رواية منقذتي الفصل الرابع بقلم داليا السيد
رواية منقذتي الفصل الرابع بقلم داليا السيد
مُنقذتي
الفصل الرابع
الساعه عشره بليل خلصت العمليات والكشف وبتجهز نفسها تروح
خدت شنطتها وكل حاجاتها وطلعت ركبت العربيه لقته واقف فى وشها ؟؟...
هنا.. فى حاجه ابعد عايزه اروح
مازن .. اه فيه
هنا .. فيه ولا مفيش أمشى من وشى بقولك
مازن .. مش أما اخد حقي الأول
هنا.. حق أيه يا أبو حق إلى هتاخده
مازن .. حق الإهانه إلى ختها فى مكتب معالي المديرة
هنا.. تسدق بالله انك انسان مهزق وعايز تتهزق فوق مانت مهزق والله
وزقته وركبت عربيتها
مازن ضحك بسخريه وسابها وركب عربيته
هنا روحت وهيا متغاظه منه وكانت قربت توصل بيتها وكانت تعبانه وبتحاول تدوس على فرامل العربيه ومش بتقف وكل إلى جه فى دماغها أنها تدخل فى عمود النور
والعربيه اتكسرت من قدام وهيا كانت حاطه حزام الأمان ومحصلهاش حاجه
نزلت من العربيه وخدت شانطتها وطلعت البيت
منال .. حاضر ثانيه هفتح اهو
فتحت الباب وهنا وقعت عليها
منال ..الحقنى يا صفوت
صفوت طلع بسرعه وشالها ونيمها على السرير
منال .. مالك يا بنتى وشك اصفر كده ليه
صفوت .. مش وقته يا منال جهزي لها حاجه تاكلها
منال .. حاضر
صفوت ... فى ايه يا هنا انتى تعبانه كده ليه
هنا.. عربيه مصطفى تحت ودخلت بيها فى عمود النور
صفوت بخضه.. لى حصل ايه حد خبطك ولا ايه فى حاجه تعباك طيب
هنا.. الفرامل كانت عطلانه
صفوت .. مش مهم العربيه اهم حاجه سلامتك
هنا .. فين مصطفى أصلا
صفوت بضحك .. فى مشوار هو ومراته هيجى يعلقك عشانها
هنا .. اه والله يا حج
منال .. احسن اكل لعيونك يا حبيبي
هنا ..والله يا أمى انتى ست عظيمه ، هاتى كده عشان انا بودع من الحياه
منال .. بعد الشر عنك يا حيوانه
هنا وهيا بتاكل .. ماشى
خلصت أكل ولسه هتنام لقت تليفونها بيرن من رقم غريب
هنا.. ألو
.... :. حلوه المفاجأة مش كده ، بس برافو طلعتي منها
هنا قامت ودخلت البلكونه .. المفاجأة حلوه وكل حاجه بس انا مفاجأتي هتبهرك
مازن .. انا وانتى والزمن طويل وهتندمى على صوتك الى عيلى علي مازن عز الدين
هنا .. يلا من هنا يا عسل صدعتنى ، وقفلت فى وشه
هنا.. الصبر يارب
لسه هتدخل تنام لقت التليفون بيرن تانى ومن رقم غريب برضو
هنا بعصبيه .. يا حيوان أنا مش لسه قافله فى وشك خلى عندك دم بقا
معتز ..احم هو أنا رنيت فى وقت غلط
هنا.. احيه أى ده ، مين
معتز .. انا معتز
هنا.. باشا مصر معلش بس فى واحد حيوان عصبنى
معتز .. مين هو ده
هنا.. واحد مجنون تصور يبوظ الفرامل وكنت هموت انهارده
معتز .. بعد الشر عليكى هستناكى بكره فى القسم تعملى فيه محضر
هنا.. احم ، ما هو مش هينفع دلوقتى انا هقدر احمى نفسى بس صابره عليه
معتز .. تمام بس لو حصل حاجه اتمنى تقوليلى
هنا.. أن شاء الله بعد اذنك هقفل عشان الوقت متاخر اصلا
معتز .. تمام
معتز قفل وطلع يشرب
نيره .. ميزو وحشتيناااااااااااااااااااااااااااى
وجرت عليه وحضنتو
معتز .. نيره عامله ايه
نيره بدلع .. انا فل الفل و موجوده من بدرى بس اونكل عز قالى اسيبك ترتاح
معتز .. اه بعد اذنك بقا عشان بجد لسه تعبان انتى روحى ارتاحى
نيره ... كنت عايزه اقعد معاك
معتز .. بكره أن شاء الله خلص معاها ومشى راح اوضته ١ تانى
خرجت من عنده واتأكدت إن هو نام وراحت اوضته
كان قاعد لابس بنطلون لفوق الركبه بس وعضلاته بتلمع فى الضلمه اوضه واسعه كل شيء فيها اسود
نيره كانت لابسه فستان مفتوح من فوق وطوله لحد فوق ركبتها
قالت بدلع .. مازن
