رواية انا وحبيبي (كاملة جميع الفصول) حصريا عبر كوكب الروايات بقلم Sola
رواية انا وحبيبي الفصل الاول 1 - بقلم sola
_ حضرتك تحبي تطلبي ايه يافندم؟
دا كان صوت الويتر بصتلو بعيون مدمعه
" هات ميلك تشيك فراوله ياحسام
الويتر ' حسام ' : تمام يافندم ، بس هوا حضرتك كويسه؟
بصتلو شويه وعنيا لسه فيها دموع
" ايوه انا تمام
الويتر ' حسام ' : طب حضرتك بتعيطي ليه مش باين انك كويسه
متستغربوش الكافيه انا دايما بقعد فيه ف كل اللى شغالين هناك حافطين وشي وعارفين طلبي بس تقريبا حسام جه عشان يشوف مالى " فيهم الخير والله "
" عادي ياحسام مشاكل وضغط وكدا متخدش ف بالك بس هاتلى مع الميلك تشيك فراوله بيتزا مارجريتا لارج و واحد شاورما كبير بردو و واحد كريب بانيه
الويتر ' حسام ' بأستغراب : تمام يارقيه
نسيت اقولكو انهم عارفين اسمي كمان
كنت قاعده ماسكه التليفون بقلب فيه كالعاده مانا معنديش حد اتكلم معاه دايما لوحدي وبعمل كل حاجه مع نفسي ابويا وامي ماتو من زمان واخواتى متجوزين برا اما انا ف بشتغل اونلاين ف البيت مبحبش اخرج كتير ع قد الكافيه دا وبس حظى فالصحاب زفت ف قررت اعيش مع نفسي اهلى عاملين وديعه ليا ف البنك كل شهر بصرف منها بشتغل عشان اضيع وقتي بسال ع اخواتى بس كل فتره لان كل واحده ليها مسوؤليات ، دايما عندى امل ف ربنا انه يعوضني خير
حسيت ان فيه حد باصص عليا برفع عيني لقيت مفيش حد فالكافيه غيري انا و راجل قاعد ع الترابيزه اللى قدامى اول مابصيت عليه لقيته باصصلي
صوتى الداخلى: الله الله الله اي الحلاوه دي يابت يارقيه وكمان باصص عليكي
رقيه بترد ع نفسها: اي الهطل دا اسكتى
بعد خمس دقايق ببص عليه لقيته باصصلي ، ضميت حواجبي ع بعض لقيته بيعملى باي باي روحت عملتله حركه علي ربيع الشهيره بمعنى " انت عبيط "
وبصيت ف الموبيل تانى وبعد فتره كان لسه قاعد ولقيت الويتر بينزل الأكل وابتسمتلو وبدأت اكل ورفعت قطعه البيتزا ف ايد والكريب ف الايد التانيه ولسه هاكل لقيت اللى باصصلي
صوتى الداخلى: وبعدين بقا فاللى باصصلنا ف الأكل دا كمان
رقيه: كدا كتير فعلا
روحت سايبه الأكل وقومت روحت عند الترابيزه اللى قاعد عليها
صوتي الداخلى: تصدقي يابت يارقيه شكله احلى من قريب
رقيه بتوجهه الكلام ليه: هوا فيه حاجه ياكابتن؟
بصلها وعينه بتطلع قلوب: كابتن؟
رقيه بتتصنع الابتسامه: فيه حاجه يابشمهندس؟
بصلها بنفس النظره: بشمهندس؟
رقيه بعصبيه: هوا فيه اي مش فقره استغراب هنا انت باصص كدا ليه لو صورتني ف اخلص هات الصور وقتي بفلوس والله
الشاب ولسه هيتكلم فيه صوت ضرب نار كتير اوي وناس مسلحين دخلو الكافيه
رقيه اول ماسمعت صوت ضرب النار صوتت وحطت ايديها على ودنها والشاب قام وقف وحماها بجسمه العريض
رقيه بصويت: فيه جييه فيه جييييههههه؟؟؟
الشاب: اسكتي مش وقتههههه
فجأه ضرب النار وقف وصاحب المكان كان واقف قدام المسلحين
صاحب المكان بخوف: انتو ازاى تدخلو المكان بالطريقه دى؟
اتكلم واحد باين عليه انه راجل كبره كدا هتقولولى عرفت ازاى هقولكو شعره ابيض يعني مفيش اثبات اكتر من كدا
الراجل الكبره: الفلوس اللى عايزها هتاخدها بس انا مش همشي غير لما اخد المسمسم اللى واقف هناك دا " قصده ابننا اللى كان بيبص ع رقيه "
