رواية أحببت من لا يرانى الفصل الحادى والعشرون 21 – بقلم سحر السحرتي

 رواية أحببت من لا يرانى الفصل الحادى والعشرون 21 – بقلم سحر السحرتي 

احببت من لا يراني 

حلقة ٢١

*توتر ادهم قبل ان يرد وهي لاحظت ذلك ولم تعلق 

:كنت في البلكونه بعمل مكالمه تليفون 

: ما انا ناديت عليك وانت ما ردتش 

:اكيد كنت بتكلم وما اخذتش بالي .. خير في حاجه

: كنت جايه اصحيك واقول لك الفطار

:تسلم ايدك انا جاي 

*في اليوم التالي اراد ادهم ان يعيد الكرة وقفزك كالسابق فتحت سماء بمرح

:مش عايزين النهارده 

*قبل خدها ودخل 

:بس انا عايز اشوف العيال

 :ارجع عشان طنط جايه هي وسماح 

:طب اخرجي اقعدي معاهم وانا هقعد هنا مع العيال من غير صوت

: ما ينفعش سماح بتدخل تشوفهم وانت عارفها عندها حساسيه مش بتخبط على الباب 

:عندك حق لما يمشوا رني لي

 :حاضر

 *نفذت سماء كلام ادهم وعاد اليها ونام بجوارها وشعرت به سماء وهو يحتضنها فالتفت ودخلت في حضنه كأنها حركة لا إرادية منها وهي نائمة 

*فشعر بسعاده غريبه لم يعهدها فدائما ما كانت لمياء تبتعد عنه ولا تحب اقترابه منها لكن سماء باقترابها منه كأن الروح اقتربت من توأمها 

 *في الصباح كالعاده دخلت والدته لايقاظه لكنه لم يكن موجودا غير ان سريره مرتب وكأنه لم ينم عليه …. فدخلت البلكونه تبحث عنه فلم تجده ايضا فساورها الشك 

*اتصلت عليه فاخذ الهاتف في صمت بعيدا كي يرد

:انت فين يا ادهم

: في حاجه يا ماما

 :دخلت اصحيك انت ليه مش بايت في غرفتك و رحت شقتك ليه 

:اصل شكيت اني سبت الميه مفتوحه رحت اطمن وكسلت ارجع فنمت هنا

: طيب يا حبيبي ارجع بقى عشان تفطر معانا

 :لا خلاص انا هاكل اي حاجه 

بقلمي سحر السحرتي 

*استيقظت سماء ووجدت وجهه متوتراً 

:مالك وشك مش رايق ما عرفتش تنام 

:لا ماما دخلت تصحيني ما لقتنيش وقلت لها اني بايت في شقتي 

:طب ايه المشكله دلوقتي 

:اني بهدوم البيت ومش هعرف انزل الشغل ومش هعرف ارجع غرفتي 

: لو عمار لسه جوه خليه يناولك هدومك من البلكونه محلولة 

:عندك حق الحق اتصل عليه قبل ما ينزل 

:طيب هحضر لك فطار 

:هتعبك معايا

: لا مفيش تعب انا مبسوطه اني مش هاكل لوحدي 

*كان دائما يشرد ادهم كيف كانت حياته مع لمياء فقد كانت لا تعد له اي شيء ودائما تطالبه باعداد اي ساندوتش ويذهب الى عمله بل أحيانا هو من كان يعد لها الفطار كيف تقبل هذه الحياة ؟كيف لم يشتكي أو يتمرد لهذه الدرجة كان مغمض العينين ؟

 *بعد ذلك توقف ادهم عن المبيت مع سماء الى ان يجد حل حتى لا تكتشف والدته اي شيء 

*لكن كان يذهب ويجلس بعض الوقت مع سماء والاولاد يلعب ويضحك معهم

*وفي بعض الاحيان كان يجد سماء قد اعدت وجبه العشاء ليأكل معها وكانت من اسعد اوقاته في ذلك اليوم

*في يوم قبل أن يدخل عند سماء استمع وهي تدندن مع أغنية (ياما نفسي اقولك)

$يا ما نفسي

أقول لك كلام كتير

و هيلوموني عليه

$أحسن لي

أخبي و أشيل في قلبي ليه؟

هقول على إيه

$وعيوني لو يوم يخونوني

إزاي هيجوا يحاسبوني؟

$من حيرتي بلوم نفسي و أداري

بس مين في إيديه؟

$قلبي اللي حبك

ما قدرتش أمنعه إنه يوم يهواك

$بحاول أبعد

و ألاقيني جنبك

مستحيل أنساك

*فتلصص عليها رأها تمسك بصورته وهي تغني فعلم انها تحبه كما كانت تدعي لمياء وأنه لم يكن افتراء ولكنها حقيقه جميلة