مازن .. يا نعم مفيش باب يتخبط عليه ولا خرابه من غير بواب
نيره .. أى يا عم فكها كده امال قالت كده وقعدت على رجله
مازن زقها وقعت فى الارض .. انتى عديمه الشرف والاحترام كل ما ليك بتنزلى من نظرى لحد ما بقيتى تحت رجلى اطلعى برا اوضتى احسن ابهدل إلى خلفوكى واطلعك من البيت كلو
نيره وقفت ولسه بتفك الفستان وبتقرب منه .. كده يا ميزو دانا قلتلك انى بحبك والله
مازن ضربها بالقلم وشدها رماها برا الأوضه .. المره الجايه هتكون من البيت كلو أو على الحبس وانا اقدر واعلمها اتفوو على اشكالك ، اخويا بس يخف ويكتشف حقيقتك الوس* ،. قفل الباب فى وشها
نيره .. والله كلكم لهتندمو
مر شهرين على روتين " هنا" المعتاد من المستشفى الصبح للعايده بليل ومش شافت مشاكل من مازن فى الفتره دى وحصل شيء هتتفاجأ بيه
الساعه خمسه المغرب ماشيه بعرابيتها الجديده فى طريقها للعياده وشافت تجمع لناس كتير وقفت تشوف يمكن حد محتاج مساعده
دخلت ما بينهم بصعوبه ولقت بنت غرقانه فى دمها وملفوفه ب ملايه بس راحت تتأكد أنها لسه عايشه وكانت الصدمه أنها تلاقيها عشره عمرها اختها وصحبتها ونصها التانى فى الدنيا كلها منه
هنا.. أى ده لاء مش معقول منه ..يا مناااااااه .. قومى رودى عليا
شالتها ونيمتها فى العربيه ومسمحتش لأى حد يلمسها ولا يساعدها ، خدتها على المستشفى تانى وبكل صوتها كانت بتزعق فى الممرضين
ومسمحتش لحد يدخل غير ممرضتين هيا على معرفه خاصه بيهم ولا حتى احمد كان معاها فى العمليه
فى غرفه العمليات
كانت مصابه فى بطنها بجرح كبير وتعرضت لاغتصاب وكميه جروح فى جسمها ملا جسمها دم
وقدرت أنها توقف النزيف وتداوى جروحها كلها وخيتط بطنها
هنا قلبها وجعها جدا من أنها تفقدها وبتحاول تهدى نفسها و أن منه كويسه عشان متتعرضتش للنوبه إلى بتجيلها أما بتتوتر و بتخاف من فقدان حد غالى عليها
الممرضه بدموع .. هو اى حصلها يا دكتوره هنا
الممرضه التانيه .. اه يا دكتوره مين عمل فيها كده
هنا بكل حده .. الموضوع ده محدش عارفه غيركم انتو الاتنين والى شافنى وانا داخله بيها هنقول عملت حادثة بس والله إن الموضوع ده انتشر لتكون نهايتكم على أيدى سامعين
الاتنين بخوف .. لاء طبعا دكتوره منه غاليه عندنا ويستحيل نعمل كده
هنا .. أما اشوف. ، اتفضلو العمليه انتهت وحدش يدخل هنا غيرى أنا وبس
طالعه تغير هدوم العمليات عشان تجهز لها اوضه عاديه تنقلها فيها ولقت دكاتره وممرضين كتير مستنينها تخرج عشان يطمنوا على منه
هنا بعصبيه .. أى ده كله واقفين كده ليه
احمد .. عايزين نطمن على الدكتوره منه هيا كويسه
هنا .. اه كويسه كانت راكبه تاكسى وعملت حادثه ومش عايزه اشوف وش حد فيكم فى اوضتها ابدا سامعين
دكتور من الى واقفين .. فى ايه يا هنا كنا عايزين نطمن عليها بس مش مستاهله الصوت ده كلها
هنا بحده .. مستاهله أو مش مستاله كلامى مش هعيدو مرتين ومن هنا ورايح انا المديرة بتاعتكم يعنى قبل هنا يكون فيه يا دكتوره او مديره مش واقفين نهزر احنا يا دكتور اتفضلو على شغلكم مش عايزه اشوف كسل أو تضيع وقت تانى مفهوم
الكل .. مفهوم يا دكتوره
هنا مشت من قدامهم وعنيها بتطلع شرار وحالفه للى عمل فيها كده أنها هتندمو ندم عمره
دخلت مكتبها بعد ما غيرت هدوم العمليات ونقلت منه لأوضه عاديه واطمنت عليها
مسكت تليفونها وطلعت رقم
شخص : الدكتوره بنفسها بترن أى اليوم العسل ده
هنا .. هيكون زفت على دماغك أن ما سمعتش إلى هقول عليها بالحرف الواحد سامع
شخص : احم اتفضلى تحت أمرك
هنا : ..................
