رواية ابن صاحب الشركة الفصل الاول
رواية ابن صاحب الشركة الفصل الاول
قاسم: اي اللي أنتي بتتفرجـي عليـه دا!
شيلت الهاند فري و بصتله بضيق.. قاسم إبن صاحب الشركة بس مبيشتغلش فيها و عامل نفسه بيفهم في كل حاجه…كان جمبي في الأسانسير و أنا رايحة لمكتبي و سألني السؤال دا!
فرح: وأنت مال حضرتك..
قاسم: لمي لسـانك اللي أطول منك دا! في واحدة في سنك دا تتفرج علي كرتون و كمان و أنتي متأخرة!
فرح: أيوا و أنت مالك!! و اي في سنك دا دي!!
قاسم:أصلك عملالنا فيها مثقفه!
فرح: و أنت اللي مثقف بقي!! أتحداك أنك نفخ ع الفاضي…
قاسم: أوعـي تتحديـني ي قطة هتنـدمـي..
فرح: واللـه! أقـولك حـاجـة هـات أخـرك معـايـا..
قاسم: بصـي لمكـانتـك و أبقـي تعـالي أتحـديني..
فرح: أنا وصـلت للمـكان دا ب تعبـي مـش زيـك بابـي صاحـب الشـركة! ف متتكـلمش عن مـكانتي و تفتكـر أنك كـدا بتقـل منـي..
قاسم: ماشـي.. أنا هوريـكي إبن صـاحب الشـركة هيعمـل اي!
سيبتـه و أنـا مش شـايفـة قدامـي ولا طايقـه نفسـي.. هو فـاكـر نفسـه مين دا!
فرح: قوليلي ي هالـة فـاكـر نفسـة مين!
هالة: مديـر الشـركة ي فـرح.. قاسـم النهـاردة مسـك مجلـس إدارة الشـركة و والده هيولـيه كل شغـله.. طبعـا م حضـرتك جـايـة متأخر لا و كمان بتتحديه و تقريبا شتمتيه..
فرح: نعـم! و أنتـي جـاية تقـوليـلي كـدا دلـوقتـي!!
هالة: هـو أنـا كنت هلحـق أقـول حـاجة ولا أتكـلم!
فرح: الشـركة هتنهـار ي هـالـة..
هالة: لعـلمك بقـي قـاسـم ذكـي..
فرح: لعـلمك بقـي قـاسم ده هو اللي هيوقـع الشركة و هيودينا كلنا في داهية و مش هنلاقي شغل كويس زي دا تاني.. قـاسم دا مصيبة…
قاسم: تمام أوي.. ورايـا علي مكتبي…
كان واقف ورايا و أنا بمدح فيه بالشكـل اللطيف ده أول م أديرت لقيته سابني و مشي بصيت لصاحبتي بضيق…
~ هروح أترفد و آجـي…
خبطت علي الباب و دخلت لقيته قـاعد مكان والده نفس الهيبة و الله…
_ تعـالي ي فرح.. أترزعي هنا…
~ لا لو سمحـت علفـكرا مش معني أنك بقيت مدير الشركة يبقي التعامل يكون كدا..
بغضب: أقعدي و بلاش فلسفة.. م أنتي كنتي واقفة تشتمي فيا برا!!
قعدت و أنا ساكتة لأنه معـاه حق.. أنا فعـلا غلطت فيه بس ده مش معناه أني أعترف بكده لا طبعا..
قاسم بفخر: أنتي طبعا عرفتي أني بقيت رئيس مجلس إدارة الشركة..
فرح بسخرية: هو سالم باشا والد حضرتك مقالكش اي حـاجة قبل م حضرتك تتولي منصب زي دا في الشـركة!
قاسم بعدم فهم: مش فـاهم..
فـرح: هتفهم دلوقتي.. ممكن تقـولي مطلوب مني اي؟
قـاسم: مديرك السابق أمرني أني أشيلك من منصبك و تاخدي منصب تاني في الشركة…
فـرح: نعم! منصب اي؟
قاسم: أنتي من النهـاردة ي فرح بقيتي سكرتيرتي..
