رواية عرض جواز الفصل الثالث والعشرون 23 - بقلم أسماء صلاح

 رواية عرض جواز الفصل الثالث والعشرون 23 - بقلم أسماء صلاح 

البارت الثالث والعشرين من عرض جواز 

توقفنا لما والتفت نجمه للباب ولنفسها بضيق: "مين تاني؟" وفتحت الباب فانصدمت لقيت مروان وقع على الأرض قدام باب الشقة فخرجت من الشقة بخوف ووطت جانبه لقيته فايق: "مروان انت كويس؟" مروان وحطت ايدها على راسه وهتحط ايدها التانية لقيت فيها البخاخة فحطتها في جيبه الترنج اللي هي لبسها وبصت لمروان وحطت ايدها على كتفه وقعدته وسندته على رجلها.

مروان "ايه اللي حصلك؟"

مروان دايخ بتعب: "نجمه."

نجمه: "ايوه يا مروان انت كويس؟ ايه اللي حصلك انت كنت كويس دلوقتي."

مروان: "مش عارف حاسس بدوخه."

نجمه: "دوخه."

مروان: "ايوه" وغمض عنينه.

نجمه: "مروان فوق يا مروان." وحطت ايدها على وشه.

مروان فتح عنينه وهو دايخ  بتعب: "نجمه."

نجمه: "ايوه كده خليك فايق."

مروان بوجع: "أها."

نجمه: "ايه مالك؟ حاسس بايه يا مروان?"

مروان بوجع: "مالك خايفه عليه كده ليه يا نجمه?"

نجمه: "أمال عاوزني أعمل ايه؟ وأنا شايفك في الحالة دي. يعني لازم أخاف عليك طبعًا قوم يا مروان معايا."مسكت ايده.

مروان بص لايد نجمه وهي ماسكه ايده ثم بص لها وهو دايخ بوجع

وحطت نجمه ايدها التانية على ضهر مروان من وراها : "قوم يا مروان معايا، يلا."

مروان: طيب وبيقوم

وقايمه نجمه معه وهي سنده بقلق.

وقام مروان من على الأرض وهو دايخ بتعب.

وقامت نجمه معه وهي سنده: انت كويس يا مروان؟

وبيلتفت لها مروان وهو دايخ لقي  مش شايفها وبيتحرك بتعب وهيوقع.

نجمه: مروان، وشدته بقوة ناحيتها.

وبص مروان ناحيتها وهو دايخ ومش شايفها وبوجع: نجمه وبيرجع راسه لورا.

وشالت نجمه إيدها اللي هي حطتها على ضهره وسندت بها راسه من وراها وعدلتها  لقيته فقد الوعي وبخوف.

مروان! رد عليه مروان فوق يا مروان، مروان!

فاقد مروان الوعي و ايده في إيد نجمه.

نجمه: مروان ردي عليه علشان خاطري فوق! ايه اللي جرالك؟ ما انت كنت كويس! مروان فوق يا مروان! ونزلت الدموع من عينيها.

وبتبكي نجمه وبحزن: فوق يا مروان علشان خاطري اعمل ايه دلوقتي؟ وبتفكر، اه ادخله جوه عندنا وحطت إيدها حولين رقبتها وبصت لمروان بخوف، ومشت بيه.

نجمه: فوق يا مروان وبتنزل الدموع من عينيها ودخلت الشقة ومعها مروان وهي سنده ووقفت قدام الكرسي اللي جنب الباب وبتقعده عليه.

فوقعت الورقة من جيب مروان اللي  قدام على الأرض جنب الكرسي.

قعدت نجمه مروان على الكرسي وسابته: مروان فوق علشان خاطري أنا آسفة بس قوم وحطت ايدها على وشه مروان. قوم ونزلها الدموع من عينيها.

وقعد مروان على الكرسي وفاقد الوعي، ونجمه بتبكي: أعمل إيه دلوقتي؟ لازم يفوق... أروح أجيب دكتور؟ بس أسيبه لوحده إزاي؟ هنا بابا مش موجود، أعمل إيه بس؟

وبتفكر، لفت على الأرض، لقيت ورقة وباستغراب: إيه الورقة دي؟

شالت ايدها من على وشه، وأخذتها من على الأرض وبصّت لها: بتاعت مين الورقة دي؟

وفتحتها ونظرت فيها: إيه ده؟ دي تبع كريم، أخو مروان...

وبصّت لمروان: تلقيها وقعت من مروان، لما يفوق أبقى أدهاله.

وبصّت للورقة و هتطبقها، لقيت اسمها مكتوب فيها: إيه ده؟! اسمي مكتوب فيها!

لفت لمروان، وبصّت للورقة وقرتها: إيه ده؟

ونظرت لمروان: ده هما زعلانين من بعض بسببي؟ ليه كده بس يا مروان؟ ده كريم مالهوش الا غيرك... مش مهم دلوقتي.

طبقت الورقة وحطتها في جيبها، وبصّت لمروان بقلق: أعمل إيه دلوقتي؟و بتفكر:

– أيوه، أحاول أفوقه بأي حاجة... أروح أجيب البرفان بتاعي، أيوه، متخافش، هتبقى كويس.

راحت جري على غرفتها، أخذت أزازة البرفان بتاعتها من 

علي التسريحه، وراحت لمروان ووقفت قدامه وبتنهج: متخافيش، إن شاء الله هتبقى كويس.

فتحت أزازة البرفان، وحطت على إيدها، وقربت من مروان شويه، ووطّت ناحيته، وبتشممه البرفان اللي على يدها، ونظرت له بحزن: فوق يا مروان، علشان خاطري.

"وقعد مروان على الكرسي، وإيده نجمه اللي عليها البرفان  على أنفه، و فاقد الوعي."

وبتبص له نجمه وهي حاطه ايدها علي انفه ونزلها الدموع من عينيها وبقلق :  فوق يا مروان، إيه اللي خلاك تفقد الوعي؟

– بس... أما أحط تاني برفان علشان يفوقه.

شالت إيدها من على أنفه، ورفعت راسها وبعدت شويه، وحطت من أزازة البرفان على إيدها تاني وبصت له: 

– يارب يفوق.

 وقربت منه، ووطّت ناحيته شويه، وحطت إيدها على أنفه وبتشممه البرفان.

قعد مروان على الكرسي وهو فاقد الوعي وايده نجمه

 اللي عليها البرفان علي انفه عطس.

 نجمه بتبص  له وهي بتبكي وبارتياح: "الحمد لله بدا يفوق."وشالت ايدها. 

 وبيفوق مروان وفتح عينيه لقى نجمه قدامه: "إنتي؟" وعطس وحط يدها على أنفه. 

نجمه: "إنت كويس؟" 

وشال مروان ايده من على أنفه: "أه كويس." ونظر حوليه ثم لها وباستغراب : "أنا فين؟" وعطس: "آه." حط ايده على بقه. 

ورفعت نجمه راسها وبعدت عنه شوية: "إنت في بيتي."

 وشال مروان ايده من على أنفه: "بيتك؟"

 نجمه: "أيوه." 

مروان: "في بيتك؟" وعطس: "آه." وحط ايده على أنفه. وبص جانبه

نجمه: "أيوه، مالك بتعطس ليه؟"

شال مروان إيده من على أنفه  ونظر لها : مش.... نظر لايده نجمه وبدهشة: "إيه ده؟" وشاور على البرفان نظرت  نجمة على البرفان اللي في إيدها وبصت له باستغراب: "إيه ده؟ البرفان بتاعي كنت بحط لك منه."

