رواية البيت المهجور الفصل الحادي عشر والاخير 11 – بقلم اسماعيل موسى

كنت متأكد من وقع صوت الخطوات انها لا يمكن تكون فريده

الوزن والنغمه كانت أعلى ،ولما لمحت رجليها

قلت اهلآ فريده تأخرتى ليه ؟ كنت بحاول اعرف الشخص إلى اقتحم المكان مين المجرم الحقيقى

لكن إلى ظهر قدامى كانت فريده ،بنفس اللبس والوشاح والحركات.

همست فى سرى مستحيل تكون فريده ،اراهن بحياتى ان صوت الخطوات مختلف.

اهلا سيدى يوسف، كيف حالك؟

قلت بخير الحمد لله، ها؟ جايه ليه ؟ عشان تخلصى عليه ولا تحررينى ؟

إبتسمت فريده هكذا تخيلتها لما صمتت ،دايما مستعجل يا يوسف ،رغم ان إلى عايز يعرف الحقيقه لازم ينتظر للآخر

انت عارف نهايتك ايه !! ،ليه مستعجل،؟ سيبنى استمتع يا اخى، الحياه بقت مقرفه والواحد ما بيصدق يلاقى حاجه تكسر الملل وتثير فضوله ويستمتع بيها

قلت فين المتعه فى اختطاف وقتل الناس ؟ دا حرام شرعا وكمان ضد العداله

متكلمنيش عن العداله سيدى يوسف ،اكيد انا بعمل كده ونا عارف انى مش بصنع طيارات ورقيه

لكن طالما انت عايز الحكايه تخلص ننهيها ،عارف مشكلتى ايه يا يوسف، مشكلتى انى مش بحب اكرر نفسى ودا بيحطنى فى معضلة خطيره ،إزاى اقدر اخلق أفكار جديده فى عالم بيحكمه الذكاء الصناعى ؟

امس وانا قاعد بفكر مع نفسى قلت المفروض العالم يتخلى عن القضاء البشرى، ويخلى الذكاء الصناعى هو القاضى

آله محفوظ فيها كل علوم الأرض هتعرف تحاور المجرم بسهوله ومن اول جمله هتقدر تعرف اذا كان صادق او او مدان آله عملاقه تقدر تدخل على كل كاميرات البلد وملفات الشرطه والادله الجنائيه ونخلص بقا من وجع الدماغ وظلم القضاء بفكر ابعت الفكره لصناع مسلسل بلاك ميرور.

قلت انا مليش فى كل الكلام ده ،انا عايز اخرج من هنا، عايز اتحرر مش عايز اموت

مش هتموت ،هسمت فريده بصوت واثق ،

قلت دا وعد يعنى انتى مش هتقتلينى!؟

همست فريده وعد، انت لسه حى ودا أكبر دليل على وعدى

وهتفضل حى ،لكن احيان الحياه بتكون اسوء من الموت

وخليك فاكر انت إلى اخترت !؟

فاكر، فاكر لكن حررينى من فضلك مش عايز افضل متكتف

همست فريده مره تانيه هحررك متقلقش ،قلت حاسس انك بتكدبى عليه

قالت كلمتى وعد يا سيدى يوسف، مش هقتلك ومش هسيبك متكتف، هحررك قبل رحيلى

ممكن اكون مجرم لكنى مجرم بيحترم كلمتة ،اصل اللعبه ليها قواعد وانا بحب التزم بالقواعد.

رايحه فين ؟ سألت فريده وهى طالعه السلم مختفيه بعيد عنى

قالت متستعجلش بقا خلينا ننهى الحكايه

وانا قاعد كنت بفكر فى نفسى فريده دى غريبه جدا

جابت كل القسوه دى من فين؟

وليه بتعمل كده ؟

يا ترى هتحررنى ولا كله كلام كذب؟

لكن إلى شفته بعد كده خلانى انشل عن الكلام ،لسانى اتجبس بجبس دخلت فى صدمه عصبيه شلت كل حواسى

وخلتنى ذى المغيب

شفت الشخص إلى كنت معتقد انه فريده ،شايل فريده فوق كتفه ونازل سلم القبو ،كانت مغيبه او ميته مش عارف ولا قادر افكر او اتكلم.

بهدوء مشى الشخص الملثم ناحية آلة الانبيق فتحها وحط فريده فيها وضغط على مجموعة ازرار مختلفه ،سمعت تكه والاله بدأت تشتغل ،الشخص دا كان شغال بهدوء يحسد عليه

كأنه بيعمل حاجه متعود عليها

بعدها قعد على درج السلم وطلع نوته ،دفتر صغير من جيبه

فتح الدفتر وكأنى مش موجود بداء يتكلم ،صناع العطور فى العالم اخترعو معظم النكهات المختلفه والمتنوعه ،كل حاجه ليها رائحه فيه عطر مقابل ليها، لكن انا كان عندى حاجه مختلفه، عطر محدش لسه فكر يصنعه، إى بنت فى ليلة فرحها جسمها بينتج افرازات معينه ،افرازات مش بتظهر غير فى الليله دى بالذات، بتحصل مره فى العمر وكان لازم

تخلد، ألعطر ده ،الرائحه دى لسه مفيش إى شخص قدر يخترعها او يفكر فيها، لكن انا بدأت وبعد شويه هتكون عندى قنينة عطر فريده بتحوى رائحه اول مره تتشم

