رواية عالمي الخيالي الخاص كاملة بقلم سلسبيل أحمد عبر مدونة كوكب الروايات
رواية عالمي الخيالي الخاص الفصل الاول 1
– براحة لحسن تقعي
= ششش وطي صوتك!
– مانا خايف عليكي ، امسكي ايدي كويس
= يوسف اوعي تقول لحد اننا بنطلع على سطح البيت لحسن ماما تعرف وتبقي مشكلة!
– مش هقول طبعا تؤ
ضحكت: عارف لما نكبر؟ هشتري بيت كبير اوي اكبر من ده!! عشان اطلع على السطح بتاعه و اشوف الدنيا
= انتي خياليه اوي يا نور
– يعني اي
= يعني… اممم حلوة
– وانت جميل ، بص هناك بقي فالسما
= فين
– عند النجوم اختار نجمة..
شاورت بأيدها و اتكلمت بسرعه: هختار انا دي
ابتسم: وانا كمان هختارها هتبقي نجمتنا انا وانتي
بحماس: ونعمل زي الكرتون ! لو ضعنا من بعض نبص على النجمه و نكلمها و هي هتوصل الرساله! وساعتها.. هنقدر نشوف بعض تاني!
نهت كلامها و ابتسمت له بطفوليه وهي بصاله
– مش بقولك دماغك خياليه و مع ذالك انا متفق مع كلامك ياستي هعمل كده لو ضعنا من بعض!
ابتسمت: بس انت مش هتمشي اصلا احنا هنفضل سوا يا يوسف صح ؟ هتفضل معايا لحد ما اشتري البيت؟
– هفضل معاكي دايما يا نولا
– ممممم طيب توعدني؟ تشاور على قلبك!
= اشاور.
************************************
| بعد 12 سنة | على سطح البيت |
– اها يابنت الجز.مة هو انتي هنا
= هقولك والله يا ماما اصبري
حدفتها بالشبشب “و رشق”: كام مره قولتلك تبطلي تقعدي هنا لوحدك بالساعات هتجنني يابنت الهبله
= خلاص آخر مره
– انزلي ، انزلي ابوكي عاوزك واياكي يا نور فاهمه اياكي؟ تطلعي هنا تاني !
“نزلت بتأفأف وماما بتبصلي و عيونها بطق شرار”
– بابا حبيبي حوش مراتك عني ابوس ايدك
= مش هتبطلي و نكبر بقي ؟ قالتلك كتير السطح ده من غير سور و مش آمان و القعده لوحدك فوق غلط
– ليه!
= هو كده اسمعي الكلام انتي كبيرة و عاقلة
اتكلمت بدراما: انا مجرد سلحفاة صغيرة بتحب تستخبي من العالم القاسي و تدخل الصدفه بتاعتها
بصلها بدهشه: انتي محتاجه دكتور نفسي.
= صدقني يا عادوله! البشر أشرار فا لو تشتريلي قطة او اي كائن اربيه ياه.
ظهر صوت فاطمه: وحيات امك لو دخلت البيت لاطردك انتي وهي دي بتسبب أمراض
– شوفت يا بابا؟
= لو افهم حبك للحيوانات!
– اصلي ملقتش نفسي مع البشر.
= المهم ، فاكره كريم ؟
– كيمو الرزل ابو شعر مقشه ولا مين ؟
= يابت احترمي نفسك ده متقدملك!
– ارفضه زي غيره و لا اقولك ده بالذات ارفضه بأهانه ده بتاع بنات و كل يوم بلاقيه بيرازي ف بت شكل فالحتة
اتنهد بزعل: مش كريم ده الى ساكن معانا ، ده ابن صاحبي هو انا برضو هجبلك عريس من الحتة المعفنة دي!
= آسفه يا بابا انا مش قصدي حاجه لكن الموضوع مش في دماغي دلوقتي.
” المكان الى قاعدين فيه بيئة جدا و بقي مليان ناس غريبة اتغير مبقاش زي زمان ، كنا هنمشي ف اقرب فرصه و لكن حصل لبابا مشكلة فالشغل فا فضلنا ومن بدري و هو حَسَاس ناحيه الموضوع و حاسس انوه مقعدنا فحتة مش مستوانا و لكن دلوقتي بندفع قسط شقة عشان ننقل و فاضل اقل من شهر ونعزل.. ”
************************************
| على سطح البيت | الساعه 10 |
– وبعدين بقي يا نجمة ؟ انا صبرت كتير اوي معقول كل ده بتوصلي الرسالة له ؟ وحشني اوي! قوليله اني بقوله .. وحشتني جدا يا يوسف يابختك عشان مشيت من المكان المعفن ده
ضحكت وكملت كلام وهي باصه للنجمة
– بس اتمني لو ترجع او توصلك رسالتي فا تيجي تشوفني ده لو لسه فاكرني..
