رواية صغيرتي المجنونة بقلم منة ممدوح
رواية صغيرتي المجنونة الفصل التاسع 9
رودي : أخص عليك أنا برضوا.. المهم أنا عايزه اندومي…
رامي: لا يا رودي مستحيل الا الاندومي دا أنا أخر مره جبته رعد علقني علي بوابة القصر يوم كامل..
رودي: بتفكير تب والحل أيه؟
رامي: معرفش..
رودي: والله العظيم إحنا لو هربنا مخدرات مش هيعملوا علينا القلق ده كلو…. وفجاه بيخطر في بالها فكره…بس أنا لاقتها
رامي: لقيتي ايه؟
رودي:الفكره… بص يا رامي أنت تروح من الباب اللي وراء تجيبه وتيجي ولا من شاف ولا من دري…
رامي: ولو رعد قفشني ياختي أتعلق أني علي باب القصر زي أخر مره لا لا مش موافق….
رودي: بخبث.. براحتك وانا اللي كنت بقول عليك كلام حلو قدام البت لين واسيط فيك ماشي ياعم أنت اللي أخترت براحتك…
رامي: بسرعه.. اول ما سمع أسم لين.. رودي استني انتي قولتي ايه؟
رودي: مقولتش يا عم براحتك..
رامي: تب استني هروح أجيبلك أندومي والحاجه اللي انتي عيزاها بس بالله عليكي ل تقولي عني كلام كتير قدامها و تحاولي تشغليها بيا أنا هموت من العشق وهي مش مهتمه خالص…
رودي: ناس مبتجييش الا بالعين الفضي بصحيح 😂😂
هقولها هقولها بس روح هات انت..
رامي: ماشي بس مش هجيبه الا عشيه علشان أعرف أدخل و رعد مش هنا….
رودي: ماشي يا روميو هستنا الاندومي… ولحد ما يجي أروح أقعد مع لين…
بتروح رودي تقعد مع لين في الجنينه و في الوقت ده بيكون طالع رعد و الحسن وهما لابسين لبس صعيدي… و رعد كان موزز كده 😂😂
رودي: بمزاح صباح الاناناس علي أحلي ناس…
الحسن: صباح الورد يا بنيتي..
رودي: بس متقولش بنيتي دي علشان بتدوب قلبي من جوا…
الحسن: بضحك 😂 هتفضلي طول عمرك بكاشه اكده..
رودي: قلبي والله يا حسونه… وانت يا أخ رعد مبتردش الصباح ليه؟ أكلت فطورك انا ولا ايه… 😂
رعد: ببرود.. اني لو كنت رديت عليكي كنتي هتقوليلي….وبيقلد صوتها بطريقه مضحكه اني مبقولكشي انا بقول ل حسونه أبو عيون جمر ده انت بترد ليه…
رودي: بضحكه غبيه.. ايه دا انت عرفت أنا كنت هقول كده أزي.؟
رعد: بخفوت أني عرفتك أكتر من نفسك علشان من يوم ما شوفتك عشقتك….
رودي: بتقول حاجه؟…يا رعد
رعد: لا مبقولش….
الحسن: بضحكه رجوليه قويه…..لانه سمع رعد قال أيه.. متقولها كنت بتقول ايه يا عمده…
رعد: بسرعه.. يلا يا ابوي أتاخرنا علي القعده زمان الرجاله منتظرينا…
رودي: انتو هترجعوا أمتا؟
الحسن: علي بليل كده… وبيركب رعد و الحسن العربيه وبيروحوا مكان كبير في البلد وبيكون شبه صالة المحكمه وفيه رجاله كتير قاعدين في جهة و رجاله في الجهة التانيه وبيدخل رعد بهيبته المعتاده و بجواره الحسن القاضي العرفي للبلد و بيبداوا يتكلموا
في المشاكل اللي في البلد….
واحد من الرجاله… يا حضرة القاضي يا جناب العمده اني عندي شكوه ولازمان تسمعوها وتحكموا مين اللي غلطان فيها…
رعد: قول اللي عندك واحنا هنحكموا بعدل ربنا…
الراجل وهدان: يا جناب العمده زين أبن الحج خلف الله عم يلاحق بتي ويقول عنيها كلام عفش في البلد بتي متعلمه ومتنوره وزينه يا جناب العمده وعمر ما حصل منها عيبه و يجي هو ويقول انو عايحبها ورايدها والكلام الماسخ ده…
رعد: هو فين زين ابن الحج خلف الله
زين: اني هنا يا جناب العمده..
رعد: الكلام اللي عايقوله الحج وهدان ديه صوح…
زين: صوح يا جناب العمده اني عاحب بنت الحج وهدان وطلبت يدها وهو ماوافقش وعم يقولي انت مش متعلم زييها و بتي تستاهل حد احسن منك يا جناب العمده اني الحمد لله عندي شغلي وحالتي متيسره واهل البلد كلياتها عرفين اكده.. وكلام ربنا بيقول ان جاكم علي خلق ودين فازوجوه و الحج وهدان رفضني ل سبب تافه وهو حتي مسالش بنتو علي رايها فيا..