بقلمي سحر السحرتي 

*ذات يوم  عاد مبكرا وسمع احد الاطفال يبكي ولا صوت لسماء 

*فقفز وطرق شيش البلكونه كالعاده لكنها لم تفتح 

*فاتجه سريعا الى شقتها وفتح بالمفتاح وهذه المره شاهدته والدته ولكنها فضلت الصمت الى ان يحين الوقت المناسب للكلام

*وصل ادهم الى غرفه سماء وحمل صغيره وهو يطبطب عليه اذ بسماء تخرج من الحمام مسرعه تلف جسدها في البشكير

 :انا جيت خلاص يا حبي   …ادهم انت بتعمل ايه هنا

: انت كنت فين وسايبة كريم بيعيط

: كنت بستحمى وخلصت بسرعه

 

*انتبه الى فتنتها فاقترب منها 

:انت حلوه قوي وانت شعرك مبلول كده 

*ردت بتوتر 

:ش …شكرا هات كريم انيمه 

:هو نام خلاص 

:طب حطه في السرير

*وضعه واقترب منها اكثر وقبلها في رقبتها

: ادهم بتعمل ايه لو سمحت ابعد

 :سماء انت جميله ورقيقه قوي 

:اه ما انا عارفه بس ابعد شويه

 :مش قادر حاسس انك وحشاني 

:لا مش و حشاك لانك مش بتحبني في الاساس

: مين قال لك كده

 :مش هنضحك على بعض يا ادهم

: انا فعلا في مشاعر جوايا من ناحيتك مش قادر افسرها

:طب روح فسرها بعيد عني وابقى اشوفك بعدين 

:في ايه يا سماء مش  معقول كده كل ما اقرب  منك تصديني  انا جوزك

:في جميع الاحوال مش هقدر اخليك تقرب مني

: ليه في حد في حياتك 

:ادهم التزم حدودك حد في حياتي وانا لسه على ذمتك ازاي  … الموضوع اني مش ناسيه انت قربت مني ازاي اول مره

: انا اسف انا هناسيك 

:سيبني دلوقتي يا ادهم 

:يعني ايه ده حقي على فكره

*احت-دت في الكلام وعلى صوتها 

 :هو انت عايز بس كل حقوقك انما حقوقي انا في 60 داه-يه ايه الأنانية دي واضح اني اتنازلت كثير زيادة عن اللزوم …. انت عايزني بس رغبة مش حب ولازم الهب-لة تقول حاضر وتوافق ما هي مجبرة ما ينفعش تعترض …. تغت-صبني و اسكت … اعملي تحليل حاضر …. تتجوزني في السر موافقة … تقوم لما تحتاج واحدة ست تقبل و تحط ج-زمة في بقها … لكن لا المرة دى لا… انا عندي احساس وكرامة مش عشان بعالج البهائم ابقى بقيت منهم …. اتفضل امشي ومش عايزه اشوف وشك ثاني 

 :لا هتشوفيني مش هسيب ولادي 

*خرج من المنزل في غايه الغض-ب واغلق الباب بق-وه

*لا يعلم سر غضبه هل هو منها ؟ ام لانها كانت على حق ؟

*في اليوم التالي دخلت والدته عند سماء

: صباح الخير يا سماء 

: صباح الخير يا طنط في حاجه 

: بتقولي ليه كده انت حاسه ان في حاجه 

: لا بس حضرتك متعوده تيجي العصر اول مره تنوريني الصبح بدري كده 

: فعلا اول ادهم ما نزل راح الشغل جيت لك … شوفي يا حبيبتي انت زي سماح بنتي وبحبك وطول عمري معجبه باخلاقك 

:هو في ايه بالظبط يا طنط  طريقه كلامك قلقتني مع وجودك بدري 

:فاكره زمان لما كنت بترفضي تدخلي عندنا عشان ادهم موجود

: اه طبعا فاكره

: ايه اللي غيرك انا ملاحظه ان ادهم بيدخل عندك كثير الفتره دي 

:ادهم اخويا الكبير و بيدخل يطمن على الولاد و بيحب وجوده معاهم

: لا ادهم راجل غريب عنك مش اخوك الكبير وانت ست متجوزه وجوزك بعيد  ….ولما راجل غريب يدخل عندك الشيطان هيلعب بيكم وابني مشاعره متلخبطه دلوقتي وخارج من صدمة قلبت حياته …. فاهماني عايزة اقولك ايه 

