القائمة الرئيسية

الصفحات

رواية أحببت إختلافها الفصل الأول بقلم نعمة أحمد

 رواية أحببت إختلافها الفصل الأول بقلم نعمة أحمد

رواية أحببت إختلافها الفصل الأول بقلم نعمة أحمد

"كنت قاعده لوحدى على جنب ،انا دائماً كده وخصوصاً فالتجمعات العائليه والأماكن اللى فيها ناس كتير"

كنت بكلم نفسي بصوت مسموع:لحد أمتى هفضل كده ، انا منطويه بشكل متوحد،منى لله

لقيت بعد شويه قرايبي بينادونى:تعالى معانا بدل مانتى قاعده كده

_انا مش قادره اروح فحته روحو انتو

سابونى ومشيو ماهم اتعودو ، المفروض انهم من سنى نفسي اهزر واضحك زيهم بس للأسف دى أنا ومش هقدر اغيرنى

لقيت إبن عمى جه قعد قدامى:قاعده لوحدِك ليه

بسخريه:حاجه جديده عليا يعنى!!

_لا مقصدش ، بس يعنى متقعديش لوحدِك كده علطول ، هتبقى معقده

_لسه ه ابقى معقده 

_طب قومى اقعدى معاهم

_لا أنا مرتاحه كده اكتر

_يلا يا مى،حاولى تتأقلمى كده ،مينفعش التوحد اللى انتى فيه ده

_حاولت والله ، بس بردو بفضل قاعده زى الصنم ، تفتكر المشكله ف مين

_ودى محتاجه سؤال، أكيد فيكِ

بصتله بحِده: مش قادره اقولك لأ

_شاور على مخى:يمكن المشكله ف ده

_غريب أوى مخى ده ، حاسه انى متخلفه كده

_او يمكن مُختلفه

بتفكير: مش فارقه بقا دَ اختلاف فترتيب الحروف مش اكتر

_لا طبعا متخلفه غير مختلفه 

_الاتنين نتيجتهم واحده

_يمكن بالنسبالِك انتى النتيجه واحده، أنا لأ

بإهتمام: يعنى...

_يعنى كونِك مختلفه ده حاجه مميزه ، مش شبه الباقيين ف تفكيرهم ف أذواقهم ف حياتهم بشكل عام

_بس بالنسبالى مش حاجه مميزه ، حاجه متعبه انك تبقى غير كل اللى حواليك ، مش قادره اتناقش معاهم ،من الآخر كده مش هقدر اتلاقى معاهم ف نقطه واحده الا لو

_لو ايه
 
_الا لو لقيت حد شبهى ، نفس طريقه تفكيرى ، يفهمنى 

_ممم فاهمِك

_فاهمِنى فعلاً ولا ده تعبير مجازى

_لا فاهمك فعلاً ، او يمكن حاسِك اكتر،لانى زيك

_ابتسمت:ايه حابس نفسك ف دايره مغلقه زى 

_حاجه شبه كده 

_شكلها وراثه فالعيله 

ضحك : مش كل العيله خلى بالِك

_ياربي ، ازاى نسيت رودينا دى سوشيلتى جدا

ضحك:بس لتسمعك

_دِ بالذات عايزاها تسمع وتعرف انى مبطيقهاش

_طب بس

_مبطيقهااش ، اجتماعيتها الزايده هتخلينى أرجع

_سمعت صوت من ورايا: سمعت أسمى فكلامك، فيه حاجه

بصيتله بصدمه وشاورلى اللى هوا اشربي

لفيت:احم.....

يتبع الفصل الثاني اضغط هنا
الفهرس يحتوي على جميع فصول الرواية "رواية أحببت إختلافها" اضغط على اسم الرواية


reaction:

تعليقات