رواية ملاكي الحارس – الفصل الثاني والعشرون
♡ صباح اليوم التالي ♡
إرتفع صوت المنبهات وإرتفعت الشمس إلى السماء لتعلن بداية يوم جديد ولكن ..
غرفة بيرلا
بملؤها الصمت والسكون ورائحة الحزن تنتشر في المكان إضافه إلى ذلك هاتين الفتاتين على الفراش
من يراهم يظنه بوستر لفيلم حزين مأساوي ..
قامت بيرلا وجلست على فراشها وهي تقول بصوت بارد جاف خال من الحياه : جانيت الساعه ٨ الصبح ..
كانت الاخيره تحتضن وسادتها وهي تبكي بصمت لم تكف عن البكاء طوال الليل ولم تقم عندما سمعت الساعه
ف قالت بيرلا بصوت مكسور : شكلك مش هتعرفي تفتحي المتجر انهارده
دفنت جانيت وجهها بوسادتها وهي تبكي بصمت
وفجأه وضعت بيرلا يدها على قلبها وهي تقول : فؤاد خاطب وبيحب ..!
كانت كلما تحدث بيرلا ذاتها تبكي جانيت بقوه وتمسك بالوساده تعتصرها
دخلت بيرلا الحمام وجلست على الارض تبكي ..
قامت جانيت وأمسكت بمذكراتها وكتبت جمله واحده فقط ولكن يمكن لأي أحد سماع صوت قلبها يتهشم في تلك الجمله التي كانت ( أشعر أنني أتمنى لو أتقيأ قلبي حتى يتوقف عن الشعور بالألم ! )
♡ في الحديقه ♡
كان هشام يجلس بجانبه نجلاء وهي ترتشف من العصير الخاص بها وأمامهم فؤاد ، قال هشام : فين جانيت وبيرلا ؟
هيلين : نايمين يابني
هشام وهو يعقد حاجبيه : مش عادتهم المفروض بيصحوا بدري
فؤاد : هو حصل حاجه ولا ايه ؟
هشام وهت ينظر اليه بارتياب : انا قولت كله يكون موجود عشان اقول الخبر
هيلين : هطلع أناديهم يابني
وقبل أن تقوم من مقعدها وجدت بيرلا وجانيت يقتربون وهم يرتدون ملابس قاتمه بدون نقوشات وبدون حياه بها ورفعوا شعرهم الى الأعلى
بيرلا بدون أن تنظر إليهم : عايزه أسمع الخبر عشان عندي مشوار مهم أنا وجانيت
هشام : على فين
بيرلا : مش لازم تعرف
هشام بغضب : نعم ياختي ؟؟ مين اللي مش لازم يعرف
ركلت بيرلا بكل غضب العالم الطاوله حتى انسكب العصير وانتفضت نجلاء وهيلين ف قالت بيرلا : اياك تفكر تكلمني كدا تاني ! ف ثانيه ابيع البيت واخد نصيبي وامشي
هشام : والله ؟ بتهدديني !
بيرلا : اه بهددك متوجهليش اي كلام ولا تسألني عن حاجه وقول الخبر
هشام وهو يحاول أن يمتص غضبها : طب اقعدي
جلست بيرلا وهي تركل بقدمها الكوب المتساقط ف قال هشام : يا جماعه فؤاد خاطب واحده في واشنطن
بيرلا ببرود وبدون ان تنظر اليهم : ايوا والمطلوب ؟
اندهش فؤاد من ردة فعل بيرلا .. ظن انها متعلقه به ف ستغضب او سيظهر على وجهها علامات الاستياء ولكنه وجد مسامات وجهها ميته بارده
ف أضاف هشام : هو هيسافر انهارده واشنطن عشان يجيبها هنا بما انها خطيبته ف هي ونجلاء هيعيشوا معانا في البندقيه وهنتجوز هنا في البندقيه ..
بيرلا ضحكت .. ضحكت كأنها لم تضحك من قبل وقالت : ياااه وبتاخد رأينا ليه ؟
هشام : عشان انتوا عيلتي
وقفت بيرلا وأمسكت بيد جانيت ثم قالت : للجحيم انت وعيلتك !
