رواية الياسمين – الفصل الأول
طلعت من الحمام وهي ماسكه تست الحمل وهو فجأة قام وشده منها وهي جريت علي الحمام تاني وقفلت علي نفسها
بص ياسين علي الباب وقام خبط جامد وقال بز*عيق:افتحي يا ياسمينا لاني هك*سر الباب لو مفتحتيش
ياسمينا بز*عيق:انت بتعمل معايا كده لي متط*لقني بقي
ياسمينا صر*خت بخو*ف اول ما ك*سر الباب وقرب منها ومسك شعرها وقال بز*عيق:مخدتيش الحبو*ب لي
هي بز*عيق وهي بتزق ايده:ابعد ايدك عني والمره دي مش زي كل مره مش هتل*مسني ولا هتس*قطني وولا هتعمل اللي بتعمله فيا وهخليك تطلقني و
ياسين بتكمله:وعبدالرحمن خلاص زمانه نسيكي اتجوز وعايش اما انتي ف بتفكري علي الفاضي
خرج وسابها وقفل عليها الباب زي كل يوم وهي حطت ايدها علي بطنها وقالت بدموع:ده ذ*نب اللي عملته فيك يا عبدالرحمن يارب بقي انا تعبت انا لازم اطلع من هنا أو اوصل لحد
بعد ربع ساعة
ياسمينا كانت قاعده ف الاوضه والخدامه دخلت ومعاها صينية فيها اكل وعصير زي كل يوم حطتلها الأكل وخرجت
ياسمينا قربت وبدأت تاكل وتشرب العصير بس استغربت الطعم ورجعت قالت:طبيعي هحس بكل حاجة متغيره
بعد ٨ دقايق
ياسين دخل وقفل الباب وبص لصينية الأكل وخصوصا كوباية العصير الفاضية وابتسم وبص لياسمينا اللي جسمها بيترعش وحاسه بسخونية ووجع
قرب منها
ياسمينا جات تقوم تقف بس رجليها خا**نتها ووقعت على الأرض
ياسين ضحك ضحكة خفيفة وقال: مش قادرة تقفي على رجلك
ياسين ضحك ضحكة خفيفة وقالها مش قادرة تقفي على رجلك معلش أصل المرة دي مش زي كل مرة يا ياسمينا والوجع ده لسه أوله
ياسمينا استوعبت كلامه وحست بنار بتزيد في بطنها فصرخت بو*جع وهي بت*تلوي على الأرض إنت حطيتلي إيه في العصير يا ياسين إنت عملت فيا إيه وبدأت تصوت من والو٠٠٠٠جع
ياسين طلع شريط الدواء الفاضي من جيبه ورماه ببرود جنب إيدها اللي بتترعش وهي أول ما شافت الشريط صر**خت وبدأت تعيط وقالتله بق*هره ليه يا ياسين حر**ام عليك
ياسين وطى لمستواها وقال: أنا قولتلك مش عايز عيال والشريط الفاضي ده هو اللي هينهي الموضوع خالص استحملي الو*جع شوية عشان تفتكري إن كلمتي هي اللي بتمشي
ياسمينا بدأت تتلوى وتخبط بايدها في الأرض جامد من كتر الو*جع اللي مبيفصلش وحست بدوخة شديدة والدنيا بدأت تسودّ في عينيها والد*م بيزيد تحتها وهي بتتر*جاه بضعف وصوت مش طالع:ساعدني يا ياسين حر**ام عليك
ياسين فضل واقف يتفرج عليها وفجأة قال:قدامك لسه شوية
ياسين سابها وخرج من الأوضة بكل بر*ود وقفل الباب وراه بالمفتاح وسمعت صوت القفل وهو بيلف وهي بتشهق بو*جع لوحدها في الضلمة وماسكة بطنها بإيد بتبكي وإيد مليانه د*م وهي بتغمض عينيها وهي بتهمس:عبدالرحمن
فلاش باك من سنة
عبدالرحمن:بصي يا ياسمينا
ياسمين وهي بتسيب الفشار وجاية تقوم:قول كده بقي انت مش جايبني انت واختك تقعدني في هدوء تاكلني فشار وتشربني شاي انت جايبني عشان تتكلم في كده
قربت راسها ناحيته وقالت:بص يا عوبد انت اخو صحبتي الانتيم رقم واحد
انت اخويا يا عم مينفعش لان لو دخلنا في جو خطوبة والكلام ده وفشلنا علاقتي بيك هتبوظ وكمان بمريم
بعدت عنه وقالت:وانا لا يمكن ابوظ علاقتي بمريم عشان استغفر الله نتخطب والجو ده احنا اخوات صلي علي النبي يا عوبد وقوم شوف وراك ايه وابعتلي أختك اللي باعتني وجابتني عشان تكلمني