بص لها مروان: "إيه حطت لي منه؟" وعطس ونظر للأرض: "أهااا، وحط إيده على أنفه."

نجمة: "أيوه، ما انت كنت فاقد الوعي فمعرفتش أعمل إيه فحطت لك منه."

ونظر لها مروان وهو حط إيده على أنفه: "طيب، ابعديه من هنا."

نجمة: "أبعده."

مروان: "أيوه، ابعديه يا نجمة." وشاور بإيده.

نجمة: "ليه؟ ده برفان يعني."

مروان بضيق: "أيوه، ما أنا عارف إنه برفان هو أنا قلتلك إنه حاجة تانية؟ بس أنا عندي حساسية من الريحة دي ابعديه."

نجمة: "بتتحسس؟"

مروان: "أيوه." وعطس: "أهااا."

نجمة: "طيب طيب هبعده." وماشيه.

بينظر لها مروان وهي ماشية وبص حوليه وعطس: "أهاا." ونظر للأرض.

وراحت نجمة مسرعه  علي غرفتها و حطت أزازة البرفان التسريحه وخرجت وراحت لمروان ووقفت بعيد عنه شويه بقلق: "معلشي، أنا آسفة ماكنتش أعرف إنك بتتحسس من الريحة دي."

ونظر لها مروان وهو حط إيده على أنفه: "لا، محصلش حاجة بس أنا دخلت بيتك إزاي؟" وعطس: "أهااا."

نجمة: "أنا اللي دخلتك علشان أنت فقدت الوعي قدام باب الشقة فدخلتك."

مروان: فقدت الوعي.

نجمة: أيوه.

مروان: ومين اللي دخلني؟

نجمة: ما أنا قلت لك أنا اللي دخلتك.

مروان: أنتي وعطس: "أهااا".

نجمة: أيوه، سندك لغاية ما دخلتك أصل بابا مش موجود. وأنا مش معقول كنت أسيبك بره كده وانت فاقد الوعي فدخلتك الشقة.

مروان: باباكي مش هنا؟

نجمة: أيوه، أنا عارفة إن ده غلط إني دخلتك الشقة وأنا لوحدي بس أنا كنت مضطرة أعمل كده وما كانش قدامي حل تاني وما كانش ينفع أسيبك وقع على الأرض بره وعلى العموم أنا سيبها باب الشقة مفتوح اهو وشاورت عليه.

نظر مروان للباب الشقة لقاه مفتوح وبص لها بدهشه  وعطس : "أهاا. ونظر للأرض."

نجمة: "أنا آسفة قوي يا مروان." ونزلت الدموع من عنينها.

 وبص لها مروان وحط إيده على أنفه لقها بتعيطي : "أنتي بتعيطي ليه دلوقتي؟ أنت ماكنتش تعرفي إني بتحسس من البرفان ده."

نجمة ونزلها دموعها: "أيوه، بس أنت شكلك تعبان قوي."

مروان: "لا، أنا كويس ماتقلقيش." وعطس: "أهاااا." وبص للارض. 

نجمة: "كويس إيه بس؟ وانت في الحالة دي؟ يا أنت تعبان قوي."

مروان بص لها وحط ايده علي انفه: "لا، أنا كويس متخافيش وعلي العموم، شكراً علشان ساعدتني."

نجمة: "ساعدتك؟ يا أنا خليتك تتعب أكتر يا مروان."

مروان: "لا، إنتي ساعدتني وعملتي كده علشان أفوق وبعدين إنتي زعلانة قوي كده ليه؟ ما أنا كده كده تعبان يعني هي جيت على دي يلا خليها تكمل." وعطس: "أهاا."

نجمة: "انت بتهزر يا مروان؟ وانت في الحالة دي؟ هو التعب فيه هزار؟"

مروان: "ما أنتي عارفة إن مافيش فيه هزار بتهملك في صحتك ليه بقي؟ وما تخديش بالك من نفسك يا نجمة."

نجمة: "سيبك مني أنا دلوقتي المهم أنت تعبان قوي يا مروان."

مروان: "سيبني منك إزاي؟ لازم تاخدي بالك من صحتك يا نجمة وبعدين مالك قلقانة عليا قوي كده ليه؟ أنا كويس متقلقيش."

نجمة: "كويس إزاي بس يا مروان؟ أنت مش شايف وشك عامل إزاي؟ وبعدين يا أنت دوخت بره، تبقي كويس إزاي؟ بس وتلقي حصل كده بسبب الزعل."

مروان باستغراب: "الزعل؟"

نجمة: "أيوه، بدل ما تزعل كده يا مروان ما تروح تصلحه يا أنتم ملقتوش غير بعض."

مروان: "أصالحه؟ أصالح مين يا نجمة?" وعطس: "أهاا."

نجمة: "أخوك يا مروان كريم."

مروان: "كريم?"

نجمة: "أيوه."

مروان: "ماله كريم?"

نجمة: "ماله كريم يعني؟ مش عارف يا مروان ده أخوك وما لهوش غيرك هو و مامتك يبقى إزاي يهون عليك بالشكل ده؟"

مروان: "يهون عليه؟ إنتي بتكلمي عن إيه يا نجمة؟"

نجمة: "بتكلم عن دي يا مروان." وحطت إيدها في جيبها وطلعت الورقة.

مروان بص للورقة ثم لها: "أهاا."

نجمة: "إنت ليه عملت معاه كده يا مروان؟ ده أخوك الصغير إزاي تطرده من المكتب بالشكل ده؟ طيب هو أنت فاكره إنه ده أنا علشان تعمل معاه كده؟"

مروان: "لا يا نجمة مش فاكره إنه أنتِى أنا عارف إنه أخويا بس الورقة دي وصلت لك إزاي؟ دي كانت في جيبي."

نجمة: "ما هي وقعت من جيبك وأنا بقعدتك على الكرسي وأنا آسفة إن قرأتها أنا ماكنتش قصدي أقرأها بس وأنا بطبقها شوفت اسمي فيها فقراتها بس مش ده موضوعنا دلوقتي إنت إزاي تعمل مع كريم كده يا مروان؟"

مروان: "وإنتي مالك؟ زعلانة قوي كده ليه؟ اني عملت معاه كده ده أخويا على فكرة مش أخوكي." وعطس: "أهاا."

نجمة: "أنا عارفة إنه أخوك يا مروان مش أخوي بس ما يستاهلش تعمل معاه اللي إنت عملته ده طيب و بيحبك يا مروان ومش بيرضى يزعلك أبداً."

مروان  بضيق: هو انتي ايه حكايتك انتي وهو بالظبط هو يقول عليكي طيبه وانتي تقولي عليه طيب على اساس ايه يعنى انا الشرير وبعدين هو انتي تعرفيه منين علشان تقولي عليه كده يا انت ما شفتهوش الا مرتين النهارده ويوم الحادثه اللي عملها فيك يبقى ازاي بتقول عليه كده.

نجمه: مش محتاجه اعرفه يا مروان علشان اقول عليه كده بيبان على الواحد اول ما تشوفه وبعدين انت نسيت ان انا سمعت المكالمه اللي كانت بينك وبينه وانا في العربيه معاك.

مروان: لا ما نسيتش وبعدين انتي مش محتاجه تعرفيه يا سلام يعني انتي بتعرفي الناس من اول ما تشوفوهم.

