رواية دبله ومليون خناقه الفصل الرابع 4 - بقلم اية الفرجانى
4
رنا كانت ماسكة الدركسيون بحماس عيونها بتلمع وهي بتحاول تثبت لعامر إنها تعرف تسوق بس الحقيقة إنها كانت متوترة، وإيده اللى كانت مفرودة قدامها مستعدة لأي حركة غلط زودت توترها أكتر
على مهلك إيدك على الفرامل بلاش لعب، إحنا مش في سباق
="عارفة يا عامر سيبني أركز
بس طبعًا تركيزها ضاع وفجأة لقت نفسها داخلة على عربية مركونة عامر مد إيده بسرعة على الدركسيون وحاول يعدلها بس كانت متوترة لدرجة إنها داست بنزين بدل الفرامل والعربية خبطت فعليًا في العربية التانية!
صوت الخبطة سمع في الشارع ورنا شهقت وهي ماسكة الدركسيون بذهول عامر بص لها ببرود، وبعدها قفل عينه وكتم غضبه
=رناااا
أنا آسفة والله آسفةبس مش أنا السبب العربية اللي جات في وشي
=أنتِ اللي كنتِ سايقة يا بنتي!
قبل ما يكملوا خناقتهم صاحب العربية المخبوطة نزل وكان راجل كبير في السن وشكله مش سهل بدأ يزعق وعامر حاول يهدّي الأمور لكن الراجل مصمم يوديهم القسم عشان يعمل محضر
في القسم كانوا قاعدين قدام الظابط اللي واضح إنه بيحاول يمسك أعصابه عامر كان متحفز، عينه على رنا اللي كانت قاعدة مكتفة إيديها، لسه مصدومة من الموقف كله
=يعني إيه هنتحجزوا؟ عامر قالها وهو مش مصدق
=يعني لحد ما صاحب العربية يسحب المحضر أو تدفعوا التعويض اللي طلبه الظابط قالها بملل وهو بيبص عليهم كأنهم وجع دماغ زيادة
إيه يا أستاذ عامر مش ناوى تقولي شكراً إني حبيتك لدرجة إني رضيت أسوقك العربيه؟ رنا قالتها بتهكم وهي بتبص له
أنتِ اللي لخبطتي الدنيا مش كفاية اللي حصل؟
"آه طبعًا كل حاجة ذنبي ما أنت ملاك صح؟"
الظابط ضرب بإيده على المكتب بصوت عالي فالاتنين سكتوا فورًا وبصوا له
=أنا زهقت يا إما تسكتوا يا إما أنا اللي هدخل السجن بسببكم!
رنا بصت لعامر وهو رجع بص لها وبعدها بصوا للظابط اللي باين عليه الندم إنه دخل القسم النهاردة
وفجأةومن وسط التوتر رنابتحاول متمسك ضحكتهابس واضح إنها فشلت لأن عامر شاف عيونها بتلمع وعارف إنها بتحاول ما تضحكش
أنتِ بتضحكي؟عامر قالها باستغراب
لا… لا… بس… بس شكلك وإنت متعصب على الكرسي فكّرني وإنت بتضرب الولد اللي عاكسني
عامر لف لها ببطء عيونه فيها تحذير، بس رنا ما قدرتش تمنع نفسها أكتروانفجرت ضحك
الظابط بص لهم مصدوم من التحول المفاجئ وبعدين قام من مكانه وهو بيتمتم:
أنا طالع بره لما تخلصوا لعب نادوني
عامر فضل باصص لرنا وعارف إنها بتستفزه لكنها في نفس الوقت الوحيدة اللي بتعرف تضحكه حتى في عز عصبيته
لف عينه بتعب وهو شايف رنا مش قادرة تبطل ضحك والظابط سابهم ومشي وهو بيتمتم بكلام عن إنه مش فاضي للمسرحيات الرومانسية دي
إنتِ فاكرة نفسك خفيفة دم صح؟ عامر قالها وهو مكتف إيده وباصص لها بنظرة كلها تهديد
أنا مش فاكرة… أنا متأكدة رنا ردت بثقة وهي بتحاول تاخد نفسها من كتر الضحك
عامر مسك رأسه بإحباط
إحنا في مصيبة فاهمة؟ ولا دماغك شغالة كوميدي بس؟
يا سيدي مش مصيبة ولا حاجة هنكلم بابا وهو هيحلها
آه طبعًاكأن ده أسهل حاجة في الدنيا… عارفه مستنيه إيه؟ ما تكلميه ونشوف رد فعله؟
رنا بصت للموبايل بتردد عارفة إن والدها مش سهل ولو عرف إنها كانت بتسوق وتسببت في الحادثة هتبقى ليلة سودة
أو… ممكن نحلها بطريقة تانية؟
قالتها بابتسامة بريئة
عامر ضحك بسخرية:
الطريقة التانية دي هتكون إيه؟ نهرب؟
قبل ما تكمل كلامها الباب اتفتح والظابط رجع داخل ماسك ورقة في إيده وباين عليه إنه فقد الأمل فيهم
صاحب العربية قرر يسحب المحضر بس بشرط تدفعوا التصليح
تمام هتحاسبوه إزاي؟
عامر سأل وهو بيطلع محفظته
هو برا مستني روحوا شوفوه وخلصوا معاه بس بالله عليكم اخرجوا بسرعة قبل ما تعصبوني تاني
رنا اتبسطت وهي بتقف بس عامر مسك إيدها وشدها ناحيته وهمس لها:
الكلام لسه ما خلصش لما نخرج حسابك تقيل
رنا رفعت حواجبها بتحدي:
نشوف يا باشا!
