رواية طفلة الفهد الفصل الواحد و الاربعون
في المستشفي✨
سمر كانت واقفه على جنب ومالك كان بيبص عليها وفجاه تليفون مالك رن
مالك طلع تليفونه وقال:الووو ٠٠٠
_مالك ابنى !!
مالك بص في التليفون وقال:عمى
سمر جرت عالطول وشدت التليفون من مالك وقالت بعياط:بابا ماما
_سمر في اي يا بنتى
مالك شد منها التليفون وقال:مفيش يا عمى خالتى بخير
_طب سمر بتعيط ليه يا ابنى
مالك بص لسمر وقال:شويه ارهاق مش اكتر وان شاء الله هنيجى بكره خليك انت في شغلك
_صحيح انت مش قولت انك مسافر
_للاسف الطايره أقلعت ومالحقتهاش
_ولا يهمك المهم انا حاليا في اسكندريه مش هقدر اجى الا بعد يومين تاخد بالك من سمر وخالتك
_حاااضر يا عمى ٠٠٠
مالك قفل التليفون وسمر اتعصبت اوى وقالت:انت ازاى تكدب على بابا وتقوله كده
_سمر افهمى ابوكى في الشغل وبلاش ينخض وممكن يجرا ليا حاجه وبعدين امك هتعمل العمليه بكره وهتبقا بخير أن شاء الله مفيش داعى للقلق
سمر:_______
_مش جعاانه ؟؟
سمر هزت راسها وقالت:مقدرش اكل طول ما ماما تعبانه
_بس امك مش تعبانه امك بخير وبعدين في مطعم قريب اوى من المستشفي اي رايك
سمر هزت راسها بمعنى: مااااشي
مالك ابتسم وسمر بصت في الأرض عالطول خجلا من نظراته الساحره
في قصر الأنصاري ✨
_طب افتح قولى في اي ؟
_ماما انا مش عايز اكلم حد ارجوكى امشي
_عشان خاطري افتح الباب وبوعدك مش هتكلم عشان خاطري يا محمود
محمود قام وفتح الباب وقال:اي يا ماما
اخدت ابنها في حضنها وقالت:في اي انا اول مره اشوفك كده
محمود بحزن شديد:انا ظابط فاشل يا ماما ومينفعش ابقا ظابط اصلاا
بعدت عنه وقالت:انت اشطر ظابط في البلد بل في العالم كله
محمود بضحكه تحمل التريقه:لا يا ماما انا افشل ظابط في البلد مش في البلد بس في العالم كله
_طب قولى اي اللى حصل
_جمال
بخضه:ماله ؟
_جمال طلع يا ماما اخطر مجر’م على وجه الارض طلع يا ماما السلطه والفلوس هزمت العدل يا ماما
_بس ازاى يا ابنى
_اوامر يا ماما اوامر
_واختى ده ممكن يعملها حاجه
محمود بص في الأرض وقال:انا اسف يا ماما والله لو بايدي كنت عد’متوا
_اهدا يا حبيبي متزعلش نفسك وانا واثقه انك هترجعوا لمكانه الطبيعى تانى
_بس المره ده مش السجن يا ماما المره ده هتكون قبر’ه أن شاء الله
حطت أيدها على خده وقالت:وانا واثقه فيك
محمود ابتسم وقال:ومش هخذل ثقتك ده ابدااا
ابتسمت أيضا وقالت:أن شاء الله
في قصر الكيلانى ✨
زينب رجعت لورا وبدأ جس’مها يرتعش وقالت بارتباك:انت انت بتعمل اي هنا
جمال اخدها في حضنه وقال:بدل ما تقولى اخيراا وتكونى فرحانه تقولى انت بتعمل اي هنا
زينب زقت جمال وفجاه الدموع نزلت من عينها وقالت:انت ازاى طلعت من السجن