نجمه: لا يا مروان مش دايما الناس بتبان من اول مره بس انا شفت والدتك واخوك لما كنت عندكم في البيت وباين عليهم انهم ناس محترمه و طيبين علشان كده بقول لك اخوك ما يستاهلش اللي انت بتعمله فيه ده صالحه يا مروان كريم بيحبك وانا متاكده ان عمره في يوم ما هيزعلك وانت كمان على فكره بتحبه وانا عارفه انك ما انتاش قاصد تزعله وتطرده بالشكل ده من المكتب وانك عملت كده علشان انت كنت متضايق مني مش كده.

مروان: لا برافو ذكيه اما انتي عارفه ان انا كنت متضايق منك بتخليني اتضايق منك اكثر ليه بقى.

نجمه: علشان انا مضايقه منك يا مروان وبعدين ده مش موضوعنا دلوقتي خلينا في كريم صالحه يا مروان علشان خاطري.

مروان: علشان خاطرك هو انتي فاكره انك ليكي خاطر عندي وعطس اهاا.

نجمه: بلاش علشان خاطري انا يا مروان علشان خاطر والدتك على الاقل ده لو عرفت اللي حصل بينكم هتزعل ولا انت ما بيهمكش زعل والدتك.

مروان: لا طبعا بيهمني وبعدين انا مش مستنيك يا نجمه انك تقولي لي صالح اخويا ماشي.

نجمه: يعني ايه انت صالحته.

مروان: اه صالحته.

نجمه بابتسامة: طيب كويس انك عملت كده.

مروان: ومالك فرحتي قوي كده.

نجمه: علشان انا كنت السبب في اللي حصل ده بينكم يا مروان.

مروان: انتي وعطس اهاا.

نجمه: ايوه ما هو لو ما كانش حصل بينا كده في المكتب ما كانش حصل بينك انت وكريم كده وزعلتوا مع بعض.

مروان: اهاا طب والله كويس انك عارفه انك أنتي السبب في اللي حصل ده بس انتي مش غلطانه لوحدك يا نجمه انا كمان غلطان.

نجمه: انت.

مروان: ايوه انا.

نجمه: ازاي بقى انت غلطان.

مروان: علشان انا فقدت اعصابي انا كان لازم اتحكم في اعصابي شويه علشان ما يحصلش كده.

نجمه: مش مشكله يا مروان كريم طيب واكيد ما زعلش منك يعني يا انت اخوه بردك مهما عملت.

مروان: وانتي ايه اللي خلاكي متاكده كده انه ما ازعلش مني.

نجمه: مش عارفه بس انا حاسه كده.

مروان  : حاسه وعطس اهااا

نجمه  : ايوه هو زعل منك

مروان  : لا  مزعلش اظهار بقيتي تعرفي اخويا اكتر مني يا نجمه

نجمه  : اكتر منك

مروان  : ايوه علشان انا افتكرت انه زعلان مني علشان كده روحت المطبعه اصلحه بس هو ماكنش زعلان مني خالص علي اللي عملته معاه ده بالعكس يا كان زعلان عليه

نجمه  : زعلان عليك ليه طيب يا مروان

مروان  : علشان هو كان مفكر ان انا مضايق منه يا نجمه

نجمه : مضايق منه

مروان : ايوه  اصل لما كان عايز يعرف ايه اللي حصل معاكي وانت ليه بتعيطي قال لي من غير ما يقصد ان انا ممكن اذيكي فافتكر ان انا اضايقت علشان كده كان مضايق

نجمه  : اهاااا افتكر بس هو افتكر صح يا مروان انت فعلا بتاذيني

مروان  : باذيكي

نجمه  : ايوه بتاذيني امال تسمي اللي انت بتعمله معايا ده ايه مش اذيه

مروان بضيق : لا يا نجمه انا ماذيكش علي فكرة وعطس اهااا

نجمه  : ما تاذنيش امال اللي بتعمله معايا ده ايه يا مروان

مروان  : هو انا عملت معاك ايه يا نجمه علشان تقولي اني انا باذكي هو انا جيت جانبك علشان تقولي اني باذكي

نجمه  : كل ده ومجتش جانبي امال لو جيت جانبي بقي كنت عملت ايه انا من اول يوم شوفتك وانا حياتي كلها اتقلبت وبقيت كل يوم اعيط بسببك

مروان  : تعيطي

نجمه  : ايوه اعيط بقيت اعمل تصرفات عمري في حياتي ما اتخيل حتي اني اعملها بقيت اكذب و اخبي  علي بابا اللي بيحصل معايا اللي انا عمري ما خبت ولا كذبت عليه في حاجه النهارده بقيت بعمل ده وكل ده بسببك انت

مروان  : بسببي

نجمه  : ايوه بسببك انت من ساعة ما ظهرت في حياتي وانا بقيت بكذب علي بابا و اخبي عليه اللي انت بتعملوا معايا ده علشان مش عاوزه يزعل والحمرار اللي انت شايفه ده وشاورت علي عنينها واللي انت كنت بتسالني ده من إيه من شويه انت السبب فيه وشاورت  عليه

مروان  : انا وعطس اهااا

نجمه  بعصبية : ايوه انت بعد اللي عملته معايا في الشركه

انا جيت هنا وقعدت في غرفتي اعيط لغاية ما عنينه احمرت بالشكل ده زي ما انت شايف وطبعاً لما بابا شايف عنينه حمره كده اضطرت برده اكذب واقوله انها احمرت كده من السهر وان انا ماكنتش بعيط ولا حاجه كل ده ومعملتش فيه حاجة ده انا بقيت اكره نفسي بسببك ياشيخ وتقولي  معملتش فيه حاجة

مروان  : تكرهي نفسك وعطس اهااا

نجمه  : ايوه اكره نفسي بقيت حاسه نفسي واحدة تانيه واحدة تانيه ما اعرفهاش  بسبب الكذب والغش اللي انا بقيت بقوله وكل ده بسبب تصرفاتك معايا و كل ده وبتقول انك ما اذتنيش

مروان بضيق : لا ثانيه واحدة بقي وشال ايده وقام من علي الكرسي وهيقع

نجمه  بخوف : مروان وماشيه

وبص لها مروان  بغضب : خليكي عندك وشاور بايده  وبص  للكرسي ومسك في بايده التانيه

ووقفت نجمه مكانها  : انت كويس

وبص لها مروان بغضب وشال ايده من علي الكرسي  : خايفه عليه هو انتي ايه يا شيخه انا مش فاهمك بصراحه انتي ايه ازاي بتقدري بتتغيري و بتتلوني كده

نجمه  : بتغير وبتلون

مروان  :ايوه بتتغيري و تتلوني دلوقتي عاملة نفسك خايفه عليها ومن شويه كنتي بتقولي ان انا اذيتك و كرهتي نفسك بسببي انتي ايه قوليلي انتي ايه

نجمه  : انا ايه

مروان بعصبية  : ايوه انتي ايه بتقولي لي ان حياتك انقلبت من ساعة ما شوفتني يا انا  اللي حياتي انقلبت من ساعة ما شوفتك مش انتي من ساعة ما شوفتك وانا ما بلحقش علي المصايب بعد ما كنت عايش حياه هادية و ماليش دعوة بحد دلوقتي بقيت عايش حياة كلها مشاكل ومخاطر وكل ده انتي السبب فيه

نجمه  : انا

مروان بصوت مرتفع : ايوه انتي من ساعة ماظهرتي في حياتي وانا بقيت كل يوم في مشكلة شكل وتعرض حياتي للخطر وكل ده انتي السبب فيه وشاور بايده وتقولي لي ان انا اذيتك فين اللي اذيتك ده هو انتي بتكذبي الكذبه وتصدقها

