رواية تراث النهروان – الفصل الثالث والعشرون
التفت واحد من الضباط كاعد كدامي خزرني وبس عيونه مبينات
– شبيج؟!
مسحت عيوني بسرعه واردد بخوف
– مابية شي مابية شي مابية شي مابية شي.
فتح عيونه ودار وجهه عني
وبعد وقت طويل حيل من التعب والنعاس كلساعه احط
راسي على الجامه اريد اغفي وافز بخوف ماكدرت انام
بعد فترة وكفت السيارة كدام مركز شرطه، نزلوا كلهم
ونزلونه وياهم واني امشي وراهم وماعرف وين ماخذيني
الاعرفه اني بأمان بيد الدولة بعد محد يكدر يلمسني
دخلونه كلنه للمركز، التفتت على اصحاب العُثمان سحلوهم
كلهم وراحوا بغير ممر ويشحطون بيهم، المركز
جان كله
ضاج بيهم وكلها تصيح وتدفر بيهم ويضربون بيهم اقسه ضرب
الشرطه كله شايله اسلحه وتصيح والعُثمان بين اديهم يضحك
يستفز بيهم وهم يضربونه ، واني واكفه وراهم
وارجف ارجف من الخوف حسيت نفسي بفلم رعب
اشكالهم
وصوتهم وعركاتهم وشكل المركز من جوة كلها خوفتني
بلعت ريكي اتلفت بالمكان واهمس
– يارب ساعدني يارب.
بعدني اهمس واجاني صوت واحد صاح
– هيووو انتِ.
فتحت عيوني فازة على صوته وهمست
– اني؟
– اييي، فووتي ورا يله تحرركي.
كالها وكام يضرب بالسلاح على الميز الكدامه
بلعت ريكي خايفه والضابط اشرلي امشي وينتر ويدخن بعصبية
مشيت ورا طببني لغرفه مال تحقيق واشر على كُرسي
– اكعدددي هناا.
هزيت راسي وهمست
– بس بس بس بس..
– شتبسبسين انتِ؟؟؟؟ احجي فضيني.
بلعت ريكي بخجل وهمست
– بس دور وجهك.
رفع تك حاجب ودار جسمه منطيني ظهره
مديت ايدي بسرعه دكمت القميص وجريت الجرجف لفيته على جسمي اكثر
صاح هو
– كملتييي؟؟
– اي اي.
التفت عليّ وجر كرسي كعد كدامي، طلع جكارة ورثها وأشرلي بايدة
– يله احجي.
بلعت ريكي وهمست
– شحجي؟
– كلشي منين عرفتي العُثمان وشوداج هناك يله بسرعة.
هزيت راسي وكمت اسولفله كلشي بس ما ذكرت اسم تُــراث ولا جبته بالطاري
صح هو مجرم مثلهم بس ساعدني هواي ومات وهو يحاول يساعدني
ما يستاهل احجي عليّ بالموزين
– يعني هم خطفوج؟
– اي والله حتى اكوا جهال هواي واني اني اصلا مره شردت منهم
والله شردت بس رجعوني الهم ورادوا يكتلوني.
– هههههههههههههههه شردتي؟؟
المكان الـ انتِ بي لو تموتين بي ماتكدرين تطلعين وحدج
شردتي شنو؟؟؟ تضحكين علينه انتِ؟
– لااا والله العظيم ما اضحك والله شردت منهم.
هز راسة بـ معنى خوش خوش يستهزء بية
شهكت ابجي وأشرلة بأيدي مخنوكة واحجي
– يعني والله شردت قاابل قاابل اكوا وحده تسوي بروحها هيج!
والله اني شردت اصلا اصلا اصلا اني شردت ورجعني
بس مو وحدي واحد ساعدني انقهر عليّ وساعدني
بس لكوني
بسبب غبااائي انيي غبيةةة انيي عنووددية انيي.
كمت اشهك واصيح
– بااارون كالي مانروح للكاظم لزكت اله اروح
كال نـــهروان لاا ترحين للتخييم رحت
كلولي لا ترحين للمحل رحتت
والله استااهلل طبنيي مررض اني طبني مررضض.
كمت ابجي واشهك بصوت واشرحله واصيح وهو يدخن صافن سكتت من شفته ساكت
سكب نفس من الجكارة وهمس
– نـــهروان بـــارون عمج؟
فتحت عيوني بسرعه بصدومه شهكت ابجي واضحك
– اييي اييي بـــارون عميي اني عمييي والله.
– غيد جعفر شنو تقربلج؟
– صديقتي صديقتي هي زميلتي بالكلية وياي.
هز راسة وكام
– خووش.
– راح ترجعني الهم؟ هاا سيدي بس كلي راح ترجعني؟؟
عافني احجي وطلع وسد باب الغرفه ورا
حضنت روحي حيل ابجي ودموعي تنزل
– بـــارون ياروحي اجيتك اجيتك بـــارون.