صاحب المكان: بس مينفعش هبلغ البوليس
وقتها الشاب طبطب ع رقيه وراح وقف قدام الراجل الكبره وف اقل من ثانيه طلع المسدس بتاعه من ضهره وضرب اربع طلقات ع الاربع رجاله اللى كانو واقفين ورا الراجل الكبره وقعوا جثه هامده ع الأرض
الراجل الكبره بسخريه: خوفت انا كدا ياحضره الظابط يوسف؟
يوسف قرب منه: لازم تخاف
وقتها رقيه كانت واقفه مصدومه من اللى حصل سامعه الحوار بس رجليها مش قادره تتحرك تطلع تجري حتي ووسط ماهى بتفكر صوت سرينه البوليس وصلت لودانها وبصت ع الشاب ولقيته بيحط الكلبشات ف ايد الراجل الكبره وبيزقه ع البوكس ولما البوكس مشي
يوسف لصاحب المكان: انا اسف ع الشوشره دي بس لو اي حاجه باظت انا هتكفل بتصليحها
وسابه وراح ناحيتها
يوسف بعيون بتطلع قلوب: انا بحبك
رقيه رمشت كذا مره وغمضت عنيها وبصت حواليها لقيت انها قاعده ع الترابيزه وبتاكل الكريب والبيتزا والشاب قاعد قدامها زي ماهوا بيبصلها والمكان مش متبهدل
صوتها الداخلى: يعني مفيش الراجل الكبره؟
رقيه: ومش طلع ظابط واسمه يوسف
صوتها الداخلى: يمراري يمراري
رقيه ندهت ع الويتر
رقيه بزعيق: حسساااممممم
الويتر جه بسرعه: فيه حاجه يافندم
رقيه شاورتله ينزل شويه ف نزل
رقيه بتتكلم بصوت واطى: هوا مكانش فيه ضرب نار هنا؟
حسام بأستغراب: ضرب نار ايه؟
رقيه بصدمه: يعني مكانش فيه راجل كبره هنا وعصابه والواد الحليوه اللى هناك دا مش ظابط واسمه يوسف؟
حسام: هوا ظابط واسمه يوسف فعلا بس مكانش فيه اي عصابه هنا
رقيه بصدمه: احلف!
حسام بضحك: والله
رقيه : طب انا هاخد الاكل دا تيك اواى
حسام: تمام يافندم
رقيه: ممكن سؤال؟
حسام: طبعا اتفضلي
رقيه: هوا حضره الظابط دا بيبصلي ليه
حسام : اصلا دايما بيقعد ف نفس المكان ويبص عليكي لما تيجي
رقيه بصدمه: احلف!
حسام: والله
رقيه: طب طير انت
بعد ماحسام مشي
رقيه بتكلم نفسها: احنا اتجننا
صوتها الداخلى: متجمعيش بس
رقيه بصدمه: احنناا اتجنناااا
صوتها الداخلى: متجمعيش بقولك
♡●♡●♡●♡●♡●♡
دخلت الشقه ونورت النور وهيا ماسكه كياس الأكل وحطتها عالترابيزه ودخلت غيرت هدومها
وقعدت قدام التليفزيون وبتاكل وفجأه دموعها نزلت وهيا كملت اكل عادي ، اصلي نسيت اقولكوا ان دا حال بنتنا من سنين
♡●♡●♡●♡●♡●♡
رقيه بنوم: الو يابابا
" ايوه يارقيه انتى فايقه؟
رقيه بنرفزه لانها عايزه تنام: ايوه يابابا فيه حاجه؟
" البسي وروحى عشان تحضري دفنه امك
رقيه بصويت: اييهه؟ طب....طب اقفل اقفل دلوقتي
كانت واقفه قدام جثه مامتها قبل مايغسلوها وباستها من خدها ووقفت ف ركن بعيد بس شايفه امها بوضوح وكل ذكرياتهم عدت من قدامها ودموعها نازله ، كانت ف مشاكل مع امها ، كانت دايما بتحس ان امها بتفضل بنت اختها عليها ، مكنتش بتحس ب حنيتها ، بس كل دا اتلاشي ف اللحظه دي ، كل حاجه بقت باهته مبقاش فيه امان ، حست ان ضهرها اتحنى ، مش قادره تعبر عن مشاعرها ، بعد اللحظه دي الدنيا بقت سوده.
♡●♡●♡●♡●♡●♡
فتحت عنيها مرا واحده وهيا بتنهج وكان كابوس زي كل مره خدت المايه اللى جمبها اللى بتحطها قبل ماتنام عشان عارفه ان الكابوس دا هيفضل ملازمها ، هوا فعلا كابوس مع انه واقع لازم نعيشه.
