رواية تجبر أبناء العم – الفصل الرابع
/////////////////////////////////////////
“””ساره””””
قسور :: منو انت شسوين أهنأ
كمت عله حيلي اباوعله كتله
ساره :: اني اليوم اجيت وو
بعدني ممكمله كال
قسور :: اهااااا انت شسمج
خليت ايدي عله خصري اهز
بي
ساره::: ليش أنت منو وتسئل
عله اسمي شعليك باسمي
قسور :: شوفي لج صوتج تنصي
لا اجي افرگ حلكج شنو هل جساره
ساره :: تروح منااااا لا الم العالم عليك
واكلهم جاي يتحارش بيه دروححح
جنك العكيد ابو شهاب انت وشماغك
فتح عيونه عله وسعهن
قسور :: يصيرررر خيررر انيي اعلمج
عافني وراح يخوزر
بس بيناتنا الحجي والله يخوف
طويل جنه عمود و ضخم اسمر
وعيونه سود وحواجبه نازله عله
عيونه وبس يخزررر لابس دشداشه
ولف شماغ عله رأسه
هسه يلا انتبهت النفسي كبرر حته
كبررر شكد منتبهتله العد ضليت
اغمغم بنفسي خليت وفتت جوة
//////////////////////////////////
“””نور”””
كلشي غريب أهنأ البيت كلش جبير
واثاثه حلو وفخم بس غريب وطارمه
مالتهم كلش جبيره واسعه حديقه
جبيره كلش متوسطته مرجوحه
كلشي حلو أهنأ
بس اني ماريد اريد ارجع لبيتنه اريد
ارجع الذكرياتنه اريد ارجع الحياتي
القديمه مامرتاحه ابد وخصوصاً انو
يوم العقد خلص ومابقاله شي باجر
كلبي مخليته بشيشه ….
//////////////////////////////////////////////
“”” رحيق”””
سوينه غدة طبعا جبنه طباخ لان
مومال احنه النسوان نطبخ والبنات
خطيه ويانه شكد توسلنه بيهن يكعدن
بس حبن يساعدنه
حبيبت شخصياتهن وعرفتهم عن
نفسي وعود اني صرت حماتهن وكذا
صبينه غده الللزلم انوب النسوان
وبعدهااا خلصوو سوينه جاي
وغسلنه المواعين رتبن البيت
ويانه والمطبخ
وشباب بره يم الگهوجي يسون
الگهوة رحت اركض صعدت فوگ
لبست فستان بسيط كلش وسويت
شعري ذيل الحصان مدري المطي
المهم وخليت كحل ومسكارا وتنت
وبس دزيت بوسه لنفسي بل مرايه
ونزلت جوة
وصدمني بنات عمو هاشم لابسات
فساتين بس شنو فضيحه قصيره
كلش ومكياج طوخ وشعرهن فاتحاتهه
عبالك اليوم العرس مو باجر
وكاعدات يم الخطار اباوع بيبي
تخازر بيهن وهنه ولا عله بالك ادري
هاي سوالف سماح رحت يمهن وكلت
رحيق :: بنات حبيباتي ليوم مو العرس
يمكن مشتبهات روحو بدلو امشوو
اروى : لا كلبي مامشتبهين ولا
تدخلين ابشياء متخصج
كالت هيج وكلبت شعرههااا
هاي شبيهه خبله…….
” يوم العقد”
گعدنه من الصبح طبعا البيت
نضفنا بليل لمن كلهم نامو گعدنه
سوينه الريوگ ركض ركض انطينه
اللزلم و رجعت سويت اللنسوان
وامي وياي وعماتي ( طبعا من اكول
عماتي اقصد نسوان عمامي)
وشهد واروى وياي هم أما بنسبه
الشاهندا وامهااا ضلن نايمات ولا
گعدن بس خطيه شهد واروى أجن
ويانه ماعافنه
ودينه الريوگ بعدهااا رجعنه نضفنه
المطبخ ويه العاملات بعدما خلصو
ريوگ گبل امي كلتلي خابري عل
ماكيرا تجي للبيت رحت اتصلت
على الماكيرا وطلبت منها تجي للبيت
وخطيه اجتي جابو طباخ طبخ الغده
شكريه ::: شدسوين يماا
رحيق :: جاي اسوي بل بيذنجان
لتبسي حبيبتي
شكريه :: دگومي يماا روحي يم
البنات واسبحي وبدلي يلا يمااا مابقه شي
كمزت عليه بستهه
رحيق : اروحلج فدوة يحيلي انت
رحت غسلت ايدي وطبيت للغرفه
الي تشتغل بيه الماكيرا الگيت الوجوهه
مگلبه عبالك فاتحه مو عرس گمت
رحت جبت الديجي وربطته عله
تليفوني وطلعت نشيد ماعرف اغنيه مال
يا شيخ بنت الشيخ الك
ام بيتك وجبناها
عل حلوة والمره تضل يارب تعيش وياهه
هليله زفينه الگمر وسما نورت بل خبر
شفتو الشمس ويه الگمر عرسان هاي اليله…….