وهدان: بمقاطعه.. اهو يا حضرة العمده عم يقول مسالش بنتو بقصد ايه بحديتوا ديه…
زين: ما اقصدش حاجه يا حج وهدان اني هتجوز بتك برضاك او من غير رضاك ومش هسمحلها تكون مع حد غيري… و بعدين يا جناب العمده انت لو قارنت حكايتي مع وعد و حكايتك مع الدكتوره هتلاقي نفس الفرق ولا ايه؟
رعد: بعصبيه.. انت عم تقول ايه عاد يا واكل ناسك ايه اللي دخل الدكتوره في مشاكل اهل البلد…
زين: البلد كلاتها عارفه انك عاتحب الدكتوره و الا ليه مقعدها في قصرك؟
في هذه اللحظه تدخل الحسن لانه عارف انو لو ماتدخلش رعد هيقتل زين…
الحسن: بهدوء.. بس يا زين احب اجولك انت واهل البلد ان الدكتوره مرات رعد ولدي…
رعد: بصدمه.. وصوت هادي بوي انت عم تقول ايه؟
زين: نفس الشي يا حضرة القاضي انت لو لاحظت الفارق العلمي بين الدكتوره و جناب العمده هيكون نفس الفرق بيني انا و وعد اشمعنا هم اتجوزوا….
وهدان:لا مش نفس الفرق رعد بيه متعلم و متنور ولا نسيت انو ظابط في القاهره قد الدنيا و مرتوا دكتوره زي ما انت بتقول….انما اني بتي في كلية إلسن و انت مخلص دبلوم زراعي تيجي كيف دي….
رعد: بعصبيه.. انفضت المحكمه و مشكلة الحج وهدان و زين واد الحج خلف الله هتتحل عندينا في القصر بكره بليل بحضور زين وابوه و الحج وهدان وبته وممنوع الاعتراض….
وبيمشي رعد بعصبيه وبيركب عربيته وبيروح القصر هو وابوه……..
في القصر بيكون الليل جه و رامي جاب ل رودي كمية اندومي كبيره و رودي طبخته و قاعده بتاكل هي و رامي و لين في جنينة القصر من وراا علشان محدش يشوفهم…….
رامي: تسلم ايدك يا واد يا رامي علي الاندومي العظمه اللي جبته ده….
رودي: قصدك تسلم ايدك يا رودي علي طبخك الحلو في الاندومي ده
لين: والله ولا انتي ولا هو الاندومي بيكون جاهز علي قد الميه السخنه وبس…..
رودي: تب يا اوختشي كلي كلي اصلكوا عيال ناكرين للجميل……
وفي الوقت ده بيدخل رعد و الحسن من باب القصر…..
رعد: ايه الصوت ديه يا ابوي مش المفروض هما ناموا….
الحسن: والله معارفش يا ولدي تعالي نشوف فيه ايه؟
رعد: اممم اني خابر الريحه دي زين ديه ريحة المدعوق ديه اللي اسمه اندومي مين اللي دخله قصري و بيروح ناحيتهم بهدوء….. رودي بتكون قاعده و ضهرها تجاه رعد و رامي وشه مقابل وشه…..
رامي اول ما بيشوف رعد بيفضل يكح جامد..
رودي: بمزاح مالك يا رامي كانك شوفت هولاكوا اخوك قفشنا…
لين: بتضحك جامد..😂😂😂😂
رودي: متقولش هو واقف ورايا زي المره اللي فاتت؟
رامي: بيهز راسه بمعني اه…
رودي: بتدير وجهها و بتلاقي رعد وراها واقف زي هولاكوا 😂😂
رودي: بمزاح الله ايه اللي طلع هولاكوا من الفيلم وجابه هنا…. وبتقول هاعد من واحد لحد تلاته و اجري و قبل ما تجري بيمسكها رعد من قفاها و بيقول بصوت مرعب ايه اللي جاب البتاع ديه اهنيه؟
رودي: بكذب… والله ما انا يا باشا دا رامي هو اللي جابه من شويه قال ايه بوي و خوي مهيجوش دلوقتي ايه رايك يا رودي نجيب اندومي قولتلوا لا يا رامي دا مضر بالصحه يقولي أبداً لازم اجيبه…..
رعد: بيبص بنظرات قاتله ل رامي ورامي فاتح بقه علي اخره من الصدمه…. انا انا معملتش حاجه دي رودي هي السبب…
رودي: كداب يا باشا تنكر ان انت اللي جبت الاندومي…
رامي: لا. انا اجري احسن ليا و بيمسكه رعد من قفاها قبل ما يجري هو في ايد و رودي في التانيه و لين بتضحك عليهم 😂😂😂😂
لين: انا مليش دعوه يا باشا انا شميت الريحه وجيت اكلت بس….
الحسن: بضحك 😂 انا طالع اريح اني وانتوا مع نفسكوا يا ولاد…
رودي: استني يا حسونه خودني معاك بيطلع الحسن وبيسيبهم وهو بيضحك هو عارف اني رعد مش هياذيهم لان واحد اخوه و التانيه حبيبته..
رعد:يا جابر هات………..؟
………………..
رودي و رامي بيبصوا لبعض بخوف………….
ــــــــــــــــــــــــــــــــــــــــــــــ
ــــــــــــــــــــــــــــــــ
يا تري رعد هيعمل فيهم ايه؟
وهيحل مشكلة زين و وعد ازاي؟
و أكرم هيعمل ايه؟
الفهرس يحتوي على جميع فصول الرواية كاملة: ” رواية صغيرتي المجنونة ” اضغط على أسم الرواية