رواية ما هو ذنبى الفصل الرابع 4 – بقلم شفق الغروب

 رواية ما هو ذنبى الفصل الرابع 4 – بقلم شفق الغروب 

اقبل يا ادمن الفصل غيرت جريمة القتل خلتها اقل بشاعة انتو مش رفضتوه مرتين لا لا انتو ازلتوه خالص فا انا حسيت بسبب بشاعة جريمة القتل اللي هتحصل مع اني شيفه أن التغيير واجب مش شرط الرويات تبقا حب وغرام عادي لو جريمة وتحقيق وقضايا مختلفة بس والله قللت من بشعتها اقبل يا ادمن اللهي تدخل طب 🥺🥺

اللي بيقرأ عاوز باقي الرواية والله ..هعيط بالتركي بجد 🥺

دم ….في ريحة دم ملية المكان ريحت جريمة…….الناس ملمومة حولين راجل هدوموا مليانة دم ماسك سكينة في ايدو وبيقول بصوت عالي :

– اهو دم بنتي قتلتها علشان اغسل عاري قتلت عاري البرئ قتلت اللي سيرتها بقت علي كل لسان قتلت بنتي اللي كان بيتحلف باخلقها قتلت شرفي اللي ضاع قتلتها وهي بريئة قتلتها واشهد ياللي لسانك مبطلش كلام عليها وطعن في شرفها اني غسلت عاري وقتلتها 

قال كده وبعدها اعد علي الارض وهو بيبكي بحرقة عليها وبيقول ليه خلتيني اعمل فيكي كده يا احن واحدة عليا يالي هونتي عليا كل حاجه في الدنيا ليه يا روح ابوكي ليه مهربتيش ورحتي عند امك لما كنت بعذبك ليه؟؟….جي يندم في وقت مينفعش فيها الندم خلاص فات الأوان….الناس كانت في حالة صدمة من المنظر البشع خايفين يقربوا جريمة هزت ارجاء مصر منظر بشع لجريمة قتل بشعة شابة لسه في بداية حياتها تموت علي ايد ابوها بالطريقه البشعة دي قطع رأسها وباقي جسمها لقوه في الشقه بتاعت ابوها عليها آثار حروق عميقة قتلها و قطع راسها وبعدين حرق الباقي منها ……منظر بشع ومرعب تجف لي الأبدان يخلي القلب يوقف ضخ الدم جواك مشهد يوريك البشاعة اللي ممكن يوصل ليها بشر …….

بر كانت مشية بتتلفت وتشوف شكل المباني علشان تحفظ الشارع لقيت السواق وقف كانت لسه هتتكلم وهي بصه علي احدي العماير وتقول وقفت ليه بس فجأة لقيتو بيهجم عليها وهو بيحاول يقطع القميص بتعها وهو مثبتها علي الحائط وبيقرب منها كانت بتصرخ باعلي صوتها حاولت تطلع الموس اللي شيلها ديما في كم هدومها وفعلا نجحت بس لما جت تقربو من واشو علشان تعورو ويتلهي في جرحو ويفلتها علشان تعرف تهرب بس اخد بالو منها قبل ما تجرحو جرح عميق ووقع الموس من أديها وبدأ يضربها علشان تسكت وهو بيعمل فعلتوا القذرة كانت بتصرخ وبتعيط بتقوموا بتحاول تناجي حد يلحقها صراخها بيعلا دموعها بتزيد متثبته مش عرفه تتحرك مفيش حد يلحقها من أدين الوحش…….

صراخ….دموع…….رعب وخوف…..هدوء 

 وفجأة افلتت من ايديه وحست بيه بيقع قدمها لما فتحت عنيها بصت لقت نادر واقف ورا الراجل وفي اديه عصايا غليظة ضرب بيها دماغ السواق المتحرش القذر وكان معاه ثلاثه من صحابو قلهم كنتوا عوزين حد تضربو عليه علي الملاكمة بدل كيس الملاكمة اتفضلوا عيشوا حياتكم 