رفعت الجرجف
امسح بي دموعي واضحك فرحانه بس فرحتي مو كامله
كلما اتذكر تُــراث يوجعني كلبي وانقهر، تعودت عليّ
على سوالفه على ضحكته على كلامه حتى عركاتي ويا
احبهن، مسحت وجهي وترحمتله، اتلفتت بالغرفه
ورجعت وكفت
لكيت بطل مي محطوط على ميز، مشيت فتحته
شربت من عنده شوية
ونزلت البطل ورجعت افتر بالغرفه وامسح بوجهي
مرت فتره ودخل الضابط شايل بايده ملف لونه ازرك كال
– اكوا قضية خطف باسمج وتأكدنه من كلشي واتصلنه على اهلج بلغناهم لكيناج وهم جايين بالطريق
” غــيــد ”
كاعدات اني ومريم كدام ماما وهي حاطه صينية بيها تمن
اصفر معجون وكدامها حشوة تريد تعلمنه نسوي كبة
مــريــم – ماما والله مداتصير.
تحجي وتجعص بالتمن باديها، ضحك بـــارون وهو يباوع على ادينه
– خاله رحمه لأهلج سويها انتِ ما اعتقد منا للعشه نخلص على سالفتها.
ضحكت ماما ومريم سوت روحها زعلت وهي بس تريد تعوف الكبه
– ماا مااا بطلت ما اسوي تعيبون عليهاا.!
ماما – حتلوا مو عدله كملي يلة تتعلمين شوية شوية.
– ماما بربج خلصنه امتحانات انريد نرتاح طلعتيلنه بالكبة.
– اي بعد ماعدكم عذر بالله اجوا ناس عليج شكلهم؟
بنتي مطفية كلشي متعرف تسوي.
كلبت وجها مريم ماقابلة وبـــارون وسيف يقلدون عليها
ضحكت وكعدت اسوي الكبة ويا ماما، باجر يردون يسوولنه حفلة تخرج
قبل الشهايد لان قبل الامتحانات ام العميد توفت
وماقبل نسويها
اله خلصنه امتحانات وكال قبل الشهايد سووها
واتفقوا باجر يسوونها
كملنه الكبه وماما شالتها وراحت تكلي للغده
واحنه
كعدنه بالهول وسيف يفتر يمنه ساعه يرسم ساعه ياخذ تلفون بـــارون
غــيــد – سيف تريد شي حبيبي؟
باوعلي ومبينه حاصرته البجيه باوع على بـــارون وباوعلي وكال بصوت مخنوك
– كلبي يوجعني على نـونـة.
شهكت وكمت بسرعه وبـــارون دنك راسة يرجف
جريته
حضنته حيل وهو انهد يبجي بحضني حيل ويضم راسة من بـــارون
جره بـــارون من عندي وحضنه يبوس براسة
– شبيك وليدي؟ ليش تبجي؟
– عمو والعباس كلبي يوجعني عليها.
كالها وبجه بصوت، رجعه بـــارون لحضنه حيل ويبوس بي
بـــارون – اشش اشش سيف، روح عمو بس باوعلي شو؟
باوعله سيف يمسح بدموعه وعيونه الزرك صايرات حمر
ودموع معلكه بالرموشة الطوال، رفع ايده مسحهن
ورجع
باوع على بـــارون
– ها عمو.
– ضوة عيون عمو وليدي، لا تبجي حبيبي مو كتلك ترجع؟
رب العالمين راح يرجعها النه لا تبجي مابيها شي
محصنها
بالله واهل البيت كلهم وياها لتخاف عليها.
يحجي ويمسح على خد سيف بس عيونه تحجي غير لسانه
اشرلي على سيف ودنك، هزيت راسي واخذت سيف
غسلتله وجهه وضليت اسولف ويا حاولت انسي شوية
جايت ماما الغده كعدته يمي وكمت اسويله لفات
واوكل بي
وهو يسولف شوية كدرت اغير من موده والهي
كملنه وبـــارون انطاه تلفونه كاله اخذه وطب جوة باوع بي
اخذه وراح للغرفه يباوع بالتلفون وهو اخذ جاي اله
وكعد يشرب وصافن بالغرفه، سولفت ويا ماما شوية
وهو يهز براسة ساكت، كامت مريم طبت للغرفه ورا سيف
واني شلت الصينية وكفت اغسل المواعين بالمطبخ
وهم يسولفون بالهول
كملت المواعين وكعدت يمهم بالهول وماما ومريم
كعدنه نسولف وساعه نحجي على الامتحانات
شلون
جانن صعبات واحنه اصلا كوة جاوبنه لا درسنه ولا شي
كوة كدرنه نجاوب كم سؤال على كد الي قارينهن
مددت على التخم وهم كاعدين بالكاع يسولفون
مـريـم – والله ماما اذاا حجيتي عليّ ادج روحي بخاشوكة.!
باوعتلها ماما بتك عين وتخوصرت
– وليش بخاشوكة خو كليلي اني اكتلج احسن.
– ياا ماااماااا.!
ضحكنه عليها وهي تقنع بـ ماما ماتحجي عليها
لان درجاتها ناصية
ماما تتخبل اذا وحده بينه جابت درجه ناصية
لان هي
درجاتها جانن كلهن بالـ90 وفوك وجابت كلية طب اسنان
مثل حضنه كلية فنون وخنچرنه بيها كوة كوة نجيب الـ50
كملت ماما رزالتها ومريم استقبلتها برحابة صدر
لان متأكده من روحها درجااتها خزي
باوعتلي وتجتفت
– اي غيد ماما شو انتِ مخليتها سكته؟
– ماما اني ماعرف شكد اجيب بس اكيد اكثر من مريم.
– شكد يعني؟
– بالـ60.
غمتني وبــارون ضحك وكالها
– لا خالة لعد شتسوين بعد هسه اهمشي نجاح شلهن بالمعدل بعد.
