتي كامت توجعني من الضحك واكول ، سوده عليه
– تدري بغيابك عذبتني
– مو راح اموت وينك اليوم
– وعيوني بعدك عافت النوم
راعوث :- ماتحملت اكملها دزيتله رساله
– هههههههههههه خطيه تريد اجي
– كلبي وكف تعاي
– متاكد كلبك
– بووووويه فريخييييي صاير سرسري
– زين ليش مايخلوني انام بحضنك والله مشتاقتلك ماريد تتقربلي بس انام يمك
– بويه أذيج
– لعد اتحمل
– اوووف تتحملين انتي
– اتحمل جم يوم لمن اطيب
– مايفهم مايفهم فديته
– غيوثي يسوي نيمنيم
– عضي من يمج
– يا فريخي ما اعضه حبيبين امهم
– واني
– حبيبييي حبيبييي روحي من الدنيا انته
– يروحلج فدوه حسام وعشيرته نامي ارتاحي عروك گلبي
راعوث :- طفيت الموبايل ونمت اول ما غفيت وفزيت على صوتهم يبجون شلتهم حاولت اسكتهم مايسكتون صهيب زين اله غياث اذا بجه بعد هاهيه مايسكت عمتي حاولت تسكته طلعته بره تمشت بي ولا يسكت حطيته بحضني احاول انيمه صهيب نام بحضن عمتي غياث بقه كاعد ويبجي
– نزل عُقاب اخذه مني نيمه بحضنه تلمس خده وحضنه لصدره شويه وسكت اخذته بحضني لحد ان غفه نيمته بمكانه ونمت غطاني عُقاب وباس راسي
عُقاب :- اخذهم يمي بعد عيوني اخذهم حتى تنامين وترتاحين
راعوث :- لا يروحي اني اعرفلهم خليهم بعد مايكعدون
عُقاب :- خوش بويه نامي ارتاحي تريدين شي جوعانه
راعوث :- شكراً حبيبي
عُقاب :- بعد اهلي
راعوث :- طلع عُقاب غمضت عيوني بسرعه غفيت من التعب والسهر
راعوث :- كعدت الصبح اسمع صوتهم يبجون بره اخذت حسره كعدت على كيفي اتحرك رفعت شعري وكمت مشيت على كيف طلعت لصاله شفت واحد بحضن عُقاب والثاني بحضن عمتي وفرح تسويلهم حليب عُقاب لابس ملابس الشغل يريد يطلع السويج يمه اسمعه يسكت بي بس بصايح عباله يفهم
عُقاب :- اسكككت اشششش لا تبجي ولك بابا اسككككت شني هاي لغوه بعدكم بكد النعال عليمن تبجون
راعوث :- حبيبي مو هيج انطيني هذا منو العندك
عُقاب :- صهوبييي بوبي عندي انعل ابو لابو الخلفه انعل هذاك اليوم الحبلتج بي فروخ اريد موو فروووخ
راعوث :- لا تصيح يفزون يصير بيهم ابو خريعه
عُقاب :- ابو اخخخ خليني لازم لساني اخذي هاج رحمه لابوج الصاك اخذي
راعوث :- احس انقهرت صاح بوجهي كعدت اخذته بحضني ودنكت راسي وعيوني كلهن دموع كام عُقاب حط مخده وره ضهري ونزل لمستواي سحب ايدي باسها باوع بعيوني
عُقاب :- يكبرون وتصير هاي الايام ذكريات
راعوث :- هزيت راسي بـ اي ، ورضعت صهيب مميه باوعت لـ عُقاب بعده يباوعلي
عُقاب :- محتاجه شي
راعوث :- سلامتك
عُقاب :- الليله هم انام وحدي
ابتسام :- اي جا شلون
راعوث :- تذكرت الاغنيه دنكت ضحكت
عُقاب :- والله صوجي
راعوث :- راح عُقاب لشغل رضعت الاطفال ونيمتهم يمي تريكت طلع علوش من الغرفه كعد على التخم ويلعب بالموبايل
فرح :- علي تريد ريوك اسويلك لفه يروحي
علي :- ماريد
فرح :- هذا حليب وجاي تحبه
علي :- ماريد
فرح :- يروحي شاكلت على الجبس من امس لهسه دتعال اكل يابعد عيوني
علي :- ماما عوفيني كلتلج مو جوعان عوفيني بحالي
راعوث :- چؤ والله اجيبلك سيسي والله وعد ، علوش حاجيني
– ما يجاوبني ومركز بالموبايل
راعوث :- تقبل اذبهم اروح ابيعهم واشتري بنيه صغيره خطيه شوفهم شلون نايمين يكومون يبجون عليه اذا عفتهم
