رواية ما بين حضنين – الفصل الرابع
حور طلعت م الاوضه: هو ايه دا يبابا
خالد اتصدم واتوتر وقال: انتِ جبتي الصورة دي منين
حور: جوا ف حاجتك
خالد زعق: انتِ لي بتقلبي ف حاجتي اصلا؟!
حور بلامبالاه : بابا مين دييي
خالد اتنفس بهدوء وقعد: حور حببتي اقعدي نتكلم بالعقل
حور: قعدت و الصورة ف ايدها: بابا هي دي ليها علاقه بانك تسيب ماما!
خالد: بصي ي حور انا دلوقت هكلمك كإنك وحدة كبيرة وعارف انك هتفهميني الصورة دي من زمان و..
حور قاطعته: واما هي من زمان قاعدة معاك بتعمل ايه!
خالد: انا كنت ناسيها ومعرفش انها قاعدة اصلا
حور: هي مين دي اصلااا
خالد: دي وحدة كنت اعرفها زمان اسمها( نهى) وكنا هنتجوز بس اهلي واهل ماماك كانوا عاوزين يجوزونا مانتى عارفه جدودك كانوا صحاب وانا ومامتك مكناش موافقين بس اتجوزنا عشانهم ومن ساعتها وانا بحوال اتأقلم مع مامتك بس مكانش في تفاهم بيننا ابدًا و ولا انا حبيتها ولا هي حبتني والحاجة الي ربطتني بيها كل دا هي انتِ ومكناش عاوزينك تكبري من غيرنا احنا الاتنين وانتِ دلوقت كبرتي وبقيتي فاهمه.
حور: انا كنت عارفه انكم مش بتحبوا بعض بس هل انفصالكم دلوقت الصوره دى ليها علاقه بيه
خالد: لا يحببتي انا عمرى مفكرت ف واحده تانيه وانا مع مامتك احتراما وتقديرا ليها والصوره دى قصه قديمه زى مقولتلك.
سكت وافتكر لما كان بيحاول يعترض باباه عمل ايه
فلاش باك
خالد: يعني اي يا بابا تجوزني وحدة عشان ابوها صاحبك انا ماالي وبعدين انا مش بحبها
محمود(والد خالد): يابني عادي م ياما ناس اتجوزوا وحبوا بعض بعد الجواز والعِشرة
خالد بزعيق: لا يبابا انا مش موافق ومش هيحصل
محمود اتعصب ووقف: خالد اتكلم عدل وخد بالك انت بتكلم مين .. انا قولت الي عندي و كلمت اسامة خلاص (اسامة والد مروة) وهنروحلهم بكرا…
خالد كان لسه هيتكلم بس سكتته جمله محمود الاخيرة
“ولو معملتش كدا كدا يا خالد انت لا ابني ولا اعرفك”
خالد سكت وقام باس ايد ابوه وقال: تمام الي تشوفه بس اعرف اني مش مبسوط ولا هبقى مبسوط
باك
حور بصت لباباها وقالت: طب هي فين دلوقت
خالد: من ساعة م اتجوزت مامتك وانا معرفش عنها حاجة لاننا سكنا ف منطقه تانية بعيدة عن المنطقه الي كانت ساكنه فيها
اللهم صلّ على محمد. ♡
ـــــــــــــــــــــــــــــــــــــــــــــــــــــــــــــــــــــــــــــــــــــــ
حور قامت دخلت اوضتها الي ف بيت باباها وبعد شويه خالد دخلها
خالد: حور
حور: نعم ي بابا
خالد: م تيجي ننزل نتمشى شويه
حور ابتسمتله: ماشي يلا
ونزلوا اتمشوا واتبسطوا مع بعض وخالد اتبسط لما لقي حو متدايقتش من موضوع نهى ، وبعدها روَّح حور عند مامتها
في البيت عند مروة
مروة: اي ي رورو عملتي ايه مع بابا
حور: عادي اكلنا وقعدنا مع بعض شويه ونزلنا نتمشى وبعدين روحنا
مروة: ماشي يحببتي يلا بقى تصبحي على خير غيري هدومك و نامي عشان المدرسه بكرا
حور: حاضر…. تصبحي على خير
حور دخلت اوضتها وقبل م تنام فكرت شويه ف الموضوع وبعدها نامت
سبحان الله♡
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد سنة عدت وجه عيد ميلاد حور الـ15 ، عملت حفله حلوة اويي ف النادي و صحابها كلهم كانوا موجودين و مامتها وباباها وندى وجدتها و احتفلوا بيها وكانت مبسووطة باللمه دي جدًا.
