رواية حين يغار القلب الفصل الحادي عشر والاخير 11 – بقلم مصطفى جابر

بعد شوي في عربية زين..

زين بجمود: هحاسبك علي وقفتك مع اللي ما يتسمى ده.

رحاب بهدؤء: ماله يا زين هو كويس وو..

زين مقاطعا ببرود: لو كملتي كلام عنه همنعك من اللعب نهائي وانتي عارفه اني قادر اعملها كويس اوي.

رحاب بخوف: خلاص طب من حقي افهم ليه انت وزياد خايفين منه اوي كدا هو عمل حاجه طيب.

زين بهدؤء: مش مهم عمل اي انا اللي عندي قولته..

رحاب بغيظ: ماشي..

عند سعدية..

_ صافي اي الي عمل فيكي كدا وفين زين مدخلش معاكي ليه.

صفيه بجمود: سابني و مشي مع اخته و قمر.

سعدية بصدمة: قمر و رحاب اي جابهم في المكان اللي كنتوا فيه يا بنتي.

صفيه بخنقة ودموع : صدفة وقمر اغمي عليها وزين خدها وجري بيها وانا مش عارفه اعمل اي انا مش عاوزه غير انه زين يكون ليا و لو مبقاش ليا مش هيكون لغيري.

سعدية بخبث: هيكون ليكي يابت ولا تحطي في بالك حاجه سيبي الموضوع علي امك.

صفيه بمكر: ماشي وريني هتعملي ايه..

بعد شويه..

سعد دخل بخضة: في اي يا سعدية جايبني علي ملاء وشي ليه كدا.

سعدية بتكلم سعد اخوها والد زين: انا مش عارفه اقولك اي ولا اي بس بنتي بتروح مني يا سعد.

سعد باستغراب: مالها صفيه حصل اي.

سعدية بمكر: واحد بيهددها انه عاوز يتجوزها غصب عنها ولو مش وافقت عليه هيشوهها وانا مش عارفه اعمل اي يخويا احنا ملناش غيرك و محمد ابني مفيش منه اي رجا دبرني اعمل اي.

سعد بغضب: هو مين الحقير ده وانا اوديهولك ورا الشمس

سعدية بخبث: انت عاوزاني اقولك عشان تروح تعمله حاجه ويجي يأذي بنتي لا يا سعد مش هعمل كده انا عاوزاك تشوف لي حل مش تبوظ حياة بنتي اكتر ماهي بايظة.

سعد بهدؤء: وايه اللي بوظ حياة بنتك من الاول.

سعدية بخبث: بنتي قاعده من غير جواز بسبب انها بتحب ابنك زين ومش قابله غيره.

سعد بهدؤء: وأنتي عارفه ان زين مش ليها يا سعدية.

سعدية بخبث: اسمع مني ابنك ساب قمر ولو اتجوز بنتي هيقدر يحميها ومحدش هيقدر يجي جنبها.

سعد ببرود وفهم خطة اخته : بصي يا سعدية انا فاهم ومقدر حالتك بس زين قلبه مع بنت خاله و ان شاءلله هيرجعوا لبعض لأني مش مصدق اللي هيا قالته ده.

سعدية بغضب و غل: يعني مش عايزو ياخد بنتي المتربية مية مرة وعايزو يرجع ل بنت خاله المتجوزة عرفي ومقضياها معا الشباب؟

سعد ببرود: قمر بنت ناس ومحترمه وقولتلك انه اللي حصل دا مش حقيقي اكيد وراه حاجه ومفيش حاجه بتستخبي يا سعدية و لو عاوزة تحمي بنتك بلغي عن اللي عمل كدا واحنا جنبك سلام.

مشي وسعديه مصدومه

تاني يوم..

عز كان نازل من البيت قابله وليد بص له بقرف.

وليد ببرود: علي فين يا عز.

عز بغضب: ميخصكش و انت ملكش تدخل بيتنا امشي يا اخي محدش طايقك و قمر مش بتكره قدك.

وليد بهدؤء: انا بحبها وهاخدها.

عز بطفولة وغضب: يبقا انت مش راجل عشان تقبل تاخد واحدة قلبها مع غيرك زين احسن منك مش بيخلي اختي تعيط انت بسببك بتقعد تعيط وانت بتمد ايدك عليها هي اختي عملت لك اي ليه مش راضي تسيبها في حالها دي الوحيدة اللي كانت بتعاملك حلو تقوم تأذيها كدا.

