رواية وسط الزحمة حكايات الفصل الثانى 2 – بقلم Memo
بسم الله الرحمن الرحيم
رواية وســـــــط الزحمــــــــة………حكايـــــــات ✨
البارت التاني 🌹🌹
بقلم 🦋 𝑴𝒆𝒎𝒐
______________________________
نور : فيرووووز خدي بالك فيرووووووز.
بتشوف فيروز العربية اللي جاية ناحيتها و بتتجمد مكانها.
بيوقف اسر العربيه علي اخر لحظه كان ناقص شبرين ويدوسها.
بينزل اسر من عربيته بعصبية.
اسر: انتي غبيه وعاميه اي الغباء دا.
بتشهق فيروز بصدمة.
فيروز : انت بتقول الكلام دا ليا انا.
اسر: لا بقولك اي انا مش فاضي لشغل الهبل دا.
فيروز: انت اهبل يا عم انت هو انا اللي كنت هدوسك دلوقتي استغفر الله العظيم يا رب.
اسر: ما دا بسبب استهتارك.
بتيجي نور عليهم بخضه
نور: روز انتي كويسه يا قلبي جرالك حاجه.
فيروز: الحمد لله يا نوري بس الغبي دا كان هيخبطني.
اسر: بقولك اي يا بت انتي اتلمي عشان مزعلكيش انتي مش عارفه انتي بتكلمي مين ولا اي.
فيروز بسخرية: هتكون مين يعني.
مردش عليها اسر وسابها وركب عربيته ومشي.
فيروز: شوفتي يا نوري الغبي المغرور دا مشي بكل تناكه كدا ومردش عليا عن شكله وهو قمر كدا.
نور: خلاص يا قلبي حصل خي…. نعم يا قلبي قمر بت انتي هو انتي عندك انفصام في الشخصيه ولا اي .
فيروز: هههههههههه يلا يلا هنتأخر شكلنا كدا هنترفد النهاردة.
نور: من اول يوم وهنترفد يا شيخه حرام عليكي اتفائلي خير هههه.
فيروز: ههههه يلا يلا.
نور: طيب يلا هتروحي تجيبي الحاجه اللي انتي كنتي عايزه تجيبيها ولا اي.
فيروز: لا ياختي مش عايزه اجيب حاجه يلا لحسن هنتأخر.
نور: اوك يلا.
وصلت فيروز ونور قدام الشركه.
فيروز بانبهار : الله شوفي الشركه حلوه ازاي وتصميمها يجنن.
نور: لما هي من بره كدا امال من جوه شكلها هيبقي عامل ازاي.
فيروز بحماس: طب يلا يلا ندخل انا متحمسه اوي.
نور: يلا وانا كمان متحمسه اوي.
دخلوا جوا الشركه.
وبيوصلوا عند موظفة الإستقبال.
موظفة الإستقبال ( بابتسامه رسمية): صباح الخير، حضراتكم جايين لمقابلة وظيفة السكرتاريه؟
فيروز ونور: امممم ايوه صح حضرتك.
موظفة الإستقبال: تمام، اتفضلوا اقعدو هيتم نداء كل واحدة علي حسب الدور، كل مقابلة مع مدير من المديرين التنفيذيين، وهما بيختارو السكرتيره اللي تناسبهم.
فيروز (بهمس ل نور): يعني ممكن انا أطلع مع مدير، وانتي مع التاني.
نور (بمزاح) : او ممكن واحدة تتقبل والتانيه ترجع تقعد ع القهوة.
فيروز: هههه، لا ان شاء الله نتقبل احنا الاتنين
~ بعد شويه يُنادي علي فيروز ~
موظف: المستر آسر مستنيكي يا آنسه فيروز.
فيروز بتقوم وهي بتحاول تخبي توترها.
فيروز: ادعيلي يا نور.
نور: يلا روحي ربنا معاكي.
بتروح فيروز وبتخبط علي باب المكتب.
_ ادخل
فتحت فيروز الباب ودخلت.
فيروز: السلام عليكم.
_وعليكم السلام اتفضلي و اقفلي الباب وراكي.
قفلت فيروز الباب وجواها حاسه ان هي سمعت الصوت دا قبل كدا.
وبتدير ناحيته
والمدير بيدير بالكرسي بتاعه
فيروز اول ما شافته اتجمدت في مكانها
فيروز (بصدمه) : انت
________________________________
استغفر الله العظيم وأتوب إليه
استغفر الله العظيم وأتوب إليه
استغفر الله العظيم وأتوب إليه
……………………………………………….
نور: اما اروح اخدلي جوله في الشركه دي عما ييجي دوري.
بتتمشي نور شويه في الشركه وفجأه خبطت في حد.
_ مش تاخدي بالك.
نور: اا انا اسفه.
_ خلاص حصل خير.
نور نست نفسها خالص وفضلت تبص عليه وسرحت
_ عارف اني قموور.
نور انحرجت جدا واتوترت ووشها قلب طماطم: ااا لااا ااا.
_ خلاص خلاص مالك قلبتي فراوله كدا لي.
نور بتوتر وإحراج: لا لا مفيش حاجه.
مشي الشخص دا من قدامها.
نور: اي الغباء دا هيقول اي عليا دلوقتي وانا ازاي سرحت فيه كدا اما امشي احسن اه يا كسفتك يا حازم.
راحت نور عشان تستني دورها.
__________________________________
فيروز: انت.
اسر : انتي.
فيروز بصوت خافت: يا نهار باين من اوله هي كانت ناقصه.
اسر برفعة حاجب: بتقولي حاجه.
فيروز: لا لا ابدا ولا حاجه.
وبتلف فيروز ولسه راحه تفتح الباب عشان تخرج.
اسر باستغراب: استني عندك انتي رايحه فين.
فيروز: …………………
_________________________
استووووب لحد هنا نكمل البارت الجاي 😂
يا وقعتك البيضه يا فيروز حظك نحس ما شاء الله 🤭😂
يلا بقيت الاحداث نشوفها البارت الجاي 🌹🌹
كانت معاكو ✨🎀 𝓜𝓮𝓶𝓸 🎀✨
جوووووود بااااااااي👏🏻👏🏻🌹🌹🌺🌺
• تابع الفصل التالى ” رواية وسط الزحمة حكايات ” اضغط على اسم الرواية