كلما تخلص الاغنيه ارجع اعيدهااا لان
كلش احبهااا بدت اول شي الماكيرا بنور
وحده تسوي شعرهه وحده مكياج
وحده اضافر لازماتهاا من كل الاتجاهات…
درت عيوني لگيت ايلين تبجي وهاله
تهدي بيهه
رحت يمهه
رحيق :: حبيبتي بيج شي يوجعج شي
ايلين :: لا وين امي
رحيق :: حبيبتي امج براا ترديهه اصيحلهه
ايلين :: عفيه اييي اريدهااا
اجيت اروح لزمت ايدي ايلين وكالت
وهيه تمسح دموعها
ايلين :: لا خلص عوفيهه
هزيت راسي مستغربه من وضعهه
خلصت الماكيرااا نور وطلعت
تخبلل حرفياا عبالك ملكه جانت
لابسه قفطان لون سمائي غامض
وتسريحه مرفوعه ومكياج فخم
تخبللل رحت يمهه وكتلهه
رحيق :: طالعه تخبلين نور
نور :: حبيبتي تسلمين
اباوع الهه بل گوة تبتسم احس
الوضع غريب اكو شي مو طبيعي
لزمت الماكيرا ساره وهم وحده
شعرها و حده مكياج وحده اضافر
سوينه هيج علمود نخلص بسرعه
لان ماكو وقت
وهم طلعت سارة تخبل عبالك فراشه
فستان ابيض من جوة كلوشه وشويه
دلع من. الصدر شعر مفتوح على طوله
وكوته صار بطولهه شعرهااا يخبلل
مكياج خفيف برزت ملامحها
كمت اكمز بكلبي واكول نسوان اخوانيي
يخبلنننن
وبعدها لزمت ايلين ونوب هاله
وحرفيااا طلعن وحده احلا من الثانيه
وبعدها لزمتني وهم لبست فستان
بنفسجي طويل ومخصر عل جسم
وبعدها خلت الامي وعماتي بس
امهات البنات ماخلو معنو توسلنه
بيهم بس رفضن ….
رحنه كعدنه البنات بصاله طبعاً صالتنه
كلش جبيره لدرجه جبنه لكل بنيه كوشه
ورتبناهم كعدن البنات كل وحده عله كوشه ….
وبعدهااا كالو خل يجن وحده وحده نعقد الهم ……
/////////////////////////////////////////////
“””” ساره”””
شكد حاولت اخلص البنات واخلص
نفسي من هذه الزواج بس عبس
كلشي عبس توسلت عيطت صيحت
مفاد بس اني مؤمنه بقضاء رب العالمين
وماكو شجره وصلت الربهة الله كريم
وآله حكمه صاحولنه نعقد
راحت بل بدايه نور كعدت يم الباب
اجت رحيق جايبه طشت مي ابيض
خلته جوة رجليهه ودارت بي مي
وبعدهاا ذبت بي ورد ونوب جابت
القران فتحته وخلت يدين نور عليهه
وخلت بين كل اصبع هيل وگضت اثنين
مثل العلب تفرك بيهم في فوك راس
نور وبعدها بده الشيخ يعقد
ويحجي احاديث عن الزواج وبعدها كال
الشيخ::::نور باسم محمد العلي هل تقبلين
الزواج من قتام جعفر محد العلي
فإن قبلتي قولي نعم وانت وكيلي
سكتت نور عادهااا مره ثانيه جاوبت بصوت يرجف
نور:::نعم وانت وكيلي
وبعدها سئل قتام وجاوب
وصارن يهلهن ويطشن جكليت
كامت نور تبجي راحت الامههه
حضنتهه لزمت روحي بل گوة ما ابجي
ضليت أعصر بل فستان
وبعدها عقد الليلين وسوت رحيق مثل
مسوت النور وسئل الشيخ وكالهه
الشيخ::: هل تقبلين الزواج من حاتم
غازي محمد العلي فإن قبلتي قولي نعم وانت وكيلي
وجاوبتهه وهيه تبجي وتشهك سئل الشيخ
الشيخ:::ليش تبجين
جاوبه عمو باسم
عمو باسم:::عله اهلهه
وسئل هاله وكالهه هل تقبلين الزواج
من ليث جعفر محمد العلي فإن قبلتي
قولي نعم وانت وكيلي
جاوبته هاله …….
وصل الدور الي رحت يم الباب كعدت
واجت رحيق سوت نفسي الشي
وبده الشيخ يسئل وكال
الشيخ::::ساره بنت وسام محمد العلي
هل تقبلين الزواج من
قسور محمد العلي فإن قبلتي قولي
نعم وانت وكيلي
ضليت ساكته باوعت الامي عيونه
كلهه دموع شنو اختار حياتي لو
حيات امي اكول لا بس وامي شنو
راح يصير وياها اكول اي وحياتي
الي راح تنگلب وتتغير وين اروح
وين أولي عاد الشيخ كلامه مره
ومرتين وثلاثه وصل الرابعه وكال
الشيخ:: يابنتي اذا هلمرة ماتردين
راح اعتبرج مغصوبه عل زواج واروح
راح أعيدها اخير مره
درت عيوني عليهم كلهم يباوعولي باستغراب
رجع الشيخ كال
الشيخ:::ساره وسام محمد العلي هل
تقبلين الزواج من قسور جعفر محمد
العلي فإن قبلتي قولي نعم وانت وكيلي
ساره ::……….
يتبععععع…….
/////////////////////////////////////
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.