♡●♡●♡●♡●♡●♡
سمعت صوت آذان الفجر قامت من مكانها ودخلت الحمام واتوضت
لبست الأسدال ووقفت تصلي
رقيه: الله اكبر
سمعت صوت حاجه بتتقع فالصاله
رقيه بصوت مرتعش وهيا بتقرأ قرآن وف دماغها انها بتتخيل
ومره واحده حست ان الباب بيتحرك ، فضلت ثابته لحد ماخلصت الصلاه وفضلت ع وضعها
صوتها الداخلى: عفريت
رقيه: لا اكيد لا
صوتها الداخلى: لا اسمعي مني عفريت هوا عفريت
رقيه: بطلي هبل عفاريت اي ماكانت ظهرت من زمان
صوتها الداخلى: ماهوا دا جو عفاريت حاجه تقع تتكسر بعدها الباب يتحرك بعدها تلفي تلاقي واحد ودانه متاكله ف وشك بيقولك وعينه مبرقه ' هااااااى ' ومره واحده يرفع سكينه ويبصلك بنظره سايكو ابن ناس ويقولك ' لو مباقتيش ليا مش هتبقي لغيري ' ...
رقيه: ثانيه ، ثانيه بس هوا ليه هيقولى لو مباقتيش ليا مش هتبقي لغيري
صوتها الداخلى بسخريه: انتى مش عايشه فالدنيا ولا اي ياابله
رقيه ولسه هتتكلم سمعت صوت نونه قطه بصت وراها لقت قطه كيوت قاعده ع السرير وبتبصلها بعيون جميله
صوتها الداخلى: يكسفتى
رقيه: اتكتمي بقا
رقيه بصت للقطه ومسكتها وحضنتها
رقيه: بقا انتى ترعبيني كدا
القطه نونت تانى
♡●♡●♡●♡●♡●♡
كانت راكبه الميكروباص ومفيش مكان فاضي ف وقفت ، الميكروباص وقف وفيه شاب طلع وقف جمبها ، الشاب بصلها واتصدم ، دي هيا!! اللى شافها اول مره ف حياتو وعينه اتعلقت بيها ولما شافها تانى كان مبسوط لانه اعجب بيها وبقا متابعها من بعيد وفرح جدا لما امبارح عملتله حركه علي ربيع وخدت بالها منه اخيرا
فجأه الميكروباص فرمل جامد ف ايديها سابت ملحقتش حاجه تلحقها غير حضنه كانت مغمضه عنيها ومستنيه انها تقع بس حست ب دفى وأمان بقالها كتير بتدور عليهم وايد جامده محاوطه كتفها ، فتحت عنيها ورفعت راسها لقت اللى بيبصلها بعيونه البني الجميله.
يوسف بهمس: اصمله عليكي
بعدت بسرعه
وشها احمر بتحاول تداريه ، اول مره يشوفها مكسوفه ، شكلها عحبه وهيا شبه الفرولايه كدا ، ابتسم! ، بس اللى خرجه من سرحانه صوت رنه موبايله
يوسف: الو ... ايوه انا راكب اهو وجاي .... لا يبني العربيه عطلت ف قولت انجز نفسي .... طب تمام مش هتأخر
وقفل موبايله ، كل دا وهيا متابعه الكلام والنظرات
صوتها الداخلى بغمزه: اي الدنيا ، مش دا حضره الظابط يوسف ولا انا جالى شلل ف عيني
رقيه بتهمس لنفسها: هوا واسكتي بقا مش وقت اهلك
رقيه: هنا يسطااا
ونزلت ، حست بحد بيناديها لفت وشافته ، دا هوا!! بيجري عليها
صوتها الداخلى بغناء: وتعالى تعالى تعالى ياحبيب القلب ياروحي تعالى
رقيه: اخرصيييي
يوسف: كنت عايز اقولك ان انا اسف بجد انا كنت عايز الحقك
رقيه: لا عادي ولا يهمك
يوسف بتوتر وابتسامه وهرش ف دماغه: طب كنت عايز اتكلم معاكي
رقيه: معلش اصلي مبتكلمش والله
يوسف: ايه؟
صوتها الداخلى: ايوه انا خرصه الكلام دا مسجل عادي متحبكهاش
رقيه: مش قصدي قصدي نتكلم ف اي وازاى؟
يوسف: ممكن اخد رقمك يعني و...
رقيه بحده: لا.
صوتها الداخلى: اخرص يقليل الأتب
وسابته ومشيت بسرعه
♡●♡●♡●♡●♡●♡●♡
كان قاعد ف مكتبه ماسك ورق كتير ودماغه شغاله بيربط الخيوط ببعض عشان يقدر يوصل ل حل ويعرف مين الجانى ، فجأه جت صورتها قدامه ، " اعرفكم ياساده عن ابننا اللى عايش ف دور العاشق اللى عليه طار دايما مستخبي وبيظهرش قدام بنتنا عشان تشوفه حتى وتحبه زي مابيحبها شافها اول مره عينه اتعلقت بيها بقت بتظرله صدفه "
يوسف: طب ياترا هتشوفني عيل اوي عشان طلبت رقمها ولا عادي
صوته الداخلى: لا عادي طبعا يمعلم هيا كدا مش هتشوفك عيل هيا كدا هتشوفك حاجه يعجز لسانى عن نطقها
يوسف: طب ليه يعني دا مجرد رقم وانا نيتي سليمه
صوته الداخلى: طب خاف عليها للتكسر يحبيبي
يوسف باستغراب: هيا اي دي؟
صوته الداخلى: نيتك
يوسف: بس يابن ال.....
