Ads by Google X

القائمة الرئيسية

الصفحات

رواية عشقت العمدة نور الفصل الثامن عشربقلم رنا احمد

 

رواية عشقت العمدة نور الفصل الثامن عشر

في المستشفي ..
كانوا يقفون ادهم وريم وسعديه فرحا بنجاح عمليه فريال .
ادهم بابتسامه وسعاده /حمد لله على سلامتك ي ماما هروح أبلغ الدكتور انك فوقتي .
ريم بابتسامه /حمد لله على السلامه ي أما .
فريال بابتسامه وعتاب /الله يسلمك ي ريم سمحيني ي بنتي سمحيني انا ياما اذيتك كتير وجرحتك كتير كنت مغروره ومش شايفه قدامي غير الغرور وبس بس انتي طلعتي بنت اصول والست سعديه كمان ونعمه الستات .
سعديه بابتسامه /انتي الي ست الستات والحمد لله أن ربنا قومك بالسلامه .
في المدرسه ..
كادر بحده /ممكن اعرف ايه الي شوفته ده ي ست هانم .
فيروز بضحك /ههههه انت بتغير عليا ي كادر ومن مين من اونكل كابر ده زي بابا بالظبط .
كادر بغيظ /انا مش هتحدد كتير مش لازما يوصلك ويفضل يبوس فيكي كده فاهمه ولا لا.
فيروز بابتسامه / فاهمه خلاص متزعلش هبقا اكلمك المغرب علشان تشرحلي المساله دي لاني مش فاهمه فيها حاجه خالص.
كادر بضيق /لا مش هينفع المغرب خليها متاخر لاني هتاخر النهارده في الورشه .
فيروز بغيظ /برضه مصمم علي شغل الورشه ده ي كادر .
كادر بغيظ/واه عليكي ي فيروز ماحنا حكينا في الموضوع كتير قبل كده قولتلك اني لازما اساعد امي في أي حاجه .
فيروز بياس /طيب ي كادر انا عارفه اني مهما اتكلم انت هتفضل تعمل كده .
كادر بابتسامه /واه عليكي عاد مكل ده علشان خاطرك علشان لما اكبر اجي اتقدملك وانا معايا فلوس كتير ساعتها ابوكي مستحيل يرفض .
فيروز بضحكه ساحره /هههههههه ماشي ي سيدي .
سمر بعبوث وطفوله /انتي فين ي فيوز بدور عليكي .
فيروز بحنان /روح فيروز انا هنا اهو .
كادر بمرح /عامله ايه ي قلبوظه .
سمر بعبوث /متقولش قلبوظه .
كادر بابتسامه /تعالوا نأكل ايس كريم .
فيروز بابتسامه /ماشي يلا .
في المشغل ...
كانت تقف نور وهي تمسك بذلك الفستان الابيض الساحر الذي صممته هي بذاتها .
فتحيه بحنان /حلو اوي ي نور زيك بالظبط .
نور بحزن /كان نفسي البسه جوي ي خاله .
فتحيه باستغراب /مش انتي لبستي فستان في فرحك انتي وكابر .
نور بضحكه عاليه وهي تتذكر ما حدث في ذلك الليله المجنونه /هههههه البس فستان ده انا كنت عامله زي الغفير ده انا قضيت ليله الدخله بالكلسون .
فتحيه بصدمه /ي نهارك اسود ده تلاقي كابر عطاكي علقه محترمه .
نور بدمع واشتياق /بالعكس كابر مفيش منه ابدا .
فتحيه بحنان /ربنا يلم شملكم قريب ي حبيبتي .
نور بدعاء /يارب ي خاله ي يارب ..
في شقه ادهم ...
كان يجلس كابر وهو يفكر في ذلك الطفل الذي استحوذ علي جزء كبير من تفكيره لم يعلم لما يفكره بذاته .
ادهم بابتسامه /ايه ي كابر لسه برضه بتفكر في الولد ده .
كابر بابتسامه حنان /مش عارف ي ادهم الولد ده فيه حاله غريبه اتشديت ليه بشكل مش معقول ده واد لبط ياكلك كده وانت واقف .