شيري كانت نازله من على السلم ومبتسمه وجمال بص ليها أيضا وابتسم وكانت ابتسامتهم تحمل الخبث والشر
_اطلع برااا
_اطلع ازاى مش ده بيتى ولا اي ؟
_بقولك اطلع براااا
بتول نزلت عالطول وقالت بصدمه: بابا
_بنتى حبيبتي اللى وحشانى اوى
جمال كان رايح يحضن بتول ولكن بتول جرت على امها عالطول وجمال كان في حاله ذهول وقال:في اي يا بنتى ده انا ابوكى حبيبك
_انا معنديش غير اب واحد بس
_ومين ده ؟
_فهد هو اخوي وأبوي وكل حاجه
_بتول انتى بتقولى اي
_اطلع براااا
جمال وقف قصاد زينب اللى كانت في حاله صدمه وقال:قولتى للعيال اي يا زينب عشان يكر’هونى كده
زينب بصت ليا وقالت:قولت لعيالك اللى كان لازم يتقال
جمال بص ليهم وكان متعصب اوى وفجاه طلع على السلم
_انت رايح فين ؟
_رايح اوضتى
_قولتلك اطلع برا
_بلاش التهديد ده عشان انتى عارفه انا ممكن اعمل اي
زينب اتحولت إلى الامراه الضعيفه وللاسف سكتت ومقدرتش تمنع جمال
(لان جمال كان بيتكلم عن السر)
_ماما انتى هتخلى يطلع كده ده واحد مجر’م
زينب:__________
_ماما ردي عليا قولى حاجه
زينب خدت بعضها ومشت ومردتش على بتول اللى كانت واقفه في حاله صدمه وذهول في نفس الوقت
في اوضه جمال ✨
جمال اترمي على السرير وقال:اخيراااا
وفجاه حد دخل وقفل الباب ليقوم جمال عالطول وقال:انتى ازاى ؟
_انا اي
جمال ابتسم ابتسامه خبيثة وقال:عملتى كده ازاى
شيري وقفت جنب البلكونه وقالت:مش انا ده بابا
_ازاى
فلاش باااك ✨
شيري رنت على ابوها وقالت:بابا ان عطيتك مهله لمده يومين ومعملتش حاجه لحد دلوقتى
_شيري انا مقدرش اطلع جمال
_حلو اوى يبقا نتقابل عند ربنا بقاا
_اهدي اهدي جمال هيطلع بكره باذن الله
_ولو مطلعش ثم كملت:همو’ت نفسي يا بابا
_موااافق بس أوعك تعملى حاجه والنبي
_مش هعمل حاجه لو حضرتك نفذت اللى قولتلك عليااا
_حاااضر
شيري قفلت التليفون وقالت:اخيرااا
والد شيري رن على واحد واصل اوى في مصر من ناحيه الشرطه
_اخبارك اي يا ****
_تمام الحمد لله انت اخبارك اي
_انا بخير فينك من زمان
_انت عارف بقا انا سافرت امريكا انا والمدام وبنتى
_اه سمعت انك سافرت
_المهم انا طالب منك طلب
_طبعا طبعا
_جمال الكيلانى
_مالو
_عايزو يطلع باي طريقه
_بس ده واحد مجر’م وعليا قضايا كتير
_انا اول مره اطلب منك طلب
_اعتبره حصل
_مش هنسالك الجميل ده ابدااا
_انت بتقول اي انت ناسي عملت معايا اي ده انا اللى مش هنسي جميلك ابداا
(والد شيري نقذ بنت الشخص اللى لسه مكلمه ده من اربع شباب كانوا عايزين يغتص’بوها )
والد شيري قفل التليفون وقال: سامحني يا رب انا اول مره اعمل حاجه وحشه كده بس مقدرش اتحمل خبر وفا’ه بنتى ده بنتى الوحيده
بااااك ✨
_بس والدك ده طلع واصل اوى يا شيري
_مش اوى يعنى !! ثم كملت:المهم زينه تمو’ت
_زينه !!