♡●♡●♡●♡●♡●♡●♡
كنت قاعده ف مكتب الظابط بعد ما الشويش دخلنى ، كنت قاعده متوتره اوي وبهزر رجلي وباكل ضوافري من الغيط
الباب اتفتح و دخل الظابط
دا هوا!!
قومت وقفت من هبيته اللى سحبت الاكسجين من المكان ، حسيت انه اتصدم لما شافني بس حاول يداري صدمته ، يوسف راح قعد ع كرسي المكتب وشاورلها ب ايده بمعني اتفضلي ف. هيا اتفضلت
يوسف: خير يا انسه فيه حاجه
رقيه بتوتر وبتفرك ف ايديها: كنت جايه ابلغ عشان شنطتى اتسرقت وفيها فلوسي وبطاقتي وبلاشر شيجلام وماسكرا m.n
يوسف بصدمه: انتى لو بتشتمي ف ربنا يسامحك
رقيه: بشتم اي حضرتك دول الميكب بتاعي
يوسف بصدمه وبيقلد طريقتها: الميكب بتاعك
رقيه ببساطه: ايوه!
ومره واحده قام وقف ورزع بأيده ع المكتب: انتى جايه تهزرى هنا
رقيه قاعده وبصاله بخوف
يوسف بزعيق: قومي فزى لما اكلمك
رقيه قامت برعب
يوسف بعصبيه: لما اكلمك تردي عليا
رقيه بتلعثم: ووالل....والله...اا...انا
يوسف بعصبيه: كلميني من غير تهتهه
رقيه بعصبيه ودموع: انت بتزعق ليه اصلا متزعقليش انا جايه اعمل زفت بلاغ عشان حاجتى اتسرقت وجبت رقم الموتسيكل لولا بس انى معرفش ازاى بتجيبو العنوان من نمره الموتسيكل مكنتش جيت هنا واتحوجت لواحد زيك ، همجي!
يوسف كان باصص لها وغرقان ف ملامحها مسمعش ولا كلمه من اللى اتقالت اصلا كل اللى مركز عليه ، عيونها!.
يوسف بسرحان: عيونك
رقيه بعصبيه خفيفه: مالهم؟
يوسف: حلوين اوى
رقيه بلعت ريقها وحست ان كدا كتير عليها
رقيه بتوتر: انت انسان مش محترم
وسابته ومشيت
♡●♡●♡●♡●♡●♡●♡
كنت قاعده قدام طفل عنده ٧ سنين " اصل نسيت اقولكو ان انا خريجه آداب " مش اللى جه ف دماغكو ، انا خريجه آداب وكنت بسلي وقتي وبدرس ل الطفل دا انجليزي " ، نرجع لموضوعنا بقا كنت قاعده بعلمو ازاى يحسن خطو
رقيه: بص بقا ياسليم لازم نكتب الA ع السطر ومينفعش نكتب وف الاخر السطر ينزل يشرب من البحر فاهمنى ولا اي؟
سليم بتفكير: طب هوا ازاى يامث "يامس" هينزل يشلب " يشرب" من البحل " البحر" ومفيش بحل " بحر" اثلا " اصلا" فى الكلاسه " الكراسه" ؟
رقيه وهيا فاتحه عنيها نص فتحه وبتحاول تترجم كلامو: بعيدا عن نص كلامك اللى انا مش فهماه بس طول عمرنا واحنا صغيرين بيقولولنا ان مينفعش السطر ينزل يشرب من البحر
سليم: طب اي لأيك " رأيك " مكتبش خالث " خالص" عشان ايدي نونو بتوجعني
رقيه: يسلاااام
سليم ببراءه: والله
رقيه ولسه هترد لقو الجرس بيرن
سليم بحماس وهوا بيجرى على الباب: بابا جه بابا جه
فتح الباب ودخل ابننا المشرف العظيم بابا جه
يوسف وهوا بيشيل سليم: حبيب قلب بابا ه....ولسه هيكمل اتصدم ، دي هيا ! ، رقيه مكانتش تقل حاجه عن صدمته
صوتها الداخلى: بابا مين وانت مين وانا مين واي اللى جابني هناااااا
يوسف: مين دي ياسولي؟
سليم: دي المث " المس " بتاعتي ياخالو !!!
صوتها الداخلى: خالو؟؟؟؟؟!!!!!! يعني ايه يعني؟!!!