انصدم الجميع ماعادا هيلين ، كانت تلاحظ انكسار الفتاتين ف قال هشام بغضب : بيرلاااااااااا
ركبت بيرلا سيارتها وبجانبها جانيت وقادت بها بعيداا . بعيد جدا عن ذلك المنزل الذي يستدعي الالم في أركانه ..
♡ أمام متجر الحلوى ♡
وقف انطونيو أمام المتجر وحوله العديد من الناس في إنتظار المالكه أن تفتح
كان جيمي يتجول بقبعته وعصاه في المدينه ك عادته في ذلك الوقت ولكنه وجد هذا التجمهر أمام المتجر ف اقترب من انطونيو وقال : حصل ايه يا ولد
انطونيو : جانيت مفتحتش ومش موجوده والناس بدأت تستاء
جيمي : يعني ايه جانيت مجاتش ؟
اتجه جيمي الى منزل السيد جمال وهو يستدعيه القلق ..
♡ في سيارة بيرلا ♡
كانت تقود بسرعه في الشوارع وكأنها تنفث عن غضبها في القياده لكنها وجدت جانيت تغلق عينيها بخوف وكادت أن تتقيأ لذا توقفت أمام أحد نوادي السباحه وهي تلهث
ثم خبطت على المقود بقوه عدة مرات بيدها وهي تقول: اللعنه على ابلييس اللعنه
كانت جانيت تضع يدها على قلبها وهي تبكي ف قالت بيرلا : يلا ننزل
نزلت بيرلا ف تبعتها جانيت ونظرت إلى الاسم ف رفعت كتفيها ف قالت بيرلا : ع الاقل نطلع غضبنا في السباحه
دخلوا النادي سويآ ..
♡ عند منزل السيد جمال ♡
وقف جيمي أمام الباب وهو ينظر الى الداخل وجد والدته تجلس في الحديقه ف أشار إليها بيده ف عندما رأته أشارت له أن يدخل
دخل جيمي واقترب من والدته وهو يقول : بونجور
هشام : ايه اللي جابك
جيمي بتحدي : لو عشانك مش هحب اجي الفكره اني جاي لوالدتي عندك مشكله في كدا ؟
نجلاء وهي تنظر لجيمي من رأسه الى قدمه ثم نظرت الى هشام وهي تقول : مين دا يا بيبي وبيكلمك كدا ليه ؟
جيمي وهو يضحك بقوه : بيبي !! تعرف لو والدك لسه عايش كان اتبرع بأملاكه للفقراء والمساكين
هشام وهو يضع يده على السلاح بجانبه قال فؤاد : اهدى يا هشام ثواني
فؤاد ببرود : وانت يا عاقل ايه اللي حدفك علينا
جيمي : ما قولت جاي لوالدتي مش جايلكم
نجلاء : طب ما تخلص وتخرج لانك وترت الجو ؟
جيمي وهو ينظر لها بسخريه قال : على فكرا لو مكانك مش هتكلم بالعظمه دي
نجلاء : اكيد لانك مش زيي
جيمي : بصي هو الاكيد اني مش زيك لاني ك اكبر مصمم ازياء في مدينة البندقيه أحب أقولك انك لابسه قماش رخيص
هشام وهو يقف أمامه : اللي بتتكلم عنها دي هتبقى مرات هشام جمال عارف دا معناه ايه ؟ دا معناه ان من زمان اوووي كنت بنيمك انت والبندقيه قبل الساعه ١٢
جيمي : ومن زماااان اوي بلبسك انت والبندقيه لبس عمركم ما تحلموا بيه
قامت هيلين تقف بينهم وتقول : استهدوا بالله يابني
نظر جيمي بحقد لهشام وقال : فين جانيت !!
هيلين : خرجت مع بيرلا يابني
جيمي وهو يقترب من هشام : صدقني لو مسيت من جانيت شعره بس او حصلها اي حاجه هوريك مصمم الازياء لما ينيم هو البندقيه قبل الليل كمان
ثم التفت وغادر ف قال هشام : انت لو قربت منها بس هطلع عليك القدييم والجديد دي متربيه في بيت جمال باشا ..