شيري بصت ليا وقالت:في اي اول ما نطقت اسم زينه عينك لمعت مره واحده
جمال بارتباك: لا محصلش طبعا
شيري راحت عند جمال وقالت:زينه تمو’ت يا جمال
_امال فهد فين ومالك ؟
_فهد سافر هو وزينه الامارات ومالك براا
_هقت’لك زينه لما يرجعوا
_موافقه ارتاح انت وانا هطلع ولينا كلام كتير
جمال ابتسم وقال: طبعااا
شيري طلعت وجمال قعد على السرير وقال:مكنتش اعرف ان فعلا هحب زينه البت ده خدت قلبي خصوصا لما بعدت عنها
(احترم سنك يا راجل )
عند مالك وسمر ✨
مالك عدل الكرسي لسمر وقال بحب:اتفضلى
سمر قعدت ومالك قال:تحبي تاكلى اي غير الحار طبعاا
سمر ابتسمت ومالك فرح اوى أنه قدر يفرحها
_تطلبوا اي
مالك بص في المنيو وطلب الاكل فعلااا كل ده وسمر كانت حاسه بأمان وهي معااا
سمر بصت لتحت ومالك كان باصص عليها بدون خجل
_انتى كويسه ؟
سمر هزت راسها وقالت:اه بخير
_انا عارف انك عايزه تبعدي عنى بس انا مقدرش ابعد عنك
مالك قالها بكل جراه
سمر:_________
مالك قرب الكرسي من سمر ومسك أيدها وقال:انا ارتكبت أخطاء كتير بس بوعدك مش هعمل حاجه تانى تجر’حك فرصه بس عايز فرصه واحده مش اكتر
سمر سحبت أيدها وقالت:انا داخله الحمام
مالك بعد عنها وقال:تمااام
سمر قامت وكانت حاطه أيدها على قلبها وقالت وهي ماشيه: مستحيل ده يحصل الفرص انتهت يا ابن الكيلانى
وفجاه تليفون مالك رن
_الوووو
_حضرتك مالك
_ايوه مين
_الكلام مش هينفع على التليفون ممكن اقابل حضرتك لو سمحت ويا ريت لو مدام سمر تكون معاك
مالك رفع حاجب وقال:وعايز مراتى ليه
_الكلام اللى عايز حضرتك والمدام فيا بيخص الصور وصدقنى الكلام مش هينفع على التليفون ابدا
_تماام عارف ****
_اه طبعاا عارفه مسافه السكه وهكون عندك
مالك قفل التليفون وقال:يا تري عايز يقول اي
في الحمام ✨
سمر غسلت وشها وبصت في المرايا وقالت:هو فعلا يستحق فرصه ولا لا ؟
(سمر محتاجه رايكم هل مالك فعلاا يستاهل فرصه ولا لا )
سمر رجعت شعرها لورا وطلعت
الجرسون حط الاكل على السفره
وسمر قعدت على الكرسي ومالك قال:في واحده عايزنا
_مين ؟
_مش عارف بس هو قال إنه عايزنا
_وهيجى هناا
مالك هز رأسه وقال: الاكل مش عاجبك ولا اي ؟
_لا بالعكس ده حلو اوى
_طب كولى ولا اجى اوكلك
سمر مسكت المعلقه عالطول وقالت:انا عندي ايد هاكل لوحدي
مالك ضحك على خوفها لما قالها كده !!
عند فهد وزينه✨
الشاب رجع لورا ومن غير ما ياخد باله وقع من على الجبل ومسك ايد زينه وشدها معاااا
_اعاااااااا
_زينننه
انقطع صوت زينه وفهد فجاه مع زياده الريح الذي يحمل التراب الاصفر وورق الشجر
فهد مسك ايد زينه عالطول وشدها ليا لتترمي في حضنه
زينه كانت بترتعش وخايفه اوى
_اشش انا جنبك أوعك تخافي
وفجاه زينه اغمى عليهااا
_زينه زينه
فهد شال زينه وركبوا العربيه ومشي عالطول متجها إلى المستشفي
في المخزن ✨
_فين حسن ؟
_مفيش حد بالاسم ده
_حسن بيه
_في اي ؟
_البوليس تحت وبيسال عليك
حسن بارتباك:بوليس
_ايوه
حسن قام عالطول وطلع من باب خارجى ولكن لقي الظابط في وشه
_بقا جاي من مصر عشان تخطف البنت
حسن زق الظابط عالطول وكان رايح يجري ولكن الظابط ضر”به بالنا”ر في رجله
حسن وقع على الأرض وقال بصوت عالى جدااا: اعااااا
_امسكوا فورا
بالفعل مسكوا حسن وخدوا ومشوا
في المستشفي ✨
فهد كان واقف برا وخايف اوى على زينه
بعد مرور بضعه دقائق
الدكتوره خرجت وفهد انتهد عالطول وقالت:زينه بخير صح ؟
_اتعرضت لصدمه مش اكتر وحاليا بخير
فهد خد نفس عميق وقال:الحمدلله يا رب