وخرجوا سوا من القسم
الراجل وقف قدامهم مديق عينيه فيها لمعة استغلال وابتسامته فيها استهزاء واضح
بصراحةمش عارف إزاي بنت بالمستوى ده تسوق بالعشوائية دي؟ العربية كانت ممكن تتدمر تمامًا وأنا ممكن أروح المستشفى بدل القسم
عامر اتنرفز خطا خطوة لقدام وهو بيرد بحدة:
إحنا قولنا هندفع التصليح مش لازم الرغي الكتير ده
الراجل رفع حاجبه بسخرية:
ما أنا متأكد إن الفلوس مش هتكون مشكلة بس برضو الموضوع محتاج تعويض… معنوي
رنا شدت عامر من دراعه قبل ما يتهور ووقفت قدام الراجل بابتسامة بريئة بس وراها حدة
بص يا أستاذ… إحنا جايين نحل الموضوع مش نسمع محاضرة العربية هتتصين بالكامل وعلى حسابنا وكمان هنضيف تعويض محترم بس بلاش الاستفزاز ده لأن حقيقي، صبري وصبر خطيبي عامر مش طويل
الراجل لاحظ الجدية في نبرتهاوكأنها بتقوله إنه لو استمر في الاستفزاز الليلة هتنقلب عليه بدل ما يستفيد فكر شويةوبعدين هز رأسه باستسلام
ماشي ندخل في الجد هحط رقم الميكانيكي مع التكلفة وأبعتلكم بس خلي بالكوا المرة الجاية
عامر كان واقف متحفز بس لما شاف إن الموضوع اتحل لف يبص لرنا بنظرة فيها إعجاب وانتصار كأنها لسه مكسباه في تحدي
بس طبعًا هي ما قدرتش تفوت الفرصة،قربت وهمست له بابتسامة جانبية:
أنا اللي حلّيت المشكلة مش إنت
عامر لف عينه بسخرية
ما أنا لو كنت ادخلت كنتي هتدفعيله نص مليون تعويض
يلا يا ستّي العبقرية خلينا نمشي قبل ما حد تاني يقرر يتقل علينا
وهما في العربية رنا كانت مستمتعة بالجو بس عامر قاطعها وهو بيقول بنبرة متعمدة الاستفزاز:
على فكرة ما كانش في داعي تبصيلي النظرة دي أنا اللي كان عندي استعداد أديله بالقلم مش أتناقش
رنا قعدت تبصله بتركيز وبعدين ابتسمت وقالت بتحدي:
يا راجل بقى كده؟
مرت الشهور بينهم بخناق مستمر كل حاجة كانت سبب لمشكلة وكل مشكلة كانت سبب لتحدي جديد بس رغم كل ده كانوا بيتعودوا على بعض أكتر الخناق بقى عادة والزعل بقى مؤقت، والغلاسة بقت نوع من أنواع الاهتمامف
عامر بقى متعود على رزالتها ورنا بقت متعودة على طريقته اللي كلها تحكم وعند كان كل ما يحاول يفرض رأيه عليها ترد عليه بطريقتها المعتادة:
مش عشان إحنا مخطوبين يعني هتبقى وصي عليّ!
