رواية العشق الابدي الفصل الثاني و العشرون 22 - بقلم لبنى دراز

     رواية العشق الابدي كاملة بقلم لبنى دراز عبر مدونة كوكب الروايات 

 رواية العشق الابدي الفصل الثاني و العشرون 22

 

الرضا بقضاء الله وقدره هو طريق الإنسان ليعيش حياته سعيداً مطمئن البال، فعند تسليم الأمور بيد الواحد الأحد نأخد كل ما يأتي منه بسعادة ورضا تام ليقيننا أن الله يحبنا ودائماً يختار لنا الأفضل،

🌹🌱🌹🌱🌹

الرضا بقضاء الله وقدره.. هو باب الله الأعظم.. وهو جنة الدنيا.. وهو مستراح العابدين.. وهو طريق السعداء الموقنين.

العشق الأبدي بقلمى✍️____________لبنى دراز

فـ ڤيلا المزرعة

نجوى فـ أوضتها محتارة و فكرها مشغول باللى حصل بين فارس و حلم و مش عارفة تعمل ايه و قررت انها تكلم حلم قامت راحت لها اوضتها

حلم :: فـ اوضتها و قاعدة ع سريرها حاضنة نفسها و مافيش غير دموعها ونيسها .. و سمعت خبط الباب و أذنت بالدخول

نجوى:: بحزن ع شكلها .. حبيبتى ممكن اتكلم معاكى شوية

حلم:: اتعدلت فـ قعدتها و مسحت دموعها بسرعة .. اتفضلى يا خالتو

نجوى:: مالك يا قلبى حصل ايه بينك و بين فارس

حلم:: مافيش حاجة حصلت يا خالتو

نجوى:: متأكدة يا حور

حلم:: متأكدة يا خالتو .. صدقيني ماحصلش حاجة

نجوى:: طيب ليه الدموع اللى فـ عينك دى .. ريحينى يا بنتى

حلم:: ابدا افتكرت ماما بس .. أصلها وحشتنى اوى يا خالتو

نجوى:: ربنا يرحمها يا حبيبتى هى وحشتنا كلنا أدعيلها يابنتى هى فـ مكان احسن .. لو احتاجتى تتكلمى يا حور هتلاقى قلبى مفتوحلك عشان يسمعك

حلم:: اترمت فـ حضنها .. ربنا يخليكى ليا يارب و مايحرمنيش منك ابدا

نجوى:: و يخليكى لـ قلبى يارب .. المهم بقى هننزل بكرة كلنا عشان تجهيزات الفرح مش فاضل غير اسبوع و يادوب نحضر حالنا

حلم:: خلاص يا حبيبتى انزلوا انتوا و انا هرتب امور الشغل هنا و هنزل بعدكم و هناك فاتن مع حضرتك و كمان هبعتلك فاطمة و شقتى تحت امرك افتحيها لـ ضيوفك اللى هييجوا

نجوى:: بقلق .. هتتأخري يا حور ؟؟

حلم:: ماتقلقيش يا حبيبتى مش هتأخر

خرجت نجوى من عند حلم و حيرتها زادت أكتر بس قالت جواها أكيد فترة و هتعدى ان شاء الله .. و بالفعل تانى يوم رجعوا كلهم عند فارس و أدهم عشان الفرح

________________________

فـ شقة فارس بعد يومين

بعد ما رجعت نجوى من المزرعة هى و البنات اتفاجئت بـ عمتهم خديجة هى و جوزها و عيالها

نجوى:: بفرحة .. ديچة حمد الله ع السلامة ايه المفاجأة الحلوة دى و لـ جوزها حمد الله ع السلامة يا فاروق نورت البيت و السويس كلها

فاروق:: البيت منور بناسه يا ام فارس

خديجة:: بصراحة انا من بدرى عايزة أجى بس عارفة انكم ماكنتوش موجودين هنا

نجوى:: فعلا بقالنا فترة قاعدين فـ المزرعة مع حور .. بس نزلنا بقى عشان فرح ولاد اخوكى

خديجة:: اومال فين ولاد اخويا وحشونى

نجوى:: فارس و أدهم فـ اشغالهم و البنات برة بيخلصوا شوية طلبات و مافيش غير ضحى و شروق قاعدين جوة

فاروق:: هما لسة قاعدين ليه لغاية دلوقتي

نجوى:: انت مش عارف يعنى يا فاروق دماغ خالد و سلمى

خديجة:: انا مستغربة أخواتى سايبين بناتهم كل المدة دى من غير ما يقلقوا عليهم ولا يبعتولهم ليه

نجوى:: و الله يا ديچة مش عارفة كل واحدة فيهم بتحاول تعرض نفسها بطريقة غريبة ع ولادى .. و تعبت من تصرفاتهم و أهو الحمدلله أدهم خلاص كلها يومين و يتجوز و بعد كدا فارس الشهر الجاى

خديجة:: ماقولتيلهمش يمشوا ليه

فاروق:: لـ خديجة انتى عايزة ام فارس تقولهم امشوا .. ده مش ممكن حتى لو قعدوا سنة

خديجة:: انا عارفة يا فاروق ان نجوى بنت أصول و ماتعملهاش بس هما اللى ماعندهمش دم و اخواتى ساكتين و لا كأن دول بناتهم

نجوى::بغيظ .. انتى عايزة أخواتك يخلوا بناتهم يرجعوا من غير ما ينفذوا اللى عايزينه منهم

خديجة :: عندك حق .. المهم سيبك منهم عرفينى بقى بـ ست حور اللى صدعتينى بيها انتى و أبنك هههههههههه

نجوى:: بقبضة فـ قلبها .. لسة فـ المزرعة ماجاتش بتظبط امور الشغل عشان كانوا البنات شغالين معاها و كمان قصي خطيب ياسمين مدير المصنع بتاعها

