رواية لم يكن في الحسبان الفصل الثاني 2 بقلم ريناد أحمد
رواية لم يكن في الحسبان الفصل الثاني 2 بقلم ريناد أحمد
عندما خرجت قمر من الجامعة كنت ع وشك أن أذهب واعترفلها بمشاعري تجاهها ولكنها دمرت كل شىء
رأيتها تتحدث مع ولد “يوسف” معها بالجامعة
دموعي نزلت تلقائيا
وعندما قربوا من مكاني اختبأت وقررت أن استمع لحديثهم
يوسف: قمر ، انا .. انا بحبك
قمر بتوتر : وانا كمان يا يوسف .. بحبك اوي
الصدمة والحزن ظهروا على وجهي وانتظرت لحتى ذهبوا وبكيت بحرقة
ياسين وهو مازال يبكي : يعني لما أقرر احب واحده يبقى حب من طرفي انا بس
قمر رأته من بعيد …
ذهبت لمنزلي مسرعاً
__________________________________
وحدوا الله ♥️
عندما وصلت لمنزلي
ياسين بحزن : السلام عليكم
محمد وجميلة باستغراب : وعليكم السلام ورحمة الله وبركاته
جميلة : مالك يا حبيبي
ياسين :….
محمد : قول يا ياسين مالك
ياسين ببكاء : طلعت بتحب واحد معاها ف الجامعه
محمد وجميلة بذهول وحزن : ازاي الكلام ده
ياسين حكى ما شاهده ودخل لغرفته وهو مازال يبكي
__________________________________
سبحان الله وبحمده سبحان الله العظيم ❤️
ببيت قمر
*فلاش باك*
قمر عندما رأت ياسين خارج الجامعه قررت أن تختبر حبه لها فقامت بعمل خطة مع زميلها الذي يعتبرها أخته ولا يحبها
قمر : يوسف .. يوسف
يوسف : نعم يا قمر
قمر حكت له ما حدث ليلة الأمس وأنها تريد تتأكد من حبه لها
قمر : يلا نخرج برا الجامعه ونعترف بحبنا لبعض أمامه
يوسف : بس حرام عليكي ده لو بيحبك هتقهريه
قمر : تعالى بس
يوسف ذهب بدون ولا كلمه
عندما خرجوا خارج الجامعه قمر رأت ياسين وهو يختبئ وقالت : يوسف .. اهو اختبأ ولازم نقرب من سيارته ونعترف
يوسف بتوتر : قمر انا .. انا بحبك
قمر بتوتر : وانا كمان يا يوسف .. بحبك اوي
وذهبوا وبعدها قمر رأت ياسين وهو يبكي ف فرحت وحزنت في نفس الوقت
فرحت لأنها تأكدت وحزنت على بكاءه
*باك*
وعندما تذكرت بكاءه انبها ضميرها وقررت أن تذهب لياسين في عيادة الأسنان لديه
وبالفعل سألت على مكانه وذهبت له …
__________________________________
الحمدلله ❤️
في عيادة ياسين
ياسين شارد وهو يتذكر ما حدث وقلبه مليء بالحزن الشديد
السكرتيره “روان” وهي تطرق على الباب : دكتور ياسين في واحده عايزه تكشف برا واسمها….
قمر وهي تدخل بدون استئذان : قمر عبد الوهاب
ياسين نظر لها بصدمة وحزن وفرحة بنفس الوقت : اهلا يا آنسة قمر اتفضلي .. روحي انت يا روان خلاص هبقى اناديكي اول ما نبدأ الكشف
روان خرجت خارج غرفة الكشف..
قمر : ازي حضرتك يا دكتور ياسين
ياسين بحزن :كويس الحمدلله .. وحضرتك عامله ايه
قمر بتأنيب : يارب دايما .. انا الحمدلله
ياسين : يارب دايما
قمر : ربنا يخليك
ياسين : اه صحيح عرفتي مكان العياده ازاي
قمر : اللي يسأل ميتوهش
ياسين : طب بتعاني ب ايه في اسنانك
قمر : الصراحه انا مش جايه عشان اكشف .. انا جايه عشان عايزه اتكلم مع حضرتك ممكن نروح اي مكان نتكلم فيه ؟
ياسين بصدمة : طبعا طبعا يلا بينا في كافيه قريب من العياده تعالي نروح
قمر : تمام يلا
__________________________________
استغفر الله الذي لا اله الا هو الحي القيوم و اتوب اليه 💜
في الكافيه ..