علي :- اريدها منججججج جا اني ما اعرف اشتررررري اريد انتي تجيبيها
راعوث :- والله اجيبها والله يروحي بس لا تضوج وتعال اكل
علي :- ما اكللل ما اكللل راح يصير عمري 11 بعد ماتقبل بيه تريد واحد صغيررررر
راعوث :- كام يبجي ويمسح بدموعه ، تقبل بيك يروحي تقبل اذا تحبها ودللها وتهتم بيها تحبك لعد اني مو تزوجت عُقاب وعمره 32 واني 16 فرق حيل جبير بس هسه احبه واموت بدونه هيه مو بالعمر يروحي بالافعال شعلينه بالعمر هوه مجرد رقم
– كام من مكانه يبجي بصوت عالي راح للغرفه كامت فرح وراه
ابتسام :- دخيلك ربي ادري شمسوين للولد والله كلبي ينغز من اشوفه يبجي لا والله يرادله ربطه بشباج الكاظم
راعوث :- حقه عمه حقه اني وعدته وما فهمناه من البدايه ولد بطني مو بنات انهضم خطيه
ابتسام :- الله كريم هسه بس طيبين شويه نسمع بيج حامل ماعرفه عُقاب
راعوث :- دنكت راسي مستحيه بعد ماعرف شجاوبها
ابتسام :- حتى طلعين بره تتمشين شويه بالحوش زين المشي الج
راعوث :- وره ما اكلت وكملت كمت غسلت الجهال نيمناهم بالغرفه طلعت وياي عمتي للحوش تمشيت شويه وكعدت على الكرسي اتصل عليه ابوي جاوبته سمعت صوت ابرار
ابرار :- هلو شلونج شلونهم حبيبين خالتهم
راعوث :- تعاي اخذيهم
ابرار :- ها ليش
راعوث :- بس يبجون اسم الله
ابرار :- ههههه غير صغار شلونج يروحي
راعوث :- زينه الحمدالله انتو شلونكم افراح يمج
ابرار :- لا يم رائودي
راعوث :- لعد خير ليش اتصلتي محتاجه شي لو شتاقيتولي
ابرار :- اكيد اشتاقينه الج هسه اخذت التلفون من بابا وخابرتج لان والله مادري احس مشتاقتلج انتي وفروخج ولو احنه امس يمكم
راعوث :- والله حتى اني اشتاقيتلكم ولج يا فروخ شيبوني بعده ما صارلهم اسبوع الله يساعد افراح شلون ربتنه وحدها اني هسه يمي عمتي وفرح و عُقاب واحس مالحك على يومي لا اعرف انام ولا اعرف اكعد
ابرار :- اجي ابقه يمج واساعدج
راعوث :- حتى رضا بعد مايعوف الباب
ابرار :- انجبي اصلاً الولد بغداد
راعوث :- ها منين تعرفين
ابرار :- راااعووث
راعوث :- ههههه شكراً يروحي ماتقصرين والله يمي فروحه وعمتي
ابرار :- قبل شويه اجت ام كرار
راعوث :- خير ان شاء الله شعدها
ابرار :- الخايس موديها تخطب كايللها عاجبتني بتهم الصغيره من تطلع للمدرسه اشوفها واخلاق ومؤدبه واريد تخطبيها اليه عباله اوافق ابن الجلب
راعوث :- صدك والله ذلي بربج يعني ما رجع لمرته هذيج
ابرار :- لا وين يرجع واخته زوجوها غصب لابن عمها وهوه كاعد لا شغل ولا عمل جنه قندره صارلها ستالاف سنه مادري شبيه حبيته جان عندي قندره مو كلب
راعوث :- بالاخير رجعلج رجعلج وهوه مثل الجلب واذا عرف انتي مخطوبه يايمه
ابرار :- يشيط
راعوث :- يستاهل يشوف الاكثر والاكثر الذكر
ابرار :- وحق الله اذا طلع رضا مثله اربطه بالكرسي واشوفه انواع العذاب احركه حرك
راعوث :- خوفتيني باي
ابرار :- والعباس اطلع دمه اذا طلع مثله ماتدرين شسوي بي عبالج بس اماكن عامه اعذبه لا حتى الخاصه
راعوث :- ايعع باي باي
– سمعتها تضحك سديته وبقيت كاعده اشتم الهوى والشمس دافيه صوت عصافير بره راحه نفسيه جبت توأمي وكمت بخير وسلامه و عُقاب موجود يمي و اهم شي عندي بابا موجود ويانه بهاي اللحظات وصار زين بفضل ربي وثم بفضل عُقاب وعايش باحسن بيت ومرتاح ..
