رواية فرصة اخيرة الفصل الاول 1 – بقلم رنا سليمان

 رواية فرصة اخيرة (كاملة جميع الفصول) حصريا عبر كوكب الروايات بقلم رنا سليمان

رواية فرصة اخيرة الفصل الاول 1 – بقلم رنا سليمان 

_انا جوزي اتقتل قبل الفرح ب ٢٤ ساعة وحضرتك بتقولي اهدي!

_يا استاذة ريم عصبية حضرتك دي مش هتوصلنا لحاجة ممكن حضرتك تهدي علشان نعرف نتكلم ونتفاهم

_نتفاهم ازاي حضرتك………..هو حضرتك لسه مش مستوعب اللي حصل…….اللي كانت قدام حضرتك دي جثة جوزي اللي فرحي عليه كان هيبقي بكرة وحضرتك بتقولي اهدي………ازاي حضرتك!

_انا السبب ……..انا اللي عملت كدة

قربت منه بصدمة وانا بعيط

_انت السبب في اي يا كارم ……..انت بتقول اي

_سامحيني يا ريم والله العظيم ما اعرف ازاي دا حصل انا اخر حاجة فاكرها اننا كُنا بنتخانق مش عارف ازاي دا حصل

_يعني ايه……..يعني انت السبب في موته……..انت اللي قتلته

_لا يا ريم ……..انا اتخانقت مع مازن ايه واه انا مش فاكر اللي حصل بعد كدة بس انا عُمري ما هأذيه يا ريم………مازن دا كان اخويا مش صاحبي وانتي اكتر واحدة عارفه دا

_انا اللي اعرفه ان جوزي وصاحبك اللي انت بتقول عليه دا جثة قدامي مقتول وانت بتقول انكم انخانقتو ومش فاكر حصل اي بعدها 

_ريم انا

_انت اي……….اي اللي ممكن تقوله يبرر قتلك لجوزي……….هو انت متخيل اني ممكن اصدق اي حاجة انت هتقولها

_يا ريم انا اتخانقت معاه علشان كان

_كان اي……..اي اللي ممكن يعمله يخليك تقتله وتنهي حياته وتدمر حياتك وحياتي معاك

_والله العظيم انا مظلوم انا اه اتخانقت معاه بس اكيد مش هتوصل للقتل ………لو افتكر بس اللي حصل بعد الخناقة كل حاجة هتتحل

_هتتحل!……..لو افتكرت مازن هيرجع يعيش تاني يا كارم وكأن محصلش حاجة ولا اية

_استاذة ريم………ممكن حضرتك تروحي ترتاحي دلوقتي لان حضرتك كدة هتأثري علي شغلنا واوعد حضرتك لو في جديد هبلغ حضرتك 

_حضرتك انا اكيد مش همشي من هنا………انا مراته واكيد ليا الحق اني ابقي هنا واعرف اي جديد في القضية

_انا مراعي ان حضرتك زعلانه علي زوج حضرتك وانك عايزه تعرفي مين اللي عمل كدة بس حضرتك ملكيش الحق انك تقعدي هنا لان حضرتك ولا محامية الجاني ولا المجني عليه ………انا اسف كدة اني بقول لحضرتك دا بس لازم حضرتك تمشي وتسيبنا نشوف شغلنا لو سمحتي

_صح………لازم علشان انا لا محامية المجني عليه يبقي معرفش حاجة عن جريمة قتل جوزي اللي مكتوب كتابي عليه واللي المفروض اكون احق واحدة ب دا

_دا القانون حضرتك وافتكر انك اكتر واحدة عارفة كدة كويس

_للاسف عارفة

بصيت عليه وهو باصص في الارض ومش بيتكلم……..حاولت امنع دموعي انها تنزل خرجت من الشقة ونزلت من البيت ………قعدت علي اقرب مكان قبلني وقعدت اعيط……….لحد دلوقتي مش قادرة استوعب ازاي كل دا حصل في ساعة واحدة…….ساعة واحدة كانت كفيله تغير حياتي كلها وتخلي اسعد ايام حياتي اسوئها كان مكلمني قبل الحادثة بساعة واحدة وكُنا بنضحك وبنهزر وبيقولي انه مش مصدق ان خلاص فاضل يوم واحد ونكون مع بعض طيب ازاي……..ازاي يموت بعدها ومين اللي يقتله………اقرب صاحب ليه واللي كان بيفتكره اخوه ……….كارم مش بس صاحب مازن واخوه دا عشرة عُمري انا كمان وكان جاري ازاي يعمل كدة ويقتله وهو عارف اني مش هقدر اعيش من غيره

شوفت عربية عمو جمال والد مازن……..قومت من مكاني ومسحت دموعي……..نزلت من العربيه وجريت عليا ومسكت في ايدي

_ابني فين يا ريم……..اي اللي حصل يا بنتي انا مفهمتش من عمك حاجة قوليلي في اي طمني قلبي

_محدش فاهم حاجة يا طنط………من شوية الظابط اتصل بيا من تلفون مازن وقالي ان في جريمة قتل حصلت في الشقه وانه اتصل بيا علشان انا اخر حد مازن كان متصل بيه ف جيت علطول واتصل بيكم………لما طلعت لقيت مازن مرمي علي الارض وغرقان في دمه وميت

