رواية عشقت طفلة الفصل التاسع 9 – بقلم انا كوين
عشقت طفلة _البارت التاسع
في قصر الراوي
كان القصر كلة مشحون بالتوتر ووشوهم شاحبة ومش فاهمين هيحصل ايه
•••
عمرو _لازم تأمن نفسك بسرعة زين جايلك في الطريق وناوي يقتلك
ياسر _انت ازاي متبلغنيش من قبل م يتحركوا
عمرو _مكنتش عارف اكلمك لما بقيت لوحدي كلمتك
ياسر بخوف وعينه بتدور في المكان كله _طب اقفل دلوقتي
ياسر لرجالتة _خدوا بالكم كويس زين الراوي جاي هنا وناوي يقتلنا كلنا
مدحت بخوف _يقتلنا ليه؟
ياسر بصوت بيترعش _انتي غبي يالا اذا كان احنا خاطفين بنت عمة
مدحت بغباء _ليه؟!
ياسر بنفاذ صبر_بقولك ايه انا مش ناقص غباء اهلك اخرس خالص
ذهب ياسر الي ليان وسحبها من شعرها بقسوة
ليان بصراخ وهي بتقاومة
_انت عايز مني ايه ابعد عني
ياسر _تنفذي اللي هقولك علية وإلا هقتل حبيب القلب قدام عنيكي
ليان ببكاء _ حرام عليك انت بتعمل كده ليه
ياسر بضيق _اسمعي اللي بقول عليه ونفذية من غير كلام
ليان بتتكلم وهي بتشهق
_وانت عايز ايه.
رماها ياسر علي الارض وخرجت صرخة مكتومة من ليان
ياسر بخبث وهو مركز قدامه_ لما يجي زين بيه الاول
—
عند زين
زين _كلم رجالتك يا امجد اقولهم يجهزوا
امجد _اي الاخبار عندك يا سعيد
سعيد بتلعثم _ت تقريبا كده الوضع ميريحش
امجد بجدية _حصل ايه؟
سعيد _الحراسة زادت جدا عند ياسر والموضوع ميطمنش
امجد باستغراب _زادت ازاي يعني؟
سعيد _مش عارف يا امجد بيه ده اللي حصل قدامي
زين _في ايه يا امجد
امجد _االوضع ميطمنش سعيد بيقول ان الحراسة زادت جدا وتقريبا عنده علم اننا رايحنلة
عمر باستغراب _طب وهو عرف مين؟
زين سكت شوية وبعدين اتكلم
_مش مهم عرف منين دلوقتي اهو عرف واللي كان كان… احنا زي م احنا وصدقوني مش هيلاقي حد يفلتة من ايدي
عمر _وهنعمل ايه دلوقتي؟
امجد _انا ممكن اكلم حد ويبعت حراس تاني
زين _لا لا خلينا زي م احنا
—
في قصر الراوي
جلال _ايوه يا خالد اطمن كله تمام .. اسيبك دلوقتي واكلمك بعدين
ثريا بقلق _م تكلم زين وتشوفة كده يا جلال
ادهم _يكلم زين ازاي؟ ده رايح لعصابة هو رايح يلعب اسكيت!!
رقية _ يبني هي برضوا ام وخايفة علي ابنها
ناصر _ كلنا خايفين عليه وان شاء الله يرجع بالسلامه
ماريا بغضب_ يعني كان لازم ليان هانم تخرج اهو بسببها بتحصل مصيبة
ثريا _ وهي ذنبها ايه يعني يا ماريا
ماريا _مكنش ليهو لزوم انها تخرج اصلا
عمرو كان بيحاول يبعد عنه الشك شوية
عمرو _مانتي بتخرجي عادي يعني فيها ايه لما هي تخرج
ماريا _بخرج اه بس مش بعمل مصايب
جلال بصوت عالي وعصبية
_اخرسوا بقي احنا في ايه ولا ف ايه
ناصر _اهدي بس وان شاء الله خير
عند زين
—
امجد ها يا زين هنعمل ايه؟
زين_انا هروح هحاول ادخل جوا المبني من غير م حد يشوفني ولما ليان تبقي في امان هديكم اشارة تهجموا
امجد _ هتدخل ازاي والحراسة شديدة
عمر _انا هروح معاه
زين _لا خليك هنا مع امجد
عمر _مش هينفع تدخل لوحدك
زين متقلقش بس
امجد _عمر بيتكلم صح لازم حد فينا يكون معاك
زين بضيق _انا قولت مش عايز حد معايا
وسابهم ونزل وبدا في دخول المبني
—
ياسر_فتحوا عينكم كويس مش عايز غلطة تحصل
نظرت ليان لنحية التانية ووجدت زين
