رواية زوجتها زوجي الفصل الثاني والاخير 2 – بقلم جيجي
الاخير… سمر فاقت من شرودها وابتسمت ابتسامه مريبه وراحت اوضة الولد وكان نايم فيها لوحده لان فضه بتسيبه نايم فيها اول الليل لوحده وبعدين بتروحله في نص الليل تنام معاه لحد الصبح سمر وقفت قصاد السرير وبصت للولد بشر واخدت المخده من على السرير وحطيتها على الولد وبقت تكتم نفسه بيها…. بس نعسه جات شدتها من ايدها وراحت بيها اوضتهم…. الولد بقى يعيط وفضه راحتلو نعسه ضربت سمر بالقلم وقالت….
انتى اتجنيتي كيف تعملى حاجه زي كده عايزه تموتى عيل لاحول ليه ولا قوه عشان امو فضه… تقتليه ليه ايه ذمبو هو
سمر ببكى… وانا ذمبي ايه ابوى يركنى كده وكاني ما جيتش في الدنيا اصلا هو عشان واد ياخده اوضتنا وفلوسنا وحب ابونا من ساعه ما جيه.. خدت منينا كل حاجه دي كانت حافيه بقت كده بفضلك ودلوك تتنطط عليكى ما صانتش المعروف واطيه عملتى خير مع ناس ما تستاهلش
فضه.. وهى عشان ما تستاهلش عايزه تروحي بدم عيل حرام عليكى يا سمر يا بتى حرام عليكى ده انا ما فيش حاجه فى الدنيا طلعت بيها غيرك انتى واخواتك ليه تحرقى قلبي عليكى يا بتى ليه كده
وحضنتها وبقم يبكوا هم الاثنين… بعد فتره كانت فضه فردت جناحاتها خالص لدرجة ان خليل نفسه بقى يكرهها بس دايما كانت بتهدده انها هتاخد ابنها وتمشي لانو فى حضنتها ولسه صغير.. وخليل سافر شغل ونعسه كانت بتنضف فى البيت بس جات فضه تبكى وقالت….
الحقينى يا نعسه الواد حبيبى سخن وقولت اديه الدوا كيف كل مره وخلاص بس ما بتنزلش الواد بيروح منى
نعسه.. يا لهوى ما تتصلى بابوه
فضه.. ابوه في الشغل ما بيردش على التليفون والواد سخن قوي وانا مش عارفه اروح بيه فين
نعسه.. هو ايه اللي مش عارفه تروحي بيه فين هتروحي بيه المستشفى
فضه.. ما انا ما عارفاش ما عارفاش الطريق ما عرفاش اروحها كيف
نعسه.. اه ما انتى كان اخرك تمسحى المطبخ بس اقول ايه العيب ع اللي نظفك البسي ويلا تعالي انا هاخدك ونروح
وجات تشيل الواد بس فضه شدته منها وقالت…
لا ماتشيليش ولدى انا ام الواد
نعسه بضيق.. طب اتفضلى يا ست ام الواد صح المحسن فيكى مجرم
وراحوا على المستشفى واخدو منهم الولد فضه قالت..
بقلق…
هم تاخروا جوه ليه ومدخلونيش مع الواد ليه
نعسه.. كفايه زن يا فضه الواد سخن كان المفروض تقولى بدري من اول ما لقيتي السخونيه تطلعى بيه طوالي بس لازم تتفلسفى وتدى دوا من نفسك
فضه… فكرتها هتنزل ما على طول بيسخن
بس طلع الدكتور وقال.. الحراره مرتفعه جدا معديه ٣٨ ودى بالنسبه لطفل اقل من ٣ شهور خطر جدا انتم ما جبتهوش بسرعه ليه… اتاخرتو قوى.. عموما احنا علقنالو المحاليل وادينالو حقن والدواء وربنا يستر
فضه بقت تقول.. يعنى ايه ولدى هيموت لاه انت بتقول ايه وفلوس خليل مين ياخدها.. يموت يموت كيف كده نعسه هترجعنى الشارع تانى..
نعسه.. يا مجنونه ولدك هيروح وانتى متبهدله ع الفلوس
واتصلو بخليل وجيه وبقى يزعق مع فضه ويقول..