شخص : اعتبريه حصل يا دكتوره سلام
الساعه عشره بليل
هنا .. بترن ليه فيه جديد
شخص .. ده فيه كل جديد الكاميرات الى فى الشوارع كلها جبتلك تسجيلها وعرفت المبنى إلى كانو فيه وكمان راجل كبير فى البلد ابنو جاى فى الموضوع
هنا .. انت فين دلوقتي
شخص .. تحت المستشفى زى ما طلبتى
هنا.. خليك انا نازله
خدت مفتاح عربيتها وتليفونات ونزلت وقبل ما تطلع ندهت على الممرضه إلى كانت معاها فى العمليات
هنا.. تعالى ثانيه
الممرضه .. نعم يا دكتوره
هنا .. تكونى عند منه لحظه بلحظه وهيا مش هتفوق انهارده بس تكونى معاها فاهمه
الممرضه .. حاضر
هنا .. تمام أتفضلى على شغلك
خلصت معاها وطالعه من المستشفى نده عليها
احمد .. هنا
هنا .. يا نعم
احمد .. اسف أقصد دكتوره هنا
هنا .. احمد مش وقته اتفضل قول إلى عندك
احمد .. اول مره تتكلمى كده مع حد فى ايه ومنه مالها
هنا .. اتكلمت كده زى ما شوفت ودى هتكون طرقتى مع الكل هنا العبيطه بتاع زمان انتهت وكذلك منه برضو وانا قلت هيا ملها وقلت برضو مش هعيد كلامى مرتين
خلصت كلامها ومشت وكان صوتها شبه عالى والكل كان موجه نظراته عليها
طلعت بره وكان واقف مستنيها
هنا .. مين ابن الراجل إلى بتقول عليها
على الشخص إلى كان بيكلمها وهو جاسوس هنا فى الأوقات دى .. ابن اللواء عز الدين
هنا سمعت الاسم و كانت وصلت لمرحله العصبيه إلى هدمر دماغ إلى واقف قدامها
على .. هو ابنو ال
هنا.. مازن ، ابنو مازن ، مسدسك معاك ،ومترخص
على .. اه ليه
هنا .. هاتو
على .. ما هو
هنا..قلت هاتو وهرجعولك تانى لو رجعت انا
على .. طيب انا هاجى معاكى
هنا بصوت عالى. . على هو ايه شغل الصغار ده قلت هات الزفت وفلوسك هتوصلك على داير المليم وتسجيلات الكاميرات كلها هاتها وعايزه كم معلومات مش ولا بد عن العيله دى
خدت منو المسدس والتسجيلات وركبت عربيتها ومشت
تليفونها رن
هنا .. نعم يا ماما
منال .. مش بترودى ليه يا هانم برن من الصبح
هنا .. مش فاضيه
منال .. انتى فين انا سامعه صوت العربيه
هنا.. طالعه على مشوار يا ماما وقلت مش فاصيه سلام بقا
خلصت وقفلت ووقفت بالعربيه على صوت رنه على
على .. خدى عندك كان فيه (........................................)