خديجة:: اه قولتيلى .. عشان كدا مش موجودة

فارس:: من وراهم بتصنع الابتسامة .. هى مين دى اللى مش موجودة يا حلوين

خديجة:: قامت و خدته بالحضن .. حبيبتك اللى نفسى اتعرف عليها

فارس:: و هو فـ حضن عمته غمض عينه بوجع .. وحشتينى يا ديچة حمد الله ع السلامة

خديجة:: و انت كمان يا قلب ديچة وحشتنى طمنى عليك عامل ايه

فارس:: هعمل ايه يعنى .. عامل ابو العروسة و بلف حوالين نفسى مابين شغلى و بين بناتى و ابنى اللى بجوزهم ههههههه .. و لـ فاروق اخبارك يا وحش عامل ايه

فاروق :: انا زى الفل يا خويا انت اللى شكلك مش كويس

فارس:: عادى يا فاروق مسحول بس مش اكتر و لـ نجوى .. هما البنات لسة برة

نجوى:: بتبص لـ فارس و شايفة حزن فـ عينيه و حاسة بكـ سرة قلبه بس هو مش قايل لها حاجة .. شردت جواها لو أعرف بس يابنى فيك ايه .. لو تريح قلبى و تقولى مالك

فارس:: لـ نجوى روحتى فين يا ست الكل

نجوى:: معاك يا حبيبى بتقول حاجة

فارس:: اه يا حبيبتى بقولك البنات اتأخروا برة

نجوى:: ماتقلقش عليهم يا حبيبى معاهم أدهم .. لسة مكلمنى و قال انه راحلهم و شوية و هييجوا

فارس:: بغيظ .. و الهوانم التانيين فين ..راحوا معاهم و لا ايه

نجوى:: لأ يابنى قاعدين جوة حتى ماطلعوش سلموا ع خديجة

خديجة :: احسن سيبك منهم خليهم براحتهم و لـ فارس .. شكلك مش

عاجبنى يا فارس مالك يا حبيبى

فارس:: بوجع و ابتسامة مكسـ ورة .. مافيش يا ديچة انا كويس و زى الفل ماتقلقيش عليا

__________________________

فـ ڤيلا المزرعة

حلم من بعد ما مشيت نجوى و البنات و أختها .. دفنت نفسها فـ شغلها من وقت ما بتصحى لغاية ما تنام و مش بتكلم حد نهائى و لا حتى حازم و الاء

فاطمة:: بحزن ع حالها .. دخلت لها المكتب .. و بعدهالك ياست البنات

حلم:: بتعب .. عايزة ايه يا فاطمة

فاطمة:: عايزة اطمن عليكى و اعرف مالك بس فيكى ايه

حلم:: و هى بتقوم و هتخرج من المكتب .. ماليش يا فاطمة و بطلى رغى و حضرى نفسك عشان هتنزلى الصبح مع عم مصيلحى تروحى البيت هناك تساعدى فاتن فـ الفرح

فاطمة :: حاضر يا ست البنات انتى تؤمرى ..طيب احضرلك العشى قبل ما تطلعى تنامى

حلم:: لأ شكرا يا فاطمة .. لو عايزة تنامى روحى .. تصبحى ع خير و سابتها و طلعت اوضتها و قعدت بتعب و دموع تكلم نفسها

حور:: و بعدين معاكى بقى هتفضلى ضعيفة كدا لـ أمتى عمرك ماكنتى كدا

حلم:: بيتهيألك انا كنت قوية بيه

حور:: بس هو خانك .. يبقى بلاش تبكى عليه

حلم:: مش قادرة اصدق انه يعمل كدا .. مش قادرة حاسة ان فى حاجة غلط

حور:: هتفضلى عبيطة كدا لغاية أمتى اومال لو ماكنتيش شوفتى بعينك الصور و سمعتى بنفسك الناس اللى كانت فـ المكان مستنية ايه تانى .. فوقى لـ نفسك بقى

حلم:: مش قادرة .. كل حاجة بتفكرنى بيه انا لازم ابعد عشان انسى عشان افوق و ارجع لنفسى

لقد قررت الرحيل .. و رحيلي لن يؤجَّل .. قررت الرحيل .. و قراري كان اضطراراً .. قررت الرحيل .. و لن أعود

نعم سأرحل .. و لكن بدون وداع .. سأرحل بدون أن يشعر قلبك برحيلي .. سأرحل و لكن أحاول أن أستجمع شتات قلبي .. ساعدني أيها القلب بالله عليك

_________________________

فـ شقة فارس نفس الوقت

فارس فـ اوضته و برضوا قاعد بيكلم نفسه .. و بعدين معاك رغم كل اللى عملته فيك و لسة بتفكر فيها

نفسه:: نفسى أعرف عملت فيا كدا ليه

انا حبيتها اوى من كل قلبى لأ انا عشقتها مش حبيتها بس

فارس:: تستاهل اللى يجرالك قولتلك كتير دى هتكون سبب تعبك مش راحتك ماسمعتنيش ومشيت ورا قلبك

نفسه:: بس لييييه قالت كدا .. ليييه عملت كدا معقول يكون ده طبعها

فارس:: و ليه ما تقولش انها بتنـ تقم من اللى عمله فيها عابد فيك انت

نفسه:: قصدك ان زى ما هو لعب بيها و سابها عشان واحدة تانية هى عملت كدا

فارس:: و ليه لأ وارد جدا

نفسه:: مش عارف و مش قادر استوعب ازاى كل الحب اللى كنت بشوفه فـ عينيها ده يطلع لعبة و يطلع تمثيل

فارس:: لأ استوعب بنات حوا كيدهن عظيم .. فوووق بقى انت عايز ايه تانى أكتر من اللى انت سمعته بنفسك