فـرح: اااي!! من مديرة علاقات عـامة لسكرتيرة!!!!
قاسم: أيوا.. الحقيقة أنا لسه مش عارف ليه!
فرح: أقولك أنا ليه! طبعا حضرتك متعرفش أن الشركة عليها ديون ب 50 مليون جنية و أنها ممكن تعلن إفلاسها في أي لحظه و ميزانية الشركة في الأرض.. لا وكمان الشغل واقف في المصنع بسبب نقص الخامات… ها تحب تعرف حاجة تانيه!
قاسم: أنا عارف كل دا علفكرا.. بس ليه أنتي بالذات!
فرح: من تلات سنين أول م أتعينت هنا سكرتيرة لسالم باشا حصل مشكلة مقاربه بس المبلغ كان قليل عن كدا بكتير وأحنا من غير م حد في الشركة خصوصا الموظفين يحس بأي مشاكل حلينا المشكلة..
قاسم: كان المبلغ قد اي وقتها!
فرح: عشرة مليون جنية..
قاسم: ي حلاوة! طيب ي فرح.. أنا أهو و بكامل قواي العقلية بعترف بذكائك لكن أنا محتاج خبرتك اللي تخلينا نحل المشكلة و بعدها هرجعك لمنصبك تاني…
فرح: تمام بس مرتبي زي م هو..
قاسم في نفسه: مادية حقي*رة….
قاسم: امممم ماشي ي أنسة فرح تقدري تروحي دلوقتي تنقلي حاجتك لمكتبك القديم…
فرح: تمام..
رجعـت لمكتبي و أنا متضايقة.. بصعوبة قدرت اوصل لمنصب زي دا وهو بكل سهولة عاوزني اسيبه… رجعت المكتب لقيت هالـة و علا و داليا زمايلي في الشغل وهما أكتر من صحاب…
هالـة: اي أترفدتي!!
فرح: لا.. بقيت سكرتيرته..
داليا: طب و أنا هروح فين وبعدين أنتي عبيطة ي فرح؟ ازاي تقبلي بحاجة زي دي أنتي تعبتي أوي لحد م وصلتي للمكتب دا!
علا: لحظة بس هو أنا دلوقتي مبقيتش سكرتيرتك و هيجيلي مدير غيرك…
فرح بغيظ: هو دا اللي فارقلك.. بقولكوا اي ي بنات ساعدوني أنقل حاجتي مكتبي القديم…
هالة بتفكير: في اي ي فرح! اي اللي يخليكي تقبلي بحاجة زي دي؟
فرح: عشان مترفدش… قبلت و خلاص… و يلا بقي كلكوا تروحوا مكاتبكم عشان أنتوا عارفين أنه مبيطقناش وهيتلككلنا…
في مكتـب قاسم.. كان قاعد بيفرك في إيده وتليفونه قدامه بيرن علي رقم صاحبه…
قـاسم: مفيش أخبار جديدة ي زياد!
زياد: مش لاقيهـا.. دورت عنها في كل مكـان و صدقني تلات سنين كفاية تأكدلنا انها ماتت..
قاسم: مماتتش أنا متأكد صدقني.. أنا لازم ألاقيها وإلا هيفضل إحساسي بالذنب ياكل فيا لحد م اموت..
زياد: ماشي ي قاسم هدور تاني و كأني اول مرة بدور و إن شاء الله خير…
قاسم: إن شاء الله..
قفل تليفـونه ورجع يبص في الورق اللي قدامه من تاني و حـاول يركز فيه لـكن عقله كان متشوش وهو بيفكر في الماضي…
فلاش باك..
دخل للشقة اللي أخوه كان شاريها من وراه و أخوه مرمي علي الأرض مش داري باللي حواليه تحت تأثير المخدرات..
قاسم بصدمة: فـارس.. أنت سامعـني؟
فارس بتوهان: قـاسم أنت اي اللي جابك هنا!!
قاسم: اي اللي أنت عامله في نفسك دا!
فارس: أمشي.. أمشي من هنا ي قاسم مش عاوزك تشوفني و أنا كدا…
قاسم: ليه كدا! ليه تعمل في نفسك كدا..