وهو كان دايمًا يرد بنفس الأسلوب:
أنا وصي غصب عنك فاهمة؟
ورغم إن كلامهم كله شد وجذب بس كل واحد فيهم بقى عارف إن التاني بقى جزء من حياته
وفي يوم رنا دخلت البيت لقت والدتها قاعدة مع والدة عامر وبيتكلموا بحماس غريب أول ما شافتها أمها ابتسمت وقالت:
أخيرًا جيتي كنّا لسه بنرتب ترتيبات الفرح
رنا اتجمدت في مكانها عينيها وسعت وقالت بدهشة:
فرح إيه؟!
والدتها ردت ببرود كأنها بتتكلم عن حاجة بديهية: فرحك انتي وعامر مش معقول يعني تفضلوا مخطوبين العمر كله
رنا كانت لسه مستوعبة الصدمة لما تليفونها رن شافت اسم عامر، فتحت المكالمة بسرعة وقالت قبل ما يسبقها:
قولّي إنك سمعت المصيبة دي؟
ضحك على الجانب الآخر وقال بنفس النبرة الساخرة المعتادة:
"سمعتها ولسه بحاول أستوعب زيك… بس بما إننا في المركب سوا عندك خطة نهرب بيها ولا هنستسلم؟
رنا أخدت نفس عميق، وبصت لوالدتها اللي كانت بتتكلم عن قاعة الفرح وبعدين ردت وهي بتحاول تتحكم في ضحكتها:
أعتقد الاستسلام هو الحل الوحيد
قاعدين جنب بعض في الكوشة شكلهم عريس وعروسة في يوم العمر بس الحقيقة إنهم أكتر اتنين مهيئين لخناقة القرن بدل فرح الأحلام عامر بيتنحنح وهو بيظبط المنديل بتاع بدلته وبص لرنا اللي قاعدة مكشرة:
عامر:
اقعدي عدل وافردي وشك ده فرح مش جلسة تحقيق
رنا ببرود:
أهو قاعده كده وعاجبني عندك مشكلة؟
عامر زفر وهو بيهمس:
آه عندي أول عروسة تقعد مكشرة في الكوشة كأنها قاعدة في انتظار نتيجة الامتحانات
رنا رفعت حاجبها بتحدي:
وأول عريس ينقط عروسته بالكلام كأنها شغالة عنده في المكتب!
عامر:
طب نعدي الليلة دي على خير؟
رنا بابتسامة جانبية:
لو بطلت تنقطني!
عامر ابتسم نص ابتسامة ومد إيده يمسك إيدها، بس فجأة حسّ بحاجة بتتسحب من على دماغه! الطرحة لا لطوق؟ آه الطوق طار من مكانه ووقع على وشه وهو شهق بصوت مسموع وسط الدوشة وبص لها بصدمة:
عامر:
إيه ده! انتي بتهاجميني في فرحنا؟!
رنا اتصدمت وهي بتحاول تكتم ضحكتها:
كنت بعدل الطرحة والله العظيم!
عامر مسك الطوق ورماه على جنب:
لما تحبي تعملي تعديل هندسي تاني عرفيني الأول عشان ابقى أخد ساتر!
رنا انفجرت ضحك بس الضحك قلب غيظ لما عامر قرر يرد الصاع وقام بهزار خبط على طرحتها تاني فوقعت أكتر وهنا بقت حرب
رنا قامت زقت عامر على خفيف عامر ضحك وقال: إيه ده هتضربيني في الفرح؟
رنا:
متلمسش الطرحة تاني يا بني آدم!