شهكت مريم وباوعتله
– بـــارون هاي ليش؟ واني صارلها ساعة مسحت بية الكاع
ماحجيت ودافعتلي تدافع بس لـ غيد!
ضحكت اني وتخصرت
– اني خطيبته انتِ بيش الكيلوا؟
كلتها اضحك وبعدين استوعبت شحجيت
باوعتلهم بسرعه وهم نظراتهم عليّ، غصيت وكمت اكح
وهم التهوا بية بس مريم حاصرتها الضحكه، مديت ايدي
اكرص بيها وهي وجها صار احمر حابسه ضحكتها
كمت من يمهم رحت للمطبخ اشرب مي، شربت وغسلت
وجهي ورجعت كعدت يمي، بعدنه انريد نحجي
واجه سيف يركض من الغرفه ويصيح
– عمووو عمووو تلفونك يددك عموو.
اخذه من عنده باوع على الشاشه وباوع علينه
بـــارون – هذا الضابط يدك!
فتحنه عيونه بسرعه واحس كلبي كام يدك بسرعه من التوتر والخوف
وهو يباوع على الشاشه بدون مايفتح خط
ماما – جااوب يمه دجاوبهم.
– خايف!
كالها وبلع ريكه ورجع همس
– خايف خاف اسمع خبر يأذيني عليها.
– ان شاء الله خير يايمة دجاوب.
هز راسة وفتح خط بسرعه اشرتله افتح سبيكر
فتحها وتحمحم وكال
– الوو؟
– السلام عليكم، بـــارون؟
– وعليكم السلام، اي بارون.
– عدنه خبر الك.
– ياستار خير ان شاء الله.
– كل خير، بـــارون لكينه بنت اخوك.
هو كالها واني بدون ما احس كمت اصرخ بعلوا صوتي ومريم وياي وهو فتح عيونه صفن على الشاشة
غـيـد – لكووهاااااا مااماا لكوووا نهروااان ماامااا.
كعدت بالكاع ابجي واصرخ ومريم مكابلتني وهو كلمة ماطلعت منه
عفتهم وركضت للغرفه اجر بالصاية البس بيها والبس الشال
واصرخ ماحاسة بروحي شنو حجيت وشنو سويت
– لكوهااااا شمشووون لكوهااا رااح ترجع.
رجعت للهول الكيته على نفس كعدته وصدمته
جريته
من ايده وكمت اصيح وماما ومريم يهدن بية وسيف يبجي ويجر بـــارون
سيف – عمووو عمووو كووم جيبهااا عمووو
لكووا نهروان كوم جيبهااا عمووو.
باوع علينه مثل الي حس على نفسه كام يمشي بسرعه يريد يطلع من البيت
ركضت ورا لزمته يريد يطلع حافي، جريته للحديقه
حضنت وجهه باثنين اديه واحجي ويا بهمس احاول اهدي
– بـــارون بـــارون اشش اهدء اهدء لكوها اهدء بس على كيفك هسه نروح ونشوفها اهدء.
هز راسة بسرعه دنكت البسه الحذاء مالته وهو وخر بسرعه ودنك يلبس بي وايده ترجف ويكرر
– لاا لا استغفر الله.
لبسه بسرعه وجرني من ايدي يحجي ويرجف
– لكوها بنيتي لكوهاا ياابوية نـــهروان يابوية
شحالج هسه.
اباوعله دموعه تنزل وجسمه يرجف خفت يصير عليّ شي
لزمته من ايده حيل وضغطت عليها حيل احاول اهدي
واكله اني يمك، اجرنه سيارة وصعدنه رايحين للمركز
بس الي عرفته مو نفس المركز الي نروحله غير مركز
وصلنه بعد فتره ونزلنه سوة وهو يرجف ويتلفت
– وينها وينها؟
– بـــارون جوة هي الله يخليك اهدء شوية على كيفك.
احجي واني بنفسي اريد اطير واروحلها روحي مفرفحه عليها
ركضنه للمركز طبينه ونسأل عليها كالوا بغرفة المحقق ” رضا ”
دلونه عليها وركضنه للغرفه اثنينه واحد يكول للثاني اني اسرع منك
صار اسرع مني ركض للغرفه فتح الباب حيل وطب
طبيت ورا بسرعه، وفتحت عيني مصدومة واني اشوف
صديقة طفولتي واختي وحبيبة روحي شصاير بيها!
باوعتلها كاعده على كرسي ولافه روحها بجرجف ابيض
وشعرها الطويل نازل على جتافها وجها احمر وتعبان
من شافتنه صرخت بعلوا صوتها وركضت على بـــارون
حضنته
حيل وتبجي وتصرخ وهو حضنها وشالهانزلها وكعدوا بالكاع
اثنينهم واحد حاضن الثاني صوت بجيهم الي بالمركز كلها سمعته وهي تبجي وتصيح
– بـــاااارون يمااماا شلووون عفتنييي هلكدد.
بـــارون بس صوت شهكاته والبجي مالته مسموعه
ابتعدت
يباوع على وجها ويوخر بشعرها لزمها وجها وهي
تبجي
وتشهك لزم وجها وصار يبوسها بكل مكان بوجها
ويرجع
يحضنها ضلوا نص ساعه كاملة واحد حاضن الثاني
واثنينهم يبجون واني كاعده ورا ظهر بـــارون وابجي
والضابط يدخن ويباوع علينه
بـــارون – بنيتي يااروحي بناتي كليلي
بس بس احجيلي احد مأذيج؟
سوولج شي؟
بس احجيلي كلبي راح يوكف احد اذاج؟
يحجي ويخر بشعرها من وجها ويبوس بي وهي تشهك وتهز براسها بـ لا
– لاا لاا لاا لا محدد لمسني محدد محدد.
