رواية عشق دون بصر الفصل الحادى عشر 11 – بقلم أرواح تائهة
(البارت الحادي عشر)
فعلا اتجوزنا بس هي مشيت وسابتني عارف اني مكنتش بعاملها كويس وكنت دايما بعايرها انها عمية مع اني انا السبب في عماها وحتي لما كنا صغار لما قررتو تتجوزوا انت وعمي كنت بضربها وانت لما سبتيني علشانها كنت بتهتمي بيا ودايما مشغولة عنها هي عاشت وحيدة وكلنا السبب تعبت في حياتها وقررت تبعد عننا بس انا عايزها وامها عايزاها واختها ليه تسيبنا خليها ترجع.
حنان: رعد انت فعلا تعبتها ودمرتها بكلامك عنها كانت دايما بتتصل بيا وتحكيلي كنت بقولها تستحمل بس انا غلطانة كان لازم تبين وشها الخشن بس انا فعلا مكنتلهاش الأم اللي هي عايزاها ولا انت كنتلها الزوج اللي يعوضها ويحبها ويفرحها ولما تلاقيها تطلقها خليها تشوف حياتها سيبها تعيش انا متأكده انها هتبدأ تبني نفسها وهترجع متخفش بس هتلاقي عشق تانية اتأكد من ده.
﷼……………………………………..﷼
يامن: خالد انا مخنوق وعايز اروح اي مكان.
خالد: حلوة اي مكان دي لأ قول عايز تروح فين.
يامن: تعالي نروح نمشي علي البحر.
خالد: اه كحبيبين يعني اه وكمان نلبس احمر مهو عيد الحب برضه.
يامن: بجد انهارده عيد الحب خلاص مش عايز اطلع.
خالد: مجنون والله طيب تعالي نمشي كصحاب خلاص.
يامن: لأ رايح اكلم حبيبتي ودخل اوضته.
خالد: اه والله ده لحق ينسي التوأم «عشق وعائشة» راح يحب واحدة تانية بس يا رب متكون توأمهم الثالث مهو اللي كان ناقص.
في اوضة يامن، يامن مسك مذكراته وبدأ يكتب لعائشة هو بيكتبلها في كل مناسبة كان بيحتفل بيها مع عائشة كل مناسبة عائشة كانت بتحبها.
يامن بدأ بكتب: عائشة عمري عارفة انت وحشتيني قد ايه قد محيطات العالم بحبك اكتر ما حبيت امي انت مش عارفة اني بعشقها ومتيم بيكي بس سيبتيني برضه ده رابع عيد حب اقضيه من غيرك مسامحك لأني عارف انك فهمتيني غلط وفاكرة اني هربت بس دي كانت مهمة عارف انك زهقتي من كتر ما بقلك الكلام ده كل ما اكلمك بقلهولك بس بتمني تسامحيني وانا مسامحك انت سيبتيني ومشيتي واخر حاجه happy valentine’s day بحبك موت يا أم غمازات.
وجاب مذكرة تانية وبدأ يكتب: النهاردة لينا 1600 يوم متقابلناش بس بحاول اتعايش من غيرك ولسه مفقدتش امل اني الاقيكي انا عارف انك هترجعي بس ياريت ترجعي قبل ما يفوت الأوان انهاردة لسة عارف انه عيد الحب يبقي انهاردة خالد صحبي اللي كنت بحكيلك عليه هو اللي قاللي، كان نفسك تشوفي خالد علشان تموتيه من كتر حكي عليه، تعالي وموتيه وانا ادافع عنك ومتدخليش السجن بس تعالي ونزلت دمعة من عينه علي الورقة. وقفلها ونزل عند خالد
حنان: رعد انت نمت.
رعد: لأ.
حنان: قوم يلا، شوفها ودور عليها أو يمكن تلاقيها رجعت.
رعد: تمام، اديني هشوف بس يا رب الاقيها.
حنان: بس متنساش وعدك هتطلقها.
قبل ما رعد يرد كان خاله اتصل عليه.
رعد رد علي خاله.
: رعد عشق معاك دلوقتي.
رعد: ليه فيه ايه يا خالي.
: لأ بس كنت هقولك انك هتطلقها وده أمر مني.
رعد: خالي انت عارف اني بعتبرك ابوي بس ده طلب صعب.
: ليه يا ولدي انا متأكد انك بتعذبها وانت مش بتحبها اعتقها سيبها البت معملتش حاجة لك.
رعد بنرفزة وعصبية حاول يخفيها: مين قالك الكلام الفاضي ده، سلام يا خالي وفصل.
محمود: ربنا يهديك على نفسك يابني ربنا عالم بحبك قد ايه بس البت ملهاش ذنب.
محمد: مالك يا عمي.
محمود: لسة مكلم رعد ومرضيش يطلق بنت عمه.
وسيدرا تدخل: انت بتقول ايه عشق لسة مكلماني من يوم وقالت انها هتبعد عنه خالص وانهم هيطلقوا.
محمد: سيدرا انت ملكيش في الكلام ده.
سيدرا: انت مالك ياولد عمي انا بكلم ابوي، ومش مهم كنت جاية اقولك اني هسافر بعد يومين.
محمد: ايه يابت انت مالك دي ما تحترمي نفسك.
سيدرا: محترماها المهم انت تحترم نفسك وتحترم اللي حواليك.
محمود: بس انت وهي، انت يا محمد مش كنت مسافر خد سيدرا معاك.
سيدرا: لأ مش هروح معاه.