ليان لسه هتنادي عليه ولكن هو شاورلها عشان تسكت
دخل زين عند ليان
زين بلهفة _ليان انتي كويسة
هزت ليان راسها ب اه وهي بتعيط
زين حاول يطمنها
زين _ متخافيش هتخرجي من هنا وكله هيبقي زي الفل
بدا زين ف فك الحبال من قدم ليان
زين _تعالي من هنا
وفجأة سمعوا صوت كان جاي من الخلف
_استني عندك
وفجأة اتجمعوا حراس كتير حوالين زين وليان
ليان بصوت مهزوز
_ااا اننا خا خايفة
زين _اطمني مش هتحصلك حاجه
ياسر _زين بيه؟ مش تقول انك هنا عشان اقوم بالواجب
زين _نهايتك علي ايدي يا ياسر
ضحك ياسر ساخرا من كلامة
_ده لو عرفت تخرج من هنا الاول ههههههههههه
ضغط زين ع الساعه اللي في ايدي ف وصلت اشارة لامجد عشان يهجم
امجد _زين بيقول اننا نهجم
عمر _تمام جهز رجالتك ويلا
فجاة ياسر بدا يسمع صوت ضرب نار
ياسر بعصبية _بتاخدني ع خوانة يا زين
ووجه المسدس عليه ولكن زين سحب ليان واستخبي ورا العمود
ليان ببكاء زين انا خايفة اويي
زين _اهدي ومتخافيش
بدا زين يضرب نار علي ياسر وياسر كذلك وعمر وامجد ورجالتهم مع رجالة ياسر
ياسر _مش هرحمك يا زين
زين شاور لليان ع مكان امن تستخبي فيه
خرج زين من وراء العمود
ياسر لسه بيضرب عليه نار ولكن خزنتة فضيت
زين _اطلعلي يا ياسر
ياسر طلع من ورا العمود وبدئو يتقاتلوا
فجاة واحد من رجالة ياسر مسك ليان
ليان بصراخ ابعد عني سيبني بقولك
مدحت _ابعد ي زين احسن م اقتلها
زين بعصبية _سيبها احسنلك
مدحت _متقربش هقتلها
زين لسه بيتكلم لقي مسدس متوجه ف راسة
ياسر _مش قولتلك انك هتموت يا زين ع ايدي
عمر وامجد كانوا هيدخلوا ولكن زين منعهم عشان ليان
ليان ببكاء وصوت مهزوز _الحقني يا زين
زين بعصبية _سيبها قولتلك كلامك معايا انا
بدا زين يقرب واحده واحده عند مدحت
ضربة زين وسحب منه ليان وذقها بعيد
فجاة خرجت طلقة من مسدس ياسر
ليان بصراخ_زييييييين
مسك امجد ياسر اللي كان بيحاول يارب وقال للحراس يمسكوه
ليان راحت لزين اللي كان واقع علي الارض وغرقان في دمه
ليان ببكاء شديد _زين قوم يا زين متسبنيش لوحدي واكملت بصراخ شديد قووم يا زيين بقاا متسبنيش
عمر بخوف _بسرعة لازم ناخده علي المستشفى
امجد بقلق _يلا بسرعة
امجد وعمر حملوا زين للعربية وكانت ليان بتعيط وهي بتمشي وراهم
بعد مرور شويه من الوقت وصلوا المستشفى
دخل زين غرفة العمليات
والعيلة كلها اتجمعت ف المستشفي
وكانوا منهارين كلهم
ثريا ببكاء _يارب اوقف معاه يارب يارب قومة باسلامه
جلال بيحاول يهديها
_اهدي يا ثريا ان شاء الله خير يحبيبتي
ثريا ببكاء _انا خايفة عليه اوي يا جلال
ادهم _اان شاء الله هيقوم باسلامة اهدي انتي بس يا طنط
ناصر _روح يا عمر روح ثريا وليان عشان مش هيقدروا يروحوا
ليان وهي منهاره من العياط وصوت مهزوز _اانا مش همشي غير لما اطمن ع زين
ماريا ببكاء _كفايه اووي اللي حصل بسببك يا ليان
رقية _مش وقتة دلوقتي يا ماريا
وبعد مرور ساعتين خرج الدكتور ووجهه كان شاحب
الكل جري عليه
_ها ي دكتور طمنا
الدكتور…………….
تفتكروا زين هيعيش ولا لا؟!
هستني اجباتكم ♥
وبكده نكون وصلنا لنهاية البارت تفاعلوا عشان انزل بارت جديد بسرعة 😍
رايكم يا قمرات 😍♥
• تابع الفصل التالى ” رواية عشقت طفلة ” اضغط على اسم الرواية