رواية ملاكي الحارس – الفصل الثاني والثلاثون
♡ في متجر المجوهرات ♡
هشام : إختاري إنتي بنفسك
جانيت وهي تنظر إليه : إختارلي إنت نفسي الحاجه اللي ألبسها دايمآ تكون على ذوقك إنت
هشام وهو ينظر إلى فاترينة المجوهرات : ممكن تفرجني الطقم دا من فضلك ؟
أحضر البائع الطقم المرصع بالماس لهشام ف نظر هشام إلى جانيت ثم قال بخفوت : إرفعي شعرك
جانيت وهي تنظر بصدمه : دا غالي اوي اوي !
هشام : دا ميجيش حاجه فيكي ميكفيش جمالك يا جانيت
إحمر وجهها خجلآ وهي ترفع شعرها إلى الأعلى ف ألبسها هشام السلسال ثم قبل عنقها والتفت الى البائع وقال : عايزهم في علبه شيك جداا ودا شيك بالمبلغ عليه تيبس ..
ابتسم البائع وهو يضع باقي المجوهرات في علبه فخمه ف قالت جانيت : مش كتير دا؟
هشام : نهائي ، عمره ما يكون كتير عليكي وع اني أصحى كل يوم الاقيكي في حضني واول ما اصحى اشوف عيونك
نظرت جانيت للبائع ثم نظرت الى هشام وقالت : ومتجر الحلوى ؟
هشام : اقفليه يا جانيت
انتفضت جانيت وهي تنظر له ، رأى هشام علامات الخوف والقلق على وجهها ولم يحب أن يضايقها ف قال : اهدي يا حبيبتي خلاص ، خليه مفتوح بس مش هتقفي فيه
جانيت : امال ايه هيشتغل ازاي روحي هي اللي هتقف فيه !
هشام : روحك وجسمك وكلك هيكون معايا وليا ، اللي هيقف فيه حد محتاج شغل وأمين وهيشتغل برضو ويا ستي لو حبيتي تنزلي ف اي يوم هخليكي تروحي
اقتربت منه جانيت وقبلته على خده وقالت : شكرآ ليك يا ملاكي الحارس
هشام : ملاكي الحارس ؟
جانيت وهي تنظر له بحب : قبل ما اترمي في الشارع كنت ف بيت تيته كلهم كانوا مصممين يرموني الا هي ، كانت دايما تحكيلي حواديت وكنت دايما احكيلها اني بخاف انام لوحدي وبخاف من الضلمه ف طانت دايما تقولي كدا ( يا جانيت اوعي تخافي في ربنا موجود فوق وحامينا كلنا وحاطط ف اوضتك ملاك بأجنحه ذهبيه رقيق معاكي قوي مع غيرك عشان يحميكي دا ملاكك الحارس ، هيرافقك ويكون معاكي دايمآ ظل أجنحته دايما هتحميكي )
هشام : كلامها حلو اوي
جانيت : طبعآ ، اول ما شوفتك عرفت انك انت الملاك المقصود ، حنين معايا وقوي مع غيري عشان تحميني بتحاول تسعدني وتفرحني
البائع : احم ، سيدي ! أخشى انني قاطعتكما ولكنني أنهيت تغليف المجوهرات
هشام : شكرآ لك
التقط هشام العلبه وفتح باب السياره لجانيت ثم ركبت واغلقه وراؤها وركب هو من الجهه الاخرى وانطلقت السياره بهم
♡ في متجر الخياطه الشهير ♡
مارال : انا عايزه افهم احنا لسه جايين من الكافيه حالا وانت قعدت برضو ع ماكينة الخياطه ، شغل ايه اللي عندك هو انت مش خلصت فستان جانيت !
جيمي : وانا يا جاهله لو عملت تصميم واحد ممير وسيبت شغلي عمري ما هرتقي ! لازم اكمل ومقفش
مارال بجديه : انا سيبت شغلي يا جيمي
جيمي : في الصالون بتاع تصفيف الشعر ! ليه يابنتي !
مارال : مش حباه ومش لاقيه نفسي فيه
جيمي : تقومي تسيبيه قبل ما تعرفي نفسك تشتغلي ايه وتكوني ايه ! الله يصبرني
مارال : هوووف وانت متضايق ليه
جيمي : ايه اللي متضايق ليه يا زفته انتي هتجننيني ! هتعملي ايه انتي دلوقتي
مارال : هساعدك طبعا !
جيمي : دا طموحك ؟ تبقي مساعده لشخص !
مارال : ماهو مش اي شخص انت خطيبي يا جيمي
جيمي : طب تعالي اقعدي جمبي ونفكر مع بعض
مارال : لا انا متضايقه منك
جيمي : يا ستار متضايقه ليه ؟
مارال : عشان على طول بتعنفني مش بتشجعني
جيمي : اعقلي يا مارال وشوفي بتقولي ايه ، عمري ما هشجعك ع الفشل
وفجأه فتح باب المحل ودخلت جانيت بسعاده وهي تقول : مساء السعاده
جيمي : أهلا أهلا بعروسة ال ..
نظر لها جيمي بصدمه وهو يقول : في ايه !!
ابتسمت جانيت بينما وضعت مارال يدها على فمها بصدمه
جيمي : انتي بتتكلمي يا جانيت !!