حزن يغتالني و هم يقتلني و ظلم حبيب يعذّبني آه! ما هذه الحياة التي كلّها آلام لا تنتهي و جروح لا تنبري و دموع من العيون تجري جرحت خدّي أرّقت مضجعي و سلبت نومي آه يا قلبي يا لك من صبور على الحبيب لا تجور رغم ظلمه الكثير و جرحه الكبير الذي لا يندمل و لا يزول مازلت تحبه رغم كل الشّرور مازلت تعشقه رغم الجور والفجور مازلت تحنّ إليه رغم ما فيه من غرور قلبي، ويحك قلبي إلى متى، إلى متى؟؟ أخبرني بالله عليك إلى متى؟؟ هذا الصّبر و هذا الجَلَد و التّحمل إلى متى هذا السّهر و التّأمل؟ إلى متى هذه المعاناة و التّذلل؟ كُفَّ عن هذا، كُفّ فاكره كما كُرهت و اهجر كما هُجرت وعذّب كما عُذّبت واظلم كما ظُلمت و اجرح كما جُرحت فلقد عانيت كثيراً و صبرت كثيراً و كثيراً على حبيب لا يعرف للحبّ معنى أما آن لك يا قلبي أن توقف كل هذا ؟ فبالله عليك يا قلبي كُفّ

_________________________

فـ شقة فارس

قبل الفرح بيوم بتتصل بـ حلم

عشان تشوفها اتأخرت ليه

نجوى:: السلام عليكم ورحمة الله

حلم:: و عليكم السلام ورحمة الله .. ازيك يا خالتو

نجوى:: بزعل .. انتى لسة فاكرة خالتو يا حور لأ بجد زعلانة منك كدا تسيبي اخواتك لوحدهم

حلم:: حبيبتى صدقينى غصب عنى كان لازم اظبط الدنيا قبل ما أجى و اشوف مين هيقعد مكانهم

نجوى:: و هتيجى امتى بقى ان شاء الله يا واجعة قلبى

حلم:: بصوت مخنوق .. واجعة قلبك ليه بس يا حبيبتى

نجوى:: مش عايزة تريحينى و تقوليلى مالك فيكى ايه

حلم:: صدقينى مافيش حاجة و انا زى الفل و عموما انا جاية فـ الطريق

نجوى:: طيب يلا بسرعة عشان فى ناس هنا هتتجنن عليكى و عايزين يشوفوكى

حلم:: قلبها دق جامد .. و بتنهيدة وجع حاضر يا خالتو ماتقلقيش انا جاية اهو سلام

و بالفعل شوية و وصلت حلم و زى العادة اطفال الشارع كلهم اتلموا حواليها و قعدت معاهم توزع عليهم الحلويات زى ما عودتهم .. و فارس كان واقف بالصدفة فـ البلكونة مع خديجة و شافها قد ايه وحشاه بس جرحه منها صعب

خديجة:: شافتها و لـ فارس .. خطيبتك حلوة يا فارس .. أحلى من الصورة اللى شوفتها

فارس:: بشرود أحلى واحدة فـ الدنيا و أكتر واحدة جرحت قلبي

خديجة:: بعدم فهم .. مش فاهمة ايه اللى انت بتقوله

فارس:: فاق من شروده .. لا يا حبيبتى مابقولش حاجة .. تعالى ندخل من البلكونة مش قادر اقف اكتر من كدا

خديجة:: دخلت معاه برضوا مش هتقولى مالك و ليه الحزن اللى فـ عينيك ده

فارس:: بهروب من سؤالها .. هيكون مالى يعنى يا ديچة اخواتى التلاتة هيتجوزوا مرة واحدة .. أكيد يعنى تعبان و مجهد من التجهيز لـ فرحهم مش أكتر

خديجة:: متأكد يا أبن أخويا ؟؟

فارس:: بأبتسامة حزينة .. متأكد يا أخت أبويا و بطلى تعملى عليا المفتش كرومبو ماشى

__________________________

فـ شقة حلم

طلعت حلم شقتها و كانت فاطمة و فاتن عند نجوى فـ الشقة التانية .. دخلت و ماحدش شافها غير شروق و ضحى راحولها

شروق:: بشماتة .. ايه ده انا قولت انك مش هتيجى

حلم:: ببرود و كبرياء .. و ايه اللى يمنعنى أجى بيتى

ضحى:: قولنا يمكن تكونى قاعدة بتبكى ع الاطلال و لا حاجة

حلم:: بقوة مصطنعة .. مش حلم الرشيدي اللى تبكى ع الاطلال .. حلم الرشيدي أكبر من كدا بكتير

ضحى:: بتريقة .. مش تباركى لـ شروق فارس خطبها

حلم:: بصدمة جديدة جواها .. و بجمود ظاهر مبروك .. سابتهم و دخلت شقتها و قفلت الباب فـ وشهم بِغل

خديجة:: شافت الموقف .. و ندهت بعصبية .. شرروووق .. ضححححى

شروق:: بقلق .. نعم يا خالتو خير

خديجة:: بنرفزة .. انا عايزة أفهم ايه اللى انا سمعته ده

ضحى:: مافيش حاجة يا عمتو احنا كنا بنهزر معاها عادى

خديجة:: اممممم .. و الله بقى بتهزروا معاها .. طيب أسمعى بقى منك ليها دلوقتي حالا تلموا هدومكم و ترجعوا البلد و الا اقسم بالله ما هتعرفوا هعمل فيكم ايه

شروق:: طيب نستنى نحضر الفرح بس

خديجة:: بحزم و أمر .. قوولت دلوقتي و حاااالا مفهوم يلاااااا و لو اكتشفت ان فى حاجة حصلت بين فارس و خطيبته و انتوا السبب فيها مش هرحمكم فاهمين و لا لأ