*بكت دون وعي

 :اه يا طنط طبعا فهماكي

: ما تزعليش يا سماء انا كنت بتمنى ادهم يتجوزك انت وربنا العالم انا عمري ما اتمنيت لمياء له وكنت حاسه انها هت-غدر بيه وكنت بحس انك بتحبيه لكن هو كان مغيب في حب لمياء 

:انا بحب ادهم زي اخويا مش اكثر 

:سماء انا زي امك واي ست بتعرف نظره الحب لما بتشوفها  ….حافظي على جوزك و اوعي تخلي الشيطان يوسوس لك و تخوني-ه 

:اخ-ونه ايه يا طنط انا عمري ما اعمل كده في جوزي ابدا

:عارفه بس الشيطان شاطر و الوسوسه بتعمل كثير خصوصا لما بيجتمع راجل وست لوحدهم  غير ان كل ست لها احتياجات بعد الجواز واواقات مش بتقدر تتحمل فبتغلط

: حاضر يا طنط مش هسمح لادهم يدخل عندي تاني

: لا …  ابعدي يا سماء سافري لجوزك خليه يشوف ولاده ويبقى مسؤول عنهم … بعد الاب عن ولاده بيخليهم يدوروا على بديل لهم زي ولادي لما اخذوا عمهم بديل لابوهم 

:حاضر يا طنط هسافر شكرا على النصيحه 

:انا زي امك و خ-ايفة عليك ولو في امل انك تبقي لادهم همسك في الامل ده بايدي حتى وانت معاكي اولادك انت مش عارفه انا بحبهم قد ايه و حاسه انهم احفادي فعلا 

: هما احفادك فعلا لاني زي بنتك 

:واكتر يا حبيبتي ما تزعليش مني كمان مرة انا ام ودوري احمي ابني من أنه يقع في الغلط زمان ما قدرتش امنعه يتجوز لمياء لكن اقدر امنعه عن الخطيئة اللي هيوقع نفسه فيها

*انصرفت والده ادهم وبدات سماء في توضيب حقائبها هي و طفليها واتصلت على سياره لتقلهم بعيدا 

*قررت الذهاب قبل عوده ادهم من عمله ولم تسلم حتى على سماح 

*رحلت والدموع تنساب من عينيها بسبب ما استمعت له الهذه الدرجة تراها من-حلة ؟ 

*عادت الى شقتها التي احضرها كريم لها وأغلقت بابها عليها هي واطفالها

*عاد ادهم من عمله وقرر زياره اطفاله وايضا الاعتذار لسماء عما فعله معها بالامس فقد شعر بمدى خطأه 

*طرق على البلكونه لم تفتح فذهب كي يدخل من باب الشقه اوقفته والدته

 :رايح فين يا ادهم انت لسه راجع من الشغل هتنزل تاني 

: هروح اطمن على ولاد سماء

 :واضح انك بتحبهم قوي ما تتجوز وتخلف يا حبيبي

: حاضر يا ماما اما ارجع هبقى اشوف الموضوع ده 

*طرق باب شقتها لم تجب ففتح بمفتاحه ودخل يبحث عنها لم يجدها هي و اطفاله بل لم يجد ملابسهما ايضا 

بقلمي سحر السحرتي 

*فعاد الى والدته مسرعا كان مرتع-با من رحيل سماء بسبب ما فعله

 :هي سماء مش موجوده ولا ايه يا ماما

: اه يا حبيبي سافرت لجوزها

:ليه ايه اللي حصل 

: ما حصلش حاجه واحده سافرت لجوزها … وهو اولى بعياله

 :انا مش فاهم حاجه

: افهمك يا كبير المنطقة … ما يصحش انك كل شويه تدخل عند ست متجوزه وقاعدة لوحدها 

:انا بطمن على الولاد

 :ما كانوش من باقي قرايبنا هي ولدت وعملنا معاها الواجب وداخله على ثلاث شهور كفايه كده  …  غلط في سمعتها لما الناس تعرف انك داخل خارج عليها هيقولوا ايه 

