رواية ماذا ان احببتك مرة اخرى كاملة بقلم نجمة عبر مدونة كوكب الروايات
رواية ماذا ان احببتك مرة اخرى الفصل السادس 6
بعد شوية بيوصلو الكليه
‘ انا فرحانه اوي يا توته أننا سوا
• وانا فرحانه اوي
بيجي شخص يخبط فيها فشنطتها بتقع
• مش تحاسب يا…. هو انت!
‘انتي!!
“مين ده يا فاطمة
• ده ده
بيضحك الشاب على طريقتها
‘ انا زياد، و بيوجه كلامه لفاطمة
‘ اسف تاني على موقف العربيه ده
• ولا يهمك أنا اللي كنت غلطانه اصلا
” ما تفهموني يا جماعه
• يا سارة يوم ما كنت جايه ليكو وقفت قدام العربية بتاعته بس محصلش حاجه
‘ انتو سنه اولى صح
• ايوا انت معانا هنا في الكلية ؟
‘ ايوا انا سنه تانيه
” تشرفنا و بتمسك سارة ايد فاطمة و بيمشو
بيفضل زياد باصص على فاطمة لعند ما تغيب عن نظره
زياد في نفسه ‘ جميلة اوي
بيجوا صُحاب زياد
*اي ياعم سرحان في اي
” سيبك منه شوفت الدفعه الجديده فيها شوية بنات جامدين
• اي ياعم انت وهو مش هتبطلو بقا الكلام ده
” لا يا زوز مش هنبطل
• براحتكم أنا ماشي
‘ استنى ياعم ما احنا جايين معاك
عند فاطمة وسارة كانو بيحضروا المحاضرة بتاعتهم
عند مريم كانت بتتكلم مع علي فون
” علي كنت عايزه اقولك حاجه
‘ قولي في اي
” يعني انا
‘ انتي اي
” ما انت عارف مش لازم اقول بقا
‘ بتحبيني
” لا خالص
‘ كدابه
” ما خلاص بقا
‘ قوليها مره بس
” ايوا بحبك بس خايفه
‘ خايفه لي
” خايفه تكسرني انا اتعلقت بيك اوي ايوا كانت فترة صغيرة بس انا يومي مبقاش له معنى الا بيك
بيتوتر علي لكن بيرد عليها ‘ متخافيش عمري ما هعمل كدا انا هقفل دلوقتي وهكلمك بعدين
بعد ما بيقفل معاها بيقعد يفكر هيعمل اي و هيقولها ازاي الحقيقية
عند ادهم في البيت كان قاعد مخنوق من القعده وعايز ينزل الشغل باي طريقة بس كام بيصبر نفسه إن فاطمة زمانها جايه و بيرن على حد في الفون
” جهزت كل حاجة
‘ كل حاجة تمام
” كويس استنى مني مكالمه و بيقفل
عند فاطمة وسارة كانو خلصوا محضراتهم و مروحين
• اليوم كان حلو اوي انهارده
” ايوا وبس
• بس اي
” فاطمة انا هروح اشوف عاصم
• انتي اتجنني
” ونبي يا توته
• ادهم لو عرف هتبقى مصيبه يا سارة
” مش هتاخر
• سارة انا مش مرتاحه لعاصم ده و حاسه أنه مش تمام و بيخطط بحاجة وحشه
” انتي هتعملي زي ادهم يا فاطمة انا متأكدة أنه بيحبني ونبي علشان خاطري قولي لماما و ادهم اي حاجة وانا مش هتاخر
• طيب بس خلي بالك من نفسك
” حاضر حاضر
بتمشي سارة و بتكون متفقه مع عاصم يقابلها في مكان معين هو اللي محدده
بتفضل فاطمة واقفه مستنيه تاكس بس ملقتش فضلت تتمشى شويه بيشوفها زياد و بينزل من عربيته ينادي عليها
” فاطمة
بتتلفت
• في حاجة ؟
” انتي مروحه
• ايوا
” تحبي اوصلك
بتتردد فاطمة بس بترد
• لا شكرا
” تعالى انا مش هاكلك يعني
بتوافق فاطمة لأن الكلية بعيده عن البيت
عند سارة
‘ اي يا عاصم المكان ده ملقتش غيره
” علشان محدش يشوفنا يا حبيبي
‘ طب كنت عايز تشوفني لي
” سارة احنا لازم نهرب سوا
بتتصدم سارة
‘ ن نهرب ازاي يعني و لي اصلا
” انتي مش شايفه اخوكي عمل اي وانا سكتت علشانك
‘ بس انا مينفعش اعمل كدا يا عاصم لالا مينفعش
