رواية زواج قهري كاملة بقلم أروى اسماعيل عبر مدونة كوكب الروايات
رواية زواج قهري الفصل الثالث 3
أحمد: ايه ي ابني ما تنطق بتكلم مين مالك سكت ليه.
أسامة: بكلم صحبي عادي ي بابا انا بس اتخضيت منك اول ما دخلت عليا.
أحمد: انت بتضحك عليا ي اسامة طب ليه قفلت ي استاذ لما دخلت اختك فين.
أسامة: و انا اعرف هي فين منين منا بدور معاكو اهو و بكلم صحابي عشان يدورو معايا.
أحمد: ماشي هعمل نفسي مصدقك ها وصلت لحاجة بقى.
أسامة: لاء لسة ي بابا اول ما اوصل ل حاجه هقولك.
…………………………… في بيت خالة علا………………….
علا: انا خايفة اوي ي خالتو بابا مش هيسكت و ممكن يخل. ص عليا.
خالتي(سعاد): اهدي ي علا ان شآء الله مش هتوصل كدة.
هيثم (جوز خالة علا): ايه ده علا هنا عاش مين شافك ي بنتي عاملة ايه.
علا: الحمدلله كويسة ي عمو.
هيثم: في ي سعاد مالها علا مرعوبة كدة ليه ايه اللي حصل حد حصله حاجه.
حكيت ل (عمو هيثم) كل حاجه و انه بابا دلوقتي زمانه قالب عليا الدنيا و اني مرعوبة بسبب كدة رد و قال: بصي ي علا ابوكي دا اكيد اتجنن بس انا معاكي متقلقيش و هقف قصاد ابوكي لو عمل ايه.
حسيت بأمل رجعلي و انه حد ممكن يقف فعلا قصاد بابا من غير ما يكون خايف من العواقب.
…………………………. في بيت علا…………………………….
فيروز: ها ي أحمد وصلت لحاجة عرفت حاجه عن علا او انت ي اسامة طمنوني على بنتي.
أسامة: لاء ي ماما موصلناش لأي معلومة بتدل على على فين بس اديني بدور اكيد هلاقيها.
فيروز: عجبك كدة ي أحمد اللي وصلناله قولتلك البنت لسة صغيرة و مش دا اوان الجواز ادينا دلوقتي مش عارفين اذا كانت عايشة او ميتة ارتحت كدا.
أحمد: اسكتي بقى انتي كمان هيبقي كلامك و بنتك اللي مش لقينها انا طالع برا ارحم من العياط اللي وجع دماغي ده.
فيروز: ابوك طلع اهو ي أسامة متعرفش اختك فين بجد انا متأكدة انك عارف.
أسامة: حتى لو عارف ي ماما مش قولك انا خايف بابا يعمل فيها حاجه.
فيروز: متقلقش مش هقوله صدقني قولي بس هيا فين انا قلقانة عليها دي لسة صغيرة على البهدلة ي اسامة.
أسامة: بصي ي ماما انا اللي اقدر اطمنك بيه اني اخليها تكلمك غير كدة لاء عشان ميبقاش في فرصة انه بابا يعرف مكانها.
فيروز: ماشي ي حبيبي انا موافقة اتصل بس عشان اطمن عليها.
…………………..في بيت خالة علا……………………………….
علا: ايه ي اسامه في جديد و بابا عامل ايه و قفلت مرة واحدة ليه انا قلقت.
أسامة: مفيش بابا دخل عليا مرة واحدة بس عرفت اقنعه اني مش بكلمك بس ماما عايزة تكلمك و قلقانة عليكي.
فيروز: علا ايه ي حبيبتي كدة متقوليش روحتي فين.
علا: حقك عليا ي ماما بس اديكي شوفت الموقف اللي بابا حطنا فيه كنت لازم اهرب و الا حياتي و مستقبلي هيضيعوا بسبب الجوازة دي.
فيروز: عندك حق ي بنتي طب خلي بالك من نفسك و هبقى اطمن عليكي كل شوية لحد ما الأمور ده.
……………………….. في بيت علا……………………………..
أحمد: الامور اكيد هتهدى ي هانم كنت متأكد انكو عارفين مكنها علا فين ي بيه.
أسامة: و انت عايز تعرف ليه عشان تروح تجبها و تخليها تتجوز غصب و تدمر حياتها ولا تخل.ص عليها.
أحمد: متعصبنيش ي أسامة هتقول اختك فين و الا هتشوف حاجه مش هتعجبك.
أسامة: ايه اللي هيحصل اكتر من اللي احنا فيه دا انا مبقتش باقي على حاجه و اللي عندك اعمله.
أحمد: بقى كدة انا كنت متأكد انك هتعاند هتنطق اختك فين و إلا مش هخليك تشوف بنتك ولا ناسي.
أسامة: ايه انت معندكش قلب عايز تخسر كل اللي حواليك عشان تتم جوازة محدش موافق عليها من اساس.
أحمد: انا مش عايز رغي كتير هتقول اختك فين ولا تنسى بنتك ليك الاختيار.
أسامة: اختيار ايه انت عايز تخلص على بنت لسة متولدش او تنهي مستقبل اختي ازاي اختار انت اكيد مش واعي لكلامك.
أحمد: يووه انا زهقت هتنطق ولا اخلص عليها.
أسامة: اختي في………
أحمد: متتكلم ي زفت انجز.
أسامة: اختي في بيت خالتي…..
- يتبع الفصل التالي اضغط على ( رواية زواج قهري ) اسم الرواية