رواية ملاكي الحارس – الفصل التاسع والعشرون
فإن حق الحبيب على الحبيب ان يكون لهُ فقط 💙”
♡ في المنزل المتطرف ♡
إستيقظت جانيت على أشعة الشمس القويه في عينيها ، ف وضعت يدها على وجهها تجنبآ للشمس ثم أفاقت وإعتدلت في جلستها ، وجدت هشام نائم ف إبتسمت وإقتربت منه وهي تنظر إلى ملامحه وهو نائم ، وضعت أصابعها البيضاء الصغيره على وجهه نزلآ إلى ذقنه ، كم تعشق أدق تفاصيله ، أخرجت هاتفها ونامت على صدره مره أخرى ثم التقطت العديد من الصور لها معه وهي نائمه داخل حضنه ثم أغلقت الهاتف واحتضنته بقوه ف قال بهمس : خلصتي تصوير ؟
قامت جانيت مره واحده وهي محمرة الوجه من الخجل ثم قالت : اا ان انت ك كنت صا صاحي ؟
هشام وهو يعتدل ويقترب من وجهها : قولت أشوفك بتعملي ايه ، الحقيقه استمتعت شويه بمشاعرك
جانيت : ب بس ط طيب عش شان بتك كسف
هشام وهو يقبلها على وجنتها : حاضر
وضعت جانيت يدها على وجنتها ثم قامت ركض الى الحمام وأغلقته فيما جلس هشام وهو يضحك عليها
♡ في الفندق ♡
كانت الشمس أشرقت وفؤاد وبيرلا مازالوا يجلسون في المطعم الخاص بالفندق
فؤاد : ههههه كسبتك تاني
بيرلا : والله ما هقوم الا أما أخد حقي
فؤاد : العبي غيرها يا شاطره بقالك ٣ ساعات بتقولي كدا
بيرلا : طب نغير اللعبه طيب
فؤاد : يا بنتي انتي مبتزهقيش من الخساره ؟
بيرلا بثبات وهي تنظر لعيناه : لما اكون متأكده إني هكسب في الاخر يبقى عمري ما هزهق
نظر فؤاد.داخل عيناها مطولا ثم قال بخفوت : تقصدي اللعبه صح
بيرلا : انت ليه خطبتها يا فؤاد
فؤاد : تااني يا بيرلا قولتلك مش هعرف أجاوب
بيرلا : بتحبها ؟
فؤاد : بحبها بس مش الحب اللي في دماغك
بيرلا : لا معلش مش فاهمه
فؤاد : يعني تعالي نتمشى في حديقة الفندق شويه عشان اشرحلك
ثم وقف وقال : هاتي ايدك يلا
مدت بيرلا يدها له ف شدها بقوه حتى وقعت عليه ف انحنى وحملها ف قالت : الناس بتبص يابني بطل هبل
فؤاد : دا عقاب الخسران يتشال قدام الناس
بيرلا : فؤاد بجد.الناس بقت تبص انا هموت من الاحراج
فؤاد بصوت عال وهو يحمل بيرلا : مومياء مصريه للبيع
عضته بيرلا في كتفه ف صرخ ف قالت : انا هوريك لعنة المومياء انا هوريك
ضحك فؤاد وهو يخرج بها الى الحديقه ويقول : خلاااص يا مجنونه هنزلك ..
♡ في متجر الخياطه الشهير ♡
مارال : هطلع امتى انا من هنا
جيمي وهو يكمل خياطة الفستان الخاص بجانيت : لسه يا بنت لسه ! اكيد في خطر عليكي وانا مش هسمح ب كدا
مارال : بس انا زهقت جدا
جيمي وهو يعمل بتركيز : حد يزهق من حبيبو ؟
مارال وهي تصفق : اخيراا كلمه عدله اما ابتديت احس اني واحد صاحبك من كتر ما انت منشفها عليا
جيمي : هاتيلي المتر يا مارال بعد اذنك
مارال وهي تحضره : صبرني يارب اهي دي ضريبة اللي تتخطب لمصمم ازياء مشهور
جيمي وهو يعمل ويبتسم : بس عمرك ما هتندمي صح ؟
مارال وهي تضحك وتحتضنه من الخلف : مستحيل اندم
♡ في سوق البندقيه الكبير ♡
أمسك البائع الجريده وهو يقول لزميله : أحوال البندقيه استقرت نوعآ ما ، منذ زمن لم أجد الشمس مشرقه بهذا الشكل
زميله وهو يعبأ الفاكهه في حقيبه : نعم يا صديقي منذ خبر رحيل باقي أفراد المافيا لا يوجد حزن وبروده بعد الان . تفضلي سيدتي الفاكهه ..