وليد وقف يفكر في كلام عز و حس بوجع بص ل عز بهدؤء و ورجع تاني مدخلش..

كان واقف زين بعيد بس سمع اللي اتقال و وليد ماخدش باله منه.

عز بفرحه جري علي زين: زين الحق قمر يا زين وليد هو اللي هددها بيا انا وماما.

زين بهدؤء: انا عايزك تحكيلي وتقولي حصل اي بالظبط.

عز حكى له كل حاجه..

زين كور ايده بغضب: وحياة امي لهوريه المهم قمر عاملة اي.

عز بحزن: عمالة تعيط من امبارح يا زين.

زين بأبتسامة: متخفش انا هعرف اخليها ترجع تضحك تاني.

عز حضن زين..

عند قمر..

مها بابتسامة: تاكلي يا حبيبتي.

قمر بتعب: مش عاوزة اكسر صيامي يا ماما معلش.

مها بحنان: انتي تعبانه يا حبيبتي عوضيه بعد رمضان.

قمر بهدؤء: سبيني علي راحتي.

_قمرررر

بصت قمر للصوت بصدمة: زين.

زين بعصبية: ليههه محدش قالي الكلام دا ليه محدش قالي علي كل اللي حصل ليييي.

قمر بدموع: عاوزني اجاي اقولك اي وهو عاوز يخلص من اقرب الناس ليا واحنا ملناش لا ضهر ولا سند.

زين بعصبية: وانا روحت فين مجتيش ليا ليه وقولتيلي ليه تعملي فينا كده وتدمرينا .

مها بحزن: كان مهددنا يا زين يبني ووليد مجنون وممكن يأذي عيالي وانا مش حمل اخسرهم زي ابوهم.

زين بهدؤء: وهو انا مش ابنك يا مرات خالي؟ للدرجة دي انا مش راجل في نظركم ومش هقدر احميكم.

مها بخضة: مين قال كدا.

زين بغضب: انتو اللي قولتو كده… قولتو كده لما خبيتو الحقيقه وكسرتو نفسكم وكسرتوني معاكم ووجعتو الكل كان فين عقلكم وانتو بتعملو كده.

قمر بدموع : غصب عننا اننا نخبي انت فاكر انه سهل اقول علي نفسي الكلام و سهل اسيبك يا زين.

زين بعصبية: بس كان سهل انك تيجي تقوليلي الموضوع من بدايته وكنت هسجنهولك ومكنش حد هيقرب منكم.

مها بدموع: ارجوك يا زين كفايه وليد مريض و ابوه مش راضي يعالجه بسبب انه خايف علي سمعته هو مش واعي لاي حاجه كان لازم نسايسه ونسمع كلامه..حتي لو انت مسكته كان هيأمر رجالته انهم يخلصو علينا.

زين بجمود: تمم انا هتصرف.

قرب من قمر وكان لسه هيلبسها دبلتها بعدت..

قمر بغيرة: وفرها للسنيورة اللي كانت معاك امبارح.

زين بابتسامة: السنيورة محدش بيطقها و كنت معاها غصب و انا مبحبش غيرك البسي دبلتي وبطلي وجع فينا احنا الاتنين.

قمر بصت له بحزن..

مها بابتسامة: اسمعي القناة يا قمر دا زين حبيبك.

زين مسح دموعها ولابسها الدبلة

قمر بقلق: هتعمل اي مع وليد يا زين متأذيهوش هو..

زين بغيرة: انتي خايفه عليه ولا اي.

قمر بحزن: لا صعبان عليا يا زين.

زين بجمود: تمام انا نازل واعملوا حسابكم فرحي علي قمر تالت يوم العيد

مها زغرطت: لولوليي الف الف مبروك يا ولادي .

بعد شويه..

وليد كان قاعد قدام دكتورة سارة و ايده بتفرك بتوتر: انا خايف بابا يعرفاني رجعتلك علشان اكمل علاج.

سارة بفرحه: طب اهدا يا وليد انت اللي بتعمله دا الصح انك عاوز تتعالج.