:بس عمي موصيني عليها 

: الوصيه تنتهي بجوازها ويبقى في راجل هو المسؤول عنها واحنا ما قصرناش معاها انت سلمتها لراجل مسؤوليتك انتهت

:هو انت اتكلمت معاها في حاجه زي كده

 :اه نصحتها تسافر لجوزها هو اولى بعياله وبلاش يتربوا بعيد عنه عشان ما يطلعوش زيك انت و اختك متعلقين بعمكم اكثر من ابوكم

: بس هي ظروفها مختلفه

: يا ابني الشيطان شاطر وهي ست وانت راجل وما ينفعش نحط البنزين جمب الن-ار ونقول مش هيحصل حاجه وكل واحد فيكم له احتياجات ومحروم منها فهمت ولا أوضح اكثر

:خلاص يا ماما فهمت

 *استمعت سماح لحوارهم فاسرعت بالاتصال على سماء فوجدت صوتها وكأنها تبكي

: ليه يا حبيبتي مشيتي

 :مفيش يا سماح حبيت اغير جو بقالي كتير قاعده في الشقة مش بخرج منها

: بتك-دبي عليا يا سماء ليه هو احنا مش اخوات …. انا سمعت ماما وهي بتتكلم مع ادهم ليه خبيتي عليها كنت قلت لها الحقيقه

:هتفرق في ايه تفتكري هتقدر تأثر على اخوك ويعلن جوازنا قدام الناس

: جايز

 :جايز اه و جايز لا … انا نفسي يعملها بكامل ارادته عشان  بعدين ما يحسش بالندم وأنه مجبر يعيش معايا ….سيبيني يمكن كده احسن لينا كلنا

: طب هاجيلك نتكلم

 :لا يا سماح الحركه غلط عليك خليكي لما الحمل يثبت و هشتري خط جديد عشان اكلمك منه لاني هقفل الخط ده

: طب  هبعت لك عمار يشوف طلباتك 

:لا يا سماح انا مش ناقصه كفايه اللي اتقال عليا بسبب ادهم انا هطلب كل حاجاتي بالتليفون زي ما كنت بعمل وانا حامل الدنيا هنا سهله

:زي ما تحبي بس لو احتاجتي حاجه كلميني ارجوك ما تزعليش من ماما 

: مش زعلانه هي كلامها صح 

: لا مش صح 

: مش صح في حالة لو تعرف الحقيقة لكن أنا في نظرها متجوزة وراجل غريب بيدخل عندي البيت يبقى هي صح

: انا مش عارفه اقولك ايه

: ما تقوليش هو الوضع من الاول كان غلط بس أجبرت اوافق عشان الولاد سبيني اقعد مع نفسي وافكر هعمل ايه في حياتي الجايه وازاي هتحمل مسؤوليتهم لوحدي 

*حاول ادهم الاتصال عليها مرارا وتكرارا لكنها لم تجب الى أن أصبح هاتفها مغلق

بقلمي سحر السحرتي 

*شعر باشتياق شديد لها هي و اطفاله

*كان دائم النظر الى صورهم واحيانا تنزل بعض العبرات من عينيه المٱ على فراقهم 

*دخل عمار عليه

: ايه يا ادهم مالك على طول قاعد لوحدك 

:وحشوني قوي يا عمار ما كنتش اعرف اني بحبهم بالشكل ده

 : هما مين اللي بتحبهم ولادك وسماء ولا اولادك بس

: كلهم يا عمار يمكن سماء اكثر الوحيده اللي حسيتها بتحبني رغم انها ما قالتش لكن افعلها كانت بتقول كل حاجه ورغم اللي عملته فيها

:طب لو رجعت هتعمل ايه 

:عايزني اعمل ايه

: هو انت ما فيش فايده فيك

 :عايز ايه يا عمار هقول للناس ايه كنا عاملين مسرحيه عليكم 

:امال هتسيب الناس تجيب في سيره مراتك ام اولادك … مامتك حست انك بس بتدخل عندها سمعتها كلام اي ست لو سمعته كانت قالت لها وقفي عندك ده جوزي ودول عياله … انما هي التزمت باتفاقها معاك و خاف-ت على مشاعرك و خافت اكثر على صدمه مامتك فيك 