فارس:: طلع ع صوتهم .. مالكم فى ايه .. صوتكم عالى ليه

خديجة:: مافيش حاجة يا حبيبى انا بس شوفت حاجة ماعجبتنيش و بحاول اصلحها

شروق:: بخبث خالتو عايزانا نسافر يا فارس و مانحضرش الفرح يرضيك كدا

فارس:: ازاى يعنى .. ماينفعش طبعا تمشوا من غير ما تحضروا الفرح

خديجة:: و انا قولت هيمشوا يا فارس و دلوقتي

فارس:: ماينفعش يا ديچة ازاى يعنى يمشوا و الفرح بكرة

خديجة:: فاااارس انت ما تعرفش عملوا ايه .. يبقى تسكت

فارس:: و عينيه ع باب شقة حلم .. مهما كان اللى عملوه يا عمتو مش هيوجع و لا هيجرح .. زى ناس غيرهم سهل عندهم جدا انهم يجرحوا اللى بيحبهم .. خليهم يحضروا الفرح بكرة و بعدين يمشوا .. و سابهم و دخل أوضته قفل ع نفسه بابه

عند حلم

بعد ما قفلت باب الشقة قعدت وراه بأنهيار و هى بتكلم نفسها معقووول لحق يخطب شروق بالسرعة دى للدرجة دى مافرقتش معاه و كمان شايف ان انا اللى جرحته اااااااه يارب كل ده بيحصلى ليييه ..

_________________________

عند فارس فـ أوضته

دخلت لـ فارس تتكلم معاه يمكن قلبها يرتاح

نجوى:: مش هتريح قلبى يا حبيبى و تعرفنى مالك يا فارس فيك ايه

فارس:: ماليش يا ست الكل صدقينى مافيش حاجة

نجوى:: بعصبية .. لأ فى حاجة و حاجة كبيرة كمان حصلت بينك و بين حور ولاااازم اعرفها

فارس:: يا حبيبتى أطمنى مافيش حاجة

نجوى:: فاااارس انت لو خبيت ع الدنيا كلها مش هتخبى عليا .. انا أمك اللى أعرفك اكتر من نفسك فاهم و لما اقولك فى حاجة يبقى فى حاجة فعلا

فارس:: بوجع .. عايزانى أقولك ايه بس يا أمى

نجوى:: بحنان ضمته لـ حضنها .. قول ايه اللى واجع قلبك و كاسى بالحزن عينيك يا حبيبى

فارس:: و هو فـ حضنها .. فى حاجة مش فاهمها يا أمى و مش قادر اصدقها .. معقول حلم تكون بتلعب بيا معقول كل الحب اللى حسيته معاها ده كان وهم

نجوى:: ليه بتقول كدا يا حبيبى

فارس:: اتعدل و طلع الموبايل و شغله ع الرسالة اللى جاتله .. اسمعى يا أمى بنفسك

نجوى:: بتسمع .. و مصدومة بس لفت انتباهها حاجة فـ الفويس

فارس:: سمعتى بنفسك و عرفتى ليه بقول كدا

نجوى:: و ما روحتش سألتها ليه يا فارس

فارس:: بوجع و دموع .. رووحت و سألتها ما أنكرتش يا أمى و الغريبة لاقيتها حدفتلى صور انا اول مرة اشوفها و معرفش اتصورتها ازاى

نجوى:: بأستغراب .. صور ؟! صور ايه دى

فارس:: جاب لها الصور من درج الكمود .. اتفضلى يا أمى شوفى

نجوى:: بصدمة أكبر .. حطت ايدها ع بؤقها .. أنت يا فارس تعمل كدا

فارس:: بخنقة .. انا ماعملتش حاجة صدقينى و ما عرفش صورونى ازاى

نجوى :: طيب احكيلى مين دى و كنت معاها ليه

فارس:: ابتدا يحكى كل حاجة من وقت مكالمة مها لغاية ما راح المزرعة لـ حلم

نجوى :: بوجع ع حال الاتنين .. انا ممكن أعرف انت ازاى تعدى عليك حاجة زى كدا ؟

فارس:: حاجة ايه دى اللى عدت عليا يا أمى

نجوى :: اللعبة اللى اتعملت عليكم انتوا الاتنين

فارس:: لعبة !!

نجوى:: أيوا يا سيادة العقيد لعبة و فى حد لعبها صح .. بص للصور و اسمع الفويس بتركيز هتفهم كل حاجة .. المهم فوق عشان اخواتك و بعد الفرح ان شاء الله نحل الموضوع ده

فارس:: حاضر يا حبيبتى .. ماتقلقيش كل حاجة هتبقى تمام و الكل هيفرح و انتى كمان افرحى بـ ولادك هيبقوا زى القمر و هم فـ الكوشة

و بالفعل خرجت نجوى من عند فارس و راحت عند حلم عشان تسمع منها زى ما سمعت منه .. و هى مقتنعة ان الاتنين فى حد وقع بينهم بـ لعبة حقـ يرة اتعملت عليهم

________________________

فـ شقة حلم

سمعت جرس الباب و قامت بتعب تفتح و كانت نجوى و خديجة اللى ع الباب

نجوى:: السلام عليكم ورحمة الله

حلم:: بتعب و عليكم السلام ورحمة الله .. اتفضلى يا خالتو

خديجة:: بمرح و مافيش اتفضلى يا ديچة لأ كدا انا ازعل

حلم:: بأبتسامة حزينة .. يا خبر و انا ماقدرش ع زعلك .. دى نوجة تعلقنى ع حبال الغسيل ع طول

نجوى:: نوجة هتعلقك فعلا بس بعد الفرح مش دلوقتي

حلم:: ليه بس يا خالتو

نجوى:: عشان نشفتى ريقى معاكى .. من كتر ما بقول مالك فى ايه حصل بينك و بين فارس

حلم:: يااا خالتوو يااا حبيبتى و انا قولتلك مافيش حاجة حصلت

خديجة :: حور انا اول مرة اشوفك بس من كتر كلام نجوى و فارس عنك ما صدقت جات الفرصة عشان أجى و اتعرف عليكى

حلم:: انا كمان سمعت عنك كتير من خالتو و من …. و سكتت ماقدرتش تكمل كلامها

خديجة:: سمعتى عنى من فارس صح

حلم:: غمضت عينيها بوجع و هزت دماغها بمعنى أيوا

نجوى:: بحزن .. لسة برضوا مش عايزة تقولى ايه اللى حصل

حلم:: صدقينى يا خالتو عادى .. مافيش حاجة تستاهل كل ده

خديجة:: متأكدة ؟!

