رواية قمر الزين الفصل العاشر
رواية قمر الزين الفصل العاشر
هند : طب هسألك سؤال
قمر : اتفضلي
هند : انتي لسه بتحبيه
قمر : الصراحه اه
هند : طب لي بقي بتعندي مع نفسك ومعاه
قمر : عشان كنت فاكره نفسي اني صح وان هو اللي غلطان
هند : بما انك اعترفتي بغلطك بقي يبقي ترجعي معايا القاهره
قمر : هرجع بس قبل ما نرجع في حاجه هنا لازم اعملها الاول
هند : اي هي الحاجه دي
قمر : هتعرفيها في وقتها
هند : ربنا يستر
قمر بضحك : هيستر والله
هند : طب اعملي حسابك اننا هنرجع الجمعه الجايه
قمر : قولتلك مش هرجع قبل ما اعمل اللي عايزاه
هند : طب اي اللي انتي عايزاه
قمر : هتعرفي بعدين
ليقاطع حديثهم دخول يارا
يارا : خالتو موبايلك بيرن
هند : طب هاتي كده ، اي ده زين اللي بيتصل
قمر بفرحه وتوتر : طب ردي بس متقوليش ليه اني جنبك
هند : طب ما تردي انتي
قمر : لا
يارا : هتقعدوا تتعازموا على بعض كده ما يقفل
هند : ما هو قفل فعلا
قمر بحزن : يخساره
يارا : طالما لسه بتحبيه ما تكلميه
هند : استنوا بيتصل تاني
فتحت المكالمه ، الو ازيك يا ابني
زين : الحمدلله وحضرتك عامله اي
هند : الحمدلله
قمر بهمس : افتحي الاسبيكر
فتحت هند الاسبيكر
زين : كلمت حضرتك قبل كده ومردتيش
هند بكدب : معلش ماكنتش جنب التليفون
زين : ولا يهمك ، قمر عامله اي
هند : الحمدلله كويسه
زين : مش ناويه ترجع بقي
هند: هترجع بس مش دلوقتي
زين : اومال امتا
هند : شويه كده
زين : طب انا عايز اكلمها ممكن
هند نظرت لقمر وقمر هزت رأسها بمعني لا
هند بكدب : انت ناسي انك المفروض انك متعرفش مكانها
زين بحزن : اه للاسف كنت ناسي
هند بحزن علي زين : ولا يهمك يا ابني متقلقش هتلاقيني في أقرب وقت بكلمك واقولك قمر رجعت
زين : بس ده ميمنعش اني اكلم حضرتك برضو عشان اطمن عليكي وعليها
هند : لا طبعا يا حبيبي اتصل اي وقت
زين : تسلمي
هند : طب انا مضطره اقفل بقي عشان هي ممكن تدخل عليا في اي وقت
زين : خلاص ماشي مع السلامه
وقفلت المكالمه
هند : اي رأيك في اللي سمعتيه
قمر كانت سرحانه في صوته وبتفكر فيه لتقاطع سرحانها
هند : قمــــــــر
قمر بانتباه : نعم
هند بابتسامه : سرحتي في اي
يارا : اكيد سرحت في زينو وصوت زينو اللي يجنن
قمر بغيظ : ملكيش دعوه بزينو يا بت زينو بتاعي انا
يارا : الله ما احنا بنحبه اهو وبنغير كمان اومال اي بقي
قمر : بس يا بت
هند : طب بما انك بتحبيه اوي كده ونفسك تشوفيه خلصي اللي عايزه تعمليه هنا عشان نرجع
يارا : عايزه تعملي اي هنا
قمر : ملكيش دعوه
يارا : بقي كده
قمر : اه كده ، بس انتي عرفتي منين يا ماما اني عايزه اشوفه
هند : من شكلك يا روح ماما لما سمعتي صوته
ليدخل عليهم عمر
عمر : ممكن اقاطع كلامكم ده شويه
هند : اه طبعا يا حبيبي
عمر : طب قوموا اجهزوا عشان هخرجوا
يارا وقمر في وقت واحد : بجد