نادر رجع يبص علي بر بس ملقهاش بر كانت بتجري وهي منهارة مش قدرة تاخد نفسها ازاي كان هيحصل فيها كده ازاي مدتش اهتمام لنظرات الشهوة اللي كان بيبصلها بيها ديما مكنتش مستوعبه اللي كان لسه هيحصل ليها من شويه اعدت علي الارض وهي منهارة ضمه نفسها وبتعيط بحرقة بحرقة علي حالها فكرت لو السواق ده بالقذارة دي كام بنت حصل معاها كده ده سواق يعني بيقابل كمية بنات كام بنت اتحرش بيها حتي لو لفظيا وسكتت عن حقها ومتكلمتش ازاي  خنزير زي ده موجود لسه بين الناس …كام بنت حصل معاها كده وسكتت عن حقها علشان خافت طب وهي هل في حد هيصدق ان راجل عندو ٤٠ سنة حاول يعمل كده هل حد هيصدقها وهي اعده حست بيه بيطبطب عليها رفعت رأسها وبصت ليه في عيونو بعيونها اللي غرقانه كانت عيونها بتحكي عن رعب وخوف من اللي كان هيحصل كأنها بتقول لو مكنتش جيت كان زماني لسه تحت ايدو 

نادر بص ليها ومحسش بنفسوا غير وهو بيخدها في حضنوا ويطبطب عليها شاف فيها اختو وفكر لو اختوا كانت مكنها وهو مكنش موجود كان ايه اللي حصل اعد يطبطب عليها هو أول مره يشوفها بالضعف ده اول مرة يشوف دموعها وبعد وقت بر بعدت عنوا وكانت هتمشي من غير ما تبص ليه هي مش عرفه اصلا ازاي هترفع عنيها في عينوا بعد ما شفها في الوضع ده ولاكن قبل ما تمشي لقيتوا مسك أديها يوقفها وخلع الجاكت اللي كان لابسوا ولابسو ليها وقفلوا وهو بيقول: في زراير من القميص اللي لبساه اتقطعت 

بر مكنتش اخده بلها كأنها في حالة اغماء مش مستوعبه اي حاجه كده وحط شنطتها علي كتفها وهي مشيت من عندو من غير ما تقول كلمة هو عارف انها عرفه طريق بيتها بس مشي وراها يتأكد 

بر كانت مشية سرحانة الدنيا داقت في عيونها كانت حسه ان في شرخ جواها فضلت مشيه لحدما وقفت قدام باب شقتهم قلعت الجاكت بتاع نادر وحطتوا علي شنطتها وخبطت والباب اتفتح كانو أهلها متجمعين اول مادخلت بصت لابوها وقالت بدموع وانكسار:

– السواق حاول الاعتداء عليا 

– انتي بتقوليه ايه يا متخلفه انتي وايه اللي خلي منظرك كده 

زعقت وقالت:

– بقولك سواقك حاول الاعتداء عليا كان عايز يتحرش بيا عايز يختصبني هو اللي قطع قميصي كده …قالت كده وبعدت ياقة قمصها عن رقبتها اللي كشفت عن علامه في رقبتها ….وبدل ما ابوها يبقا سندها يفهم منها ايه اللي حصل عمل ايه نزل علي وشها بقلم واقعها في الارض وقال وهو بيصرخ ليها :

– انتي ازاي تسمحيلو يعمل كده !!

بر بصت ليه بصدمة وقالت: 

– اه اللي انت بتقولو اسمح لمين انت بتقول ايه هو اللي كان هيعمل كده !!!

– وهو انتي لو محترمة كان بصلك لو انتي محجبة كان بصلك لاكن انتي عرضي نفسك بلبسك الديق ده 

بر كانت هتجنن هي مش بتلبس ديق ولا مفتوح هدومها دي امها هي اللي شريها يعني لو هيلوم علي لبسي يبقا هي وبعدين هو ازاي بيتهمني انو انا السبب؟ 

اتغظت منوا لانو بيلومني في حاجه انا مغلطش فيها وقمت قلتلوا بغل وكره: 

– انا اللي غلطانه ما هو انت لو راجل مكنتش رميت بنتك لأي سواق من غير حتي ما تسأل عليها رميت عرضك للكلاب وبتستغرب انهم اخدوه انت السبب وجي ترمي عليا اللوم علشان متحسش بالذنب 

– يعني دلوقتي انا اللي غلطان ..طب حلو بقا توصيل وانا مش هوصلك سواقين مفيش انا خليت زمتي منك 

– يعني ايه خليت زمتك مني وحقي!!؟؟ 

– كسر حقك يا ** 

 قذفني بكلمة جرحت كياني ازاي بيقذف بنتوا كده تخطيت كلمتو بصدمة وقلت :

–  هتسيب اللي عمل كده في بنتك وانت عارف هو مين!!!