وليد بدموع: مش عاوز ابويا يعرف انا مش عاوز اشوفه تاني انا تعبت بسببه بأذي ناس كتير بسبب ضربه ليا من صغري و حبسي في اوضة… تخيلي طفل عمره تسع سنين مرمي اسبوعين في اوضة ضلمه تخيلي دا ابسط حاجه كان بيعملها معايا؟

سارة بحزن: كمل يا وليد.

وليد بحزن ودموع: مش هكمل انا مش عايز افتكر الذكريات دي.

سارة بابتسامة: متخافش يا وليد انت لازم تحكي وتطلع اللي جواك وانا معاك وهساعدك بس الأهم من كل ده انك ترجع حق كل شخص ظلمته وأذيته واي حاجه غلط عملتها تعترف بيها.

عند زين في المكتب..

اللؤاء: زين حابب اقولك انه بسبب اللي عملته انت وتيجر قدرنا نمسك اكبر عصابة ومافيا في البلد.

زين بابتسامة: ده واجبي يا فندم دا واجبي.

: وواجبي انا كمان.

دخل تيجر وزين اول ما شافه خده بالحضن: ابو الصحاب .

تيجر بغيظ: انت خليت فيها ابو الصحاب؟ابقي خف ايدك شويه احنا اه بنمثل بس مش للدرجة دي.

زين ببرود: كان لازم يبان قصاد الكل اننا بنضرب بعض بجد وخصوصا الجماعه اللي كانو بيراقبونا فا كان لازم اتخانق وازعق معاك شوية

تيجر بابتسامة: طب المهم قدام سيادة اللواء انا عايز اتقدم لرحاب اختك يا زين عارف ان بسبب اهلي ممكن ترفض بس انا….

زين بابتسامة بيقاطعو : وانا مش هلاقي احسن منك يا طاهر كفاية انك انسان نضيف ووقفت معانا قصاد اهلك وخلتنا نفبض عليهم..بس الأهم رأي رحاب .

تيجر بابتسامة بيحضنو: هتوافق باذن الله.

بعد شويه..

سعد قاعد ومجمع العيلة كلها … وزين دخل وهو ماسك ايد قمر.

صفيه بصدمة: انتو بتعملوا اي مع بعض.

زين بابتسامة: خطيبتي و حقنا نكون مع بعض و اللي حصل انا عرفته كله.

سعدية بلعت ريقهة بتوتر: هو اي اللي حصل.

زين بأبتسامة : اقصد ان وليد كلمني واعترفلي بكل حاجة وانك انتي وبنتك اللي اتفقتو معاه علشان تشوهو سمعة قمر وياخدها مني وبالمقابل تخلو صفية تقرب مني

سعدية بتوتر وغضب: اي الكلام الفارغ دا.. ده اكيد بيشتغلك

قمر بغضب: لا مبيهزرش وكان بيسجلكم لما سمعكم في المستشفي انك انتي اللي سقطي نور

نور بصدمة: ايييي؟ طب ازايي؟

زين بجمود: هيا اللي حطتلك زيت عالسلم وبسبب كده انتي وقعتي وسقطي.. كل الكلام ده متسجل

سعدية بصدمه: كدب والله كدب انا معملتش الكلام ده.. هو انا ازاي هيهون عليا اعمل في نور كده.. دنتو كلكم عارفين اني كنت بحبها

زين بجمود: طيب ابقي قولي الكلام ده في القسم بقي ووليد هيشهد هناك ضدك ومعاه دليل

بعد شويه الشرطه بتوصل وبتاخد صفيه وامها

بعد مرور شهر رمضان في تالت يوم العيد..

كان زين قاعد في الكوشه وماسك ايد قمر بحب: مبروك يا حبيبتي اخيرا هنبقي معا بعض وهيتقفل علينا باب واحد

قمر بابتسامة: الله يبارك فيك يا حبيبي..

رحاب كانت واقفه جنب طاهر..

رحاب بابتسامة: بزمتك مش لايقين علي بعض اوي.

تيجر بغمز: هما فعلا لايقين معا بعض زينا اوي كدا.

رحاب بكسوف وابتسامة: تقصد اي

طاهر بأبتسامة: اقصد اني عايز اتجوزك وزين اخوكي موافق

رحاب بفرحة: امممم سيبني أفكر طيب

طاهر ضحك وراحو يحتفلو بزين وقمر