حلم:: بحزن .. ايوا متأكدة

خديجة:: حور انتى ما قدرتيش تنطقى أسمه

حلم:: سامحينى يا طنط مش قادرة اتكلم بجد

خديجة:: اممممم ماشى هعديها و هسامحك بس فـ حالة واحدة

حلم:: حالة ايه دى

خديجة:: انك تقوليلى ديچة زى فارس .. و ماتقوليش طنط دى تاني ابدا ممكن ؟!

حلم:: بوجع .. حاضر ممكن يا ديچة

نجوى:: بزعل منها و عليها فـ نفس الوقت برضوا مش هتحكيلى ايه اللى حصل و لا انا مش زى أمينة الله يرحمها

حلم:: قعدت قصادها .. و مسكت ايديها الاتنين بالعكس يا خالتو ربنا يعلم ان غلاوتك من غلاوتها بالظبط .. و بوجع فعلا انا ماعنديش حاجة أحكيها صدقينى

نجوى:: ماشى يا حور هعمل نفسى مصدقاكى زى كل مرة بس بعد الفرح ليا قعدة معاكى ان شاء الله

حلم:: ان شاء الله

نجوى:: طيب انا هرجع شقتنا عشان اشوف البنات و انتى غيرى هدومك و تعالى يلا عشان تتغدى معانا

حلم:: ما تشغليش بالك يا خالتو انا اتغديت .. بس لو احتاجتى حاجة انا تحت امرك

خديجة:: طيب و لو قولتلك عشان خاطرى تعالى اتغدى معانا هتكسفينى

حلم:: خاطرك غالى يا ديچة بس انا فعلا اتغديت .. لكن ممكن نسهر سوا كلنا فوق السطوح القعدة هتعجبك جدا

خديجة:: خلاص ماشى نسهر سوا

و بالفعل رجعت نجوى و خديجة الشقة التانية و حلم فضلت لوحدها مافيش غير دموعها و صورة أمينة اللى بتتكلم معاها و تشكيلها وجعها

_________________________

فوق السطوح

طلعت فعلا حلم عشان تسهر مع خديجة و نجوى و البنات و حاولت تبان طبيعية عشان عاليا و ياسمين ما تتكسرش فرحتهم

خديجة:: بأنبهار .. الله ايه الجمال ده .. بجد ع قد ما حكولى ماتخيلتش المنظر كدا

عاليا:: شوفتى بقى يا عمتو .. السطوح تحفة ازاى

خديجة:: فعلا جميل جدا

ياسمين:: لا و لسة كمان الچيم و الاجهزة اللى فيه حاجة وهم بجد

حلم:: بهدوء .. طيب يلا يا عروسة منك ليها ادخلوا جوة الچيم ليكم مفاجأة

عاليا:: أيوااا بقى هو ده .. احبك يا لووومى و احب مفاجأتك

حلم:: طيب يلا ياختى قدامى و لـ ياسمين يلا يا سمسمة

و بالفعل دخلت معاهم و كان فى بنت جوة مستنياهم

ياسمين:: مين دى يا حور

حلم:: دى رشا اخصائية مساج و سبا و هتفضل معاكم هنا النهاردة و بكرة قبل ما تنزلوا تروحوا سنتر التجميل

رشا:: أكيد يا استاذة حلم طبعا

عاليا:: وااااااو بجد كنت محتاجة جدا الجلسة دى

ياسمين:: و انا كمان بجد كنت محتجاها جدا

حلم:: تمام يا قمرات عيشوا بقى اجمل ساعتين فـ استرخاء

رشا:: و حضرتك يا انسة حلم مش ناوية برضوا

حلم:: لأ يا رشا مش محتاجة .. ركزى انتى بس مع عرايسنا القمرات دول ماشى

رشا:: تمام يافندم اللى تؤمرى بيه

حلم:: يلا بقى خدوا راحتكم و انا هطلع برة .. و شوية و أمل هتيجى تدخل معاكم .. و فعلا خرجت من الچيم و اتفاجئت بوجود فارس مع خديجة و نجوى و فاروق و شافت

شروق:: واقفة جنب فارس و كأنها قاصدة تقولها انها خدته منها

فارس:: شافها و عينيهم اتقابلت لـ أول مرة بعد اللى حصل بينهم .. و دائما عندمـا تتحدث العيون، يكون حديثها أبلغ من أي كلام.