رجعها لحضنه
يبوس براسها وهي حضنته وتبوس بركبته وترجع تبوس راسة
وخرت من عنده تمسح دموعها والتفتت تباوعلي
شهكت تبجي وغطت وجها باديها وكالت بشهكه
– غـيـد!
وخرت من حضن بـــارون واجت حضنتني
شهكت
وحضنتها حيل وكمت ابوس بيها واعصرها بحضني
حيل واشهك وهي حاضنتني قوي وتبجي
ابتعدت
امسح بعيونها وهي تبجي وتباوع علينه وتحجي
– خفتت خفتت اموت وما شايفتكم والله خفتت.
جرها بـــارون حضنها ويهمس
– اشش اشش اسم الله عليج ياروحي اسم الله.
باوع علينه الضابط وكال
– من رخصتكم ولو قاطعت اللحظة
بس كملوها بالبيت رجائاً عندي شغل وانتوا مطولين.
ضحكنه والدموع بعيونه، كمنه من الكاع وطلب الضابط
من بـــارون يوقع على كم ورقه ويحجي ويا
راحله
بـــارون يوقع ويحجي ويا ويمسح بوجهه
واكفات اني ونـهروان على صفحه وحده حاضنه الثانيه
وهي ترجف رجف كلبي احسه انكسر على حالها
هاي نـــهروان المدللة الي ماتخاف من احد ام لسانين
هيج صار بيها؟؟
لعد شنو شايفه وبشنوا ماره!
كمل بـــارون والتفت علينه جر نـــهروان حضنها
من جفتها واشر يله، طلعنه من المركز وهي بس تبجي
وتهمس ” الله يرحمك ” ماعرفت تقصد منو
بس تبجي
وضعها صعب ماكدرت اسألها شي
اخذنه تكسي وبـارون صعد ورا يمنه وخلاها على صدره
يبوس براسها وباديها وهي ضامه روحها بحضنه
وتبجي، وصلنه للبيت نزلنه، باوعت علينه وهمست
– سيف.
بـــارون – كلبة طاك على شوفتج.
شهكت وطبت للبيت قبلنه شمرت الجرجف بالحديقة وركضت للبيت وتصيح
– سيفففففف سيييفف.
طبينه وراها وهي شافته بالهول كاعد وحاضنته مريم
وهو يبجي بحضنها، من شافها كام من حضن مريم بسرعه
وكف كدامها يكمز ويصرخ وهي وكفت كدامه هم تكمز وتصرخ
– سيفففف سيففففف.
– نوووونةةةةةة.
كالها وبجه بصوت عالي، ركضت حضنته حيل تبوس بي
وهو ضام وجهه باثنين اديه ويبجي
وخرت اديه من وجهه وجرته تبوس بوجهه وهو يبجي
سيف – رواان مشتااقلج انيي.
– ياابعد روحيي سيوفيي أمي انتَ.
تبوس بي وهو حاضنها حيل مايقبل يعوفها
لزمه بـــارون يهدي بي وهي كامت تمسح بعيونها
باوعت على مريم وحضنتها ورجعن يبجن اثنينهن
وحضنت ماما وماما منا هي حساسة وتشوف هيجي شي
ضلت تبوس بيها وتبجي وحده حاضنه الثانيه
كعدت على التخم حاضنه بـــارون وسيف بالجهة الثانيه
حاضنها واثنينهم حاضنيها عبالك امهم
غيد – اريدهاا شبيكم وخروا.
ضحكت والدموع بعينها مسحت عيونها وسوت مكان بينها وبين بـــارون
كعدت وحضنتها صار ظهري على صدر بـــارون
رفعت راسي بستها بخدها وحضنتها وهي بجت بسرعه
كعدنه كلنه كدامها محاوطينها، كعد بـــارون يم رجليها
جر اديها يبوسهن وهي تباوعله مختنكه
بـــارون- شصار وياج؟
تسولفيلي؟ ها تحبين تحجيلي؟ شصار؟
هزت راسها بـ اي ورفعت اديها تمسح وجها وترفع بشعرها
بلشت تحجيلنه كلشي صار وياها من نزلوها من السيارة
لحد ما جابوها القوات للبيت وبـارون يقاطعها كل شوي يسال
هي تحجي واني وماما ومريم نبجي على كلشي عاشته
وبـارون يباوعلها بقهر يريد ينفجر وجهه صار احمر وعيونه حمر
متأذي حيل وهو يسمع حبيبة روحه شصاير بيها
وانتبهت عليها كلما تجيب اسم الشخص الساعدها
” تُــراث ” عيونها تدمع وتمسحهم
بـــارون – يعني من اخذج لبيته اخته شلونها وياج؟
– بـــارون اخته ماشفت منها اله كل خير ربي يحفظها وينطيها الصحه والعافية
الله يوفقها ان شاء الله وين ماجانت ماقصرت وياي بشي ابد طول ما اني يمهم.
