رواية عشق على صفيح الموت الفصل الثالث والثلاثون 33 – بقلم ايلا ابراهيم

 رواية عشق على صفيح الموت الفصل الثالث والثلاثون 33 – بقلم ايلا ابراهيم 

عشق_على_صفيح_الموت 33

صديقه زينب رنا : زينب المدير عايزك في مكتبه بسرعه. 

زينب باستغراب : بسرعه ليه . عايز ايه الاستاذ معاذ..

رنا : استاذ معاذ ايه ده المدير الجديد استلم الشغل النهارده.

زينب باستغراب : امتى حصل الكلام ده … 

رنا : طبعا مش هتعرفي منتي غرقانه بالعسل مع مصطفى بيه وبقالك كتتتير واخده اجازه..

زينب بضحكه : الله اكبر. بلاش قر يابنتي..قولي ماشاء الله. 

رنا :  اطمني ياختي  مش هحسدك  ادعيلي ربنا يطعمنى زي ما طعمك يارب … الا قوليلي هو معندوش اخ صاحب شبهه  كده 

زينب بضحكه : هسألك ..

رنا بحماس : اه وحياتي يا زينب  متنسيش .

زينب من عنيا هروح اشوف المدير عايز ايه وراجعالك..

*********

رجع كاظم من برااا وهو بيدور على جمرة ولما مسمعش رد قلق عليها  كاظم : جمرة .. ياحبيبتي روحتي فين الاكل وصل  جمره… ولما قرب من الحمام خرجت عليه عشان تخضهه لكنه حاوط خصرها ومسكها بسرعه وهو بيقول : مسكتك…

جمره وهي بتضحك  بتذمر : دائما بتقفشني..

كاظم وهو بيضغط على خصرها بغيظ : على فكره خضيتيني بجد…

جمره بدلال :اتخضيت ليه.. كنت فاكر اني همشي مثلا. و اسيبك ..

كاظم بحب : لا طبعا انا واثق في حبيبتي وأنها بتحبني وبتثق بيا ومش هتعمل كده ابدا..

جمره حاوطة رقبته بحب وسألته : اومال اتخضيت ليه .

كاظم بابتسامه : مش امبارح كنتي مخطوفه بسبب اهلك ماهما اهلك ماشاء الله مشاكلهم مش بتخلص..

جمره بعدت عنه بانزعاج : قصدك ايه..

كاظم رجع شدها ليه تانيه : مش قصدي حاجه لكن .

جمره بانزعاج : انت قصدك اهلي بتوع مشاكل..

كاظم حس أنه عك الدنيا : بلاش تفسري كلامي غلط..

جمره بغضب : مهو ده التفسير الوحيد لكلامك.

كاظم مسح وشه بغيظ : لاحول والا قوة الا بالله.. ايه ياحبيبتي حابة تنكدي يعني متنسيش أننا من شوية بس اتصالحنا.

جمره : انكد انا انا اللي هنكد والا انت.

كاظم حاوط وشها بسرعه واتكلم  : خلاص.. خلاص ياروحي كلمة وقلتها بلاش تقفي ليا عالكلمه..

جمره بعدت عنه بغيظ لكنه شدها بابتسامه : بلاش تتقمصي ياروحي حقك عليا..ماقولتلك مكنش قصدي 

جمره بضيق وهي بتعد عنه : طيب ماشي..

كاظم بابتسامه : لا مش ماشي باين انك لسا متعصبه مني وانا مايهونش عليا اسيبك كده

جمره بجمود : خلاص ياكاظم مش زعلانه

كاظم : لا ابدا انا لازم اصالحك وووو

***********

كان مصطفى بيشتغل في قضية مهمه ومركز فيها لما جاله تلفون من رنا صاحبة زينب وهي بتعيط  وبلغته أن زينب مقبوض عليها بالقسم ومش عارفه تتصرف.  

اتجنن و ساب كل حاجه وجري عليها ….

يتبع…

  •تابع الفصل التالي “رواية عشق على صفيح الموت” اضغط على اسم الرواية