ادهم بابتسامه /عقبال مايكون عندك زيه ي حبيبي .
كابر باشتياق /انت عارف ي ادهم اني في لحظات حاست أنه ممكن يكون ابني. 
ادهم بصدمه /انت بتقول ايه ي كابر .
كابر بتفكير /ليه لا عنده ست سنين واسمه كادر قريب من اسمي وصعيدي كل ده ومش عيازني اشك .
ادهم بجديه /لا ده انت اتجننت ي كابر مش لدرجه دي ده ولا الخيال .
كابر بحماس /مفيش غير فيروز هي الي هتساعدني .
في غرفه فيروز  ...
فيروز بضيق /انت لسه كل ده مروحتش ي كادر .
كادر بهمس /اعمل ايه ي فيروز عاد الشغل كتير والمعلم مش عايز يسبني واصل كل الي مخوفني امي تلاقيها هتموت من القلق عليا كل شويه اقولها جاي قاعد مع عيال صحابي طب اقفلي دلوقتي ي فيروز هحاول معاه تاني .
فيروز بضيق /عايز تموت نفسك ي كادر .
كابر بحماس /ازيك ي فيروز .
فيروز بابتسامه /اتفضل ي اونكل كابر .
كابر بتمني /فيروز انتي تعرفي كادر كويس مش كده .
فيروز بثقه /ايوه طبعا ده انتيمي .
كابر بحماس /تعرفي اسم والدته أو شفتها قبل كده.
فيروز بتذكر /لا مشوفتهاش لأنها منقبه والي اعرفه انها اسمها ناريمان وهو دايما يقول عليها نوري .
ادهم بحزن /مش هي ي كابر متحاولش تصدق وهم .
كابر بحماس وتمني /مش هياس ي ادهم مش هياس قوليلي ي فيروز هو كادر في البيت دلوقتي مش كده .
فيروز بضيق /لا كادر في الورشه الي بيشتغل فيها .
كابر بحده /ورشه ايه ازي طفل في السن ده يشتغل .
فيروز بضيق/هو بيشتغل علشان يساعد مامته هي صحيح مش محتاجه لدرجه دي لكن هو دايما بيحب يكون الراجل بتاعها .
كابر بغيظ وضيق /طب تعالي معايا وريني الورشه دي فين .
في الورشه ...
كان يجلس كابر أرضا وهو يعطي المعلم أدواته لينصدم كابر من ذلك المنظر ليمسكه بحده وضيق .
كابر بحده /انت ايه الي انت بتعمله ده .
كادر بضيق /ايه عاد فيه ايه .
كابر بغيظ /فيه ايه كل ده وفيه ايه ازي ولد في سنك يشتغل وشغلانه زي دي .
كادر بوجع /علشان اساعد امي ومخليهاش محتاجه حاجه واصل امي تعبت كتير جوي علشاني ابويا سابنا وسافر من وانا صغير علي قد سني الصغير الي ممكن يخليك فاكر اني مش فاهم حاجه فأنا فاهم كل حاجه وعارف امي اتعذبت قد ايه علشان تربيني لحالها .
كابر وكأنه يشعر ببصيص من الامل /يعني والدك مش موجود من ساعه متولدت .
كادر بحزن /ايوه علشان كده انا قولت لازما اكون راجل لامي في كل حاجه .
كابر بفخر بذلك الصغير /ربنا يخليك ليها بس برضه لازم تخلي بالك من نفسك فاهم اوعدني انك متجيش هنا تاني واعتبرني زي باباك واطلب مني الي انت عاوزه واي حاجه محتاجها .
كادر بحده /احنا مش شحاتين ي كابر بيه انت فهمت غلط .
كابر بابتسامه /جرا ايه ي عم كادر داخل عليا حامي كده ليه أنا مقصدش .
فيروز بابتسامه /هو كده دايما ي اونكل كابر .
كابر بابتسامه وحنان /طب يلا ي سي كادر تعال اوصالك .
كادر بقلق /ماشي بس مش عايز أمي تعرف حاجه واصل وعد .