جه مسكني من شعري وقال : 

– مفيش حاجه حصلت ومفيش حد حاول الاعتداء عليكي انتي فهمه ربنا سترك هتفضحي نفسك عوزاه الناس تقول عليا ايه سواق ملهوش قيمة زي ده كان عايز يخد شرفي الموضوع كأنو محصلش تنسي ان كان فيه حاجه هتحصل ولو سمعتك جيبه سيرة الموضوع ده علي لسانك او انك عوزاه ترفعي قضية ييقا هيبقا آخر يوم في عمرك انتي فهمه 

– ده شرفي وانا مش عوزاه اسكت عن حقي خايف الناس تقول سواق حاول هتك عرض بنتك ومش خايف لما اقول عليك مش راجل …انت الرجوله معدتش عليك عاوز تعدي الموضوع بالبساطة دي!!

وقف قدامي بهدوء مرعب وبص ليا وقال: 

– قرب منك ازاي لمسك تمادي عمل ايه وازاي عرفتي تفلتي من ايدو 

– ملحقش يعمل حاجه ضربتو في بطنوا وجريت علشان اهرب مم بين اديه 

قلت كده لاني استحالة اقولهم ان صحبي نادر لحقني قبل ما الخنزير ده يعمل حاجه 

– طيب اديكي بتقولي معملش حاجه عوزاه ترفعي قضية بناءً علي ايه …تفتكري حد هيصدقك هيصدق ان راجل عندو ٤٠ سنة عاوز يعتدي علي عيلة لسه بتدرس ….انتي ملكيش حق ..ولو ان محدش عرف بالي حصل كام زماني قتلتك وقربت من دمك زي ما قلت انسي ان حاجه حصلت مفيش شهود مفيش دليل محدش هيصدقك بعدت عنوا وانا بصة عليه بصدمة  دخلت اوضتي قفلت عليا وانا منهارة وحضنة الجاكت بتاع نادر كأني بحاول استدعاء نادر كنت محتاجه جنبي يوسيني قمت صرخت وانا بقول :

– ليه يا رب شايف الكل ظلمني وساكت ليه ….ليه مش بتحبني انا كنت بحبك كنت باجي ادعيلك ليه تعمل فيا كده ليه مش واقف معايا ليه مخلي الكل ضدي انت كمان بتحب أبرار اكتر مني انت عايز تزعلي علشان أبرار تفرح انت بتكرهني هي قالت مني قالت انك بتكرهني ومش بتحبني …..

اعد علي الارض بكسرة قلة حيلة كانت بتبكي وتعيط رغم أنها كانت فكرة انها نسيت الدموع في صدع في روحها وكيانها حسه بالخذي من نفسها ازاي محدش مهتم ليها ازاااااي  سابوه حقها كل ده علشان خايفين من كلام الناس……الناس لو يعرفو ربنا كويس مكنوش هيتكلموا عني من ورا ظهري انا تعبت خدني يا رب خدني زهقت من القرف والناس زهقت من نفسي انا بجد حسه اني انسانه قذرة خدني وريحني انا بطلب منك وبدعيلك اهو وانا مكسورة بعد هجرة سنين يلا نفذ واسلب روحي من جسدي…….