قاسم سمع صوت لحد جاي من اوضة فارس.. دخل جوا و أنصدم من اللي شافه…
بااااك..
قاسم عنيه دمعت ولكن مسح دموعه بسرعة لما سمع خبط علي الباب…
قاسم: أتفضل..
دخلت فرح وهي شايلة شوية ورق في إيديها..
فرح: دي أوراق بتوضح الوضع الحقيقي للشركة لازم حضرتك تقرأه كويس عشان نبدأ نتناقش في الموضوع.. لو حضرتك حابب أن المدراء يعرفوا بالأمر مفيش مشكلة و لكن سالم باشا كان أقترح أن الأمر يقتصر عليا و عليه وبالطبع مدير الأمور المالية..
أنا كان عندي شوية إقتراحات و كذلك مستر ياسر مدير المالية بس الأهم اقتراحات حضرتك بعد م تشوف الورق…
قاسم: تمام ي فرح..
فرح: كده بالنسبة لمشاكل الشركة.. أما الشغل ف مستر سالم كان جايلة دعوة النهاردة الصبح لحضور مؤتمر مهم جدا في شرم الشيخ و دا هيحضره رواد أعمال و رؤساء شركات كبيرة و الأهم مديرين بنوك…
قاسم: ده أمتي؟
فرح: بعد أربع أيام و فاعليات المؤتمر هتستمر اسبوع…
قاسم: تمام.. اي تاني!
فرح: أحنا عندنا داليا كانت سكرتيرة مستر سالم دلوقتي هتروح فين! و كمان مين هيمسك العلاقات العامة..
قاسم: طيب تقترحي اي!
فرح: مستر ياسر كان محتاج سكرتيرة ف ممكن علا اللي هي كانت سكرتيرتي تشتغل معاه و بقترح مستر سامح مدير للعلاقات العامة و داليا تكون سكرتيرته…
قاسم: وليه اللغبطه م علا تفضل في مكانها… وداليا تنقل مع سامح!
فرح: مهو الصراحة.. مستر سامح يعني.. عنيه زايغه حبتين تلاته و علي علا بالذات يعني..
قاسم بضحك: مع أنه يبان راجل وقور..
فرح: المظاهر مش كل حاجة.. ها أقولهم علي التغيرات دي حضرتك موافق ولا لا…
قاسم: باين عليكي ذكية ي فرح..
فرح: شكرا ي مستر..
قاسم: بس ده مش معناه أن لسانك مش طويل و محتاج بتقص منه مترين…
فرح: أنا أسفة أني شكرتك ي مستر… بعد اذنك…
خرجت و أنا متعصبه من الكائن ده حقيقي بجد مبيكملش جملته من غير م يغلط فيا!! روحت للإستقبال و هـالة هي اللي واقفه فيه و البنات معاها…
علا: ها عملتي اي!!
فرح: داليا هتبقي سكرتيرة العلاقات العامة…
داليا: و مين اللي هيمسكها!!
فرح بقلق: مستر سامح..
داليا: حرام عليكي ده أنا في رقبتي عيلين ولما أقوله كلمتين علي بصبصته دي و أنتي عارفه لساني طويل!
فرح: مهو عشان انتي هتقدري ي داليا تتعاملي معاه إنما الغلبانه دي هتعمل اي!
علا: طيب أنا فين!!
فرح:مع مستر ياسر مدير المالية..
علا: شاب محترم الحمد لله.. ربنا يعينك ي داليا..
عند قاسم.. كان مشغول في الورق الكتير اللي فرح حطته قدامه.. لكنه لاحظ محفظة حريمي بالتأكيد أنها ليها… أول م مسكها وفتحها أتصدم لدرجة انه وقف و اتحرك من مكانه و هي بيدقق في الصورة في قلب المحفظة…
قاسم: دي هي!!! معقوله فرح؟؟
يتبع الفصل التالي اضغط هنا
الفهرس يحتوي على جميع فصول الرواية “رواية ابن صاحب الشركة” اضغط على اسم الرواية