” بعدت عيني عن النجمة بضيق و انا بستعد انزل قبل ما ماما تصحي وتكتشف اني عالسطح من تاني فا نزلت للشقة بسرعه ”
– اية ده سارة؟ بتعملى اي يابت قدام الباب بتاعتا هتخشي تسرقينا ولا اي
= اتلهي على عينك امي بعتاني استلف من عندكم بصلة
– طب ماتيجي نشرب شاي الأول ونترزع فالبلاكونه شوية
= يلا بينا يا نونو
..
= يا بت الشاي بتاعي ؟
– جميل ، ها اديني فالصياح هسمعك لبكره بقا
= يوسف
قاطعتها: اسكتي مش هسمع حاجه
= يا سارة بقا ! عايزة اشوفة بس مره! نفسي اشوفه بقي عامل ازاي وكده!
– انتي بتحبيه؟
= ءءء لاء.. طبعا انا يادوبك اعرفه وانا طفلة!
– بس انا حاسه انك بتحبيه اوي بجد
= معرفش صدقيني
– لو هترتاحي لما تشوفيه اتمني تشوفيه ف اقرب وقت.
” قاطع كلامنا صوت خبطة هادية فا توقعت انوه أدهم اخوه سارة ”
– الخبطة الهاديه اكيد ادهم جاي يشوفك اتأخرتي ليه
ضحكت: تعالي نفتح طيب هنسيبه
” فتحت الباب ”
– انتي حيوا.نه يابت ؟ واي الشاي الى ف ايدك ده ؟ انتي جايه تسهري هنا ولا تجيبي بصله وترجعي البيت
= جرا اي يا أدهم متسيب البت تشرب الشاي وبعدين ده بيتها ملكش صالح
– مش وقت هزار اسكتي انتي يا نور
= اسكتي انتي؟ يعني اي اسكتي انتي
سارة قاطعتني: لاء مش وقت دراما هاتي البصلة لما امشي واجيلك الصبح
– بصلة واحده؟
أدهم: لو عندك كميه و مضايقكي هاتيها
= معندناش بصل اصلا انت عارف الكيلوا بكام؟
ساره بصتلها بستغراب: امال مقعداني ليه
– كنت هجبلك توم مش هتفرق كتير عن البصل
ادهم بصلها بنفاذ صبر: طب يلا يا سارة متشكرين
= خد ياعم اصبر بهزر اي مبتهزرش
بصلها برفعه حاجب: لاء مبهزرش
” مهتمتش لتناحته و دخلت تجيب البصلة ”
– خدي يا سارة و ابقي تعالي اشربي شاي معايا براحتك
“كانت قاصده تغيظ أدهم فا سارة ضحكت ومشيوا”
“بصيت عليهم وهما بينقاروا سوا اتمنيت لو كان عندي اخ يخاف عليا زيها و يجيلي لما اتأخر ويقلق عليا لكن انا وحيده.. مكنش عندي الا يوسف! ”
” قبل ما ادخل انام بصيت على نجمتنا من شباك اوضتي ولكني لقتها اختفت استغربت جدا مفيش سحاب مغطي عليها ياتري نجمتي اختفت زيه! ”
*************************************
| في واشنطن عاصمه أمريكا | الساعة 2 |
– ها يا جو جاهز ؟
اتكلم وهو بيظبط البدله: احم جاهز جدا..
– مع اني حاسس انك اتسرعت فالخطوة دي يا يوسف.
= ليه؟
– مش عارف المهم انت هتنزل مصر بعد الفرح صح
= أكيد و الحمد لله صوفيا موافقة و مرحبه بالموضوع جدا بتحب مصر هي وانت عارف من زمان اني بفكر ارجع مصر تاني و استقر هناك بعد ما اتجوز.
– طيب هحجزلك تذاكر الطيران نركز دلوقتي عالفرح
= اوكيه يلا بينا زمان صوفيا جهزت
**
يتبع….
- يتبع الفصل التالي اضغط على ( رواية عالمي الخيالي الخاص ) اسم الرواية