– ان شاء الله، واخوها شصار عليّ؟
غطت وجها وبجت وهي تحجي
– كتله هو زربـ*ـان كتله لان ساعدني رمه عليّ
بكلبة مدري وين بس
هو وكع بالكاع والدم ينزل منه وكام يغمض عيونه
وحتى بعد ما اجه ساعدني ماتت.
جر حسرة وهمس
– الله يرحمه ويغفرلة سوة شغله زينه بحياته غير القتل
قبل لا يموت وهي ساعدج.
هزت راسها تبجي كمت حضنتها امسح دموعها
– كافي حبيبتي كومي خل اساعدج تسبحين وتغيرين ملابسج شوفي شصاير بيهن.
هزت راسها وكامت وياي، طببتها للغرفه اباوعلها
لابسة بنطرون
طويل عليها ويسحل وضابته من يم خصرها بالحزام
ولابسه قميص ابيض جبير من كد ما كبار مامبينه بيهن
كعدت على الجرباية صافنه وكلساع تنزل دمعه من عينها
وتمسحها، طلعت الها تراك زيتوني وملابس واخذت منشفه
غـيـد – شور شور يله قمرر.
باوعتلي ضحكت ومسحت عيونها
– امداج.
ضحكت وكعدت بصفها بستها بخدها حيل وحضنتها
– اشتاقيتلج شمشون.
عبرت اديها حضنتني حيل وباست خدي
– واني اشتاقيتلج دودي.
كمت وجريتها من اديها
– يله كومي اسبحج كومي.
هزت راسها بـ اي وكامت وياي
دخلتها للحمام وساعدتها تسبح وانتبهت على جسها
ركبتها
بيها اثر حمر ومن يم عظم ركبتها لون ازرك بيه
كعدت كدامها وهمست
– شمشون انتِ كلتي حاول يغتصبج بس لحكوا عليج المكافحه
شنو هاي الاثار!
باوعت على جسمها وتأشر وتحجي
– هاي ضربوني هنا على رجلي
وبطني ماعرف شنو سولها شكوني بالسجينه
وهنا دفرني على بطني
وهذني حط راسة هيجي بركبتي ويعض بيها.
شهكت روحي رايحه عليها بس ما بينت الها شي
كمت
ساعدتها تسبح واضحك بيها بالحمام وادغدغها
وهي تضحك
وتضرب بية، كملت وساعدتها تبدل وكومتها، لفيت شعرها بالمنشفه
نـــهروان – الله مفتقده الاهتمام.
– تدللين اله اهتم بيج اهتمام مال عشر سنين لكدام.
ضحكت وطلعت كدامي مشيت وراها، طبينه للغرفه
كعدتها
على الكرسي وانشف بشعرها واشسور بي، كملت وظفرته الها
رشيتلها عطر وبست خدها
– الله شكرا ماما.
ضحكت وهي كامت مشينه سوة طلعنه من الغرفه شافها
بـــارون فتحلها ايده وهي ركضت شمرت روحها بحضنه
وساعه تبوسه وساعه يبوسها وسيف مجلب باديها وهي تبوس بيهم
ضلت حاطه راسها على صدر بـــارون وغفت بحضنه
باوعلها بـــارون وجرها على حضنه اكثر وعصرها بحضنه
وباس راسها وهي نايمه
ماما- يمه بـــارون وديها بغرفتك وضل يمها خل تنام ترتاح شوية.
هز راسة وكام شالها بحضنه واخذها وراح للغرفه مالته
باوعتلنه ماما وكالت
– كومن صلن ماما كومن صلن صلاة شكر لـ رب العالمين
وتشكرنه من رجعها سالمه.
هزينه روسنه وكمنه بسرعه وسيف كام ويانه يريد يصلي
توضينه وكفنه نصلي وبس كملنه سيف ركض طب للغرفه ورا بـــارون
كعدنه اني وماما ومريم بالهول، شوية وطلع بـــارون
من الغرفه باوعلي واشر بعيونه بمعنى تعاي، هزيت راسي
وكمت ورا طبيت للغرفه وهو دخل وراي، باوعلي متوتر ويريد يحجي شي بس خايف
– بــارون؟
– نــهروان صايرلها شي؟
كالها وباوع بعيوني منتظر مني الجواب وعيونه كلهن خوف وقلق
غـيـد – لا لتخاف الحمدلله محد لامسها ولا شي بس مجرد
أثار ضرب جانت عدها وشغلات خفيفه.
غمض عيونه وحط ايده على وجهه يهمس
– الحمدلله الحمدلله.
رجع باوعلي وكال
– خاف اكوا شغلات صايرات وياها غير الي حجتهن
وتريد تحجيهن الج اسمعي منها بس كليلي كلشي يصير ماكدر اسكت وانسه الموضوع ولا اكد اضغط عليها.
هزيت راسي بـ اي وهمست
– ان شاء الله.
” بـــراء ”
كاعده بالهول ومكابله التلفون منتظره اتصال واحد
من
بـرهـوم او تُــراث بس محد يدك ولا حتى يجاوب عليّ
ضليت افتر والقلق اكلني واني افتر بالهول واباوع على
التلفون، محد اتصل!
رفعت التلفون اتصلت عليهم مره مرتين ثلاثة محد جاوب منهم
سديته وحطيته على الميز شسوي هسه وشلون احصلهم!
