رواية أحببت من لا يرانى الفصل الثالث 3 – بقلم سحر السحرتي

 رواية أحببت من لا يرانى الفصل الثالث 3 – بقلم سحر السحرتي 

احببت من لا يراني 

حلقة ٣

*أصرت اميره ان يكون فطار العائله عندها اول يوم رمضان كي يشعر سلطان باختلاف عندما تزوجها وتشعر هي بتجمع العائلة التي حرمت منه هي وابنتها بسبب ظروفهم 

*أعدت وليمه افتخر سلطان امامهم بها وساعدتها سماء 

*ظل عاصم والد ادهم يشكر في الطعام ومذاقه هو وزوجته لكن هذا الامر لم يكن على هوا لمياء 

لمياء : الاكل عادي يعني يا عمي ماما كانت بتعمل احلى من كده

عاصم :امك عمرها ما عزمتنا وجمعتنا مع بعض بالشكل ده ويوم ما كان بيحصل كانت بتخلي سلطان يشتري من بره …. اه ما كنتش بنزل كثير بس فاكر ان عمري ما دقت اكلها 

:ليه كده يا عمي ما انا اكلي شبه اكلها

: بس يا لمياء ما احنا دافني-نه سوا انا اللي بطبخ هناك هههههه  

*أرادت اميره ان ترفع عنها الحرج

: اكيد اكل والدتك كان احلى الله يرحمها 

*بكل غر-ور وتعالى 

:وانت عرفتي منين … اه لما كانت بتوزع وجبات على الغلابه 

سلطان : لمياء احترمي نفسك ولو ما كناش في ايام مفترجه كنت علمتك تتكلمي ازاي 

:ما اقصدش يا بابا حاضر 

:اسمها اسفه لمرات ابوكي اللي في مقام والدتك ولة قعدتك بارة نستك الادب

*بطريقه لا مبالاة غير مهذبة نطقت

:اسفه

اميره :ما حصلش حاجه يا بنتي 

*تحدث محسن اخوها 

:تسلم ايدك يا طنط الاكل تحفه انا بعد كده اول يوم رمضان والعيد هنا اعملي حسابي 

:الف هنا من عينيا بس كده و هعمل لك وجبتين تاخدهم معاك تفطر بيهم بكره انت و مراتك عشان هي مش هتلحق مع السفر تعمل اكل 

:شكرا يا طنط حقيقي بابا عرف يختار

*تحدث ممدوح اخيه الثاني

:وانا كمان لو سمحت يا طنط انت عارفه الطريق طويل معايا ويا ريت تزودي شويه اصله طعمه تحفه 

:عيني بس هو حلو عشان اللمه بتخلي طعم الاكل في حته ثانيه وان شاء الله طول ما انا عايشه وحس المعلم في الدنيا السفره دي تلمنا على طول كل مناسبة بس تنورونا

سلطان :ما اتحرمش منك ابدا  

*نده على سماء

:سماء ايه مش هتفطري عشان المذاكره انت ما فتحتيش كتاب النهارده من وقفتك مع ماما في المطبخ 

:هصلي يا بابا الاول واجي

لمياء :بابا ده مش ابو…. 

*قبل ان تكمل كلامها كان سلطان ينظر لها بحده فابتلعت ريقها بصعوبه و امتنعت عن اكمال كلامها 

*بعد ان انتهت سماء من الصلاه تسحبت ودخلت البلكونه ومعها سماح وعادوا يركضون الى السفره وهم يضحكون بشده 

سلطان: ايه ما تضحكونا معاكم

سماح: ابدا يا عمي مفيش حاجه 

*سمع سلطان احد في الشارع ينادي باسمه

:يا معلم سلطان …. يا معلم سلطان 

:قوم يا ادهم شوف مين بينادي 

*عاد ادهم وهو يريد ان ينف-جر في سماء 

:في ايه يا ادهم مين اللي كان بينادي

:ده الحاج محمود بيسال عندنا اطفال كانوا بيرموا صو-اريخ في الشارع … قلت له اه عندنا ضيوف واعتذرت له 

*ضحك سلطان

:وانا عارف من الاطفال دي طبعا 

لمياء :ايه شغل العيال ده شكلنا ايه قدام الناس و مجرجره معاكي سماح كمان 

سماح: انا اللي قلت لها احنا … بنحب نفرقع ص-واريخ انت مالك اصلا   …و احنا اه عيال ولسه صغيرين خليك انت الكبيرة العاقلة