نجمه  : بكذب الكذبة واصدقها

مروان  : ايوه بتكذبي الكذبة وتصدقها انا اذيتك يا انا عرضت حياتي للخطر وكنت هموت لما كنا في محل الكتب علشان الحراميه ماذيكش او يمسوا حتي شعر منك وانا اللي كنت هتذي مش انتي وتقولي لي  اذيتك وصلتك في نص الليل علي بيتك علشان ما يحصلكيش حاجه وتقولي لي اذيتك ولما اخويا عمل فيك حادثة جبنا لك الدكتور ووصلتك لغاية البيت واستنيت لغاية ما تطلعي بيتك وتقولي لي اذيتك خليت اخويا يسيب شغله  علشان يجي يوصلك علي البيت علشان ماتمشيش وانتي تعبانه كده علشان حضرتك مش عاوزني اوصلك وكله ده علشان خاطرتك وشاور  عليها وتقولي لي اذيتك اتخنقت انا واخويا لاول مرة بسببك انتي وتقولي لي اذيتك لا وبتقولي لي من اول شوفتني بقيت بتكذبي يا انتي حياتك كلها كذب و انا  اللي من ساعة ما شوفتك بقيت كاذب وبقيت اكذب علي مين علي اقرب الناس لي علي امي واخويا اللي  عمري ما ا تخيلت لحظة واحدة اني انا ممكن اكذب عليهم وكل ده انتي السبب فيه وشاور بايده

نجمه  : انا

مروان: ايوه انتي خلتني كاذب ومنافق زيك لدرجة اني كل ما بشوف نفسي في المرايه بقيت استحقر نفسي لغاية لما اني معتش طايق اشوف نفسي بسبب اللي انا بعمله وكل ده انتي السبب فيه

نجمه: انا

مروان: ايوه انتي وعطس اهااا وحط ايده علي انفه وبص للارض

نجمه اندهشت

وشال مروان ايده وبص لها : وتقولي لي من ساعة ما شوفتني وانتي بتعيطي كل يوم وان عينيكي دي حمره بسببي يا انا اللي من ساعة ما شوفتك وانا ايامي كلها بقت تعب ومعتش بعرف انام وما شوفتش يوم حلو انتي ايه يا شيخه كل ده وانا اللي اذيتك

نجمه بضيق: ايوه انت اللي اذيتني وانت عرضت نفسك للخطر واحنا في محل الكتب مش علي شاني زي ماقلت  لا ده علشانك انت وشاورت عليه ايوه علشانك انت ماتمتش فما تقولش بقي انك عملت كده علشاني فاهم

مروان: لا عملت كده علشانك مش علشاني انا أساس ما بخافش من الموت حتي لو هموت دلوقتي اهوه مايهمنيش

نجمه: مايهمكش

مروان بعصبية: ايوه مايهمنيش واللي انا عملته في محل الكتب ده علشانك انتي علشان ماتتاذيش علشان لو كنت سيبتك ليهم ساعتها ماكنتش زمانك واقفه قدامي تقولي لي كده بس انا مش ندمان اني عملت كده تعرفي ليه

نجمه ماتكلمتش

مروان: علشان انا عمري ما ندمت علي حاجة صح عملتها حتي لو عملتها مع ناس ما تسهليش زيك علشان ابويا الله يرحمه قالي ابدا بالخير حتي لو مع اعداءك علشان لما يجوا ياذوك يبقي هما اللي ابتدوا ووريهم الاذيه بقي تبقي ازاي علشان كده انا عملت معاكي كده ومش ندمان وعلي العموم شكرا اوي انك ساعدتني ودخلتني بيتك وماشي

وبينظر له نجمه وهو ماشي

وماشي مروان وداخ وهيقع

وراحت نجمه مسرعة ومسكته من دارعه بقلق

والتفت لها مروان بضيق وعطس: اهاا وحط ايده علي انفه

نجمه: انت لسه تعبان يا مروان

وشال مروان ايده من علي انفه بغضب: لا مش تعبان وشال ايده بقوه من ايد نجمه ونظر قدامه

نظرت نجمه لايد مروان اللي كانت مسكها والتفت له بقلق: مش تعبان ازاي انت مش قادر تمشي كلم كريم يجي يوصلك

نظر لها  مروان بضيق: كريم لا واياكي تجيب له سيره ان انا تعبان فاهمه

نجمه: ليه يا مروان ده اخوك ولازم يعرف

مروان: مالكيش دعوة لازم يعرف ولا ميعرفش فاهمه اياكي تجيب له سيرة وخلاص

نجمه: متدنيش اوامر فاهم انا مش شغاله عندك علشان تقعد تامرني انا حره اقول اللي انا عاوزه وفي الوقت اللي انا عاوزه كمان ومابخدش اوامر من حد واتفضل بقي الورقة بتاعتك اهي

نظر مروان لايد نجمه اللي فيها الورقة واخذها منها ونظر لها وبعصبية: شوفي بقي انا صبرت عليكي كتير ولو اخويا كريم عرف ان انا كنت تعبان و قسم بالله يا نجمه هخليكي تندمي علي الساعة فعلا اللي انتي شوفتني فيها وهوريك الاذيه بجد فاحسن لك متخلنش اوريكي وشي التاني علشان لو شوفتيه مش هرحمك

نجمه: ده تهديد 

مروان: اعتبريه زي ماتتعبريه بس اديني قوتلك وخلاص وانتي بقي حره مش انتي بتقولي كده

نجمه: اهااا بقول كده وانا حره فعلا واذا كان ده تهديد فأنا ما بتهددش فاهم

مروان: هنشوف اذا كنتي بتهددي ولا لا عن اذنك وماشي وحط الورقة في جيبه وعطس اهااا وحط ايده علي انفه وخرج من الشقة

وبتنظر له نجمه وهو ماشي بقلق: استني

ووقف مروان والتفت لها بغضب: عاوزه ايه تاني انتي كل شويه توقفني ليه انتي مش عاوزني امشي يعني

وخرجت نجمه من الشقة وراحت له ووقفت قصده: ايه مش عاوزك تمشي ليه ان شاء الله بقي شايفني اوي ملهفة عليك علشان تقولي مش عاوزك تمشي ده مش طايقه اتكلم معاك ولا حتي اشوف وشك ده

مروان: اما انتي مش طايقه تتكلمي معايا ولا تشوفي وشي بتوقفني ليه كل ما اجي امشي وعطس اهااا وحط ايده علي انفه ونظر للارض

نجمه: بوقفك علشان كده

مروان بص لها وشال  ايده من على انفه وباستغراب : علشان كده

نجمه: انت تعبان يا مروان ومتقوليش مش تعبان فاهم علشان انت تعبان فعلا هتروح ازاي بس كده

مروان: هروح ازاي يعني ايه هسوق العربية واروح الشركه

نجمه بدهشة: ايه تسوق العربية

مروان: اه اسوق العربية ومالك اندهشتي كده ليه هي سواقه العربية بقيت عيب ولا ايه

نجمه: لا مابقتش عيب بس هتسوق ازاي وانت تعبان كده يا انت مش قادر تقف وبعدين كمان عاوز تروح الشركه تشتغل هو انت بتهزر

مروان بغضب: وهزر معاكي ليه هو انا طايقك علشان اهزر معاكي وعطس اهااا ونظر للارض وحط ايده علي انفه 

نجمه: لا انت اكيد بتهزر لما تكون تعبان بشكل ده وعاوز تسوق وتروح تشتغل يبقي انت اكيد بتهزر.