الواد هيروح بسبب اهمالك بقالك ٣ ايام ما جبتيهوش هو انتى فاضيه من هتاخدى ايه وهتكدى نعسه كيف وهتاخدى لولدك ايه اهو هيرتاح ويريحك
فضه… انا فكرتها عاديه مش مستاهله اقول عيان ولدى راجل عمرو ما يعيا دوك هيقوم..
خليل… يمكن من عمايلك خوفتى يشمتوكى لما تقولى عيان ولا انتى اصلا عقلك مش مستوعب ان الولد ممكن يعيا ويروح منك
وقضو يومين في المستشفى مع الولد بس الدكتور قال لهم ان الولد اتوفى الكلمه نزلت على فضه بصدمه صدمة عمرها.. عمرها ما اتخيلت ان السبب في سلطتها يروح منها بقت تقول…
لا ولدي عايش هيقوم ياخد ورث ابوه يموت كيف ويهمل الاراضي والبيوت مين يحكم الاراضي ومين يحكم البيوت بتاعه ابوه ومين يشيل اسمه لما هو يموت انت دكتور اهبل ابعد
وبقت تقوم في الولد ورفضت تديه الممرضين وتقول..
انا ولدي عايش…. ولدي هياخد الفلوس الكتيره قوم يا حبيبي
خليل كان قاعد على كرسي وحاطط ايديه على دماغه بصدمه ونعسه قعدت جنبه وحطيت ايدها على كتفه وقالت….
شافع يشفعلك عند ربنا ان شاء الله
خليل… ذمبك ده يمكن ربنا عاقبني عشان انا بعدت عنيكم لما جبته اهو جبت الواد وراح منى
نعسه… يمكن عشان ترجع لعقلك وتلم بناتك تحت جناحك هم زعلانين قوي يا خليل
خليل… انا لو ربنا كان رايدلى بولد كنت جبته منك تقبلونى يا نعسه من تانى ولا كرهتونى
نعسه.. تؤ ده بيتك يا خليل واحنا عيلتك ومهما تغلط نسامحك
و بعد اسبوع عدا عليهم كانو متجمعين نعسه وخليل وبناتهم وقاعدين حوالين طاوله الفطار وخليل كتب لكل بنت قطعت الارض بتاعتها بالتساوي وكتب ارض لنعسه.. والعزبه رجعلتو تانى لانو. ورث ابنو وادا لفضه حقها بعد ما طلقها ورجعو عائله تاني زي الاول واحسن.. بس فضه كانت قاعده قدام السرايه وهي حافيه وهدومها متبهدله وجمبها فلوسها حطاها فى الشارع بلامبالاه وفى منها اللى تسرق وبقو شويه قليلين حطاهم جمبها وشايله هدوم ابنها اللى كان لابسها يوم موتو.. وبتكلم الناس اللى فى الشارع اللى كانو بيبصولها بشفقه من حالها.. وهى بتقول
انا ولدي حاكم السرايا دي كلها اه هو حاكم السرايا امال ايه ما انا ام الواد وهو ود خليل الوحيد جابو بعد البنته السته البت نعسه خليتها خدامتى بتجهزلى الحمام جوه اه امال ايه ما هى ام البنته وانا ام الواد انا ولدى هياخد كل الفلوس دى
دى نهاية فضه لانها اتمردت على النعمه وعضت الايد اللى تمدتلها فعلا صدق الله في قوله بسم الله الرحمن الرحيم
(إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءًا فَلاَ مَرَدَّ لَهُ وَمَا لَهُم مِّن دُونِهِ مِن وَالٍ)
الناس لو غيرت من نفسها للاحسن ربنا بيعينهم ويبدل سيئاتهم بحسنات…. انما لو افتروا وسلكو طريقه الظلم والطغيان ربنا بيغضب عليهم وبتكون نهايتهم الهلاك وفضه افترت على نعمه ربنا انعم بيها عليها وجات على اكتر واحده ئمنتلها وساعدتها ودخلتها بيتها.. وكانت ماشيه في طريق الهلاك ربنا ادها فرصه بس هي منتهزتهاش ابدا بالعكس استغلتها اسوء استغلال عشان كده ربنا غير حالها من الحاله الميسور لحال ما يسرش العدو ولا الحبيب لان ربنا قال ان حياتنا هتبقى على حسب اعمالنا ان خير خير وان شر شر زى الارض حسب زرعنا بيكون حصادنا.. وقال فى كتابو العزيز.. بسم الله الرحمن الرحيم
- اقرأ ايضا روايات ترند – كوكب الروايات