عمر بضحك عليهم : اه بجد بس قدامكوا بالكتير نص ساعه لو اتأخرتوا عن كده هاخد ماما وخالتو وهسيبكم
يارا : لا انا رايحه اجهز اهو
قمر : وانا كمان يسطا اعتبرني جهزت
عمر بقرف : يسطا
يارا من خلفه : احلي يسطا في الدنيا
عمر : طب يلا عشان ممشيش من غيركم
ودخلوا يجهزوا
عند زين قاعد سرحان بعد مكالمته مع هند ليدخل عليه زياد
زياد : ها كلمت مامتها
زين : اه
زياد : اي اللي حصل
زين : رفضت اني اكلمها
زياد : مين اللي رفضت
زين : طنط رفضت اني اكلم قمر
زياد : لي
زين : قالتلي عشان المفروض اني معرفش مكان قمر
زياد : امممم وبعدين
زين : بس انا حاسس اني سمعت صوت قمر جنبها
زياد : واي اللي هلاك تحس كده
زين : مش عارف انا حاسس انها كانت جنبها ولسه مش عايزه تكلمني
زياد : طب طنط مقالتلكش حاجه تاني
زين : لا قالتلي
زياد : قالتلك اي
زين : قالتلي انها قريب اوي هتكلمني تقولي ان قمر رجعت
زياد : طب تفائل بقي دي بتفرحك وتطمنك اهو مالك بقي
زين : خايف من بعدها
زياد : ازاي
زين : سمعت ان البعد بيعلم الجفا فخايف ميبقاش في مشاعر ليا عندها لما ترجع
زياد : سيبها علي الله بس اكيد اللي انت بتقوله ده غلط
زين : لي بقي
زياد : عشان لو مبقتش تحس ناحيتك بحاجه ماكنتش طنط طمنتك انها هترجع قريب
زين : ياريت يبقي كلامك بجد
زياد : قول يارب
زين : يارب
زياد : هقوم انا بقي عشان الحق امشي
زين ما تخليك معانا النهارده
زياد : مش هينفع عشان الشغل وانت عارف
زين : اه عارف ان من بيتك اقرب للشركه بس ميمنعش انك تبات النهارده
ليقاطع حديثهم دخول مامتهم
سميه : اي اللي سمعته ده
زين وزياد باندهاش : اي اللي سمعتيه يا ماما
سميه : انك عايز تمشي يا زياد
زياد : وانتي بقي يا سمسم داخله علينا داخلة المخبرين دي عشان سمعتيني بقول عايز امشي
سميه : اه
زياد : مش عشان الشغل اللي ابنك سايبهولي
سميه : مليش دعوه انا قررت انك مش هتمشي النهارده
لسه زياد بيقول طب وتقي موافقه اتفاجأ ان تقي لابسه ترنج بيتي
زياد بصدمه : اي اللي انتي لابساه ده يا تقي
تقي : ماما حلفت عليا اني اغير هدومي عشان هنبات هنا النهارده وانت عارفني مقدرش ازعل ماما
زياد : اه انتوا اتفقتوا عليا يعني
كلهم في وقت واحد : اه
زياد : امري الى الله
عند قمر خرجوا وقعدوا في كافيه ع البحر
هند : بجد المكان تحفه
عمر : خلاص يا خالتو خليكي الفتره اللي انا قاعد فيها وكل يوم هخرجك في مكان مختلف بس احلي من بعض
هند : ربنا يسهل يا حبيبي
ليقاطع حديثهم رنه موبايل يارا
يارا بكدب : دي صاحبتي هخرج ارد بره
قمر باستفزاز : طب ما تردي هنا طالما صاحبتك
يارا : لا عشان الدوشه
ياسمين : طب متتأخريش
يارا : حاضر
بعد خروج يارا
قمر : انا عايزه اقولكم علي حاجه
كلهم بانتباه : قولي
قمر : ……….
يتبع الفصل التالي اضغط هنا
الفهرس يحتوي على جميع فصول الرواية “رواية قمر الزين” اضغط على اسم الرواية