جانيت وهي تضع يدها على رأسها : نسيت أبلغكم والله غصب عني ، انا جيت عشان اخد رأيكم ف حاجه
جيمي : لا ثواني بس من امتى بتتكلمي ! واحنا اخر من يعلم كدا
مارال : مبروك رجوع صوتك يا حلوه
جانيت بخجل : ميرسي ، مش هعرف أتأخر أكتر من كدا لإن هشام في العربيه ، إيه رأيكم في سلسال شبكتي ؟
مارال : واوو يجنن بجد جبتيه من فين
جانيت : اونكل جورج للمجوهرات ، رأيك يا جيمي ؟
جيمي بصدمه : انا مش فاهم حاجه يعني انتي رجعلك صوتك وبتقولي شبكتك !
جانيت : هشام اتقدملي عشان نتجوز
مارال بصدمه : مبرووووووك بجد
جيمي : نعم ! اتقدملك وهو خاطب !
جانيت : لا هو حل موضوع خطوبته متقلقش ، حساك مضايق ليه مش فرحان عشاني
جيمي : عشان متهوره يا جانيت ومش بتفكري
جانيت : صدقني والله بيحبني وهيتجوزني وجابلي الشبكه اهو ، ممكن عشان خاطري تباركلي عشان اعرف افرح ؟
جيمي : ولو اني مش بطيق هشام دا .. بس شايف لمعه ف عيونك يا بنت ، من قلبي مبروك
جانيت بسعاده : عقبالكم يا حلوين
مارال : لا ياختي احنا مخطوبين ، عقبال الفرح بقى اما نشوف اخرتها
جيمي وهو ينظر الى مارال بغيظ : هي بتهزر بس ، روحي انتي ياجانيت عشان متتأخريش
جانيت : حاضر يلا باي
خرجت جانيت ف نظر جيمي الى مارال بغضب ف قالت مارال : مالك في ايه !
جيمي : نا اللي في ايه يا ام لسان عايز قصه !
مارال : انا بتكلم عادي يعني
نظر لها جيمي بغضب بينما هي ابتسمت ثم اكمل عمله
♡ في السينما ♡
كان فؤاد يمسك بعلبة المناديل وباليد الاخرى الفشار وهو يقول : خلاص اهدي يا حبيبتي
بيرلا : شوفت كان فاكر انها هتموت راح هو مات قبلها اهييء
فؤاد وهو يمد يده بعلبة المناديل : دا فيلم يا حبيبي
بيرلا : وإن يكن ! انا عندي مشاعر برضو اهييء
فؤاد : الله ما هاين عليا اشوفك بتعيطي عشان خاطري اهدي
بيرلا : خلاص خلاص ههدى اهو
أحد المشاهدين : هل يمكنكم الالتزام بالصمت قليلا ! انها ليست صالة ديسكو هنا انه فيلم لعين
فؤاد وهو ينظر للرجل : نستطيع ان ناحدث متى شئنا ف الافضل لك انت ان تلتزم الصمت قبل أن أقوم وأضع الفشار في ..
بيرلا وقد احمر وجهها : خلاص يا حبيبي هو فهم مالوش لزوم الكلام الوحش
فؤاد بصوت عال : اتكلمي براحتك وحطي مناديلك ف بوقهم محدش يقدر يكلمك
بيرلا : شششش يا حبيبي اهدى بتزعق كدا ليه
فؤاد : انا اشتريهم بصالة العرض بتاعتهم
بيرلا وهي تنظر للشاشه وتضع يدها على فمها : يا فضيحتي انا الليله يا فضيحتي
أمسك فؤاد بيدها يقبلها ف قالت : يسلام بعد اللي انت عملته عادي كدا !
فؤاد : اهدي طيب مش هزعق تاني
نظر الى الفيلم وهو يبتسم بينما نظرت له بيرلا بصمت وهي تبستم له
♡ في سيارة هشام ♡
توقفت سيارة هشام أمام إحدى المطاعم الراقيه ونزلت جانيت ثم قالت : غالي اوي المطعم دا يا هشام
هشام : هو انتي ليه بتدققي في السعر يا حبيبتي عيشي اللحظه واستمتعي
جانيت : انا بس عشان مصاريف جوازنا
هشام وهو يضع يده بجيبه ويبتسم ثم قال : ليه محسساني انك هتتجوزي موظف بنك مثلا ؟ انتي عارفه انا حسابي فيه كام من العشر سنين ششغل في واشنطن ؟
جانيت بابتسامه : ربنا يزيدك
حمل هشام جانيت ف قالت : لا اوعى تدخلني المطعم بالمنظر دا
هشام : ليه
جاانيت : لا بتكسف لا
دخل هشام المطعم وهو يحمل جانيت وكان الناس ينظرون اليهم في اعجاب ف احمر وجهها ثم قال : انزلك ؟
جانيت : عشان خاطري
أنزلها هشام وقال : وشك احمر عشان شيلتك قدام الناس ؟ امال لو عملت كدا هتعملي ايه
جانيت : عملت ايه ؟ اقترب هشام منها وأمسك برأسها ثم قبلها أمام الناس الذين صفقوا بشده لهم وكانت جانيت تكاد تقع من فرط الخجل ..
رأيكم يا ملائكيين ؟ 🎻🕊
الفصل التالي: اضغط هنا
يتبع.. (رواية ملاكي الحارس) اضغط على اسم الرواية لتجد الفهرس كاملاً بجميع الفصول.