فضلت مستنية مستنية حاجه تحصل مستني ان مثلا ربنا يحنن قلب في البيت ده عليا بس محصلش….مفيش حاجه حصلت 

صرخت وقلت : 

– انا غلطانه اني بعد سنين جيت لعندك وانا مكسورة انت بتكرهني ذيهم  بتكرهني علشان كده سيبهم قاسيين عليا علشان كده سيبني عيشة انا بكرهكم كلكم 

اعدت طول الليل ائن انا حسه بخذلان حسه بالخيانة تخيلو الشخص اللي المفروض يحميكي يتخلي عنك اللي المفروض سندك اول واحد يسيبك تقعي اللي المفروض يقتل اللي كان هياخد اعز ما تملكي قتلك انتي بالله مش بتوجع طب والله وجعاها دائم لا اخ ولا اب ولا أهل ولا اي زفت انا بكره حياتي كل ما اقول هتتحل القيها اتنيلت

معقول كل البنات اللي مرت علي تجربه زي دي سكتت هل انا فعلا لازم اسكت اسكت واسيب حقي اسيب اللي حاول يعمل فيا كده طليق ويروح يعمل كده مع غيري ويكسر روح تانية ويخلي الناس تتكلم في عرضها وشرفها بنت تشوف ان الناس بتلومها هي اكتر من الفاعل 

اعدت اول شهر من الاجازة حبسه نفسي باكل لقيمات تخليني اقدر اقوم اقراني بدأو اجزتهم بخروج وانا بدأتها بجروح انا انجرح كياني وروحي ولما سكت قتلت الباقي من روحي 

خلال الشهر نادر كان بيبعتلي رسايل لدرجة اني نسيت عددهم كنت مش عوزاه ارد علي حد كنت بشوف اشعارات الرسايل ومكنتش برد انا معرفش محتوي الرسايل اصلا وبعد مرور الشهر وانا علي حالي مش عوزاه اطلع من اوضتي علشان مشفش في عيونهم نظرة استحقار كانت الساعه ٢ بليل لقيت نادر بيرن كول كانت أول مره يرن فيها مردتش رن اكتر من عشر مرات غير الرسايل اللي كان شغال يبعتها مسكت الفون فتحتوا وحطيتوا علي ودني سمعتوا بيقول:

– عارف انك مكسورة ونفسك تخدي حقك من الكلب ده ومش هتستريحي غير كده خشي شوفي الصور اللي بعتها 

دخلت ويارتني ما دخلت صور لبنت في وضع مخل صور قذرة بجد 

– اه القرف ده يا نادر؟!!

– بنت السواق …صورها مليا السوشيال ميديا 

حسيت بصدمة وقلتوا :

– مين اللي عمل فيها كده مين اللي نزل صورها 

– البنت مش في وعيها في الصور 

قلبي اتقبض وحسه اني خيفه من اللي هيقولوا قال:

– الموضوع مقصود واحنا اللي نزلنا صورها 

صرخت فيه بعصبيه: 

– انت اتجننت ازاي عملت في البنت كده 

– لازم السواق ده يدوق من اللي عملوا فيكي 

– كنت جيت استشرتني ذنبها ايه البنت ذنبها ايه؟؟؟

– ذنبها انها بنت للقذر ده انا ماخدتش القرار غير لما اتأكدت انتي فكرة انك اول ضحية لي انتي مش عرفه كام بنت حصل فيهم اللي حصل معاك وانتي لقيتي اللي يلحقكك لاكن هما ملقوش عاشوا بيعانو في هدوأ منهم اللي انتحر بسبب طعن الناس في شرفهم …كان لازم يشرب من نفس الكأس 

غصب عني دموعي نزلت وانا بقلب في الصور ولقيت صوره للبنت لبسها واسع حجابها كامل وبدأت افكر كلام الناس ليها هيقول لبسه لباس العفة والطهارة وفي الاخر لا عفه ولا طهارة ،

لبسه الحجاب علشان تعرفي تعملي اللي بتعمليه من غير ما حد يشك فيكي،

بتتستري بالحجاب، 

مستهليش تبقي مسلمة، 

هيطعنوا في شرفها في دينها في حيائها باين علي البنت باين علي ابتسامة الرضا اللي في ملامحها انها بتخاف ربنا انتي مش عرفه هيتقال عليكي ايه مش عرفه كمية القذف اللي هتتقال ليكي 

ولأول مرة احس ان في حد صعبان عليا هي ملهاش زنب علشان اللي هتشوفوا 

– انت ازاي تسمح لنفسك تعمل كده في بنت بريئة مش عارف هيتقال عليها ايه ؟؟!!!

