رواية فلانتيمو الفصل السابع 7 - بقلم عادل عبد الله
فلانتيمو
للكاتب_عادل_عبد_الله
الحلقة ٧
معتز : صوابع ايدك مش زي بعضها يا تيمو ، وشيماء بنت خالتك نور مش هتلاقي زيها ، اسمع كلامي .
تامر : لا يا عم متشكر مش عايز .
معتز : المهم يلا كمل باقي مغامراتك .
تامر : بعد ايه ؟!! انا نفسي اتسدت احكي اي حاجة تاني .
معتز : لأ ، انا مش هسيبك الا لما تكمل باقي مغامراتك ، خصوصا الاخيرة اللي بسببها حصلك كده !!!
تامر : بكره تعالي يا ميزو لما ترجع من شغلك و نكمل كلامنا .
مساء اليوم التالي ...
يذهب معتز ليجد تامر يجلس في حز.ن و بجواره والدته يبدو علبها الغ.ضب !!
معتز : مساء الخير يا جماعة ، فيه ايه مالكم ؟
تامر : شوفت يا عم !! خالتك النهاردة نزلت الصبح وراحت لخالتك نور وطلبت منها تخطب لي بنتها !!
ام تامر " بعصبية " : وايه اللي حصل علشان تزعل بالشكل ده ؟؟!!
تامر : يا أمي قولتلك اصبري لما اخف .
ام تامر : مش فارقة كتير ، انا اتكلمت بس ، ومفيش اي حاجة هتحصل الا لما تخف وتقوم بالسلامة وتروح تزور خطيبتك بنفسك وبعدها نعلن الخطوبة ونلبس الدبل .
تامر : شوفت !!! خالتك بتقولي خطيبتك !!
معتز : خلاص يا تيمو ، خلاص يا خالتي ، سبينا لوحدنا معلش دلوقتي بعد اذنك .
تخرج ام تامر من الغرفة ، وينهض معتز يغلق الباب ثم يعود مبتسما : يلا يا تيمو كمل حكاياتك .
تامر " يضحك " : انا عارفك تحب تسمع الكلام ده اوي .
معتز : بصراحة ايوه بحب اسمع مغامراتك اوي ، كمل بعد ما سيبت بيت سلطان و جيهان ورجعت هنا عرفت مين بعدها ؟؟
تامر : يااااه ، كتيييير ، بجد من كترهم مش فاكرهم .
معتز : طيب احكي يا تيمو اللي تفتكرها ، هقولك ، احكي اخر واحدة لما وقعت من الدور الخامس .
تامر : قصدك منال ؟؟
معتز : احكيلي ، منال مين و عرفتها ازاي ؟؟
تامر : دي يا سيدي أرملة ومعاها ولد صغير وعايشة لوحدها .
معتز : و عرفتها ازاي ؟
تامر : عن طريق خالتك ، رجعت في يوم من الشغل قالتلي انها تعرف واحدة ارملة وظروفها علي ادها وعايزاني ادي لابنها درس انجليزي .
معتز " يضحك " : وطبعا اديت للولد انجليزي وامه فرنساوي .
تامر : فرنساوي ايه يا ميزو ، دي امه عارفة كل حاجة فرنساوي وياباني و روسي كمان .
معتز " يضحك " : خبرة يعني !! طيب كويس كمل يا تيمو .
تامر : روحت ادي للولد الدرس اتفاجئت ان امه صغيرة وجميلة جدا ، مش بس جميلة دي حاجة كده زي البسكوتة .
معتز " يضحك " : طول عمرك ابن محظوظة !!
تامر : انا في الاول كنت فاكر انها ست كبيرة وابنها كبير في ثانوي مثلا ، لكن لما روحت اكتشفت انها لسه في العشرينات وابنها حوالي ٦ سنين .
معتز " يضحك " : ده عز الطلب .
تامر : طبعا انا كنت عارف انها تعرف امي ولذلك كنت في منتهي الاحترام معها ، لكن بصراحها من جمالها كنت بحب اشوفها كتير ، وبعد ما كنت متفق علي درسين للولد في الاسبوع قولتلها مش كفاية درسين ، لازم اربع دروس كل اسبوع ، وهي وافقت وكان واضح عليها السعادة والرضا جدا ، وبقيت بشوفها كتير تقريبا كل يومين ، ولما كنت اروح عندها كانت في البداية تحاول تختلق معايا اي مناسبة للكلام والهزار والضحك ، هي د.مها خفيف جدا لكن ظروف مو.ت جوزها ويتم ابنها وفقرهم كان مأثر عليها و تحس جواها مسحة حزن .
معتز " بسخرية " : مسحة حزن !!! عارفك طول عمرك رومانسي !!
تامر : انا بتكلم بجد ، انا بعد ما كنت معجب بجمالها وخفة د.مها اتحول اعجابي ده لتعاطف شديد وبعدين حب .
معتز : حب !!! حبتها يا تيمو ؟ مش ممكن !!!
تامر : ايوه يا اخي حبتها ، فيها ايه ؟؟
معتز : انت كل واحدة تشوفها وتعجبك تحبها كده علطول ؟!!!
تامر : مادام بتتريق مش هكمل .
معتز " يضحك " : طيب خلاص خلاص انا اسف .
تامر : رغم اني حبتها لكن كنت متردد اقولها علشان ظروفها و علشان معرفة أمي لكن ......