:بصراحه يا عمار انا مش مستعد دلوقتي

:لسة عشان لمياء صح

: يا عمار انت متخيل حب سنين يخلص بسرعه كده

: انت مصدق نفسك يا ادهم ان ممكن لمياء ترجع لك لمياء خلاص اتجوزت ولو كانت لسه عايزه ترجع لك كانت فضلت من غير جواز … انا رايح لمراتي انت فعلا لا تطاق هتفوق امتى وتدي المظل-ومة دي حق واحد من حقوقها

*دخل عمار على سماح و رأته يست-شيط غض-با 

:مالك في ايه يا حبيبي 

 :اخوك الغب-ي

 :عمل ايه 

*بعد ان حكى لها ما حدث

: هو لسه بيفكر فيها .. تصدق بقى ان ماما لازم تعرف انها ظل-مت سماء

 :لا احسن يزعل مننا

 :ما لكش دعوه انا اللي هقول لها 

*في اليوم التالي كانت سماح تحكي لوالدتها ما حدث مع سماء 

:استغفر الله العظيم … يا رب سامحني انا ظلم-تها وابني ظلم-ها واولادها احفادي … ما قلتليش ليه من الاول

: هتقدري تعملي ايه يعني يا ماما ادهم دماغه ناشفه و هيعند معاكي ويفضل جوازهم في السر

:ومين قال لك اني هتكلم معاه

 :امال هتعملي ايه 

:سماء كده بقى لها شهر كلميها ترجع و عرفيها اني عيزاها واني كمان عرفت …. ولو حد من الناس سألها تقول زهقت ورجعت لان جوزها مشغول على طول 

*اتصلت سماح كما طلبت امها

 :يعني هي عرفت

: اه ولو كانت تقدر تيجي لك كانت جت بس انت عارفه انها تعبانه ومش بتنزل غير بالعافيه

 :بس انا مش عايزه ارجع

: بلاش تنشفي دماغك اسمعيها ولو الكلام مش عاجبك ابقي ارجعي تاني

: يا سماح انا كده مستريحه قوي وخلاص اقلمت نفسي اني لوحدي 

: يا بنتي مستريحه ازاي العيال بتكبر ومحتاجين ابوهم وماما هتدلك على الطريقه انت خس-رانه ايه ما يمكن فعلا طريقتها تجيب نتيجه

 :حاضر لما اشوف اخرتها 

*عادت سماء كما طلبت سماح دخلت والده ادهم لها و احتضنتها 

:حقك عليا يا حبيبتي سامحيني انا السبب اللي خليتك تروحي عنده يومها وحصل اللي حصل

:كله مقدر يا طنط وخلاص الدنيا اتصلحت

: اتصلحت ازاي …. اسمعي بقى كلامي انت مش عايزه ادهم يعترف بجوازه منك و بالعيال

: اه يا طنط يا ريت دي امنية حياتي 

 :يبقى تنفذي كل اللي هقول لك عليه عشان تحافظي على جوزك وبيتك …. الاول انت بتحبيه زي ما انا حاسه

: لا هو يعني ابو ولادي وبس ومصلحتهم انه يكون جمبهم ويربيهم

 :بنت انت هتلفي و تدوري عليا لو مش بتحبيه خلاص هخليه يعترف بالعيال بس 

:بحبه يا طنط بحبه من زمان

 :ايوه كده لان الخطه مش هتنجح الا اذا كنت بتحبيه 

:خطه ايه

 :هفهمك محدش فاهم ابني قدي … ادهم كان متجوز وعازب في نفس الوقت

: مش فاهمه ازاي يعني

 : لمياء ما كانتش ست بيت بتهتم بيه لا اكل ولا شرب ولا اي حاجه … احنا بقى هنخليه يعيش الحياه الزوجيه ويحس بالاسره من كل الجوانب اللي كان محروم منها

: هنعمل كده ازاي

 :هنقول ان سماح زهقت من القعده عندي وعايزه تروح شقتها كام شهر وانا طبعا هروح معاها 

:طبعا هو كده هيقعد لوحده

: لا ما انا هعمل اني هجيب شركه ترش الشقه واقول اني لقيت فار 

:طب ما هو كده هيروح يقعد في شقته

 :لا ما انا هخلي عمار من ناحية ثانية يقترح عليه يقعد معاكي عشان الناس ما تشوفوش داخل البيت واحنا مش هنا ويرجع ينام في شقته كده ممكن يقولوا انه كان عندك  … لكن لو فضل في البيت طول الوقت الناس هيفتكروه قاعد في شقه ابوه 

