رواية خارج قانون الحب الجزء الثاني – الفصل الثالث والثلاثون
مشهد إضافي لخارج قانون الحب٢
كادر بيشيل السماعات من ودانه وبيتعدل على سريره وهو بيقول لسيا : مش عاجبني لبسها اللي مبين جسمها للي رايح وللي جاي !
سيا بتسند على الباب : وإحنا مالنا ما ..
قاطعها كادر بغضب : أكيد لينا دعوة ! دي بنت عمي وفي وشي وأنا أبقى ديوث لو سيبتها تخرج كدة ولو بابا كان بيعمل معاكي كدة عشان كدة بتقوليلي إني واخد طباعه ف هو صح وأنا فخور إني زيه
دخلت سيليا وقالت بدلع : تقصد إن عمي كينان ديوث ؟
كادر : إخرسي إنتي يا بوتوجاز عشان أنا مقولتش كدة ! أنا بس بقول إنه مكبر دماغه وفاكر إن بنته كدة عايشة بحُرية
سيا بتستغفر بعدين قالت : طب من فضلك يا كادر ملناش دعوة بغيرنا عشان ميفتكروش إننا بنتدخل في حياتهم .. إنت بتعمل كدة ليه يابني
سيليا بنظرة دلع : عشان بيحبها يا مامي واضحة أوي وبيغير عليها ، بس هو مغرور مش عاوز يعترف ب دا
رمى كادر عليها المخدة وهو بيقول : إطلعي برا أوضتي أصلاً
ظهر بدر من وراهم وهو بيقول : هو أنا فاتني حاجة هنا ؟
حضنت سيليا إيد بدر ف ضمها ليه .. سيا بتقول : حمدالله على سلامتك يا حبيبي ، مفاتكش حاجة أنا كنت بكلم كادر عن موضوع كدة
سيليا بتدخل : عشان بيزعق لميرا بنت عمو كينان وبيقولها متلبسش كذا
بدر ببرود : بص إنت معاك حق وأنا مش شايفك غلطان ، بس أرجع وأقول وإحنا مالنا ! كينان حر مع بنته ومراته هو مبيتدخلش فيكم ولا إحنا نتدخل فيهم
سيا بتأييد لكلام بدر : بالظبط
كادر بعصبية : خلاص يا جماعة أنا غلطان بس لو جم هنا تاني مش هنزل أقابلهم عشان أنا مبحبش أشوف الغلط بعيني وأسكت عليه
بدر : إسمع بس محبش قمص العيال بتاعك دا ! هو أنا مش مالي عينك ولا إيه ، بعدين هما أصلاً جايين
سيا بصدمة : طب مش تقولي كنت حضرت حاجة يابدر ! وقاسم جاي هو وريما ؟
بدر : لا هو كينان ومادلين وميرا بس ، ريما تعبانة جداً بيقولي أخر شهور الحمل ف قاعد معاها بيهتم بيها ، مش مشكلة أي حاجة ممكن نطلب جاتوه وفي هنا حجات كتير للتقديم جهزي نفسك إنتي بس
خرج بدر مع سيا ف وقفت سيليا بتقول لكادر : بصرتحة لو مكانك مديش للبت دي أكتر من حجمها
كادر بضيق : بصراحة إنتي دلع أبوكي فيكي خلاكي بني أظمة شكل وبس .. مفيكيش صفات حلوة عشان أتكلم عنها ومغرورة كمان
سيليا بصتله بضيق : أنا مغرورة !
كادر بصراحة زيادة : أيوة مغرورة وبتضايقي أمك بقربك الأوفر لأبوكي ، إطلعي برا أوضتي عشان عاوز أغير
خرجت سيليا ورزعت الباب وراها وهي متضايقة منه
وصل كينان ومادلين ومعاهم ميرا لبيت بدر ، قعدوا شوية ف طلعت سيا تسلم عليهم وترحب بيهم
وصلت لميرا لاقتها لابسة فستان طويل بأكمام ورابطة شعرها لورا
سيا بلطافة : إيه القمر دا يا ميرو ! سكر خالص
مادلين : صممت آنها تلبس الفستان دا قالت عشان متزعلش كادر منها
كينان بيبص لميرا بنظرة ذات معنى وقال : ولا تزعل أبوها ، مش كدة ؟؟
ميرا بهزة راس قالت أه
مادلين بتساؤل : أمال فين سيليا ؟
سيا قعدت جمب مادلين وقالت : سيبيها والنبي لأحسن تنزل تعوجلي بوقها وتقول بدوري ومش عارفة إيه
بدر خرج وهو بيرحب بيهم راح قام كينان حضنه وهو بيقول : وحشتني يا زعيييم
نزل كادر وراهم وهو حاطط آيده في جيبه وسلم عليهم
وسط القعدة قامت ميرا راحت ناحية ماهو واقف وقالت بخجل : أنا أسفة
كادر بنظرة عتاب : أسفة على إيه مش فاهم ؟
خبطت ميرا دراعه وهي بتقول بإبتسامة : بطل بقى أنا عارفة إنك إتضايقت من لبسي المرة اللي فاتت
رفع كادر حاجبه وبص لبعيد وهو بيقول : لا ميخصنيش كل واحد حر
ميرا قالت : تؤ ! طب إيه رأيك في فستاني دا ! * بتدور حوالين نفسها قادمه *
كادر : حلو بس متلفيش بيه كدة عشان ..