يوسف راح عندها وسليم قعد ويوسف قعد هوا كمان
يوسف: انتى المس بتاعتو؟
رقيه هزت دماغها
يوسف: تمام خلصتو ولا لسه؟
رقيه لسه ف صدمتها: لسه
ف اللحظه دي دخلت بنت جميله ف التلاتينات كدا كانت ماسكه ف ايديها صنيه عليها عصير فراوله لبنتنا
صوت رقيه الداخلى: يعني المزه دي مراتو؟
البنت حطت الصينيه وراحت حضنت ابننا
البنت: بقا كدا تغيب عننا كل دا سليم كان زعلان منك اوي بس لما شافك انبسط
رقيه كانت بتشرب العصير وشرقت من الصدمه وتنحت
صوتها الداخلى: احيه!
يوسف بصدمه: طب خدى اشربي مايه
رقيه شربت وقامت وقفت بسرعه
رقيه: انا لازم امشي نبقي نكمل المره الجايه ياسليم يلا عايزين حاجه سلام عليكم
وطلعت تجري ع الباب
يوسف بسرعه: استني يامياده الحق اشوف مالها
مياده بنظره غريبه وكأنها فهمت ان اخوها !! بيحب البنت دي" ايوه ياحبايبي اخوها بس ابنها بيقولو بابا عادي ، ايه مسمعتوش عن مثل الخال والد ولا ايه "
♡●♡●♡●♡●♡●♡●♡
ركبت الاسانسير وقبل ما الباب يتقفل لقيته دخل ف رجعت خطوه ولزقت ف مرايه الاسانسير والباب اتقفل ويوسف مد ايده وداس ع الزرار والاسانسير اتحرك
رقيه بعدم استيعاب مسكت ايده جامد وقربت خطوه منه بخوف لانها عندها فوبيا ، اما هوا ف اتصدم بس ابتسم ع شكلها وهيا مغمضه عنيها وماسكه ايده الكبيره ب ايديها الاتنين اللى ف نظره صغيرين مقارنه ب ايده
يوسف بهمس: علفكرا احنا لازم نطلع
رقيه فتحت عنيها ونفضت ايده جامد وطلعت من الاسانسير بسرعه ، اما هوا ف طلع وراها بسرعه
يوسف: طب استني طيب افهمك
رقيه بتمد بسرعه
يوسف: والله ما مراتى دي اختى
رقيه وقفت مره واحده وهوا وقف قدامها بالظبط: اختك ازاى يعنى وسليم قالك يابابا؟!
يوسف: عشان ابوه متوفي ف بيقولى بابا عادي
رقيه وفيه لمعه حزن جت ف عنيها بس ف لحظه خافتها لانها مبتحبش نظره الشفقه لانها شافتها من ناس كتير جدا
رقيه وحاولت ان صوتها يخرج طبيعي: ربنا يرحمه وعلفكرا مكانش ليه لزوم تجري ورايا كل دا عشان تبربرلي حاجه
يوسف: اولا اسمهها تبررلي مش تبربرلي
رقيه بأحراج: ايوه صح وثانيا
يوسف: ثانيا بقا انا بعمل كدا عشان مهتم !!
صوتها الداخلى: ايوه اديها ع دماغها
رقيه بحمحمه: مهتم ليه اصلا
يوسف: يمكن عشان بحبك مثلا
رقيه بأقتناع: تصدق صح!
رقيه بأستيعاب: اقصد يعني بتحبنى امتى وازاى واصلا متعرفنيش
يوسف: ومين قالك انى معرفكيش!
رقيه بصدمه: ايه؟
يوسف: ايه؟
رقيه: انا لازم امشى
قبل مايرد سابته ومشيت بسرعه ، بس كانت فيه عربيه جايه بسرعه جدا ، و فى لحظه كان شاددها من وسطها بأيده لحضنه ، اما هيا ف كانت بتتنفس بسرعه وهوا كذالك
♡●♡●♡●♡●♡●♡●♡
كانو قاعدين ف عرييته وهوا مرجع راسه لورا ونفسه عالى ، دا كان هيخسرها ، ازاى؟؟ مينفعش اصلا تروح منه
رقيه بهمس وخوف و رقه مش قصداها: يوسف
يوسف فتح عينه وبصلها شويه: شيلي ايدك ومتنطقيش اسمي تانى غير بعد مانتجوز عشان معرفش همسك نفسي ولا لا ، اناا ع تكه
رقيه شالت ايديها بسرعه وبصت من الشباك وهيا بتحمحم
صوتها الداخلى: تتجوزو اي ياابله انتى واقعه ع ودانك ولا اي
رقيه بإستيعاب: ايوه اي نتجوز دي!
يوسف بنظره خبث: ايه؟!
رقيه: نتجوز ازاى يعني مش فاهمه
يوسف بنفس النظره: لما نتجوز هقولك يعني اي نتجوز
رقيه: بزمتك انت فاهم اللى انت بتقوله دا
يوسف: كنت عايز رقم ابوكي
صوتها الداخلى: ميت
رقيه: متوفي
يوسف: ربنا يرحمه ، طب رقم مامتك
صوتها الداخلى: ميته
رقيه: متوفيه
يوسف: ربنا يرحمهم ، طب رقم اخوكي
صوتها الداخلى: معنديش والله ياباشا
رقيه: معنديش اخ
يوسف: طب رقم اي حد
رقيه: عايز الرقم ليه طيب
صوتها الداخلى بغمزه: يابتتت
يوسف: عشان اخد معاد واجى اشوف بيتكو نضيف ولا لا
صوتهة الداخلى بضحك: حلوه دي ياض
رقيه: لا والله
يوسف: اه والله!