:ولما يقعد عندي هعمل ايه معاه

 :الاهتمام بالاكل و اللبس و يقعد وسط عياله … تبقي على راحتك شويتين ثلاثه واحنا خلاص داخلين على الحر 

:مش فاهمه ماله الحر 

: بنت فتحي مخك معايا شويه … الجو حر هدوم خفيفه او عريانه ما يضرش …. يشعر بجو الاسره وحضن الزوجه 

:بس انا مش قادره انه يقرب مني

: عايزه تحافظي على بيتك وجوزك يبقى لازم يقرب منك ويحس بالفرق بينك وبينها … هو عمره ما حكى بس كان بيبان على وشه

: هو ايه اللي بيبان 

: انه مش مستريح معاها كزوج وزوجة …  سماء انت ادهم قرب منك كام مره

*ردت بخجل

:هي المره بتاعه الحادثه

: نعم يا اختي يعني كل ده ما حاولش يلمسك 

:حاول اخر ليلة قبل ما تكلميني و تطلبي مني اسافر  ورفضت مش ناسيه يوم الحاثة

:انسيها وخلينا نه-بله يلف حوالين نفسه من جمالك يبقى مشتاق يرجع لك من الشغل بسرعه

 :طيب اذا نفذت الخطوه اللي بعدها ايه

: كام شهر وبعدين لو ما اعترفش تبعدي لغايه لما يحس بالحرمان بعد ما داق الحب  غص-ب عنه هيعترف 

:خاي-فه قوي يا طنط الخطه تفشل واتعلق بيه أكثر 

: لا ان شاء الله هتنجح وكل يوم هبقى معاك على التليفون عشان اعرف عملت ايه لغايه لما اطمن انك ملكت زمام الامور ده ابني وانا عارفه تدخلي له ازاي 

:ادعي لي يا طنط 

:دعيالك ودعوه الحمى في السما … وما تعرفيش لما تبقى حماتك راضيه عنك

: وانت راضيه يا فوز

: كل الرضا يا حبيبتي  …المهم لما يجي اترمي في حضنه وبلاش الوش الخشب وتقولي له وحشتني وانك ما قدرتيش على بعده … دائما اعملي عكس اللي كانت بتعمله الح-رباية لمياء 

: كانت بتعمل ايه 

: وجوده ما بيفرقش معاها موجود زي مش موجود انما انت حسسيه ان البيت من غيره مالوش طعم 

: حاضر بس هيعرف منين اني رجعت 

:هو انت مالكيش في لؤم الستات

: لا يا طنط معرفش

: اعلمك واكل من بيتنا … اسمعي اول ما يرجع هرن عليك عشان تقرصي حد من العيال جامد يقوم  يعيط ويسمعه وينط من البلكونه 

:فهمتك

: بس خليك مستعدة ريحتك حلوة ولابسة بيجامة مجسمة

: ايه ده من اولها كده 

: لا طبعا بس عشان بعد غيبة يشوفك تهبليه

 *بالفعل عاد ادهم ورنت والدته على سماء فقالت في نفسها

: اقرص مين … لا يا حبايب قلبي مش هقرص حد احنا نلعب مع بعض ويسمع صوت ضحكتكم احسن 

*بالفعل كانت تلعب معهم وتعلي صوتها حتى يسمعها 

: قلب ماما بخ …  روح ماما بخ 

*فيضحك الطفلين بصوت عالي

:انت حلوة … انت بطة …. هاتي بوسة لماما عشان ماما يا حبايب ماما  

*لم يصدق ادهم ما سمعه فتحرك سريعا وندى على والدته 

: ماما انا هنام عشان تعبان قوي ما حدش يصحيني حتى الصبح انا هصحى لوحدي 

:حاضر يا ادهم يعني احضر الفطار على الساعه كام 

 :ما تحضريش حاجه غير لما تلاقيني قدامك اصلي هلكان

: طب اتعشى الاول 

:لا  بقولك هلكان عايز انام

*وظل يتثاءب امامها

: تصبحي على خير

$ هل ستنجح خطة فوزيه ؟

& شكرا لكل الناس اللي قالت كلام جميل وبعتذر لو حد فهم كلامي غلط انا ما قصدتش نقد معين انا كنت بتكلم عن واحده دخلت خاص تنتقد بكلام ج-ارح تقريبا شت-يمة طب ليه بنوصل للأسلوب ده فعلا المجتمع اختلف كثير

• تابع الفصل التالى ” رواية أحببت من لا يرانى  ” اضغط على اسم الرواية