رواية حلم الزين البارت الرابع 4 بقلم احلام عاصم
رواية حلم الزين الفصل الرابع 4
-أحلام أصحي
-مش هنزل العياده ي ماما إنهارده سيبيني أنام ونبي
-بسمله أختك و جوزها جايين إنهارده
اتفزعت و أنا بفتكر أكتر من 7 سنين عدو -إزاي…امتي…لي
-قلبي مش مطمن لجيتهم دي و خايفه أوي ع فريده
-متقلقيش ي ماما طمني قلبك
-قلبي يطمن إزاي و أنا شايفاكِ كدا!
-كدا إلي هو إزاي يعني
-تبقي هبله لو فاكره إني مش حاسه بيكِ ، دا انتِ بنتي عارفه يعني أي بنتي يعني كبرتي جوايا ، يعني حته مني ، يعني بحس بيكِ قبل منك
-أي يحجه الأفوره دي ع الصبح عديني كدا عشان أغسل وشي بقي
اتكلمت بحزن- لسه ذي ما انتِ متغيرتيش دايما كاتمه حزنك ، حزنك إلي كل يوم يكبر جوا قلبك مش بيقل
مسكت كفها بحنان و بوسته- بنتك بقي أمرك لله
-أحلام مش هتنزلي عيادتك بردو!
-هفضل أهرب لأمتي يعني
-يبنتي متقطعيش قلبي ، كل يوم بشوفك ب الحاله دي بحس إني السبب ف حزنك دا
اتكلمت ب ابتسامة مزيفه-مالها بقا حالتي يست ماما م أنا ذي الفل اهو دكتوره قد الدنيا
-عايزه أفرح بيكِ
-افرحي بيا ي ماما اي إلي منعك
-انتِ فاهمه قصدي كويس..انا عايزه أطمن عليكِ و افرح بعيالك ذي أختك
-لاء كدا انتِ ناويه ترغي كتير من أمتي و انتِ رغاية كدا
تنهدت بقلة حيل-هتفضلي ذي م انتِ مفيش فيكِ فايده.
-أحلام افتحي الباب اكيد وصلوا
-لاء ي أحلام هفتحه انا
-خلاص ي ماما هفتحه انا خليكِ مرتاحه انتِ.
-بسملاااله أي يمفتريه انتِ سافرتي و قولتي عدولي
5 سنين بحالهم ي جاااااسيه
ظهرت بنوته صغيره لابسه فستان قصير جميل و شعرها ملموم ب فيونكه صغيره و برجليها الصغيرين طالعه ع السلم
-اعاااا أخيراً تكرمت فريده هانم علينا عشان نشوفها
أخدتها ف حضني و فضلت أمشي ب إيديا ع شعرها القصير-كبرتِ اوي ي فريده 5 سنين من غير م أشوفك يدوب هو شهر ولادتك و أخدتك البت الجاسيه امك و هربت
و فجأه الابتسامة تحولت لعاصفه سحقت قلبي و عقلي …
هزت كياني كله…و بعد 7 سنين شوفته رجعني للطفله إلي كانت جوايا…الطفله إلي عرفت يعني اي حب ع إيديه…الطفله إلي كانت طالعه بحبه لسابع سما و فجأه لاقيت نفسها ف سابع أرض….سنين كتير عدت و أيام أكتر و برغم كل القسي إلي شافته الطفله دي ع إيدين إلي قتلها لسه بتحبه!
-أحلام زين مادد إيده من بدري سرحانه ف أي
-هااا مفيش
احم أهلا ي دكتور حمدالله ع سلامتك.
-بردو كل دي غيبه ي بسملااااه
-خلاص إحنا مش مسافرين تاني
-لاء بجد! طيب لي
-اممم شوفتي فريده كبرت إزاي
-ف أي ي بسمله مالك حاسه إني ف حاجه ورا موضوع السفر دا
-لي بس بتقولي كدا
-لي بقول كدا!…مش انتِ يبنتي إلي اتخطبتي و اتجوزتي ف 6 شهور و بعد كدا سافرتي ألمانيا و يدوب نزلتي شهر ف ولادة فريده و سافرتي تاني…دا انتِ حتي كملتي آخر سنه ليكِ هناك..فجأه كدا قررتي متسافريش تاني!