حلم:: ليه عملت فيا كدا

فارس:: جرحتينى أوى يا حلم عمرى

حلم:: كدبت عليا ليه .. للدرجة دى انا و لا حاجة بالنسبالك

فارس:: مش قادر أصدق اللى سمعته .. معقول حبنا وهم معقول كنت مجرد لعبة فـ إيدك

حلم:: قولتلك اسمعنى .. ما سمعتنيش ليييه

فارس:: أسمع ايه تانى بعد اللى سمعته

حلم:: كنت هفهّمك حقيقة اللى سمعته

فارس:: نفسى أعرف لييييه قولتى كدا .. لييه تكـ سرى قلبى اللى ماحبش غيرك و لا هيحب بعدك

حلم:: جرحك صعب أوى وجعتنى أوى يا عشقى الأبدي

فارس:: ااااااه لو أعرف ليييه عملتى فيا كدا .. ريحينى و قولى ليييه و فجأة صرخ و الكل سمعه .. لييييييه

حلم:: غمضت عينيها بوجع بتحاول تهدى نفسها .. و بعدها قعدت بكل كبرياء و كأن مافيش حاجة حصلت

تتكلم و تضحك مع نجوى و خديجة و قلبها بيبكى د م .. ايه رأيك يا خالتو انتى و ديچة .. تدخلوا الچيم و تعملوا مساج زى عاليا و ياسمين

نجوى:: طيب هما عرايس و من حقهم .. احنا بقى هنعمل مساج ليه

حلم:: عادى يا نوجة عشان تقدرى تقفى بكرة فـ الفرح يمكن نلاقيلك عريس و لا حاجة و انتى قمر فـ نفسك كدا ههههههه

نجوى:: بتنهيدة حنين .. بعد أحمد مافيش راجل يملا عينيا

خديجة:: طب ما تعملى انتى يا حور و لا مالكيش نفس

حلم:: بهدوء .. مين قال يا ديچة انا عملت مساج من بدرى

شوية و جه أدهم و معاه أمل و دخلوا بهيصة

أمل:: السلامووو عليكووووو يابنى أدمين

نجوى:: عروسة أبنى اللى جاية بدوشتها

أمل:: حمااااتشى حيااااتشى وحشتينى

نجوى:: و انتى أكتر يا نور عينى

حلم:: يلا يا أمولة تعالى معايا .. و اخدتها و دخلت معاها الچيم و سابتها مع عاليا و ياسمين و خرجت تانى

أدهم:: لـ حلم .. أخدتى عروستى ودتيها فين يا بت انتى

حلم:: فـ الحفظ و الصون ياخويا ما تقلقش ساعة زمن و تطلعلك واحدة تانية خالص هههههههه

فارس:: عينيه عليها و هى بتتكلم مع أخوه و فـ نفس الوقت شروق واقفة تتكلم معاه و بيضحك معاها كأنه بيقولها هعيش حياتى عادى زى ما انتى عايشة و بتضحكى و تهزرى و لا كأن فى اى حاجة حصلت

حلم:: ماقدرتش تتحمل أكتر من كدا و استأذنت منهم و نزلت من السطوح و هى قلبها موجوع و دخلت أوضتها قعدت ع كرسى المكتب و سمحت لـ دموعها تنزل بحرية لغاية ما غلبها النوم و هى قاعدة

___________________________

فـ شقة حلم

دخلت تشوف حلم صحيت و لا لسة لاقيتها نايمة و هى قاعدة ع المكتب

فاتن:: بتصحيها .. ست حور ايه اللى نيّمك كدا اسم الله عليكى

حلم:: قامت بتعب .. مالك يا فاتن بترغى كتير ع الصبح كدا ليه

فاتن:: نمتى ع المكتب ليه كدا

حلم:: بطلى رغى و أجرى اعمليلى قهوة دوبل يلا ع ما أخد شاور تكونى عملتيها

فاتن:: حاضر يا ست العرايس كلهم

حلم:: أخلصى يا رغاية .. و قامت اخدت شاور و طلعت فعلا كانت فاتن عملت لها القهوة و كمان حضرت لها فطار

فاتن:: بصى بقى يا ست البنات انا عملتلك فطار خفيف كدا مع القهوة عشان ما تتعبيش

حلم:: بغيظ ..انا ماطلبتش منك غير القهوة .. بتجوّدى من نفسك ليييه .. شيلى الاكل ده انا هشرب القهوة بس

فاتن:: و بعدين يعنى يا ست البنات انتى من وقت ما جيتى و انتى مش بتاكلى كدا هتتعبى و تقعى

حلم:: بزعيق .. لدرجة ان نجوى سمعتها من الشقة التانية .. انننتتتى مااااااالك حااااااشرة نفسك لييييييه .. قوووولتلك شيلى الأكل ده يبقى تشيلييييه و انتى سااااااااكتة فاااااهمة و لا لأ

نجوى:: جات جرى ع صوت حلم و رنت الجرس

فاتن :: فتحت و هى بتعيط

نجوى:: بخضة .. مالكم فى اييه .. حور فيها حاجة

فاتن:: بدموع .. من وقت ما جات من المزرعة مافيش لقمة نزلت جوفها و مافيش غير القهوة بس و بهدلتنى لما قولتلها كدا

حلم:: بعصبية .. انزلى يا فاتن فـ الشارع قولى و أحكى .. لسة الجيران ما عرفوش

نجوى:: بهدوء .. روحى يا فاتن ساعدى فاطمة

فاتن:: حاضر يا ست نجوى

نجوى::لـ حلم .. ليه بتعملى فـ نفسك كدا

حلم:: بعمل ايه بس يا خالتو انتى هتصدقى الهبلة دى

نجوى:: يا حبيبتى انا حاسة بيكى و عارفة من غير فاتن ما تقول باين عليكى مهما حاولتى تخبى و تدارى

حلم:: نوجة حبيبتى ممكن ما تفكريش فيا النهاردة و فكرى بس فـ العرايس اللى عندك .. انتى النهاردة عندك عروستين و عريس زى القمر افرحى معاهم و فرحيهم

نجوى:: بحزن عايزانى أفرح أزاى و فرحتى الكبيرة مكسـ ورة

حلم:: لأ ده انتى تفرحى و تنبسطى كمان .. يا خالتو صدقينى مافيش حاجة تستاهل نحزن و نكـ سر فرحتنا عشانها .. و يلا بقى عشان هنمشى انا و البنات نروح البيوتى سنتر