الممرضه:المريضه فاقت ومش على لسانها غير اسم فهد
فهد فرح اوى ودخل لزينه عالطول
_فهد
فهد دخل وباسها على رأسها واخدها في حضنه وقال:انا اسف يا زينه مكنش ينفع اسيبك لوحدك
زينه مسكت في فهد جامد وقالت:انا كنت خايفه اوى
_قولتلك طول ما انا جنبك متخافيش
_انا بحبك اوى
_وانا بموت فيكى
زينه بعدت عن فهد وقالت:الين وتيم الشاب قال إنكم مخطوفين
_تيم والين بخير يا طفلتى اهم حاجه انتى دلوقتى
زينه حضنت فهد وقالت:وانا بخير يا منقذي
فهد ابتسم وقال:هنرجع مصر
زينه حضنت فهد جامد وقالت: اخيرااا انت عارف ماما زينب وبتول وسمر وحشونى اوى
فهد زق زينه وقال:يعنى عايزه ترجعى عشانهم
_اه امال هرجع عشان مين
فهد ابتسم وقال:بهزر معاكى
زينه ضر’بت فهد في بطنه وقالت:وهزارك بايخ
الدكتوره دخلت وقالت:اخبارك اي دلوقتى ؟
زينه بصت لفهد وقالت:دلوقتى بخير
الدكتوره:يبقا اكتبلك على خروج بقا
زينه فرحت اوى والدكتوره قالت:ده روشته العلاج لازم تاخدي علاجك على الوقت
_فهد قولها انى مش بحب العلاج
_زينه بلاش شغل العيال الصغيره ده وقومى يلاااا
_انا اقوم
_ايوه عشان نمشي
_بس انت عارف انا مش هقدر أمشي ابدااا
فهد رفع حاجب وقال:ليه
_من الخوف رجلى بترتعش لحد دلوقتى
_طب اجبلك ترولى ؟
زينه زعلت اوى وقالت:يا ريت كنت وقعت من على الجبل
فهد اتحول الى شيطا’ن ومسك ايد زينه جامد أوى وقال:اي الكلام ده مليون مره قولتلك متقوليش كده
_انا اسفه
فهد ساب زينه عالطول وقال:متقوليش كده تانى
_حاااضر
فهد اخدها في حضنه وقال:انا اسف مكنش لازم اعمل كده
زينه:____________
_خلاص بقا انا اسف
_خلاص مش زعلانه هي ده اول مره ما انت كل مره بتعمل كده
فهد شال زينه وقال:وكده اعتقد هتسامحينى
زينه ابتسمت وقالت:طبعاااا
_صغيره وعفر’يته
_عفر’يته ؟
_وقمر حلو كده
زينه ابتسمت وقالت:والله ما حد قمر الا انت يا فهودتى يا قطعه من قلبي
فهد رفع حاجب وقال: قطعة من قلبك طب بقيه قلبك لمين
_ده لواحد تانى
فهد بغيره:ويا تري الواحد التانى ده احلى منى في اي
زينه محاولة اغاظه فهد:ده واد قمر عينه سو’ده وشعره اسو’د وبشرته قمحويه واد سكر كده
فهد بابتسامه:ده توأمى بقا
زينه بتفكير:معرفش
فهد باس زينه من خدها وقال:تسلم الفم اللى بينزل سكر ده
زينه بطفوله: خلاث (خلاص) بتكسف
_زينه
_امممم
_انا عايز طفل منك
زينه وشها احمر اوى وبارتباك:طفل ؟
_عندك اعتراض
زينه بخجل:لا طبعااا
_ناجل الموضوع ده لما نرجع مصر اي رايك
زينه هزت راسها والخجل كان هو عنوانها
اخيراا فهد طلع وركبوا العربيه ومشوا
عند سمر مالك ✨
_مالك
مالك قام وقال:ايوه
_انا الشاب اللى كلمتك من شويه
_تمام اتفضل
الشاب قعد وقال:انا مش عارف اقولكم اي حقيقي انا مكسوف منكم اوى
مالك وسمر بصوا لبعض ومكنوش فاهمين حاجه
_انا اللى عملت الصور ده
مالك باستغراب:صور اي ؟
_الصور اللى كانت في المدرسه
مالك قام واتحول إلى شيطا’ن ومسك الشاب من لياجته وضر’به بالبوكس في وشه
_اعااااااا
سمر مسكت ايد مالك وقالت:مالك اهدا عشان خاطري
_اهدا ازاى ده كان عايز يشوه صورتك قدام الناس
_انا عارف انى غلطان بس والله غصب عنى
_غصب عنك اي بس يا حيوا’ن
مالك زقوا على الأرض وقعد يضر’ب فياا
_اعاااااا
_مالكككك كفايه عشان خاطري
_لا يا سمر ده لازم يتادب
الكل حاول يبعد مالك عنه ولكن مالك مكنش في واعيه خالص
وفجاه الشاب اغمى عليا
الكل:ده ما'”اات
يتبع الفصل الثاني والاربعون اضغط هنا
الفهرس يحتوي علي جميع فصول الرواية كامله”رواية طفلة الفهد” اضغط علي اسم الروايه