زقتني ……..بصتلي بصدمة وهي مش مصدقة وبدات تهز براسها ب لا

_لا اكيد انتي مش بتتكلمي بجد ابني اكيد كويس اكيد ……..اكيد دا مقلب من المقالب بتاعته دي صح يا جمال………انت ساكت ليه ما تتكلم مازن كويس مش كدة

_يا عبير اهدي لحد ما نفهم في اي

_هو اي اللي اهدي انت مش سامع بتقول اي……..دي بتقولك مازن مات………ابني عمري ما يسيبني يا جمال اكيد في حاجة غلط

_انا كمان مكنتش مصدقة اول ما اتصلوا بيا بس لما جيت و……..وشوفته قدامي صدقت

_بس……..اسكتي انتي ازاي تقولي كدة………مازن عايش انتي سمعاني ولا لا……..ابني مستحيل يمشي ويسيبني……….انتي السبب قولتله بدل المرة الف انك متنفعهوش بس هو كان مصمم عليكي ………من يوم ما دخلتي حياته وهو حياته اتدمرت خسر شغله وخسر حبيبته الاولي بسببك ودلوقتي خسر حياته

_كفاية بقي يا عبير………هي كان ذنبها اي غير انها حبيته……..اللي حصل دا قضاء وقدر واللي عمل دا اكيد هياخد جزائه 

بصيت الناحية التانية وحاولت امنع نفسي من العياط اتنهدت وبصتلهم من تاني

_الاسعاف جات واخدت الجثة علي المشرحة انا هروح وحضرتك يا عمو تعالي ورايا انت وطنط

_تيجي!………تيجي فين هو انتي عايزه تيجي بعد اللي حصل بسببك دا انا مستحيل اقبل انك تيجي معانا ابدا

_يا عبير اللي بتعمليه دا مش هينفع ابدا كفاية كدة

_انا ومازن كان مكتوب كتابنا يا طنط………يعني انا اكتر واحدة لازم تبقي موجودة هناك ف لو سمحتي كفاية اللي حضرتك بتعمليه دا لان مازن دا جوزي وحبيبي زي ما هو ابنك وليكي الحق انك تروحي ليه وتودعيه انا كمان من حقي اودعه لاخر مرة

سيبتهم ومشيت من غير ما اسمع رد منهم مسحت دموعي اللي بدات تنزل …….اخدت اول تاكسي جاه قدامي وسابقتهم علي هناك 

اول ما وصلت وطلبت اني اشوفه دخلوني وطلعولي الجثة……..اول ما دخلت وقربت من الثلاجة اللي هو فيها جاه في دماغي كل حاجة حصلت قبل كدة………مكانتش اول مرة ادخل المكان دا دخلت مرتين قبل كدة والمرتين كانوا اصعب من بعض……….ابويا وامي اللي ماتوا في حادثة وانا صغيرة واللي كانوا اهم ناس في حياتي ومرة لما ميريهان اختي ماتت بسبب السرطان ……….اول ما اتفتحلي باب الثلاجة وشوفته قدامي ………..حطيت ايدي علي بوقي وبدات اعيط ………مسكت وشه وانا مش مصدقه ان هو كمان راح ومش هشوفه تاني……….كان الوحيد اللي باقيلي في الدنيا دي كلها ودلوقتي هو كمان راح………بدات اتكلم وانا حاطة ايدي علي وشه

_لية يا مازن ……….لية سيبتني لوحدي يا حبيبي وانت عارف اني مليش غيرك ليه عملت كدة دا انت الوحيد اللي كنت السبب اللي انا عايشه علشانه ليه سيبتني ومشيت……..بس متقلقيش يا حبيبي صدقني انا مش هسيب حقك يروح انا هعمل المستحيل علشان اعرف مين اللي عمل كدة ………واللي عملي كدة هياخد حقه سواء كارم او غيره متقلقش يا حبيبي صدقني مش هرتاح غير لما اعرف مين اللي حرمني منك 

“كارم”

كُنت قاعد وانا باصص في الارض وبعيط………اتكلم وهو متعصب

_بردو مصمم انك مش عايز تتكلم يا كارم

_اتكلم اقول اية………حضرتك انا مش فاكر اي حاجة من اللي حصلت واللي كانت السبب في موته 

_يعني اي مش فاكر دي………هو انت فاكر اني هصدقك احنا لما جينا الشقة بعد البلاغ اللي حصل دا لقيناك قاعد جمب جثة مازن وبتعيط والمسدس جمبك يبقي المفروض افهم اي انا

_حضرتك ليه مش مصدقني ……..والله العظيم انا اخر حاجة فاكرها اننا اتخانقنا وبعدها مش فاكر اي حاجة 

_ايوة…….براحة كدة وقولي اتخانقتوا ليه علشان اقدر اساعدك لو مظلوم فعلا

_انا مش فارق معايا اخرج من هنا ولا لا انا كل اللي فارق معايا ان ريم تعرف ان مازن مكنش بيحبها وانه كان بيكذب عليها علشان يوصل للي هو عايزه وبس 

_كارم لو سمحت اتكلم من غير الغاز……..قولي اللي حصل وانا هحاول علي قد ما اقدر اساعدك لو سمحت يا كارم

فضلت بصصله وساكت ومش عارف اقول اللي اعرف ولا لا

…….يتبع……..

فرصة_اخيرة

• تابع الفصل التالى ” رواية فرصة اخيرة  ” اضغط على اسم الرواية