بيقرب منها ” انتي خايفه مني
هنا سارة بتحس انها مش مرتاحه و بتقرر تمشي
‘ انا لازم امشي علشان الوقت اتاخر
بيمسك ايديها ” رايحه فين هو دخول الحمام زي خروجه
في الوقت ده كان زياد وصل فاطمة عند بيتها
• شكرا جدا مش عارفه اقولك اي
” متقوليش حاجة
بتبتسم فاطمة و بتنزل من العربيه وهي بتفكر هتقول لخالتها و ادهم اي و بتقرر أنها تقولهم أنها نزلت تجيب شويه حاجات للكلية
بتخبط و بتفتحلها خالتها
” الحمدلله على سلامتك يا حبيبتي
• الله يسلمك يا خالتو
” امال سارة فين
• سارة راحت تشتري شويه حاجات للكلية ومش هتتاخر وانا جيت علشان تعبت شويه
” طب انتي كويسه
• ايوا يا خالتو كويسه امال ادهم فين
” بيخرج ادهم من اوضته
‘ انا هنااا
• طيب
‘جيتي لوحدك يعني سارة فين
• بتجيب شويه حاجات وجايه
بتدخل فاطمة اوضتها و بتحاول ترن على سارة بس فونها غير متاح
• يوو يا سارة انتي فونك ديما غير متاح كده
بيخبط الباب
” ممكن ادخل
• في حاجة يا ادهم
” عايز اتكلم معاكي شويه
• فين اي
” عايزك تنزلي معايا دلوقتي
• ننزل فين
” هتعرفي بعدين
• تمام ثانيه بس اغير هدومي و هاجي
” مستنيكي
بعد شويه بتخرج فاطمة و بتنزل هي و ادهم
بعد شويه بيوصلو لكافية
” انزلي
• اي اللي جابنا هنا
” تعالي بس بيمسك ايديها و بيدخلوا الكافية
بتستغرب فاطمة من تعامل ادهم ليها وأنه ماسك ايدها
” تحبي تشربي اي
• اي حاجة
” انا عارف انتي بتحبي اي لمون نعناع صح
بتبتسم فاطمة و بتهز رأسها ب ايوه
بيطلب ادهم و بيقعدوا يتكلموا
” انا عارف اني في الفترة الاخيره دي ضايقتك كتير
• عادي ما انت ديما بتضايقني
” يابت ميبقاش قلبك اسود كدا
” على العموم أنا آسف، كنت عايز اقولك حاجه
• حاجه اي
” انا يعني انا
بيقطع كلام ادهم صوت رن الفون
” ايوا يا ماما
‘ سارة لسه مرجعتش البيت لعند دلوقتي يا ادهم
” مرجعتش ازاي
بتتصدم فاطمة لأن فات وقت كتير
” طب اقفلي وانا هشوف
” فاطمة سارة فين بالظبط
• سارة ف
” فين
• ادهم بصراحة سارة راحت تقابل عاصم
” نعمممم انتي ازاي تقوليش حاجة زي دي
• ادهم الناس بتبص علينا أهدى
” أهدى ازاي قومي معايا
بيخرجوا و بيفضلو يدوروا في كل مكان و بيرن ادهم على خالد و بيروحلهم بس مفيش فايدة
عند مريم كانت حوالي الساعة ١٠ بليل
• مريم انا عايز اقولك حاجه
* حاجه اي
• مريم بصراحة أنا مسميش علي
* بطل هزار بقا
• مريم انا مبهزرش انا مسميش علي
* امال اسمك اي
• اسمي أحمد
بتحاول تستوعب
* احمد ازاي يعني امال مين علي
• علي ده مش موجود انا كنت خايف ترفضيني انا والله عملت كدا علشان بحبك
*انت شخص غشاش انا عمري ما هسامحك و بتقفل الفون وهي منهاره بيحاول أحمد يرن عليها بس بتقفل الفون بتدخل امها بتتخض لما بتلاقيها كدا
*في اي يا مريم حصل اي
*بتترمي مريم في حضنها و بتحكيلها كل حاجة
عند ادهم كان تايه مش عارف هيلاقي أخته فين
• ادهم ممكن تهدى هنلاقيها والله
” انتي تخرسي خالص ازاي تسيبيها لوحدها ازاي
• انا اسفه والله مكنتش اعرف انه هيحصل كدا
بيرن فون ادهم برقم غريب
” الو
‘ وحشتك صح
” عاصم….
- يتبع الفصل التالي اضغط على ( رواية ماذا ان احببتك مرة اخرى) اسم الرواية