-عادي ي أحلام متكبريش الموضوع
-بسمله أنا أختك يعني لو محكتليش انا هتحكي لمين بس
-و أختي بقي بتحكيلي كل حاجه!
-هاا…ايوا طبعا
-طيب ماشي
-رايحه فين!
-اوضتي
-لا ناموا انتِ و الدكتور و فريده هنا دي أوسع و أنا هنام ف أوضتك
-لاء زين هينام عند أخته
-احم.. لي هو انتوا متخانقين!
-تصبحي ع خير.
-مالك ي أحلام زعلانه كدا لي
-مش عارفه مال بسمله حاسه إنها زعلانه اوي بس مش راضيه تتكلم معايا
-معلش يمكن من تعب الحمل
-ممكن بردو بس هانت كلها 3 شهور و تولد
ربنا يقومها بالسلامه
-يارب يبنتي …تعالي كلمي ابوكِ
-حاضر ي ماما أصلي المغرب و اخرجله .
-أي ي بابا تعبان..اخدت الدواء بتاعك
-يبنتي كفايه قلق انا كويس
-دايما ي نور عيني
-كنت عايز منك طلب
-طبعا ي بابا دا أنت تؤمر
-خدي مفاتيح شقة عمك و روحي نضفيها عشان أختك و جوزها يقعدوا فيها و يقدروا ياخدو راحتهم
-حاضر ي بابا
-منخلي بنت تضنفها يحج
-ي أسماء دي شقة أخويا فيها كل ذكرياته و فيها ريحته لما أحلام تنضفها هتحافظ عليها لكن اضمن منين البنت الغريبه
-خلاص أستني ي أحلام أروح معاكِ
-ي ماما اقعدي هتروحي فين بس انتِ ناسيه إني عندك الغضروف و بعدين يستي متقلقيش الشقه نضيفه إحنا مكملنش 3 شهور منضفنها.
-مالك بس ي زين
-خايف لعمي يصمم ع زياد
-أطمن يبني م أنت شايف الأمور بدأت تتصلح م بين عمي و بابا أهو و بعدين هيلاقي دكتور عيونه عسليه ذيك فين!
-هه انتِ إزاي قادره تشيلي من علي كتافي الهم بالسهوله دي لاء و كمان بتضحكيني لاء عاش
-احم دا شويا من الي عندي بس
شوف ف التواضع معنديش يما ارحميني
-بس أنا قلقان بجد
-تبقي لسه معرفتش بحبك أد أي لو فكرت إني ممكن ابقي غيرك ليك ي زين
-هتقدري تقفي قدام عمي يعني
-أنا اقف قصاد الدنيا بحالها عشانك و لو ضيقت بيا أوي يبقي أهون عليا إني اموت نفسي ولا حد يقرب مني غيرك
أخدني ف حضنه و مشي إيده ع رأسي-و لا أنا أقدر أعيش ثانيه واحده و انتِ بعيده عني..انتِ احتليتي قلبي و عقلي خلاص مبقاش فيه مكان لأي واحده غيرك
بعدت عنه بلماضه-حتي لو بعدت عني عشان واحده تانيه هقتلك و اقتلها
-هه و أهون عليكِ
-لاء م أنا هقتل نفسي معاكم
شدني لحضنه تاني-بحبك يالي هتموتيني ناقص عمر.
فقت من سرحاني و أنا واقفه قدام شقتهم ، فتحت الباب و دخلت ، غيرت هدومي و بدأت أغني و أنا برتب الأوضه
‘…مخطرتش ع بالك يوم تسأل عني..
-انتِ مرحتيش عن بالي لحظه واحده ي حلم
فجأه جسمي كله تلج و أتجمدت مكاني
وقف قدامي-وحشتيني
-أنت بتعمل أي هنا!