كابر بحب /وعد طبعا يلا ...
في شقه فتحيه ...
كانت تسير نور برعب وقلق .
فتحيه بحنان /اهدي اهدي ي ضنايا كادر ميتخفش عليه زمانه جاي .
نور بخوف /ده بقاله ساعه بيقولي جاي وبعدين التلفون اتقفل ي خاله .
فتحيه بلهفه /ايه ده مش صوته .
نور بلهفه وحده /ايوه هو هنزله اسود عيشته .
في الاسفل ..
نور بغضب شديد /كنت فين كل ده عاد ي كادر كده كده تحرق قلب امك عليك .
كابر بابتسامه من خلفها وهو يشعر بذلك الصوت المألوف له /ابنك راجل متقلقش عليه .
وقفت الحياه نعم وقفت عندما سمعت ذلك الصوت نعم فهو صوت معشوقها ذلك الصوت الذي يحمل الدفا والحنان كانت تنظر إليه من خلف نقابها باشتياق ولامعه في عيناها لكن وقعت عيناها علي ذلك الدبله اللعينه الذي تخترق يده وذلك الفتاه الذي يمسكها في يده لينزف القلب الما فما توقعت حدوث حدث بالفعل قد تزوج كابر فانتهت نور من حياته لتستعيد قوتها وثباتها فتقطعت كل الخيوط .
صالح بقلق /فيه ايه ي بنتي واقفين كده ليه .
نور بقوه مصتنعه وهي تنظر إلي صالح نظره يفهمها جيدا /مفيش حاجه ي ابوي ده البيه الله يباركله كان موصل كادر .
صالح بحده /كده برضه ي كادر تأخر وتعذب ماما كده .
كادر بحزن /اسف ي جدو .
صالح بابتسامه /شكرا ي سعاده البيه .
لينصدم كابر بشده برغم كل ما يشعر به لكن كل مايحدث يدل علي أنه بالفعل ذلك كان وهم فذلك لم تكن هي معشوقته ليشعر بقلبه يخفق الما بشده فتبخرت كل أحلامه .
كابر بحزن شديد /علي ايه بس خودوا بالكم منه عن اذنكم .
ليرحل كابر سريعا لتسرع نور الي الاعلي .
في غرفه نور .
نور بدموع شديده والم في احضان فتحيه/اتجوز اتجوز ي خاله كابر اتجوز وخلف ي خاله خلاص نسيني اه اه ي وجع قلبي وحرقته ي خالتي .
فتحيه بدموع وحزن /اهدي اهدي ي ضنايا متعمليش في نفسك كده ي أما نصحتك تروحيله وتتكلمي معاه وتلموا شملكم من تاني كنتي دايما ترفضي .
نور بدموع وقهره /خلاص خلاص ي خاله الموضوع خلص انا هعيش لابني وبس وبس نور خلاص ماتت  .
في فيلا سراج .....
سراج بغضب شديد /كابر انا حدد ميعاد فرحك الاسبوع الجاي .
كابر بغضب /فيه ايه ي بابا هو انا عيل صغير ولا ايه .
سراج بغضب /ي ريتك عيل صغير كنت استوعبت الي انت بتعمله سعادتك مستني ايه تاني بقالك 6سنين خاطب البت ناوي تتجوزها امتا انشاء الله .
كابر بغضب /انا مش عايز اتجوزها ولا زفت وافتكر حضرتك اني وفقت أخطبها علشان خاطرك .
سراج بحده /اه طبعا لسه عايش في الوهم اسمع الفرح لتحدد الخميس الي جاي وقسما بالله ي كابر أن فكرت تعمل اي حاجه لانت ابني ولااعرفك انا مش هسيبك تتضيع نفسك اكتر من كده شوف اختك وادهم شوف بناتهم بقوا قد ايه وسعادتك وقف محلك سر انا قولت الي عندي ي كابر .
كابر بوجع شديد /انتي فين ي نور سيباني ليه ي حبيبتي وحشتيني وحشتيني اوي ي نور .
في شقه فتحيه ..
كادر باستغراب /مالك ي أما شكلك مش زينه .
نور بوجع وحزن /ابدا ي قلب امك تعبانه شوي .