– بعد شهر الاطفال صار بيهم روح ودي اكلهم همه وحركاتهم غياث لون عيونه ازرك فاتح وصهيب بُني غامق توأمي مو متطابق بحيث نميزهم بسرعه
راعوث :- وره ما سبحت كعدت بالصاله مخليتهم كدامي اثنينهم لبستهم بست ايدهم كعد يمي عُقاب يلعبهم ويعض باصابعهم على كيف واني اعيط عليه ما اقبل يأذيهم بين اصابعه الجكاره ولزم وجه صهيب باثنين ادين وعاط
عُقاب :- شني هذا الوجه شنيييي ولك دخيل الله عندي مصنع كيك مو عائله
– لزم وجه غياث وحجه
عُقاب :- ولك انته ضيم انته جنك مره
راعوث :- عُقاااب عوف فروخي لا تضوجه هوه رجال
عُقاب :- رجال اخخ رجال مو خلي اجعصهم اثنينهم بشرفج نسوي غيرهم
راعوث :- يربي عُقاااب خطيه شوف شلون يباوعلك
عُقاب :- اريد اعض شفايفه
راعوث :- يا
عُقاب :- اريد اعض خده وچ اريد اكلهم
راعوث :- حتى اني خلي ناكلهم
عُقاب :- يله واحد الج واحد اليه
راعوث :- بسرعه لا تجي عمتي
عُقاب :- عضي عضي
راعوث :- اخذت صهيب وعضيته من خده وهوه فحط صار احمر
– اجت عمتي واني بسرعه كمت صفنت عليها شالته من الكاع و عُقاب يضحك بصوت عالي
راعوث :- والعباس علكيفي والحسين هوه مايتحمل
ابتسام :- نعلعلا ابوج لابو حتى اهلج شسووووويتي شسويتي لطفل
عُقاب :- والقران عُقاب كالي والقران
ابتسام :- امشي من يمي ولج امشيييي امشي ماريد اشوف وجهج عود صارت ام وأمن بيها امده كصتي اي والله اسكت بيبي اسكت هاي امك مخبله
راعوث :- رحت لغرفة عمتي وكعدت على الجربايه العب باصابعي ضجت على صهيب دخل عُقاب للغرفه قفل الباب وتقرب مني وكف كدامي رفعت راسي باوعتله ودنكت
راعوث :- كله من وراك
عُقاب :- عليج عقوبه على هاي العضه
راعوث :- انته كلتلي
عُقاب :- انتي ماعندج عقل
راعوث :- عندي بس يشهون فروخككك
عُقاب :- مشتهيه
راعوث :- شنو
عُقاب :- خدود
راعوث :- اي خدهم يشهي ناعم وطري
عُقاب :- وابوهم مايجي على بالج وتشتهي
راعوث :- ها
– دفعني على الجربايه ونام فوكاي
راعوث :- لا عليك الله عليك الله كوم
عُقاب :- اشششششش
راعوث :- حط راسه بركبتي جسمه وانفاسه نار ، عُقاب والقران بعد عشر ايام عفييه عفيه مايصير تتقرب مني هيه عمتي كالت
عُقاب :- وچ اشتعلتتتت
راعوث :- عزه غرفة عمتي عفيييه
عُقاب :- وچ تعاي طفي ناري
راعوث :- عُقاااب بس اسمع عفيه والله ماكدر عمليتي حباب لا تأذيني
– باوع بعيوني منتهي عيونه ذبلانه ركز بشفتي العرك ينزل على كصته درت وجهي لجهة الثانيه حتى ما يبوس لزم فكي بقوه فز جسمي بحركه سريع اخذ شفايفي بين شفايفه ..