بدأت آلة الانبيق تقطر ألعطر وانا لسه مشلول من الصدمه

الشخص الملثم قرب من آلة الانبيق وقال تقريبا كده كل حاجه خلصت، حط ألعطر على انفة وأطلق صرخة نصر

رائع مجنون غريب انت دخلت التاريخ يا يوسفى لانك تانى شخص تشم الريحه دى ،حط ألعطر على انفى وشميت ريحه عجيبه

تعرف يا يوسفى ان فيه رجال أعمال مستعدين يدفعو ملايين

قصاد قنينة ألعطر دى ؟

بص فى ساعته فجأه وقال كان نفسى اتكلم معاك اكتر

لكن ذى ما قلت الحكايه لازم تخلص

احضر الشخص الملثم مشمع شبيه بالجوال مش عارف مصنوع من ايه، اخرج جسد فريده وحطه فيه وسحب جركن مليان مادة غريبه بداء يدهن جسم فريده بيها ،

فريده ماتت ؟ كده قدام عنيه كل دا وانا بحاول اصرخ

بس كنت ذى المتفرج إلى بيشاهد فيلم من خلف الشاشه

لف الشخص الملثم جسد فريده جوه المشمع وقرب من آخر الحيطه وضغط عليها الحيطه انشقت نصين بالتوازى

رفع جسد فريده وحطه جنب الجثث التانيه

بعدها وقف قدامى شد ايدى وطلع حقنه غرسها فى عروقى من غير مقاومه استسلمت افرغ الحقنه داخل وريدى ودماغى تقلت.

شفته بيرش ماده على الجدار وعلى الارضيه وبيمسح بصماته عن كل حاجه.

دماغى بقيت تقيله اوى ،لقيته بيفك قيدى الغريبه آنى مقدرتش اهرب ولا اصرخ ولا اعمل ايه حاجه

سحبنى قدام الجثث المرصوصه جنب بعضها

مشى ايدى عليها كلها، بصماتى انطبعت على كل حاجه

بعدها ضغط الجدار انغلق على الجسس وسحبنى قعدنى على المقعد مره تانيه

اختفى اكتر من دقيقه ورجع شايل جثه تانيه ، انشدهت عنيه لكن من غير اى ردة فعل

كان محمود النجعاوى ضابط المباحث مش قادر يتحرك ذي لمن الروح لسه فيه

رماه على الأرض قدامى وطلع الطبنجه من جنبه حطها فى ايدى ،سحبنى وراه وضغط الزناد بايدى الطلقه طلعت

وساب المسدس فى ايدى ،بعدها تنهد بارتياح

وهمس كان نفسى القصه تطول اكتر سيدى يوسف لكن انا شخص بشعر بالممل بسرعه ولما بشوف حد مش مقدر عملى

بنزعج واغضب ،انا حررتك ذى ما وعدتك سيدى يوسف

قلتلك انا بحترم وعودى، كنت عادى اموت لكن اعرف هويته

بس مكنتش قادر اتكلم او اتحرك او اعمل اى ردة فعل

قعدت على المقعد والمسدس فى ايدى مغيب تايه

ومحمود النجعاوى بيلفظ انفاسه الاخيره قدامى

معرفش مر قد ايه من الوقت، لكن سمعت صوت كلاب بوليسيه بتنبح وعساكر الشرطه بتدخل وقدامهم محروس

بيركض وجسمه كل عرق

محروس حاول يقرب منى لكن قوة المباحث وو معاون المباحث صرخ فيه ابعد عنه يا غفير

محروس همس والله استاذ يوسف بريء يا بيه

لكن محروس لما سمع صرخة معاون المباحث مره تانيه

سكت ومتكلمش تانى.

كنت مستسلم وهما بياخدو الطبنجه منى وهما بيرفعو البصمات ،والكلاب بتنبح على الجدار إلى فتحته العساكر بالقوه والجثث وقعت على آلارض.

استعدت وعييى بعد خمس ساعات او اكتر

لأول مره قدرت اصرخ انا بريء، قدرت اصرخ انا شفت ايه

لكن مفيش حد كان مستعد يسمعنى، كل صرخه اصرخها كانت بتتقابل بضرب مبرح

كل الادله ضدى، بصماتى على السلاح وعلى الجثث

كانت تاني قضيه والقضاء مش هيرحمنى

مفيش محامى هيقدر يخرجنى منها

حكيت قصتى كلها واتسجلت فى دفاتر الشرطه وقدام المحكمه، اترميت فى السجن، قاتل مدان مكروه منبوذ

محروس بس إلى كان بيزورنى رغم ان ده ممكن يأذيه فى شغله.

لما وقفت قدام القاضى النيابه وجهتلى اكتر من جريمه قتل

حكايتى اعتبرت محاوله خسيسه للتشويش على القضاء

اعتبارى مريض نفسى.

يوم تنفيذ الحكم إلى طلع بسهوله باعدامى وصدق عليه المفتى كانت أول مره اغير فيها ملابسى اول مره افكر ان لابس او قالع اصلا وانا بغير هدومى وقعت منى ورقه بيضه كانت متكرمشه فى جيبى اول مره احس بيها او اشوفها

خدت الورقه من العسكرى بالقوة وفتحتها

كانت ورقه بيضه مكتوب فيها حرف واحد

حرف ال (م)