بصتله برفعة حاجب وإيديها في وسطها ف قال بإبتسامة : بيبقى شكلك حلو أوي
نزلت راسها بخجل وهي واقفة قدامه ♡
* في بيت قاسم وريما
ريما كانت بتربط شعرها وهي فاردة ظهرها على الكنبة الكبيرة وبطنها منفوخة على أخرها
قاسم واقف قدام التليفزيون بيقولها : طب أجبلك المسلسل دا ؟
ريما بتعب : تؤ في مسلسل إسمه حب للإيجار تابعته زمان ومكملتوش دورلي عليه
إكس جابهولها وبعدين قعد جمبها وهو بيبوس خدها وبيقول : حاسة إنك أحسن ؟
ريما وهي بتاكل : مممم مش أوي ، في الشهور الأولى كان ترجيع بس ، دلوقتي تعب في البطن وحمل على رجلي ودوخة مستمرة ، إبنك هيجيب أجلي قبل ما ينزل ..
حط إكس صوباعه على شفايفها وهو بيقول : شششش بعد الشر على حبيبي ، هتكوني بخير متقلقيش
ريما بحزن : أسفة يا حبيبي عشان مقدرتش تروح لبدر بسببي
إكس وهو بيسند راسها على كتفه : أنا مقدرش أروح في حتة من غيرك أصلاً * مسك إيديها وباسها *
بعد ما كينان ومادلين روحوا ، طلع بدر عشان يتطمن على سيليا اللي محضرتش القعدة
خبط خبطتين ف سمحتله بالدخول
بدر بقلق : حبيب بدوري كويس ؟
رفعت سيليا أكتافها ومردتش
دخل بدر وقفل الباب وراه وقعد جمبها على السرير وهو بيملس على شعرها وبيقول : في حاجة مضيقاكي ؟
سيليا بتنفخ وبتقفل اللابتوب بتاعها : بدوري هو أنا مغرورة ؟
بدر بنفي : تؤ إنتي ليدي ، my little lady ..
سيليا بلوية بوز : طب ليه كادر بيقول كدة
بدر : هو بس إتوتر وإتعصب عشان محدش وافقه على تصرفاته مع ميرا ، غير كدة إنتي مش مغرورة وجميلة فعلاً .. عاوزك تعرفيي إني عانيت كتير في حياتي عشان أعمل بت في ناس حلوين زيك وزي أمك وأخوكي ، كان صعب عليا أثق في حد بس أمك غيرتلي مفاهيمي دي وعرفتني إن الحب مالوش قوانين ، إستحملت معايا كتير عشان كدة هي تستحق تكون هنا ! في البيت الكبير دا وكل طلباتها مجابة .. لإنه حافظت على نفسها وعليكم دايماً عشاني .. عشان هي إنسانة كويسة وأصيلة وعوضتني عن حجات كتير
* سيا كانت واقفة ورا الباب من برا وبتسمعه وهي مدمعة ومبتسمة *
بدر بيكمل : لحد ما جيتوا إنتوا وبقى عندي عيلة بجد ، ناس لما بكون موجود حواليهم بحس بالأمان ، أنا بحبك يا سيليا عشان إنتي جزء جميل من سيا .. وبحب كادر عشان هو جزء جميل مني .. وعشان إنتوا ولاد بدر الكابر اللي أيام سعادته كانت محدودة وبيكم كملت
حضن سيليا ف إتعلقت هي في رقبته وهي بتعيط على كلامه
سيا همست من ورا الباب وهي مدمعه ♡ وأنا كمان بحبك أوي يا زعيم
تمت..
- يتبع الجزء الثالث عبر الرابط : (رواية أبناء الكابر خارج قانون الحب الجزء الثالث) اضغط على اسم الرواية
الفهرس (رواية خارج قانون الحب الجزء الثاني) اضغط على اسم الرواية لتجد الفهرس كاملاً بجميع الفصول.