– الباب تندك بقوه وصوت عمتي بره دموعي ناشفه على خدي ملابسي مشموره بالكاع مشككه سترت جسمي بالغطه حضني عُقاب وباس راسي ويرفع بشعري لوره
عُقاب :- بويه أذيتج يابعد اهلي والله فقدت شنو اليوجعج وين الوجع بعد فريخاتي كلهم بعد روح عُقاب شنو اليوجعج ليش تبجين بويه
راعوث :- اريد ملابس عوفني
عُقاب :- مسحي دموعج شنو ال يأذيج ها ابوي فقدت والله العظيم فقدت شلون تبقين وياي بغرفه وحدنه اذا هلكد تتأذين
راعوث :- جيبلي ملابسي بكنتور عمتي
– جابلي ملابس لبستهن كمت حضني بقوه واني طكيت بالبجي
عُقاب :- يابعد امي وابوي كسر بيدي
راعوث :- وخرت من حضنه وطلعت اول ما شافتني عمتي صفنت عليه بخوف رادت تحجي شافت عُقاب سكتت
– رحت للحمام سبحت وصحت لعمتي تجيبلي ملابس لبست وطلعت مدنكه ما حطيت عيني بعيونهم فرح تباوعلي وتاخذ حسرات طبيت للغرفه كعدت على الجربايه اجت عمتي كعدت يمي دنكت راسي
ابتسام :- ها يمه راعوث
راعوث :- ها
ابتسام :- اكو شي يوجعج عمليتج اتأذت
راعوث :- لا
ابتسام :- يمه جا شبيج تصيحين شصار تقربلج عُقاب
راعوث :- هزيت راسي بـ اي
ابتسام :- ادري ليش هذا الصياح طلع بيج الفتره هذيج مو؟
راعوث :- دنكت راسي وثواني اذا تبقه تحجي ابجي
ابتسام :- يله يمكن خفتي وصيحتي يله حبيبتي لا تضوجين ولا تخافين ماكو شي ان شاء الله اكوم اشوف الجهال
راعوث :- عُقاب طلع من البيت بليل من اجه جايبلي اكلات احبهن واكسسوارات وفستان وطوك شعر بي فراشات حضنته بقوه وبسته
عُقاب :- ما زعلانه
راعوث :- لا تأذيني بعد
عُقاب :- ما أذيج بويه انتي ترفه
راعوث :- لا والله انته تأذيني ولا تحبلني حباب والله ماكدر ماريد بعد طفل خلي يكبرون
عُقاب :- واسيل
راعوث :- عفيه لا تحبلني بس انتضرني ارتاح والله تعبانه
عُقاب :- على عيني كله ولا يتعب فريخي مشتاقلج
راعوث :- فروخي ياكلون من هذني الاكلات
عُقاب :- لا عيني بس الك
راعوث :- ابتسمت كعدت اكل وهوه يدخن ويباوع عليه وعلى تفاصيلي وملامحي وشفايفي سحب ايدي باسها
عُقاب :- فراشتي
– تقربت منه وكلته نستله كح بست صدره
راعوث :- شبيك حبيبي
عُقاب :- بيه انته
راعوث :- ابتسمت وحطيت راسي على صدره حضني وباس كتفي
– صار عمر التوأم 10 اشهر وبعدني رافضه اجيب طفل واذا حاجاني عُقاب على هذا الموضوع ابجي واكلب الدنيا
– عمرهم 10 اشهر عفناهم يم عمتي وطلعنه سفره خارج العراق احلى ايام عشتهن ويا عُقاب بهاي الفتره كلشي حلو بوجوده وره شهرين ورجعنه علمود شغل عُقاب والاطفال
– اول ما رجعنه صار عندي غثيان ولعبان نفس وتقيأ ودوخه ما جانت بالي فكرة الحمل لان وعدني مايحبلني رحت على الدكتوره فحصت طلعت حامل حرفياً انصدمت وبقيت اصيح على عُقاب من القهر و عُقاب يضحك ولا مهتم فرحان بعملته
– بعد فتره صار ودي اعرف بطني ولد لو بنيه وفرحانه ونسيت وجع الولاده وتعبهم وسهرهم علوش راح وياي حتى ما اضحك عليه هاي المره الحمدالله طلعت بنيه فرحت علي ماتنوصف كام يبجي من الفرح وبالمستشفى عبالهم صار عنده اخت بعد سنين وفرحان هلكد
بعد مرور اربع سنوات ..