وشال مروان ايده من انفه وبص لها : لا مابهزرش وبعدين 

انا عندي شغل ولازم اروح الشركه.

نجمه بضيق: ما يتحرق الشغل وشاورت بايدها المهم انت الشغل يعني اهم من صحتك يا مروان اكيد لا طبعاً انت لازم تروح للدكتور يشوفك وبعدين تروح ترتاح وتنسي الشغل ده خالص دلوقتي لغاية ما تخف وبقلق: يا مروان صحتك اهم! وحطت ايدها علي دراعه.

 مروان بص لايدها اللي علي دراعه وبص لها باستغراب 

 نجمه : لازم تخلي بالك من صحتك وما تفكرش في حاجه غيرها.

مروان: مافكرش في حاجه غيرها ازاي يعني يا نجمه انا عندي مسئوليات ولازم اقوم بيها وماقصرش فيها.

نجمه: ماهي صحتك برده من مسئوليتك يا مروان ولا هي مش من مسئوليتك؟ وبعدين يا سيدي لما تخف ابقي اعمل مسئوليتك دي وبعدين لازم تبقي عندك صحتك في المقام الاول يا مروان مش اي حاجه تانيه.

مروان: هو انتي مالك خايفه عليه اوي كده ليه؟ انا كويس علي فكرة واديني قدامك اهوه واقف ومافيش فيه حاجة. وبعدين متقلقيش مش هموت يعني.

نجمه بخوف: بعد الشر متقولش كده تاني.

مروان: بعد الشر.

نجمه: ايوه ومعتش تقول كده تاني فاهم؟  انت ان شاء الله هتخف وهتبقي كويس بس انت لازم تروح للدكتور يشوفك.

مروان: هو انتي خايفه اني اموت يا نجمه؟

نجمه: اه طبعاً خايفه انك تموت فعلشان خاطري وراح للدكتور يا مروان علشان يشوفك.

مروان: علشان خاطرك.

نجمه: بلاش علشان خاطري انا علشان خاطر والدتك واخوك يا مروان دول مالهومش غيرك وهيزعلوا لما يشوفك تعبان علشان كده روح للدكتور.

مروان: هو انتي مالك في ايه؟ وعطس اهااا وحط ايده علي انفه وبص للارض.

نجمه: هو انت بتعمل ايه لما بتتحسس من الريحه دي يا مروان؟ قولي وانا اعمله لك علشان معتش تعطس كده.

مروان بص لها وشال ايده من على انفه : هعمل ايه يعني يا نجمه باخد دواء.

نجمه: دواء؟

مروان: اهاا.

نجمه: طيب هو فين وانا هجيبه لك؟

مروان: مش هتعرفي تجيبه.

نجمه: ليه؟

مروان: علشان هو مش معايا في الفيلا.

نجمه: اهااا طيب انت ليه مش بتخليه معاك يا مروان بما انك بتتحسس من الريحه دي؟

مروان: هو انا يعني كنت اعرف اني هتحس من الريحه دي يا نجمه؟ وبعدين انا كنت باخد بالي علشان عارف اني بتحسس منها.

نجمه: اهااا معلشي انا اسفه يا مروان.

مروان: ماتعتذريش يا نجمه قوتلك انك مالكيش ذنب انتي ماكنتش تعرفي بس انتي محطتيش من الريحه دي قبل كده صح؟ وعطس اهااا وحط ايده علي انفه وبص للارض.

نجمه: ايوه صح انا لسه جيبها جديدة بس انت عرفت ازاي؟

مروان بص لها وشال ايده من على انفه : علشان لو كنتي انتي حطتي منها كنت انا شمت ريحتها زي ما حصل دلوقتي وتحسست.

نجمه: اهااا صح طيب استني وماشيه.

 وحط مروان ايده   علي ايدها  اللي حطها على دراعه ووقفها: رايحه فين؟

نجمه: جايه اهو بس انت ماتمشيش ماشي؟

مروان: طيب... يعطس "أهااا"وحط إيده على أنفه، وبصّ في الأرض.

وشالت نجمه إيدها من تحت إيد مروان، ودخلت الشقة بسرعة، جريت على المطبخ، فتحت التلاجة وخدت أزازة مية، وراحت عند الحوض، فتحت الحنفية، كبت شوية من الأزازة وملتها مية تاني.

خرجت مسرعة من المطبخ، جريت على أوضتها، وبصّت لقيت فوطة على كرسي التسريحة، خدت الفوطة وخرجت 

وراحت جري عند  باب الشقة وخرجت منه، وبصّت لمروان، ووقفت قصده وبنهج: 

- امسك يا مروان ومدت ايدها بالاازاة المياة.

مروان بص لها وشال ايده من على انفه وبقلق : مالك بتنهجي كده ليه؟

نجمه بنهج : لا مافيش امسك المياة اغسل وشك علشان الريحه دي تروح شويه من علي انفك اصل انا حط لك منها علي انفك امسك.... نظر مروان  للازازة اللي في إيدها ثم 

لها باستغراب.

نجمة بنهج: يلا مروان امسك متخافش دي مياة نظيفة أنا جيبها من التلاجة وحطتها تحت الحنفية امسك.

مروان: هو انتي خايفة عليه ليه يا نجمة.

نجمة بنهج: ها مش وقت أسئلة يا مروان امسك بقي المياة.

 مروان بصّ لها بتركيز، وبصّ لإيدها، خد أزازة المية منها وفتحها، وبعدين بصّ لها وقال:

– امسكي. ومد إيده بالأزازة.

نجمة بصت للازازة ثم له وباستغراب: بتدهاني ليه يا مروان؟ اغسل وشك.

مروان: طيب اشربي شويه مياة علشان انتي بتنهجي وممكن يجيلك ضيق تنفس وتفقدي الوعي فا مسكي اشربي شويه مياة.

نجمة: لا أنا كويسة يا مروان اغسل انت وشك.

مروان: ما أنا هغسل وشي بس بعد ما تشربي امسكي يلا اشربي وحاولي تهدي وتاخدي نفس براحة.

نجمة: لا يا مروان أنا كويسة والله اغسل انت بس وشك يلا.

مروان: نجمة أنا تعبان زي ما انتي شايفه ومش قادر اتكلم واتناقش معاكي فسمعي الكلام وخدي الازازة واشربي وخلينا نخلص والا خدي الازازة بتاعتك ودخلي شقتكم وسيبني أمشي.

نجمة: يا مروان بس.

مروان: مابسش يا نجمة لتاخدي الازازة تشربي لتخديها وتدخلي شقتكم. قولتي ايه؟ وبعدين انتي بتناقشيني وأنا كمان تعبان أمال قاعدة تقولي لي ارتاح ايه بقي وانتي بتتعبيني؟ اهوه.

نجمة: لا خلاص يا مروان أنا أسفة وهشرب اهوه.

مروان: اتفضلي.

أخذت نجمة الازازة: شكرا.

مروان: العفو، اشربي بقي.

وعطس: اهااا وحط إيده على أنفه وبص للارض.

نجمة: مروان وحطت إيدها على كتفه.

مروان بص لها وشال ايده من على انفه : متخافيش يا نجمة أنا كويس.

نجمة: كويس إيه بس انت ولا كويس ولا حاجة خده اغسل وشك ومدت إيدها بالازازة.

مروان: تاني يا نجمة أنا ماشي وتحرك.

ووقفته نجمة بإيدها اللي على كتفه: لا خلاص يا مروان هشرب اهوه.