: شايف يا ادهم اختك بترد عليا ازاي

ادهم :سماح عيب ومن امتى بتفرقعي ص-واريخ 

سماح : لو سمحت يا ادهم بابا او عمي هما اللي يتكلموا ومش مجرد كلمتين من خطيبتك هت-زعق لي انا ما قلتش حاجه غلط هي مالها فعلا عمي عرف وضحك معانا

سلطان :خلاص كلوا وانت يا سماء ابقي اطلعي على السطح اعملي اللي انت عايزاه بدل ما الناس تزعل مننا

: يا بابا الشارع كان فاضي دلوقتي هو اللي طلع فجاه و الص-اروخ نازل من البلكونه وقعد يرقص و يتنطط هههههه كان شكله مضحك قوي ما كانش قصدنا والله نرميه على حد

: خلاص يا شقيه خليها على السطح احسن هيبتي تروح في المنطقه يرضيك

:معاش يا قلبي اللي يمس هيبتك … انا شبعت الحمد لله 

سلطان : وانا كمان الحمد لله يلا نصلي جماعه 

سماء :على ما تصلي يا بابا هجيب لك طبق قمر الدين عاملاه بأيدي مخصوص عشانك 

:بس انا بحبه بطريقه معينه

:عارفه و هتاكلوا وتقول مش واكله ثاني غير من ايدك يا بت يا سماء يا احلى شيف في مصر 

: او اقول مش واكله خالص بعد كده هههههه 

:كده يا بابا ماشي …. اجيب لك طبق يا ابله لمياء 

:ايه ابله دي لا مش باكل الكلام ده 

:بحترمك عشان انت اكبر مني وبعدين هو انا بقول لك هجيب لك خمور ده قمر الدين 

:امشي من وشي

 :حاضر يا ابله

*ذهبت وهي تضحك مع سماح لانها نجحت في اثاره غي-ظها 

*مرت الاجواء في مرح وسماء تقوم بمشاكسه سلطان وعاصم والد ادهم واشتركت معها سماح ومحسن وممدوح بعد أن عاد الجميع من صلاه التراويح

*بعد فترة دخلت سماء غرفتها بصحبه سماح ليتحدثوا سويا 

*كانت غرفه سماء بجانب غرفه ادهم و البلكونه تطل مع خاصته 

*كانت لمياء في غرفه ادهم وعلمت بعوده سماء من نور غرفتها فاخذته ودخلت البلكونه وتحدثت بصوت عالي حتى تسمع سماء ما تقول

:يعني يا ادهم ما كنتش عارف تمنع جواز بابا من الست البيئه دي وتشوف له واحده مستواها من مستوانا 

:اعمل ايه يعني كان هيزعل مني 

:لا وكمان البنت وامها واكلين عقله قوي يلا سيبه يعيش يومين و يزهق و يطلقها و يرميهم في الشارع وعلى ما يعمل كده اكون خلصت دراسه ورجعت ومليت عليه البيت و هيبقى مش محتاج لهم ثاني 

:سيبك من الموضوع ده تعالي في حضني بقى عشان انت وحشتيني قوي مش كفايه انك نازله اسبوع بس 

:اللي قدرت اخده اجازه انت عارف اجازتي صعب قوي بس هعوضها تعالى ندخل جوه احسن حد يشوفنا

بقلمي سحر السحرتي 

*لم تعرف سماح كيف تتصرف كي تخفف اثر كلام لمياء عن سماء بعد ان رات الدموع في عينيها 

:على فكره بقى دي طول عمرها مغ-روره وطالعه فيها وانا مش بحبها عشان بتتحكم في ادهم وما كنتش بلعب معاها واحنا صغيرين 

:مفيش حاجه يا سماح انا من الاول عارفه انها واخوك مش بيحبونا وواضح من تصرفاتها ومش زعلانه انا خاي-فه بس لما تستقر نهائي تتعبني وتض-ايق ماما 

بقلمي سحر السحرتي 

:لا عمي مش هيسمح لها وهي اصلا اول ما هتنزل نهائي هتتجوز ادهم ما تقلقيش رغم اني بتمنى انهم يسيبوا بعض

: ليه كده واضح ان اخوك بيحبها قوي

:ده بيعشقها بس هي ما تستاهلش وايه رايك كلنا حاسين انها مش بتحبه اقول لك على سر كمان بس اوعي تقولي لحد 

: في بير قولي

: سبب انها جابت مجموع وحش في الثانويه العامه انها كانت مرتبطه بواحد و بتخرج وتقعد تتكلم معاه طول الليل

: معقول وادهم يعرف ومع ذلك خطبها

: لا انا بس اصل غرفتي جنب غرفتها زي غرفتك انت وادهم فسمعتها كذا مره من البلكونه انت عارفه البيت قديم وتصميمه بيخلي اللي جنبك تقريبا معاكي في نفس الاوضه