محمد: اصل يعني انا اللي عايزك تيجي معايا.
محمود:ده أمر مني واسمعوا الكلمة انتوا الاتنين.
محمد: ماشي يا عمي.
سيدرا: اوف حاضر يا بابا.
♡…………………………………….♡
خالد: نزلت تاني ليه.
يامن: انت بتعمل ايه يا عم خالد.
خالد: بلعب بابجي تيجي تلعب معايا.
يامن: لأ انا خارج.
خالد: وانا داخل.
يامن: ظريف، تيجي معايا.
خالد: بس انا خالد.
يامن: خلاص يا عم تصدق بالله.
خالد: لا إله إلا الله.
يامن: محمد رسول الله.
خالد:داخل حرب انت.
يامن: مش انت اللي بدأت.
خالد: مش انت طالع خدني معاك.
يامن: مانا بقول ايه من بدري.
خالد: بس انت رايح فين.
يامن: رايح اجيب هدية لعائشة.
خالد: ربنا يهديك يا يامن انت تعرف طريقها عائشة.
يامن: لأ بس انا كل عيد حب بجبلها واشيلها علشان لما الاقيها اديها كل حاجتها.أفضل الهدايا لأحبائكم
خالد: امم يعني انت مش ناوي تطلع بقي.
يامن: يعني انت مش جاي.
خالد: لأ جاي.
يامن: يارب كمله عقله يارب.
خالد: وعقله كمان يارب.
يامن: روح البس يا خالد.
خالد: ليه شايفني عريان مثلا ولا شايفني عريان.
يامن: الأولي شايفك عريان الأولي، خالد روح غير يابني علشان نطلع.
خالد راح غير ونزل ليامن تاني.
يامن: يخرب بيتك ايه ده.
جميلة: رعد فين عشق يابني.
رعد ببرود عكس البركان الذي يكاد ينفجر بداخله: مش عارف مشيت ومش ناوية ترجع.
جميلة: مشيت ايه اكيد بسببك عملت لبنتي ايه.
رعد بحزن حاول يخفيه لكنه لم يستطع: انا السبب اه بس ندمت خليها ترجع وانا هعاملها بأفضل الطرق هخليها ملكة بس ترجع.
جميلة بدموع: يابني انا عارفة انك مش بتعاملها كويس هي كانت بتشوف بصرها كان رجعلها وكانت هتطلق منك وهنمشي انا وهي وعائشة وعامر بس هي سابتني ومشيت اكيد انت سببتلها جرح كبير خالص لسه مشفيش.
رعد بصدمة: بتشوف يعني مكنتش عمياء من امتي هاه قولي من امتي.
جميلة: مش عارفة يابني هي بس قالتلي انه نظرها رجعلها.
رعد: وهي تعرف المستشفي اللي فيها عائشة.
جميلة: اه كنت قايلالها علي طريق المستشفي.
رعد أخد جميلة وراحوا المستشفي اللي فيها عائشة لأنه رعد كان حاسس انها ممكن تكون راحتلها.
بس ملقهاش سأل بس محدش كان زار عائشة.
جميلة دخلت لعائشة وعائشة جريت وحضنتها.
عائشة: ماما هيه ماما انت جيتي انا كنت بستناكي انت ليه بتطولي وليه سيباني هنا لوحدي.
«عائشة مفيهاش حاجة وعقلها سليم هي تعالجت بس بتحاول تبان مجنونة قدام مامتها »
جميلة: عائشة حبيبتي الجميلة انت ايه حالك.
عائشة: انت مين ابعدي عني إااااااااه الحقوني مين دي ابعدوها عني.
جميلة نزلت دمعتها هي ديما كده مش متقبلة الواقع وبتنسي حتي اسمها بس كل بسببه ربنا يآخد حقك يابنتي منه.
رعد: انت ليه مش مخلياها معاكي.
جميلة: لأني مش بقدر عليها انا زي ما انتي شايف يدوب بقدر اخد بالي من عامر.
رعد: مش انت معتبراني ابنك.
جميلة: واكتر بس ترجعلي عشق.
رعد: مش بإيدي والله لو كان بإيدي مكنتش خليتها تبعد.
جميلة: هي هترجع مهما طولت بس ملهاش غيرنا هتحس بغلطها وهترجع.
…………………………………..
عشق ماشية في الشارع ومش عارفة هتروح فين.
عشق: دلوقتي انا مجموعي في تالتة ثانوي يدخلني كلية ايه طيب انا اصلاً هروح فين ولا هعمل ايه يا رب ساعدني.
وفجأة شابين راكبين موتوسيكل بيضايقوها.
: القمر نزل علي الأرض يعني.
: بس ياد البنت تتكسف.
عشق: لأ ياروح امك مش بتكسف.
: القطة طلعلها ضوافر وبقت تخربش.
عشق: ومين قالك انه مكنش طالعلها من زمان.
: بس يا عم تعالي ناخدها انا معايا منوم كنت جايبة لمراتي.
عشق: نعم منوم ايه ابعد عني ياعم.
: لحقتي تقصيهم يا قطة.
بس والحمد لله في راجل بيجي ينقذها منهم.
يتبع….
عشق دون بصر
وحشتوني جدا والله ان شاءلله هرجع انشر تاني
وشكرا للناس السكاكر اللي اتفعلو علي البارت الاخير ♥🎀💗
• تابع الفصل التالى ” رواية عشق دون بصر ” اضغط على اسم الرواية