مروان بضيق: طيب اشربي وخلصي بقي ولا تقعدي تقولي لي هشرب هشرب وخلاص ومابتشربيش.

نجمة: لا هشرب اهوه.

مروان: طيب يلا اشربي.

نجمة: طيب وشالت إيدها من على كتفه وبتشرب....بينظر لها مروان بتعب.

وشالت نجمه الازازة من علي بقها بقلق: "امسك بقي اغسل وشك" ومدت ايدها بالازازة.

مروان: "طيب"، وأخذ الازازة وكب شويه مياة في ايده وحطهم علي وشه وبيغسله.....بتنظر له نجمه بقلق.

غسل مروان وشه وكب شويه مياة من الازازة علي ايده وحطهم علي وشه وغسل انفه من الريحة وشال ايده: "شكرا يا نجمه"، ومد ايده بالازازة.

نظرت نجمه للازازة ثم له: "اغسل وشك كمان يا مروان."

مروان: "لا يا نجمه كفاية كده وعلى العموم انا لما هروح اخد الحبيبة."

نجمه: "انت لسه هتستنى لما تروح؟ انت عارف الحبيبة دي اسمها ايه صح?"

مروان: "اه طبعا عارف يا نجمه اسمها ايه مش انا اللي باخدها يبقى اكيد عارف يعني انما بتسالي ليه على اسمها."

نجمه: "هيكون بسال ليه يعني يا مروان؟ علشان انزل اجيبها لك؟ قول لي اسمها ايه وأنا هنزل أجيبها من الصيدلية اللي جنبنا."

مروان باستغراب : "تنزلي?"

نجمه: "اه انزل، مالك مستغرب كده ليه؟ فيها ايه يعني؟ ما انا بنزل."

مروان: "هتنزلي ازاي كده؟" وشاور على شكلها وانتي لابسة الترنج.

نجمه: "لا طبعا يا مروان، أكيد مش هنزل كده هاخش البس العباية وانزل اجيبها لك."

مروان: "لا يا نجمه مفيش داعي امسكي الازازة بقى خليني امشي."

نجمه: "ما فيش داعي ازاي؟ انت تعبان ولازم تاخذ الحبيبة دي علشان انت متحسس ومش هتخف غير لما تاخدها فقول لي على اسمها وأنا انزل اجيبها من الصيدلية اللي جنبنا."

مروان: "لا خليكي انتي وأنا لما هروح ابقى اخدها."

نجمه: "يا مروان عقبال ما تروح تكون تعبت زيادة طب وليه ما انزل اجيبها لك؟ وتاخدها دلوقتي تكون خفيت شويه حتى تعرف تسوق ما انا مستحيل اسيبك تسوق وانت تعبان بالشكل ده."

مروان: "مستحيل."

نجمه: "اه مستحيل افرض وانت سايق تعبت زياده وفقدت الوعي هيبقى ايه الوضع ساعتها؟ مش هتعمل حادثة لا قدر الله؟ لا لا." وشاورت بايدها: "انا مستحيل اسيبك تسوق وانت تعبان كده."

مروان: "هتمنعيني يعني ولا ايه?"

نجمه: "اه همنعك إذا لازم الامر ويلا بقى قول لي على الحبيبة اسمها ايه عشان انزل اجيبها لك وتاخدها."

مروان: "لا مش هتنزلي يا نجمه وبعدين هتمنعيني ازاي يعني?"

نجمه: "همنعك ازاي يعني؟ ايه همنعك زي الناس؟ انت يا مروان لو سوقت وانت تعبان بالشكل ده تبقى بتنتحر وأنا مستحيل اخليك تعمل كده."

مروان: "ليه بقى؟ ان شاء الله مستحيل تخليني اعمل كده انتي مين علشان تمنعيني؟ أنا مش فاهم وبعدين أنا أهمك في ايه علشان تمنعيني وما تخلينيش اعمل كده?"

نجمه: "تهمني في ايه؟ لا تهمني يا مروان ومش هسيبك تعمل كده فاهم."

مروان بضيق: "لا... مش فاهم يا نجمه!"

وبعدين شاور بإيده: "ولا إنتي... ولا عشرة زيك يقدروا يمنعوا مروان الشناوي عن حاجة عايز يعملها، فاهمة؟

وإنتي بتقولي إن أنا أهمّك؟... أهمّك في إيه؟"

نجمه بغضب: "تهمني علشان أنا..." وسكتت.

مروان بيبصلها بدهشة، ونجمه بتبص له بارتباك، وبصت للأرض.

مروان باستغراب: "إنتي... إيه؟"

نجمه بصه للأرض بتوتر.

مروان: "مالك سكتي ليه؟ انتي ايه؟ وبعدين بتبصي في الأرض ليه؟ أنا على فكرة بكلمك هنا مش في الأرض نجمه بصي لي وأنا بكلمك" وعطس: "أهااا" وحط ايده علي أنفه ونظر للارض.

والتفت له نجمه بخوف: "مروان."

 مروان بص لها  وشال ايده من علي انفه: "أنا كان لازم اعطس يعني علشان بتبصلي."

نجمه: "وأنا أبص لك ليه؟ أنا مش فاهمه وبعدين قول لي على الحبيبة خليني انزل اجيبها لك بدل ما تتعب أكثر يا مروان."

مروان بضيق: هو انتي ما بتسمعيش الكلام ليه قلت لك مش هتنزلي يبقى خلاص مش هتنزلي.

نجمه بغضب: هو عند وخلاص يا مروان انت مش عايز انزل ليه انا مش فاهمه هي دي اول مره انزل فيها يعني ما انا بنزل على طول.

مروان: ايوه انا عارف انك بتنزلي على طول بس انا مش عايزك تنزلي وانت تعبانه كده وبعدين افردي باباكي جه وما لقتكيش في البيت مش هيقلق عليك ولا هو ما بيقلقش عليك يعني.

نجمه: طبعا بيقلق عليا مش باباي وانا بنته ولا انا مش بنته ولا ايه وبعدين انا مش هتاخر ده الصيدليه جنبنا هنا هنزل واجي بسرعه.

مروان: "لا، مش هتنزلي... امسكي الأزازة بتاعتك بقى."

ومسك إيدها.

نجمه بصّت لإيده، وبعدها له بضيق.

مروان حط الأزازة في إيدها اللي ماسكها، وبصّ لها:

"امسكي الأزازة... لتقع."

نجمه بتبص له بضيق، وبصّت للأزازة، ومسكتها.

مروان بصّ للأزازة، وشال إيده من عليها وبصّ لها... وماشي.

نجمه بصت له وهو ماشي وبقلق:"مروان..."

مروان وقف وبضيق:"عاوزة إيه تاني يا نجمه؟ خليني أمشي بقى!"

نجمه:"امسك... نشّف وشك."ومدّت إيدها بالفوطة.

مروان بصّ للفوطة، وبعدين لها وبدهشة:"هو إنتي... جايب لي الفوطة دي ليّا؟"

نجمه:"أمال يعني هكون جايباها لمين؟ طبعًا ليك!"

مروان بضيق: لا شكرا مش عاوز انشف.

نجمه: بس انت وشك مبلول.

مروان: مش مشكلة هو هينشف لوحده.

نجمه: طيب وليه ما تاخد نشفه ماهي الفوطه اهي.

مروان: لا مش عاوز انشفه عن اذنك بقي وياريت مانديش عليها تاني وماشي.

نجمه بقلق: انت بتعمل كده ليه يا مروان.