بس اريد واحد يطمني عنهم ليش ميدكون عليّ ويكلولي
همّ وين او زينين لو لا، فزيت على صوت عزيز يبجي
باوعتله بقهر وهذا لحد هسه بطنه تأذي ومايسكت من وراها
شلتها اسكت بي وهو يبجي
دك التلفون نزلت عزيز بسرعه وركضت فتحت الخط
– الووو؟؟
– تُــرااث !
جر حسره حسيتها طلعت من كلبه وهمس
– ها ياروحي .
– وينك خووية ليش هيجي تعذبوني يعني عايفيني هنا وحدي
الوج عليكم والله روحي راحت ادك ولا واحد يجاوب بس كلولي
الو وسدوا عادي قابله والله بس بردوا كلبي !
تُـــراث – حقج عليّ يروحي بس والله مامنتبه للتلفون توني شفته .
– الحمدلله من مابيكم شي بس طمني شوكت تجي؟
– مسافة الطريق ونجي اني وبــرهــوم لا يضل بالج .
– بحفظ الله واهل البيت ان شاء الله تجون بالسلامة .
– يابعد عيوني .
سد الخط ورا
هسه كدرت اجر نفس واتطمن عليهم رحت لـ عزيز بعده يبجي
تنهدت ودنكت شلته اسكت بي نيمته على التخم احطله عصارة
وخليته كدام السبلت بس مو كلش لا يتمرض ، اباوعله جر نفس
وكدر يهدء شوية وينام غطيته بغطه خفيف ورحت اسوي الهم اكل
واحظر بي ادري بيهم يجون تعبانين وجوعانين
سويته وكملته وحطيته بالفرن ، افتريت بالبيت اعزل بي
وانضفه
وبس كملته رحت سبحت وبردت جسمي شوية، طلعت من الحمام
انشف بشعري ولافته بالخاولي سمعت صوت سيارة تُـــراث
لفيت شعري اكثر بالخاولي ونزلت اركض ، تلكاني بـرهـوم
حضني حيل
وصاح
– بووية بووية ، لج ليش تركضين هيج .
عبرت اديه حاضنته ساكته وابتعدت اباوعله
– ليش هيجي ماتجاوب عليّ تخوفون بية هيج !
درت وجهي ضايجه وهو يجر بية ويحجي اجانه صوت تُـــراث يكول
– هلووو عمةةةةة .
التفتت بسرعه وشهكت مصدومه واني اشوف قمر بين ايده !
بــراء – قمووورة!
ركضت عليها اخذتها من عنده حضنتها ابوس بيها وهي تضحك فرحانه بيه
– يااروحي تتذكرين عمه ؟ يابعد روحي .
باوعت على تُــــراث مبتسم بتعب واكف انطيت قمر لـ بـرهـوم
ورحت حضنته حيل
– شلونك يروحي.
عبر ايده حاضني وساكت مايرد ، باوعت على وجهه ماعرفت شبي
جان مبين ضايج والقهر على وجهه
– تُـــراث ؟ شبيك ؟ بس باوعلي شو شبيك ؟؟
هز راسة بـ مابية شي وهمس
– شوفي قمر جوعانه يمكن كضت الطريق تبجي .
هزيت راسي والتفتت اخذتها من بــرهــوم وهو مشة يريد يكعد على التخم
باوعتله يمشي كوة ويعرج برجله
بـــراء – شبيها رجلك تُــراث ؟!
– جرح بسيط حبيبتي لا تخافين .
كعد على التخم ورفع رجله مدها على التخم
باوعت على قمر وبستها بخدها
– قمر ياروح عمه .
ضحكت وكامت تجر بالمنشفه من شعري ، ابتسمت اخذها بــرهــوم من عندي وهمس
– جيبيها .
انطيتها لـ بــرهــوم ورحت حظرت الأكل الهم وصحتهم يجون
كعدوا على الميز وبـرهـوم حط عزيز بحضنه يوكل بي
واني اوكل بقمر
باوعت على تُـــراث ينقش بالأكل وصافن ماياكل
بــراء – تُــراث ؟؟
باوعلي بسرعه وهز راسه بمعنى شنو؟
– بيك شي؟ ليش ماتاكل؟ اسويلك غير شي ؟
– لا حبيبتي عاشت ايدج بس ما اشتهي شي .
سكتت ماعرف شبي وليش هلكد ضايج ، باوعت على بــرهــوم
يباوعله ويرجع يدنك يوكل بعزيز، وكلت قمروة وكلت بضحكه
– عم عم قموورة.
ضحكت وكامت تفر براسها وشعرها الأصفر يتحرك ويا هزة راسها
بعدني اوكلها ورفعت راسي على صوت تُــراث من كال
– رجعت نـــهروان لـ اهلها .
باوعتله بسرعه وفتحت عيوني وهو كالها بقهر ضايج
ابتسمت فرحانه وكلت
– ايي الحمدلله يارب الف الحمدلله ، بس ليش ضايج تُـــراث ؟!
رفع راسة عاقج وجهه بضوجة ورجع دنك يكلب بالتمن
– لعد شنو تعوفني ؟
هو اني تعودت عليها اضحك عليها وتضحك عليّ
وهسه ؟
بعد لا اكدر اشوفها ولا شي لو ضاله مخطوفها احسن الها.
باوعتله مستغربة
– مخطوفة ؟؟؟؟
رفع راسه باوعلي وباوع على بــرهــوم وضلوا واحد يباوع على الثاني ويأشرون
بلعت ريكي بخوف وهمس
– شصاير تُــــراث ؟!!