مروة: يلا ي رورو عشان نقطع التورته
حور: حاضر ي ماما…. يلا ي بابا
قطعوا التورته و عطوها الهدايا
خالد لحور: خدي ي رورو هديتك
حور اخدتها وفتحتها وقالت: الله يبابا دي حلوة اويي
كان جايبلها سلسله دهب مكتوب عليها حور وكانت جمييله جدًا.
حور: لبسهالي بقى
لبسهالها وحضنته وبعدين بدإت تفتح الهدايا الباقيه
وبعد م اليوم كله خلص وكان جميييل اوي ومرهق اوي.
في البيت عند حور ومروة
حور دخلت تنام بعدين مروة دخلتلها
مروة: صاحيه؟
حور: اه بس رايحه انام
مروة: طب عاوزة اكلمك ف موضوع مهم
حور: طب بكرا ي ماما عشان تعبانه اوي ومحتاجه انام
مروة : معلش ي حببتي الموضوع مهم
حور اتعدل ع السرير: طب ها اي الموضوع بقى
مروة فركت ايديها فبعض: هو انا لو قولتلك اني هتجوز هتعملي ايه
حور بصلتها شويه وبعدين ضحكت: ايه يا ماما جايلك عريس ولا ايه
مروة: بت
ضحكي على ايه يبت…… بصراحه اه
حور نتطت: اييييه داااا بجدد… مين هو؟… وبيشتغل اي؟..وعنده كام سنة؟
مروة ضحكت عليها: واحد معايا ف الشغل اسمه مصطفى كان متجوز ومراته متوفيه وعنده بنوته تقريبا ف سنك كدا
حور: ازغرت بقى
مروة: يبنت بس احنا بالليل….. طب خلاص نكمل كلام ف الموضوع دا بكرا بقى تصبحي على خير
حور:وانتِ من اهله يا مرمووورة
مروة طلعت وطفت النور، وحور قعدت تفكر
هل هحب الشخص دا؟ طب هل هعرف اتعايش مع وجوده؟ طب هل ماما هتسيبني وتنساني؟ هل انا كان المفروض ارفض الموضوع دا؟
طردت كل الافكار دي من بالها ونامت
الحمد لله ♡
ـــــــــــــــــــــــــــــــــــــــــــــــــــــــــــــــــــــــــــــــــــــــــ
تاني يوم حور راحت المدرسه عادي وبعد م رجعت كانت بتكلم باباها
خالد:بصي بقى يا حبيبت بابا الحفله دي لعيد ميلادك مع مامتك وصحابك لسه بقى في مفاجأة عاملهالك
حور فرحت: بجد يا بابا… طب اي هي بقى
خالد: تعالي بالليل نخرج ونروح المكان الي نفسك فيه
حور: امممممم طب انا عاوزة اروح الملاهي
خالد ضحك: اي يا حور انتِ كبيرة ع الكلام دا
حور: بابا انت قولت هتوديني المكان الي نفسي فيه وبعدين انا من زماان اوي مرحتش الملاهي
خالد: طب خلاص ماشي نروح الملاهي عشان خاطر ست لكل
وفعلًا بالليل راحوا الملاهي وحور كانت مبسووطة جدًا مع باباها و ابتسمت ابتسامة صغيره لما افتكرت لما كانت بتيجي هي ومامتها وباباها ويلعبوا مع بعض وكانوا بيبقوا مبسوطين
حور: خلاص ي بابا بليز دي اخر لعبه
خالد: كفايه انا فرهدت
خالد بص ناحيه البوابه وفضل باصص شويه كتار وقال
: اي دا……………….
الفصل التالي اضغط هنا
يتبع.. (رواية ما بين حضنين) اضغط على اسم الرواية لتجد الفهرس كاملاً بجميع الفصول.