هنا تفتح الام الباب و تدخل عليهم قائلة : عروستك وامها جم بره علشان يطمنوا عليك .
تامر " بغ.ضب " : عروستي !!!!!
الام : ايوه شيماء بنت خالتك .
اضطر تامر للخروج سا.خطا والجلوس مع شيماء ووالدتها ومرت حوالي ساعة من كلمات السلامات والمجاملات تخللتهم نظرات وابتسامات من شيماء له !!!
يبدو ان شيماء اكثر سعادة منه بأرتباطهم كثيرا !!!
انصرفت العروس وامها فأنهالت عليه امه : ايه اللي عملته ده يا تامر ؟؟ انت قاصد تحر.جني ولا ايه ؟؟
تامر : ليه ؟ انا عملت ايه ؟ انا قعدت معاهم زي ما طلبتي اهو !!!
ام تامر : قاعد ساكت و شيماء كانت قاعدة محر.وجة من موقفك !!!
تامر : اسف ، يمكن علشان جم فجأة .
ام تامر : شايف ابن خالتك يا معتز ؟!!! ينفع اللي بيعمله ده ؟؟
معتز : خلاص يا طنط ، كل اللي انتي عايزاه هيتم .
ام تامر : ايه رأيك يا تامر اول ما تخف هتلبس دبل وتكتب كتاب شيماء وتتجوزوا في نفس الاسبوع .
تامر : ايه اللي بتقوليه ده يا ماما ؟!!! لا طبعا مينفعش !!
ام تامر : ولو معملتش اللي بقولك عليه لا انت ابني ولا اعرفك !!!!!
معتز : طيب خلاص يا طنط اهدي دلوقتي وتامر هينفذ كل اللي تؤمري به .
في منزل اهل شيماء
تعود شيماء ووالدتها من زيارة تامر ويبدو علي وجهها الحزن !!!
ام شيماء : مالك يا شوشو ؟ طول السكة واحنا راجعين مفيش ولا كلمة ودلوقتي شكلك زعلانة !!!
شيماء : ماما ، انا حاسة ان تامر مش عايز يتجوزني وانه مغ.صوب علي الجوازة دي !!
الام : بيتهيألك .
شيماء : لا يا ماما انا كنت ملاحظة انه قاعد مش مبسوط ولا مرتاح ، بلاش يا ماما ، مش عايزة احس اني مفروضة عليه !!!
الام : مفروضة ايه يا هب.لة !! هو يلاقي زيك فين !! هو تلاقيه بس كان متضايق علشان قاعد وسطنا بالجبس ومكسو.ف .
شيماء : يا ريت يا ماما يكون كلامك صح .
الام " تبتسم " : بتحبيه يا شوشو ؟؟
شيماء : اوي اوي ،اااا اقصد اكيد ده ابن خالتي قبل اي حاجة .
الام : يا بت علي مين ؟!! باين عليكي بتحببه يا شوشو .
شيماء : المهم انه يحبني يا ماما .
الام : هيحبك ، لو لسه مش حبك دلوقتي هيحبك بعد الجواز .
في منزل تامر ...
تركتهم ام تامر وذهبت بعيدا بينما كان يجلس تامر غا.ضبا ...
معتز : مالك يا تامر ؟ قافش ليه كده ؟؟
تامر : مش عايز اتجوز يا معتز ، ولو هتجوز مش هتجوز بنت خالتك .
معتز : ليه مالها شيماء ؟ دي امورة وجميلة و بتحب الضحك زيك بالظبط .
تامر : من الاخر يا ميزو لو هتجوز يبقي هتجوز منال .
معتز : الأرملة ؟
تامر : ايوه .
معتز : يااه للدرجادي حبتها ؟؟
تامر : جدا جدا يا ميزو ، الوحيدة اللي فعلا حبتها من قلبي بجد .
معتز : اومال وقعت ازاي من عندها ؟؟ ده انا كنت فاكرك عند واحدة وجوزها مسكوا. مع. بعض !!!
تامر : اخو جوزها .
معتز : اخوه !!! ده ماله ده كمان ؟؟
تامر : اخو جوزها ده يا سيدي بعد ما دفنوا جوزها رجع و قالها تعمل حسابها انه هيتجوزها بعد شهور العدة علشان يربي بنت اخوه !!
معتز : جوزها ميت من امتي ؟؟
تامر : اكتر من سنة .
معتز : واخو جوزها اتجوزها بعد العدة ؟؟
تامر : لا لا هي رفضاه رفض قا.طع ونهائي .
معتز : فين المشكلة ؟؟ هو عايز يتجوزها وهي رفضت ، كده الموضوع منتهي !!!
تامر : المشكلة ان اخو جوزها ده بلط.جي و مجر.م ومش سايبها في حالها ، وكل شوية يزورها فجأة ويقولها طلعي الراجل اللي عندك ، هو معتقد انها رفضته علشان تعرف راجل تاني ، لكن هي رفضته شخصيا .
معتز : بردو مش فاهم ايه اللي حصل ؟!! انت كنت بتدي ابنها الدرس واخو جوزها جه ، ليه وقعت من البلكونة ؟!!
تامر : مكنتش بدي للولد الدرس .
معتز : اومال كنت بتعمل ايه ؟؟
تامر : كنت في اوضة النوم مع امه ...
• تابع الفصل التالى " رواية فلانتيمو " اضغط على اسم الرواية
تعليقات
إرسال تعليق