رواية تجبر أبناء العم – الفصل التاسع عشر
///////////////////////////////////////////////
“”نور””
راحت سارة ويه حاتم والبيت
نترس خطار نسوان وزلم بنات
وشباب وصارت هوسه رحت ادور
عل بنات لكيت ايلين بصاله كاعده
يم العجايز وتجر بحلكه وتتفههه يمهن
وهنه يباوعله
هاله بل مطبخ تسوي جاي وتقدم
للخطار ورحيق هم اجت
تقريبا السبوع الي مر جانت رحيق
موجوده يمنه ماراحت وتصالحت
ويه امهه وبشرتهااا بحملهاا طارت
عمتي شكريه من الفرح
وقسور صار احسن وتقريبا بدت
الأوضاع ترجع الطبيعته بس سارة
اخخ يا سارة بعد مارجعت من
المستشفى خلت وصعدت لغرفتها
لا اكل ولا شرب كاعده بغرفتهاا
وقافله الباب ماترضه حتى تفتحه
بلگوة احلفهه واتوسل بيهه توسل
انطيه اكل تاكل شويه
يومين عله هل حال قسور بهل يومين
جان بل مستشفى علمود يطمنون عله
حالته واجه اليوم الي طلع بي قسور
جبنه طباخين وخرفان علمود يذبحوهن
جوة رجليه من يدخل مخبوصين خبص
سمعنه اصوات برة عرفنه اجوو طلعت
عمتي شكريه تستقبله وتبوس بيه وعمتي
نبراس هم وكلهم سلموو عليه
شكريه: نورت دارك يبعد عيوني
قسور: اروحلج فدوة يلچبيرة
نبراس : يما حبيبي شلونك يبعد عافيتي
قسور: بعد راسي
باس ايد أمة وراسهه وايد عمتي
نبراس هم
هاله : الحمدلله على السلامه خويه
قسور: الله يسلمج بعد اخوج
نور: الحمد لله على سلامتك طار الشر
أنشاء الله
قسور: الله يسلمج
ايلين : اكلك انت مو كالو متت شو
بعدك تلبط
دار وجهه عليها قسور مستغرب
باوعتلي خزرتههه كالت بتلعثم
ايلين : اءءء لا مو هيج بس شوف
يعني اني فاهمه غلط انشاء بديچ
اقصد بريش
هز رأسه وأخذوا بلگوة يمشي
نور : انت اذا ماتعرفين اله چفصين
شكو تحجين
هاله : والله كلها تصير الهه چارة اله
انت تضلين هيج
ايلين : هاي شبيجن مو اني من اتلبك
ماعرف شحجي
نور : لا واضح عله هذه كلامج يعني
انت طول عمرج متلبكه
هاله : ترا چذب هيه فاهيه
ايلين : اووووفف هاي شبيجن ترا اكول
الحتومتي
هاله : همداچ انت وحتومتج
ايلين : لج هويله والله اجي متعرفين
شسوي
هاله : دير بالج لا يطگ اخياط الدشداشه
ايلين : نننننننه
جتي ساره يمنه
سارة: هلا بنات
نور: هلا سرو حبيبتي
هاله : ساروش ترا قسور اجه وهسه
هوة بل غرفه الجوة
سارة: وشسويله اروح ارگصله لو
اطگله چبارات
هاله : سارة مانسيتي ؟
سارة: لا مانسيت ولي مايريدني ربح
ماريده خسارة ما مجبورة اضل اركض
وراه وكرامتي ونفسي وعافيتي الي
گمت اخسرها بتدريج من ورا سبوع
اني لا نايمه مثل الناس ولا ماكله مثل
الناس سبوع راحت من عمري هبائن
منثورا بس اني أعلمه هى والله ضامتلكم
ضميمه يا بيت محمد العلي
نور : سارة شنو بالج يمته ناويه تشيلين
هل حقد والغل الي جواتج سارة عيشي
حياتج انسي كلشي الي صار
خلص صار ماضي
سارة: وحرگت كلبي ودموعج وكسره
هاله وقهر ايلين مو اني الي انسه ثأري
مو اني
هاله : يمته راح تضلين دافعين علينه
سارة: للموت لاخر نفس انتو قطعه
من كلبي
ايلين : راح تملين من عدنه ؟؟
سارة: لمن يدفنوني ويلفوني بچفن
ابيض كولي سارة ملت من عدنه
نور : بناتي انتن
سارة: قطعه من كلبي انتن
هاله : نور عيوني انتن
ايلين : عمري وكل سنيني واني هم اروحلجن فدوة …
////////////////////////////////////////
“” هاله””
الأمور هادئه وشويه شويه المواضيع
جاي تأخذ مسارها الصحيح بس سبحان
الله ثلاث حوادث بفتره كلش قصيره
حادث قسور وطلعته بسلامه وحمل
رحيق وصلح رحيق بأهلهه
بس احنا حياتنه مو مستقره لا اني
وليث ولا سارة وقسور الأمورة متعقدة
وشي داخله بشي
ليث يفتر ورايه يريد اصالحه واني
لا الي خلگه ولا الي نفس اصالحه
سارة نجرحت ونقهرت بسبب قسور
ومن عجائب الدنيا السبع انو تسامحه
بسهوله وقسور أعلن الحرب عله سارة
نور وقتام الحمدلله متفاهمين
وايلين وحاتم كذالك بس احنه معلعلين …….
