رواية ريم ويونس كاملة بقلم حنين محمد عبر مدونة كوكب الروايات
رواية ريم ويونس الفصل الاول 1
_رايحه الفرح ي بنتي
اه ي ماما هقابل مريم ونروح سوا
_اي الشياكه دي
امي حبيبتييي رافعه من معنوياتي
_عريس بقا وانتي جايه
يا امي بقااا…
كنت لابسه فستان لونه اسود وسيبت شعري وحطيت مكياچ هادي وسيمبل كده
__________________
انا ريم عندي ١٨ سنه من اسره متوسطه عايشه مع ماما بس معنديش اخوات صحبتي الأنتيم مريم معايا من ايام الحضانه ف تالته ثانوي
________________
ريم: بقالي ساعتين مستنياكي يا حجه انتي اي كل ده
مريم: مش بعدل شكلي بس اي القمر ده كله
ريم: حبيبي انجزي يلا عشان هنتأخر
وصلنا الفرح …
وبعد ساعات رقص لمحت حد مركز معايا واقف علي جنب شاب كده ملامحه هاديه وعامل استشوار ولابس قميص ابيض وسديري اسود وبنطلون اسود بس تجاهلت الموضوع لغايه ما اللي مراقبني جه وكلمني
طلع الويتر اللي بيشتغل ف الافراح بس مكنش باين عليه والله جه وقالي ……
_شربتي من الحاجه الساقعه
اهه شربت شكراً
_اكلتي طيب
مش عايزه
_لا مفيش الكلام ده هروح اجبلك طبق
مش عايزه
استني بس هجبلك طبق …
بعد شويه….
رجع ومعاه طبق فيه جاتوه كتير
_ اتفضلي
اي كل ده مش عايزه والله شكرا
_لا والله خديه
مريم : اي ي بنتي اختفيتي لي ومين ده
ريم:كنت بكلم ماما رنت عليا وده معرفش بس كان جايب جاتوه حسيت اني احرجته….
مريم: اه والله انا مأخدتش شكرا والله
الويتر : اه اتفضلي استأذن انا
بصاته كانت غريبه اوي ومريم الطفسه اخدت الطبق كله …
رجعنا تاني نرقص وف اخر الفرح كنا مروحين
مريم :استني هدخل الحمام بسرعه
ريم : ي شيخه ما انتي طفحتي طفح
مريم :مطفحش يعنيي
ريم :مفجوعه والله
وقفت استنه مريم اتأخرت اوي لقيت بنت جت حاسه. اني شوفتها سألتني اسمك اي ؟؟
ريم انا حاسه اني شوفتك قبل كده !!
_عاشت الاسامي اه انا شغاله جوه مع الدي چيي بنظم الاغاني وجيتي قولتيلي اشغلك اغنيه
اه افتكرتك اسمك اي يا قمر
_اسيل عندك كام سنه يا ريم
عندي ١٨
_حلو اوي
هو اي اللي حلو
_لا مفيش حاجه مرتبطه يا ريم
لا وعمري ما عملتها
_طب بصي في واحد معجب بيكي ما تجربي
وده مين ان شاءالله
_ما انتي اتعرفي عليه وشوفي
لا شكرا
_مش هتخسري حاجه والله هاتي رقمك
مريم: خلصت يلا نمشي
ريم : معلش مش هعرف اديهولك اتشرفت بيكي سلام
شديت مريم ومشيت
مريم: مين دي وعايزه اي منك يا هانم بتخونيني ده انا ملحقتش اسيبك خمس دقايق علي بعض
ريم : يا كدابه خمس دقايق اي انتي موتي جوه اصلا دي واحده بتقولي واحد معجب وبتاع
مريم : اوبب اوعاااا مين
ريم:معرفش موافقتش اصلا
مريم: يا بومه لي كده هنعنس انا وانتي والله بس اكيد الحلاوه دي جذبته يا بت
ريم : اتنيلي مكنش فستان وشويه مكياچ اومال لو قابلني بطبيعتي
مريم: والله قمر…..
مريم وصلت بيتها وانا كان فاضل شارع و اوصل مريم قريبه مني ف كل حاجه حرفياً ….
روحت البيت غيرت هدومي وعملت نسكافيه وقعدت اذاكر شويه لقيت مسدچ من مريم روحتي ؟
اه روحت بذاكر
_ مجتهده يا بت
اومااال تيجي نتمشي بكره شويه علي البحر ؟
_مش هعرف يا ريم
ليي يا بومه !
_امي مش هتوافق
اقنعها انا
_ لو قولتي ليها والله هترن علي امك ويتفقوا علينا ويبقي مفيهاش خروج ولا ليا ولا ليكي
عالم ظالمه
اه والله جدا
_روحي انتي ورني عليا
عيوني يا ريموو روحي ذاكري
_ هتخمد هذاكر بكره
يا بنتي ارحمينييي
_هذاكر بكره وعد
طيب يختي سلام ..
___________________
قومت الصبح لبست بنطلون وايد ليج اسود وتشيرت اوڤر سايز من فوق ولميت شتري كعكه ونزلت اتمشي شويه وصلت للبحر صديقي الصدوق
قعدت علي الصخور قريبه من البحر وطلعت الهاند فري وشغلت محمد منير بعشقه اغنيه وانتي مين يطولك وجت الحته اللي بحبهااا
(وانا من بعد القاسيه مشتاق نظره حنيه ولا مكتوب عليا اعشق وأدوب عيوني بيبصولك وبعت مراسلك جولك وانتي مين يطولك ده انتي العاليه لفوق…..) كنت بغني معاها ومغمضه عيني مع نسمات هوا خفيفه حسيت ان حد قاعد جنبي بفتح عيني
… انت بتعمل اي هنااااا ؟؟؟؟؟؟؟
- يتبع الفصل التالي اضغط على ( رواية ريم ويونس) اسم الرواية