نجوى:: برضوا مش عايزة تحكيلى

حلم:: غمضت عينها بوجع .. صدقينى مافيش حاجة احكيها يا خالتو

نجوى:: بغيظ منها .. ع فكرة بقى فارس حكالى اللى حصل و عايزة اسمع منك زى ما سمعت منه

حلم:: صدقينى ماعنديش حاجة احكيها

نجوى:: يعنى الكلام اللى سمعته ده انتى فعلا قولتيه

حلم:: بصوت مخنوق .. كل اللى اقدر اقولهولك ان مش دى الحقيقة و لا ده المقصود من كلامى خالص و معرفش مين عمل كدا

نجوى:: كنت متأكدة انها لعبة و وقعتوا فيها .. يلا طيب يا حبيبتى كلى ساندويتش واحد حتى قبل ما تمشى مع عاليا و ياسمين .. عشان خاطرى

حلم:: حاضر يا خالتو

و فعلا قدرت نجوى انها تخلى حلم تاكل حاجة بسيطة و بالفعل مشيت راحت السنتر مع عاليا و ياسمين

________________________

فـ السنتر

وصلت حلم مع عاليا و ياسمين و كمان وصلت أمل و ابتدوا يجهزوا كلهم

و كانوا أميرات فعلا بـ فساتينهم البيضا و بحجابهم اللى نور وشهم

و حلم كانت لابسة فستان اسود سمبل رقيق بأكمام شيفون و كانت رافعة شعرها و عاملة ميك أب خفيف جدا و كانت جميلة جدا رغم حزنها اللى باين فـ ملامحها .. شوية كمان و ابتدوا يوصلوا الشباب

أدهم:: طلع اول واحد و اول ما شاف أمل .. ايييه الجمال ده و غمزلها أخيرا الفراولة طرحت و حان وقت قطفها ههههههههه

أمل:: بخجل .. انت بتتوحم ع الفراولة يا دومى و لا ايه

أدهم:: انا بقول بلاها قاعة و نروح بيتنا ع طول عشان ناكل الفراولة

حلم:: بأبتسامة حزينة .. طيب و بالنسبة لـ كتب الكتاب ايه ظروفه يا دكتور

أدهم:: اه عند حق يا حور نروح نكتب الاول و بعدين نقطف الفراولة براحتنا ههههههههههههه .. و نزل هو و أمل

قصي:: طلع بعد أدهم .. و اول ما عينيه شافت ياسمين .. انتى مين

ياسمين:: بضحكة صافية مالك يا قصي

قصي:: مالى ايه بس .. حبيبتى النهاردة هتبقى فـ بيتى عايزانى أكون ازاى يعنى

ياسمين :: بس بقى يا قصي بطل تكسفنى

حلم:: يلا يا كابتن خد عروستك و انزل عشان سيف يطلع هو كمان

قصي:: ماشى يا ستى أمرك … و بالفعل نزل قصي و طلع

سيف:: اللى اتجنن اول ما شاف عاليا و انبهر بجمالها وابتدا يصفر .. و قال يااااحلااااااوة .. بس بس ماشوفتيش غزالة معدية من هنا ياقمر

عاليا:: تؤتؤتؤ لأ لأ ماشوفتش يا اسمك ايه

سيف:: طب تسمح يا قمر تيجى معايا .. تنور قلبى و عينيا

عاليا:: أجى ما أجيش ليه هو احنا صغيرين يلا يا برنس قلبى

حلم:: بضحكة مكسورة .. اتنين أجن من بعض يلا انزلوا قدامى

و فعلا نزلوا و نزلت وراهم حلم و كلهم راحوا عند نجوى و فارس سلموا عليهم و حلم راحت ركبت عربيتها و مشيت لوحدها راحت القاعة

أدهم و أمل فـ عربيته و قصي و ياسمين فـ عربيته وسيف و عاليا فـ عربيته اما فارس معاه نجوى و معاه شروق و ضحى و خديجة و فاروق و ولادهم فـ عربيتهم و كلهم راحوا ع السيشن و بعد التصوير راحوا القاعة

حلم:: كانت فـ القاعة مع هشام و أحلام و جوزها بس قاعدة ساكتة و مش بتتكلم

أحلام :: متابعاها و بهمس لـ جلال .. شايف يا جلجل شكلها خلاص لاغت فكرة الجواز من دماغها

جلال:: بنفس الهمس .. اسكتى يا حبيبتى و خليكى طبيعية ماتبينيش فرحتك عشان اختك ما تحسش بحاجة

أحلام:: عندك حق يا جلجل يا حبيبى .. و بصت ع حلم و شافت ان عينها ع فارس و هو داخل القاعة مع أخواته و بحزن مصطنع .. قلبى عندك يا حور معلش يا حبيبتى نصيبك كدا هنعمل ايه

حلم:: بنظرة مكسـ ورة .. عادى يا أحلام مش فارق معايا حاجة خلاص

هشام:: ليه بتقولى كدا يا حور

حلم:: ماتشغلش بالك يا حبيبى

هشام:: بحنان .. انا لو ماشغلتش بالى بأختى حبيبتى هشغل بالى بـ مين يعنى .. مالك يا قلب أخوكى حاسس فيكى حاجة

حلم:: مافيش يا حبيبى صدقنى

هشام:: طيب انتى مش مع فارس ليه .. ليه سيباه لوحده فـ يوم زى ده

حلم:: ما تقلقش يا هشام هو مش لوحده

هشام:: طيب قومى تعالى معايا يلا نبارك له و نقف معاه

حلم:: حبيبى روح انت و انا هكلم خالتو و اجى وراك

و فعلا سابت هشام و مشيت ناحية نجوى عشان ما تكلمش فارس

حلم:: بابتسامة حزينة .. ايه الجمال ده يا نوجة .. لأ لأ لأ احنا كدا بقى لازم نشوفلك عريس

نجوى:: يا بكاشة لما انا بالجمال ده انتى تبقى ايييه بقى وانتى ماشاء الله عليكى بدر منور