– ابوها ليه مفكرش في بناتو وهو وبيعمل في بنات الناس كده  

قلت بصوت مكسورة مليان دموع :

– نادر ….متكلمنيش تاني امسح رقمي من عندك انت زبالة يا نادر…انا مش عوزاه اعرفك تاني انت زيو دمرت حياة بنت 

وخليت الناس تتكلم في عرضها وشرفها انت زيك زيو يا نادر انتو الاتنين قذرين 

–  ماشي همسح رقمك بس حتي لو كنتي قلتي كده من الاول كنت عملت نفس الحاجه كلب زي ده لازم يدوق من السم 

قفلت بعد ما قال كده وانا حسه ان اللي حصل للبنت بسببي 

عده اسبوع الشوسيال مديا كلمها عن البنت اللي صورها انتشرت كنت براقب الاخبار في صمت الا القي خبر وتحته فيديو 

ابو ياسمين اللي صورها انتشرت علي السوشيال ميديا ابوها قتلها ونزل في الشارع يصرخ زي المجنون وهو ماسك السكينة ورأس الضحية وبيتكلم وهو مش في وعيوا غسلت عاري عاري اللي بتتكلموا عليها 

والفديو كان من حساب مجهول نزل من مكان مجهول اعتراف من راجل وهو مش مبين واشو وهو بيحلف وبيقسم ان البنت ياسمين اللي صورها منتشرة هو اللي نومها واخدها وصورها في وضعها ده وانها بريئه وفتح فيديو علي فون وهي نايمه مش بتتحرك وده اللي اثبت ان البنت شريفه هي بس كانت ضحية مجتمع ابو ياسمين السواق فقد عقله اتجن الاخبار اللي بسمعها كنت بسمعها علي انها اسعد الاخبار اتقبض علي ابو ياسمين( السواق اللي حاول يعتدي عليا ) وكان مش بيقول غير قتلها وهو بيغرش السكينة في رأس الضحية ياسمين اللي ابوها قتلها وقطع راسها ولما الشرطة طلعت بيتو لقيتو مولع في بعض جثه البنت …..كان مش بيردد غير ماتت غسلت عاري قتلتها وهي بريئة ومع انتشار الخبر بتاع الراجل وانتشار صورو في كل السوشيال ميديا بدأت بنات تطلع تطالب بحقها وتعترف ان الرجل ده كانت بيختصب البنات اكتر من بنت طلعت تحكي اللي حصلها وان هو يستهال كل اللي حصل ويستاهل ان الناس اتكلمت في عرضوا زي ما الناس اتكلمت في عرضهم بسببوا 

كانت الناس بتقول شر اعمالو والي كان بيعملوا اترد فيه وعلشان بنتوا كانت بتخاف الله ظهرت برئتها 

كنت سعيدة مع اني مقلتش اللي حصل معايا ولا صرحت بيه بس غيري صرح يستاهل يستاهل بسبب كل حاجه عملها في بنات الناس 

اتحكم عليه بالإعدام والكل كان بيدعي عليه ان ربنا يجحمو في جهنم ويرحم البنت اللي اتقتلت وملهاش زنب 

كنت حسه ان حقي رجع ….رجع معرفش ازاي بس حقي وحق بنات كتير وحق اللي اتقتلت مظلومة رجع  في لحظة مفكرتش ولو ثانيه ان ده استجابة الله ليا مفكرتش ان اسم الله العدل مفكرتش 

أن الله سبحانه وتعالى يضع الأمور في مواضعها،

ويُعطي كل ذي حقٍ حقَّه،

ولا يظلم أحدًا مثقال ذرة.