رقيه بأندماج: طب العيله كلها ميته يلا بقا واتفضل اطلع برا
يوسف: تمام هاتى رق.... اييه اييييه اطلع برا ازاى دي عربيتي
رقيه: اه سوري اتحمست شويه
صوتها الداخلى: معانا واحده هطله هنا يااستاذ
رقيه: ع العموم دا رقم اختى وكلمها ومنك ليها بقا
وفتحت الباب ونزلت بسرعه
♡●♡●♡●♡●♡●♡●♡
كنت قاعده قدامه بعد مااخواتى واهله سابونا لوحدنا شويه
رقيه: طب يااستاذ يوسف انا عندي شويه كلام عايزه اقولو
يوسف بحب: سامعك
رقيه: مبدأيا كدا لو حصل نصيب متزعقليش!
يوسف: حاضر
رقيه: تمام ، عايزاك تبقي معايا ف كل حاجه
يوسف بهدوء: بمعني؟
رقيه: بمعنى انك متسبنيش لدماغى لانك اتاسبت لدماغى كتير اوي والنتيجه انى كنت بعيط يرضيك اعيط؟
يوسف بأبتسامه: لا طبعا ميرضنيش ، كملى
رقيه: متخلنيش انام معيطه حتى لو ولعنا ف بعض بس اهم حاجه تفهمنى وحاول متجرحنيش بالكلام ولو اتخانقنا تيجي تصالحنى هصالحك عادي والله ولو غلطت تقولي غلطت ف كذا عشان اتعلم من غلطى مش ازعل!
يوسف بحب: انا مش بحب اقول انا العوض وكدا بس بأذن الله هثبتلك ان انا العوض فعلا بس افعال
رقيه: تطمنى ع طول انك مش هتسبني ودايما تفضل تحب فيا وتشجعني حتى لو قصيت ضوافري تقولي برافر اشطر كتكوته ف الكتاكيت كلهم ، تحبني اوفر بص انا عايزه حبك ليا يوصل للسما وتفضل تقولي بحبك كتير اوي
يوسف بابتسامه: بحبك!
رقيه بتوتر: لا مش دلوقتي لما اجى اعمل اي انجاز
يوسف بحب: كون انك قدامى وانا بتقدملك عشان اتجوزك دا اكبر انجاز
رقيه بكسوف: علفكرا انت
يوسف بصلها: انا ايه؟
رقيه بتوتر: انت جميل ، جميل جدا
يوسف بابتسامه: ايوه كدا ، نقرا الفاتحه بقا يامراتى !
♡●♡●♡●♡●♡●♡●♡
كنا قاعدين ف نفس الكافيه ، موديه وشي الناحيه التانيه من الخنقه
يوسف بحنيه: طب متزعليش طيب والله ماكنت اعرف انها هتعمل كدا وبعدين مانا صدتها بشياكه
رقيه بعصبيه ودموع: ماشي صدتها بس هيا ليه اصلا تيجي تسلم عليك وبعدين انت مكنتش شايف هيا بتبصلي ازاى ولما عرفت ان احنا كتبنا الكتاب كان هاين عليها تجبني من شعري
يوسف: هيا واحده و*** ملناش دعوه بيها متزعليش طيب
وقام ناحيه الكرسي اللى جمبها ولسه هيحضنها بعدت شويه
رقيه وهيا رافعه صابعها ف وشه بحذر: انت هتعمل اي
يوسف ببراءه مصتنعه: هحضنك!
رقيه: يسلاااامم
يوسف بحنيه ومسك ايديها ب ايده الاتنين : حقك عليا بس والله انا صدتها
رقيه بحزن مصتنع: مش كفايه
يوسف: يعني هوا انتى سكتي مانتى ضربتيها بالقلم
رقيه ببراءه: ماهيا اللى استفزتنى!
يوسف بحنيه وبيطبطب ع ايديها: انتى تعملى اللى انتى عايزاه!