حلم:: انا .. ده انا غلبانة خالص اجى فيكى ايه بس يا قمر

نجوى:: بزعل .. انتى ماجيتيش معانا السيشن ليه .. فضلت ادور عليكى مالاقيتكيش

حلم:: معلش يا حبيبتى كان ورايا مشوار كنت نسياه و عملته قبل ما أجى القاعة

نجوى:: خلاص تعالى يلا اقفى مع اخواتك عشان كتب كتابهم

حلم:: و دموعها بتلمع فـ عينيها .. هزت دماغها بالموافقة .. حاضر يا خالتو

كمال:: شافها و حس ان فيها حاجة و سألها .. مالك يا حلم

حلم:: مافيش يا بابا ما تقلقش

كمال:: ع بابا كمال برضوا

حلم:: صدقنى مافيش حاجة .. و يلا بقى نلحق كتب الكتاب و لا ايييه

و فعلا وقفت معاهم وقت كتب كتابهم و بعدها باركت ليهم كلهم و بلغت حازم انه يعلن عن هديتها ليهم فـ نص الفرح و مشيّت من غير ما حد يحس بيها

نجوى:: بعد كتب الكتاب حبت تتصور مع ولادها الاربعة و معاهم عرايسهم و عرسانهم و بعد ما وقفت فـ النص بين فارس و أدهم مالاقيتش حور و قالت لـ فارس .. حبيبى شوف حور فين عشان نتصور مع بعض كلنا

فارس:: برفض .. حبيبتى اتصورى انتى مع أخواتى و بلاش انا كفاية كدا

نجوى:: بأمر .. و انا قولت تروح تناديلها عشان نتصور مع بعض

فارس:: حاضر يا أمى .. و فعلا سمع كلام أمه و راح ناحية الترابيزة اللى عليها هشام .. و سأل عليها

هشام:: مش عارف من وقت كتب الكتاب ماشوفتهاش تانى

أحلام:: بتريقة .. تلاقيها راحت الحمام تظبط مكياچها و لا بتشوف حد مهم و لا حاجة .. ما هى اصلها سيدة أعمال بقى و مشهورة و كدا

فارس:: بوجع متدارى .. طيب لما ترجع خليها تكلم نجوى عايزاها .. و سابهم و مشى و حاسس ان الدنيا بتضيق عليه و بيتخنق و خرج برة القاعة خالص ياخد نفسه و جواه

أبعد حبي و عطائي و معاناتي أصبحتُ بلا ثمن، أبعد كلّ هذا البذل أصبح خسراني ربح، أبعد كل محاولاتي المرهقة لخلق أمل معكِ أصبحت أنتِ المتعبة حد عدم الاحتمال، أبعد حناني و احتمالي تكون هديتي التقديرية وثيقة النهاية، لم تتسنَ لي الفرصة لشكركِ، فحقاً نهاية ألمي معكِ هى أعظم تقدير لي.

______________________

برة القاعة

حلم :: قاعدة فـ عربيتها و مافيش غير دموعها .. و عملت مكالمة الووو انت فين

@:: فـ بيت الجناين

حلم:: و عينيها ع فارس .. تمام انا جاية

@::فـ انتظارك

حلم:: مش محتاجة أوصيك

@:: ما تقلقيش تعالى انتى بس و كل حاجة هتبقى تمام

حلم:: قفلت المكالمة .. و اتحركت بعربيتها و مشيّت و سابت كل حاجة وراها

فارس:: واقف برة القاعة .. و كانت عينه ع عربيتها و بيفكر فيها ياترى راحت فين لما عربيتها موجودة .. هى فين مش موجودة ليه و اتفاجئ ان العربية بتتحرك و لان العربية فاميه ماكانش شايف انها جوة العربية .. طلع موبايله و رن عليها رغم وجعه منها بس هى لسة حبيبته و لكن رقمها مغلق رن تانى و برضوا نفس النتيجة هذا الهاتف ربما يكون مغلق او خارج التغطية

حلم :: ماشية و مافيش غير دموعها و وجع قلبها

لم أكن أتوقعها منك، أتتخلى عني؟ هل أنت حقاً ذلك الحضن الذي ألقيت قلبي به دون ارتياب فـ أي ألم قد يلحق بي منه؟ هل أنت حقاً ملجأ روحي الذي كنت أحتمي به من ألمي؟ احتملت آلاماً قاسية كثيرة و انتصرت عليها، أتأتيني أنت بطعنة غدر لتهزمني!

فارس:: دخل القاعة و شايف نجوى بتدور عليه و ع حلم .

نجوى::بقلق .. انت كنت فين كل ده يا فارس و فين حور

فارس:: مش عارف يا أمى تقريبا فـ الحمام .. دلوقتي تظهر تعالى نشوف الضيوف لغاية ما تيجى

نجوى:: ماشى يا فارس يلا بينا

و فعلا كملت نجوى الفرح و جواها قلق مش عارفة تسيطر عليه و شوية و سمعت حازم فعلا بيعلن عن هدية حلم لـ أدهم و أمل و قصي و ياسمين و سيف و عاليا و هى عبارة عن رحلة شهر عسل لـ تركيا و باريس ليهم كلهم و بالفعل حازم سلمهم تذاكر السفر و عرفهم برنامج الرحلة هيكون ازاى و يبتدى امتى و فين و ينتهى امتى و فين .. وأخيرا خلص الفرح و كل عريس اخد عروسته و طار ع بيته و نقولهم مبرووك و عقبال اللى واجعين قلوبنا

بقلمى✍️_____________________لبنى دراز

نجوى:: حووووووررررر بنتيييييي ااااااه ياااااااارب

فارس:: ……….؟؟؟

• تبع الفصل التالي اضغط على ( رواية العشق الابدي) اسم الرواية