قال الله تعالى:

“وَلَا يَظْلِمُ رَبُّكَ أَحَدًا” 

هو العدل فعلا بس انا كنت عميه نسيت ديني نسيت ان كل حاجه في حياتي كرم من ربنا نسيت كل ده وفضلت في ظلالي من غير ما اخد بالي ان ربنا استجاب ليا ورجع حقي الي اعدت شهر ابكي عليه 

كل ما افتكر افعالي اكره نفسي انا ازاي كنت كده ازاي كنت عيشه في ظلال زي ده ازاي نسيت فضل الله عليا ………

كنت حسه ان في حاجه نقصة انا عوزاه افهم نادر عمل ايه او ازاي وصل للبنت ازاي عمل كل ده انا متأكدة انو استحالة هو اللي صورها في الوضع المخل اللي كانت فيه بس اكيد هو لي ايد هو قال مع اني كنت مديقة انو خلي بنت تبقا سيرتها علي كل لسان بس بعد ما شفت الاعتراف اللي برء البنت هديت وكنت عوزاه افهم اه اللي حصل بالتفصيل مسكت فوني وبعت لنادر :

– انا مش فهمه حاجه خلاص….انا عوزاك تشرحلي كل حاجه بالتفصيل الممل من اول ازاي عرفت انها بنتوا لحد اللحظة دي 

بعت كده وسبت الفون وطلعت من اوضتي بعد اكتر من شهر مش عوزاه اطلع منها كانو اهلي متجمعين لمة عائلية عمر ما كان ليا مكان فيها عمر ما حد رغب اني ابقي موجود فيها اففف انا شيلة منهم كتير شيلة حقد وكره لو وزعناه علي العالم لمتلأت الارض كره وحقد وكثرت الجثث والقتلي ….طلعت من الاوضة لقيت ابويا بصلي وقال:

– شفتي ربنا جبلك حقك منوا من غير ما تفضحينا 

– اتفضحت بفاحشة تفضل ملزماك طول العمر قالت كده في نفسها 

ابوها كمل : علشان بعد كده تسمعي كلام ابوكي وانتي مخروصة 

– انا معنديش اب …ابويا مات لما سبني بعاني واتنازل عن حقي ساب الكلب طليق ينهش في عرض بنات غيري علشان جبان خايف من كلام الناس سبني ببكي وهو عارف مين سبب دموعي سبني بصرخ وهو عارف مين اللي جلد روحي سبني بتوجع وهو عارف مين سبب جرحي …..المشكله انو سبني سبني لوحدي يريتوا كان جنبي علي الاقل يقلل بشاعة فعلتوا القذرة …لا وكمان كان بيلومني رغم انو السبب …انت متفرقش حاجه عن السواق بالعكس انت اللعن منوا لأنك كان المفروض تبقى سندي ليه تجرحني هو ميعرفنيش فا كان عادي ولاكن انت اه حجكتك….طلعت نفسك منها رغم انك انت السبب

كانت بتقول كده وهي بصة ليه بكره بشع عوزاه تقتلوا عوزاه تحسسوا بالوجع اللي حست بيه 

– بقي دي جزاتي بعد اللي عملتوا عشانك ؟؟

– انت معملتش حاجه علشاني كل حاجه بتعملها علشان تريح ضميرك الميت اتجاهي وتخلي زمتك قدام ربك

– يعني كنت انا اللي غلطان اني جبت حد يوديكي ويجيبك بدل ما تروحي لوحدك وبعدين كنت هعرف منين انو زبالة كده هدخل في نيتوا 

– انت مكلفتش نفسك حتي عناء انك تسأل عنوا انك تشوف الشخص ده ينفع يودي ويجيب عرضك بس طبعا هيسأل ليه دي بر يعني مش حد مهم لاكن طبعا لو كان حد من عيالك مكنتش سبت حد يوديهم غير لما تتأكد من كفائتو بدل المره ميه 

– ايوه نعمل كده مع خواتك علشان متربيين مش زيك ….انتي عملنا الأسود اللي في حيتنا وانا من النهارده مليش دعوة بيكي تروحي تيجي تغوري في ستين داهيه وامك ملهاش دخل بيكي ولا هيا ولا اخواتك اخرك معايا مصريفك غير كده انا معرفكيش …مش عايز حد من عيالي او مراتي يتخلطوا بواحدة فاجرة زيك 

قال كده ومشي راح الاوضة وهو متعصب امي بصت ليا بقرف وراحت وراه واخويا اللي اكبر مني بص ليا كأني سبب مشاكل العيلة كأني نصيبة وحمل علي قلبوا ودخل اوضتوا 