كاعدين عله طاوله الطعام بل مطبخ
اني ونور وايلين وسارة ودانحجي اجت
رحيق وكعدت وكالت …….
رحيق : بنات اخوتي كلهم مجتمعين
يم قسور اريد اروح احجي وياهم
بس مترددة
سارة: ليش تترددين همه اخوانج
وبعدين خبر حملج خلاهم يلينون
عليج وعساس اخوانج نبياء استغفر الله مايغلطون بس لو افتهم ليش محملين
الموضوع الهل درجه انت ندمتي وحسيتي
بغلطج بس اوف منهم
بس هوة گال ابو المثل
“” ذيل الچلب ماينعدل””
نور: سارة !!!!!
سارة: اي اي سكتوهه السارة لان فقيره
وحبابه وحلكي مافتحه ولجن اني الي
حلك ياكل مالي حلك يحجي اربعه وعشرين
ساعه مدنگه راسي من الخجل والمستحه وو…
قاطعت سارة نور
نور: دنجبي
سارة: عله راسي
رحيق : شوف اني وين وانتن وين
هاله : رحيق اسمعي كلبج وشوفي شيكول
سارة: لا رحيقه اسمعي عقلج
هاله : كلبج
سارة: عقلج
هاله : كلبج
سارة : عقلج
هاله : ……
نور: وحمس حته حمس
نور: شوفي رحيق فوتي واحجي
وياهم واطلبي يسامحوج انت
اختهم من لحمهم ودمهم واكيد
يحنون عليج ويسامحوج وخلي
بالج ماكو بشر معصوم هوة النبي
ادم ابو البشر خطأ تريدين احنه
مانخطا وبنهايه رب العالمين غفر
ذنب النبي ادم واكيد اخوانج راح
يسامحوج انتن مداتحسن انو
حادث قسور وحملج يمكن هاذه
تخطيط من رب العالمين علمود
يصالحوج اتشجعي وروحي يلا
هاله : اني ويه نور اخوانج حنينين
ويحبوج بنهايه انت اختهم الوحيده
لزمت سارة يد رحيق وگالت
سارة: يلا روحي انت تعبتي ونقهرتي
وبجيتي عليهم ويمكن رب العالمين
سبحانه وتعالى استجاب دعائج لان
احنه عدنه رب حنين كريم رفيق ماينسه أحد
ايلين : فعلا
رحيق : اوف الله مانطاني خوات بس
عوضني بيجن
كامت وكفت
كمنه وكفنه وياهه تقربت وحضنه بعض
كلنه نفس الوقت
نور: اوف يعني اني صار عندي اربع بنات
مو ثلاثه !
سارة: اييييييي هههههههه
حضنه بعض حيلللل
وخرت رحيق تمسح دموعها
رحيق : راح اروح
هزينه بروسنه الهه وهيه راحت
اديهه ترجف
نور: والله العضيم اذا ماوافقوو ماخلي
قتام ينام بل غرفه لمده 3 ايام
سارة: اني اروح واجفص بطن ابو شهاب
هاله : اروح اكسر التليفون عله رأسه ليث
ايلين : اني ازاعل حتومي
درنه وجوههنه عليها خازرينهه
دورت عيونها علينه وكالت وهيه
تبلع بريگهه
ايلين : جذب افشخه بل مخده ….