♡ في نادي السباحه ♡
كانت جانيت تجلس على المسبح وتضع قدميها الناعمتين في الماء الخاص بالمسبح أما بيرلا كانت تسبح إلى أن استندت على طرف المسبح وهي تبكي وتتذكر
سيسافر !
سيذهب ليحضرها !
ما هذا الفيلم يا الله !
نزلت بجسدها ورأسها إلى الماء وهي تبكي
أما جانيت كانت تبكي وهي تجلس وتحرك قدميها بشرود الى أن اقترب منها أحدهم وقال : لو مش بتعرفي تسبحي ممكن ادربك ..
نظرت له جانيت بصدمه ورعب ف قال وهو ينظر الى جمالها : أسف مقصدش اخضك انتي حساسه جدا ولا اقصد اضايقك طيب ببتتكلمي انجلش ؟ فاهمه المصري يعني ؟ أنا مدرب سباحه هنا
نظرت له جانيت بصمت وصدمه الى أن اقتربت بيرلا وهي تجفف شعرها بالمنشفه وقالت : مش هترد عليك
المدرب بشرود في جانيت : ليه ؟
بيرلا ببرود : لانها خرساء من طفولتها
المدرب : اييه ! ليه بتقولي كدا قدامها هتجرحيها
بيرلا : يا حنين ! ممكن تسيبنا نقعد لوحدنا
المدرب وهو يقوم : اسف مره تانيه لو احتاجتوني انا موجود ودا الكارت بتاعي
قالها وهو يمد يده لجانيت بالكارت نظرت له بدون ان تلتقطه ف التقطته بيرلا وحذفته في المسبح وهي تقول : ماشي شكرا يا حبيبي
التفت المدرب وغادر ف ضحكت جانيت ف ابتسمت بيرلا وهي تقول : بتضحكي ع ايه انتي مش شايفه اللي احنا فيه
لعبت جانيت في خصلات شعرها ف قالت بيرلا وهي تدقق النظر عند باب النادي : عرف مكاننا من فين دا ؟
اقترب فؤاد منهم وقال لبيرلا : أنا جيت اودعك عشان هروح اجيب نشوى
تجاهلته بيرلا وذهبت لغرفة تبديل الملابس
ف وقف امامها في الغرفه وقال : مش هتودعيني ؟
بيرلا : كذب !
فؤاد : مش فاهم ؟
بيرلا وقد دمعت عيناها : كل السنين دي كذب واهتمامك بيا كذب والدليل انك خاطب
فؤاد : تقصدي ايه يا بيرلا
بيرلا وقد نزلت دموعها على وجنتيها : يعني الاحضان الفسح والضحك والسهر والايام والسنين كله كذب انت خاطب صح !
فؤاد وقد لمعت عيناه بدموع : مش فاهم ايه المشكله !
بيرلا وهي تبكي : المشكله ان في حد اتكسر مش هيرجع زي الاول
فؤاد بصدمه : حد !
بيرلا وهي تمسح دموعها : روح هات خطيبتك هنا وعيشوا حياه ورديه ، يلا روح مستني ايه ؟ ما تتحرك بتبصلي كدا ليه !
احتضنها فؤاد وهو يدمع ف بكت وهي تقول : لييه كدا دا انا استنيتك كتيير اوي لييه !
ظل فؤاد يحتضنها وهي تبكي
♡ عند المسبح ♡
جاء النسيم ف داعب خصلات جانيت الذهبيه ، كانت تبكي بصمت إلى أن قال زميل المدرب له : إنظر إلى تلك الحوريه الحزينه ، إنها تشبه الملاك المكسور .
المدرب : عندك حق فعلا ملاك ..
البارت قصير عارفه .. سامحوني ع التأخير وعن كل حاجه .. البارت قصير بسبب ان الاحداث الجايه هتكون كلها تشويق ف وقفته عند الجزء السهل .. بحبكم جدا على فكرا تصبحوا على خير ..
الفصل التالي: اضغط هنا
يتبع.. (رواية ملاكي الحارس) اضغط على اسم الرواية لتجد الفهرس كاملاً بجميع الفصول.