رواية والعلة هى العشق الفصل الرابع 4 - بقلم سولييه نصار
الفصل الرابع(خوف )
اترعشت دلال وهي بتبص على اخوها اللي بيقرب منها مسك ايديها وشدها ليه وهو بيقول :
-انطقي يا بت ايه بتقوله امك ده ؟! انطقي والا هقتـ لك ....الواد ده عمل ايه معاكي
الر عب بان في عينيها وهي بتبص لاخوها ....ارتبكت منيرة وهي بتبعد قصي وبتقول :
-ايه اللي بتقوله عن اختك ده يا قصي انت اتجنـ.نت .... دلال مش كده يا بني ...أنا بس قصدي أنها حبته وهو خد عها ....مش قصدي حاجة تاني ...
فضل قصي يبصلها بشـ ك وقرب منها وقال :
-وديني لو اكتشفت انك بتخد عيني والله ما هرحمك ...فاهمة ولا لا ....
بلعت ريقها وهي بتترعش وهزت رأسها وهي حاسه بالدموع السخنة بتحر ق عينيها ...كان نفسها تحضنه وتعتذر منه .... تطلب منه يسامحها ...هي بتحب قصي اخوها اكتر من اي حد في العالم ...هو الوحيد اللي محاولش يستـ.غلها .....هو الوحيد اللي دايما عايزها تمشي صح ....وهي خذ لته للأسف ....كانت خايفة تقوله على اللي عملته يكر هها...هي مش هتتحمل أن قصي يكر هها ..هو بالذات مش هتتحمل أنه يكر.هها...عايزة صورتها دايما تفضل في عينيه حلوة ...مش عايزاها تتشو ه ....
شافته وهو بينسحب وبيطلع للصالة لما طلع مقدرتش تتمالك نفسها وحطت ايديها على بوقها وفضلت تعيط ...تعيط من قلبها ...كانت بتعيط على كل حاجة ...حب خذ لها ...واخ ممكن يكر هها وام بتسـ تغلها....
مسكت منيرة دراعها وهي بتقول :
-أنتي يا بت اتصرفي ...لازم تخليه زي الخاتم في صباعك...اياكي ترجعيلي مطلقة ...متنسيش أن قاسم بيحب المخفية بنت عمه مش عايزة تكون ليها اي فرصة معاه ابدا ...فاهمة ولا لا ...لو رجعتيلي مطلقة أنا هقتلك ...فاهمة؟!
دموعها نزلت وهي بتهز راسها ......
...........
في البيت الكبير بتاع جابر السيوفي كان قاعد على الكرسي بتاعه وعقله مشغول بلينا ....لحد دلوقتي دموعها مش سايباه في حاله ...لينا فاكرة أنه ظلـ مها بس يمكن ده احسن ليها ...طول عمره شايف أن قاسم مش يليق بلينا...قاسم واحد متملك زيادة عن اللزوم ...لينا مش هترتاح معاه ابدا ..كان بيحاول يشيل الذ نب عنه ...صحيح هو فكر في دلال بس كمان هو مش ناسي لينا....مش هيرتاح الا لما هي ترتاح كمان ....غمض عينيه وافتكر اللي حصل
.........
-ابنك د مر مستقبل بنتي وسمعتها يا جابر يا سيوفي ...اخد اللي عايزه منها وهر ب ....بنتي خلاص راحت فيها ....اخوها لو عرف هيقتـ.لها ...منكم لله ...منكم لله ...
كانت أم دلال بتز عق وهي بتلطم وجابر بيبصلها بصد مة ...مكانش قادر يصدق أن زين يعمل كده...مش قادر يصدق ...
-مش مصدق ...زين اللي أنا ربيته يعمل كده !!!
قالها بصدمة والدموع بدأت تتكون في عينيه ...جابر السيوفي لأول مرة يحس نفسه مكسو ر ...زين فعلا كـ سره ....هو طول عمره حاطط ثقته في زين ...هو اللي رباه وكان بيفضله على كل أحفاده ...مش مصدق أنه يعمل فيه كده....دعك عينيه بتعب فكملت :
-أنت ايه هتسكت ...هي دي الأمانة اللي سابها صاحبك ....بقولك حفيدك لعب ببنتي اخد اعز ما عندها وهرب ....اعمل انا ايه دلوقتي ...محدش هيرضى يتجوزها...بنتي خلاص هتعنس ...بنتي هتتفـ ضح !!!
هز جابر السيوفي رأسه وقال:
-لا مستحيل اسمح بكده ...دلال هتدخل بيتي .....هتبقى من العيلة ...هتتجوز قاسم حفيدي ....اخوه!!!
يتبع
والعلة_هي_العشق
سولييه_نصار
•تابع الفصل التالى " رواية والعلة هى العشق " اضغط على اسم الرواية
تعليقات
إرسال تعليق