مكنتش فاضل غير اخويا واختي اللي اصغر مني بصيت ليهم وكانت في عيونهم نظرة شفقة زقيت فازا كانت جنبي بعصبيه وقعت اتكسرت عملت كده ودخلت اوضتي قفلت علي نفسي هفضل لأمتي في الجحيم ده بس مش هما شيفني فاجرة هوريهم الفجور علي اصولو انما خليتهم مشيين منزلين عنيهم في الارض بسبب سمعت بنتهم مبقاش انا بر ……اشهدي يا حيطان اوضتي لحظت تحرر الشيطان لحظت بدأ انتقامي لحظة فسوقي وبيع نفسي للشيطان…هما طلبوها وهينلوها طلبوا الفجور وانا هبقا فاجرة ….خلي كل طوبة في البيت تشهد انهم اخلو ذمتهم من الفاجرة دي ….. من اللحظة دي انا مليش اهل زي ما هما نسيوني هنساهم العين بالعين والفعل بمثلوا 

الفون نور بوصول اشعار جديد مسكتوا لقيت نادر رد عليا وقال : 

– الموضوع طويل علي اني احكيه 

– نتقابل على الساعة ٢ بليل 

– اهلك وافقوا؟؟؟؟!!!!

– وافقوا اه ههرب واطلع وهما مخمودين اللهي يتخمدو ما يقوموا تاني 

– ده بجد !!!؟

– هغير رأي 

– لا خلاص متقفشيش 

– هنتقابل فين ؟

– هبعتلك اللوكيشن دلوقتي

وفعلا بعتلي قمت جهزت وحطيت ميك اب خفيف وفردت شعري طلعت من أوضتي بعد ما اتأكدت انهم ناموا كلهم قفلت أوضتي بالمفتاح علشان ميشكوش في حاجه لاني ديما بقفل علي نفسي بالمفتاح وانا نيمة اخدت مفتاح الشقة ونزلت في المكان اللي قالو نادر رحت لقيتوا هناك مستنيني كنت بتسأل عن المكان اللي هنتقابل فيه ده فين لما رحت حسيت قلبي وجعني وفي نفس الوقت عايز يفرح بس موجوع انا مش مصدقه اني وقفة قدام البحر انا كانت من امنيات حياتي اني أقف قدامو واللمس الرملة والميه واشم ريحه النسيم بتاعت البحر انا كنت بصة وفي دموع بتتجمع في عيوني وانا شيفه ذكري لبنت صغيرة بتبكي وهي متعلقة في شنطة امها وبتتحايل عليها تخدها مع اخوتها للبحر كانت بتبكي وتعيط بوجع طفلة شيفه اخوتها ريحين وهي الوحيده اللي لا ورغم ان ابوها واخوتها كانو وقفين وشيفنها بتبكي بحرقة وقهرة وهي بتترجاهم يخدوها معاهم وميقفلوش عليها لوحدها في البيت ده بس محدش ادخل وامها زقتها وطلعوا بسرعه وقفلوا عليها الباب بالمفتاح والطلفة دي اعدت تخبط لحد ما أديها بقت حمرا اتسابت لوحدها تبكي في زاوية من غير ما حد يكون معاها حد يهون سبوها تصارع دموعها وحزنها لوحدها المشهد اتكرر قدمها اكتر من مرة وكل مرة بتبقا أعنف من التانية في الوجع كانت حسه بالوجع ازاي رغم دموعها وبكائها وكلمها ليهم انها بتخاف تقعد لوحدها لدرجة انها كانت بتعيط انهم  بيسبوها لوحدها في البيت ازاي رغم ده محنوش عليها ولا هان عليهم يحققوا ليها الحلم البسيط ده 

كانت واقفة سرحانة ودموعها نزلة علي خدها بوجع رغم انو حلمها بس اتربط معاها بوجع ووحدة وحزن وقسوة كتير 

نادر لما شفها واقفة سرحانة ومش جيه عندو راح عندها يشوفها ملها 

شاف دموعها نزلة في هدوء وهي بصة علي البحر وسرحانة بس هي مش بصة علي البحر هي بصة علي البنت الصغيره اللي بتعيط في الزواية لوحدها وخيفه ترفع عنيها تبص حوليها بصة علي طيف ليها وهي صغيره البنت دي هي كانت نفسها تقولها ارفعي عينك بصي حوليكي مفيش اللي كنتي بتخافي منوا هو مش موجود دلوقتي ارفعي عينك وهتشوفي حلمك اتحقق بصي يمكن يخفف عنك وجعك 

نادر قرب منها بقلق عليها ومسك أديها وقال بخوف عليها:

– في ايه يا بر مالك ؟؟؟!!!