مروان باستغراب: بعمل ايه اظن هتقولي لي اذيتك برده.

نجمه بحزن: اه بتاذيني كل لما احاول اساعدك ترفض اني اساعدك ليه يعني انا عملت فيك ايه يعني ده جزائي ان انا عاوزه اساعدك يعني.

مروان: وليه بتقولي كده بقي كل ده علشان رفضت ان انشف وشي بالفوطه.

نجمه: لا يا مروان مش علشان كده وبس علشان انت مرضتش تخليني انزل اجيب لك الحبيبه انت بتعمل ليه كده يا مروان.

مروان: بعمل ايه يا نجمه انا مش عاوزكي تنزلي علشان قوتلك انك تعبانه.

نجمه بعصبية: قوتلك مش تعبانه ما انا كويسه قدامك اهوه وبعدين انت شايفني نازله علشان اتفسح يعني يا انا نازله الصيدليه.

مروان بغضب وبصوت مرتفع: وانا قوتلك مش هتنزلي انا مطلبتش منك تنزلي وجيب لي حاجه يبقي خلاص انا حر واتفضلي بقي ادخلي شقتكم.

نجمه: مش دخله وانت ملقش حكم عليه فاهم علشان تقولي ادخلي انا واقفه في بيتنا مش في بيتك علشان تحكم عليه وانا حره اعمل اللي انا عاوزها ان شاء الله افضل قاعدة على السلم حتي ملقكش دعوة سامع.

مروان: وانا اساسا مش عايز يبقى ليه حكم عليك فاهمه وانا عارف من غير ما تقولي ان انتي في بيتكم مش في بيتي انا مش اعمى ماشي وعايزه تفضلي واقفه افضلي واقفه ان شاء الله حتى تلزقي في السقف انتي اساسا ماتهمنيش ولا يهمني ان انتي بتعمليه وانا اللي ماشي وخليك انت بقى واقفه وماشي.

نجمه وهو ماشي بغضب: يبقي احسن برده.

مروان وقف والتفت لها بضيق وعطس: اهاا وحط ايده علي انفه.

وراحت له نجمه مسرعه ووقفت قدامه بقلق: يا مروان علشان خاطري قولي اسم الحبيبه ايه خلني انزل اجيبه لك.

مروان شال ايده من على انفه : مش هقولك يا نجمه وانتي لو اخر واحدة في الدنيا عمري ما هطلب منك تساعدني فاهمه.

نجمه بعصبية: تصدق بقي انت تستاهل اللي انت فيه ده و شاورت بايدها تعرف لو كنت اعرف انك بتتحسس من ريحه البرفان دي كنت حطلك ازازة البرفان كلها علشان تموت معتش اشوف وشك ده تاني وانا اللي غلطانه اني ساعدتك كنت سيبتك قدام الباب لغاية ما تموت بس اعمل ايه انا اللي استاهل كده علشان انا غبيه بساعد الناس دايما الغلط.

مروان: لا انتي مابتساعديش الناس الغلط ولا المشكلة في انتي بتساعدهم المشكلة فيكي انتي ايوه انتي وشاور بايده انتي فعلا غبية ودي احسن كلمه قولتها من يوم معرفتك تصدقي بقي والحمد لله انك عرفتي فعلا انك غبية.

نجمه: انا غبية طيب غور من وشي بقي بدل ما اصوت ولمه عليك الناس واياك تجي هنا تاني سامع لو جيت هقول لبابا وخليه يوديك في ستين داهيه.

مروان بابتسامة بسخرية: يوديني في ايه في ستين داهيه هو انتي متعرفيش مين انا ولا ايه شكلك كده متعرفيش ولا عمرك سمعتي عني علشان لو كنتي تعرفي مين مروان الشناوي ماكنتش هتقولي كده.

نجمه: هتكون مين يعني واحد مغرور ومتكبر وشايف نفسه وقليل الذوق ومش محترم انا مش عارف ازاى واحد زي كريم اخوك يبقي اخوك انت وشاورت عليه انا مش فاهمه.

مروان بغضب وبصوت مرتفع: وانتي كنت من امتا بتفهمي علشان تفهمي وحتي لو حاولتي تفهمي مش هتعرفي علشان مافيش واحدة غبية بتفهم وبعدين مالقيش دعوة باخويا واياكي تحاولي تشوفي فاهمه.

نجمه: وانت مالك؟ انت اشوفه ولا ما تشوفوش؟ انت تحكم على نفسك وبس فاهم؟ ويلا بقى غور من وشي.

مروان: انا كنت ماشي أساسًا من غير ما تقولي علشان مش طايق أشوف وشك أكتر من كده وماشي.....بتنظر له نجمه وهو ماشي بغضب.....ونازل مروان على السلم بضيق.

نجمه بعصبية وبصوت مرتفع: يارب تقع من على السلم وتنكسر رقبتك والمرة دي أوعدك إني مش هساعدك.

وسمعها مروان وهو نازل ووقف على السلم ولف  وراه وبص لها وبعصبية وبصوت  مرتفع : وانا مش هطلب من واحدة زيك المساعدة وشاور بايده.

نجمه: وحتى لو طلبت أنا مش هساعد واحد زيك مهما عملت فاهم؟.....بينظر له مروان بغضب ولف قدامه ونزل.

بتنظر له نجمه وهو نازل بضيق ولنفسها: واحد مغرور! وراحت على باب شقتها ودخلت الشقة ورزعت الباب وراها أنا مش عارف ايه الإنسان ده! بدل ما يشكرني علشان عاوزه أساعده يقوم يشتمني وفين؟ في بيتي! أنا ما شفتش كده! صحيح خير تعمل شر تلقى! مش مكفيه إنه قلقني وصاحني من النوم، لا جاي كمان يشتمني! كان يوم أسود! مطلعتهش شمس يوم ما شفت المغرور ده! ومشت.

تكمله البارت الثالث والعشرين من عرض جواز 

خرج مروان من البيت، ولف وراه وبص له ولنفسه: أعوذ 

بالله! مين دي إنسانة؟ أنا مش عارف باباها طايقها إزاي؟ قادر يعيش معاها إزاي؟بس دي ما حدش يطقها دقيقة واحدة! أكيد حد دعا عليه علشان ربنا بعت له بنت زي دي!لا وبتقول أنا اللي بأذيها! دي كلها أذى، ماشية تأذي في الناس كمان!

(وعطس)

مروان: أهااا...

(حط إيده على أنفه، وبص على الأرض، وشال إيده)

مروان: لازم أروح آخد الحبيبة.

(ماشي، وبيلتفت بالصدفه على يمينه، لقى بيت عم شفيق، فوقف)

مروان: إيه ده؟ بيت عم شفيق؟بس أشوفه إزاي وأنا تعبان كده؟بس أنا قلت له إني جاي، أعمل إيه دلوقتي؟

(بيفكر)

مروان:  أيوه... أروح أشتري الحبيبة وأجي أشوفه، حتى أخف شوية قبل ما أروح.علشان ماما لو شافتني كده هتتخضّ عليّها وتقلق.بس أشتري منين؟ هي فين الصيدلية اللي قالت عليها المجنونة دي؟

(نظر قدّامه ملقاش حاجة، والتفت وراه، لقى الصيدلية)

مروان: أهي هناك... أهي.