هنا . ألعب كل ده لاء جدع والله وكمل شغلك بقا وفلوسك هتزيد
على .. اشطا
قفلت معاه وطلعت رقمو
هنا .. ألو
معتز .. اهلا اهلا دكتوره هنا
هنا.. سمعت أن الذاكره رجعتلك يا حضره القائد
معتز .. اه الحمد لله
هنا .. كمان حقيقه خطيبتك الى كنت نسيت أنها كانت عايزه تخونك مع اخوك لما فقدت الذاكره كشفتها دلوقتى
معتز .. مين قالك ده كلها
هنا .. مش وقته مازن اخوك موجود هو واللواء عز الدين
معتز .. اه
هنا . عنوان بيتكم بقا لو ينفع فى زياره سريعه
معتز .. تنورى اكتبى عندك *******
هنا قفلت ومشت تانى بالعربيه ووصلت البيت
قصر كبير ملفوف بالحرس والكاميرات شكلو خيالى واى حد يتمنى يعيش فيه
الحراس .. رايحه فين يابت انتى
هنا . ايدك ياض لقطعهالك
معتز .. اتفضلى يا دكتوره
هنا .. الظاهر أن حراسكم مش بيعرفو يتصرفو مع ضيوفكم
معتز .. إلى ما يعرفك يجهلك بقا قال كده ووجهه نظره مرعبه اتجاه الحراس
هنا.. طيب أى هنقف هنا كتير
معتز .. اتفضلى
دخلت القصر وقعدت وحطت رجل فوق التانيه وبعد خمس دقائق كان اللواء عز الدين نزل
عز الدين .. السلام عليكم منوره يا دكتوره
هنا وقفت . وعليكم السلام ، منور بصحابه
عز الدين .. اتفضلى اقعدى .. محتجانى فى ايه
هنا .. موضوع محبتش يوصل المحاكم وده بعد انكم المحاكم
عز .. ياه ده الموضه كبير بقا
هنا .. كان صغير وعديتو بس فضل يكبر لحد ما أوسع وشكلة هيولع فينا كلنا قالت كده بكل غضب ، هو القائد مازن مش هيحضرنا
مازن وهو نازل من على السلم .. ده ازاى ده ينفع ما احضرش التجمع الجميل ده
هنا كانت لابسه بنطلون جينز واسع وتيشرت أسود وطرحه سوده
وقفت وقالت .. هو حاليا جميل بس هيكون اسود على دماغك دلوقتى
عز الدين. . فى ايه مينفعش طريقتك دى وانا ساكت عشان انتى فى بيتى
هنا .. لاء مينفعش تسكت الصراحه اتفضل ادينى قلمين ولا ليه ابنك موجود يغتصبنى ويرمينى فى نص الطريق بملايه زى ما عمل دى حاجه مش جديده عليه ولا المره دى يوصى حد يدخل فيها بعربيته عشان الفرامل مقدرتش عليا يلا وانا فى بيتكم اهو وجايه برضايا وبرجلى عندكم
معتز .. أى ده حد يفنى فى ايه انطق يا مازن
مازن .. انطق اقول ايه وهيا فتحت زى المطور الخربان
هنا .. الاستاذ المحترم مش يقبل أن بنت صوتها يعلى عليه أصلو مينفعش ده مازن عز الدين من دى إلى تعلى صوتها عليه يعمل ايه بقا يوصى حد يقطع فرامل العربيه بتاعتى بس انا مموتش مجراليش حاجه واقفه اهو قدامكم ، سكت انا معملتش حاجه ولا جيت وقلت لحضرتك ولا روحت القسم وعملت محضر ولا قطعتلو الفرامل زى ما هو عملى
يلاقينى سكت ومكلمتش يخطف صحتى ويغتصبها وفوق كده مضروبه بمطوه فى بطنها عشان متكونش عايشه
مازن .. انتى غبيه على فكره وفاهمه الموضوع غلط واسكتى متكلميش
طلعت المسدس وصوبتو نحيتو وقالت .. لاء هو انا جايه أنهارده وعارفه انى مش مروحه يا قاتل يا مقتول
مازن .. لاء هتكونى مقتوله انتى شكلك فعلا اتجننتى و انك تصوبى المسدس فى وشى انا وفى بيتى وقدامنا كلنا
خلص كلامه وكانت الرصاصه طلعت من المسدس و .
.
يتبع الفصل الخامس اضغط هنا
الفهرس يحتوي على جميع فصول الرواية كاملة
تعليقات
إرسال تعليق