-كنت نايم لغاية مصحيت ع صوتك
مشيت سحبت العبايه و الطرحه و لسه همسك باب الشقه لاقيت سحبني-انت اي الي بتعمله دا انت اتجننت
-اها اتجننت….أحلام أسمعيني أسمعيني و لو لمره واحده بس أديني فرصه متعذبنيش أكتر من كدا
-أسمعك! هتقولي أي..
هتقولي إزاي جيت طلبت أيد اختي و خطبتها و أنا قاعده..
هتقولي إزاي لابست دبله ب أسمها ف إيدك…
هتقولي إزاي اختارت معاها فستان الخطوبه قدام عنيا…
هتقولي إزاي قدرت تاخدها ف حضنك…
-هتقولي إزاي قدرت تخلي واحده غيري تنام جمبك…
هتقولي إزاي قدرت تخلف طفله مش مني…
هتقولي إزاي قدرت تكسرني ، تكسر قلبي ، عقلي ، نفسي ، أحلامي ، حبي هتقدر
رجليا اتخلت عني و قعدت ع الأرض..
-هتقولي إزاي قدرت تتجوز اختي
ملقتش غير أختي ي زين
ملقتش غير بسمله
دا أنا كنت عايزه اجري عليها و اقولها إني حبيتك
-دا أنا مليش غيرها
طيب كنت تتجوز واحده غيرها و تسيبلي اختي تداويلي كسرة قلبي الي كسرتها…
بس حتي دي استكرتها عليا و خليت الكسره كسرتين
-أسمعيني…أسمعيني شوفي عملت كدا لي
-هه هو فيه مبرر للي أنت عملته
تخيل ي زين فضلت السنين دي كلها ادورلك ع مبرر ملقتلكش
-أرحميني ي أحلام
-و انتتت مرحمتنيش لي
مرحمتش قلبي لي…مرحمتش إحساس ب الخيانه عشان بحب جوز أختي لي…
تعرف أنا كنت بحس ب أي لما أعرف إنك بتكلم بسمله
تعرف النار إلي كانت جوايا أنت و بترقص معاها
تعرف حرقة قلبي و أنا عارفه إنك مع واحده غيري ف شقه واحده لاء و مش أي وحده دي اختي
تعرف كام مره كان المفروض اصرخ فيها و مكنتش اقدر انطق بكلمه لاء و كمان المطلوب مني إني افرح و اساعد ف تجهيز الشقه و ف اختيار الشبكه و الفتسان و القاعه م انا اختها..
حتي فرحتي ب أختي سرقتها مني ، انا كنت ساعات بحس إني بكره بسمله بس ارجع و اقول و هي ذنبها اي…
دي مظلومه ذيها ذيك…
-أنا جيتلك و قولتلك هسيب بسمله و انتِ إلي مردتيش
-عايزني اكسر قلب اختي!
عايزني اقولك أجري طلقها بعد كتب كتابكم ب أسبوع
عايزني اقولك يلا شيل السكينه من قلبي و حطها فقلب اختي
-عايزني اقولك اي بعد ما أختي حبيتك و اتعلقت بيك
-أحلام أنا عملت كدا…
-أخرص خالص مش عايزه اسمع كلمه واحده
مش طايقاك ي اخي …قرفانه منك أوي
-أحلام أنا كنت شايف بسمله انتِ
عشت معاها بصورتك انتِ
-سميت فريده الأسم دا لي ي زين
-عشان دا الأسم الي اتفقنا نسميه لبنتنا
-بس فريده بنتك انتِ و اختي كفايه بقي قرف كفايه
قمت و فتحت الباب
-كرهتيني ي أحلام !
-كرهت نفسي عشان مقدرتش أكرهك ولا اشيلك من قلبي.
خرجت م الشقه و أنا كل وجع اتوجعته ف ال 7 سنين كلهم حاسه بيه فقلبي…
دخلت الشقه و مكنش فيه حد طلعت أجري ع اوضتي بس لاقيت بسمله قاعده ع السرير تعيط
-بسمله مالك
-أحلام
-تعبانه اجبلك دكتور
-لاء
-امال مالك
-عايزاكي تتجوزي زين
يتبع الفصل التالي اضغط هنا