رواية تجبر أبناء العم – الفصل الأول
بارت 1
الكاتبه ضحى اليوسف
الروايه تجبر أبناء العم
///////////////////////
تعريف العائله
جدي ( محمد العلي )
طبعاً هوة اسمه هيج مركب
جدي متزوج ثنين بيبياتي
الي هيه( نوريه ) ومرته الثانيه
( هاشميه ) الي احنا ماعدنا علم
متزوجه جدي
بس بيبيتي مجانت عالنه
عن هاذه الموضوع لان بيبي
دائما رافعه خشمه علينه
ماحبتنه ابد ولا تريدنه اهم شي
عدها احفادهه الشباب أما احنا
بحيث آخر شي بنسبه الها
وبسبب قيمته كدام ناس
ماكالت انو جدي متزوج
ضلت ضامه هذه السر علمود
ميحجون عليهه العالم عشتو المهم
عمامي 4
عائلاتهم
باسم الكبير عدهه : ميثم + نور + زين العابدين
ميثم عمره 21
نور 20
زين العابدين 7
ومرته دموع حبابه والطيفه كلش
انور عمي الوسطاني : محمد +. رضا + ايلين + شاه زنان
ومرته مياده
محمد 20
ورضا وايلين توام عمرهم 18
شاه زنان 9
وهسه بابا وسام: حسين واني ساره
حسين 20
واني 17
وامي زهره
عمي عمر الصغير : عده عبد الإله و هاله و مصطفى
عبد الإله 19
وهاله 17
ومصطفى 14
عماتي 3
سجى ونورس ورشا
مزوجات بس حيايه تس وأبد مانحبهن
/////////////////////////////////
“”ساره””
كاعدين كلنه الصبح جاي نتريك
وكل عاده بيبي متخلص سوالفهه
عل الشغل والبيت ومحد يسلم من
لسانه كلنه ملتمين عل سفره عمامي ونسوان عمامي وأولادهم والبنات واني فجئه يجي ابن عمي الصغير
عبد الإله صيح عمي (ابو )
ها بويه شبيك
عبد الإله:::: بابه اكو ولد كومههه بره
وياهم نسوان ومره عجوز
كلنه نصدمنه كامت بيبي وكلهه
كامت وياههه …
بيبي نوريه::: منو ذول عمر ( عمي الصغير )
روح اطلع شوف منو ذوله
طلع عمي عمر وطلع عمي
باسم ( عمي الجبير)
شويه وطب عمي عمر وكال بسرعه
فتحو باب الاستقبال خطارررر فتحنه
الباب وطبو ركضت اني ونور ( بت عمي باسم )
رحنه للمطبخ طبعا المطبخ يطل
عل طارمه فاكو شباك نشوف منه
طبو اربع زلم معگلين وياهم
ثنين شيوخ كبار بل عمر لحيتهم بيضه
وطويله كلش وياهم ثلاث ولد طوال وضخام واني صافنه عليهم واداباوع ماحس اله اجاني نعال طياري
كالت من نبع الحنان
زهرة : ولججج هاي شسوين
ساره : مامسويه شي والله بس داشوف
منو همه
زهره : امشي نكلعي ودي مي وجاي للزلم
ونسوان الي اجو
رحت ركض صبيت مي وديت النسوان
الي اجو بس طبيت الكيت الدنيه كايمه
نوريه : لمن اجيتي بعد كل هسنين شنو
تسوين جايه تردين تخربين البنيته مثل
مخربتي محمد العلي عليه
هاشميه : اجيت أخذ حگي ينوريه
نوريه : مالج حق يمي أضن محمد العلي
انطاج حگج كامل يهاشميه وهسه يللا بيتي يتعذرج انت واولادج
هاشميه: افاااا أنا انطرد من بيتج نوريه
خلي نفس طيبه عليج لا وحگ سبع الكنطره
اخلي اولادي يادبونج
نوريه : شنهووو يادبوني
هاشميه : عجل ثمني جلمتج قبل لا تزتيهه
ينوريه
ضليت اتصفن اجت نور وأخذت الدولكه
من يدي وراحت تودي مي
هسه يلا نتبهت عل نسوان الي وياه جانن
اربعه طوال وضخام كل وحده شكبرهه
وسمر بس حلوات ملامحهن كلش حلوة
اجت عمه دموع تهلي وترحب بيهم وهنه جان ردهن كلش حلو وحبابات وحته هاشميه من شافتنه عافت بيبي وصالحتنه
هاشميه : تعالن يجده احبنجن ( ابوسجن )
رحنه بوسناها وحده وحده وهيه كلساع وكالت فدوة المحمد شهل جمال الله يحفضجن يجده
