رواية انتقام بدافع الحب بقلم ايناس طه
رواية انتقام بدافع الحب الفصل الأول 1
رقية: بنت ملامحها جميلة وهادية محجبة 23 سنة متخرجة من كلية الالسن قسم تركي ، متوسطة الطول ، عيونها عسلي وشعرها اسود طويل وعايشة مع والدها واحمد أخوها الكبير
يوسف:30 سنة دكتور وجراح شاطر رغم سنه الصغير بيحب شغله جدا بشرته قمحاوية عيونه رمادي وشعره اسود بيحب اخوه آسر جدا وبيعتبره صاحبه واقرب واحد ليه
بسمة: بنت جميلة محجبة 23 سنة ، صاحبة رقية واقرب واحدة ليها وبتحبها جدا وكانت معاها في نفس الكلية ، عيونها لونهم اسود وشعرها بني طويل متوسطة الطول
آسر: اخو يوسف (من الاب) 25 سنة درس في كلية تجارة وبيشتغل في شركة مع صاحبه معتز ، بشرته فاتحة وعيونه خضرا وشعره بني ودقنه خفيفة
أحمد: أخو رقية الكبير مهندس بترول 25 سنة طويل وشعره بشرته خمرية اسود وعيونه بني وعنده دقن خفيفة
مصطفي: والد رقية 58 سنة
نادية: والدة آسر 56 سنة اهتمت بتربية يوسف بعد وفاة والدته وجوازها من أبوه وبتعتبره ابنها التاني زي آسر وأكتر كمان
معتز: مهندس برمجيات و صاحب آسر من زمان وبيشتغل معاه في نفس الشركة
عمرو: ابن عم معتز و صاحب يوسف
ولسة فيه شخصيات جديدة هتظهر مع الاحداث
أول مرة اشوف عروسة كده يوم فرحها افردي وشك
واهدي شوية يا رقية
رقية:مش عارفة يا بسمة انا قلقانة أوي بكلمه موبايله مقفول مش عارفة قلبي مش مطمن
بسمة:طبيعي يا بنتي مش عريس وبعدين تلاقيه مشغول شوية بلاش تقلقي نفسك علي الفاضي إن شاء الله خير
رقية بقلق:إن شاء الله
قطع كلامهم خبط علي الباب
بسمة:اتفضل يا عمو
والد رقية: خير يا بنتي ما حاولتيش تكلمي يوسف وتستعجليه شوية انتوا كده هتتأخروا علي الناس
رقية بقلق: مش عارفة يا بابا بتصل بيه موبايله مقفول انا خايفة ليكون جراله حاجة
والد رقية:بعد الشر يا بنتي اهدي بس شوية وانا هخلي اخوكي يشوفه ويطمنك
_______________________
في مكان تاني
والدة يوسف: ها يا آسر طمني فين أخوك وبعدين انت مش كنت معاه
آسر: ايوة يا أمي كنت معاه بس بعد كده قالي روح شوف المعازيم وانا هروح لرقية أجيبها وأجي علي هنا وكلمته بس لسة تليفونه مقفول
والدة يوسف: وبعدين أخوك أتأخر أوي ورقية علي أعصابها ربنا يجيب العواقب سليمة
والد رقية: وبعدين الساعة جت11 ومفيش أي خبر هنعمل إيه وهنقول إيه للناس اللي سايبنهم
أحمد:اهدي يا بابا علشان خاطري
والد رقية:اهدي ازاي انت مش شايف اللي بيحصل وأختك هيجرالها حاجة ولا الناس اللي موجودة ومبطلتش أسئلة
والدة يوسف بانهيار: مش عارفة نعمل إيه انا قلقانة علي ابني خايفة يكون حصله حاجة
أحمد: طب وبعدين الناس هيفضلوا قاعدين كده
آسر: انا بقول يا عمي اننا نعتذر للناس دلوقتي ونقولهم ان حصل ظرف والفرح اتلغي أو اتأجل ونروح ندور عليه في كل مكان وان شاء الله هنلاقيه
أحمد: انا شايف كده برضو
وفعلا احمد وآسر دخلوا القاعة واعتذروا للناس
_____________________________
راحوا يدوروا علي يوسف في كل المستشفيات والاقسام و كل الاماكن اللي بيروحها لكن ملقيهوش
رجعوا عند رقية
رقية بانهيار:يعني إيه مش موجود في اي مكان هيكون راح فين
انا كنت حاسة انه مش بخير وان في حاجة حصلتله
بسمة: علشان خاطري بس اهدي انتي كده هتقعي مننا اهدي بس وان شاء الله
هيظهر وميكونش فيه أي حاجة
ووو…..
يتبع الفصل التالي: اضغط هنا
الفهرس يحتوي على جميع فصول الرواية كاملة: ” رواية انتقام بدافع الحب” اضغط على أسم الرواية