بــرهــوم – ماصاير شي .
– مااصاير شنو؟ والله هسه تحجولي كلشي كضيت عمرري ماشية
وياكم على عمة عيوني واثقه بيكم وانتوا ماتقون بية تحجولي شي !!
تُـــراث – مو هيج بــراء بس خايفين عليج .
– من شنوو!!!
جر نفس وباوع على بــرهــوم وبـرهـوم هز راسة بمعنى احجي
باوعلي وقبل لا يحجي عقد حاجبة بعصبية ورفع ايده يسب بحركة كلب
– كله من ابوووج الكـ****.
فتحت عيوني مصدومه بسرعه وصحت
– تُـــــراث !!
– ايي اي ابوج السبب بكلشييي بــراء !
طلع جكارة ورثها وجر نفس منها وباوعلي
– ابوج الكـ***، جان يشتغل ويا ناس كو***، بس شنوو يشتغل ومطفييييي
مطفيي مدري شنوو يشتغلل هيج عباله لعب جهال جان
يشتغل بالمستشفى
ويا اشخااص يبوكون اعضااء من اشخاص بالعملياات الكُبرى
يوم كلية يووم كبد يوم رحم مرة كلشي بالجسم يجي كدامهم يشيلونه
بدوهاا من عيادة صارت مستشفى ورجعت صارت عماارة كاااملة !!
بلعت ريكي بخوف جسمي يرجف وهو يدخن ويحجي محترك كلبة
– مااات ابووج مااات الله اخذه شصاار ؟؟
حطوا عينهم عليّ مراقبينييي مرااقبة شوكت اطلع شوكت اطب وين اروح وين اجي
كله يعرفون بي لحد ما رحنه لـ أيران هناك، لمن شفت أم قمر
تزوجتهاا وجبتها لهنا هم جانوا رايدين شي يلزموني بي من أيدي التوجعني
بس مو غبيي اني !! مو مثلل ابووج اني مو مثلة رحت تواصلت
ويا مكافحة الأجرام وخليت كلشي كدامهم وكلشي يصير بعلمهم
وكالوا تعال اشتغل وياهم تفيدنه ززطط بططط ماتت ام قمرر وهمّ انسحبوا مني !
صفك ايد بأيده ورجع يجر نفس من الجكارة من خلصت شمرها ورث غيرها
تُـــراث – بـــراء انيي رجاال بس الشغلااا الي شفتهاا هناك تدري شصار بية ؟؟
بجيتتت بجيتت حسيت روحي طلعتت من كمية الظلم والخوف الي شفته
يكتلون الأطفال بروح بااااااردة يسلبون منهم اعضائهم
هذا مات بالعملية ؟
اشمروا وانطوا للعُثمان يتونس بجثته !!
شهكت وحطيت ايدي على حلكي وهو ابتسم ورجع روحه على الكرسي
– عبالج لهنا وانتهت ؟ كاموا يجيبون بنات بكد نهروان واصغر
يغتصبوهن وياخذون اعضائهن قاومتيهم ؟؟
طلقه براسي وسلملي ، تدرين يكلولي ما نصدك انتَ تشتغل ويانه انريد تثبت النه
اروح للمكافحه يابه هيج وهيج اي اكتل واذبح واصلخ اهمشي تثبت الهم
يابة ماااكدر؟ ماكوو اشششش تاكل خـ*ـره وغصبا عليك تسويهااا
صرت اكتل اشخاص منهم واروح لمحافظات اجيبلهم مناك الجهال
اني بيدي اجيبهم وانطيهم انيي تدرين شيصير بية ؟؟
وكل هذا يله العُثمان وثق بية وصار يميزني عنهم كلهم ويكلي الـ سبع .
فتحت عيوني بسرعه وباوعت على بـرهـوم تذكرت صاحبه الي اجه
تُـــراث – كدرت بأيام قليله اثبت نفسي الهم وازرع روحي بيناتهم
صارت كل أعمالهم وخططهم مفتوحه كدامي صار كل شغله تصير اله يجي يكلي وياخذ رأئي ويسمعه ويطبقة ودائما ينجح بي
جانت الخطه هيج من البداية بس بأخر أيام اتفنه نزرع كامرات
اني وكم شخص متخفي من المكافحه داخل العمارة بس للأسف
شك بية واخذ قمر اخذهاا من عندي ماهددني لان مايكدر يدري بية مستعد اكتله بس كال كـ ضمان يخليها يمه ماكدرت اسوي
شي بوجودها تقيدت صرت اسوي كلشي مجبور وبخوف ماكدر اخطي خطوة
واخاطر بيها الى ان اجت نـــهروان ..
رفعت راسي اباوعله جر حسرة ورجع ورث جكارة ويحسب منها نفس
– بــراء جنت استهزء من اشوف اثنين واحد يحب الثاني وهذا يكول اموت روحي علمودك
وهي تكول انتحر لخاطرة والتضحيات والحب اكول معقولة اكوا حب ؟
الي عشته ويا ام قمر جانت مجرد زواج حتى استقر بس
بس من شفتها من أول نظره
بــراء كلامها ضحكتها عفويتها تسحبني الها ماجنت متوقع بيوم اني يصير بية هيج!