شويه ومانحس اله كب الصياح بل استقبال
راحت هاشميه وياهه بيبي نوريه وطبن
وسدن الباب ومانحس اله الصياح يكثر
مايقل واصواتهم عاليه كلش
اجت عمتي مياده
مياده:::امشو بنات خنسوي غده يلا
رحنه ساعدناهم بل طبخ طبعا طلعنه
الجداري الكبار وولد عمي رضا وعبد الإله
جابو خروفين ودجاج سوينه مطبك لحم
وتبسي وتمن ومرك دجاج ومقبلات ومندي
هم والبن وعصائر وهمه بعدهم أصواتهم عاليه
مانحس اله صوت عمي الجبير كال تحضرون ويحضر واجبكم تتغدون وانشاء الله ماطلعون
قبل ماتاخذون حقكم
صبينه غده بل استقبال وطلعو منه
اجت بييبي وياهه عمامي كلهم كعدو بل غرفه
كال عمي:::: منو ذوله وشيريدون صار الهم ساعه يحجون وكلشي مفتهمت
عمي عمر:::: يمه صدك ابوي الله يرحمه
مزوج انباريه وهسه جاين شيردون شو
بس اخذونه بصياحهم
كالت بيبي
نوريه: ابوكم الله يرحمه جان قبل يشتغل فلاح وراح يشتغل ويه ولد عمه بل انبار وشاف هاشميه وتزوجهه بسر
ومن. رجع ماكال الهله وره هاشميه 4 سنين
تزوجني اني جنت مادري بس من صار عدي
باسم وأنور وجنت حامل بوسام اجه وفاتحني
بل موضوع وكالي اني متزوج وعدي من مرتي جهال دكول اني سويت مشكله وعيطت
وصيحت ورحت الهلي وكتلهم بس كالولي
عدج ولد وجهال وبيتج وحدج والمره الي متزوجهه مو يمج ارجعي البيتج احسلج
المره ما يلمهه غير بيت رجله رجعت وكسرت
عله خشمي بصل بس دكول اهلي اذوني بوكته ماكلت الاحد علمود لا يشمتون بيه معنو هوة متزوجه قبلي بس مكلت
سكتت بيبي تمسح عيونه بشيلته
وسام : يعني هسه راجعه بعد كل هل
وكت شتريد وجايبه ولدهه همين
نوريه : تريد حگه
عمر : يا حگ يمههه صدك تحجين هوة
المرحوم شنو خلالنه اشو جاي نعيش
من تعبنه وگدنه
نوريه : خله اهواي المرحوم خله يمي
حصتي وحصه هاشميه بس ماراح
انطيهه الهه لو تموت هاذه حگي اني
مستحيل انطي الههه
دموع : عمه صدك تحجين هوة غير حگهه
شلون تأكلين حرام وضمين حرام لعد
ليش صلين وصومين واربعه وعشرين
ساعه لازمه سبحتج
نوريه : باسم تلصم مرتك لا اكوم ادوس
راسهه
صاح عمي باسم بصوت عالي
باسم : كلكم طلعون برااااا يلاااا ماريددد
ولا وحده منجنننن تبقهه
طلعنه كلنه واحنه ماراضين عله
بيبي ليش هيج دسوي
وره ربع ساعه تقريبا طلعو عمامي
وبيبي وطبعاً بهل أثناء ولد عمي الكبار
بل استقبال ينگلون بل اكل الي اصلا
محد جايسه وماكلين من عدهه مثل
ماودهه رجعوو
كالت ماما
زهره : عود ليش ماماكلين شي
دوموع : والله مادري يلا بنات يديجن
ويانه خل نلم الاكل وسوو جاي
/////////////////////////////////
“””هاله”””
لمينه الاكل اني والبنات
وساره سوت جاي واحنه نغسل بل مواعين
خلصنه بسرعه واجه رضاوي أخذ الجاي هوة وحسين ورضا رحنه اني والبنات وكفنه يم الباب نتسمع عليهم
غازين ابن هاشميه : عمي احنا ناس
شروگيه عجل ترضوه امكم تاكل حگنه
احنا معايزين الاحد خيرنه جثير والحمدلله
بس هاذه حگنه يخوي
باسم : انتم مالكم شي يمنه
هاشميه : شنهو مالنه شي يمكم احنا
عدنا جثيرررر يمكم مو هيج ينوريه
نوريه : لا ماعدكم شي يمنه
بنص الحديث واحنه جاي نسمع مانحس
اله نفتح باب الاستقبال وتكومنه كلنه
بل استقبال اني وساره ونور وايلين
تكومنه كلنه بل استقبال مثل المطايه
اباوع كلههه صافنه وانوب احنه ياريت
مرتبين كل وحده لابسه دشداشه كشمير.