(وماشي)

في شقة نجمة:

دخلت نجمة المطبخ وراحت للتلاجة، حطت الإزازة بغضب، وبتتلفت قدامها لقت صينية على البوتاجاز وباستغراب: إيه الصينية اللي متغطي عليها دي؟

(وشالت الغطا من على الصينية، لقت بطاطس في الفرن)

نجمة: بطاطس في الفرن؟ تلاقي بابا هو اللي عاملها… بس هو راح فين؟صحيح، تلاقيه طبخ وراح عند عم شفيق.

(وغطت على الصينية)

نجمة: أما أروح أكمل نومي… بس يا رب أعرف أنام تاني بعد ما المستفز ده صحاني من النوم.

وراحت على غرفتها، وحطت الفوطة على كرسي التسريحة، وقعدت على السرير، والتفتت للمخدة اللي عليه، وعدلتها ونامت عليها.

في الشارع:

دخل مروان الصيدلية لقى راجل قاعد على الكرسي فراح عنده ووقف: "لو سمحت."

نظر له الرجل وقام: "أيوه يا فندم تحت أمرك."

مروان: "عاوز الدواء وقال له على اسم الدواء."

الراجل: "حاضر يا فندم لحظة واحدة."

مروان: "اتفضل."

بينظر له مروان وعطس: "أهااا" وحط ايده على أنفه.

وجاء الرجل ومعاه الدواء: "اتفضل يا فندم، الدوا" وحطه قدامه.

نظر مروان للدواء وشال ايده من على أنفه: "طيب الحساب كام لو سمحت."

الراجل: "الحساب وقال له عليه."

مروان: "طيب." واطلع المحفظة من جيبه وأخذ منها الفلوس ودفع الحساب "لو سمحت ما فيش هنا مياه."

الراجل: "أيوه يا فندم فيه."

مروان: "طيب ممكن لو سمحت كوبايه مياه."

الراجل: "أه، قوي قوي يا فندم لحظة واحدة." ومشي.

نظر مروان للدواء اللي قدامه أخذه وطلع الدواء من الكيس وبيفتحه.

وجاء الراجل ومعاه كوبايه المياه: "اتفضل يا فندم المياه."

والتفت له مروان: "شكرا." وأخذ كوباية المياه نظر للدواء  وفتحه وأخذه.

الراجل: "بالشفاء يا فندم."

نظر له مروان: "شكرا وحط الكوبايه من ايده قدامه."

الراجل بابتسامة: "العفو."

وخرج مروان من الصيدلية معاه الدواء حط الدواء في 

جيبه وراح  بيت عم شفيق ووقف قدامه، وبيبص للبيت وعطس: "أهااا" وحط ايده علي انفه وبص للارض وشالها ودخل البيت وطلع على السلم.

في شقة عم شفيق:

في المطبخ:

عم شفيق  لجمال وهو بيحمر البرنجان: شوف الرزه كده استوي يا جمال ولا لا.

جمال وهو واقف جانبه: طيب يا عم شفيق بس خالي بالك انت من البرنجان احسن يتحرق.

عم شفيق: طيب وبيقلب البرنجان.

جمال شال  الغطاء علي حلة الأرز لقي لسه فيه الحله مياة فحط الغطاء تاني : لسه يا عم شفيق الرز فيه مياة.

عم شفيق: طيب وبيقلب البرنجان.

بره الشقة:

طلع مروان على السلم، وبيبص على البيت، وبص قدامه 

لقى شقة ولنفسه: باين دي شقة عم شفيق… لو مش هي، ابقى اسأل اللي هيفتح شقة عم شفيق فين.

(وراح لعند الشقة ووقف قدامها، ورن الجرس.)

في شقة عم شفيق:

سمع جمال صوت الجرس: ايه ده يا صوت جرس الباب؟

عم شفيق: ايوه روح شوف مين يا جمال تلقيها نجمة صحت من النوم ولما ملقتكش في الشقة جات.

جمال: بس انا مش قايل لنجمة ان هنا يا عم شفيق على العموم انا هروح اشوف مين.

عم شفيق: طيب.

جمال: خلي بالك من الرز.

عم شفيق: طيب بس روح شوف مين.

جمال: طيب ومشي.

مروان رن الجرس تاني.

جمال خرج  سمع صوت الجرس: طيب جاي اهو وراح مسرعاً عند الباب وفتحته لقى مروان.

مروان باستغراب: مش حضرتك اللي كنت مع عم شفيق؟

جمال باستغراب: ايوه انا مش انت اللي ساعدته برده لما كان هيقع؟

مروان: ايوه. هي شقة عم شفيق فين؟

جمال: هي دي شقته.

مروان: والله يا انا افتكرتها شقة حضرتك.

جمال: لا انا شقتي قصاده.

مروان: اها طيب هو عم شفيق موجود؟

جمال: ايوه موجود اتفضل.

مروان بابتسامة: شكراً ودخل الشقة ووقف جانب الباب.

وقفل جمال الباب: بس هو حضرتك وشك مبلول كده ليه؟ هي الدنيا بتمطر بره؟

مروان: ها لا مش بتمطر بس انا اللي غسل وشي.

جمال بابتسامة: اها طيب لحظة واحدة اجيب لحضرتك فوطه.

مروان: لا مافيش داعي حضرتك تعبت نفسك دلوقتي وشي ينشف لوحده.

جمال: لا ماينفعش طبعاً لازم اجيب لحضرتك فوطه علشان تنشف عن اذنك لحظة واحدة ومشي.

مروان: بس...

( وبيبص وهو ماشي، وبص على الشقة)

دخل جمال غرفة عم شفيق لقى فوطه على الكرسي اخذها  وخرج منها وبص له ورايح لعنده.

 مروان بص قدامه لقى جمال جاي فابتسم.

ووقف جمال قدامه معه الفوطه وبابتسامة: اتفضل.

مروان: لا شكرا ومافيش داعي.

جمال: مافيش داعي ازاي بس حضرتك وشك مبلول ولازم تنشفه اتفضل.

مروان: طيب واخذ الفوطه شكرا.

جمال بابتسامة: العفو.

ونشف مروان وشه: اتفضل تعبك معايا.

جمال: ولا تعب ولا حاجة واخذ الفوطه اتفضل وماشي.

وماشي مروان معه.

جمال: هو حضرتك عرفت بيت عم شفيق منين؟

مروان: ماهو عم شفيق لما كان هيقع المرة اللي فاتت شوفته هو خارج من بيته وقال لي إنه ده بيته.

جمال: آها، طيب اتفضل.

مروان: شكراً.....ودخلوا الانتريه.

وقف جمال: اتفضل.

ووقف مروان: شكراً، وقعد هو عم شفيق مش موجود لو مش موجود أجي في وقت تاني.

جمال: لا موجود لحظة واحدة أبلغه إنك هنا.

مروان بابتسامة: طيب اتفضل.

وخرج جمال وراح على الغرفة ووقف قدام الباب، وحدف الفوطة على السرير، وراح على المطبخ ووقف جانب عم شفيق.

عم شفيق: مين يا جمال اللي كان على الباب؟

جمال: ده الشاب اللي كان مسكك قبل ما تقع قدام بيتك.

عم شفيق بابتسامة: ايه ده؟ هو جيه؟

جمال: جيه هو انت كنت عارف إنه هيجي يا عم شفيق؟

عم شفيق: أيوه يا جمال كنت عارف.

جمال: كنت عارف؟

عم شفيق: أيوه ما أنا شوفته النهاردة وعذمته يجي يقعد معايا شوية.

جمال باستغراب: ايه 

............نتبع 

بقلم : Asmaa Salah

• تابع الفصل التالى " رواية عرض جواز  " اضغط على اسم الرواية