: سيبك من ده كله …. قوليلي جالك فانوس رمضان

:اه يا قرده بعته مع ادهم بحجه اني اخته الصغيره وكده 

:و ناوي يتقدم امتى 

:هو خاي-ف ادهم يرفض

: و هيرفض ليه 

: يعني عشان مستوانا المادي أعلى شويه من مستواه

:عاوزه رايي اتكلمي معاه و استعملي نغمه انت اخويا وما ليش غيرك ابلفيه بكلمتين 

:خاي-فه قوي يا سماء احسن يرفض ولو رفض قلبي هيتك-سر اصلي بحبه قوي 

:اقول لك انا ممكن ابقى معاكي وانت بتكلميه

 :ازاي 

:تحطي السماعه في ودنك واقول لك تعملي ايه لو غلس عليك في الكلام 

:طب اكلمه بكره عشان لو هيتقدم يكون بابا لسه موجود 

:تمام وبكره الع-قربه رايحه تزور خالاتها عشان ما تتدخلش وتوقف لك الموضوع 

:اهو انا مش خاي-فه غير منها بعد ما يوافق تلعب في دماغه تخليه يغير رايه

: ما تخا-فيش وانا معاكي هخليه يوعدك بالموافقه 

*في اليوم التالي ذهبت سماح لتتحدث مع ادهم وكانت سماء معها وتلقنها الكلمات عبر سماعة الهاتف 

:ادهم عايزه اتكلم معاك في موضوع كأخويا الكبير وارجوك تفهمني انا ما ليش غيرك واكيد هتقف معايا وتحس بيا

: في ايه يا سماح اتكلمي ما تقلقيش انا طول عمري في ظهرك من واحنا صغيرين 

:انا بحب واحد وهو بيحبني وعايز يتقدم وخ-ايف ترفضه وخ-ايف يفاتحك في الموضوع من الاساس 

:وبتخرجوا مع بعض بقى وبقالكم كثير على كدة 

:لا يا ادهم دماغك راحت فين انت فهمت غلط …  انا متربيه هو كل واحد بيحب الثاني من بعيد لبعيد مفيش بنا كلام ولا مقابلات 

:و عرفتي منين بقى انه بيحبك 

:بعث لي رساله يسألني رايي عشان يكلمك مش اكثر ويتقدم رسمي بما أن بابا موجود 

:حد اعرفه 

:عز المعرفه و بيعتذر انه ما اتكلمش معاك الاول هو حب يعرف رأي الأول عشان لو رفضت يعفي نفسه من الاحراج

:مين هو 

:اديني وعد انك مسامحه وانك هتوافق 

:ما اقدرش اوافق غير لما اعرفه بس مسامحه

: عمار ابن خالتنا 

:الكل-ب و خ-ايف ليه هو انا هلاقي عريس احسن منه لك 

:ما اعرفش هو بعت رساله واحده حتى ما ردتش عليه لسه لو مش مصدقني شوفها بس مضمونها انه عايز يستغل ان بابا هنا يطلبني منه لو موافقه على الجواز

:طب انا هتكلم معاه 

:لا اوعدني انك موافق وهتساعده

:موافق يا ستي بس هض-ربه الاول عشان خبي عليا ده انا افرح له ده اكتر من اخويا 

*حضنته في فرحه وقبلت خده 

:شكرا يا احلى اخ 

*توجهت لتخرج من الباب ثم عادت لتنفذ باقي كلام سماء 

:ادهم لو سمحت بلاش لمياء تغير رأيك 

:ليه بتقولي كده

:انا عارفه انها هتقول عليه مش من مقامنا بس هو متربي معانا وعارفينه كويس وكفايه عليا انه طلع بيحبني ودخل البيت من بابه غير اني كنت بحبه في صمت ومفكرة أنه مش حاسس بيا 

:ما تقلقيش انا اديتك كلمتي خلاص غير اني هبقى مطمن عليك لو متجوزة واحد زي عمار لو كان بأيدي كنت طلبت ايده يتجوزك 

بقلمي سحر السحرتي 

*ذهب ادهم لمقابله عمار وعند رؤيته قام بض-ربه لكمة في وجهه

 :اي … في ايه يا ادهم

:لما ابقى اخوك و تخبي عني انك بتحب اختي ده انا افرح لك يا ح-مار 

:اسف يا ادهم خف-ت ترفض وعلاقتي بيك تتهز وانا بحبك اكتر من اخويا وما عنديش استعداد اخسرك لاي سبب و انت عارف ان في فرق مادي بينا