– صرنه عائله متكونه من 6 افراد
– صهيب وغياث عمرهم 4 سنوات صهيب على ابو من كل النواحي و غياث طالع عليه صح همه توأم بس مختلفين بكلشي صهيب دوم مطنگر وما يتحاجه ومن يبجي غياث يضربه ويصيح يحب السيارات والالوان الغامقه مايحب الصوت العالي ما ياكل أي اكله اله نوعية الاكل اليحبها شعره خفيف ومايطول بسرعه لونه اسود وعيونه بني غامق
غياث :- فرفوش طول الوكت ويركص يحب الموبايلات يحب صهيب اكثر من امه وابو يحب الالوان الفاتحه يحب الاجواء الطلعات الونسه ياكل اي شي المهم اكل شعره طويل وثخين بي شكار لون عيونه ازرك فاتح كل ما يكبر يغمق لونهن
– اما عن فراشاتي اسيل واسينات اسيل عمرها 3 سنوات واسينات سنه اسيل حيل ناعمه حتى ملابس اشتريلها لعمر سنتين شعرها يطول بسرعه مثل غياث علوش ميت عليها اذا تمرضت يكوم يبجي وعايش ويانه بيت الحصان علمودها احسه ابني الخامس او اخوي ..
راعوث :- كعدو مامااا غياث ليش تصرخ هذا حلكك تره اشكه ما خايفه منك خلي يجي ابوك اني اعلمك بس خلي اخلص العشه واجيكم
اسيل :- ماما ماما
راعوث :- ها ماما
اسيل :- اياث تيحني
راعوث :- شنو شبي غياث ماما شبيها ايدج شو
– شفت ايدها حمره موكعها غياث
راعوث :- چؤ اني اعلمه غياث ليش توكعها
– طلعتلهم كعدتهم وانطيتهم كل واحد لعبه يلتهي بيها سمعت الباب انفتح درت وجهي شفته عُقاب بيده علاليك والمسدس بخصره والجكاره بين شفايفه رحت عليه ركض ذب العلاليك بالكاع وحضني بست خده وباوعت بعيونه
راعوث :- ليش اتاخرت
عُقاب :- ابني صار عندي شغل مهم وجبتلكم غراض وياي
راعوث :- سويتلك اكل يخبل
عُقاب :- متأكد اشم ريحة حريك
راعوث :- عزززه
– ركضت للمطبخ طفيت الطباخ وضربت كصتي بايدي دنكت صافنه شسوي حسيت بضخامته وراي درت وجهي تقدم مني سحبني من خصري باس راسي
عُقاب :- عادي حبيبي انته عشاي
راعوث :- بس حرامات احترك مادري والله الجهال دوخوني
عُقاب :- فدوه الج
راعوث :- وهسه شناكل
عُقاب :- رايد شفه
راعوث :- واني وفروخي شناكل
عُقاب :- انطيكم كلبي انتو
راعوث :- احبك ابو فريخاتي
عُقاب :- اخخخ بوووويه وچ احبچ كلها مو مثلي من احبچ
راعوث :- سمعت طكه بره فز جسمي باوعت على الباب
عُقاب :- راحو فروخنه
راعوث :- ضحكت وطلعت شفتهم يلعبون كعدت يمهم وحضنت صهيب بقوه
راعوث :- حبيبييييي حبيبييييي شنهاااااي الفرووووخ عُقاااااب
– اجه غياث يركض حضني واسيل حضنتهم كلهم كعد عُقاب يمي وحضنه بقوه و اسينات نايمه كامو من حضني وكعدو يلعبون يمنه عُقاب حضني بقوه وباسني
عُقاب :- شگد حلوين
راعوث :- معقوله هذا صدك خاف حلم شبسرعه؟
عُقاب :- صارو كبار وبعدج زقوچتي فريختي
راعوث :- قشعر بدني واني اباوع عليهم شلون كبرو وهسه يلعبون كدامنه وحبنه بعده نفسه هواي صارت مشاكل وعركات وزعل بس حبنه بقه نفسه من اول ما شفته لحد هاي لحظه ما كالي كلمة اكرهج حتى لو بالجذب لو صارت اكبر مشكله مايكولها بالعكس يبقه يعيط
– احبجج افهمي احبج
– نزلت دمعتي مسحتها باسني وهمسلي ..