كادر بحنان /شوفتي فيروز ي أما .
نور بالم /اه الي كانت مع بابها انبارح .
كادر بابتسامه /لا ي أما ده صاحب ابوها .
نور بلهفه /ي عني مش بنته .
كادر وهو يأكل /لا ي أما .
نور بهمس ووجع/مفرقتش ي نور ماهو اتجوز بس انا الي استاهل انا الي ضحيت بيك وسبتك ي كابر .
في فيلا سراج ...
سراج بابتسامه/الف مبروك ي سالي ي حبيبتي .
سالي بخبث /الله يبارك فيك ي اونكل .
ريم بهمس واشتياق/ي ترا انتي فين ي نور بس السحليه دي تتجوز كابر .
سالي بدلع /والله انا محتاره اجيب الفستان منين في الوقت القصير ده .
فيروز بابتسامه/من عند مامه كادر بتعمل فساتين حلوه اوي .
سالي باستغراب /مين مامه كادر دي .
ريم بضيق/دي والده كادر زميل سالي في المدرسه وعي عندها مشغل وبتعمل فساتين حلوه اوي وفي اسرع وقت .
سراج بجديه /خلاص ريم خودي سالي وروحي عندها واختاروا من الفساتين الي هناك .
ريم بهمس وضيق /ياخدها ربنا انشاء الله .
فريال بابتسامه /وانا كمان هاجي معاكم .
في الصعيد ...
في دوار وهدان ...
المحافظ بغضب /اظن كده كل الاعيبك انكشفت ي حاج وهدان .
وهدان برعب/حديد ايه ده ي سياده المحافظ .
المحافظ بغضب /6سنين وانت بتتضحك علينا ونور بنتك مسافرتش ولا حاجه وأنها هربت وانك كل ده بتتدعي كده علشان العموديه متروحش منك بس خلاص العمده نور خلاص مبقاتش عمده الدباح فيه عمده جديد هيمسك البلد من بكره .
وهدان بتعب وقهره /لا كل الي كده نور بتي هتفضل عمده الدباح والعموديه مش هتخرج من عائلتنا واصل .
المحافظ بغضب /الي قولته هو الي هيتنفذ ي وهدان واي اعتراض منك فيها سجن.
وهدان بصراخ وانهيار وتعب وهو يسقط أرضا /لا محدش هياخد من العموميه واصل محدش هياخد العموديه واصل ي نورررر انتي فين ي نور الحقي ابوكي اه .
عوض بصراخ /ي مخيمر ي مخيمر بلغ الإسعاف بسرعه .
في المشغل ...
فريال بابتسامه /هو ده المشغل الي قالت عليه فيروز .
سالي بغرور /شكله مش بطال .
ريم بهمس وزهق /ي ساتر يارب علي الرخامه .
نور بابتسامه حزينه  /اتفضلوا أهلا و توقف الكلام في حلقها وهي تنظر ل ريم باشتياق وسعاده كانت تود أن ترتمي في أحضانها وتبكي لكن تراجعت عندما رأت حماتها وذلك الفتاه معاها فتراجعت خوفا من أن تفتعل لها أي مشكله .
سالي بغرور / عايزه اشوف فساتين الافراح الي عندك .
نور بضيق من غرورها /اتفضلي عندك .
سالي بغرور /لا انا مش عايزه اي فستان انا سالي شاكر وهتجوز من المقدم كابر عبد الحي ي عني عايزه فستان عالمي .
نور بهمس وصدمه وانتباه /كابر ي عني كابر خاطب السلعوه دي احممم والفرح امتا انشاء الله .
سالي بغرور /بعد بكره .
نور بخبث /مبروك ي عروسه اتفضلي اتفرجي ونقي الي يعجبك وانا بنفسي هاجي البسهولك يوم الفرح وهظبطلك الدنيا .
سالي بغرور /اوك .
نوربخبث وهمس /جالك الموت ي تارك الصلاه قسما بالله ي بنت الفرطوس لوريكي ربنا مظبطلك كل حاجه ي نور ضيعتي كابر زمان من ايدك بس عمرك مهتتضيعي دلوقتي واصل ....