:وايه اللي خلاك تتكلم دلوقت 

:جمعت فلوس الشبكه و والدك هنا قلت فرصه قبل ما حد يطلبها لاني مش عارف مشاعرها من ناحيتي

:لا الشبكه هديه مني لاختي

:ارجوك يا ادهم ما تحرجنيش 

:يا جح-ش انت اخويا وهي اختي يعني هديه لكم انتم الاثنين وما تعملش فرق بينا احسن ارفض

 :لا انت حبيبي

: هبقى انا واختي بكره تيجي تتقدم قبل بابا ما يسافر

:هو مسافر  امتى 

:كمان كام يوم ونعمل الشبكه اول يوم العيد بس يقرا معاك الفاتحه

*قام عمار باحتضان ادهم والدموع في عينيه من الفرحة

*ذهبت سماح الى سماء في غرفتها وحضنتها 

:انت احلى صديقه في الدنيا لا انت احلى اخت في الدنيا 

*ظلت تقفز من الفرحة

: وافق …. وافق … ادهم اتصل دلوقتي وهيتقدم بكره وهلبس الدبله … يا خبر مش هلحق اشتري فستان 

:عيب عليك افتحي الدولاب وخذي اللي يعجبك عندي كام واحد حلوين تفصيل مامتي حبيبتي ولو محتاج تعديل ثواني وماما تخلصوا وعدي الجمايل

:بجد

 *فتحت الدولاب و اندهشت من روعة ما رأت 

:ايه الفساتين الحلوه دي معقول مامتك اللي عاملاهم

:اه مستغربه ليه 

:ما اعرفش ان مامتك بتفصل حلو قوي كده 

:ده ماما فنانه بس مش واخده حقها 

:طب انا هاخذ ده وانت البسي ده

:لا بلاش خليني في غرفتي على ما الب-ومه تسافر 

:اسمعي انت معايا بكره احسن اقول لعمي على كلام لمياء اخليه يمنعها تحضر واحسن انا مش عايزاها في فرحتي عشان عارفه حركاتها 

:لا بلاش تنكدي على بابا هو فرحان انها رجعت وكلها يومين وتسافر

 *في ذلك الوقت كان ادهم يشرب قهوته في البلكونه واستمع الى حوارهم

: هو صحيح يا سماء شايفاك بتحبي عمي قوي هو انت بجد بتناديه بابا من قلبك كل ما اجي أسألك اتكسف قلت استني اما علاقتنا تبقى احسن 

: مش قادره اوصف لك هو طيب وحنين قد ايه وطول عمري مفتقده حضن الاب …. هههههه اقول لك ان يوم ما طلب ماما للجواز فكرته بيتقدم لي ووافقت 

: هههههه يا مجن-ونه ده فرق سن كبير

:طول عمره طيب معايا ولما كان حد بيزعلني في الشارع كان بي-زعق له فاتمنيت قربه باي شكل غير اني مفتقدة حنان الاب 

:هو عمي طيب وحنين جدا وكان بيعوض غياب بابا لدرجه اننا ما كناش بنحس ان بابا مسافر اصلا  … هسيبك واروح استاذن مامتك 

:على ايه الفستان بتاعي وانا حره 

 :لا عشان تسيبك تدخلي بكره عندنا وما يبقاش عندك حجه عشان نجهز ونحط مكياج سوا

بقلمي سحر السحرتي 

*ذهبت سماح وهي سعيدة بتحقيق حلمها 

*في تلك اللحظة دخلت لمياء بعد عودتها من زيارة خالتها غرفه ادهم وكانت في منتهى العص-بيه واستمعت لهم سماء من غرفتها

:معناه ايه الكلام اللي قلته في التليفون ده

:في ايه يا حبيبتي مالك متعص-به قوي كده من كلامي قلت ايه زعلك

: الجوازه دي مش لازم تتم عمار مين ده ومعاه ايه  ..  يعني لما نتجوز و نتجمع اقدمه للناس اقول عليه ايه

: اولا عمار خريج كليه زراعه يعني مهندس زراعي

: اه يعني اقول عليه للناس فلاح شغال في مزرعه بهايم ما تنقي لاختك دكتور مش كفايه انت مش عايز تسيب محلات الجزاره وساكته و مستحمله 

:لمياء اهدي ووطي صوتك مش معنى اني بسكت تتكلمي بالطريقه دي … انت زودتيها قوي ومستقبل اختي ممنوع تدخلي فيه فاهمه … هما الاثنين بيحبوا بعض وعمار طيب و اخلاقه كويسه وده اللي محتاجه من جوز اختي