♡●♡●♡●♡●♡●♡●♡
كان قاعد ف الشقه معزوم عندنا لانى اختى نزلت مصر وقالت نعزمه ، بعد شويه وقت جرس الباب رن
ندي " اختى ": مين يافيري
فريده " بنت اختى " وهيا فاتحه الباب: دا واحد يامامى لابس بدله
يوسف بصلي بأستغراب وانا استغربت بردو ، ندي راحت تشوف مين وانا ويوسف سامعين الحوار
ندي: ايوه حضرتك عايز مين
"مش دا بيت الانسه رقيه محمود؟
ندي: ايوه حضرتك مين
" بصراحه يافندم انا بشوف الانسه رقيه كتير وكنت يعني طالب القرب
اول ماسمعت كدا بصيت ليوسف لقيته شويه كمان وهيطلع نار من بوقه ، ومره واحده قام ناحيه الباب
يوسف قبل ما ندي ترد: طب اتفضل ياحبيبي ومالو
الشخص ابتسم ودخل كان ماسك بوكيه ورد
يوسف وهوا بياخده منه وبيرميه ع الارض: هات دا كدا مش عاجبني
♡●♡●♡●♡●♡●♡●♡●♡
يوسف كان قاعد قدامو وانا وندي جوا ف الاوضه بس فاتحه الباب وسامعه الحوار كلو
يوسف وحاطط رجل ع رجل وايده تحت خده: قولي بقا يااستاد ااا هوا اسمك كان ايه؟
عماد: عماد يافندم اسمي عماد
يوسف بعصبيه مخفيه: ايوه صح ، المهم كنت جاي عشان القرب والبعد وكدا ورقيه
عماد وبيعدل نضارته وبدأ يخاف من طريقته: ايوه حضرتك
يوسف قام مره واحده ومسكه من ياقه قميصه بعنف: واللى خلاك تشوفها وتعجب بيها مش شوفتها ليه وهيا بيتكتب كتابها يروح امك
ساعتها انا طلعت جري وندي ورايا
كنت لسه هتكلم يوسف بصلي وزعق: لو حد قرب هيزعل
يوسف مسكه من ياقه قميصه وزقه بعنف وخرجه برا الشقه
♡●♡●♡●♡●♡●♡
كنت قاعده قدامه خايفه منه بعد ما ندى قالتلى اقعدو لوحدكو شويه ، كان صوت نفسه عالى وبيبصلي وبيهز رجله من العصبيه
رقيه بخوف: طب
يوسف بعصبيه: انتى تسكتي خالص
رقيه: طب انا مالى يعني هوا انا اللى ضربته ع ايده عشان يعجب بيا
يوسف بعصبيه: انتى متخيله ان هوا جاي يطلب ايد مراتي
رقيه وهيا كاتمه الضحكه: عادي يعني متحبكهاش
يوسف بغيره: لا مش عادي انتى اتكتبتي ع اسمي مينفعش حد يبصلك
رقيه بحب وقامت تقعد جمبو ع الكنبه: انت بتغير؟
يوسف: لا مبغيرش اغير ليه يعني
رقيه وهيا بتمد ايديها لبطنه وبتزغزغه: لا بتغير والله يابطه
يوسف ضحك وحاول يبعد ايديها: يبت بس مش بغير لا
رقيه ومكمله زغزغه: والله بتغير عليا ياكوتي انت
هنا ندي طلعت ، ورقيه شالت ايديها بسرعه
يوسف بحب: ايوه انا كوتها وبطتها
ندي بابتسامه: ايوه ياعم خدت الحب كلو لوحدك
♡●♡●♡●♡●♡●♡●♡
قفل باب الاوضه بعد ما الفرح خلص " ايوه اتجوزو عايزين نخلص انا خلقي ديق "
اما هيا ف كانت واقفه بتفرك ايديها وبتبص حواليها
يوسف بحنيه قرب منها بس هيا بعدت بسرعه وهيا بتبصلو
رقيه بخوف: انت بتقرب ليه
يوسف ابتسم وقرب منها ومسك دماغها وباسها وراح حضنها بحنيه
يوسف بحنيه وهوا بيطبطب ع دماغها: مبروك
رقيه منغير تفكير: عقبالك
يوسف ضم حواجبه بأستغراب: ايه؟
رقيه: ايه؟
يوسف بعد عنها وهوا بيقلع الجاكيت: كدا كتير والله
رقيه بخوف: انت بتقلع الجاكيت ليه
يوسف: عشان اغير هدومي
باب الاوضه خبط يوسف راح فتح وكانو مطلعين الاكل ماهما كانو حاجزين الاوضه دي ف الفندق لحد مايسافروا
رقيه نسيت خوفها اول ماشافت الاكل: اي دا الله
وقعدت تاكل اما هوا ف سابها ودخل الحمام
بعد ربع ساعه خرج لقاها لسه قاعده بتاكل
يوسف بصدمه: انتى لسه مغيرتيش؟
رقيه: ونبي يايوسف اسكت دول بيعملو الحمام المحشي يجنن ولا الكفته يخرابي