جنت امشي بالعمارة وروحي ميته ما متهم لشي بس من اجت صرت احسب حساب لكل خطوة اسويها
كل خطوة امشيها اكول راح تنفع نــهروان لو تضرها ؟
بـــراء – تُـــراث .
كلتها وباوعتله يجر نفس من الجكارة وينقر بأصبعه على الميز
– تدرين شي ؟ صرت اضربها واتعارك وياها بس حتى تجاوبني بس حتى تلمسني
صرت افكر بالحرام بـــراء شفتي ليا درجه واصل اخوج ؟؟
صرت المسها وافشر واغلط واتعارك بس حتى ترد عليّ بس حتى تجاوبني وتتعارك وياي
بس والله نيتي وياها ماجانت غلط ابد ما فكرت بيها بطريقة الشهوه والأستغلال ابدد ابدد تدرين والله احس بشي يجذبني الها كوة ادري النهاية هيج
والله العظيم ادري اول وتالي ماراح اشوفها بعد
بس مو بيدي مو بيدي ابد حاولت اسيطر على نفسي بس اخخ بــــراء اخوج عاشك وعلي .
كالها وباوعلي مقهور انطيت قمر لـ بــرهــوم وكمت افتريت لجهته
حضنت راسة لصدري وبست راسه وهو يجر حسرات
بــرهــوم – حاولت ابدعها عنه لان عرفته بده يميل الها بس ماكدرت
لا هو جان يكدر ولا هي تخلي مسافه بيناتهم .
باوعتله بقهر وخرت من حضن تُــراث كعدت بصفه ومديت ايدي حضنت وجهه
بــــراء – لا تضوج يروحي ولا تنقهر الـ الله كاتبه يصير الحمدلله من كدرت تخلصها وترجعها سالمه لـ اهلها .
هز راسة بـ لا وهمس
– هو اني ضايج لان رجعت اريدها بس ادري مستحيل تصير ألي .
جريت ايده امسح عليها واحاول اخفف عنه
– زين تندل بيت اهلها ؟ هاا ؟ نروح نخطبها الك ؟ هي هم مبينه تحبك وتقبل والله .
هز راسة بـ لا وعيونه مدمعه من القهر
– ماتقبل بية .
– ليشش ليش ؟؟
تُـــراث – بــراء اني سويت الها شي لو عرفت مستحيل تقبل بية
وما اريد اضم عليها وما اكول الها ولا اكدر احجي ضال مثل بلاع الموس
ماكدر اشوفها واسكت ولا اكدر اكلها خليها بعيده عني ماكدر اواجها ماكدر .
جر حسرة ودنك راسه كامت تبجي قمر بحضن بـرهـوم
طفه الجكارة
وكام اخذها من بــرهــوم وباسها وحضنها حيل
تُـــراث – يـــا روح ابوج بنيتي .
التفت علينه وكال
– صاعد انام فوك وقــمر يمي .
هزيت راسي بـ اي وهو اخذها وصعد فوك كوة يمشي من رجله
التفتت باوعت على بــرهــوم وهو مدنك راسة وحاط ايده على عيونه
بـــراء – احجيلي كلشي بالتفاصيل بــرهــوم الله يخليك .
هز راسة وصار يحجلي كلشي صار وياهم
وشلون طلعوا من العمارة اخر شي والمكافحه اخذتهم وطلعت نــهروان وياهم
بـــراء – زين شمدريكم رااحت لـ اهلها ؟؟
– ليش هو تُــراث انطانه مجال ، رجله متصاوب بيها ويركض كدامنه جنه صل
جرونه المكافحه عبالهم وياهم بس الولد عرفوا تُـــراث وعرفوني .
بـــراء – انتَ شنو جنت تسوي هناك لعد ؟ هم مو يردون تُــراث ؟
– لعد اعوفة وحده؟ صح ما كتلت ولا سويت شي بس وظيفتي جانت حماية تًــــراث وبس.
هزيت راسي بـ اي وهمست
– ونـهروان وين راحت؟
– كالوا اكوا قضية خطف بأسمها وعرفوا عمها ودزوا عليّ
كلت لـ تُــراث روح ودعها صخم لطم كال اذا رحت اجيبها وياي ما اخليها تروح ويا عمها.
بـــراء – وتُــراث؟ شنو راح يسوي ويا هذولة المكافحه؟
– شيسوي جلبوا بي بعد مايخلونه يروح تعال كمل شغلك ويانه وصير من المكافحه.
– عززة! وهو شكال؟؟؟؟
– شكال رفض يعني لحوا عليّ بس هو رافض يشتغل وياهم اصلا.
رفعت ايدي افرك براسي حيل وبـرهـوم شال عزيز وطلع من المطبخ
جريت حسرة على اخوية، كل هاي الفترة اني عبالي شغلهم
يرحون علمود الهندسة ما ادري بيهم يرحون علمود هيجي شغلة
عاش كل هذا وحده! لا كالي ولا خلاني اساعده واواسي شوية
دنكت مقهورة ومصدومه بـ سوايات ابوية بـ تُــراث
كمت عزلت المطبخ وصبيتلهم جاي وديت لـ بـرهـوم
وصعدت كوب لـ غرفة تُــراث، دكيت الباب وطبيت
لكيته
كاعد على الجرباية وبصفه قمر نايمه وهو فاتح تصوير بالتلفون
حطيت الكوب يمه وتقربت اشوف شنو بالفديو
شهكت مصدومه وصحت
– عززة هاااي شنوو تُــراث!!
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.