رواية حب بعد عذاب كاملة بقلم بسمة محمد عبر مدونة كوكب الروايات
رواية حب بعد عذاب الفصل السادس 6
عبدالله: يبني دي بنت عمك مش واحده من الشارع شويه عاوزها وشويه لا انا مش هسمحلك تأذيها ي فارس انت سامع
فارس: بس انا متأكد من قراري انا عاوز اكمل باقي حياتي مع مريم ي بابا
سما بفرحه : بتتكلم بجد ي فارس
فارس: ايوه ي سما.. وعاوزك تكلميها ف الموضوع
سما: لا لا انا من رأيي تخليها مفجأه وننزل انهارده عند عمو إبراهيم ونكلمهم ف الموضوع.. انا متأكده انها هطير من الفرحه
حنان: متأكده لي بقا ان شاءلله
سما: لا سوري دي اسرار مقدرش اقولها
حنان وهي بترفع الشبشب: اسرار ي جذمه.. خدي ي بت تعالي هنا
سما بجري: لا
حنان: ماشي ي سما
فارس: هاا ي بابا بقا قولت اي
عبدالله: والله يبني طالما انت جد واد كلامك ف انا معاك
فارس: حبيبي ي حج والله.. ننزلهم بليل بقا زي م البت سما قالت
حنان: يبني مستعجل علي اي
فارس: خير البر عاجله بقا.. احنا ننزل بعد الغدا
عبدالله: خلاص علي بركه الله
………..(عند مريم) كانت قاعده ف الكافيتريا بتاعت الكليه
هنا وهي بتقعد: انتي قاعده هنا وانا عماله ادور عليكي
مريم بخنقه: ونبي سبيني ف حالي انا مش نقصاكي كفايه عليا الحمار ده
هنا وهي بتبص وراها بخوف: اكيد مش قصدك دكتور زي صح
مريم: لا ياختي هو فيه غيرو انا مش فاهمه هما جابوه منين اصلا
هنا: بس متقوليش كده..
مريم: ده انا لو عليا اقول اكتر من كده انا الحلوف ده يتكلم معايا الطريقه دي انا مدايقه اوووي ي هنا
هنا: وهتدايقي اكتر لما تعرفي الواكسه اللي هببتيها ياختي
مريم: وانا عملت اي ان شاءلله
هنا: ل….
دكتور زين وهو واقف ورا مريم: كل خير ان شاءلله
مريم بخضه: لا متقوليش هو ده
هنا بضحكه صفرا: تخيلي.. طب ي مريم بقا انا هروح اجيب فطار.. سلام
مريم ف سرها: ربنا يستر شكلو هيعمل مني بطاطس محمره
زين: بقا انا بقا حمار
مريم: لا ي دكتور مين الحمار اللي قال كده
زين برفعه حاجب: والله!
مريم: اه والله طب ده انا حتي كنت لسه بشكر فيك للبت هنا
زين: لا منا عارف
مريم: طب الحمدلله استأذن انا بقا لاحسن البت هنا بتنادي عليا… وقادت بسرعه
زين: ماااشي يمريم انا وانتي والزمن طويل
………..
عند هنا لاقت حد بيمسكها من قفاها وهي بتجيب الفطار هنا بخضه: اي ده هو انتي
مريم: اه ياختي انا بقا تسيبيني مع الدكتور وتمشي ي كلب البحر
هنا ببراءه: لا ده انا كنت بجيب فطار
مريم: وحيات امك
هنا: وحيات امك انتي انا مال امي الله
مريم: بقا كده طيب ي هنا
هنا: اي ده انتي زعلتي ي بيضه
مريم بقرف: امشي يبت من هنا
هنا: امشي انتي ياختي انا لو مفطرطش دلوقتي ممكن اكلك
مريم: مفجوعه.وياريتو بيبان عليكي
هنا: ايش فهمك انتي ف العود الفرنساوي
مريم: مش عاوزه افهم ياختي
هنا: طب يلا بقا نقعد. نفطر
مريم: يلا ي زفته.. وبعدين نبقا نخرج شويه اشطا
هنا: اشطاااات ي مزه
…………(في شقه ابراهيم)
مروان: مامااا. ي ست الكل ي نااس انا جيت
فاطمه: ف اي يواد انت
مروان: جعاان.. وعاوزك ف موضوع خطيييير
فاطمه: قول بسرعه مش فاضيه
مروان: لا اكل الاول مبعرفش اتكلم علي معده فاضيه
فاطمه: استني بقا الاكل علي النار
مروان:امال بابا فين
فاطمه: نايم روح صحيه يلا عشان الاكل قرب يخلص
مروان: حااضر مهو مفيش غيري ف البيت ده
………(ف المساء)
جرس شقه ابراهيم رن وكان عبدالله وعيلتو
ابراهيم: اهلا اهلا اتفضلو
عبدالله: عامل اي يحبيبي
إبراهيم: الحمدلله ف نعمه اذيك انت عاملين اي يولاد
عبدالله: الحمدلله بخير
سما وفارس: الحمدلله كويسين يعمو
فاطمه: اقوم اعملكو شاي بقا وبعدين اجيب الحلو
حنان: استني خديني معاكي
فارس: احممم.. بابا مش كنت عاوز تكلم عمي إبراهيم ف موضوع مهم
عبدالله بضحك: يواد استني اما نقعد شويه
إبراهيم: خير ي عبدالله قول
عبدالله: احنا كنا جايين انهارده عشان عاوزين ناخد مريم بنتك ل فارس ابني
إبراهيم: طبعا ي حج ده يشرفني ومش هلاقي احسن من فارس.. بس بردو لازم اخد رأي مريم
عبدالله: اكيد طبعا.. وان شاءلله ربنا يعمل اللي فيه الخير
سما: امال فين مريم ي عمو
عبدالله: كان عندها جامعه وخرجت مع صحبتها وزمنها جايه
إبراهيم: تيجي بالسلامه انشاء الله
عبدالله: ان شاءلله
فاطمه: اتفضلو الشاي
حنان: وادي الكيك كمان بالف هنا
الجميع: الله يهنيكي
(بعد شويه مريم دخلت)
مريم: السلام عليكم
الجميع: وعليكم السلام ورحمة الله وبركاته
إبراهيم: تعالي يحبيبتي عاوزينك ف موضوع
مريم وهي بتخطف نظره ل فارس: خير ي بابا
إبراهيم: عمك عبدالله جاي يطلب ايدك ل فارس اي رأيك
مريم وهي بتبص ل فارس قالت:………….
يتبع……
- يتبع الفصل التالي اضغط على ( رواية حب بعد عذاب ) اسم الرواية