عامر بتحدي:
طب ولو لمستها؟
رنا قامت ضربته على دراعه ضربة خفيفة بس هنا الدنيا ولعت عامر رد عليها بزقة خفيفة وهي ردت بقرصة وهو رجع شدها من دراعها بهزار، وهوب… الطرحة وقعت، وبدلة العريس اتكرمشت ووسط كل ده، الكاميرات شغالة والتصوير شغال، والعيلة مصدومه
فجأة الشباب اللي معزومين بدأوا يهتفوا ويصفروا، وقرروا يدخلوا في الحدث، قاموا شدوا عامر وبدأوا يهزوه بهزار ورنا طبعًا مقعدتش ساكتة، قامت زقتهم وهي بتصرخ:
رنا بخضه:
سيبوا جوزي يا حرامية! بتعملوا في الراجل اي
عامر وسط الدوشة:
إنتي بتزعقي ليه ده أنا العريس المفروض أزعق مسمعش صوتك
رنا بتحلق طرحتها من الأرض:
أهو أنا اللي بزعق عاجبك ولا لا مش شايف بقيت عامل ازاي
وهنا فجأة المزيكا اشتغلت والدي جي قرر إنه لازم ينقذ الوضع والزفة بدأت قبل ما حد يلحق يفهم اللي حصل
عامر وهو بيتشد للزفة وهدومه متكرمشة:
إحنا رايحين فين
رنا وهي بتحاول تظبط شعرها:
واضح إننا بندخل التاريخ كأول عرسان يتزفوا متبهدلين ههههه😂 لا دي من عندي
والكاميرات شغالة والضحك مالي القاعة وأهو فرح بقى تريند عالمي
الكوشة متبهدلة بوكيه الورد متقطع على الأرض، طرحة العروسة مشقوقة من طرفها، والورد اللي في شعرها متطير في كل حتة، أما العريس.. فحدّث ولا حرج البدلة كانت سودة وبقت رمادي، الكرافتة في مكان مش معروف، ومشابك الزرار طايرة وشكله عامل زي اللي كان في معركة مش فرح!
الفرح في قمته والمزيكا شغالة، بس بدل ما الناس تهتف "مبروك" بيهتفوا وهم بيضحكوا:
ادخلي برجلك اليمين يا عروسة بس سيبي العريس في حاله.. كفاية اللي حصل
العروسة داخلة وهي شبه عمود الإرسال.. شعرها واقف من كل ناحية الكوافير قاعد في جنب القاعة بيعيط بحرقة على اللي حصله لشغله وأم العروسة مغمى عليها في الكوشة من الصدمة،وأبو العريس ماسك راسه ومستني الفرح يخلص بأي طريقة
عامر بص لرنا وهو بيحاول يظبط الكرافتة على دراعه بدل رقبته:
حلو كده؟ ولا تزغطيها شوية كمان؟
رنا رفعت حواجبها وهي بتبص على نفسها في مراية الموبايل:
أنا مش عروسة أنا إعلان لمنتجات توصيل الكهرباء المباشر
وفجأة وسط الهيصة حد بيهتف من وسط الضيوف:
حد يشغل أغنية' مبروك' بسرعة قبل ما العريسين يقلبوا بعض تاني خلينا نخص المسرحيه دي
المزيكا تشتغل والعريس والعروسة يبصوا لبعض.. وبعدين ينفجروا في الضحك، وهوب.. يترزعوا على الكوشة وهم بهدلتهم مكملة بس المرة دي.. الضحك كان من القلب
وسط الضحك والهزار فجأة الكهربا تقطع والقاعة تبقى ضلمة والناس تهمس بخوف..
صوت من وسط الضيوف:
إيه دا حد نسي يدفع الكهربا ولا إيه؟!
وفجأة نور الموبايلات ينور وكل الكاميرات مرفوعة واللقطة الأسطورية بتتسجل:
عامر واقف على الكوشة شكله مكركب بس ضحكته واسعة رنا جنبه، مش فارق معاها الطرحة المشقوقة ولا المكياج اللي باظ بتضحك برضه وهما ماسكين إيدين بعض ومن وسط الزحمة حد بيهتف:
عريس زي دا يتكهرب برضه!
الناس تنفجر ضحك والأغاني ترجع تشتغل والنور يرجع مرة واحدة.. بس بدل ما الدنيا تهدى، عامر فجأة يلاقي نفسه شايل رنا على كتفه زي أبطال المصارعة وهي بتصرخ:
عامر نزلني يا بني آدم، دي ليلة العمر مش حلقة في WWE
عامر يضحك يقرب من ودنها وهم بينزفوا وسط الناس ويهمس بصوت كله تحدي:
"هقولك إيه مبروك علينا.. حرب العصابات الرسمية والفرح الخيالي "
والقاعة كلها تهتف بصوت واحد:
مبرووووووووك
😂😂😂😂😂😂😂😂😂😂😂😂😂😂😂😂😂😂😂😂😂😂
يارب الي ميكتب عشر كومنتات ميلقيش ضحك زي دا تاني وفرحه يبقي كده بقي يلا 🙆🏻♀️😂
والي يكتب يفضل طول عمره فرحان
آية الفرجاني
احلى مسا عليكم
• تابع الفصل التالى " رواية دبله ومليون خناقه " اضغط على اسم الرواية
تعليقات
إرسال تعليق