يوسف بصدمه: مانا عارف بس احنا مش جايين ناكل احنا عندنا حاجات اهم بكتير وبعدين مغيرتيش ليه انتى؟
رقيه وهيا بتاكل: اصل سوسته الفستان معرفتش افتحها ف كملت اكل
يوسف: طب هاتى افكها انا
رقيه بلامبالاه: لا مش مهم انا كدا كدا سمعت صوت فتئ " قطع " ف مش مهم تعالا كل معايا
يوسف بصدمه: فزئتى الفستان؟؟
رقيه: ايه فزئتي دي ماتحسن ملفظك يابغل انت
يوسف: انا بردو اللى بغل ، هوا الفستان اتقطع من شويه ماهوا من كتر الحشر
رقيه: انت يبني عايش عشان تبصلي ف الاكل ، بردو ف الكافيه كنت بتفضل تبصلي عينك كانت بتخرم الاكل
يوسف: يعني انتى كنت بتشوفيني وانا ببصلك
رقيه وهيا بتاكل: ايوه طبعا وكنت واخده بالى انك معجب كمان وانا هبله ولا ايه
يوسف: وهوا ماسك كوبايه ازاز فاضيه: اه واي كمان
رقيه بتكمل اكل: وبصراحه انت مز ومفكش غلطه ف كنت بخطف نظرات كدا من تحت لتحت وحبيتك شوفت اه والله حبيتك وفرحت اوي لما الويتر قالى انك بتبصلي كتير وشكلك بتحبني
يوسف وهبد الكوبايه وكسرها وبيجري وراها ف الاوضه وهوا بيقول: يعني انتى سايبانى كل دا فاكر انى بحب مع نفسي
رقيه وهيا بتجري منه: والله مكنت اعرف انك بتحبني
وفضلو يجرو ورا بعض لحد مارقيه وقعت ع السرير بتعب وهوا وقف قدامها
رقيه وهيا بترفع ايديها ب استسلام : جيم اوفر
يوسف لسه هيقرب يقومها اتكعبل ف فستانها ووقع عليها فوق السرير
رقيه حطت ايديها بتوتر ع صدره: قوم
يوسف باستمتاع ب توترها: لا
رقيه بكسوف: قوم ومتبقاش تنح
يوسف: انا تنح؟
رقيه: اه ومعندكش دم كمان
يوسف: بقا كدا
رقيه: ايوه كدا
يوسف: طب مترجعيش تعيطي بقا
رقيه بخوف: هتعمل ايه؟
يوسف بخبث: هنجيب عيل يبقي تنح شبهي
♡●♡●♡●♡●♡●♡●♡
كنت قاعده لابسه الاسدال ولافه طرحته كويس وهوا قاعد قدامى
يوسف: يبنتي انا يوسف جوزك والله بس حلقت دقني
رقيه بأصرار: لا انت مش جوزي جوزي قمور وبدقن تقيله كدا تملى العين
يوسف بعصبيه: والله انا جوزك طب اثبتلك ازاى
وقام عشان يقرب منها
رقيه بزعيق وخوف وقامت وقفت وكانت ماسكه عصايه المقشه وحطتها ع صدره وزقته
رقيه بزعيق: متقربش
يوسف قرب تانى وهيا زقته تانى
رقيه بزعيق: متقربش بقولككك
يوسف مسك عصايه المقشه وشدها جامد ف هيا اتشدت معاها وخبطت ف صدره ولسه هتبعد مسكها من وسطها
يوسف بخبث: استني متفركيش هعرفك انا جوزك ولا لا
رقيه بعصبيه: انت عبيط يلا رجعلى جوزك ابو دقن المسمسم تانى انا مش بحب الاملس
يوسف بخبث: ما كدا كدا الدقن هتطلع تانى سبيني اعرفك انا جوزك ولا لا بقا
ولسه هيقرب منها خرج طفل عنده ٤ سنين من الاوضه وهوا بيفرك ف عينه من آثر النوم
يونس بنوم: بابي انت بتعمل ايه ف مامي
رقيه اتكسفت وخبت وشها ف صدره
يوسف بضحك: كنت بشوف عنيها ياحبيبي
يونس بنوم: هاتولى اخ صغير العب معاه يابابي
يوسف بخبث: من عنيا ياقلب بابي ، ادخل نام انت
يونس دخل الاوضه تانى ورقيه رفعت وشها وخبطته ف صدره بكسوف
رقيه بكسوف: انت وابنك مشوفتوش تربيه
يوسف بخبث: ماتسمعي كلام ابنك
رقيه بكسوف: يوسف
يوسف بحب: قلبو
انا_و_حبيبي🤎
ŠöĽå🦋✨️
ميكس_بكرنش
حبيت اعمل اسكريبت يكون كوميدي ع رعب ع اكشن ع حزن ع رومانسي و ميكس " بكرنش " دا لو ركزتو هتلاقو انى واخده من كل كلمه حرف من الكلمات دي " كوميدي ، رعب ، اكشن ، حزن ، رومانسي " ف طلع بكرنش اول مره اعمل حاجه زي كدا ويارب يكون حلو🤎
• تابع الفصل التالى " رواية انا وحبيبي " اضغط على اسم الرواية
تعليقات
إرسال تعليق