:كده يا ادهم طب انا مش هحضر بكره واقول لك اكتر ادي دبلتك انا عايزه اخرج من المكان ده وانت بتثبت رجلي اكتر 

 *امسكها من معصمها بق-وه 

:هو انت يا تمشي كلامك يا اما تفسخي الخطوبه حذرتك كام مرة تبطلي العادة دي … طب ايه رايك بقى بكره هكتب كتابي عليك قبل ما تسافري واذا رفضتي انت عارفه عمي عمره ما هيسفرك تكملي تعليم 

:انت بتمسكني من ايدي اللي بتوج-عنى وعايز تتجوز واحده رفضاك

 :اه انا بقى هتجوزك غص-ب عنك كل شويه ته-دديني وانا اصلا مستنيك بقى لي كام سنه وما حدش اقنع عمي انك تكملي تعليمك بره غيري كنت حما-ر بس حالا هصلح الغلطه دي 

:طيب يا ادهم انا هرفض الجواز منك و هرفض السفر وخلال كام يوم هتجوز واحد ثاني وهو اللي يسفرني انا ما حدش يجبرني على حاجه وانت عارف كده

*تراجع ذاك الغضنفر واستسلم وقال بكل حنيه حتى تستجيب له وبدأ يستميل قلبها بكلماته ووضع يده يتحسس خدها

: يعني بسهوله كده بتبيعي حبنا و اهون عليك تسيبيني و تتجوزي حد غيري

: مش انت اللي موافق على جواز اختك من واحد اقل منها مش كفايه جوازه بابا المه-ببه

:طب اعمل ايه اختي بتحبه وهو بيحبها وادينا له كلمه يرضيك حبيبك يبقى مش راجل ويرجع في كلمته … ولو اضطريتنا الظروف تعرفي عمار على حد قولي مهندس مش لازم تكملي انه زراعي و هحاول عشان خاطرك ما نخرجش سوا ها يا حبيبتي ايه رأيك 

:خلاص يا ادهم بس ما تبقاش تتصرف في حاجه الا لما تاخذ رأي انا مش كرسي لازم يبقى لي وجود في حياتك

 :انت كل حياتي ازاي بتقولي كده اصالحك بقى 

*ابتسمت بخ-بث فقد تمكنت مما تريده وهو السيطره الكامله عليه

بقلمي سحر السحرتي 

*امسكت الدبله و ارتدتها وتركته يقبلها بعشق واشتياق حتى تتم سيطرتها الكامله  … فهي دائما تسمح له بتقبيلها كمكافاه مثل الطفل الذي تعطيه حلوى جائزه لانه استمع للكلام 

*استمعت سماء لحوارهم و استعجبت من ذلك الرجل قوي الشخصيه يهابه كل من بالشارع بل المنطقه وينقلب الى ارنب بين يديها

*اكثر ما احزنها هو است-هزاء لمياء من مستوى والدتها ومستوى عمار ..  لكنها لم تهتم لتلك المغ-روره المهم ان تتم خطوبه صديقتها على من تحب 

*في اليوم التالي بعد الفطار استعدت الفتاتان و ارتديا اجمل الفساتين وتم تصفيف شعرهم بطريقه جذابه ووضع مكياج رقيق 

*انبهر ادهم من رؤيه سماء بشعرها فقد كان اسود ناعم كالحرير متوسط الطول مع الفستان الذي يبرز جمال و رشاقه جسدها ولكنه تذكر خطيبته فنهر نفسه 

: ايه اللي انت عاملاه في نفسك ده فين طرحتك

:انا اصلا مش محجبه ماما بتلبسني الطرحه خايفه على شعري من الحسد 

*في نفسه :عندها حق فعلا 

*ولكنه اصر يتحدث معها بطريقته الف-ظه 

:بس الناس فاكرينك محجبه عموما اوعي تنزلي بشعرك ده في الشارع فاهمه

: لا مش فاهمه انا اصلا أما ادخل الجامعه هشيل الطرحة 

: انا قلت اللي عندي وابقي اعمليها

*لا يدري لما قال ذلك هل هي غي-ره على اهل بيته ام غيره عليها هي شخصياً 

*أجلت سماء المجادله معه حتى تمر خطوبه سماح على خير 

 *حضر عمار واهله وتم الاتفاق على كل شيء وتمت قراءه الفاتحه و البس سماح دبلة الخطوبة

$ هل سيكتمل زواجهم أم أن لمياء تخطط لافتراقهم ؟

• تابع الفصل التالى ” رواية أحببت من لا يرانى  ” اضغط على اسم الرواية