قالت وعنيها متثبته في المكان اللي بصة عليه المكان اللي شيفه فيه طيفها وهي طفلة وقالت :

– انت عارف ان كان من أحلامي اني اروح البحر ولأول مرة اشوفو دلوقتي وانا معاك كنت متوقعه اني هفرح بس انا مش حسه غير بالوجع حسه اني بشوف ابشع كوبيسي مش حلم كنت هموت عليه

كملت وهي بتعيط وبتدأ تنهار:

– انا كنت ببكي علشان اشوفو كنت ببكي وكانو بيسبوني كنت بترجاهم يخدوني وكانو بيسبوني بتوجع لوحدي بيسبوني اتألم كنت ببقا خيفه مرعوبة من الوحده اللي هرجع ليها مرعوبة انو يجي تاني زي ما جه اول مرة   كنت خيفه اعيش تاني نفس اللي عشتوا اول لما جه قلتلهم وكذبوني وقالو بطلي تخيلات مكنتش اعرف انا عملت ايه علشان كل ده يحصلي يا نااادر …..( شهقات وبكاء بوجع) كان نفسي اعرف ايه هو ذنبي..ايه الخطيئة اللي عملتها علشان يعملوني كده ويكذبوني ويسبوني اعيش طول الوقت ده في الرعب والخوف ده كنت خيفه من الوحش ….انا مستهلش كل اللي كان بيحصلي انا بس كان نفسي يخدوني معاهم ومقعدش اعيط لوحدي 

حطت وشها بين أديها وهي اعده علي رملة البحر بتبكي نادر قال بتعجب وهو بيحاول يخفي عيونوا اللي لمعت بدموع علي حالها وعلي وجعها :

– مين يا بر ؟! مين اللي كنتي خيفه منوا ؟! مين الوحش اللي قلتي عليه؟؟؟ اه اللي حصلك كنت خيفه يتكرر ؟؟مين اللي اهلك كذبوكي ووهموكي بتخيلوا؟؟ ردي عليا يا بر …..

الفصل الرابع من رواية ما هو ذنبي 

شفقِ الغروبِ

حسه الفصول طويلة بس بعوض اني مش بعرف انزل غير لما الفصل يكمل ال ١٠٠🥰❤

اقبل يا ادمن اللهي تجيب تتدخل طب 🤲🏻😂❤

وانتو اتفعلوا علشان ادعلكم تدخلوا طب 😂🤭❤❤❤

طبعا نعتزر علي بشاعة الجريمة وطريقة قتل البنت بس دي اكتر طريقة حستها اقل بشاعة في كل الجرايم اللي في دماغي 😌

محسبتكم لو انطلقت هتكتب رويات جرايم  ورعب مكتبهاش قاتل مستأجر😂😂😂

تفلوا بقا عشان…عشان خطري🥺🥺

هي الرواية وحشه للدرجه دي 😔

مش مهم هفضل انزلها برضو علشان اللي عجبتهم ومستنينها 😌🤭🤭❤

وبعدين الكومنت ببلاش والله اكتبوا اي حاجه تخطر علي بالكم ده انا في برجرف الانجليزي كتبه المقدمة والنهايه اللي كنت مبصمجاهم وفي نص وصفة صينية البطاطس بالفراخ علشان في مساحة كتابة انتو عندك الكومنت ومش عوزين تكتبوا😂😂😂

اخدت عليكم اوي انا صح😂 يلا اتمنى الفصل يكون عجبكم وانا واثقة من كده علشان انا اللي كتباه🤭😂😂❤❤

• تابع الفصل التالى ” رواية ما هو ذنبى  ” اضغط على اسم الرواية