/////////////////////////////////////////
“”منار””
كاعدين اني وعبد نتغدة مانحس اله
تفلش الباب من الصدمه غصيت
احنه من اول ماكعدنه أهنأ محد يعرفنه
ولا حته يدك الباب لان بكل بساطه لا نعرف
أحد ولا احد يعرفنه باوعت عله عبد بادلني النضرات بلع ريگ وكال
عبد الإله: خل اشوف منو
منار: لا لا عبد الإله فدوة خاف عرفووو مكانه
عبد الإله: مناررر هوة عمر لو عمرين خلص
وخري
هستوني دارد عليه وسمعنه صوت امريه
تعيط
راح عبد يفتح الباب ودخلت مره
متوسطه وكالت
سوزان : لگلي خويههه رجلي راح يموتني
انت عراقي مووو عليك الله بداعت امك
يبووو
ندفر الباب ودخل رجال ركضت لبست
شالي وطلعت البنيه بس شافتني اجت
تحتمي بيه احس صعدت عندي الغيره
جريتهه ورة ضهري وعبد الإله صار كبالي
نبيل : ولججججج تعايييي لا اكسرجج
عبد الإله: اخي عله كيفك بس اهدئ
نبيل : وخرررر خل اربيههه
عبد الإله: اخي بتفاهم كلشي ينحل بتفاهم
نبيل : مو مال تفاهم هايييي عوفني خل ائدبههه هل حيوانه
سوزان : ماسويت شي وحگ الله ماسويت
نبيل : ولججج اليوم اطلعععع بروحجججج
هجم عليههه وهيه ورة ضهري دفعه عبد الإله
عبد الإله: ولككككك ماتستحييي كتلككككك بتفاهممممممم
فجئه صاررر هدوء
سكت عبد يتنفس سريع وكال
عبد الإله: مرتك ماعرف اختك دخلت
بيتي وطلبت حمايتي ومن سابع
المستحيلات انطيك ياههه قبل
ماتفهموني اني اخوك أنشأء الله
احجو وماكو سالفه اله نلاگيلهه حللل
نبيل : بلا زحمه بس ماي
باوعلي عبد هزيت براسي ورحت اركض
جبت مي وعصاير وجنت مسويه حلويات
هم جبت رتبتهم بصينيه وعبد دخلهم
للاستقبال
لبست صايتي وشال وأخذت الصينيه
ودخلت انطيتهم وكعدت بصف البنيه
الي وجه مزورگ وعيونهه تتحرك بقلق
نبيل : الله بل خير
عبد الإله: الله بل خير والعافيه
نبيل : اول شي اعذرنه ازعجناكم
عبد الإله: بيت اخوك تمون
نبيل : شوف يابن الجواد اني رجال
اشتغل ارجع من الشغل تعبان ومالگه
البيت نضيف ولا ملابسي نضيفه ولا
اكو اكل بل بدايه كلت زغيره بعدها
مامتعلمه يلا مشيه اليوم يلا خل
اطلب دلفري بس مليت جزعت
لعبت روحي وفوك هاذه كله تغلط
وتجاوز عليه اني المراه الي تقللل
من يمي ماخليهه عله ذمتي
سوزان : والله ونسوانك الي تراسل بيهم
نبيل : سوزانننن يا نسوان ولج كم مره
كتلج ذني خواتي
كلمه منه وكلمه منهه ورجعو تعاركوو
ورجع عبد يهدي بيهم وكاللهم احجو
كل واحد يحجي الي عنده كعدو
يحجون عن معاناتهم ويه بعض وطلع
التقصير من الطرفين حجالهم عبد الإله
عن قصتنه وتفاعلو وياهه وبل اخير
صالحناهم وصاروا جيرانه المقربين ….
/////////////////////////////////////////
“” رحيق””
رحت متوجهه للغرفه رجل تقدم ورجل
اتاخر كلبي يدك سريع راح يسامحوني
لو لا ؟؟؟
دگيت الباب بيدين يرعشن فتحته
كلهم رفعو رأسهم يباوعولي بس
لمحوني دارو وجهم عني وجان
موجود حاتم وقسور مدد عله
الجربايه قتام وليث وسجاد
دخلت وسديت الباب وراي تقدمت
وكفت مسافه عنهم بس شافني سجاد
خله وطلع باوعلي وغمزلي هزيتله براسي
طلع وسد الباب وراه
رفعت راسي اباوعلهم اخذت نفس
عميق وحجيت سريع حته بدون ماتنفس
رحيق : اني اسفه واعتذر ادري الي
سويته غلط ويمكن مو بسهوله تسامحوني
بس اني ادري بنفسي غلطانه ومتندمه
كلش اهواي اعتذر واسفه اهوايه بعدين
اني تزوجت وهسه حامل وعن قريب
راح تصيرون خوال فدوة سامحوني
اني اهواي اشتاقيت الكم مو النبي
ادم غلط ورب العالمين سامحه وغفر
له ذنبه انتم هم سامحوني اني خسرت
عافيتي ونفسيتي تعبت اني مو اختكم
مو وحيدتكم مو جنتو ماترضون عليه
شلون ترضون اتاذى من وراكم ….
مدنگه راسي واحجي رفعت راسي
لگيتهم كلهم يباوعون عليه شهگت
خليت ايدي عله حلگي كام قتام
حضني حيل ويبوس براسي وليث
وحته حاتم كال قسور
قسور: لا تبجين رحوقه مسامحيج
احنه يبعد حيل اخوج تعالي
فتحلي حضنه رحت حضنتهه حيللل
اشتاقيت الهم اهواييي حسيت روحي
ردتلي وهمه حاضنيني
قتام : لا كافي اني جوعان خل نطلع
نتغده
قسور: عليكم سبع الكنطره اخذوني
وياكم مليتتت كاعد وحدي اتصفن
كومه حاتم وقتام وليث اجه حضني
طلعنه ويه طلعتنه دخل عمو هاشم بس
الغريب ويااا مره
هاشميه : هلا يماا تعال الغدة جاهز
سماح : منووو هاي هاشم ؟؟؟
هاشم : مرتي عبير
كلههه نصدمت وفتحت حلگه باوعت
عله البنات الي جانو يباوعون كلهم
عله سارة درت وجهي عله سارة لكيته
تبادلنه النضرات
دارت عيونهااا عله سماح تباوعلهااا
وعله ثغرهاا ابتسامه انتصار ومكر……..
جنت واكفه قريب من نور سمعتهه
همست
نور: سوته ‘ لبوه القسور’
يتبععععععع………..
//////////////////////////
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.