عُقاب :- لا تبجين وصية الرسول
راعوث :- حضنته وبسته لزم ايدي واخذني للغرفه بدون مايحسون علينه طفه الضوه شمرني على الجربايه لزم ايدي وباوع بعيوني
عُقاب :- اشششش خلينه ناخذ راحتنه جاي يلعبون
راعوث :- لا عفيه لا يكعدون اسينات لمن ينامون
عُقاب :- اشششش شني هيه لمن ينامون وترحين تنامين يمهم عود لوتيه انتي نزعييي
راعوث :- حباب حباب بس ينامون والله الباب مفتوح ساعه واجو شافونه بالهوضعيه كوم
– اخذ شفايفي بين شفايفه وحاضني بقوه ..
صهيب :- بابااا
عُقاب :- اششش اش عود نايمين
صهيب :- بابا بابا
راعوث :- خطيه
عُقاب :- اشششششششش
راعوث :- وكف باب الغرفه صهيب شاف ضلمه مشه ويصيح بابا سمعت صوت اسينات تبجي
راعوث :- لا خطيه والله طفله خاف أذوها وخر عُقاب والله بليل والله بس وخر
عُقاب :- انعل ابوها لابو الخلفها انعل عرضها الكح**
راعوث :- كمت سديت دكم القميص وطلعت شلت اسينات بحضني اسكت بيها رحت للغرفه نيمتها على الجربايه حضنها عُقاب وباسها
عُقاب :- ليش تخربين علينه اللحظه ليش شمسويلج اني متفقه انتي وماما ها متفقات عليه
راعوث :- عفته يحجي وياها وطلعت شفت شنو اكو بالثلاجه سويتلهم اكل وكعدت اوكلهم واكل وياهم عُقاب مايريد كملنه اكل كمت غسلت المواعين شغلت التلفزيون لجهال طلعت افلام كارتون وطفيت الضوه كعدو يباوعون رحت للغرفه اخذت ملابس سبحت اول ما شافني عُقاب عاط
عُقاب :- اوووووووف باع الزر
راعوث :- اسينات نايمه على كيفك
عُقاب :- هسه اخذها لغرفتها
راعوث :- لا عفيه عفيه والله مانطلع صوت خليها هنا تخاف وحدها تبجي
عُقاب :- شنو هذا الجبببببن شنو هالجمال شنو هالخصر وچ شيبتي كلبي وچ اشتعلت
راعوث :- حضني بقوه رفعت راسي ركزت بشواربه عضيت شفتي الجوه رفع شعري وره اذاني فرك شفتي باصبعه الابهام دنك عليه واخذ شفايفي غمضت عيوني ورخيت جسمي ..
– هستوه شمر ملابسي كعدت اسينات صك على سنونه وعقج حواجبه بعصبيه وعيونه دم صارن وعاط من بين سنونه
عُقاب :- اخخخخخخخخخخ
راعوث :- حيل خفت تغيرن ملامحه صار قاااسي لف ملابس اسينات من صدرها بيده وشالها لازمها من ملابسها ذبها باب الغرفه وقفل الباب
– حطيت ايدي على عيوني فركتهن اجه عليه كمت بسرعه
راعوث :- لا عُقاب حرام عُقاب اسينات تبجي خطيه
عُقاب :- ناااااااميييييييي
راعوث :- لا اله الا الله عُقاااب لا لااا عُقاااب وخرررر ..