كله لثگ وملطخه بمال الطبخ وشي مبلله
من غسل المواعين وحالنه كسفه
/////////////////////////////////
“”” ساره”””
اباوع ولدهم صافنين علينه انوب
ينكرطون من لنضافه ورتابه واحنه
حالنه مايسولف
كالت وحده من نسوانهم
شكريه: الله الله يمه شجاجن
واحناااا ميتين من الخجل
عمي باسم كام يخازر بينه بسرعه
ركض طلعنه من الاستقبال وامي
تزلغ بخدودههه من الفشللل وعماتيي
يرزلن بينه واحنه ساكتين
زهره : شسوي بيج هااا
تحجي وتضرب بيه واني شويه وابجي
///////////////////////////////
“””” هاله””””
عماتي يرزلن بينه
مانحس اله طلع عمي انور
أنور :::شنو هاذهههه انتننن زغاررر كله
وحده شكبرهههه شكوو واكفاتتت يم
البابببب شسوي بيجن هسه هاااااا ولج
انتي نويره
كض نور من يدهه حيل يعت بيه
أنور :::ولججج انت زغيرهههه بكد المطي
صرتن ولج عمرججج 20 !!! شسويببي
بيجججج احجيييي وانتي ايليننننن انييي اعلمججج اني هيججج مربيج دخل اشوف
وحده واكفههه يم الباب بعد وانييي اعلمجننن
كالهه وراح كعدت نور تبجي ودكول
نور : كلشييي نور واذا عمري 20 عنست
اني تعبت منكم ليش محسسيني
عمري 50 !!!! ليششششش اني
مو بشررر
رحت كعدت يمهه سحبتهه الحضني
ساره : كافي حبيبتي واذا هسه احنه مو
وياج كافي هم ترزلنه
ايلين : والله بابا اليوم يموتني وين اروح
تروح وترجع وهاله نفس الحاله
عمامي مايعذرون نفس اطباع بيبي
بضبط يفرقون لولد عن البنيه ابد مايحبون
البنيه وعدهم البنيه من تبلغ تتزوج نور لحد
هسه مامزوجه عدهم جريمه
اجت عمتي رشا تصيح علينه
رشا : حيلللللل بيجن مامربايت ولجن
بناتي مايطلعن من الغرفه من يسمعن
عدنهه خطار تفووو عليجن ادبسزيات
منين جايبات هل جساره
محد ردت عليه من البنات ايلين
كاعده ومخليه راسهه عله جتف هاله
ونور نايمه بحضني واني العب بشعره
وساكتين
اخير شي غمتنه وطلعت بس اني ماكدرت
الفضول عدي يقره الف كمت وكلت البنات
راح اجيب فواكه ناكل بس واني دامشي
مريت من الاستقبال وسمعتهم يحجون
بصوت عالي
نوريه : هذه السند مو صحيح
هاشميه : نوريه وراج آخره احجي
الحقيقه محمد العلي خله ورث الي
والولده والاحفادهه
نوريه :لا كلت ماخلههه
هاشميه:::عجل تحلفين عل قران كريم
هوة مخله
نوريه : شنهووووو
هاشميه : اي تحلفين
بسرعه بيبي غيرت رئيهه وكالت
نوريه::هوة خله بس اني ماعدي اطيكم كلهه صرفتهه من جان عايش وتمرض وجان انطي الولده يطوهم اللدكاتره
هاشميه :::عجل انطيني غير شي
نوريه :::شنطيج اني معندي فلوس
هاشميه:::: لا مثل تنطينه حفيداتج
الاحفادي ؛!!!!!!!!!!!!
يتبعععععع……….
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.