ياسين : تطلبي ايه
قمر : ايس كوفي
ياسين للجرسون : 2 ايس كوفي لو سمحت
الجرسون : تحت امرك يا فندم
قمر بتوتر : دكتور ياسين انا …
ياسين بمقاطعة : قوليلي ياسين من غير دكتور
قمر : تمام .. بص يا ياسين انا شوفتك النهارده امام جامعتي ممكن اعرف كنت بتعمل ايه ؟
ياسين : كنت مستني قريبتي .. واكمل بتوتر: هو انت ف نفس الجامعه مكنتش اعرف
قمر بخبث : والله! .. طب قريبتك اسمها ايه وفي كليه ايه بالظبط ممكن تكون زميلتي
ياسين بتوتر : قريبتي ؟ اس اسمها ريتاچ ف في كليه العلوم
قمر : قول الصراحه يا ياسين انت كنت بتراقبني صح ؟
ياسين: الصراحه اه
قمر: ليه إن شاء الله
ياسين : ع عشاان .. عشان بحبك يا قمر .. ومن اول مره شوفتك فيها انت اكيد لاحظتي نظراتي ليكي
قمر بفرحة : بتحبني؟! .. وازاي حبيتني من اول مره شوفتني فيها
ياسين : معرفش .. انا حبيتك وقلبي اتعلق بيكي وكنت واكمل بحزن … كنت هاجي اطلب ايدك بس . بس لقيتك بتحبي واحد زميلك في الجامعه
قمر : بس انا ..
ياسين بمقاطعة: مش عايز اعرف حاجه
قمر : طب استنى واسمعني .. الصراحه … بص انا هحكيلك
وحكت له كل ما حدث
ياسين : بس انت كده كسرتيني … مش اختبار ده خالص يعني
قمر : انا اسف يا ياسين .. اسفه والله مكنتش اعرف انك حبيتني بالسرعة دي
ياسين بغضب : واديكي عرفتي عايزه حاجه تاني؟ .. وقف لكي يذهب ولكن أوقفه صوت قمر قائله : وانا كمان بحبك يا ياسين
ياسين التفت لها بفرحة : ايه ؟ قولي تاني كده .. قولتي ليه
قمر : انا كمان بحبك
جلس ياسين على مقعده لتاني مره وهو لا يصدق : انا بحلم ؟ حبيتيني بجد ؟
قمر أشارت له بالايجابيه
ياسين من فرحته الكبيرة ضم قمر وقمر في ذهول ولا تقل شىء وياسين لا يدرك ما حدث
ياسين : انا اسف .. اسف جدا انا من فرحتي حضتنك بالغلط
قمر : …..
ياسين : انا هاجي اطلب ايدك الاسبوع الجاي إن شاء الله
قمر بفرحة : بجد ؟!!
ياسين : اه بجد واكمل بخبث : ويا ترى هتوافقي ولا لا
قمر بضحك : لا طبعا
وضحكوا الاثنان وتناولوا الآيس كوفي وعادوا لمنازلهم
__________________________________
لا اله الا انت سبحانك اني كنت من الظالمين ♥️
ياسين وصل إلى بيته بعد أن أوصل قمر
ياسين بفرحة: السلام عليكم
محمد وجميلة باستغراب : وعليكم السلام ورحمه الله وبركاته
ياسين بحماس : ماما .. بابا قمر طلعت بتختبرني وطلعت بتحبني ومبتحبش زميلها اللي في الجامعه
وحكى لهم ما حدث
محمد وجميلة فرحوا كثيرا
جميله : يعني بجد اعترفت بحبها ليك
ياسين اشار لها بالايجابيه
محمد : يعني هنتقدم في ميعادنا بقا .. انا هقول لعبد الوهاب أننا هنطلب ايد قمر وأننا هنبقى نسايب اخيرا إن شاء الله
ياسين: تمام .. انا هنام تصبحوا على خير
محمد وجميلة: وانت من أهله
__________________________________
الله اكبر ♥️
بعد مرور أسبوع…
ذهب ياسين مع عائلته إلى بيت منزل عبد الوهاب واستقبلهم عبد الوهاب وزوجته “فاطمة” بفرحة
عبد الوهاب : اتفضلوا
محمد : هنبقى نسايب اخيرا
فاطمه وجميلة تعرفوا على بعض
جميله : يلا يا فاطمة هاتي قمر
فاطمه : حاضر
ياسين ينتظر قمر بفارغ الصبر.. واخيرا خرجت لهم
قمر كانت ترتدي فستان جميل جدا لونه رمادي وكانت قمر في منتهى الجمال
بينما ياسين تركيزه كله مع قمر
عبد الوهاب : يلا نقرأ الفاتحه ؟
محمد : يلا
قرأوا الفاتحه والفرحة تملأ المكان بأكمله
وحددوا ميعاد الخطوبه “بعد الاسبوعين”
__________________________________
اللهم صل وسلم وبارك على سيدنا محمد ♥️
قبل الخطوبه ياسين وقمر تعرفوا على بعض اكتر وحبهم لبعض زاد اكتر واكتر
وجاء يوم الخطوبة وعزموا أقاربهم وأصدقائهم المقربين
ولبسوا لبعض الدبل
ورقصوا واحتفلوا والمعازيم ذهبوا
وفجأه : ازيك يا ياسين
ياسين بصدمة :…..
يتبع الفصل الثالث اضغط هنا
الفهرس يحتوي على جميع فصول الرواية “رواية لم يكن في الحسبان “اضغط على اسم الرواية