في يوم الفرح 😂😂🤭😂😂.
في فيلا سراج ....
كانت تسير نور بحزر وهي تحمل الفساتين .
كادر بابتسامه /أما أنا هروح ل فيروز .
نور بهمس /ماشي روح .
ريم بابتسامه /اهلا وسهلا نورتي انا هاخد فستاني وفستان حماتي اتفضلي العروسه فوق .
في غرفه كابر ..
كابر وهو يربط الكارفت بزهق.
ادهم بابتسامه /زي القمر ي حبيبي .
كابر بضيق وزهق /قمر بالستر والنبي تسكت علشان مش طايق نفسي عمك بيحطني قدام الأمر الواقع عزملي البلد كلها علشان يحرجني .
ادهم بحزن /ماهو خايف عليك ي كابر الراجل عايز يفرح بيك حقه .
كابر بغيظ /وحياه ابوك مش ناقص يلا خلينا نخلص من اليوم الزفت ده .
في غرفه سالي ...
سالي بغرور /عيزاكي تعمليلي قصه في شعري زي الي في الصوره بالظبط فاهمه.
نور بخبث وشر /متخافيش ي عروسه ده انا هظبطك علي الاخر يلا استعنا علي الشقه بالله .
في الاسفل ...
بعد مرور وقت ...
كانت تسير سالي علي الدرج بسرعه فائقه وصراخ وهي تفعل حركات عشوائيه اثر بودره الهرش الذي سكبتها نور علي الفستان بالكامل .
سالي بصراخ والم /بابا الحقني ي بابا .
كابر باستغراب /هي ولعت ولا ايه ايه الشياط الي في شعرها ده .
ادهم بضحك /هههههه دي بقت نص ساوه .
شاكر بغضب /ايه ي حبيبتي مين الي عمل فيكي كده .
سالي بصراخ والم شديد /المجنونه الي بتلبسني الفستان حرقت شعري وبهدلتني بسرعه وديني المستشفي هقطع جسمي من الهرش .
لتخطر علي بال كابر هذه الأفكار فهو يعلم صاحبه ذلك الأفكار جيدا ليسرع الي الاعلي .
كادر وفيروز وسمر بفرحه وسعاده /هههههههه العروسه اتحرقت العروسه اتحرقت .
في الغرفه ...
كانت نور تجمع اشيائها للخروج سريعا ولكن عفوا فقد وقعت في العشق وانتهاء الأمر ...
كابر بسعاده واشتياق /علي فين ي جناب العمده .
نور وهي ترجع للخلف /ابعد عني متقربش مني واصل روح روح السحليه بتاعتك .
كابر وهو يقترب منها بعشق /وحشتيني ي نور وحشتيني اوي .
نور بدموع /كداب لو كنت صوح بتحبني مكنتش خطبت واحده تانيه وسيبتني ولا .
توقف الكلام في حلقها اثر قبلته لها الي يبث بها شوقه لها وهي ايضا كانت تائهه بين يديه كانت غائبة داخل أحضانه  فقد اجتمعوا العاشقان لتبتعد نور بخجل .
نور بخجل /كابر مينفعش كده انت ناسي أننا مطلقين .
كابر بعشق وهو ينظر إلي عيناها /الي انتي متعرفهوش اني رديتك لاني كنت عارف ومتاكد انك عمرك مهتكوني ل غيري لانك حبتيني زي ماحبيتك ي نور انتي مراتي وحبيبتي وعمري كله كنت مستعد استناكي العمر كله لاني عارف انك هترجعيلي ي حبيبتي  .
نور بمرح /خلاص عاد طالما مرائتك يبقا بؤس براحتك .
كابر بضحكه عاليه /هههههههه انحرفتي اوي ي جناب العمده .
نور بعشق وهمس /علي ايدك ي حبيبي 
يتبع الفصل التاسع عشر اضغط هنا

الفهرس يحتوي علي جميع فصول الرواية كامله"روايةعشقت العمدة نور" اضغط علي اسم الروايه


 

reaction:

تعليقات