عبدالرحمن بهدوء:ملهاش علاقة لو محصلش هفضل انا زي ما انا بالنسبة ليكي يا ستي وأختي ملهاش دعوة بموضوعنا
ياسمينا وهي بتأكل فشار:انا مش عارفه انت حاببني لي يا عبدو انا شخصية لا تطاق بالمرة يا بابا
يعني ساعات وأنا قاعدة مع نفسي بضايق نفسي وبخانق في خلق الله إنت بقى جاي بكل عقلك تقول بتحبني ونتخطب والجو ده قوم يا عبدو قوم وانفد بجلدك يلا
عبدالرحمن وهو بيحاول يمتص الكلام بابتسامة هادية:
أنا واخدك زي ما انتي وبحبك كده
ياسمينا سكتت لحظة وبعدين غيرت نبرتها وبقت جدية وواضحة:
بص يا عبد الرحمن أنا مش هلف ولا هدور عليك
أنا مش بحبك
وانت مش الشخص اللي كنت شايفاه في خيالي ولا اللي رسمته في بالي طول عمري
أنا كنت شايفة شكل تاني حد تاني وأنت مش هو
عبدالرحمن ملامحه اتسدت وصوته بقى واطي شوية:
يعني كل اللي بينا ده مالوش أي معنى عندك؟
ياسمينا بهدوء وقسوة محسوبة:
لأ ليه معنى كأخ وصاحب وأمان بس مش كحبيب
وأنا مش مستعدة أجرب وأظلمك معايا
عبدالرحمن وهو بيحاول يخبي كسرة صوته:
تمام فهمت.
ياسمينا وهي بتحاول تخفف بس لسه حاسمة:
أنا بقولك دلوقتي عشان تقفل علي الموضوع ده وده الأحسن ليك وبعدين أنت تستاهل واحدة تشوفك زي ما انت بتحلم وأنا مش هي دي
عبد الرحمن قام من مكانه بهدوء وخرج ومريم دخلت وياسمينا قالت:اكيد مش هتقوليلي كلمتين
مريم:مش هقول انا هسكت انا بس زعلانه علي أخويا
بعد يومين
تحت البيت
ياسمينا بضيق وهي بتضرب الكوتش:مهو وقتك دلوقتي اروح الجامعة ازاي انا
هو من وراها:هوصلك انا
لفت ولقيت عبدالرحمن وراها فقالت:مختفي بقالك يومين بتعمل اي يا مصيبة عمري بتهبب اي من ورايا
عبدالرحمن ابتسم وقال:ياريتني يا ستي كنت مصيبة عمرك
ياسمينا بحزم:عبدو
عبدالرحمن:بحاول اكون بعيد عنك
ياسمينا:شوفت خدت موقف مني وده اللي قولت عليه قولتلك مش هينفع عشان هنخسر بعض واهو
عبدالرحمن:سبق وقولتلك لو احتاجتيني هتلاقيني وانا جنبك يلا اوصلك علشان متتأخريش
في الجامعة
كانت قاعده في الكافتيريا بتاكل لحد ما واحد قعد قدمها وقال:ياسين
رفعت حاجبها وقالت:واعملك اي افرشلك الأرض ورد
ابتسم علي كلامها وقال:لا هنشتغل علي البروجكت سوا مش ياسمينا محمد بردوا
ملامح الشده اللي ف وشها لانت وقالت:هو أنت بقي ياسين اللي شايل مادة دكتور علاء ثلاث سنين ورا بعض
ضحك وقال وهو بيهز رأسه:شكلك لسانك طويل وهنروح ف داهية
ابتسمت علي كلامه وقالت:طب يلا نشتغل
الساعة ٧
كانت نازله من عربيته وقالت:اقابلك بكره
هو من وراها بزعيق:كنتي فين كل ده ومين ده اللي نازله من عربيته ده وايه يركبك معاه
ياسمينا بضيق من نبرته وكلامه:وانت مالك يا عبدالرحمن ده مين وازاي تعلي صوتك عليا كده آخر مره يا عبدالرحمن انت مش ولي أمري اه اتربينا مع بعض من واحنا صغيرين وزي أخويا بس إياك تكلمني تاني بالاسلوب ده انت ملكش حق عليا انت فاهم
طلعت وسابته واقف مكانه وياسين مشي
فوق
ياسمينا اول ما دخلت زينب جريت عليها وقالت بقلق:كنتي فين انتي كويسة
ياسمينا بهدوء:اه يا ماما كنت مع زميل ليا ف الكلية شاغلين علي مشروع والوقت خدنا
زينب بقلق:عارفة برن عليكي من امتي من الساعة ٥ ولما تعبت خبطت علي مريم وعبدالرحمن لما سمع نزل يدور عليكي من ساعتها كان خايف اما ارن عليه اطمنه عشان يرجع
ياسمينا ……….
الفصل التالي اضغط هنا
يتبع.. (رواية الياسمين) اضغط على اسم الرواية لتجد الفهرس كاملاً بجميع الفصول.