– كمت لبست ملابسي وطلعت لكيت صهيب كاعد يمها ويبوس بيها وهيه ساكته شلتها كام عُقاب نيم الجهال نيمت اسينات وحطيتها بجربايتها رحت للمطبخ كعدت اكل لفة
– دخل عُقاب كعد على الكرسي يمي حط ايده وراي على ضهر الكرسي ومدنك عليه يباوعلي ومبتسم وعيونه يلمعن واني رافعه عيوني وباوعله واكل حط كصته بكصتي نزلت عيوني ومبتسمه تقرب يم اذاني همس بهدوء ..
عُقاب :- مغروم بيج
– حسيت بحراره تطلع من وجهي بقيت مدنكه واكل ومبتسمه حضني باس خدي وكلته وياي وكمنه نمنه ..
– الكل عاش مرتاح الكل تغيرت حياته للافضل بعد ما جانت سيئه افراح ورائد اثنينهم سعيدين صار عدهم ولد اسمه صفاء شمس وعقيل عدهم ولد وبنيه ابرار ورضا يدرسون خارج العراق رقيه ومهدي بمحافطه بعيده بس حيل مرتاحه ودوم تخابرنه
– نسرين توفت من جنت حامل بالتوأم بس ماحب يحجيلي عُقاب بوقتها لان حامل ويخاف عليه انصدمت من خبرني بوفاتها دعيتلها بالرحمه وسدينه موضوعها وموضوع الماضي ..
– زينب الله يرحمها سمعنه هواي حجي عليها ومحاوله تسوي سحر من اني حامل بالتوأم بس مايفيد السحر ويانه لان ايمانه بالله اقوه من سحرها والقران دوم صوته بالبيت لكينه مسويه سحر بلعبه اطفال لواحد من اطفالي ماعرف شنو من كلب عدها تأذي طفل بدم بارد وهيه ميته مايجوز على الميت بس الرحمه ف الله يرحمها ..
– انجمعنه بيت بابا بعيد ميلاد صفاء كل وحده وفروخها وبابا فرحان بفروخنه وضحكته على وجها وهمه يلعبون بحضنه
عُقاب :- بويه درازن فروخ هذا ابن منو ولكك جلوح تعال انته فرخ منو
راعوث :- فريخك هذا غيوثي
عُقاب :- بويه تيهت من كثر الفروخ
رائد :- والله العظيم فروخك كلهم هذوله شكد مخلف احنه بس صفاوي عدنه
عُقاب :- وهذاك الاجيلح وهذاك الاميلح فروخ منو
رائد :- هيه صارت خبطه كلهم فروخنه
عُقاب :- جماله نفس العمر و كلهم نفس الكصه بووويه تيهت فروخي اسيل اختفت وين فرختي ولكم
راعوث :- حيل حلوه لمتنه وسوالفنه وضحكنه باوع بعيوني عُقاب شاف فرحتي كام من يمهم تقرب مني باوعلي بطرف عينه واشرلي على الباب عود كومي وطلع بقيت شويه كاعده يمهم وكمت
– طلعت للحوش شفته واكف بهيبته الاحبها وملابسه السود وجكارته بين اصابعه ونضرته الاحبها وشواربه الاعشقهن ..!
– رحت عليه وضحكتي على وجهي لزم ايدي واخذني بالممر وره البيت دفعني على الحايط حط تك ايد على الحايط والثانيه يدخن بيها اخذ نفس جكاره وزفر الدخان بوجهي دنك عليه همس ..
عُقاب :- هلا باليسطر سطر وكلش خطر …
راعوث :- اسمع صوت اهلي وضحكتهم العاليه وضحك الجهال وصوت بابا كله حنيه بيناتهم نضرت عُقاب اليه كلها حب واهتمام وغيره جملته الاحبها
‘هلا باليسطر سطر وكلش خطر’ اول جمله سمعتها منه ومن حدها تغيرت حياتي لافضل حياه الحب شي جداً حلو من الشخص الصح ..
لهنا ونختم روايه راعوث روايه حيل حيل احبها واحب ابطالها وفروخهم احس مادري احساس غريب من كملتها راح اشتاقلهم واشتاق لسوالفهم الله يديمهم سوه ..♥️
تعذبتو بتنزيل البارتات اعتذر هواي وشكراً ع صبركم ودعمكم احبكم 🫶🏻♥️
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.