أغلق البائع الجريده وهو يبتسم وكان زميله لا يقل سعاده عنه وهو يعمل ، وكانوا من كل قلبهم يتمنوا لو ان الحياه تظل تسير على هذا الشكل الجميل
♡ في المنزل المتطرف ♡
كان هشام يقطع الاخشتب حنى لا يأتي الليل عليهم ببرودته المعتاده ، أما جانيت ف كانت تقطف من الشجر الفاكهه نظرآ لعدم وجود طعام غيره
قال هشام : دي شجرة ايه اللي بتقطفي منها يا ملاكي ؟
ابتسمت جانيت وهي تمسك ب سلة الفاكهه : ت تو توت
هشام : شبهه خدودك لما تتكسفي وتحمر
وضعت جانيت شعرها خلف أذنيها ف ابتسم لها هشام وأكمل عمله ف اقتربت منه جانيت وقالت : م مش ه هتاكل ؟
هشام وهو يضع الاخشاب على الارض : مش عارف
جانيت : م مش عا عارف اا ايه
هشام : ما تيجي نفضل هنا على طول
ضحكت جانيت ف قال هشام : لا بجد حابب افضل معاكي على طول مش عايز احساس الراحه دا يروح مني
جانيت : اا انا بحب كك
حملها هشام وهو يقبلها ، كانت تشعر معه ان الله عوضها عن كل شيء سيء حدث لها ، مشاعره تجاهها كانت قويه حتى كادت تفقد الوعيي ولكنه أنزلها وهي يمسك خصلات شعرها وينظر لعينيها ويقول : اسف يا ملاكي بس دي الطريقه اللي قدرت اقولك بيها اني بحبك
ابتسمت له جانيت وهي تحمل السله ثم دخلت الى المنزل ودخل هشام وراؤها ..
♡ في حديقة الفندق ♡
كان فؤاد يسير وهو يضع يده بجيبه وبيرلا تسير بجانبه ف قال : لسه زعلانه من حركة المومياء ؟
بيرلا : تؤ عارفه انك بتهزر
فؤاد : وحشني الكلام معاكي اوي
بيرلا بابتسامه : فاكر من عشر سنين لما روحنا الماركت اشترينا حلويات كتير وبعدها على طول عملنا رياضه
فؤاد : يااه طبعا فاكر
بيرلا : وحشتني الايام دي اوي
فؤاد : احنا فيها
بيرلا : مش فاهمه؟
فؤاد : تعالي اوديكي ماركت اجبلك كل اللي نفسك فيه
بيرلا : اللي نفسي فيه مش في الماركت يا فؤاد
فؤاد : امال فين
بيرلا وهي تمسك يده وتضعها على قلبها : هنا بالظبط
نظرت داخل عيناه ونظر هو داخل عيناها أيضآ ، نسوا تماما وجود الناس من حولهم ف اقترب فؤاد منها وقبلها ، أغمضت بيرلا عيناها وعانقت عنقه واندمجت معه وفجأه سمعوا صوت : اييييه داا!
التفتوا ليجدوا نشوى تقف وتنظر اليهم وقد كان الهاتف بيدها على وشك أن يتحطم من الغيظ …
رأيكم يا ملائكيين في البارت ال ٣٠ ؟ وفي رواية ملاكي الحارس ؟
بكرر ان البارت مش قصير وانا قاصده اوقفه هنا ❤
الفصل التالي: اضغط هنا
يتبع.. (رواية ملاكي الحارس) اضغط على اسم الرواية لتجد الفهرس كاملاً بجميع الفصول.